رواية " رفيق روحي "
الفصل الخامس عشر
بقلم ايه عفيفي
ابو ملك: لو سمحت في واحد جاي في حادثه من شويه اسمه عمر هو فين لو سمحت
الممرض: في الدور التاني في اوضته العمليات
ابو ملك: ماشي يا ابني
الحاج عبدالرحمن: ازيك يا حاج
ابو ملك: الحمد لله بخير
الحاج عبدالرحمن: خير جاي ليه
ابو ملك : جوز بنتي عمل حادثه و بندور علي اوضته العمليات
الحاج عبدالرحمن: اسمه ايه
ابو ملك: عمر
الحاج عبدالرحمن : البشمهندس عمر
ابو ملك: اه انت تعرفه
الحاج عبدالرحمن : اه انا جاي معاه اشتغل عندي الفتره الي فاتت ربنا يقومه بالسلامه الدكتور هيخرج دلوقتي يطمننا عليه
ابو ملك: خير يا دكتور عمر عامل ايه
الدكتور: حالته خطيره و محتاج متبرع بالدم عشان خسر دم كتير و الا حالته هتسوء
ملك: انا نفس فصيله هتبرع له
ابو ملك: يا ابنتي انتي جسمك ضعيف مش هتقدري انا هتصل بمعارفي و اجيب الدم
ملك: لا يا بابا انا هتبرع لعمر هيفيد بايه دمي و انا مش قادره اساعده انا مش هقدر اعيش من غيره
ابو ملك: اهدي يا حبيبتي ان شاء الله هيقوم بالسلامه عمر قوي و هيستحمل
الممرضه: فين الي هتتبرع
ملك: انا
الممرضه : طب اتفضلي معايا
ملك: خدي مني كل الدم الي تحتاجيه اهم حاجه حياه عمر
الممرضه: هتستحملي
ملك: هستحمل اي حاجه علشانه
الممرضه: اشربي العصير ده عشان يعوض الدم الي اتبرعتي بيه
ابو ملك: مالها بنتي
الممرضه: اغمي عليها بعد ما اتبرعت
ابو ملك: انا قولتلها بلاش تتبرع
الممرضه: انا علقت لها محلول شويه و هتفوق
ابو ملك: كتر خيرك يا بنتي
الممرضه: لو احتاجتم حاجه نادي عليا عن اذنك
ملك: اااااه
ابو ملك: مالك يا بنتي
ملك: ع.....م......ر عامل ايه
ابو ملك: في اوضه العمليات
ملك: لسه
ابو ملك: ارتاحي يا بنتي ان شاء الله يكون كويس
ملك: انا لازم اشوفه
ابو ملك: انتي تعبانه استريحي انا هخرج اطمن عليه و قولك
ملك: بالله عليك يا بابا خدني معاك عشان خاطري عايزه اطمن عليه
ابو ملك: خلاص تعالي يا بنتي معايا
ملك: عمر عامل ايه دلوقتي
الدكتور: احنا عملنا الي علينا و الباقي علي ربنا
ابو ملك: يعني ايه يا ابني
الدكتور: المريض دخل في غيبوبه يا عالم هيفوق منها ولا لا
ملك: ان شاء الله هيفوق انا متأكده عمر مش هيسبني و هيقوم عشان نحقق حلمنا سوا
ابو ملك: ان شاء الله هيفوق يا بنتي
ملك: عايزه اشوفه
الدكتور: شويه و هيروح اوضه العنايه بس واحد بس الي هيدخل
ملك: انا الي هدخل
الدكتور: الممرضه هتيجي تدخلك
ابو ملك: ماشي يا ابني
...................................
الحاج عبدالرحمن: ان شاء الله يقوم بالسلامه
ابو ملك: يا رب
الحاج عبدالرحمن: هو كويس و محترم و ان شاء الله ربنا يشفيه و يرجع بيته
بس ليه يا حاج ما قولتش ليه انه محتاج شغل انا لو اعرف انه جوز بنتك كنت شغلته في مكان كويس
ابو ملك: انا لسه عارف منك هو بيشتغل في شركه معروفه مش عارف اشتغل عندك ليه
الحاج عبدالرحمن: الظاهر انه محتاج فلوس عشان كده بيشتغل معايا بعد ما يخلص شغله في الشركه
ابو ملك: انا كده عرفت هو بيتأخر الفتره الي فاتت ليه
بقي كده يا عمر تخبي عننا ربنا يسامحك يا ابني
الحاج عبدالرحمن: هستأذن انا و لو احتاجتم حاجه كلمني انا وصيت الدكاتره عليه
ابو ملك: تشكر يا حاج خيرك سابق
........................................
ملك: انا عارف انك قوي و هتفوق و ترجعلي يلا يا عمر فوق بقي ردي عليا يا حبيبي انا مش هقدر اعيش من غيرك
انت عارف مش كده انا مش ولاد ولا عايزه اي حاجه انا عايزاك ترجعلي .
طب اصحي و انا اوعدك مش هزعلك ابدا و لا هعيط و خليك تشوف دموعي يلا قوم بقي و انا مش هعيط ابدا يلا اقوم امسح دموعي مش دموعي غاليه عندك يا عمر .
اصحي يا عمر و انا هعملك كل يوم المكرونه الي بتحبها مش انت بتحبني تاكلها من ايدي قوم يلا عشاني و انا مش هرخم عليك تاني ولا هصحيك بليل عشان مش عارفه انام قوم بقي يا عمر عشان خاطري مش انا اغلي حد عندك يا عمر، طب لو زعلان مني قوم عشان خاطر يوسف الي بيعتبرك ابوه و قدوته .اقوم يا عمر
الممرضه: وقت الزياره انتهي يا فندم لازم تخرجي
ملك: اخرج ازاي و سيبه لوحده انا هبات معاه
الممرضه: ممنوع يا فندم تقدري تيجي الصبح تشوفيه
ملك: انا مش همشي و سيبه
ابو ملك: يلا يا بنتي
ملك: لا يا بابا انا مش همشي افرض عمر صحي لو مكنتش جمبه هيزعل منه
الممرضه: لو فاق هنتصل نبلغكم
ابو ملك: يلا يا بنتي و هنيجي من الصبح بدري يا حبيبتي
ملك: بالله عليكي اتصلي بيا لو صحي او حصله حاجه
الممرضه: حاضر لو في حاجه حصلت هبلغك
.................................
ام ملك: كلي يا بنتي لقمه انتي من الصبح في المستشفي
ملك: مش جعانه يا عم...
ام ملك: كلي عشان خاطر عمر انتي عايزه يزعل منك
ملك: عمر يا ماما تعبان اوي
ام ملك: ان شاء الله هيقوم بالسلامه يا بنتي بس انتي اهتمي بصحتك انتي اتبرعت بدمك النهارده لازم تتغذي يا حبيبتي عشان تقدري توقفي علي رجلك عمر هيكون محتاجك الفتره الجايه
ملك فضلت تصلي طول الليل و تدعي ربنا انه يشفي عمر و يقوم بالسلامه .
يا رب قومه بالسلامه و خلي يرجعلي انا مش عايزه حاجه غيرك عمر انا انشغلت بالتفكير بالولاد و نسيت ان عمر احسن نعمه في حياتي يا رب اشفي لي عمر يا رب انا واثقه انك مش هتخذلني و هترجع عمر ليا
ام ملك: انتي لسه صاحيه يا بنتي
ملك: انام ازاي من غير ما يكون عمر جمبي
ام ملك: انا عارفه انه صعب عليك يا بنتي بس لازم تصبري ان شاء عمر هيقوم بالسلامه
ملك : يلا يا بابا عشان نروح لعمر
ابو ملك: يلا يا بنتي
ابو ملك: مالك يا حبيبتي
ملك: مضايقه مني نفسي اوي يا بابا
ابو ملك: ليه يا بنتي انتي بإيدك حاجه و معملتهاش
ملك: انا واثقه في ربنا و عارفه ان عمر هيرجعلي انا دعيت ربنا
و ربنا مش هيخذلني كان دايما عمر يقولي خليكي دايما عندك
ثقه في ربنا و ادعي باي حاجه حتي لو كنت مستحيل ربنا
قادر علي كل شئ. كان دايما يقولي خلي شعارك في الحياه "
لم اكن بدعائك ربي شقيا" عمري الانسان ما هيشقي طول ما بيدعي بإخلاص
ابو ملك: عمر ربنا هينجيه يا بنتي ان شاء الله
ملك: الي مضايقني يا بابا اني ما حستش بيه كان بيشتغل بدل
الشغل اتنين و خبي عني عشان ما زعلش انا عارفه انه بيعمل
كده عشان خاطر يجمع فلوس عشان اعمل العمليه تاني
ابو ملك: انا عرضت عليه قبل كده فلوس بس ما رضيش
ملك: انا عارفه انه ماكنش هيرضي ده حتي ما رضيش ياخد
دهبي يبيعه عشان خاطر اعمل العمليه كان بيقولي لو مش
انتي تلبسي الدهب مين يلبسه انا لو لفيت الدنيا كلها مش هلاقي حد زيه
ابو ملك: عندك حق يا بنتي عمر ما فيش منه اتنين ربنا يقومه بالسلامه
ملك فضلت كل يوم تزور عمر و تطمن عليه بس للاسف مافيش تحسن في حالته
ملك: عارف يا عمر انا النهارده جيت لوحدي عشان بابا كان
عنده شغل انت عارف اني دي اول مره اخرج فيها لوحدي انا اتعودت اننا نخرج سوا
حبيبتك بقت قويه و تعرف تخرج لوحدها
نسيت اقولك يا عمر انا بدأت في حلمنا و بدأت اظبط في البيت و قريب هنبدأ نحفظ فيه سوا
ممرضه ١: شكلها بتحبه اوي ده كل بتيجي تشوفه و تفضل تتكلم معاه
ممرضه٢: اه فعلا بقاله شهرين هنا و حتي الدكاتره بيقولوا مش
هيفوق و هي مصره انه هيصي مش عارفه جايبه الثقه ده منين
ملك سمعت كلامه
ملك: جايبه الثقه دي من ثقتي في ربنا و عارف انه مش هيخدلني و عمر هيرجعلي
.............................
يوسف: انا عايز اجي معاكي اشوف بابا
ملك: حاضر يا حبيبي هخدك معايا تشوفه
يوسف: بابا هيصحي صح يا ماما مش هيسبني و يروح عند ربنا زي بابا و ماما
ملك: ما تقولش كده يا يوسف ان شاء الله بابا هيصحي و يلعب معاك و يكسب كمان
يوسف: بجد يا ماما
ملك: اه يا حبيبي بس انت ادعيله
يوسف: ان كل يوم لما بروح اصلي لوحدي بدعي ربنا انا بابا يصحي عشان يجي يصلي معايا
ملك: ان شاء الله يا حبيبي هيصحي و يرجع احسن من الاول
ملك: عارف مين الي جاي يزورك يا عمر
يوسف حبيبك
يوسف : انا جيت يا بابا عشان اشوفك ماما قالت لي انك
سامعني و هترجع عشان تلعب معايا تاني صح يا بابا
اصحي بقا عشان انا بحبك و انت واحشتني اووي
يوسف: عارفه يا ماما لما اكون تعبان بابا كان بيقول " اسأل
الله العظيم رب العرش العظيم ان يشفيك " سبع مرات و بعده
كنت بخف علطول انا هقوله عشان يصحي بسرعه
ملك: ماشي يا حبيبي خليك جمبه علي ما اشوف الدكتور
يوسف: ماما ماما
ملك: في ايه يا حبيبي
يوسف :بابا حرك ايده و صحي يا ماما
ملك: بجد
يوسف : اه يا ماما حتي تعالي شوفي
ملك: عمر حبيبي انت صحيت اللهم لك الحمد
ده انت طلعت بتحب يوسف اكتر مني بقا اول ما شوفته صحيت
عمر: عامله ايه يا حبيبتي
ملك: انا كويسه ارتاح انت هروح انادي الدكتور