رواية " رفيق روحي "
الفصل الثاني عشر
عمر: بسم الله ولجنا و بسم الله خرجنا و علي الله ربنا توكلنا (
دعاء دخول المنزل)
ملك: البيت واحشني جدا
عمر: بس البيت مترب جدا عايز شغل جامد
ملك: فعلا هتعب فيه
عمر: اسمها هنتعب فيه سوا
بس نرتاح من الطريق و نقوم نرتب البيت سوا
ملك: مش قادره خلاص تعبت
عمر: الحمدلله خلاص خلصنا
هنزل اصلي العشا و هجيب يوسف تشوفيه
ملك: ماشي هستناكم متتأخروش عليا
يوسف: ماما ماما واحشتيني اوي اوي
ملك: و انت واحشني جدا يا حبيبي قولي اخبارك ايه بتسمع كلام تيتا ولا لا
يوسف: بسمع كلام تيتا و مش بزعلها و بذاكر دروسي و بحفظ قران كمان
ملك: ما شاء الله حبيبي الشاطر ده علي كده لازم هديه
يوسف: انا مش عايز هدايا انا عايزك تفضلي جمبي علطول
و مش تسافري و تسيبني لوحدي عشان انتي الي بتحبيني
عمر: لا ده انا كده هزعل وانا رحت فين
يوسف: انت بتكون في الشغل و انا بفضل مع ماما و انا بحبها
عمر: كده ماشي
ملك: حبيب قلب ماما من عيوني مش هسافر تاني و هقعد معاك و نسيب بابا لوحده ايه رايك
يوسف: لا مش هنسيبه لوحده عشان هيزعل
عمر: لا طيب يا ابني
..............................
ملك: عمر
عمر: في ايه مالك
ملك: انا قررت البس النقاب ايه رأيك
عمر: اخيرا حبيبتي قررت تلبس النقاب مبروووك يا حبيبتي ربنا يثبتك
ملك: يعني انت موافق
عمر: اه موافق هعترض ليه ده انا مصدقت انك اقتنعتي اخيرا
ملك: انا كنت عايزه البسه بس كنت عايزه اتغير عشان استاهله عشان لو غلطت في يوم محدش يلوم كل المنتقبات بس احنا كلنا بشر و اكيد بنغلط و مين فينا معصوم من الغلط فقولت ليه اجل عمل هيقربني من ربنا
عمر: كل يوم معاكي بكتشف فيكي حاجه جديده
ملك: هننزل نشتري النقاب امتي
عمر: هو لازم ننزل يعني
ملك: يعني ايه
عمر: افتحي الدرج بتاعي هتلاقي فيه كل الي هتحتاجيه
ملك: و اشتراتهم امتي
عمر: من يوم كتب الكتاب كنت عايزك تلبسيه بس سبت القرار يجي منك انتي
عمر: افتحي العلبه
ملك: واو و رساله كمان
ها قد تزينت حبيبتي بالنقاب فصارت ملكه لا يراها سواي
ادام الله عليك لباس امهات المؤمنين
ملك: ربنا يبارك لي فيك يا عمر
بابا هيفرح اوي لما يعرف
عمر: خلينا نكلمه نقوله
ملك: لا خليها مفاجأه لما يشوفني هشوفه هيعرفني ولا لا
عمر: بتحبي المقالب
ملك: ما بقاش ملك لو ما عملتش مقالب
عمر: طفله يا حبيبتي
التيلفون بيرن
عمر: شوفتي عمو حاسس اننا بنجيب في سيرته
عمر: السلام عليكم ازيك ياعمي اخبار صحتك ايه
ابو ملك: الحمدلله بخير يا ابني ملك جمبك
ملك: ايوه يا حاج اتكلم انا سمعاك
ابوملك: حلمت لك حلم حلو اوي
ملك: حلمت بايه يا غالي
ابو ملك: حلمت انك كنت واقفه في حديقه حلو اوي و كنت بعيده عني و اول ما قربت منك شوفتك بالنقاب و كنتي فرحانه اوي و انا فضلت احضن فيكي و قولك انتي طريقي للجنه
ملك: الله يا بابا حلو الحلم اوي
عمر: الظاهر كده انك يا عمي بتحس بملك
ملك: ابويا دايما بيحس بيا
ابو ملك: في ايه يا ولاد
عمر: اصل ملك لبست النقاب و كانت عايزه تفاجأك
ابو ملك: الف مبروك يا بنتي ربنا يثبتك
ملك: اللهم آمين
بس ضيعت عليا المقلب كنت عايزه اشوفك هتعرفني بالنقاب ولا لا
ابو ملك: انا اعرفك و انا مغمض يا بنتي انا بحس بيكي
ملك: عارف يا بابا بس بحب اهزر معاك ربنا يطول في عمرك و افضل ارخم عليك
ابو ملك: تصبحوا علي خير يا بنتي خلينا نشوفكم
ملك: حاضر من الصبح تلاقيني قدامك
ابو ملك: ماشي يا بنتي هستناكي
..............................
عمر: السلام عليكم
ملك: و عليكم السلام
عمر: جيتي امتي
ملك: لسه جايه من شويه
انت مالك باين عليك مبسوط شكلك كده اترقيت في الشغل
عمر: لا
و مش هتصدقي الي هقوله سالي
ملك لنفسها:سالي الحكايه فيها سالي انا قلب تعبني
ملك: سالي مالها
عمر: جات النهارده و اتكلمت معايا
انا قلب انقبض من الغيره فرحان عشان سالي
ملك: و قالتلك ايه
عمر: اعتذرت مني علي الي عملته
ملك: الحمدلله
عمر: بتقولي ايه
ملك: مفيش كمل و ايه الي حصل بعد كده
عمر: ندمت اوي و اتغيرت كتير و غيرت طريقه لبسها و لبست واسع
ملك: و انت ملاحظ لبسها يا بشمهندس
عمر: مش قصدي انا قصدي انها اتغيرت و قالت ده بسببك و عايزه تشكرك
ملك: اه
عمر: بتقول كل حاجه هتعملها في ميزانك و انك السبب انها تتغير كل بسب طيبه قلبك يا حبيبتي عرفتي ان الطيبه ليها فوائد ايه مش هبل
ملك: بابا كان دايما يقول ان الحب كافي انه يغير الكره و كان دايما يقولي خليكي بطيبه قلبك و الناس هتحب طيبه قلبك
عمر: ربنا يحبب فيكي خلقه يا حبيبتي
.................................
عدت سنه علي جوازنا كانت اجمل سنه في حياتي مع الزوج الي بحلم بيه الزوج الحنين و الرومانسي الي بيعاملني كأني بنته و يصالحني حتي لو انا الي غلطانه بيقولي انتي بنتي و مافيش اب بيزعل من بنته .
كان في تنافس دايما بينا مين الي يصحي التاني للفجر و القيام و نشجع بعض علي حفظ القران
و يوسف كان منور علينا حياتنا
عمر: هااا حفظتي
ملك: اه حفظت بس لو سمعت احسن منك هتنفذ طلبي
عمر: علي اساس لو انا الي سمعت مش هنفذ طلبك يعني كل يوم بتضحكي عليا و بنفذ طلباتك
ملك: ربنا يطول في عمرك و تفضل تنفذ طلباتي
ملك: سمعت احسن منك يلا عشان تنفذ طلبي
عمر: قولي يا ملاكي
ملك: عايزه اروح اكشف يا عمر
عمر: تكشفي ليه يا حبيبتي ايه الي تعبك
ملك: لا يا عمر انا مش تعبانه بس عايزه اروح اشوف سبب تأخر الحمل نفسي اجيب ولد شبهك كده و افضل العب
في شعره و اجيب له لعب و افضل العب معاه
عمر: بس انا عايز بنت تشبهك في كل حاجه
بس اكيد هتزعلي
ملك: هزعل ليه
عمر: عشان احبها اكتر منك و هبقي صاحبها
ملك: بتبعني من قبل ما تيجي بنتك
عمر: بس هحاول افضل احبك
ملك: هتحاول لا جيت علي نفسك يا حبيبي
عمر: انا اقدر علي زعلك يا جميل
ملك: هنروح بكره عند دكتوره ماما قالت لي عليها
عمر: ان شاء هاجي من الشغل و نروح يا حبيبتي
......................
ملك: السلام عليكم
الدكتوره: و عليكم السلام بتشتكي من ايه يا مدام
ملك: عايزين نعرف سبب تأخر الحمل
الدكتوره : طب اتفضلي يا مدام نكشف
ملك: في ايه يا دكتوره
الدكتوره: في شويه تحاليل هنعملها الاول و بعدين نشوف
ملك: خير يا دكتوره
الدكتوره : خير ان شاء الله اشوفكم لما نتيجه التحاليل تبان
عمر: خير يا حبيبتي ان شاء الله يلا نروح نعمل التحاليل
ملك: عمر انا خايفه اوي
عمر: ما تخافيش ان شاء الله خير ان شاء الله التحاليل تطلع كويسه
عمر : خير يا دكتور
الدكتوره: اهم حاجه لازم يبقي عندكم ثقه في الله و العلم اتطور و كل حاجه ليها علاج
ملك: قولي في ايه
الدكتوره: بس يا مدام انتي عندك مشاكل تمنع الحمل بس ما تقلقيش مافيش اكتر من العمليات اليومين دول
عمر: الحمد لله علي كل حال
ملك: عمر
عمر: بس يا حبيبتي ربنا ابتلانا ابتلاء و لازم نصبر و املنا في ربنا كبير ان شاء
ابو ملك: الدكتوره قالت لك ايه يا ابنتي
عمر: الحمد لله يا عمي تشربوا ايه
ام ملك: اقعد يا ابني هو احنا ضيوف ما تتعبش نفسك
عمر: تعبك راحه يا امي
ابو ملك: في ايه يا بنتي طمنني
ملك: عندي مشاكل تمنع الحمل
ابو ملك: خير يا بنتي العلم اتطور و كل حاجه ليها علاج
ملك: الحمدلله يا بابا
بس انا زعلانه عشان خاطر عمر
هو بيحب الاطفال اوي و ربنا حرمه من النعمه دي و رغم
الابتلاءات الي اتعرض ليها لسه صابر ربنا يثبته اكتر