رواية رفيق روحي
الفصل السابع والعشرون
# آيه عفيفي
عمر: ما شاء الله ناس ادب و اخلاق
ملك؛ فعلا يا عمر ناس طيبين و يدخلوا القلب و العروسه اللهم
مبارك قمر
بس احنا هنلحق نجهز للخطوبه بالسرعه دي
عمر: ان شاء الله نلحق احنا مصدقنا ان يوسف وافق يخطب
مريم: هو اتحدد معاد الخطوبه
عمر: اه يا حبيبتي الاسبوع الجاي عقبال ما نفرح بيكي انتي كمان
ملك: هتساعديني يا مريم في تجهيزات الخطوبه
عمر: سيبي مريم تذاكر عندها امتحانات ربنا يوفقها انا و انتي ان شاء الله نلحق نخلص
مريم: عن اذنكم هدخل اذاكر
طول الاسبوع كنت قاعده في اوضتي ما بخرجش منها مش
عايزه اسمع اي تفاصيل عن خطوبتهم لحد ما جه يوم الخطوبه
ملك: انتي لسه ما لبستيش يا مريم هنتأخر يا حبيبتي
مريم: لا انا مش هاجي
ملك: مش هتيجي ليه
مريم: عند امتحان بعد بكره و ملحقتش اخلص الماده لسه
ملك: مش عايزه تيجي عشان تذاكري هتلحقي تخلصي مذاكره يا حبيبتي بس انتي تعالي عشان يوسف هيزعل لو مجتيش
مريم: يوسف مش هيفتكرني و هو مع خطيبته
و لو سأل عني قولله اني عندي امتحان و اكيد يهمه مصلحتي
ملك: شكلك زعلانه من يوسف مش كده
مريم: لا عادي
عمر: انتي مش هتيجي يا مريم
ملك: لا مش هتيجي عندها امتحان
عمر: ماشي يا حبيبتي اقعدي ذاكري
جده يوسف: عشت وشوفتك عريس يا نور عيني ايه الحلاوه دي يا واد
اضحك كده يا واد النهارده خطوبتك و لا تكون مكسوف
يوسف: يلا يا تيتا هنتأخر
عمر: ايه الحلاوه دي يا عريس رينا يكملك علي خير يا ابني
يوسف: امال فين مريم
ملك: مش هتيجي عندها امتحان و بتذاكر
يوسف: و المذاكره اهم مني يعني
عمر: انت عارف يا ابني انها بتحب الكليه و عايزه تجيب تقدير
يوسف: ربنا يوفقها
..........................
مريم: اسماء تعالي اقعدي معايا انا محتاجاكي
اسماء: في ايه مالك انتي بتعيطي ولا ايه
مريم: تعالي يا اسماء
اسماء: اهدي بس و انا هلبس و اجي
اسماء: في ايه مالك قلقتيني عليكي بتعيطي ليه كده
مريم: يوسف يا اسماء هيخطب النهارده هيخطب واحده غيري انا كنت فاكره انه بيحبني زي ما انا بحبه الكل فاكر اني بحبه زي اخويا بس انا حبي ليه اكبر من كده انا كنت واخده قدوتي و كنت بقلده في كل حاجه .بس هو طلع بيعتبرني اخته يا اسماء
اسماء: اهدي يا حبيبتي ما تعمليش في نفسك كده
مريم: كنت بدعي يكون من نصيبي بس بقي لغيري
اسماء: لو من نصيبك هيكون ليكي مهما حصل ممكن الخطوبه تتفشكل
مريم: شكله بيحبها يا اسماء و هي طيبه و تستاهله
اسماء: اهدي يا حبيبتي بكره تتجوزي واحد احسن منه
مريم: ما فيش حد زي يوسف محدش بيخاف عليا زيه
انا هدعي انه يبقي من نصيبي و انا عندي حسن ظن بالله انه مش هيخذلني
اسماء: حسن الظن بالله مش معناه ان ربنا يحقق الي انتي عايزه معناه اني مهما كان الي ربنا قدره ليكي خير حتي لو انتي مش عايزه
نرضي كده و نقول الحمدلله
مريم: الحمدلله
اسماء: يلا امسحي دموعك و خلينا نقوم نذاكر عايزين نجيب تقدير
انتي بقيتي بخيله من امتي مش هتشربيني عصير المانجو الحلو الي طنط بتعمله انا واحده هفتانه و داخله علي الامتحانات
ما تبصيش ليا كده اه انا باجي عندكم عشان اشرب عصير
يا بت اضحكي بقا انتي قمر و انتي بتضحكي يا جميل
مريم: يلا نذاكر يا سمسم
اسماء: يلا يا جميل
ملك: ازيك يا اسماء يا حبيبتي
اسماء: الحمدلله بخير يا طنط
ملك: الخطوبه كانت حلوه عقبال فرحكم يا حلوين
اسماء: لسه بدري علينا يا طنط نخلص الكليه الاول
عن اذنك يا طنط الوقت اتأخر
بقيت بتجنب اقابل يوسف في مكان غيرت مواعيد في تحفيظ الولاد عشان ما نتفابلش حتي لما بيجي عندنا بقيت بنام او اروح عند اسماء
اسماء: مريم تعالي عشان تساعديني اختار الفستان الي هلبسه في فرح محمد انا اخت العريس ولازم اكون احلي واحده
مريم: انتي قمر من غير حاجه يا سمسم
يلا انا هلبس و اجي
يوسف: السلام عليكم
مريم: و عليكم السلام
عن إذنك
يوسف: هي رايحه فين
عمر: رايحه عن اسماء عشان تساعدها انت عارف محمد فرحه قرب
يوسف: دلوقتي فاضيه و مش عندها مذاكره
عمر: انت لسه زعلان يا يوسف عشان ما حضرتش خطوبتك خلاص يا ابني انسي الخطوبه عدي عليها سنه
يوسف: ماشي
عمر: مش هتحدد معاد الفرح يا ابني
يوسف: لسه شويه
عمر: ليه يا ابني التاخير طالما شقتك جاهزه
يوسف: عشان نتعرف علي بعض اكتر
عمر: يا تعبني معاك يا ابني
.......................
ملك: مالك يا حبيبتي حاسه انك متغيره في حاجه مضايقاكي يا بنتي
مريم: مافيش حاجه يا ماما بس ضغط المذاكره و الامتحانات
ملك: هي الامتحانات طول السنه
مريم: انا اتأخرت علي اسماء و لازم اروح ليها
ملك: ماشي يا مريم
.............................
مريم: ما لكم زعلانين ليه
عمر: يوسف فشكل خطوبته
مريم:الله قصدي ليه يعني دول مخطوبين من سنه و نص
عمر: بيقول مش مرتاح معاها و مش عايز اظلمها معايا
مريم: خير
مريم: سمسم تعالي بسرعه عايزاكي
اسماء: حاضر يا باشا ثواني و تلاقيني عندك
اسماء: ايه السعاده دي يا مريم هانم
مريم: يوسف
اسماء: اوعي تقول لي الخطوبه اتفشكلت
مريم: اه يا اسماء انا فرحانه اوي يا سمسم عايزه اطنط من كتر الفرحه
ملك: ايه صوت الضحك ده يا حلوين شكلك مبسوطين
اسماء: اوي يا طنط اصل كان عندي امتحان و اتلغي
ملك: و ده الي مفرحكم اوي كده
مريم: اه يا ماما اصلها ماده صعبه اوي
ملك: ماشي يا حلوين انبسطوا
مريم: عشان تعرفي انا بحبك اد ايه عملتلك عصير مانجا مخصوص و عملت الكيكه الي بتحبيها
اسماء: ده عشان الامتحان اتلغي و لا عشان الخطوبه اتفشكلت
مريم: الاتنين بس عشان الخطوبه اكتر
...................
جده يوسف: مش هتقولي فشكلت الخطوبه ليه
يوسف: مش عايز اظلمها معايا
جده يوسف: تظلمها ليه ابني
يوسف: مقدرتش احبها قلبي مش ملكها قلبي مع غيرها
جده:مين دي يا ابني
يوسف: ما تشغليش بالك يا تيتا انا داخل انام
جده: ربنا يريح قلبك يا ابني
...........................
ملك: عمر مش ملاحظ حاجه
عمر: في ايه يا حبيبتي
ملك: مريم كانت مطفيه و ما بتخرجش من اوضتها و دلوقتي بقت فرحانه و بتضحك زي الاول
عمر: طب و دي حاجه تقلقك ليه
ملك: رجعت زي الاول من بعد ما خطوبه يوسف اتفشكلت
عمر: قصدك ايه
ملك: قصدي الي انت فهمته
عمر: معقول
ملك: اه يا عمر حتي يوسف هو كمان مكنش مبسوط في الخطوبه
عمر: فعلا عندك حق هو مكنش مبسوط بالخطوبه خالص و مكنش باين عليه الفرحه
بس مش معني كده انه بيحب مريم
ملك: صدقني يا عمر انا احساسي بيقولي انه بيحبها و هي بتحبه
عمر: خلينا نفكر في الموضوع ده و نشوف هنعمل ايه
.........................
عمر: يوسف
يوسف: في حاجه يا بابا
عمر: اه يا ابني عايزك تجهز نفسك عشان تحضر خطوبه مريم الناس هيجوا بعد بكره
يوسف: مريم هتتخطب
عمر:اه
يوسف: و هي وافقت
عمر: اكيد هتوافق الشاب كويس و هي تعرفه كويس
يوسف: ربنا يسعدها
عمر: انت كويس يا ابني
يوسف: اه بس تعبان شويه
عمر: طب روح ارتاح يا حبيبي
...................
الجده: مالك يا ابني
يوسف: مافيش يا تيتا
الجده: انت بتعيط يا يوسف في ايه يا حبيبي احكيلي في ايه يا يوسف ما تخبيش عليا قولي انا ماليش غيرك يا ابني
يوسف: هتتخطب يا تيتا
الجده: مين دي يا ابني
يوسف: مش مهم تعرفيها خلاص فات الاوان
الجده: طب ليه ما اتقدمتش ليها يا ابني
يوسف: ما ينفعش عشان اسباب كتيره
الجده: اسباب ايه يا ابني
يوسف: خلاص يا تيتا كل حاجه انتهت
الجده: طالما كل حاجه انتهت يبقي تنساها و تشوف نفسك
يوسف: انا خلاص قررت اكمل حياتي لوحدي
الجده: عشان خاطري ما تعملش كده يا ابني لو ليا خاطر عندك اخطب و عيش حياتك و ان شاء الله تنساها لما تجوز غيرها
انا حددت معاد مع الناس و هتروح تخطب
يوسف: لا يا تيتا
الجده: عايز تكسفني مع الناس يعني لو مجتش معايا يا يوسف هفضل زعلانه منك و مش هكلمك لحد ما اموت
يوسف: خلاص يا تيتا هاجي معاكي
..... ...............
ملك: مريومه
مريم: نعم يا ماما
ملك: في عريس متقدملك و هيجي بكره جهزي نفسك
مريم: عريس ايه يا ماما انا مش هتخطب
ملك: عمر حدد معاد مع الناس خلاص شوفيه و بعد كده قرري
.................
الجده: يلا يا يوسف
يوسف: لازم يا تيتا
الجده: يلا يا يوسف ما تحرجناش مع الناس
يوسف: احنا راحين ناخد بابا ولا ايه
الجده: اه هنروح عند عمر
الجده: السلام عليكم
عمر: و عليكم السلام اتفضلوا
يوسف: بابا عشان خاطري اقنع تيتا انا مش عايز اخطب
عمر: ليه بنتي مش عجباك
يوسف: اه!! بنتك مين
عمر: معنديش غيرها
يوسف: قصدك مريم
عمر: اه مريم موافق ولا مش موافق
يوسف: موافق
عمر: طب يلا يا ملك نادي للعروسه
ملك: يلا يا حبيبتي اخرجي العريس وصل
مريم: و انا مش موافقه
ملك: انتي عارفه مين العريس ده يوسف
مريم: اه عارفه و مش موافقه
ملك: ليه يا حبيبتي انتي مش بتحبيه
مريم: اكيد الاخت بتحب اخوها
يوسف: العروسه اتاخرت كده ليه بتتقل عليا يعني
مش دي الي كانت بتقولي اتجوزني يا يوسف
الجده: بس يا يوسف تلاقيها مكسوفه
عمر: في ايه يا ملك مريم فين
ملك: مش موافقه و مش عايزه تخرج
يوسف: معلش يا ماما ادخلي قوللها انا عايز اكلمها
مريم: اخرج ليه انا مش موافقه
ملك: اخرجي قول له مش موافقه مش هيحصل حاجه يلا البسي و اخرجي
مريم: حاضر
مريم: السلام عليكم ازيك يا تيتا ازيك يا ابيه
يوسف: ابيه
عمر: خلينا نسيبهم يتكلموا مع بعض
يوسف: ايه ابيه دي
مريم: في ايه يا ابيه
يوسف: في واحده تقول لخطيبها يا ابيه
مريم: و انا مش موافقه يا ابيه
يوسف: ابيه تاني و مش موافقه ليها ان شاء الله
مريم: و ايه الي يخليني اوافق
يوسف: في اسباب كتير
مريم: زي مثلا انك وافقت تخطبني عشان خاطر بابا ما يزعلش منك
يوسف: انتي بتقول ايه
مريم: انا سمعت كلامك انت و بابا يا يوسف و عارفه انك مش عايز تخطبني و انا بسهل عليك و انا الي رفضت
يوسف: انت ذكيه اوي
مريم:يوسف ما تتريقش عليا
يوسف: ايو كده اثبتي عليا يوسف
و بالنسبه الاسباب الي تخليكي توافقي ففي اسباب كتير هتعرفيها بعد كتب الكتاب يا اميرتي انت عارفه دلوقتي في ضوابط خطوبه