رواية " رفيق روحي "
الفصل التاسع
بقلم ايه عفيفي
ملك: يلا يا حبيبي اصحي العصر اذن
عمر: حاضر يا حبيبتي انا صحيت
عمر: يلا هضطر تصلي معايا عشان مش عارف جوامع هنا
ملك: هو انا اطول اصلي معاك
عمر : يلا ننزل نتغدي و بعدين نتصور في الفندق طالما عاجبك المكان
ملك: يلا بينا عشان هنتصور في كل مكان
سالي: شوفي بيتصوروا ازاي الي يشوفهم يقول لسه متجوزين امبارح مش من ٥ شهور
منار: يا بنتي اهدي و انسيهم
سالي : خلينا نتصور سوا
ملك لنفسها: تتصور معانا بمناسبه ايه ازاي اصل تفكر تتصور
مع حد غريب كده بس ملك بلاش سوء ظن في الناس في ايه عايزه تتصور معاكي
عمر: في ايه يا حبيبتي مالك
ملك: ما فيش خلينا نتصور يلا
ملك: معلش ممكن تصورينا انا و عمر جمب الشجره دي
سالي بغل: اه اكيد
منار: يا بت اهدي بقا و سيبيهم في حالهم انتي مش هتقدري تفرقي ما بينهم
سالي : لا هقدر و هتشوفي و رهان ما بينا
منار: و انا اراهن انك هتخسري
سالي : اسكتي انتي بس و اتفرجي
منار: ايه الي بتعمليه ده ممكن حد يقع يزحلق
سالي: ما هو ده الي انا عايزاه دلوقتي السنيوريتا تقع و تفضل في اوضتها و تسهل عليا خطتي
ملك: ااااه
عمر: في ايه ازاي وقعتي كده
ملك: مش عارفه كنت بتصور و مخدتش بالي و فجأه وقعت
عمر: انا الغلطان اني سبتك لوحدك و رحت اشوف صحابي
و انا عارف انك مش هتاخدي بالك من نفسك
ملك: ما تكبرش الموضوع يا عمر انا كويسه
عمر: كويسه ازاي و انتي مش قادره تدوسي علي رجلك
ملك: شويه و هتخف و اقدر امشي عليها
عمر: يلا نطلع اوضتنا عشان ترتاحي
ملك: شويه يا عمر عشان اعرف امشي
عمر: و مين قال انك هتمشي انا هشيلك
ملك: لا يا عمر تشلني ايه لا اتكسف الناس تبص علينا كده
خلينا شويه و انا همشي
عمر: تعرفي ان اكتر حاجه بحبها فيكي هي حياءك و خدودك الي بتحمر دي
ملك : بس يا عمر
عمر:امشي بالراحه
ملك: حاضر
عمر: شوفي رجلك ازرقت ازاي و تقولي ما فيش حاجه
انا غلطان انا سبتك لوحدك
ملك: انت قلبت علي بابا كده ليه
عمر: عشان انتي بنتي و بخاف عليكي
ملك: ماشي يا بابا ما تزعلش انا كويسه
عمر: انتي بتهزري و انا قلقان عليكي
ملك: يا حبيبي انا كويسه
عمر: انا هنزل اشوف صيدليه اجيب منها مرهم و مش هتأخر عليكي
عمر: حاسه بوجع
ملك: لا بقيت كويسه يلا نام عشان عندك شغل الصبح
عمر: متأكده انك كويسه
ملك: انا كويسه اقوم اتنطط عشان تصدق
عمر: لا خلاص صدقتك
( و مال الحب الا هتمام بالمحبوب حتي و ان اصابته شوكه )
ملك: صباح الخير
عمر: صباح النور عامله ايه دلوقتي
ملك: كويسه يلا عشان متتأخرش علي شغلك مش عايزه الناس تقول علي جوزي كسلان انا جوزي شاطر
عمر: مش هتأخر عليكي لو احتاجتي حاجه كلميني
ملك: حاضر يلا مع السلامه في رعايه الله
.................ً............
ملك: انت جيت بسرعه يا عمر اكيد سبت شغلك و جيت يا حبيبي ده شغل و اهم ولازم تدي شغلك حقه
عمر: اولا ما فيش حاجه اهم منك و ثانيا انا قولتلهم ان مراتي مهندسه شاطره و هتساعدني في شغلي
عمر: هااا هتساعديني
ملك: اكيد هساعدك
عمر: طب يلا نفطر الاول انا عارف انك لسه ما فطرتيش
ملك: يلا بينا
...................................
سالي: شوفي ساب الشغل ازاي عشان خاطرها ده كان اهم حاجه عنده الشغل و عمره ما قصر فيه
منار: انا قولتلك انك مش هتعرفي تفرقي ما بينهم بس انتي مصره
سالي : و انا مش هستسلم و هفضل وراهم لحد ما يبعدوا عن بعض و يكون ليا
منار: و انتي فاكره انه لو سابها هيتجوزك انتي
سالي: اه و انا ناقصني ايه ده انا حتي احلي منها و الي يشوفني يقول عليا اصغر منها
منار: الطريق الي انتي هتمشي فيه ده غلط و انا عليا نصحتك
سالي: انتي معايا ولا معاها انا الي صاحبتك
منار: و عشان انتي صاحبتي انا خايفه عليكي
سالي: عشان صاحبتي لازم تقفي معايا انا ما ليش غيرك
منار: خلاص ما تزعليش انا معاكي في اي حاجه
( تلك الصداقه التي لا نرجوها انما الصديق الحق من يدل صديقه علي الحق حتي و ان اضطر علي الوقوف ضده)
............................
عمر: اللهم بارك افكارك حلوه اوي
ملك: تسلم ده من ذوقك
عمر: لا انا بتكلم جد مش بجاملك ليه ما فكرتيش تشتغلي طالما بتحب الشغل
ملك: انا بحب فعلا الشغل بس مش بحب جو الاختلاط و انا في غني عنه مش محتاجه الشغل في حاجه و اديني بساعدك و بستغل موهبتي
عمر: طب مش خايفه افكارك دي تتنسب ليا و يكون ليا الفضل فيها
ملك: انا و انت واحد يا عمر و اكيد هكون فخوره بنجاحك
عمر: انتي طيبه اوي يا ملك
ملك: هتفضل تتكلم كتير و مش هتخرجني و لا ايه
عمر: لا هنخرج و هتبقي خروجه حلوه
ملك: انت مجهز الخروجه بقا
عمر: اه هنخرج في جوله في البحر الفندق عاملها
ملك: واااو
عمر: متجوز طفله
ملك: مش عاجبك ولا ايه
عمر: لا عاجبني يلا بينا
ملك: الله يا عمر المكان حلو اوي
عمر: طب كويس ان المكان عجبك و لسه ساعه الغروب المنظر من هنا حلو اوي
ملك: الله انا متحمسه اوي يلا نتصور
عمر: انتي بتحبي التصوير بس بلاش نتصور خلينا نتأمل في خلق الله المنظر هنا جميل شوفي قدره الله في خلقه " آثم من لم يتدبر خلق السموات و الارض"
ملك: عندك حق فعلا
عمر: و نبقي نتصور بعدين
بنت١: شايفه الواد ابو عيون ملونه الي واقف جمبنا
بنت٢:اه عسول اوي و جنتل كده في لبسه و عيونه لون البحر و لا شعره حلو اوي و قمور كده و هو مربي دقنه
ملك لنفسها: ايه قله الحيا دي ازاي يتكلموا عن جوزي كده و بيبحلقوا فيه كده ده انا بتكسف ابص في عنيه
ملك: يلا نرجع
عمر: خلينا شويه المنظر حلو
ملك: الظاهر انك عاجبك الكلام ان كنت هتفضل انا همشي
عمر: طب اهدي ايه الي حصل لكل ده يلا نمشي
.................................
سالي: اول خطه نجحت و اتخانقوا الي يضايق الست ان حد يكلم عن جوزها و خصوصا لو جوزها حلو زي عمر و اكيد هي افتكرت ان عمر عجبه الكلام
منار: يخربيت دماغك هو انتي الي بعتي البنات دول
سالي: اه ايه رأيك في دماغي
منار: دماغ شيطان
.............................
عمر: في ايه مالك
ملك : مفيش عايزه انامي
عمر: طب مش هتتعشي
ملك: لا مش جعانه و سبني عشان عايزه انامي
ملك: عمر بطل تلعب في شعري انا عايزه انامي
عمر: ممكن اعرف انتي زعلانه ليه انا عملت ايه
ملك: و كمان مش عارف عملت ايه
اكيد عجبك كلامهم و هم بيتكلموا عن جمالك و انا مش فارقه معاك
عمر: طيب اهدي و اسمعيني
ليه الدموع دي دموعك غاليه عندي
عمر: امسحي دموعك و اسمعيني
اولا يا حبيبتي انا كلامهم ده ما يفرقش معايا
ملك: يعني كنت سامع و عاجبك الكلام
عمر: سبيني اكمل كلامي
انا سمعت كلامهم بس ما اهتمتش في حد يكون معاه القمر و يبص لنجوم
ملك: اضحكي عليا بكلمتين
عمر: مش محتاج اضحك عليكي عشان انتي الي في قلبي و
محدش يقدر ياخد مكانتك و بعدين انا اصلا ما بصتش ليهم و
مكنتش واقف عشان مهتم بكلامهم انا كنت واقف بتابع
الغروب و بعدين دول بنات عندهم قله حيا ربنا يهديهم و لو مش مصدقاني انتي حره
ملك: خلاص يا عمر صدقتك بلاش تزعل بس انا بغير عليك
( و ما الغيره الا بيان للحب)
ملك: يا عمر ما تزعلش بقي انا غلطانه
يا عمر رد عليا
عمر: قولتلك قبل كده دموعك غاليه عندي و مش عايز اشوفها
ملك: ما انت زعلان مني
عمر: خلاص مش زعلان بس انتي اهدي
ملك: انا غلطانه يا عمر بس انا انانيه في حبي جايز عشان انا البنت الوحيده و متعودتش حد يشاركني حبي اهلي و مش عايزه حد يشاركني حبك
عمر: و انا بحبك و عمري ما هحب حد غيرك انا مكتفي بيكي و وعد عليا اني احبك لحد اخر لحظه في عمري و لا انتي مش واثقه فيا
ملك: انا واثقه فيك بس كلامهم ضايقني و ما استحملتش
عمر: خلاص يا حبيبتي ولا يهمك حصل خير و اهم حاجه ان عرفت اد ايه حبيبتي بتحبني
ملك: بس انا غلطانه المفروض مكنتش سامحت كلامهم يأثر عليا و لا كنت زعقتلك عشان نمشي
عمر: اهم حاجه اننا نعرف اخطائنا و ما نسمحش ليها انها تأثر
علي حياتنا و لو زعلتك في يوم عتابيني بس اهم حاجه ما تناميش و انتي زعلانه مني
ملك: عندك حق يا عمر
عمر: ممكن بقي نتعشي عشان جعان جدا و مش هاكل لوحدي انا جايب كفته
ملك: بتغريني بالكفته يعني
عمر: الصراحه اه
ملك: الصراحه انا جعانه
عمر: طب يلا ناكل انتي لسه قاعده مكانك
عمر: النهارده مش عندي شغل هنخرج من اول اليوم
ملك: عارف هنروح فين ولا هنتوه سوا
عمر: طبعا يا حبيبتي هنتوه سوا
....ً...........................
منار: رجعوا يتكلموا تاني ولا اكن حاجه حصلت
سالي: مش هستسلم احنا لسه في اول يومين في الرحله
الغيره ما جابتش فايده ندخل علي الخطوه التانيه
منار: و ايه هي الخطوه التانيه
سالي : هنقلل ثقتها في نفسها و نزرع الشك في قلبها