👴نوفيلا ابو الرجاله👴
🌵البارت الثالث والاخير 🌵
اشرقت الشمس فى السماء لتبدء العصافير بالتغريد
فتح مصطفى عينه بصعوبه وكان حاسس أن هو تعبان قام بصعوبه من على السرير ودخل الحمام اتوضه وخرج اداه فرضه ولبس هدومه وخرج من باب الشقه ونزل وقف تاكسى وراح على شركة احمد وطلب أن هو يشوفه
وبعد شويه جه السكرتير وقال ليه أن احمد فى اجتماع مهم ومش هيقدر يقابله دلوقتى
مصطفى / خرج من الشركه وهو حزين ومكسور راح النيابه عند ابنه قالو ليه أن هو مجاش راح عنده الفيلا ورن الجرس فتح ليه محمود واول ما شافه اتصدم وقال
محمود / بابا خير فى حاجه
مصطفى / شده فى حضنه وقال واحشتنى يا ابنى ليه تعمل فى ابوك كده اهون عليك متسألش على ابوك طول السنين اللى فاتت دى
محمود / احم غصب عنى يا بابا بس حضرتك جاى ليه
مصطفى /جاى اشوفك واحشتنى معلش لو كنت ضيقتك بس اهو أسمى شوفتك
محمود / احم لاء مش قصدى تعال اتفضل
مصطفى/ دخل قعد
محمود / ثوانى اجيب ليك حاجه تشربها
مصطفى / لالالا مش عايز اشرب حاجه اقعد جنبى خلينى اشبع منك شويه
محمود / قعد معاه وقال عامل ايه
مصطفى / نعمه ورضى الحمدالله امال فين عيالك
محمود / عندى فارس بس
مصطفى / ربنا يخليه ليك ممكن اشوفه بس
محمود / اه طبعآ ثوانى ودخل جابه وجه
مصطفى / اخده فى حضنه وقال ماشاءالله طالع زى القمر شبهك وانت صغير وفى الوقت ده طلعت رحاب متعصبه وقالت
رحاب / ايه الصوت ده هو الواحد ميعرفش ينام فى بيته شويه
محمود / لمى الدور وادخلى اوضك يا رحاب
رحاب / اه بقى ما انت هتعملها تكية أهلك النهارده جبت ابوك بكره تجيب اخوك بعده تجيب عياله ويقرفونا
مصطفى / وقف وقال معلش يا بنتى لو كنت سببت ليكى ازعاج انا ماشى علطول ولسه هيبوس فارس
رحاب / شدت الولد منه وقالت سورى علشان الامراض انت كبير فى السن واكيد عندك مرض وده صغير وممكن يتعده
مصطفى / اه صح عندك حق يا بنتى واسف ليكى مره تانى وبص لمحمود وقال تبقى تيجى تسأل عليا بلاش تقطعنى خالص كده
محمود / إن شاءالله يا بابا طيب خليك اتغدا معانا
رحاب / مش هينفع احنا معزومين على الغدا
مصطفى / لاء شكرآ يا ابنى انت عارفنى مش بحب اكل بره بيتى روحو انتو العزومه بتاعتكم مع السلامه يا حبيبى
محمود / مع السلامه
مصطفى / خرج من عند محمود وبص على الفيلا من بره ودموعه نزلت منه مسحها ووقف تاكسى ولسه هيركب وقع فى الارض واغمى عليه السواق طلب الإسعاف وجت شالته ودته المستشفى واخدو التليفون بتاعه وشافو عليه اخر رقم اتصل بى وكان بتاع محمد اتصلو عليه وقالو ليه أن صاحب التليفون ده وقع فى الشارع وتعبان قفل معاهم محمد وساب المدرسه وجه يجرى على المستشفى ودخل عند ابوه ولاقه تعبان جدآ دموعه نزلت منه وقال
محمد / ايه نزلك يا بابا كنت فين كده
مصطفى / بتعب كنت بشوف اخواتك واحشونى وعرفت انك بتكدب عليا
محمد / غصب عنى والله كدبت عليك خوفت اقولك الحقيقه تتعب واديك شوفتها بعينك واللى كنت خايف منه حصل
مصطفى / محصلش حاجه يا ابنى اخوك الكبير مشفتهوش اصلا واخوك الصغير رحب بيا هو ومراته وشوفت ابنهم فارس كمان
محمد / بس فى الاخر جيت على صحتك وتعبت
مصطفى / العمر مبقاش فيه قولت اشوفهم مره قبل ما ربنا يسترد أمانته
محمد / بدموع ربنا يطول عمرك يارب
مصطفى / لاء بلاش تدعى وتقول كده امك واحشتنى بقى خلينى اروح عندها انا حاسس بروحها حاوليه
محمد /بلاش تتكلم كتير علشان متتعبش اكتر
مصطفى / فين مراتك
محمد / اتصلت بيها فى السكه وزمنها جايه
مصطفى / توصل بالسلامه يارب
وفى الوقت ده دخلت حبيبه
حبيبه / بدموع الف سلامه عليك يا بابا انشالله انا وانت لاء
مصطفى / بعد الشر عليكى يا حبيبتى كويس انك جيتى خلى بالك من جوزك محمد طيب اوى وحساس خافى عليه من النسمه الطايره وحافظى عليه كويس اوى صعب تلاقى زيه فى الدنيا دى والاولاد كل يوم بوسيهم ليا وقولى ليهم أن جدهم كان بيحبهم اوى
حبيبه / بدموع بالله عليك بلاش تقول الكلام ده وريح نفسك بلاش تتكلم كتير علشان متتعبش
محمد / بدموع انا خارج شويه وجاى
حبيبه / ماشى وقعدت مكان محمد
محمد / خرج من الاوضه وطلب رقم احمد رد عليه السكرتير وقال إن هو مشغول محمد قال بعصبيه قولو ابوه مرمى فى المستشفى
السكرتير / طيب ثوانى وغاب شويه وبعدين سمع صوت احمد
احمد / خير يا محمد ابوك مالو
محمد/ ابوك تعبان اوى فى المستشفى مش ناوى برضه تيجى تشوفه
احمد / مش عارف عندى النهارده وقت ولا لاء
محمد / بعصبيه انت ايه معندكش دم بقولك ابوك تعبان تعبان ايه مستنى لما يموت تيجى تشوفه
احمد / خلاص يا محمد هحاول أفضى نفسى شويه واجى ابص عليه
محمد / بغيظ لاء بلاش خليك فى شغلك و متجيش بكره تندم يا احمد فى وقت مينفعش فيه الندم وقفل السكه فى وشه
وطلب رقم محمود وانتظر الرد
محمود / عايز ايه يا محمد
محمد / انا مش عايز حاجه منك بس قولت ابلغك أن ابوك تعبان فى المستشفى لو تحب تشوفه سلام وقفل السكه وخبط بأيده على الحيطه وقال بدموع اغبيه اغبيه مش عارفين عواقب اللى بيعملوا
حبيبه / خرجت وقالت الحق يا محمد ابوك تعبان اوى روح هات دكتور بسرعه
محمد / طلع يجرى وجاب الدكتور وخرجت حبيبه ودخل الدكتور يكشف عليه وبعد شويه خرج الدكتور وقال البقاء لله
محمد / بصدمه مين ها يا دكتور مين اوعى تقول ابويه لالالا يا دكتور ابويه عايش صح
الدكتور / شد حيلك وسابه ومشى
محمد / ب.ب.باباااااااااا وقعد فى الارض
حبيبه / كانت منهاره وعماله تعيط وراحت قعدت جنب محمد واخدته فى حضنها وقعدو يعيطو الاتنين وكانو منهارين وبعد وقت قام محمد خلص إجراءات الدفن فى نفس الوقت اللى كان جاى فيه احمد ومحمود
محمد اول ما شافهم انهار ومسك فيهم وقال جاين بعد ايه بعد ما مات ابوكم خلاص مات استريحو بقى انت خليك فاضى لشغلك وللفلوس وانت خليك استعر من أهلك خلاص اللى كنت بشترى خاطركم علشانه مات مات وهو نفسه يشوفك يا احمد دلوقتى مبسوط وانت يا حضرة وكيل النيابه شافك اخر حاجه والله اعلم قابلته ازاى ووجعته ولا لاء منكم لله حسبى الله ونعمه الوكيل على اللى عملتوه فى ابوكم وسابهم ومشى وأحمد ومحمود دموعهم نازله منهم واندفن مصطفى واخد عزاه احمد ومحمد ومحمود وبعد وقت روح كل واحد بيته ومحمد دخل فى حاله نفسيه
~•~•~•~•~•~•~•~•~•~•~•~•
وبعد مرور شهور من موت مصطفى
محمد حبس نفسه فى الاوضه بتاعته فتره وحاولت حبيبه تخرجه من الحاله اللى هو فيها بصعوبه نزل محمد الشغل من تانى وبدأ يخرج شويه بشويه من الحاله اللى هو فيها
احمد / كان زى ما هو مشغول بالشركه وجمع الفلوس
محمود / زعل على ابوه فتره واتحسن ورجع نزل الشغل من تانى
فى شقة محمد
كان قاعد فى اوضه بيقراه فى المصحف وتليفونه رن بيبص لاقه رقم احمد كنسل عليه بس اتصل تانى رد عليه وقال
محمد / نعم
احمد / مش بترد ليه
محمد / بتريقه مش فاضى
احمد / ما تتكلم عدل معايه متنساش أن انا اخوك الكبير
محمد / اخلص يا احمد متصل ليه
احمد / هو ورق الشقه بتاع ابوك فين
محمد / معرفش ليه
احمد / مش المفروض تتباع وتتقسم علينا احنا الورثه
محمد / بصدمه انت ايه يا اخى بقيت جشع على الفلوس كده ليه بقيت كلب فلوس يعنى ابوك لسه ميت بقالو كام شهر وتتصل علشان عايز حقك فى الشقه
احمد /والله ده حقى وانا حر فيه
محمد / عمومآ انا مدخلتش الشقه من يوم ما ابوك مات تلاقى الورق فيه
أحمد / معاك المفتاح
محمد / بزعل ايوه
أحمد / خلاص جهز نفسك وانا واخوك هنعدى عليك ونروح الشقه
محمد / انا مش هقدر ادخل الشقه وابويه مش فيها خدو انتو المفتاح وروحو
احمد / لازم تكون موجود معانا خلص نفسك احنا جاين وقفل معاه
حبيبه / فى ايه يا محمد
محمد / بزعل اخواتى اللى لما كان بابا عايش محدش فيهم فكر يدخل ليه الشقه ويسأل عليه دلوقتى عايزين يرحو علشان يشوفو ورق الشقه علشان كل واحد ياخد حقه انا لو عليا مش عايز حاجه نفسى كانت الشقه تفضل موجوده من ريحة ابويه بس هما الجشع عامى عينيهم
حبيبه / اخواتك مش هيرضو بكده خليهم يعملو اللى هما عايزينه واذا كان على الذكره ابوك معانا هنا فى قلوبنا
محمد / ربنا يرحمك يا بابا عشت متعذب معانا وفى الاخر ولادك محدش فيهم سأل عليك وردو ليك الجميل
حبيبه / ربنا يرحمه يا حبيبى قوم يلا اجهز
محمد / قام لبس هدومه واخواته وصلو ونزل ليهم وراح على الشقه واول ما دخلو الاتنين دخلو اوضت النوم يدورو على الورق فى الدولاب ومحمد دخل على صورة ابوه وبص ليها ودموعه نزلت وقال ربنا يرحمك يا حبيبى ضهرى اتكسر بعدك واحشتنى اوى اوى يا بابا وسمع صوت احمد ومحمود بينادو عليه دخل يجرى عليهم
احمد / بغيظ اخر مره دخلت هنا الشقه امته
محمد / قبل موت ابوك بيوم ليه
محمود / انت كداب انت دخلت زورت الورق ده بأسمك ورجعته مكانه علشان لما ندخل نتفاجئ بأن ابوك كاتب الشقه بأسمك انت
محمد / والله العظيم انا مدخلتش الشقه من يوم ما ابوكم مات وحكاية الشقه دى انا معرفش حاجه عنها
أحمد / انت مفكرنا هنصدقك صح ابوك استحاله يعمل كده اكيد دى لعبه منك
محمد / انا عمرى ما بصيت لفلوس ولا شقه علشان اعمل كده ولو على الشقه انا مش عايز حاجه انا كان نفسى بس تفضل من ريحة ابوكم إنما مش عايز حاجه منها اتفضلوها
محمود / خلاص تعمل تنازل عليها واحنا هنبيعها وهنقسمها بشرع ربنا
محمد / لاء خليها ليكم مش عايز منها حاجه وسابهم ونزل روح على شقته
~•~•~•~•~•~•~•~•~•~•~•~•
مر اسبوع على موضوع الشقه وعمل محمد تنازل ليهم على الشقه وباعو الشقه وراحو لاخوهم بيته
احمد / خد حقك من الشقه اتباعة ب(........)
اتقسمت علينا احنا التلاته
محمد / مش عايز حاجه
محمود / والله دى مش مشكلتنا احنا بقى عندك فلوسك واعمل بيهم زى ما عايز انشالله ترميها فى الشارع يلا يا احمد ورانا اشغال ومشو وسابو الفلوس ليه على الطرابيزه
محمد / بص للفلوس ودموعه نزلت منه
حبيبه / دخلت وقعدت جنبه
محمد /اترمى فى حضنها وقعد يعيط زى الاطفال
حبيبه / طبطبت عليه وقالت اهدا يا حبيبى انت مش ذنبك حاجه
محمد / مش قادر أتخيل ازاى هما بالقسوه دى يا حبيبه دول مش زعلانين على موت ابوهم حتى لو بالكدب
حبيبه / معاهم اولاد واللى هما بيعملوا هيتعمل فيهم
محمد / ربنا يهديهم هيوجعونى برضه لو حصل حاجه اخواتى مهما إن كان
حبيبه / يارب يا حبيبى المهم ناوى تعمل ايه بالفلوس دى
محمد / مش عارف بس مستحيل هصرف منهم قرش واحد على بيتى وانا عارف قد ايه الشقه دى كانت غاليه على بابا علشان من ريحة ماما
حبيبه / اللى يريحك يا حبيبى انت حر فيهم
محمد / انا هعمل ليهم صدقه جاريه بأسم ماما وبابا
حبيبه / ربنا يجعله فى ميزان حسناتهم ويصلح حالك يا قلبى
محمد / قعد نايم فى حضن حبيبه ويبص على الفلوس ودموعه تنزل منه على ابوه وعلى اخواته
~•~•~•~•~•~•~•~•~•~•~•~•
وبعد مرور الزمن عليهم
كان نايم احمد فى اوضه وتليفونه رن الفجر رد عليه وقال
احمد / الو
المتصل / استاذ احمد عندى خبر حزين لحضرتك
احمد / قام قعد وقال بخضه خير فى ايه
المتصل / الشركه بتاعة حضرتك حصل فيها ماس كهربائي وكل حاجه اتحرقت
احمد / بصدمه ايه بتقول ايه انا جاى حالا وقفل التليفون وقام يلبس هدومه بسرعه
هدى / خير يا احمد
احمد / الشركه حصل فيها حريق اتخرب بيتى يا هدى اتخرب بيتى ونزل يجرى ركب عربيته وراح على الشركه واول ما شاف كل حاجه اتفحمت فيها اغمى عليه والناس فوقه
الامن / احنا اسفين يا باشا محسناش بالحريق ده الا لما شوفنا الدخان طالع من جميع النواحى كان خلاص النار مسكت فى كل حاجه فى الشركه وعلى ما وصلت المطافى كان كل شئ راح
احمد / يا خراب بيتك يا احمد هعوض الخساره دى منين اتخرب بيتى اتخرب بيتى شقا عمرى راح وقام مشى وهو بيقول شقا عمرى راح وركب عربيته وروح على البيت ودخل اوضه وقعد يعيط ويعيد نفس الكلمه
هدى / اهدا يا احمد هيحصلك حاجه
احمد / انا اتخرب بيتى خلاص يا هدى كل حاجه راحت وقعد يعيط
هدى / ربنا عايز كده الحمدالله فى الضراء قبل السراء
احمد / انا عندى عقود لازم تتسلم فى معادها ولو متسلمتش هدفع الشرط الجزئى ودى مصاريف كتير اوى وممكن اتسجن كمان
هدى / ده عقاب ربنا ليك كتير قولتلك أسأل على ابوك كتير اتحايلت عليك تفضى نفسك شويه ليه لكن تملى كانت الفلوس عاميه عينيك وشغلك وواخده كل وقتك استفد ايه دلوقتى ابوك مات غضبان عليك شغلك خسرته فلوس وراحت فى شوية رماد واتبقى ليك الحسره والندم حتى ولادك طلعت قاسيه عليك من كتر ما كانو بيتمنو يقعدو شويه معاك وتملى مكنتش فاضى ليهم كل واحد راح بيته وبقو يعملو معاك زى ما كنت بتعمل مع ابوك انت فاكر اخر مره شوفتهم وشافوك امته لاء طبعا كنت مش فاضى ليهم وهما محاولوش يسألو فيك اشرب بقى وسابته وخرجت من الاوضه
احمد / قعد فى الارض وعيط زى الاطفال
___________________________
ومر شهرين على حادثة
احمد ومقدرش يدفع الشرط الجزأى للعقود ودخل الحبس واتحكم عليه بخمس سنين
عند محمود
كان راكب عربيته ومروح من الشغل لبيته
وعربيه تانيه نورت نور العربيه فى عينيه ومره واحده العربيه لفت من أيده واتقلبت كذا مره والدم كان نازل منها العربيات كلها وقفت وحاولت تخرج محمود من العربيه واتصلو بالاسعاف وجت طلعته بصعوبه واخدته على المستشفى ودخل العمليات وبعد وقت خرج الدكتور من العمليات وقال
الدكتور / مين هنا قريب المريض
فارس / ان ابنه خير يا دكتور
الدكتور / احنا عملنا ليه كذا عمليه بس حصل كسر فى العمود الفقري وانفصل عن بعضه وده هيسبب ليه شلل تام فى جسمه كله
فارس / طيب يا دكتور ملهوش علاج
الدكتور / صعب
فارس / طيب ممكن اسفره بره
الدكتور / هيبقى نفس الكلام مش هيقولو ليك حاجه جديده وانت حر عن اذنك
رحاب / شلل ومين بقى هيشيل ويحط فيه
فارس / انتى طبعآ يا ماما
رحاب / لاء انا مقدرش على كده انا هطلق منه واروح اعيش معاك ومع مراتك
فارس / ها ا.ا.اه طبعآ تنورينى يا ماما
رحاب / اول ما يفوق ادخله وقول ليه يطلقنى
فارس / حاضر يا ماما
وبعد وقت فاق محمود وعرف بخبر شلله ودخل فارس ليه
محمود / بدموع انا اتشليت يا فارس شوفت اللى حصل لابوك
فارس / معلش يا بابا ده قضاء ربنا
محمود / عارف ان قضاء ربنا بس صعبه اوى لما تعرف ان هتعيش الباقى من عمرك حد يشيل ويحط فيك وامك استحاله تعمل كده
فارس / احم ما انا داخل اتكلم معاك فى الموضوع ده ماما طلبه الطلاق وبتقول مش هتقدر تخدمك
محمود / ده الشئ المتوقع من امك
فارس / حضرتك ممكن تجيب ممرضه تشتغل عندك فى الفيلا وهى هتساعدك
محمود / انا عارف ان هتعذب فى اللى باقى من عمرى ذنب اللى عملتو فى جدك ربنا جاب ليه حقه منى بس بطريقه صعبه اوى ربنا ما يطولها عليا يا ابنى
فارس / يعنى هطلق امى
محمود / طبعآ مش هغصب عليها تعيش مع واحد عاجز امك طالق يا فارس طالق
فارس / احم طيب معلش يا بابا انا لازم امشى علشان عندى شغل
محمود / ابقى أسأل عليا يا فارس علشان ميحصلش معاك زى ما حصل معايا لما مسألتش على ابويه
فارس / ا.ا.اه طبعآ يا بابا عن اذنك وخرج واخد أمه معاه وراح على الفيلا بتاعته ودخل هو وامه
تالا / حبيبى عمو عامل ايه وأتصدمت لما شافت رحاب وقالت طنط ازيك
رحاب / الحمدالله كويسه
تالا / فارس عايزاك
فارس / عن اذنك يا ماما ودخل مع تالا
تالا / بصوت عالى ايه جاب مامتك معاك
فارس / وطى صوتك بس ماما هتعيش معانا علطول علشان أطلقت من بابا
تالا / نعععععععععم تقعد فين مستحيل ده يحصل
فارس / يعنى اعمل ايه ارميها فى الشارع
تالا / اتصرف مليش دعوه
فارس / خلاص بقى يا تالا استحمليها كأنها مامتك
تالا / ام مين لاء طبعآ ويا انا يا هى فى الفيلا
فارس / اعقلى يا تالا احنا ما بنا اولاد
تالا / والله انت حر يا تختارنى وتختار ولادك يا تختار مامتك وخرجت من الاوضه لاقت رحاب مسك بنتها وهتبوسها شدتها من ايد رحاب وقالت سورى يا طنط دى طفله وممكن تتعب
رحاب / افتكرت الموقف ده لما عملته فى مصطفى ابو محمود وضحكة وقالت حقك يا بنتى قبلك انا عملتها فى حمايا
فارس / احم ماما اتفضلى علشان تتغدى
تالا / فارس انا مش بهزر هاخد ولادى وامشى
رحاب / خير يا بنتى فى ايه
تالا / انتى هتكونى السبب فى خراب بيت ابنك ويا انا يا انتى فى الفيلا وعلى ابنك يختار
فارس / بص فى الارض ومردش عليها
رحاب /لاء يا بنتى خليكى قاعده فى بيتك مع جوزك واولادك انا اللى همشى وبصت على ابنها ومسكت شنتطها ومشيت رجعت تانى المستشفى عند محمود ودخلت قعدت من غير ولا كلمه
محمود /بصلها وعرف أن مرات ابنها عملتها وحش سبها قاعده ومتكلمش معاها ولا كلمه
~•~•~•~•~•~•~•~•~•~•~•~•
عند محمد
ربنا كرمه واشتغل فى مدارس خاصه وظروفه الماديه اتحسنت
اتجمع أولاده التلاته عنده وكانو بيضحكو ويهزرو مع بعض
مصطفى / ايه يا حاج كبرت وراحت عليك ولا ايه
محمد / مين ده اللى كبر وراحت عليه ده انا شباب عنك يا اخويه ده انتو جيل منيل بنيله وخيخه
مصطفى / بغمزه يا جامد انت يا شقى
حبيبه / ولد اختشى
مصطفى / بزمتك يا مزه مش بابا شقى لحد دلوقتى ههههههههههههه
حبيبه / والله لو مسكتش لقوم بالشبشب على بؤق
مصطفى / ههههههههههه لاء على ايه الطيب احسن
مريم / ماما تعالى شوفى كده الاكل خلص ولا لسه
حبيبه / يا وكستك السوده فى بناتك يا حبيبه مش عارفين تشوفو الاكل خلص ولا لاء امال فاتحين بيت ازاى
هشام / والله مظلومين يا حماتى دى بتجرب فيا اكل ملبك اقسم بالله
سعيد / هههههههههه زى اختها بالظبط بتعمل معايا كده تشوف حاجه فى التلفزيون تيجى تجرى تجربها فيا
روجين / نعم يا سى سعيد مش عجبك ولا ايه
سعيد / ها لا طبعآ عجبنى وانا قولت حاجه
هشام / الله يرحمك يا رجوله
مريم / هشااااااااام
مصطفى / ابقى اقراها الفاتحه يا روح امك هههههههههههههه
هبه / اه يخربيت كده
حبيبه / مالك يا حبيبتى
هبه / ابن ابنكم مش بيهدا ابدآ
حبيبه / هههههههه فكرنى بأبوه لما كنت حامل فيه كان زيه بالظبط كان شقى اوى وهو صغير
مصطفى / وحتى وانا كبير شقى وغمز لمراته هبه
محمد / ضربه براحه على وشه وقال ما تلم نفسك احنا كلنا قاعدين
مصطفى / ايه يا بابا ايدك اخدت عليا اوى وبعدين اعمل ايه اتجوزت شهر والهانم حملت ومن يومها علطول تعبانه وربنا تعبت
هشام / ههههههههه كلنا كنا زيك بس هتظبط بعد كده
مصطفى / يارب يا اخويه يارب انا بفكر اتجوز واحده احتياطى بدل عيشت الحرمان دى
هبه / نعععععععععم ومسكت بطنها من تحت
روجين / هههههههه يخربيتك هتولدها قبل معادها
حبيبه / طالع نسخه من ابوك كان تملى بيعمل معايا كده الله يكون فى عونك يا بنتى
الكل / ههههههههههههههه
بسم الله الرحمن الرحيم
{وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا * وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيرًا * رَبُّكُمْ أَعْلَمُ بِمَا فِي نُفُوسِكُمْ إِنْ تَكُونُوا صَالِحِينَ فَإِنَّهُ كَانَ لِلْأَوَّابِينَ غَفُورًا ﴾ [الإسراء: 23 - 25].
صدق الله العظيم
#النهايه