رواية " رفيق روحى "
الفصل الاخير
يوسف: انا بقول ننزل نصلي العشا قربت تأذن و بعدين نيجي
نتفق علي معاد كتب الكتاب
عمر: ماشي يا ابني
ملك: ايه يا عروسه مالك
مريم: انا مش موافقه
الجده: ليه يا بنتي
مريم: انا عارفه انه مش بيحبني هو وافق يتجوزني عشان بابا ما يزعلش منه
الجده: لا يا بنتي انتي فاهمه غلط
مريم: انا سمعته و هو بيكلم مع بابا و قاله مش عايز اخطب
الجده: انا و عمر كنا متفقين سوا انكوا تتخطبوا بس يوسف مكنش يعرف انك العروسه عشان كده مكنش موافق .لكن هو بيحبك ما تعرفيش حالته كانت ازاي لما عرف انك هتتخطبي ده كان بيعيط زي العيل الصغير
مريم: يعني بيحبني يا تيتا
الجده: اه يا حبيبتي مش شايفه الفرحه الي في صوته و هو بيكلمك
ملك: يلا اضحكي كده في عروسه تكون مكشره
مريم: ماما انا فرحانه اوى
ملك: ربنا يسعدك يا حبيبتي دايما
.........................
عمر: علفكره انا زعلان منك اوى
يوسف: ليه بس كده
عمر: كنت مخبي عني موضوع زى ده احنا كنا صحاب بس انت خبيت عني، كنت بضايق لما اشوف حزن في عنيك و مش عارف سببه
يوسف: انا آسف بس كنت خايف تفكر فيا غلط و اخسركم و ارجع وحيد
عمر: و انت ماكنتش وحيد و انت بتعذب نفسك و مش عايز تتجوز و قررت تكمل باقي حياتك لوحدك
يوسف: مكنش بإيدي حاجه اعملها
عمر: كان في ايدك تيجي تقولي و انا عمري ما كنت هزعل منك ازعل انك عايز تتجوز بنتي ليه هو انا هلاقي لمريم زيك حد بيحبها و بيخاف عليها بس الحمدلله حصل خير
يوسف: يعني خلاص سامحتني
عمر: ما اقدرش ازعل منك يا ابني
يلا قوم خلينا نرجع البيت
......................
يوسف: مش المفروض اني دي رؤيه شرعيه و المفروض اشوفك
مريم: لازم يعني
يوسف: لا عادي براحتك
مريم: يعني مش هتغير رأيك بعد كده
يوسف: انا راضي بيكي زى ما انتي راضي بيكي بعيوبك قبل مميزاتك و اتمني اكون ليكي الزوج الي بتتمنيه
عمر: نحدد معاد الخطوبه يا ولاد
يوسف: و لازمه الخطوبه ايه هو احنا لسه هنتعرف علي بعض احنا نكتب الكتاب علطول
مريم: لا انا مش هتجوز غير لما اخلص كليه
يوسف: وانا هستني سنتين خطوبه لسه
مريم: و فيها ايه ما انت خطبت سنه و نص
يوسف: بس...
عمر: اهدوا اتنو الاتنين انا الي هتكلم
احنا نكتب الكتاب السنادي و تتجوزوا السنه الجايه مش مشكله تتجوزي في اخر سنه ولا ايه رأيك يا مريم
مريم: الي تشوفه يا بابا
يوسف: يبقي كتب الكتاب يوم الخميس
عمر: علي بركه الله
الجده: يبقي نقرا الفاتحه بقا
يوسف: يا تيتا قرايه الفاتحه دي بدعه و مالهاش اصل في السنه
الجده: اول مره اعرف يا ابني الناس كلها بتعمل كده
يوسف: مش عشان الناس بتعمل كده يبقي صح
الجده: ربنا يعلمنا يا ابني
...................................
مريم: سمسم من الصبح الاقيكي عندي عشان الحق اخلص التجهيزات كتب كتابي بعد يومين
اسماء: كتب كتاب مين
مريم: انا و يوسف يا اسماء
اسماء: هو انا ما كلمكيش يوم ارجع الاقيكي هيتكتب كتابك
مريم: مكنتش اعرف ان يوسف هو العريس و بعدين هبقي اقولك كل حاجه بكره بس اوعي تتأخرى عليا عشان ننزل نشترى الفستان سوا انا فرحانه اوي يا سمسم
اسماء: ربنا يسعدكم يا حبيبتي من الفجر تلاقيني قدامك
اسماء: قوللي بقي ايه الي حصل امبارح بالتفصيل
مريم: حاضر اسمعيني
ملك: مريم
نعم: يا ماما
ملك: يوسف جاب الفستان ده عشانك
مريم: هو يوسف جه
ملك: اه
مريم: و مشي بسرعه كده
ملك: هو كمان مشغول ده العريس
اسماء: خلينا نشوف الفستان
مريم: الله حلو اوي
اسماء: اللهم بارك حلو جدا و يبقي احلي عليكي
الله في رساله مع الفستان
مريم: حاتي يا اسماء انا الي هشوفها
بحثت كثيرا لأجد فستان يليق بأميرتي
اسماء: الله علي علي الحب
بس تعرفي يوسف طلع ذوقه حلو في الهدايا
مريم: يوسف دايما ذوقه حلو في الهدايا انا محتفظه بكل الهدايا الي جابها ليا و بحب الرسايل الي بتبقي مع كل هديه
ملك: يوسف بيسألك الفستان عجبك ولا تروحوا تغيروه
مريم:مش حلو اوي بس هتواضع و البسه
ملك: عيب كده يا بنتي حتي لو مش حلو متقوليش كده كفايه انه هو الي جابه عشانك
مريم: انا عجبني الفستان يا ماما بس انا كنت عايزه ارخم عليه شويه بهزر يا حاجه ما تقلبيش الموضوع جد
ملك: يا حبيتي اتعلمي مني
مافيش حاجه اسمها بهزر ممكن تكون انتي بتهزري لكن ما تعرفيش تأثير الكلام ده علي الي قدامك ،فكرى في كلامك قبل ما تقوليه لقيتيه هيفرح الي قدامك قوليه و ما تتردديش لو لقيته ممكن يضايق الي قدامك ما تقوليش
لازم تقدري تعب جوزك عشان يفرحك حتي لو جايب ليكي ورده افرحي بيها كأنه جاب ليكي الدنيا كلها .
الحياه بتستمر لما كل واحد يقدر تعب التاني عشان يسعده
مريم: بحب نصايحك جدا احلي ماما في الدنيا
اسماء: حلوه نصايحك يا طنط ان شاء الله لما اجي اتجوز هاجي اخد نصايح منك
................
مريم: شكلي حلو يا سمسم
اسماء: اللهم مبارك قمرايه يا قلبي
"بارك الله لكما و بارك عليكما و جمع بينكما في خير"
عمر: حبيبه بابا الي بقت عروسه و جه الي ياخدها مني
مريم: محدش هياخدني منك انت حبيبي الاول
ملك: دلوقتي بقيت جوز بنتي و اقدر اخدك في حضني زى زمان
يوسف: واحشني حضنك يا امي
ملك: شكلي اتغير مش كده كبرت و بقيت مكرمشه
يوسف: انتي جميله زي ما انتي يا امي
عمر: مش ملاحظه حاجه يا مريم
مريم: انت كمان ملاحظ الي انا ملاحظاه
ملك: البنت و ابوها اتفقوا عليا مش كده
يوسف: خليهم يتفقوا و انا في صفك يا امي
ملك: ابني حبيببي
كنت بتقولوا بقا عليا
عمر: كنا بنقول اول مره تكوني فرحانه من غير ما تعيطي
ملك: اعيط يعني
عمر: لا يا حبيبتي احنا ما صدقنا
عمر: خليني اقولك الكلام الي حمايا قاله ليه و معرفتش قمته غير لما مريم اتولدت .قالي بنتي ده حته من قلبي و انا جوزتها ليك عشان عارف انك هتتقي ربنا فيها و تحافظ عليها .بس خالي بالك من دموعها عشان دموعها غاليه عندي و مش هسامحك في يوم لو شوفت فيه دموعها
يوسف: اوعدك اني هحافظ عليها و مش هسمح اني اشوف دموعها في يوم
يوسف: تسمح ليا بقي اقعد مع اميرتي
عمر: ما نقدرش نمنع بقت ملكك دلوقتي
...........................
يوسف: ايه الجمال ده كله ده النقاب كان مداري جمالك
مريم: بس يا يوسف
يوسف: لا و شكلك في الفستان زي الاميرات مكنتش عارف انه هيطلع عليكي حلو كده
مريم: يوسف اسكت
يوسف: انتي بتتكسفي و كده يعني
مريم: اسكت يا يوسف عشان انا زعلانه منك
يوسف: ليه طيب هو انا لحقت ازعلك
مريم: انا زعلانه منك من قبل كده عشان خطبت ريهام
يوسف: علفكره بقا انتي السبب
مريم: انا السبب
يوسف: اه انتي الي استفزتيني
مريم: و الله
يوسف: بتقوللي فيها ايه لما واحد يعجب بواحده و يتقدم ليها
مريم: و فيها ايه مش احسن من واحد فضل واقف مكانه مستني حد غيره يجي يخطبها
يوسف : خلاص انا اسف يا اميرتي اوعدك مش هزعلك تاني و هفضل احبك لحد اخر يوم في عمرى
مريم: خلاص سامحتك
يوسف: ايه رأيك نخرج سوا عشان اصالح
مريم: معنديش مانع لو هتجيب ليا....
يوسف: حاضر هجبلك آيس كريم و شكولاته و الكل الحاجات الي بتحبيها في حاجه تاني
مريم: لا كفايه عليك كده
يوسف: قومي البسي علي ما استأذن من بابا
يوسف: استني و امسكي ايدي
مريم: علفكره انا بقيت كبيره و بعرف اعدي الطريق لوحدي
يوسف: ماشي يا كبيره بس انا عايز امسك ايد اميرتي ينفع
مريم: هتواضع و وافق
...............................
اسماء: هستناكي يا باشا عشان نذاكر سوا
مريم: لا مش هعرف اجي اصل يوسف
اسماء: الحكايه فيها يوسف
مريم: اصل يوسف هيذاكر معايا
اسماء: اممم و نستيني بقا
مريم: معلش يا سمسم هجيلك بكره
اسماء: ماشي يا جميل هستناكي
.........................
ملك: دوق الكيكه الي مريم عملتها
يوسف: بتاعتك يا ماما احلي
مريم: و الله طب تصدق انا غلطانه اني عملتها عشانك
ملك:انا ماشيه عشان تتخانقوا براحتكم
يوسف: انتي زعلتي يا اميرتي
انا بهزر علي فكره و الكيكه حلوه جدا
مريم: بجد
يوسف: كفايه اني حبيبتي عملتها بإيديها
عمر: بتذاكروا ولا بتتكلموا
مريم: انا بذاكر يا بابا هو الي بيكلمني
يوسف: بقي كده بتعترفي عليا ماشي
عمر: يلا ذاكرى عايز تقدير عايزك تبقي اشطر من يوسف
يوسف: ان شاء الله تجيب اعلي مني
..............................
اتجوزت انا و يوسف و كانت حياتنا سعيده يوسف كان ليا الزوج و الاب و الاخ و الصديق و الحبيب .
حياتي كانت سعيده عشان وجود يوسف فيها
ملك: مالك يا حبيبتي
مريم: دايخه و مش قادره
ملك: اكيد ما بتأكليش كويس قولت ليكم اليوم الي تبقي في الكليه تيجي تاكلوا معانا
مريم: باكل كويس يا ماما و يوسف بيساعدني بس مش عارفه مالي اليومين دول
ملك: طب تعالي اروح معاكي تكشفي و بلاش تقولي ليوسف عشان هيقلق عليكي
.........................
يوسف: مالك يا حبييبتي شكلك تعبانه في ايه مالك
مريم: مافيش يا يوسف بس معدتي قالبه
يوسف: ارتاحتى و انا هعملك حاجه سخنه تشربيها
بقيتي احسن دلوقتي
مريم: لا تعبانه ما هو لازم يتعبني زيك
يوسف: مين ده
مريم: ابنك
يوسف: ابني ..انتي حامل
مريم: اه يا حبيبي انا حامل
يوسف: يعني هبقي اب خلاص
مريم: اه يا حبيبي هتبقي احلي اب في الدنيا
يوسف: يعني انتي يا صغنن هتكوني ام
مريم: انا كبيره يا يوسف
يوسف: طب بتشبي ليه كده مش عايزه تعترفي انك قصيره
مريم: انا مش قصيره انت الي طويل
يوسف: عندك حق انا الي طويل
مريم: بطل يا يوسف تتريق عليا
يوسف: انا اقدر اتريق عليكي يا اميرتي
يلا ارتاحي و خليكي نايمه و الي تحتاجيه قوللي عليه
مريم: خليك جمبي يا يوسف
يوسف: انا جمبك يا حبيبتي
يوسف: مريم انتي مش زعلانه مش كده
مريم: هزعل عشان هكون ام
يوسف: لا عشان هتبقي ام ولادي مش عمتهم
مريم: بس يا يوسف انا كنت صغيره
هتفضل تتريق عليا طول الليل ،حتي ماما لسه مفكراني
يوسف: يعني مش زعلانه مش كده
مريم: يوسف قوم نام بره
يوسف: خلاص يا حبيبتي مش هضحك ولا هتريق عليكي
مريم: اما نشوف
يوسف: مريم
مريم: هتتريق تاني
يوسف: اخر مره
فاكره يا حبيبتي لما قولتلي اتجوزني يا يوسف
مريم: لا مش فاكره و حتي لو قلتها فيها ايه اهم حاجه انك بقيت جوزي
يوسف: حبيبتي
مريم: في ايه تاني
يوسف: لا كنت هقولك انا بحبك
مريم: انا و بحبك يا حبيبي
..................
مريم: ينفع كده اروح الكليه كده و انا بقيت عامله زي الكرومبه
يوسف: احلي كرومبه يا حبيبتي
مريم: انت بتتريق عليا انت كمان يا يوسف مش كفايه عليا اسماء
يوسف: معلش يا حبيبتي هانت كلها شهر و تولدي
مريم: الحمدلله اني هولد بعد ما اخلص امتحانات
يوسف: يلا البسي عشان ما تتأخريش علي الامتحان
و انت يا واد يا عمر ما تتعبش ماما خليها تعرف تحل كويس في الامتحان
مريم: هيسمع كلامك يعني
يوسف: طبعا ابني هيسمع كلامي حتي شوفي اتحرك ازاي
بلاش تضحكي عليا ابني و بيسمع كلامي
مريم: ماشي يا يوسف
يوسف: انتي كويسه
مريم: اه يا حبيبي
يوسف: خليني اجي معاكي
مريم: يا يوسف انا كويسه و كمان اسماء معايا روح انت شغلك و ما تقلقش عليا
يوسف: ماشي بس لو تعبتي كلميني
مريم: حاضر
.......................
ملك: جدو جدو انا جيت
عمر: حبيبه جدو تعالي قوللي خدتي ايه في الدرس
ملك: انا شاطره يا جدو و اشطر من عمر كمان
عمر: شطوره حبيبه جدو
ملك: انا هروح العب مع عمر يا جدو
عمر: ماشي يا حبيبه جدو
ملك : طول الوقت مع ملك الصغيره و انا نستني
عمر: هو انا اقدر انساكي يا ملاكي
"و اختر رفيقاً لروحك قبل ان يكون رفيقاً لدرب"
النهاية