رواية رفيق روحي
الفصل السابع عشر
بقلم # آيه عفيفي
ملك: انت قايم تعمل ايه يا عمر
عمر: كنت قايم عشان اتوضي
ملك: طب ليه ما نادتش عليا
عمر: يا حبيبتي مش عايز اتعبك انا هعرف امشي
ملك: اقعد يا عمر و انا هجبلك مايه تتوضي
عمر: هنبهدل الاوضه ليه
ملك: مش عايزه كلام كتير خليك مكانك و انا راجعه
عمر: معلشي يا حبيبتي تعبتك معايا
ملك: تعبك راحه
.................................
عمر: السلام عليكم
الدكتور: و عليكم السلام
اخبارك ايه يا بشمهندس
عمر: الحمدلله بخير
الدكتور : حرك رجلك كده
الدكتور: بقيت احسن بكتير و تقدر تمشي لوحدك
جرب تمشي لوحدك كده
ملك: الحمدلله
عمر: اقدر ارجع الشغل
الدكتور: تقدر تروح بس بلاش حركه كتير
عمر: ماشي يا دكتور
.............................
ملك: خلاص هتروح الشغل بكره
عمر: انا بقيت كويس و الدكتور قال اني اقدر اروح
ملك: خليك يومين كمان
عمر: انا بقيت كويس و بعدين زهقت من القعده في البيت
ملك: ماشي يا عمر
قولي يا عمر الشركه بتاعتك شكلها عامل ازاي اوصف لي شكلها
و لا اقولك خليني اجي اشوفها احسن
عمر: بجد عايزه تشوفيها
ملك: اه يا عمر عايزه اشوفها و اشوف مكتبك
ملك: في ايه يا عمر
عمر: بحاول اصدق انك عايزه تيجي عشان تشوفي الشركه
ملك: خلاص يا عمر مش عايزه اشوفها
عمر: و انا اقدر علي زعلك يا جميل خلاص تعالي معايا
ملك: هااا انا بحبك جدا يلا عشان ننام عشان نصحي بدري
عمر: ماشي يا ملاكي
...............................
ملك: ما شاء الله يا عمر الشركه حلوه اوي و تصميمها جميل
عمر: و لسه هتعجبك لما تشوفيها من جوه
عمر: علفكره مافيش داعي تمسكي ايدي انا بقيت بمشي لوحدي
ملك: و انا عارفه انك بتعرف تمشي لوحدك بس انا بحبك امسك ايدك فيها حاجه يا بشمهندس
عمر: براحتك يا جميل
عمر: السلام عليكم
الموظفين: و عليكم السلام حمد لله علي سلامتك يا بشمهندس
عمر:الله يسلمكم
عمر: دي مكتبي
ملك: ما شاء الله حلو اوي
بتكلمني و انت قاعد هنا صح
عمر: اه
المدير : السلام عليكم
عمر: و عليكم السلام
المدير: حمدلله علي سلامتك نورت الشركه
عمر: منوره بوجودك يا فندم
ملك: يلا اشتغل و انا هتفرج عليك و انت بتشتغل
ولا اقولك انا هخرج اشوف سالي و اتكلم معاها شويه
عمر: ماشي يا حبيبتي
موظف١: عرفتم ان مرات عمر طلعت ما بتخلفش
موظف٢: اه عرفت و عملت عمليه و ما نفعتش
موظف١: تشوفهم و هما داخلين سوا تقول بيحبوا بعض و تلاقيه من جواه عايز يسبها و يتجوز غيرها
سالي: في ايه جماعه كل واحد يخليه في حال بلاش تجيبوا سيره حد البشمهندس و مراته مافيش احسن منهم ادب و اخلاق و حتي لو مخلفتش عمر مستحيل يفكر يسيبها البشمهندس كلنا عارفين اخلاقه و حتي لو مخلفوش فهما احسن من ناس كتير عندها ولاد و ما عرفتش تربيهم و كفايه انهم بيساعدوا ناس كتير و انا واحده من ضمن الناس الي ساعدوها ربنا يباركلهم
ملك سمعت الحوار و سمعت دفاع سالي عنه و افتكرت ايه
" عسي الله ان يجعل بينكم و بين الذين عاديتم منهم موده و الله قدير و الله غفور رحيم"
ملك: السلام عليكم
سالي: و عليكم السلام حمد لله علي سلامه البشمهندسه
ملك: الله يسلمك
اخبارك ايه
سالي : الحمدلله بخير و اتغيرت كتير بسببك ربنا يبارك لك
و كنت عايزه اجي اشكرك علي الي عملتيه معايا بس مكنتش عايزه اعمل مشاكل
ملك: لا مشاكل ولا حاجه تقدري تشرفيني في اي وقت
سالي: شكرا ليكي انتي طيبه اوي
ممكن اتكلم معاكي شويه
ملك: اتكلمي يا جميل انا سمعاكي
سالي : انتي ليه دايما لما تيجي تتكلمي بتبداي بالسلام عليكم مش ازيك مثلا و تدخلي في الموضوع
ملك: السلام عليكم دي تحيه الاسلام
و بناخد عليها ثواب يعني لو قولت السلام عليكم اخد عشر حسنات و لو قولت و السلام عليكم و رحمته الله اخد ٢٠ حسنه و لو قولت السلام عليكم و رحمته الله و بركاته اخد ٣٠ حسنات
يبقي ليه اضيع علي نفسي الحسنات دي
سالي: عندك حق
ملك: و كمان لما نبدا كلامنا بالسلام تلاقي بركه في حياتك
سالي: انا كنت عايزه احفظ قران بس مش عارفه احفظ فين ممكن تقول لي
ملك: انا و عمر فتحنا دار تحفيظ و تقدري تيجي تحفظي معايا
سالي: ان شاء الله اجي ربنا يبارك لكم علي الخير الي بتعملوه
ملك: ربنا يتقبل مننا هستناكي تيجي
عن اذنك هقوم اشوف عمر خلص شغله ولا لسه
.................... .........
ملك: اليوم كان حلو اوي و انبسط اني جيت معاك النهارده
عمر: طب كويس انك انبسطي
و اكيد اطمنتي اني بقيت كويس و اقدر اروح شغلي لوحدي و اكيد مش عندك حجه تانيه عشان تيجي معايا الشركه انا عارف انك خدتي الشركه حجه عشان تيجي معايا
ملك: دايما كده فاهمني
عمر: ايوه فاهمك بس بعدي بمزاجي
ملك:فيها ايه لما اكون خايفه عليك و عايزه اطمن عليك
عمر: و اطمنتي عليا
ملك:اه بس هفضل قلقانه عليك
عمر: ما تقلقيش انا بقيت كويس
................................
تمر السنين و يبقي الحب و الموده اساس حياتهم و نظل ثقتهم في الله ان لن يخذلهم و سيمن عليهم بالذريه الصالحه حتي و ان طال الوقت
عمر: مالك يا حبيبتي زعلانه ليه
ملك: عشان .....
عمر: طب ليه الدموع يا حبيبتي قوللي ايه الي مضايقك
ملك: يوسف
عمر: ماله يوسف يا حبيبتي
ملك: خلاص كبر يا عمر و مش هقدر اخده في حضني لما يكون مضايق و لا لما ينجح في مسابقه من مسابقات القران كنت السنين الي فاتت بشبع منه عشان اليوم ده
عمر: دي سنه الحياه يا حبيبتي يوسف خلاص كبر
انتي عارفه انه كلمني النهارده عشان عايز يشتغل و يعتمد علي
نفسه قالي انا كبرت خلاص و اقدر اعتمد علي نفسي و اشتغل و جيت عشان استأذن منك قبل ما اشتغل عشان ما تزعلش مني
ملك: و انت وافقت
عمر: وافقت قدام اصرار بس لقيتله محل كويس يوقف فيه و واصيت صاحب المحل عليه
ملك: يوسف شبهك اوي يا عمر عنده نفس عزه نفسك
عمر: شبهي اوي عشان كده وافقت عشان عارفه هيفضل يزن عليا لحد ما اوافق
ملك: ربنا يبعده عنه كل شر و يوفقه في حياته و يحقق كل احلامه
......................................
ملك: في ايه يا عمر مالك
عمر: لازم اسافر تبع الشركه
ملك: هتسافر ادي ايه
عمر: تلات او اربع ايام بالكتير
ملك: تروح و ترجع بالسلامه
عمر: كنت هاخدك معايا بس المكان بعيد و هتتعبي من الطريق
ملك: عادي يا حبيبي هروح اليومين دول ارخم علي الحاج و الحاجه بقالي كتير ما رخمتش عليهم اهم حاجه انت تهتم بصحتك و تتصل تطمني عليك
عمر: حاضر يا ملاكي هرن عليكي كل شويه
ملك: يلا نام عشان تعرف تصحي بدري و انا هجهز شنطتك
عمر: ماشي يا حبيبتي
................................
ملك: السلام عليكم
ابو ملك: و عليكم السلام ادخلي يا بنتي
ملك: قولت اجي ارخم عليكم اليومين الي عمر هيسافر فيهم
ابو ملك: ماله يا بنتي رخمي علينا احنا عندنا كام ملك
ملك: تسلم يا غالي
ام ملك: كلمتي عمر تتطمني عليه
ملك: اه كلمته لسه واصل من شويه
ام ملك: ربنا يرجعه بالسلامه
ملك: يا رب
انا هنزل اشوف لمياء واحشني اوي
ام ملك: اه شوفيها كانت تعبانه امبارح
ملك: ماشي هشوفها و مش هتأخر
............................
ملك: السلام عليكم يا لولو
لمياء( جارتها) : و عليكم السلام يا ملوكه اتفضلي
ملك: اخبارك ايه يا جميل سمعت انك تعبانه
لمياء: مش عارفه مالي تعبانه من امبارح معدتي واجعني و دايخه
ملك: و احمد فين و سايبك لوحدك
لمياء : عنده شغل و ما ردتش اقوله اني تعبانه عشان ما يقلقش
ملك: ربنا يعينه
انتي شكلك تعبانه تعالي اخدك تروحي تكشفي
لمياء: بس
ملك: ما فيش بس انا الكبيره و لازم تسمعي كلامي
لمياء: خلاص ماشي هلبس و نروح
ملك: السلام عليكم
الدكتوره: و عليكم السلام
ملك: مالها يا دكتور
الدكتوره: الف مبرووووك المدام حامل
ملك: مبروك يا لولو ربنا يكملك علي خير و يرزقك طفل سليم معافي
لمياء : الله يبارك فيكي
الدكتوره: ده حملك الاول مش كده
لمياء: اه انا لسه متجوزه من سنه
الدكتوره: لازم ترتاحي و ما تتعبيش نفسك
ملك: ان شاء الله تاخد بالها من صحتها
لمياء: انا هكلم احمد اقوله اكيد هيفرح
ملك: كلميه اكيد هيفرح ربنا يفرحكوا و يسعد قلوبكم
تلك القلوب الطيبه المحبه الخير لغيرها حتي و ان حرمت من تلك النعمه
لمياء: احمد جاي في طريق
ملك: يجي بالسلامه انا هفضل معاكي لحد ما يجي
احمد:الف مبروك يا حبيبتي هيكون عندنا بيبي شبهك
و شلها و لف بيها
احمد: اسف مخدتش بالي من و جودك
ملك: عادي ولا يهمك الف مبروك ربنا يرزقكم بالذريه الصالحه
هستأذن انا و لو احتاجتي حاجه يا لولو كلميني انا عند بابا اليومين دول