رواية *" رفيق روحي"
الفصل الحادى والعشرون
يوسف: السلام عليكم ازيك يا ماما عامله ايه
ملك: الحمدلله بخير.
يوسف: تيتا كانت عايزه تيجي تشوفك بس رجلها تعباها
ملك: ربنا يشفيها
ان شاء الله اول ما اخرج اجي اشوفها و خليها تشوف مريم
يوسف: فين خطيبتي
عمر: انت مصر بقا
ملك: خلاص انا وافقت اخطبلك بنتي
يوسف: ماشي خلاص اتفقنا
يوسف: بس مريم مش شبهك خالص يا بابا
عمر: طلعت شبه ملك مش كفايه عليا واحده بقي عندي اتنين
ملك: بتقول حاجه يا حبيبي
عمر: بقول مريم طلعت عسوله شبهك
ملك: بحسب بتقول حاجه تاتيه
عمر: هو انا اقدر
عمر: اقولي يا يوسف عامل ايه في المذاكره
يوسف: الحمدلله كويس و عارف انك سألت الاستاذ محمد عليا و قالك اني شاطر
عمر: اه منك يا لمض بتكلم بثقه عشان عارف اني سألت المدرسين عليك
ملك: ابني شاطر اصلا من غير كلام المدرسين
عمر: انتي الي مدلعاه
ملك: بس يا عمر ما ترخمش علي يوسف
عمر: حاضر يا ام مريم
يوسف: انا همشي يا ماما و لو عوزتي حاجه قول لي و انا اجي اجبلك الي انتي عايزه
ملك: تسلم يا حبيبي لو عوزت حاجه اقولك بس تيجي تشوفني من غير حاجه
يوسف: اكيد هاجي عشان اشوفك و اشوف مريومه
عمر: يوسف يا حبيبي اوعي تزعل مني انا بخاف علي مصالحتك
يوسف: عارف يا بابا و مش بزعل منك
عمر: كويس يلا بينا ننزل نصلي
و تمر السنين و تكبر الطفله التي ملأت البيت فرحه و بهجه بصوت ضحكاتها و صوت صراخها في معظم الاوقات
مريم: يوثف يوثف
يوسف: يوثف بوظتي اسمي
مريم: انت عارف انا روحت الدرس النهارده و بقيت كبيره
يوسف: اميرتي كبرت و وراحت الدرس شطوره و خدت ايه في الدرس
مريم: الف ارنب
يوسف: شطوره
مريم: بس انا زعلانه منك
يوسف: انا اقدر ازعل مريومه
مريم: اه مش بتيجي تلعب معايا
ملك: يوسف يا حبيبتي عنده دروس و مش فاضي ادعيله ينجح و هيجي يلعب معاكي
مريم: يعني هتنجح و تيجي تلعب معايا
يوسف: اه بس انتي ادعيلي ادخل هندسه
مريومه: يعني ايه
يوسف: يعني اطلع مهندس زي بابا
مريم: اه
ملك: كده فهمتي يعني
مريم: اه يا ماما يوسف عايز يطلع زي بابا و انا هطلع زي يوسف لما اكبر
ملك: ربنا يوفقكم انتو الاتنين
مريم: بابا يا بابا يلا عشان نخرج انت وعدتني هتخرجني النهارده
عمر: خليها بكره يا حبيبتي عشان بابا تعبان النهارده
يوسف: مالك يا بابا
عمر: مفيش يا حبيبي عندي دور برد
يوسف: ربنا يشفيك
مريم: علفكره انا زعلانه منك يا بابا و مش هكلمك عشان انت وعدتني و قولتلي المسلم ما بيخلفش وعده
يوسف: و بابا مش هيخلف وعده انا هخرجك مكان بابا ينفع
مريم : هاااا يوسف هيخرجني
عمر: ما تعطلش نفسك يا ابني انا هخرجها بكره
يوسف: مش هنتأخر بس عشان ما زعلش مريومه
عمر: ماشي يا حبيبي
مريم: هنخرج يا يوسف خلاص
يوسف: اه يا حبيبتي يلا خلي ماما تلبسك عشان نخرج
مريم: انا بحبك خالص يا يوسف هلبس بسرعه و اجي
يوسف: ماشي يلا بسرعه
مريم: شوف يا يوسف ماما لبستني فستان حلو ازاي و عملتي شعري حلو ازاي
يوسف: اه حلوين خالص يلا عشان ما نتأخرش
ملك: اوعي تغلبي يوسف و اسمعي كلامه
مريم : حاضر هسمع كلام يوسف
مريم: انا جيت
عمر: فرحانه يا حبيبتي
مريم: اه خالص يا بابا يوسف خدني الجنينه و جابلي آيس كريم كمان و لعب معايا انا و اسماء صاحبتي و فضل يمرجحنا كتير
ملك: و سمعتي كلامه ولا غلبتيه
مريم: لا يا ماما سمعت كلامه انا شاطره و بسمع الكلام
ملك: انتي هتقوللي يا لمضه
عمر: شبه يوسف و هو صغير كان لمض اوي و مازال
مريم: ماما انا عايزه انام
ملك: تعالي يا حبيبتي عشان انيمك
مريم: بس هتحكي ليا قصه حلوه
ملك: حاضر نقول قصه سيدنا يوسف ولا سيدنا موسي
مريم: يوسف عشان علي اسم يوسف و انا بحب يوسف خالص عشان خرجني النهارده
ملك: ماشي يا حبيبتي
عمر: نامت
ملك:اه
عمر: طب تعالي عشان عايز اتكلم معاكي
ملك: ماشي ثواني و جايه
ملك: في ايه مالك يا عمر
عمر: انتي عارفه يوسف في ثانويه السنادي و لازم يذاكر بس هو مصر يشتغل و مش راضي يسيب الشغل اقنعيه انتي هيسمع كلامك
ملك: حاضر هتكلم معاه و ان شاء الله يوافق
عمر: ان شاء الله
..............................
عمر: السلام عليكم ازيك يا امي عامله ايه
جده يوسف: الحمدلله يا ابني انت اخبارك ايه و اخبارك ملك
عمر: كويسين يا امي كنت عايز اتكلم معاكي في موضوع
الجده: قول يا ابني في ايه
عمر: اتفضلي يا امي دول
الجده: ايه دول يا ابني خيرك سابق
عمر: يوسف في ثانويه و محتاج مصاريف
الجده: يا ابني المعاش مقضيني و يوسف كمان بيشتغل
عمر: يوسف مش هيشتغل هيقعد يذاكر عشان يجيب مجموع
الجده: بس يا ابني انت عندك بيتك و بنتك
عمر: و يوسف ده ابني و انا المسؤل عنه خديهم مني بقا و ما تقوليش ليوسف و انا هشوف المدرسين و لو احتاجتم حاجه قول لي
الجده: كتر خيرك يا ابني ربنا يبارك لك و يوسع رزقك
عمر: عن اذنك يا امي
الجده: سلملي علي ملك و خلي مريم تيجي عشان اشوفها
عمر: حاضر
..............................
مريم: يوسف يوسف
يوسف: نعم يا اميرتي
مريم: شوف الواجب بتاع المس ادتني نجمه عشان انا شاطره
يوسف: مريومه الشاطره اعملي الواجب بسرعه و احفظي مع ماما و هتكوني شاطره خالص
مريم: اه انا بحفظ مع ماما و سمعت اشطر من اسماء امبارح
يوسف: شاطره يا حبيبتي امال ماما فين
مريم: زمانها جايه
ملك: ازيك يا يوسف عامل ايه
يوسف: الحمدلله بابا قالي انك عايزاني
ملك: اه يا يوسف عايزاك و لازم تسمع كلام و الا هزعل منك
يوسف:اكيد يا ماما انا مقدرش علي زعلك
ملك: انت لازم تسيب الشغل و تقعد تذاكر انت في ثانويه
يوسف: بس الشغل مش معطلني عن المذاكره انا بذاكر كويس
ملك: بس انا بقولك تقعد تذاكر لازم تسمع كلامي
يوسف: صدقيني الشغل مش معطلني لو معطلني مش هشتغل
ملك: بقي كده يا يوسف انت مش معتبرنا اهلك
يوسف: انتو اهلي بس انا عايز اعتمد علي نفسي
مريم: ينفع كده يا يوسف تزعل ماما و تخليها تعيط انا زعلانه منك
يوسف: يا ماما ما تزعليش مني
ملك: انت ابني يا يوسف اسمع كلامي لو بتعتبرني فعلا امك زي ما بتقولي
يوسف: انت امي الي ربتني و مقدرش علي زعلك
ملك: يبقي خلاص تسيب الشغل
يوسف: حاضر بس اهم حاجه ما تزعليش مني اهم حاجه رضاكي عني
ملك: و انا راضيه عنك يا ابني
مريم: انت كده شاطر يا يوسف صالحت ماما
يوسف: انا مقدرش علي زعلها مني
مريم: يوسف انت بتكتب واجب زي
يوسف: اه
ملك: بس يا حبيبتي سيبي يوسف يروح يشوف مذاكرته عشان يبقي مهندس زي بابا
مريم: حاضر يا ماما
ملك: خد يا يوسف انا عملتك الكيكه الي بتحبها عشان تاكلها و انت بتذاكر
يوسف: تعبتي نفسك ليه كده
ملك: لا تعب ولا حاجه اهم حاجه تذاكر عشان اكون فخوره بيك
يوسف: حاضر يا ماما اوعدك هتكوني فخوره بيا
ملك: ربنا يوفقك يا حبيبي
..................................
عمر: مالها حبيبه بابا زعلانه ليه
مريم: ماما الي زعلتني
عمر: زعلتك ليه يا حبيبتي
مريم: انت عارف عملت ايه النهارده
عمر: عملت ايه
مريم: ادت لاسماء شكولاته و خلتهم كلهم يصقفوا لاسماء و انا لا
عمر: اكيد اسماء سمعت احسن منك مش كده
مريم: اه
عمر: طب ما تزعليش و تعالي انا هحفظك و تكوني شاطره
مريم: يعني هتجبلي شكولاته
عمر: انتي بتحفظي عشان خاطر الشكولاته و لا عشان تدخلي الجنه لو عايزه شكولاته اجبلك بس مش لازم نحفظ عشان خاطر ناخد هديه
مريم:......
عمر: ساكته ليه
مريم: عشان انا كده غلطانه صح
انا بحفظ عشان اخد الهديه و عشان ماما ما تزعلش مني
عمر: مش عرفنا ان كده غلط بعد كده نحفظ ليه
مريم: عشان ربنا يحبنا و ندخل الجنه
عمر: شاطره يا حبيبه بابا تعالي نحفظ سوا و بعدين العب انا و مريومه لحد ما تنام
مريم: انا بحبك خالص يا بابا اد السما كلها
ملك: طب وانا
مريم: بحبك بس بحب بابا اكتر عشان بيسمع كلامي
ملك: بقي كده
مريم: لا ما تزعليش انا بحبك خالص بس انتي مش تزعليني
ملك: هو انا اقدر ازعل مريومه بس انا بحبك و عايزاكي تكوني شاطره
مريم: وانا هبقي شاطره و مش هزعلك
ملك: حضن لماما بقي
مريم: حضن كبير لماما و بوسه كمان
ملك: يلا احفظي مع بابا و انا هعمل فشار
مريم: انا بحب الفشار خالص
ملك: يلا احفظي بسرعه عشان تاكلي الفشار
..................................
مريم: بابا بابا شوف ماما جابت لي ليه
عمر: اشتريتي ايه وريني
مريم: فستان حلو خالص عشان البسه لما يوسف ينجح
عمر: حلو خالص و هيبقي جميل علي مريومه
مريم: انت عارف يا بابا ايه الي حصل كمان
عمر: ايه يا حبيبتي
مريم: قابلنا طنط و ماما قالت لي اقولها .......
عمر: تقوللها ايه
مريم: مش فاكره
ملك: عمتو
مريم: ايوه عمتو
عمر: قابلتوا مين
ملك: سلمي بنت عمك
مريم: يعني ايه يا بابا عمتو
عمر: يعني ايه
يعني يا حبيبتي لما يوسف يتجوز ولاده يقوللك يا عمتو
مريم: يعني انا هبقي عمتو
عمر: ايه يا حبيبتي
..........................
عمر: تعالي يا يوسف النتيجه شويه و هتبان
يوسف: ربنا يسترها
مريم: ما تخافش يا يوسف انا و ماما كل يوم بندعيلك
ملك: ما تقلقش يا حبيبي خير ان شاء الله انت عملت الي عليك و التوفيق من عند ربنا
و ان شاء الله ربنا مش هيضيع تعبك
يوسف: بانت يا بابا
عمر: اه الف مبروك يا بشمهندس جبت٩٨% مبروك عليك الهندسه
يوسف: الحمدلله
ملك: مبروك يا بشمهندس
يوسف: الله يبارك فيك يا ماما
انا مش عارف اشكركم ازاي علي تعبكم معايا السنين الي فاتت
ملك: ماتقولش كده يا ابني احنا اهلك
يوسف: انتي السبب في الي انا وصلته كنت الداعم لي دايما كنت بكتسب ثقتي في نفسي من ثقتك فيا
حققت حلمي و قريب حقق حلمك
ملك: يلا عشان نتغدي سوا بمناسبه الاخبار الحلو دي
يوسف: تسلم ايدك يا ماما مافيش احلي من اكلك
ملك:بكره تتجوز و تحب اكل مراتك
مريم: يوسف
يوسف: نعم يا اميرتي
مريم: بابا قالي انك لما تجوز هيبقي عندك ولاد و يقولوا ليا يا عمتو
يوسف: اه و انتي زعلانه عشان هيقوللك يا عمتو يعني
مريم: لا
يوسف: امال زعلانه ليه
مريم: عشان هيبقي عندك ولاد و هتلعب معاهم و مش هتلعب معايا ما تتجوزش يا يوسف
عمر: بنتك طالعه شبهك انانيه في حبها
ملك: بس يا عمر
يوسف: حاضر مش هتجوز بس ما تزعليش
ملك: فهمها يا يوسف
يا حبيبتي لما يوسف يتجوز انتي هتبقي كبيره مش هتلعبي
عمر: اه يا حبيبتي انتي هتكون كبرتي و بقيتي عروسه
مريم: خلاص يوسف يتجوزني انا
ملك: بس يا مريم بلاش دلع
عمر: شبر و نص و عايزه تتجوز
ملك: انت بتهزر يا عمر البنت بقت مدلعه اوي و عايزه تاخد كل حاجه هي عايزاها
يوسف : اتناقشوا انتو و انا هقوم اصالحها
يوسف: ممكن ادخل يا اميرتي
مريم: لا عشان انا زعلانه منك
يوسف: و انا جاي عشان اصالحك
مريم: يعني هتلعب معايا انا بس
يوسف: مش هلعب غير مع مريومه حبيبتي و بس
مريم: مش هتجوز
يوسف: لا
مريم: اوعدني
يوسف: ايه رأيك نلعب سوا يلا وريني لعبك
مريم: انا عندي لعب كتير و بابا جاب ليا عروسه جديده
يوسف: طب يلا نلعب باللعب كلها
يوسف: اميرتي بقت مبسوطه
مريم: اه يا يوسف تعالي العب معايا كل يوم
يوسف : حاضر
يلا بقا نعين الالعاب و نرتب الاوضه عشان ماما ما تزعلش مننا
مريم:بابا بيخليني اعين لعبي قبل ما نام
يوسف: اسمعي كلام بابا و ساعدي ماما عشان ماما ما تتعبش
مريم: انا بساعدها كل يوم
يوسف: شطوره
مريم: انت عارف يا يوسف في سر بس ماما قالت لي مش اقول ليك
يوسف: خلاص ما تقوليش عشان ماما ما تزعلش منك
مريم: ماشي