رواية "رفيق روحي"
الفصل الرابع عشر
بقلم ايه عفيفي
عمر: ملك عامله ايه
الدكتوره: كويسه شويه و هتروح اوضتها
ام ملك: طب اخبار العمليه ايه
الدكتوره: مش هنعرف النتيجه دلوقتي بس اهم حاجه تفضل
نايمه علي ضهرها و ما تتعرضش لاي توتر او قلق
و ان شاء العمليه تنجح
عمر: ربنا يقدم الي فيه الخير
عمر: حمدلله علي السلامه يا حبيبتي انتي كويسه
ملك: انا كويسه طول ما انت واقف معايا
ام ملك: هتيجي يا بنتي تقعدي اليومين دول عندنا
لاحظ الاب نظرات ابنته المتعلقه بزوجها
ابو ملك:خليها في بيتها
و معلش يا عمر هنتقل عليك و نقعد معاكم علي ما ملك ربنا يكملها علي خير
عمر: تنوروا يا عمي البيت بيتك
.....................................
عمر: نورتي بيتك يا حبيبتي
ام ملك: ارتاحوا علي ما اجهز الغدا
عمر: ارتاحي يا امي انا طلبت اكل
ام ملك: ليه كده يا ابني ما انا موجوده
عمر: معلش يا امي انتي تعبتي معانا النهارده
عن اذنكم هدخل اشوف ملك صحيت ولا لا
ام ملك: عمر ابن اصول فعلا شايل ملك من الارض شيل
ابو ملك: عندك حق و الله ربنا يبارك لك ده حتي عرضت عليه
اساعده في فلوس العمليه مرديش ابدا و قالي ملك مسؤليتي
و انا المسؤل عنها و كفايه علي حضرتك انك حافظت عليها لحد ما جيت اتجوزها
ام ملك: عمر ما فيش منه اتنين ربنا يبارك له و يوسع رزقه
............................
ملك: مالك داخل بتتسحب كده ليه
عمر: عشان لو كنتي نايمه ما تصحيش من حركتي
ملك: بس انا صاحيه
عمر: لما انتي صاحيه ليه مش قولتلي عشان اجي اقعد معاكي بدل ما تقعدي لوحدك
ملك: انا لسه صاحيه من شويه
عمر: طب قول لي عامله ايه دلوقتي
ملك: الحمدلله كويسه
عمر: يعني ما فيش حاجه تعباكي قول لي ما تخبيش عني
ملك: يعني هبقي ام بالساهل كده لازم اتعب
عمر: ربنا يقويكي يا حبيبتي و يقومك بالسلامه
................
عمر: صباح الخير يا جميل
ملك: صباح النور
انت لسه هنا يا عمر هتتأخر علي شغلك
عمر: هو انا ما قولتلكيش اني اخدت اجازه
ملك: ليه كده يا عمر ما ماما و بابا معايا و انت تروح شغلك
عمر: و شغلي مش اهم منك و انا عايز اقعد معاكي عندك مانع
ملك: ما انت هتقعد معايا لما ترجع
عمر: اصل بيقولوا لو فضلت جمبك و انت تبص عليا طول
اليوم ولادنا يطلعوا شبههي مش انتي عايزه ولادنا يطلعوا شبههي
ملك: مش هعرف اجدلك يا عمر دايما عندك ردود علي كل حاجه
عمر: شطوره يا حبيبتي اسمعي كلامي بقا و قول لي تحبي تفطري ايه
ملك: مش جعانه
عمر: و الله لا الدلع ده مش عايزه هتاكلي يعني هتاكلي
ملك: يا عمر مش جعانه لما اجوع هقولك
عمر: مش عايز كلام كتير كلامي هيتسمع انا رايح اجيب الفطار
...........................
عمر: انا عملتلك عصير مانجا الي انتي بتحبيه
ملك: انا لسه متغديه من شويه يا عمر مش عايزه
عمر: ما بتتعبيش من كلام هيتشرب يعني هيتشرب يلا سمي و اشربي
ملك: ايه ده يا عمر
عمر: في ايه العصير في حاجه
ملك: دوقه كده
عمر: حلو يا ملك
ملك: طب اشرب كده تاني
عمر: ملك
ملك: نعم
عمر: مش كفايه حركاتك ده
ملك: حركات ايه يا عمر
عمر: يا بريئه انتي انا الي ظالمك بتضحكي عليا عشان تخليني اشرب العصير
ملك: دايما كده بتقفشني
عمر: انا فاهمك اكتر من نفسك
ملك: و فيها ايه لما تشربه يعني انت تعبان معايا اليومين دول
و مش بتهتم باكلك
عمر: تعبك راحه يا حبيبتي اهم حاجه سلامتك يلا خدي
العلاج و ارتاحي و انا نازل اجيب شويه حاجات و مش هتأخر
عليكي و ماما و عمي بره لو احتاجتي حاجه نادي عليهم
ملك: حاضر
عمر: بتعملي ايه يا ملك
ملك: كنت قايمه اجيب مياه
عمر: طب ما قولتليش ليه
ملك: زهقت من النومه في السرير يا عمر عايزه اقوم شويه
عمر: معلش يا حبيبتي فتره و تعدي
اتفضلي المايه يا ملاكي
انا بعد كده مش هخرج من الاوضه و هفضل معاكي عشان انتي مش بتسمعي الكلام
ملك: خلاص يا عمر بقي ما تكبرش الموضوع
....... ................
ملك: ماما ماما
ام ملك: في ايه يا حبيبتي مالك
ملك: مش قادره يا ماما تعبانه اوي بطني بتتقطع
ام ملك: استني يا حبيبتي نكلم الدكتوره نسألها
ام ملك: اتصل علي الدكتوره يا ابني ملك تعبانه
عمر: ملك مالها
ام ملك: تعبانه اوي يا ابني
عمر: مالك يا حبيبتي
ملك: مش قادره يا عمر تعبانه اوي
عمر: الدكتوره مش بترد خلينا ناخدها المستشفي
عمر: ملك حبيبتي رددي عليا
ام ملك: مالها يا ابني
عمر: مش عارف ايه الي حصل لها فجاه اغمي عليها خلينا ناخدها المستشفي
عمر: يا رب احمي ملك و اشفيها انا مش عايز غيرها
الدكتوره:للاسف العمليه فشلت ربنا يعوض عليكم
عمر: الحمد لله قدر الله و ما شاء فعل
اهم حاجه ملك اخبارها ايه دلوقتي
الدكتوره: بقت احسن و تقدر تروح بعد ساعتين
عمر: الف سلامه عليكي يا حبيبتي
ملك بدموع: العمليه سقطت يا عمر
عمر : خير يا حبيبتي الحمدلله اهم حاجه انتي بخير ان شاء الله تنجح المره الجايه
ملك: بس يا عمر
عمر: اهدي يا حبيبتي و قولي الحمدلله ربنا بيختبر صبرنا و
لازم نصبر و نكون راضيين بالي ربنا كتبه و ان شاء ربنا مش هيخذلنا
ملك: الحمدلله
عمر: ايو كده يا حبيبتي ما تخليش الشيطان يلعب في عقلك ابتلاء ربنا رحمه بينا
ملك رجعت البيت و بدات حالتها تتحسن يوم عن يوم
عمر: اخبار حبيبتي ايه النهارده
ملك: الحمدلله احسن
اتأخرت كده ليه
عمر: معلش يا حبيبتي هتاخر اليومين دول شويه عندي شغل كتير و فتره و هتعدي
ملك: ربنا يعينك يا حبيبي
عمر: انا كنت بفكر في حاجه و عايزك تساعديني
ملك: بتفكر في ايه
عمر: من فتره و انا بفكر اعمل صدقه جارية لاهلي
" اذا مات ابن ادم انقطع عمله الا من ثلاث صدقه جارية و علم ينتفع به و ولد صالح يدعو له"
ملك: طب فكرت تعمل ايه
عمر: بفكر اظبط بيتنا القديم و اعمله دار تحفيظ قران ايه رايك
ملك: حلو جدا يا عمر
عمر: كويس انها عجبتك عشان هتساعديني في تحفيظ الاطفال عشان لما نتسال عن عمرك فيما افنيت يبقي عندنا اجابه لسؤال
ملك: ان شاء الله يا عمر ربنا يتقبل مننا
عمر: خلاص بقي حلمنا
ملك: بقي حلمنا
عمر: عشان لو حد فينا حصله حاجه التاني يكمل
ملك: ان شاء هنحقق حلمنا سوا
......................
عمر: انا نازل يا حبيبتي عايزه حاجه
ملك: تروح وترجع بالسلامة
عمر: هتروحي عند عمي النهارده
ملك: ان شاء الله ابقي تعالي خدني و انت راجع
عمر: حاضر يا جميل
عمر: ملك
ملك: نعم
عمر: هتوحشيني
ملك: و انت كمان يا حبيبي ما تتأخرش عليا
....................
ملك: السلام عليكم
ابو ملك : و عليكم السلام يا حبيبتي اخبارك ايه
ملك: الحمدلله بخير
ابو ملك: ربنا يديم عليكي حمده
ملك: اللهم آمين
ملك: ناويه ارخم عليكم النهارده طول اليوم
ابو ملك: رخمي براحتك يا حبيبتي احنا عندنا اغلي من ضحكتك
ام ملك: ربنا يسعدك قلبك يا بنتي
ابو ملك: اخبار عمر ايه ما جاش معاكي ليه
ملك: في شغله اصله عنده شغل كتير اليومين دول و بيتأخر
ام ملك: ربنا يعينه
ابو ملك: مالك يا حبيبتي
ملك: مش عارفه يا بابا قلبي واجعني و قلقانه علي عمر
ربنا يرجعه بالسلامه
ام ملك: طب رني عليه
ملك: تيلفونه مقفول
ابو ملك: طب جربي لحد ما يرد
ملك: حاضر
ملك: السلام عليكم
موظف: و عليكم السلام
ملك: مين معايا و عمر فين
موظف : عمر عمل حادثه و في المستشفي
ملك: عمر ايه الي حصله
ابو ملك: في ايه يا بنتي
ملك بدموع: عمر يا بابا
ابو ملك: ماله يا حبيبتي
ملك: عمل حادثه و في المستشفي
انا خايفه عليه يا بابا
ابو ملك: اهدي يا حبيبتي ان شاء الله يكون بخير خلينا نروح نطمن عليه