رواية " رفيق روحي"
الفصل الثالث عشر
بقلم ايه عفيفي
ابو ملك: الحمدلله يا بنتي ربنا مش بيجب حاجه وحشه " رب الخير لا يأتي الا بالخير"
و ده ابتلاء يا حبيبتي و لازم تصبري عليه و عمر مثال الانسان الصابر المحتسب الاجر لازم تكوني ليه الزوجه الصالحه الي تثبته و تحتسب معاه اجر الصبر " و جزاهم بما صبروا جنات و حريرا"
ملك: الحمد لله علي كل حال ربنا يصبرنا
ام ملك: تصبحوا علي خير يا حبايبي
عمر: لسه بدري يا امي خليكم شويه
ام ملك: مره تانيه يا ابني
....................................
عمر: ممكن اعرف حبيبتي زعلانه ليه
ملك: كان نفسي يكون عندنا ولاد يا عمر
عمر: و مين قال اننا مش هيكون عندنا ولادنا لازم نحسن الظن بالله " انا عند حسن ظن عبدي بي"
ملك: و نعم بالله
عمر: ربنا ابتلانا ابتلاء عشان يمتحن قلوبنا هنصبر ولا هنجزع " اولئك الذين امتحن الله قلوبهم للتقوي لهم مغفره و اجر عظيم "
ملك: هنصبر
عمر: و ان متفائل ان ربنا هيكرمني منك بالولاد زي ما اكرمني بيكي و حتي لو تأخرت الاجابه مش هييأس فضلت ادعي بيكي ٧ سنين لحد ما ربنا استجاب و اكيد مش هيخذلني المرادي
ملك: هتفضل معايا حتي لو مخلفتش
عمر: ان شاء الله هنخلف و حتي لو مخلفناش انا عمري ما هسيبك مش بس الغرض من الجواز الخلفه
" و من اياته ان خلق لكم من انفسكم ازواجا لتسكنوا اليها و جعل بينكم مود و رحمه"
الزواج اساس اننا نلاقي السكن و انتي سكني و اماني و راحتي هعوز ايه اكتر من كده ده انا حتي ابقي طماع و بعدين انتي بنتي قبل ما تكوني مراتي و كفايه علينا اللمض يوسف
ملك: انا مش عارفه من غيرك كنت هعمل ايه ربنا يديمك في حياتي
عمر: جو الحب ده عشان ما تعمليش العشا ولا ايه
ملك: لا ثواني و اجهز العشا
عمر: خليها عليا النهارده انا عندي كام ملك
ملك: طب بسرعه بقا عشان انا جعانه
عمر: بس كده انتي تؤمري
الباب بيخبط
عمر: اكيد ده يوسف
يوسف: ماما ماما
عمر: الناس تدخل تقول سلام عليكم مش ماما
يوسف: معلش نسيت اصلي فرحان
ملك: قولي فرحان ليه
يوسف: انا طلعت الاول في مسابقه القران و نكرم بكره بعد صلاه الجمعه
ملك: حبيب قلبي الشاطر عقبال كده ما شوفك حافظ القران كله و تبقي امام المسجد
يوسف: بس انا عايز اكون مهندس زي بابا ينفع اكون الاتنين مع بعض
ملك: اه ينفع
يوسف: خلاص ماشي هكون الاتنين عشان تكوني فرحانه
عمر: بتحضن ملك من ساعه ما جيت و انا مليش حضن يعني
يوسف: لا ليك بس ماما ليها حضن كتير عشان هي الي كانت بتراجع معايا عشان المسابقه
عمر: ماشي يا استاذ يوسف انا زعلان منك
يوسف: لا ما تزعلش انا بحبك انت كمان و مش بحبك تزعل مني
عمر: طب حضن بقا عشان اصالحك
يوسف: و بوسه كمان
يوسف: يلا جهز الاكل بقا و انا هروح اقعد مع ماما
عمر: بقي كده مش هتساعدني
ملك: سيب ابني يقعد معايا و جهز الاكل بسرعه عشان جعانين
عمر: انتي اتفقتي انتي و ابنك عليا بقي
يوسف: بسرعه يا بابا ولا اقولك اتأخر عشان اقعد اكتر مع ماما
عمر: حاضر يا استاذ يوسف
يوسف: لازم تيجي يا ماما تشوفيني و انا باخد الجايزه
ملك: اكيد هاجي عشان اشوف ابني الشاطر
و هنروح نجيب لبس جديد كمان عشان الحفله
يوسف: انا بحبك اوي يا ماما
ملك: و انا بحبك يا عيون ماما
ملك لنفسها: ربنا عوضني بيك عشان اسمع منك كلمه ماما بس خايفه يجي اليوم الي تكبر فيه و مقدرش اخدك في حضني بس هشبع منك الفتره دي
عمر: الاكل جاهز
عمر: هو يوسف نام
ملك: اه و بيتكلم معايا نام علي رجلي خليه يبات في حضني النهارده
عمر: ماشي هكلم جدته اقولها
عمر: مش بتاكلي ليه الاكل مش عاجبك
ملك: لا الاكل حلو تسلم ايدك بس انا شبعت
..............................
يوسف : صباح الخير يا ماما
ملك: صباح النور يا قلب ماما
يلا نقول الاذكار الاستيقاظ من النوم عارفها
يوسف: اه بابا كان بيحفظها ليا
" الحمدلله الذي احيانا بعد ما اماتنا و اليه النشور"
ملك: شاطر يا قلبي
يلا عشان نفطر و بعدين ننزل نشتري هدوم ليك يا بطل
ملك: ايه رايك حلو اللبس ده
يوسف: اه حلو اوي يا ماما
ملك: عايز حاجه تاني يا حبيبي
يوسف : لا يا ماما
بس عايز اقولك حاجه
ملك: قول يا حبيبي
يوسف انتي شكلك زعلانه من امبارح هقولك علي حاجه تعمليها عشان تبقي فرحانه
ملك: قولي اعمل ايه
يوسف: بابا كان لما يكون مضايق كان يخرج صدقه و بعدين المشكله بتتحل
ملك: شكرا يا حبيبي علي النصيحه الحلو ده
انا فعلا نسيت " داوو مرضاكم بالصدقه" و ان شاء الله ربنا يكرمني
................................
يوسف: بينادوا علي اسمي يا ماما
ملك: يلا روح يا حبيبي استلم الجايزه
الشيخ: يوسف ما شاء الله عليه شاطر جدا في حفظ القران و اهله ليهم دور كبير في انهم يحببوا في القران و يشجعوه علي الحفظ و دول مثال الاهل الصالحين الي يجب نكون كلنا زيهم و انا بحب اشكرهم لو موجودين
يوسف: شوفي يا ماما الشيخ مبسوط مني ازاي
ملك: حبيبي الشاطر الناس كلها بتحبه
يوسف: هروح العب مع صحابي
ملك: العب يا حبيبي بس ما تتأخرش عشان تيتا ما تقلقش عليك
يوسف : حاضر يا ماما
ملك: مالك يا عمر
عمر: في مشكله عند عمي
ملك: في ايه خير
عمر: بنت عمي جوزها عايز يتجوز عليها و طلبت الطلاق وانا لازم اكون موجود
ملك: اه طبعا لازم تروح انت راجل العيله بعد عمك
عمر: خلاص يلا بينا نروح
ملك: ماشي يلا بينا
..................................
عمر: السلام عليكم ازيك يا امي
ام سلمي ( مرات عمه): الحمدلله يا ابني
عمر: ادخلي يا ملك اقعدي مع سلمي
ملك: ادخل
ام سلمي: ادخلي يا بنتي هو انتي غريبه سلمي في الاوضه الي هناك دي
ملك:ماشي هدخل اقعد معاها و اشوف مالها
ملك: السلام عليكم
سلمي : و عليكم السلام ازيك يا ملك عامله ايه
ملك: الحمدلله بخير
ولادك دول
سلمي: اه مريم و مروان سلموا علي طنط
ملك: ازيكم يا حلوين عاملين ايه
مريم: كويسين بس ماما الي زعلانه
ملك: اخرجوا يا حلوين سلموا علي خالوا عمر جايب ليكم حاجات حلو
ملك: في ايه ست البنات مالك
سلمي: تصوري يا ملك عايز يتجوز عليا ازاي قدر يعمل فيا كده ده انا استحملته كتير و جيت علي نفسي عشان ولادي
ملك: طب اهدي و خلينا نتكلم
سلمي : انا مش هقدر استحمل اكتر من كده انا عمري ما قصرت معاه في حاجه ازاي يفكر يتجوز عليا
مريم: ماما بابا جه
سلمي: جاي ليه
ملك: اخرجي يا حبيبتي وانا ماما شويه و هنيجي
ملك: براحه يا حبيبتي
بلاش تتكلم عنه قدام ولاده حتي لو حصل طلاق في الاول و الاخر هو ابوهما ولازم يفضلوا يحترموه مهما حصل و ده واجبك انك تبعدي الولاد عن مشاكلكم و تحلوا مشاكلكم لوحدكم بعيد عنهم عشان ما تأثريش علي نفسيه الولاد
سلمي: عندك حق فعلا الولاد ملهمش ذنب في مشاكلنا
بس انا خلاص نويت علي طلاق انا لا يمكن اعيش معاه تاني
ملك: قولي هو ليه عايز يتجوز انتي قصرتي معاها في حاجه
سلمي: مش لازم يكون فيه سبب الي عايز يتجوز هيتجوز من غير اسباب و بحجه الشرع حلل اربعه
ملك: طب جربتي تقعد تتكلمي معاه و تسأليه عن السبب
سلمي: اسأله عايز تتجوز عليا ليه عشان اهين كرامتي
ده مجرد الكلمه منه كسرتني انا مش قادره ابص في وشه انا لازم اطلق
ملك: الطلاق مش بالسهل يا حبيبتي " ان ابغض الحلال عند الله الطلاق" انتي عارفه يعني ايه طلاق يعني هتفقدي الانسان الي عشتي معاه سنين و الي ليكي معاها ذكريات اكيد ليكوا ذكريات حلوه مع بعض تستاهل انكم تقعدوا مع بعض تحلوا مشاكلكم و عشان خاطر ولادكم ما يتربوش بعيد عن ابوهم اقعدي معاه و اكلميه اعرفي منه السبب الي خلاه يعمل كده اديله فرصه اخيره تتكلموا فيها مع بعض و انا متأكده انكم هتلاقوا حل
سلمي:هخرج اتكلم معاها بس بعدها هقرر
ملك: يلا يا حبيبتي ربنا يقدم الي فيه الخير
عمر: نسيبكوا تتكلموا مع بعض
ملك: ان شاء الله مشاكلهم تتحل
ام سلمي: يا رب
ام سلمي: ايه صوت الضحك ده انا مش مصدقه شكلهم اتصالحوا الحمدلله
ملك: ايه الاخبار
سلمي: كان عندك حق كان لازم نتكلم مع بعض و كل واحد يعترف انه غلط في حق التاني كان بيقولي عايز يتجوز عليا وقت عصبيه لكن هو ماكنش هيعملها
ملك: الحمدلله يا حبيبتي ربنا يهدي سيركم
عمر: نستأذن احنا و مش هوصيك علي سلمي يا ابو مروان دي اختي
ابو مروان: مش هزعلها تاني
ملك: الحمدلله ان المشكله اتحلت و انه طلع بيتكلم وقت عصبيه و مكنش هيتجوز عليها
دي كانت منهاره خالص صعبت عليا
عمر لنفسه: انا عمري ما هعمل كده معاكي
عمر: الحمدلله
عمر: قول لي يا حبيبتي انتي كنتي متردده تدخلي لسلمي ليه
ملك : مش حكايه متردده بس البيوت اسرار و ما ينفعش ادخل من غير ما استأذن عشان انا مش هحب حد يدخل بيتي و يلف فيه من غير ما يستأذن
................................
ملك: عمر هنروح لدكتوره بكره عشان نحدد معاد العمليه
عمر: ان شاء الله يا حبيبتي
تم تحديد موعد العمليه
ملك: انا خايفه اوي يا عمر
عمر: ما تخافيش يا حبيبتي ان شاء الله خير و انا معاكي
اهو
ملك فضلت ماسكه في ايدي و كأنها بتستمد مني قوتها و خلاص هتدخل اوضته العمليات
ملك: عمر انت راضي عني لو زعلتك في يوم سامحني
عمر: انتي بتقولي ايه يا حبيبتي انا راضي عنك و ان شاء الله
تخرجي بالسلامه و نشيل ولادنا سوا