رواية رفيق روحي
الفصل الثانى والعشرون22
بقلم ايه عفيفي
عمر: صالحتها
ملك: اكيد هو بيزعلها
يوسف: معلش يا ماما صغيره و بتدلع علينا
ملك: انت و عمر الي مدلعنها
عمر: خلاص يا حبيبتي ما تزعليش نفسك احنا فرحانين بنجاح يوسف النهارده
ملك: و الله ما مصدقه انك كبرت و هتدخل الكليه لسه فاكره اول يوم شوفتك فيه كنت صغير وقتها
عمر: و لمض شبه مريم
يوسف: بقي كده
عمر: طالعه شبهك انا قولت حاجه
ملك: حرام عليك ده يوسف كان ملاك بالنسبه ليها
يوسف: ربنا يهديها اروح انا بقي تصبحوا علي خير
ملك: و انت من اهله يا حبيبي
عمر: مالك يا جميل مضايقه ليه
ملك: مش شايف دلع بنتك يا عمر
عمر: يا حبيبتي دي طفله سبيها تدلع
ملك: كتر الدلع هيبوظها انانيه اوي و عنيده و عايزه كل حاجه تعوزها تيجي في نفس اللحظه و ان قدرنا علي طلباتها النهارده مش هنقدر بكره
عمر:اهدي يا حبيبتي
ملك: يا عمر انا كنت عايزه يبقي عندي ولاد عشان اربيهم صح مش عشان ادلعهم و شوف ثمره دلعهم دي في الاخر هتطلع ايه بعد كده
عمر: ان شاء الله هنربيها صح بس بالحب مش بالقسوه
ملك: مش بحب يا عمر اقسي عليها بس انا عايزه اشوفها احسن واحده
عمر: انشغلنا بمريم و انسينا حفله يوسف
ملك: كويس انك فكرتني يلا عشان نبدا بالتجهيزات اوعي تكون قولت ليوسف
عمر: لا مقولتش قدامه
ملك: طب كويس الخوف من مريم هانم لتكون قالت قدامه
مريم: لا يا ماما انا ماقولتش ليوسف
ملك: انتي مش كنتي نايمه
مريم: لا انا مانمتش انا عملت نفسي نايمه قدام يوسف
عشان اعمل معاكم حاجات الحفله بتاعه يوسف عشان يبقي فرحان
عمر: شاطره يا حبيبتي اعملي حاجات حلو عشان الناس تبقي فرحانه و مبسوطه منك
مريم: اه يا بابا ماما كانت بتقول لازم نفرح الي بنحبهم عشان لما هما يكون مبسوطين احنا هنكون فرحانين
عمر: شطوره يا مريومه
ملك: كويس بقيتي تسمعي كلامي
مريم : انا بسمع كلامك يا ماما
ملك: انتي هتقوللي يا حبيبتي
مريم: ماما
ملك: نعم يا حبيبتي
مريم: انتي بتحبي يوسف صح
ملك: اكيد
مريم: بتحبي يوسف ليه
عمر: ليه بتسألي كده يا حبيبتي
ملك: انا فاهمه قصدها
ملك: انا بحب يوسف عشان شاطر و بيسمع كلامي و مش بيزعلني و بيحفظ بسرعه و بعدين يلعب مش يلعب و ما يعملش واجب المس و مش كل شويه يقول يا ماما عايزه لعبه جديده يا ماما عايزه شكولاته يا ماما عايزه فستان جديد
مريم: خلاص يا ماما انا هسمع كلامك عشان تحبيني زي يوسف
ملك: انا بحبك يا حبيبتي بس لما تسمع كلامي هحبك كتير اوي
مريم: انا شاطره يا ماما و هسمع كلامك و هساعدك عشان نعمل الحفله ليوسف عشان يكون فرحان
ملك: ماشي يا حبيبتي يلا ساعدي بابا و علقوا الزينه و انفخوا البلالين
مريم: حاضر يا ماما
مريم:ماما خلصنا يا ماما شوفي البيت بقي حلو ازاي
ملك: بقي حلو خالص يا حبيبتي يلا نامي عشان تصحي بدري
مريم: انا الي هروح انادي ليوسف الصبح
ملك: ماشي يا حبيبتي يلا نامي
ملك: عمر اوعي تنسي تعزم اهل المنطقه تعزمهم كلهم و صحاب يوسف و تأكد علي التورته بدري
عمر: حاضر يا حبيبتي بس انتي هتلحقي تجهزي الاكل لوحدك
ملك: ما تقلقش ان شاء الله الحق و ماما هتيجي تساعدني
مريم: ماما انا صحيت بدري لوحدي
ملك: شطوره يا حبيبتي
مريم: تيتا يا تيتا انتي جيتي
ام ملك: ايوا يا حبيبتي
مريم: انا بحبك خالص يا تيتا عشان انتي بتعملي مع ماما عشان خاطر الحفله بتاعه يوسف
مريم: يلا ماما لبسيني عشان اروح انادي ليوسف
ملك: يلا عشان تلبسي الفستان الجديد
مريم: هااا
ملك: حبيبتي العسوله حلوه خالص في الفستان الجديد
مريم: انا هروح انادي ليوسف
ملك: استني بابا يوديكي
مريم: يا ماما انا بعرف اروح لوحدي
ملك: خلي بالك من العربيات وانا هبص لك من البلكونه
مريم: حاضر يا ماما
مريم: ازيك يا تيتا عامله ايه
جده يوسف: الحمدلله ازيك يا مريومه
مريم: الحمدلله يوسف فين يا تيتا
جده يوسف: في اوضته يا حبيبتي ادخلي
مريم: ادخل يا يوسف
يوسف: انتي بتستأذني قبل ما تدخلي
مريم: اه مش انت امبارح قبل ما تدخل اوضتي استأذنتني
يوسف: انتي بتقلديني بقا
مريم: اه عشان انت شاطر و كل الناس بتحبك و انا عايزه الناس تحبني زيك
يوسف: انتي حلو يا حبيبتي و احنا كلنا بنحبك انا و ماما و بابا و تيتا و جده كمان
مريم: انت بتعمل ايه يا يوسف
يوسف: كنت براجع قران
مريم: انت حافطه كله
يوسف: اه الحمدلله
مريم: كنت بتحفظ مع ماما
يوسف: اه كنت بحفظ مع ماما لحد ما خلصته
مريم: انا كمان هحفظ مع ماما بسرعه عشان احفظه كله
عشان بابا قالي لما نحفظ القران هندخل الجنه
يوسف: اه يا حبيبتي
مريم: كده يا يوسف تخليني انسي انا جيت ليه
يوسف: انا بردو
مريم: يلا يا يوسف عشان تيجي معايا
يوسف: بابا عايزني يعني
مريم: اه
يوسف: طب يلا نروح
مريم: يلا البس الاول البس لبس جديد زي انا لبست فستان جديد
يوسف: البس ايه البس ايه
مريم: وسع كده يا يوسف و شلني و انا الي هختار
يوسف: و ماله يا مريم هانم
مريم: ده حلو يلا البسه بسرعه و انا هستناك بره مع تيتا
مريم: يلا يا تيتا البس يلا عشان تيجي معايا عشان احنا عاملين حفله ليوسف بس مش تقول له عشان ده سر و انا مش قولتله
تيتا: ماشي يا حبيبتي ادخلي حاتي عبايتي السمره من علي الكنبه جوه
مريم: حاضر يا تيتا
يوسف: يلا مريومه انا لبست
مريم: شكلك حلو خالص
يلا عشان ما نتأخرش يا يوسف
يوسف: امسكي ايدي عشان خاطر العربيات
مريم: ما تخافش انا جيت لوحدي و كنت ماشيه جمب الحيطه
يوسف: ماشي يا حبيبتي امسكي ايدي بردو
يوسف: في حد هنا يا مريم
مريم: اه
ماما و بابا و جدو و تيتا في ناس تانيه هتيجي
مريم: يوسف شلني
يوسف: اشيلك
مريم: اه يا يوسف عشان اغمض عنيك عشان ما تفتحش غير لما اقولك
يوسف: ليه
مريم: ده سر ادخل يا يوسف يلا
يوسف : افتح بقا
مريم: استني شويه فتح يلا
مريم: ايه رأيك يا يوسف انا الي عملت مع بابا الزينه
يوسف: ايه ده
مريم: حفله عشانك يا يوسف
ملك: حفله نجاحك يا حبيبي يا رب المفاجأه تكون عجبتك
يوسف: تعتبي نفسك ليه كده
ملك: تعبك راحه هو احنا عندنا كام يوسف انبسط يا حبيبي يلا كلوا التورته
يوسف: ازيك يا جدو عامل ايه
ابو ملك: حمد لله يا ابني ربنا يوفقك يا بشمهندس
مريم: جدو جدو
ابو ملك: نعم يا حبيبه جدو
مريم: شلني يا جدو عشان اعرف ارش يوسف عشان هو طويل خالص.
ابو ملك: تعالي يا حبيبه جدو
ملك: يوسف يا حبيبي اطلع فوق شوف عمر محتاج حاجه عشان الناس زمانها جايه
يوسف: الشقه الي فوق
ملك: اه يا حبيبي عمر اشتراها
مريم: و انا كمان يا ماما هطلع مع يوسف
ملك: ماشي يا حبيبتي
يوسف: ده في ناس كتير
مريم: اه في ناس كتير هتيجي و كمان في واحد اسمه مروان و....مش فاكره التاني اسمه ايه
يوسف: ياسين
مريم: اه هيجي هو كمان
يوسف: دول واحشني اوي
عمر: تعالي يا يوسف صحابك وصلوا
مريم: يا يوسف صحابك دول طويلين خالص
يوسف : طويلين اسمها طوال يا حبيبتي
مروان : مين اللمضه
مريم: انا
مروان: اه انتي
لازم توقفي علي الكرسي يعني
مريم: اه
مروان: انتي مين بقا يا شاطره
مريم: انا مريومه اخت يوسف
مروان: انتي بنت عمو عمر
مريم: ايو انا بنت بابا عمر
عمر: ازيكم يا شباب ليكم واحشه
مروان: و انت اكتر يا عمو
عمر: معلش يا ولاد انشغلت عنكم الفتره الي فاتت
مريم: بابا بابا
عمر: نعم يا حبيبتي
مريم: شلني يا بابا عشان اوريك الي زعلني
عمر: مين الي زعل حبيبتي
مريم: ده يا بابا بيقول عليا لمضه
عمر: كده يا مروان تزعل بنتي ده بنتي عسوله خالص
مروان: انا بقول كده بردو هي حلوه خالص
مريم: انا عارفه اني حلو خالص ماما و بابا و يوسف و جدو و تيتا بيقولوا ليا اني عسوله خالص و احلي واحده كمان
عمر: طبعا يا حبيبتي
عمر: ايه رأيك تنزلي تلعبي مع صحابك تحت اسماء و ايمان و فاطمه و محمود جه مع طنط لمياء كمان
مريم: هااااا هنزل العب معاهم
عمر: رجعتي ليه
مريم: عشان عايزه اقول ليوسف حاجه في ودانه عشان محدش يسمعنا
يوسف: في ايه مريم
مريم: لما تخلص مع صحابك تعالي عشان تشوف الهديه بتاعتك
يوسف: حاضر
عمر: عايزكم يا شباب تفرحوا بمجموعك و تحمدوا ربنا ده رزقكم و انتو عملتوا الي عليكم
مروان؛ الحمدلله
مروان: نستأذن بقا يا يوسف
يوسف: خليكم قاعدين انتو واحشني جدا
مروان: نتقابل مره تانيه يا بشمهندس
مريم: صحابك مشيوا
يوسف: اه
مريم : تعالي عشان اوريك هديتك تعالي يا ماما انتي و بابا
مريم: غمض عينك يا يوسف يلا فتح
يوسف: ايه ده
ملك: ده تيلفون جديد عشانك
يوسف: مكنش له لزوم انا معايا تيلفون
عمر: لازم تيلفون جديد يليق بالشمهندس
مريم: شوف دول يا يوسف انا اشتراتهم مع ماما
ملك: يلا قول لي رأيك في لبس الجامعه
يوسف: شكرا يا ماما بس مكنش له لزوم انا كنت هشتغل و هجيب لنفسي
عمر: بمناسبه الشغل يا بشمهندس تقدر تيجي تشتغل معايا في الشركه من وقت ما تحب
جده يوسف: مش عارفه اقولك ايه يا ابني علي بتعمله مع يوسف لو كان ابوه عايش مكنش عمل معاه كده
يوسف: ده ابني و غلاوته من غلاوه مريم
جده يوسف: ربنا يكرمك يا ابني
مريم: يوسف انت فرحان
يوسف: اه يا اميرتي
مريم: و انا كمان فرحانه عشان انت فرحان
وكنت عايزه العب معاك شويه بس عايزه انام
يوسف: خلاص بكره نلعب سوا
مريم: خلاص ماشي
.............................
ملك: شوفت يا عمر مريم عملت ايه النهارده
عمر: شكلك مبسوطه منها
ملك: فعلا
النهارده لعبت صحابها معها بالعابها و كمان ادت اسماء العروسه بتاعتها عشان عجبت اسماء
اتغيرت يا عمر و بدأت تقلد يوسف
عمر: ربنا يهديها و يبارك لنا فيها
....................
مريم: يوسف جه
يوسف: ازيك يا اميرتي
مريم: الحمدلله
يوسف: انا جبت هديه ليكي و هديه لماما و بابا كمان
مريم : عايزه اشوف هديتي يا يوسف