رواية رفيق روحي
الفصل الثامن
بقلم ايه عفيفي
عمر: متحمسه للرحله
ملك: جدا
عمر : شوفي لو في حاجه هنحتاجه عشان نشتريها
ملك: احنا جبنا الي هنحتاجه
عمر: طب كويس الحمدلله يلا عشان ننام عشان نصحي بدري نجهز حاجاتنا
ملك: ماشي يلا بينا نقول الاذكار النوم و نام
عمر: بتسبقيني دايما عشان تاخدي حسنات من ورايا
ملك: معلش يا باشا
عمر: ماشي يا ستي تتعوض الايام الجايه
...........................
عمر: صحي النوم يا جميل
ملك: الفجر اذن
عمر: اه و كنت هتأخر علي الصلاه بسببك ينفع كده
ملك: انت لسه قاعد يلا علي المسجد
عمر: حاضر
عمر: صليتي
ملك: الحمدلله وقولت الاذكار كمان
عمر: حبيبتي الشطوره
ملك: يلا نجهز حاجاتنا
عمر: انا مش عارف اخد معايا ايه
ملك: سيب الموضوع عليا
هناخد ده و ده .......
عمر: كل ده
ملك: اه اسمع كلامي احنا مش ضامنين ايه الي هيحصل الاحتياط واجب
عمر: حاضر يا ملاكي
ملك: انا هحضر السندوتشات علي ما تلبس
عمر: اوكي هلبس و اجي اساعدك
عمر: دي كلها سندوتشات احنا هناكل ده كله
ملك: لا عشان لو حد من صحابك احتاج حاجه " الله في عون العبد مادام العبد في عون اخيه"
عمر: دايما بتحب تاخدي ثواب من اي حاجه
ملك: اتعلم مني بقا
عمر: حاضر
عشان كده هجيب مايه بزياده " افضل صدقه صدقه المياه"
ملك: بدات تتعلم مني شاطر
هدخل البس عشان ما نتأخرش
عمر: يلا يا ملك هنتأخر
ملك: في ايه بتبصلي كده ليه الخمار قصير ولا ايه
عمر: لا طويل
ملك: امال في ايه
عمر: شايف واحده بتقلدني و لبست كحلي شبهي
ملك: بجد علي اساس ان مش انا الي اختارت لبسك يعني
وبعدين فيها ايه لما البس زي جوزي فيها حاجه
عمر: هو انا اطول تطقم معايا يا جميل
ملك: طب يلا يا شاطر عشان هنتأخر
.............................
عمر: ده الاتوبيس الي هنسافر فيه تحبي تقعدي قدام ولا وره
ملك: خلينا وره احسن
عمر: سلام عليكم
سالي: و عليكم السلام يا بشمهندس ازي حضرتك يا مدام ملك
ملك: الحمدلله بخير اخبارك ايه
سالي : الحمدلله تمام
احمد: ايه الشياكه دي يا بشمهندس الي بيطلعوا اسكندريه بيحلو كده
محمد: اكيد اللبس ده مش ذوقك مش كده
عمر: هو باين اهو كده
هو انا ذوقي وحش لدرجادي
بس عندكم حق ده ذوق ملك
احمد : انا قولت كده
محمد: الحاله رايقه معاك يا باشا و رايح شهر عسل مع المدام
عمر: بطلوا تحفيل عليا انا سايبكم و ماشي
عمر: معلش اتأخرت عليكي بس الشباب كان بيحفلوا عليا
ملك: لا عادي ولا يهمك
السائق : يلا جماعه اقعدوا في مكانكم عشان نتحرك
عمر: يلا نقول دعاء السفر
" (سبحان الذي سخر لنا هذا و ما كنا له مقرنين.و ان الي ربنا لمنقلبون)اللهم انا نسألك في سفرنا هذا البر و التقوي و من العمل ما ترضي .اللهم هون علينا سفرنا هذا واطو عنا بعده،اللهم انت الصاحب في السفر،و الخليفه في الاهل،اللهم اني اعوذ بك من وعثاء السفر،و كآبه المنظر،وسوء المنقلب في المال والاهل"
ملك: انت بتسافر كتير عشان كده متعود تقول دعاء السفر
عمر: مكنتش مواظب عليه ساعات اقوله و ساعات انساه لحد ما سمعت فيديو لدكتور حازم شومان كان بيتكلم عن دعاء السفر و انه في مره حصل معاه حادثه و العربيه اتقلبت بيهم كذا مره و محدش حصله حاجه عشان كان قايل الدعاء و مستشعر الله الصاحب في السفر
ملك: بحب اسمع الدكتور حازم بس ما سمعتش الفيديو ده
بس اكيد حلو اوي لما نوصل ابقي سمعولي
عمر: حاضر
باسم: ازيك يا عمر ازيك يا مدام
و مد ايده عشان يسلم علي ملك
عمر:معلش المدام ما بتسلمش علي حد " ليطعن احدكم بمخيط رأس خيرا من ان يمس امراه لا تحل له"
باسم: لا عادي ولا يهمك
ملك : تعرف انا كل يوم بحمد ربنا انه رزقني بيكي كنت بتمني الزوج الي يمنعني اني اسلم علي حد مش يقولي ده خالي و ده عمي و ده صاحبي و فيها ايه و دول ناس كويسه
عمر: انا الي بحمد ربنا انه رزقني بيكي
.........................
سالي: شايفه بيحبها ازاي انا مش عارفه هي مالها يعني ولا فيها ايه زياده عني عشان يتجوزها هي
منار: يا بنتي خلاص انسيه هو اتجوز خلاص
سالي: مش قادره انساه انا حبيته من اول ما اشتغل في الشركه و حاولت كتير انساه بس ما عرفتش و لازم يكون ليا
منار: يكون ليكي الي هو ازاي ده
سالي: مش هنرجع من الرحله ده غير لما اخليهم يبعدوا عن بعض
..................................
عمر: مالك عايزه تنامي ولا ايه
ملك: مصدعه عشان ما نمتش كويس
عمر: طب ما تنامي علي ما نوصل
ملك: مش هعرف انام في الطريق
عمر: جربي كده يلا نامي علي كتفي
ملك: ماشي بس لو نمت صحيني قبل ما نوصل
عمر: حاضر
عمر: يلا اصحي يا حبيبتي خلاص وصلنا
ملك: وصلنا ده انا نمت كتير علي كده
عمر: ده الفندق الي هنقعد فيه
ملك: ما شاء الله جميل اوي و تصميمه حلو جدا
لازم اتصور في كل حته فيه قصدي نتصور يعني عشان نحتفظ بالصور دي لذكري
عمر: نطلع ننام شويه و بعدين ننزل نتصور زي ما انتي عايزه
ملك: ماشي
سالي : ايه ده هي دي اوضتكم
ملك: ايوا
سالي: انا الي جمبكم علطول شوفي الصدف
ملك: صدفه جميله عشان اتعرف عليكي اكتر
سالي: و انا عايزه اتعرف عليكي اكتر
عمر: يلا يا ملك عن اذنك يا انسه سالي
عمر: ايه رايك في الاوضه بتاعتنا انا اختارتها مخصوص علي البحر عشان انتي بتحبيه
ملك: حلو اوي و منظر البحر من هنا حلو اوي مش عارفه اقولك ايه انت بتعمل كل حاجه عشان تسعدني
عمر: ما تقوليش حاجه يا قلبي
ضحكتك عندي بالدنيا
ملك: مش بعرف ارد علي الكلام الحلو علي فكره
عمر: مش لازم تردي علي فكره اهم حاجه انك معايا
عمر: انا هنام مش قادر
ملك: نامي يا حبيبي
عمر: و انتي مش هتنامي
ملك: لا مش عايزه انامي
انا لسه صاحيه هرتب حاجاتنا في الدولاب
عمر: ماشي بس صحيني اول ما العصر يأذن عشان اصلي
ملك: من عنيا يلا نام