رواية حور وادم
الفصل السابع والثامن والتاسع
دا الفصل السابع الي مش لاقياه اللناس
بقلم Shaimaa Mohamed
الفصل السابع
مضي اسبوعا كاملا علي عوده الجميع من الرحله
لم يحدث به الكثير من الاحداث
فقد دخلت حور في حاله اكتئاب ومكثت بغرفتها لم تخرج منها الا نادرا لتتناول بعض اللقيمات تحت اصرار والديها
اما منه لم تذهب الجامعه ايضا حاول ادم ووالداها لاخراجها من حاله الحزن التي تعتريها لكن بدون جدوي
عادت ورد الي هدوئها وانعزالها وذلك احزن ادم كثيرا
طرق ادم علي باب غرفه اخته
منه:ادخل
ادم: ايه يامنه عامله. كده كتير
منه: عامله ايه مانا كويسه اهو
ادم قبل جبين اخته وكاد يغادر ثم التفت نصف التفاته واضعا كتلا يديه في جيوبه
:صحيح معتز بيبلغك ان امتحانك بكره
منه بتذكر: اها تمام ماشي
رحل ادم متجها الي ابنته فهذا حاله منذ اسبوع يتردد علي اخته وابنته. تباعا وقد سأم منهم
ادم وجد ابنته تلعب بشرود
ادم بحزن: حبيبت بابي بتعمل ايه
ورد لم تعير له اهتمام
زفر ادم فابنته لا تتحدث اليه
ادم في سره وربنا ياحور لاربيكي
ادم: ايه رايك ياورد اخليكي تكلمي حور
ورد وهي تنظر بشك; بجد
ادم: بحد
امسك هاتفه وطلب رقم حور الذي اخذه منه فهو عزم علي ارجاعهم مره اخري
ادم باحباط: للاسف مغلق
جلست ورد مره اخري الي العابها بحزن
🥁🥁تصاعد رنين هاتف ادم
فتح ادم دون ان يلاحظ هويه المتصل
: وربنا ندل يعني انا لو مسالتش متسالش
ادم بضحك وقد ادرك هويه المتصل: حبيبي واحشني والله ياصاحبي
:دا باماره ايه
قواي اخر مره كلمتني فيها امتي
ادم:معلش والله انشغلت الفتره الي فاتت دي
: حبيبت خالوا عامله ايه
واحشاني والله
نظر ادم باتجاه ورد: خد كلمها اهيه علشان هيا مخصماني
:هههه مش معقول ورد تخاصمك دي مكانتش تخلي حد يقرب منك يابني
ادم بضحك :ورد كلمي خالوا
اخذت ورد الهاتف
عمرو: حبيبت خالو عامله ايه
ورد:كويسه
عمرو: مخاصمه بابي ليه
ورد:علشان مش مراضي يوديني عند مامي حور
ثم نظرت الي والدها بعتاب
عمرو باستغراب:اها
طاب عندي خبر حلو جهزي نفسك بقي علشان تحضري فرحي
ورد بسعاده: وهتجبلي فستان زي العروسه
عمرو: واحلي من بتاع العروسه كمان
اديني بابي يلا
ناولت ورد الهاتف الي والدها ورجعت تلعب بحماس
ذهب ادم الي النافذه ليكمل كلامه علي الهاتف
ادم:ايه خلاص نويت تتجوز
عمرو: اه الفرح الخميس الجاي واعمل حسابك
انك هتيجي مش تعملي زي الخطوبه
ادم: لا ان شاء الله جاي دا وهكون معاك في كل تجهيزات الفرح. دا انت اخويا ياعمرو
عمرو: حبيبي يادومي ومتنساش تقول للواد معتز
ادم:دا هيفرح
عمرو: مش ناوي ياعم الحج تيجي تشوف الشغل ماشي اذاي في الشركه
ادم: انت عارف. انا ماليش في الشغل دا.
البركه فيك بقي
عمرو: بس اعمل حسابك هتمسك مكاني في شهر العسل
ادم: ماشي ياسيدي هتجيب البدله امتي
عمرو: كمان يومين كده هارن عليك
واغلق الهاتف مودعا اياه
&&&&&&&&&&&&&&&&&&&&&&&&&&
(عمرو زيدان اخو نهي زيدان مرات ادم
عمرو واخته وادم ومعتز كانو في المدرسه مع بعض
فكانوا كلهم صحاب جدا كانوا مسمينهم في المدرسه الرباعي المرح
دخل عمرو كليه هندسه علشان والده كان معاه شركه صغيره للمقاولات وعلشان يعرف يديرها بعد وفاه والده الشركه دي كانت نصها ليه والنص التاني لنهي
اما الباقي دخلوا تربيه وادم ومعتز تفوقوا فيها واتعينوا معيدين اما نهي كانت بتنجح بالعافيه 😂
ادم ونهي كانوا بيحبوا بعض واتجوزوا
نهي كان عندها عيب في القلب علشان كده مكانش ينفع تخلف بس هيا من حبها لادم حبت تجيبله ابن فماتت وهي بتولد
عمرو بعد موت اخته كتب كل نصيب اخته باسم ورد بنتها وادم وصي عليها
بس ادم مش بيروح الشركه وعامل توكيل لعمرو
بس دي كل الحكايه 🙄🙄🙄 معلش طولت عليكم)
&&&&&&&&&&&&&&&&&&&&&&&&&&
عند حور
دلفت فاطمه الي غرفه حور فوجدتها نائمه
فذهبت وفتحت النوافذ
حور بضيق:ليه كده ياماما
اتجهت اليها وجلست بجانبها:يعني انتي مش نايمه
مش كفايه ياحور يابنتي
حور نهضت حور وتوضات وادت فرضها
واتجهت الي والدتها
فاطمه: انا اسفه يابنتي عل
حور بسرعه:متعتزريش ياماما انتي معملتيش حاجه
انا مش زعلانه منك اصلا
حضنتها فاطمه: انا ماليش في الدنيا دي غيرك
وكل منايا افرح بيكي واشوف عيالك حواليا
حور بضحك:تاني ياماما
فاطمه :ايوه كده اضحكي
يالا احنا مستنينك علي الفطار
ثم غادرت
حور نهضت حور لترتدي ملابسها فيكفي فانها تحزن احبائها عليها
واليوم حفله ورد وقد وعدتها ان تحضر
خرجت الي والديها وانضمت اليهم
مجدي بفرحه: اخيرا اميرتي الحلوه طلعت من اوضتها
ثم سكت قليلا وتكلم بهدوء انا مش هعاتبك انك محكتليش علي حاجه بس هزعل جدا لو محكتليش اي حاجه تحصل بعد كده
حور:والله يابابا انا كنت خايفه علي حضرتك
فاطمه محاوله تغيير مجري الحديث: حبيبتي انتي خارجه ولا ايه
حور وهي تعبث بطعامها: اه اصلي وعدت ورد اني هاحضر معاها الحفله
فاطمه:ورد مين
حور: احم دي بنت الدكتور ادم
مجدي: ايه حكايه الدكتور ادم. دا
حور:مفيش حكايه ولا حاجه يبقي اخو صاحبتي
وبنتو متعلقه بيا جدا
فاطمه باهتمام:ومامتها فين
حور: ماتت هي بتولدها
فاطمه بتاثر: ياحبيبتي روحي علشان متزعلش
كادت ترد عليها الا ان قطعها صوت طرقات علي الباب
نهضت حور لتري من الطارق
حور بصدمه: انت
سامح: اذيك ياحور
حور بعصبيه:يابجاحتك يااخي جاي هنا ليه
سامح وهو يدفعها ليدخل انا جاي لخالتي
سامح كان مكلف للي بيراقبها في الرحله يفضل يراقبها علي طول واخبره انها لم تخرج من منزلها منذ رجوعها من الرحله فاعتقد سامح ان خالته منعتها من الخروج مصدقه اياه
خرج له مجدي وورائه زوجته
سامح :اذيك ياعمي معلش جيت في الوقت دا بس اص
قاطع كلامه كف فاطمه الذي سقط علي وجه.
شهقت حور بصدمه وارتدت للخلف
سامح بصدمه:انتي بتضربيني ياخالتي
فاطمه:وهاقتلك ياقذر ياذباله
مسكها مجدي :اهدي يافاطمه مش كده
اسمع ياسامح انتي تبعد عن حور بنتي خالص والا مش هيحصلك كويس
سامح مكتفا يديه امام صدره: وهتعملي ايه بقي اتكلم علي قدك ياراجل ياطيب دا انت الي متعرفش انا ممكن اعمل ايه ونظر الي حور انا ممكن انشر الصور الي معايا دي وافضحلك السنيوره. واخلي سمعتكم في الارض
فلتت فاطمه نفسها من زوجها وخلعت حذائها ضاربه به اياه: هتعمل ايه ياذباله ياعديم التربيه
انا هربيك من اول وجديد 🤣🤣
دفعها سامح بعيدا عنه كادت ان تسقط لحقتها حور
سامح بوعيد:صدقوني هخلوكي تيجي تبوسي رجلي
انا هربيكم وغادر
فاطمه: سيبيني عليه
مجدي بتعب وكاد ان يسقط ركضت حور وفاطمه فورا اليه
فاطمه بقلق:مالك يامجدي
مجدي: مفيش بس الضغط علي شويه هاتيلي الدوا ياحور
ركضت حور لتجلب الدواء لابيها
حور بدموع: اتفضل يابابا
مجدي:متقلقيش عليا ياحبيبتي انا بقيت كويس روحي انتي لمشوارك
حور:لا يابابا انا مش هاسيبك
فاطمه: انا معاه ياحور روحي انتي.
تركتهم حور علي مضض
&&&&&&&&&&&&&&&&&&&&&&&&&&
علي مائده الطعام بمنزل ادم
ورد:هاتيجي معايا يامنه
منه:معلش ياحبيبتي معايا امتحان
ورد:يعني لا انتي ولا ماما حور هتروحي معايا
زينب بانتباه:مين حور دي ياورد
ورد :دي صاحبت منه
زينب:وحلوه علي كده
قاطعها ادم عالما بتفكير امه: يالا ياحبيبتي علشان نروح المدرسه
حور لا تعلم عنوان مدرسه ورد واحتارت كثيرا الي رن هاتفافها
حور:الو
ادم:انا ادم ياحور انا بافكرك بحفله ورد
حور:اه فاكراها بس مش عارفه العنوان
ادم: طاب قوليلي انتي فين ونعدي عليكي
اتي ادم لها
صعدت حور بالسياره بالخلف
ورد:ماما خور وحشتيني كده متكلمنيش انا زعلانه منك
حور بضحك: وانتي كمان وحشتيني
معلش ياحبيبتي كنت تعبانه شويه
ورد بسعاده:يالا يابي هنتاخر
ادم:دلوقتي كلمتيني ياست ورد
انطلق ادم متجها الي مدرسه ورد
اخذت ورد تعرف حور علي اصدقائها بانها والدتها وكانت السعاده تغمرها
فرح ادم لرؤيه ابنته سعيده
انتهت الحفله وكادت حور ان تغادر
ادم:استني ياحور معلش عايز اتكلم معاكي شويه
تعالي نروح اي حته نقعد فيها
حور: لا معلش اتكلم هنا علشان اتاخرت
ادم : خلاص ماشي اطلعي ياورد العربيه
ورد: هشوفك تاني ياماما حور
حور:اكيد ياحبيبتي
بعد ان غادرت ورد: اتفضل حضرتك كنت عايزني في ايه
ادم: منه
حور:لوسمحت انا مش عايزه اتكلم في الموضوع دا تاني
ادم: الموضوع مش مستاهل لكل ده
وانتي منه صحاب فبلاش تخسرو بعض علشان حاجه زي كده
حور بشرود: تتجوزني
ادم ببلاهه:ها
حور وهي تنظر الي عنيه بقوه:تتجوزني
ادم: انتي اكييد اتجننتي
حور: لا انا في كامل قواي العقليه
ادم:حور شكلك تعبان تعالي اروحك احسن
وكاد ان يغادر امسكت حوره يده بسرعه: اسمعني بس
انت شايف ورد متعلقه بيا اذاي
وغير كده جوازنا صوري اخلص من سامح وبعد كده تطلقني
ادم: وانتي فاكره لما تتجوزي سامح هيسيبك في حالك
حور:لا بس بجوازي همنعه شويه
ادم:اشمعنا انا مش اي حد تاني
حور: علشان سامح مصورنا مع بعض ولاعب في الصور وقصت له ماحدث
ادم:يعني هو بيهددك بيهم ولا ايه
حور:لا بس هو اكيد هيحاول يشوه سمعتي علشان يكسر اهلي. فبجوازي منك ده هيمنعه علي الاقل ان يعمل كده
انا عارفه انت بتقول وانا مالي بالعك دا وغير كده دا يخليك. تقلق اكتر علي منه ورد بس للاسف انا ماقدميش غير الحل دا
ادم بتنهيده: تعالي ياحور اوصلك
من غير اعتراض
في الطريق
كانت حور تفكر في ما فعلته تعلم انها تسرعت كثيرا وانها اذلت نفسها ولكن فائده من الندم الان
اما ادم شاردا ايضا لا يعلم ماذا يفعل لماذا لم يرفض طلبها فورا لم ذلك الاحساس الذي يراوده حين رؤيتها لانكسارها يريد احتضانها ان يخبرها انه هو امانها هو حمايتها ولكن لماذا
زفر ادم عقله تشتت كثيرا
لا حظ ادم سياره تتبعه
وصل الي منزل حور
حور ودعت ورد وغادرت سريعا فانها لم تنظر الي ادم حتي نعم فانها محرجه منه كثيرا لاعنه غبائها هذا
غادر ادم ولم يرا السياره تتبعه وانها مكثت بالقرب من منزل حور
ادم وهو يضرب المقود بغضب: الواطي
&&&&&&&&&&&&&&&&&&&&&&&&&&
في الجامعه
امتحنت منه
فانها لم تركز كثيرا بورقه الامتحان فكانت شارده
لدرجت سلمت ورقه الامتحان فارغه هذا كان اعتقادها ولكن فوجئت حينما وضع معتز الورقه امامها
معتز:ايه دا هو كان امتحان رسم وانا معرفش
رات منه الكثير من الورود والقلوب فمتي رسمت هذا فانها حقا كانت شارده ولم تركز فيما تفعل
منه بحرج :اسفه يادكتور مكنتش مركزه
معتز:مانا واخد بالي بس حلوه القلوب دي
منه بتسرع: والنبي دا انت الي حلو
معتز بضحك: بصراحه الله يكون في عون الي في البيت
منه بضيق:ليه يعني
معتز بابتسامه: ابدا ،انا هاعدي الامتحان دا بمزاجي
جدعنه مني
منه:ان شاء الله مش هكررها تاني هات الورقه بقي
معتز: لا هاخليها معايا علشان عجباني
منه: احم استاذن انا بقي
منه في سرها هو ماله دا
&&&&&&&&&&&&&&&&&&&&&&&&&
في الكافتريا
مي: اتصدقي انكم اندال مش عارفه اوصل لواحده فيكم
احتضنتها منه
:معلش ياحبيبتي اصلك متعرفيش الي حصل
وسردت لها ماحدث
مي:امممممممم
مكانش يصح بردو يامنه تقولي لاخوكي
منه:الي حصل بقي
مي:طاب ايه نظامكم انا فرحي الخميس الجاي
منه بفرح:مبروووووووك ياقلبي
مي:هتيجي معايا لما اجيب الفستان ولا ايه النظام
منه بحزن:مش هينفع انا لو جيت حور مش هتيجي
فبلاها احسن
مي بشفقه:معلش كام يوم وهتلاقيها هديت
بس الفرح هتكوني معايا من الصبح
منه:اكييد ياقلبي
وغير كده عايز اشوف خطيبك
انتي ولا مره اتكلمتي عنه
مي:ابدا يابنتي شافني صدفه في المول بعد كده اتخطبنا وبعد كده حبينا بعض واهينا هنتزوج
منه :اوعدنا يارب
مي وهي تنهض: طاب سلام علشان اروح لحور
في منزل حور
كانت حور جالسه وسط اهلها
حور:بابا انت كويس
مجدي: حور المره كام تساليني
يابنتي كويس والله
نهضت فاطمه لتفتح باب المنزل
مي:اذيك ياطنط عامله ايه
فاطمه: تمام ياحبيبتي اتفضلي
مي:اهلا بست هانم
حور:حبيبتي يامي وحشتيني والله
مي: يرضيكي ياطنط اسبوع باتصل بيها ومش عارفه اوصلها سايباني لايصه لوحدي في التجهيزات
فاطمه:ايه خلاص حددتوا الفرح امتي
مي: اه يوم الخميس الجاي
فاطمه:مبرووووك يابنتي ربنا يتمملك علي خير
تشربي ايه بقي
مي وهي تنهض: لا مالهوش لزوم ياطنط انا بس كنت جايه لحور علشان تيجي معايا لما اشتري الفستان
حور:حاضر كلميني لما تروحي
مي وهي تودعهم:معلش ياطنط هاخد حور منكم الفتره دي
فاطمه: ولا يهمك ياحبيبيتي دا انتو اخوات
بعد ان غادرت مي
اخذت فاطمه وابنتها االي عند والدها
فاطمه: مجدي ابقي ادي حور فلوس
علشان تشتريلها فستان تروح بيه فرح صاحبتها
حور:لا مالهوش داعي انا هروح باي حاجه من الي عندي
فاطمه:بس يابت
اسمعي الكلام. وعلشان تجيبي هديه لصاحبتك
حور: هاجيبلها ياماما لما ازورها في بيتها
&&&&&&&&&&&&&&&&&&&&&&&&&
هاتفت مي حور لكي يذهبا لشراء فستان زفافها
امام البوتيك
حور بضيق:احنا مسنيين دا كلو مين
مي:عمرو خطيبي
جه اهو وشاورت له
نظرت حور لتنصدم
حور بهمس:ادم
عمرو:السلام عليكم
معلش يامي اتاخرت بس عبال الاخينا دا ماجه
ورد:ماما حور
قبلت حور ورد:حبيتي يادودي بتعملي ايه هنا
ورد:جايه مع خالو علشان اشتري فستان زي بتاع العروسه ثم نظرت باتجاه مي اذيك يامي
عمرو:ايه دا انتي تعرفو بعض
مي: حور تبقي صاحبتي ومنه اخت الدكتور ادم صاحبتي وكانت ورد تيجي معاها فعلشان كده تعرفنا
ادم:اذيك يامي ثم نظر الي حور التي كانت تعبث بيدها بتوتر اذيك حور
حور:تمام الحمدالله
عمرو: طاب يالا بينا بقي
بعد ان انتهيا ذهبوا لتناول الغداء
جلس عمرو بجوار مي
وجلست حور ادم بينهما ورد
مي بهمس لعمرو: مكنتش اعرف. انك تعرف ادم
عمرو: يبقي صاحبي،من ايام المدرسه هو ومعتز لوتعرفيه وغير كده جوز اختي الله يرحمها
مي: الله يرحمها
ادم همس لحور: مش بتاكلي ليه
حور:باكل اهو
اخذا عمرو وادم في التحدث عن العمل
وتهامست مي ومنه
مي: عمرو طلع اخو مرات ادم
حور: بس علاقتهم لسه مستمره
مي: علشان هما اصحاب من ايام المدرسه
عمرو واخته ومعتر وادم
بعد انتهاءهم من تناول الطعام
غادر كل منهم الي المنزل
ادم; نسيت اقول لحور انها متراقبه يالا مش مشكله اقولها في الفرح
حور&ادم
بقلم Shaimaa Mohamed
الفصل الثامن
انقضت الايام بسرعه وقد اتي يوم زفاف مي وعمرو
في الفندق الذي شوف يقام به الزفاف
اخذت مي تتجهز وكانت الي جانبها حور
حور ذهبت لتفتح الباب بعد ان سمعت طرقات عليه
ورد: مامي
حور وهي تقبلها:حبيبت مامي ودلفوا سويا
منه:مبرووك يامي
ايوه بقي وبقي عندنا فرح
مي:انتي يابنتي اتاخرتي ليه
منه:معلش عبال ادم فضي علشان يوصلني
منه وهي تنظر الي منه وحور:
اسمعوا انتو الاتنين والله ماتصالحتوش
مش هتجوز
حور بتنهيده: انا مش زعلانه من حد بس هيا ماصدقت
منه وهي تضع يديها بوسطها: دا علي اساس انا الي قولت متكلمنيش تاني ولا توريني وشك
حور بعصبيه: وعملتي ايه بعد حتي مسالتيش عليا تاني
محاولتيش حتي
وغير كده بلاش نكد علشان مش لايق عليكي الزعل
منه وهي تحضنها:صافيه يالبن
حور بابتسامه: حليب ياقشطه
&&&&&&&&&&&&&&&&&&&&&&&&&&مي بتوتر: شكلي حلو يابنات
حور:قمر 😘😘😘
منه: بجد مي انتي جميله اوي
مي:انا حاسه شكلي مش حلو والدنيا بايظه
حور:اهدي يابنتي وترتيني
شكلك حلو والله
اتت ورد وهي تركض
ورد:العريس جاي
مي وهي تدور حول نفسها: قوليلي ماتجيش
انا خلاص غيرت مش هتجوز
والدتها: انتي اتهبلتي يابنتي ولا ايه
انتي مش صرعتينا امتي نتجوز امتي نتجوز
ودلوقتي مش عايزه
حور:معلش ياطنط هي متوتره بس
وانتي اهدي يازفته المكياج هيبوظ
منه ذهبت لتفتح الباب: اتفضل ياعمرو
دلف عمرو الي الداخل وانسحب الجميع الي الخارج
اخذ عمرو يتقدم اليها ببطئ
عمرو وهو يقبل جبينها ويرفع وجهها اليه: طالعه تجنني
مي:بجد
عمرو:بجد
مي بحرج: مش يالا بينا
تأبطت ذراع عمرو ونزلا الي القاعه وجلسوا علي مقعدهم واخذت تتوالي عليهم المباركات
عند اهل ادم
زينب: عقبالك ياحبيبي لما افرح بيك
منه: وانا ياحجه مش عايزه تفرحي بيا ولا ايه
زينب: بس يابت انا مش عارفه مين امه الي داعيه عليه دا الي هيجوزك
ادم بضحك: دا هيولع في نفسه من تاني يوم
وكزته منه في ذراعه بحنق
ورد: بابي انا عايزه اروح عند ماما حور
نصرالدين: واحنا كمان عايزين نشوفها ياورد
ورد:حاضر ياجدو هروح اخليها تيجي تسلم عليكوا
وركضت دون ان تنتظر راي والدها
ماما حور
حور وهي تلتفت لها
تعالي ياورد
ماما بابا دي ورد
فاطمه:بسم الله ماشاء الله عسوله اوي ياحور
اذيك ياحبيبتي
حور:سلمي علي تيته وجدو ياورد
ورد: اذيك ياتيته اذيك ياجدو
مجدي: اذيك ياحبيتي
ورد لحور:انا كده بقي عندي اتنين تيته واتنين جدو
حور:ايوه يادودي
ورد: طاب تعالي معايا تسلمي علي تيته عايزه تشوفك
حور بتردد: لا مش هينفع ياورد
فاطمه:ماتكسفيهاش ياحبيبتي روحي معاها
ذهبت معها علي مضض
منه: اهيه حور جايه اهيه
التفتت زينب ومجدي وادم
زينب: بسم الله مشاء الله عليها حلوه ياادم
ادم :احم عمرو بينادي عليا وتركهم وغادر
ادم في سره ماذا تفعلين بي ياحور
فطلتها خطفت انفاسه اراد ان يخبأها عن العالم اجمع
&وِأّمَرتّ قِلَبِيِّ بِأّلَصٌمَوِدِ أّمَأّمَګ فِّتّمَردِ &
ورد:ماما حور ياتيته
حور:اذيك ياطنط اذيك ياعمي
زينب:تمام ياحبيبتي تعالي اقعدي واقفه ليه
نصرالدين: متعرفيش ورد بتحبك قد ايه
دي مش بتبطل كلام عنك
حور:وانا والله بحبها جدا
واخذوا يتحدثون معها غافلين علي تلك الاعين التي تراقبها
عمرو : حلوه
ادم: مين دي
عمرو:حور
ادم بضيق: وانت مالك خليك في عروستك
عمرو بضحك: نقول مبروك
ادم: مفيش حاجه ياعمرو ولا هيكون فيه
عمرو مربتا علي كتفه: عيش حياتك يادم متوقفش عند مرحله معينه اقعد مع نفسك وقرر وخلي بالك ان ورد
محتاجه للقرار ده
معتز من الخلف:ايه ياعتريس سايب مراتك لوحدها ليه
عمرو:بس يالا
خلي في علمك هتسيل الشغل مع ادم في كام شهر الاجازه بتوعي
ادم:ايييه
هو شهر ياعمرو والاقيك في وشي
عمرو بضحك وهو يغادر:مااوعدكش
معتز: فظيع الواد ده
ادم:مش افظع منك
عند حور اتجهت الي مكان هادئ بعيدا فحينما انضم والديها الي طاوله عائله ادم
حيث انخرطا فاطمه وزينب في الحديث
ومجدي ونصر الدين
فقد سئمت كثيرا لذا غادرت لكي تتنفس قليلا
ادم:قاعده بعيد كده ليه
حور بخضه: لا ابدا بس كنت محتاجه شويه هدوء
ادم بضحك: كنت دايما اقول عليكي
مييجيش من وراها غير وجع الدماغ
حور:انا
ادم:اها وساد الصمت لفتره قليله
حور قاطعه ذلك الصمت
:كنت بتحبها
ادم:مين
حور وهي تنظر الي الامام:مراتك
ادم:نهي حبيت حبها ليا حبيت اهتمامها بيا
انا دخلت نفس كليتها علشان متبقاش لوحدها
مع اني كان حلمي ابقي ظابط زي بابا
عم الصمت مره اخري
ادم: انا هارجع القاعه يحسن لعمرو يجي يدبحني
مش هتيجي
حور: لا جايه
&&&&&&&&&&&&&&&&&&&&&&&&&:
في الداخل
منه:ياورد حرام عليكي مخلياني اجري وراكي زي الهبله
معتز من الخلف: احلي هبله والله
منه: مين الهبله دي
معتز: احم منوره والله
منه: ادم بينادي عليك
وتركته وغادرت
معتز : هتروحي مني فين يعني
والله لاطلع عليكي رخامه اخوكي كلها
ادم: انت بتكلم نفسك ولا ايه
معتز: حبيبي والله.
عايزك في موضوع
ادم:ساحبني كده ليه
معتز: بقولك من غير مقدمات
انا عايز اتقدم لاختك
ادم برود: ماشي ابقي احددلك معاد علشان تيجي البيت
معتز:انت بتتكلم كده ليه
يخربيت تناحتك
ادم:تناحتي يبقي طلبك مرفوض
زفر معتز بضيق: ولا علي ايه
حدد ياحبيبي حدد
ادم بضحك: مالك يامعتز حاسك هتفرقع كده ليه
وذهبا الي عمرو
&&&&&&&&&&&&&&&&&&&&&&&&&
ياعسل
ورد:نعم ياعمو
سامح: شايفه البنت الي هناك دي
(مشاورا علي حور)
ورد: ماما حور
سامح: اه
قوليلها عمو عايزك
ورد:عمو مين
سامح:روحي انتي بس
ذهبت ورد علي مضض
ورد:ماما حور كلمي عمو الي هناك دا
حور وهي تنظر باتجاه تشاور: فينه ياورد
ورد:معرفش هو كان واقف هناك وقالي ناديهالي
حور:طاب روحي انتي لمنه علشان كامت تدور عليكي
ورد:حاضر
ذهبت حور لتنظر ولكنها لم تجد احد
ظهر سامح من خلفها : هتيجي معايا من غير شوشره
ولا لا
وسحبها معه الي الخارج
حور:انت اتجننت انت بتعمل ايه
اخذها سامح بين الاشجار حتي لا يراهم احد
سامح: اهدي انا لسه ماعملتش حاجه
بالداخل
مجدي: مشوفتيش حور يابنتي
عايزين نمشي كفايه كده اتاخرنا
نصر الدين : تعالي اوصلكم في طريقي
وسيبها تكمل الفرح مع صاحبتها بعد مايخلص الفرح.
ادم هيوصلها
مجدي:بس
زينب: متقلقش عليها حور زي منه وادم هياخد باله منهم
فاطمه بقلق: بس احنا نشوفها فين الاول انا قلبي مقبوض
زينب: تلاقيها هنا ولا هنا
تظهر دلوقتي وشاورت لادم
ادم ومعه ورد: نعم ياماما
زينب: ماشوفتش حور فين
ادم باستغراب:لا
هي مش كانت واقفه معاكي يامنه
منه:مانا سبتها وروحت اشوف ورد فين
ادم بقلق:راحت فين بس
ورد:بابي كان فيه عمو واقف هناك وشاورت الي مدخل القاعه قالي ناديلي علي ماما حور
وانا روحت قولتلها
ادم: مين دا ياورد وراحت معاه فين
ورد: معرفهوش انا لما قولتلها كان مشي
اتي معتز مستغربا تجمعهم
معتز:فيه ايه ياجماعه
مالكم واقفين كده ليه
ادم: مش لاقين حور
اسمع يامعتز خليك انت ومنه مع عمرو ومي
علشان ميلاحظوش حاجه
وانت يابا امشوا انتوا ووصلوا معاكم عمي مجدي ومراته
رحل معتز ومنه الي عمرو ومي
عمرو لمعتز. :هو فيه ايه
معتز :لا مافيش حاجه
مي: اومال حور فين
منه: حور طلعت تتكلم في التليفون
مجدي: انا يستحيل امشي غير لما اشوف حور
ادم: ياعمي اطمن اوعدك انا هدور عليها لغايه ماالاقيها
وهوصلها لغايه باب الشقه
نصر الدين:يالا مجدي متقلقش عليها
ادم هيعرف يلاقيها يالا يازينب انتي وام حور
زينب:يالا ياحبيبتي
رحل مجدي وفاطمه بعد اصرار والدا ادم
ادم واخذ البحث عليها في جميع الارجاء
ادم: بتشتت روحتي فين ياحور
وخرج الي الخارج يبحث عنها
سامح: انا لسه معملتش حاجه لغايه دلوقتي
حور كادت ان تغادر
شدها سامح اليه وشدد قبضت يده عليها
حور:سيب ايدي ياحيوان
صفعها سامح بقوه
سامح:عاجبك كده مصره تطلعي الجانب الوحش الي جوايا
اسمعي كلامي كويس
انتي هتروحي لاهلك وتقوليلهم اننا هنتجوز
عرفتي تقنعيهم اهلا وسهلا معرفتيش شئ ميخصنيش
حور:وانا ايه الي يجبرني ان اعمل كده
سامح: الصور دي لما تنتشر في الجامعه
وتتبعت لجيرانك تخيلي كده عمو مجدي هيجراله ايه
ولا خالتي
نظرت حور الي الصور بصدمه
فكانت في اوضاع غير لائقه مع ادم
حور وكادت ان تصفعه ولكن سامح منعها وشدد علي قبضته اكثر
حور:انت واحد قذر وزباله
سامح: عيب في واحده تغلط في جوزها برده
حور بدموع: انت ايه يااخي مابتحسش معندكش دم
باكرهك. مش عايزه اتجوزك يااخي باكرهههههههك
صفعها سامح مره اخره وكاد ان يكمل
الي ان اوقفه ادم فكان يبحث عليها الي ان جذبه الصوت وسمع اخر الحديث
ادم وهو يضربه :انت بني ادم زباله
انسان مريض
سدد له سامح بعض الضربات الي ان اصابه في وجه
:حور دي بتاعتي انا مش هاسمح بحد يقربلها
اطاحه ادم ارضا وانقض عليه: اسمها ميجيش علي لسانك دا ابدا
واخذ يكيل له الضربات
حور ببكاء:كفايه ياادم
اتي معتز ركضا واخذ سحب ادم من فوق سامح
ادم:سيبني يامعتز اخلص عليه القذر دا
معتز: مش كده يادم
هو خلاص اخد الي يستحقه
ادم: لا مش كفايه لازم يتربي
معتز: حاضر اعملك كل الي عايزه
بس اهدي انت
هاتف معتز والد ادم: ايوه ياعمي
كلمنا حد من معارفك يجي ياخد الواد ده من غير شوشره علشان محدش يحس
نصر الدين: واد. مين انا مش فاهم حاجه
معتز: بعدين يا عمي
بسرعه والنبي انا ماسك ادم بالعافيه
نصر:خلاص ماشي
معتز لادم روح شوف حور وانا هحاول افوقه
ذهب ادم الي حور التي كانت منكمشه علي نفسها
وتنظر الي سامح بزعر الذي كانت الدماء تملئ وجه بالكامل
اقترب منها ادم بهدوء: حور فيكي حاجه
عملك حاجه
حور وهي تنظر الي سامح: م م مات
ادم بغيظ:لا
وغير كده انتي خايفه عليه ليييه
حور بارتجاف: انت بتزعقلي ليه دلوقتي
زفر ادم بحنق: معلش
ارتمت حور بحضن ادم واخذت بالبكاء وهي ترتجف
انصدم ادم في البدايه ولكن حضنها هو الاخر واخذ بتهدئتها.
حور بعد ان هدات
ابتعد ادم قليلا: هديتي
حور:اه
سامح بعد ان فاق صرخ بصوت عالي: هتندمي ياحور
مش هتبقي لحد غيري هاقتلك واقتله
جاءت الشرطه واخذته
الظابط :عدوا عليا بكره علشان نكمل المحضر
ادم:تمام
التفت ادم الي معتز :هو الفرح خلص ولا لسه
معتز:لا خلص انا كنت جايلك علشان اقولك عمرو مشي هو عروسته
ادم: فين منه وورد
معتز في عربيتي مستنينا
ادم: خلاص ماشي تعالي نروحلهم
معتز: انتي كويسه حور
حور:اه
ساروا الي عربيه معتز
منه راتهم قادمين
حضنت منه حور: حبيبتي عمل ايه فيكي الحيوان دا
حور اخذت في البكاء
ادم: مش وقته يامنه اركبوا العربيه يالا
نقل معتز ورد التي كانت نائمه الي سياره ادم
ادم: انا هوصلهم وهطلع علي القسم
معتز: خلاص انا هسبقك لهناك
ادم: تاعبك معايا
معتز:متقولش كده احنا اخوات
غادر ادم متجها الي منزل حور
تحت منزلها
ادم: استني ياحور
حور:نعم انا وعدت والدك هوصلك لباب الشقهوغير كده منه هتبات معاك النهارده
حور:مافيش داعي انا كويسه
ادم:انا مش هاقدر اوصلهم البيت علشان هطلع القسم علي طول
حور:هما هيعملوله ايه
ادم:تاني ياحور
تركها وحمل ابنته
شقتكم في الدور الكام
حور: التالت
تقدم ادم وخلفه حور ومنه
طرقت حور علي منزلهم
فتح لها مجدي
مجدي:حور
ارتمت بحضن ابيها واخذت تبكي
(هي كل ماهتشوف حد هتبكي ولا ايه
افورتها 🤔🤔🤔🤔🤔🤔🤔صح)
مجدي:حصل ايه يابنتي
فاطمه :خليها تدخل الاول يامجدي
ادخلوا يااولاد
ادم: لا معلش مش هينفع الوقت متاخر
ثم ناول ابنته ورحل سريعا
وضعت فاطمه ورد علي سرير حور وخرجت لتري ابنتها
بالخارج قصت لهم حور ماحدث
نهض مجدي بغضب: لا دا زودها اوي
فاطمه:رايح فين يامجدي
مجدي:رايح القسم
حور:لا يابابا خليك انت ادم راح هو معتز
وغير كده هتيجي معايا بكره لما اروح
فاطمه: خلاص ادخلي انتي ومنه ناموا
وربك يعدلها
&&&&&&&&&&&&&&&&&&&&&&&&&&
في القسم
ادم:ايه الي هيحصل دلوقتي
الظابط: بصراحه اقل محامي هيطلعه بس احنا هنمضيه علي محضر عدم تعرض
بالخارج
معتز:ادم اهدي مش كده
ادم: اهدي اذاي والكلب دا هيطلع كده عادي
معتز ; روح انت وارتاح. هنلاقيلها حل اكيد
انطلق كل منهم الي منزله
بمنزل ادم
قص لوالديه كل ماحدث وتعاطفا مع حور كثيرا
بعد ان ابدل ادم ملابسه
استلقي لكي ينام ولكن جافاه النوم فتذكر حينما كانت حور بحضنه حينها احس انه امتلك العالم باسره تسارعت نبضات قلبه انه الان لا ينكر.
بما يكنه لحور من مشاعر
التقط هاتفه بعد ان سمع صوت رنينه واستغرب لرؤيته لرقم حور
ادم بقلق:فيه حاجه حصلت ياحور ولا ايه
سعدت حور كثيرا لقلقه
حور:اطمن منه وورد كويسين
ادم: وانتي
حور بتوتر: انا كويسه
حص حصل ايه في القسم
ادم: محصلش حاجه
هيمضوه علي محضر عدم تعرض ويخرج
حور بخوف: اكييد مش هيسكت
اكيد هينشر الصور
ادم:معتقدش لانه مش بالغباء دا
وغير كده الصور الي كانت معاه انا اخدتهم
حور:ماشي اسيبك تنام
ادم:حور بلاش خروج الايام دي
حور:حاضر
ادم:حور
حور:نعم
ادم:خلي بالك من نفسك
حور:حاضر
ادم:اكيد ورد لما تصحي هتفرح اوي ماتلاقيكي نمتي معاها
حور: اه
ادم:يابختها
حور:ايه
ادم:تصبحي علي خير ياحور
اغلق ادم ولايدري لما اطال معها فهو حقا كان سعيد للغايه
&&&&&&&&&&&&&:&&&&&&&&&&&&
استيقظت ورد وتفاجئت انها تنام بحضن حور
واخذت تصيح بفرح
استيقظا ومنه بفزع
حور:ايه فيه ايه
ورد:ماما حور انتي انا نمت معاكي
منه وهي تعاود الي نومها
حور بغيظ: قومي:ياختي هتنامي تاني ولا ايه
منه وهي تنهض: قومت اهو
قضت منه وورد وقت ممتع مع حور وعائلتها
اتي ادم لاصطحابهم
مجدي:مش عارف اشكرك اذاي علي الي عملته مع بنتي
ادم:انا معملتش حاجه وحور زي منه بالظبط
يالا احنا هنستاذن
مجدي:ما خليكوا قاعدين شويه
منه: حور انا هاعدي عليكي بكره علشان نروح الكليه سوا
حور:لا انا مش راحه
ادم بكدب: لازم تيجي معاكي امتحان بكره
&&&&&&&&&&&&&&&&&&&&:&&&&&
سامح: ايوه زفت هو هناك والله عال طاب تسمعني كويس عايزك تمشي وراه وتجبلي خبره. فاهم
الشخص الي بيراقب حور زكريا:معاه البت اخته وبته ياباشا
اغلق سامح دون ان يعير له اهتمام
سامح بوعيد: انا قولتلك ياحور مش هتبقي لحد
حور&ادم. Shaimaa Mohamed
الفصل التاسع
سامح:ايوه يازفت عملت ايه
زكريا:ولا حاجه
سامح: يعني ايه
زكريا:الصبر ياباشا لازم نتكتكله
سامح: طاب انجز
زكريا بعد انتهاء المكالمه
احد اصدقاء زكريا(برعي): انت ناوي علي ايه
ماتعمله الي هو عايزه واخلص
زكريا: اصلي البت البيه هيموت عليها
داخله دماغي
برعي: ابعد عن المشاكل اعمله الي هو عايزه
وخد حقك واخلع
زكريا:مالك ياض هيا اول مره يعني ولا ايه
دا انا مخططلهم خطه من الاخر
برعي:خطه. ايه دي
زكريا:نخلص علي ادم ونلبسها لسامح يبقي كده خلصنا من الاتنين.
&&&&&&&&&&&&&&&&&&&&&&&&&&
ادم وهو يقود سيارته. ويتحدث في الهاتف
ادم: ايوه يامعتز لا انا رايح الشركه
معتز: تمام اسيبك انا بقي علشان معايا محاضره
وصل ادم الي شركه عمرو
صعد الي مكتبه فقلما ياتي اليه ثم بدا في العمل
بعد وقت ليس بقصير
ادم : الله يسامحك ياعمرو سيبتني لوجع الدماغ دا
دلف السكرتيره بعد ان طرقت علي الباب: مع حضرتك اجتماع كمان شويه
ادم: اجتماع ايه دا
السكرتيره: دا اجتماع. حدده البشمهندش عمرو علشان التعديلات علي المشروع الجديد
ادم بعد ان غادرت السكرتيره: الله يسامحك ياعمرو
كان مالي انا بالهم دا
وذهب الي قاعه الاجتماعات
ادم :انت ايه الي جابك هنا
سامح بهدوء: انا باشتغل هنا
ادم: واحنا مستغنيين علي خدماتك
سامح: بصفتك ايه تطردني من الشغل
السكرتيره: الدكتور ادم شريك البشمهندس عمرو
ثم مالت الي ادم: البشمهندس ادم من اكفأ المهندسين
عندنا
سامح : احم ياريت بلاش نربط المشاكل الشخصيه بالشغل
اكمل ادم الاجتماع علي مضض فانه لايريد تخريب اعمال صديقه
بعد ان غادر الجميع
ادم:استني يابشمهندش عايزك
سامح: خير
ضبط ادم اعصابه فلابد انهاء تلك المشكله
ادم: انا حابب اوضح لك حاجه بس دا مش خوف منك
بس دا تبريئ للغلبانه الي هيا مفروض قريبتك
انا مفيش بيني وبين حور اي حاجه
ما هيا الا صاحبه اختي
سامح: وانا مالي بالكلام دا
ادم:انا من خلال الاجتماع. شوفت واحد جد متفوق في شغله مش مريض
سامح: طاب كويس انك عرفت
ادم:انا عايز اعرف ايه الي انت بتعمله دا
ومتقولش شئ مايخصكش علشان انت الي دخلتني
لما ركبت لينا صور الذباله دي
سامح: اما مركبتش صور
دي صوركم
ادم: اذاي يعني وانا حور عمرنا ماجتمعنا سوا لوحدنا دايما بنتي واختي معانا
سامح: يعني ايه
ادم:يعني الصور اي عيل صغير هيعرف انها متركبه يابشمهندس
سكت ادم قليلا. وغير كده الموضوع مش صور بس انت بضايقها من بدري
طالما انت بتحبها ماتقدمتش ليه
وافرض رفضتك حاول مره واتنين.
الجواز عمره مكان بالغصب
مفيش راجل يقبلها علي نفسه انه يكمل بقيت عمره مع واحده مش عايزاه
كلامي صح ولا غلط ياسامح
لاحظ ادم علي سامح التفكير فاكمل
:مفيش حد فينا مش بيغلط ومفيش حد فينا كامل
راجع نفسك ياسامح وشوف الي بتاذيها دي المفروض انك اول واحد تجري عليه لو وقعت في مصيبه
سامح:شكلي كنت واخد عنك فكره غلط
ادم:مش العيب ابتدينا اذاي المهم هنكمل اذاي
صافحه سامح وغادر وهو مشتت الذهن
دخل الي منزله
سامح: مالك ياماما قاعده كده ليه
والدته: انا النهارده اكتشفت ان مربيه شيطان مش بني ادم
سامح: بتقولي ايه ياماما
والدته بقهر: فاطمه لسه ماشيه من عندي وحكتلي كل حاجه
سامح: انا عارف ياامي اني غلطت بس كمان انا اضحك عليا انا. بحبها
والدته:هو الي بيحب حد يعمل فيه كده اومال لو كان
بيكرهه
انت مش عارف انا تعبت قد ايه علشان اربيك واكبرك وافرح بيك وبولادك حواليا
بعد ابوك مامات قولت هو الي باقيلي في الدنيا
هيكبر ويبقي عكازي الي هتستد عليه لما اعجز
مجدي: الي رباك واعتبرك ابنه عمرره مخلاك تحس انك يتيم عملتله ايه عملتله اييييييه روحت اذيت بته
سامح بدموع وهو يقبل راس امه: سامحيني ياامي انا عارف اني غلطت بس والله هاصلح كل حاجه بس اهدي انتي انا ماليش غيرك في الدنيا دي
سقطت والدته فاقده للوعي
سامح: ماما فوقي
وحملها سريعا وذهب بها المستشفي
بعد ان فحصها الطبيب اخبره انها اصيبت. بنوبه قلبيه ونقلت الي العنايه المركزه
ذهب سامح الي اقرب مسجد بعد اتهي صلاته واخذ يدعو ببكاء: يارب. اشفيلي امي يارب
انا عارف اني غلطت كتير بس انت الكريم يارب
متاخدهاش بذنبي يارب
يارب الطف بيا يارب
اقترب منه شيخ المسجد: خلي املك في الله كبير
سامح ببكاء:ادعي لامي ياشيخ اكيد ربنا هيستجيب منك
انا عصيتو كتير مش هيتقبل مني
الشيخ: ربك فاتح بابه لاي حد في اي وقت
بس انت قول يارب
سامح:يارب
&&&&&&&&&&&&&&&&&&&&&&&&&&
زكريا:ها يابرعي عملت ايه
برعي انا وراه اهو
هاستني لغايه مايطلع وافك فرامل العربيه
زكريا: بس اوعي تخلي حد يشوفك
برعي: طاب انت هتعمل ايه
زكريا:هاخد البت في الموكنه بتاعتنا خلص انت وحصلني
هاتف سامح واخبره بماحصل معه وانه لايستطيع القدوم الي عمل لفتره
دهب ادم الي المستشفي ليطمئن علي والده سامح.
وقد اخبر حور التي حضرت هي ووالديها علي الفور الي المستشفي
سامح: مكانش له لزوم يادكتور ادم تعبت نفسك
ادم:لا تعب ولا حاجه اخبار الوالده ايه
سامح:الحمدالله عدت مرحله الخطر
ادم :الحمدالله
فاطمه: عامله ايه ياسامح
سامح بحرج:بقت كويسه الحمدالله
مجدي : امتي حصل الكلام ده
سامح:امبارح
حور:ان شاء الله تبقي بخير
بعد فتره
حور:ماما انا همشي
فاطمه:خلاص ماشي
اتت رساله الي سامح من رقم مجهول:( الي عايزه حصل وكمان شويه تسمع خبر الدكتور ادم)
سامح: عايزك يا دكتور ادم دقيقه
فاطمه لمجدي: هو بيتكلموا عادي كده ليه
مجدي: دلوقتي نعرف
ادم:خير يابشمهندس
اعطي سامح هاتفه لادم:شوف كده
ادم باستغراب: ايه ده
سامح: مش عارف
تذكر سامح امر زكريا وقص عنه لادم
ادم:معني كده الي لعب في الصور هو زكريا ده
اكيد هو الي ورا الرساله دي
سامح:ايوه بس
هو هدفه ايه من كل ده
حور :الو
مين معايا
المتصل: ابن خالتك مكلم ناس تقتل الدكتور ادم
حور بفزع: انت بتقول ايه
المتصل لو مش مصدقاني
روحي شوفي عربيته
ذهبت حور سريعا
ادم: انا همشي بقي
سامح: ثواني انا جاي معاك
بصراحه انا مش هبقي مطمن وخصوصا انا السبب
والزفت زكريا تليفونه مغلق
ادم: وايه هتعملي يعني
خليها علي الله
سامح: تعالي بس نشوف العربيه يمكن يكون لعب فيها
ذهبت حور الي الخارج تبحث عن سياره ادم الي ان اتي شخص من خلفها مكمما ايه وحملها سريعا وانطلق بالتاكسي
فحصا سامح وادم سياره الاخير
سامح:زي ماتوقعت لاعبين في فرامل العربيه
ادم: كان زماني في خبر كان متشكر ياسامح
سامح: انت بتشكرني وانا السبب
ادم: زكريا ضحك عليك وفبرك الصور
بس انا الي عايز افهمه ليه
سامح: مش عارف
ادم:تعرف بالحركه دي
يكون خلص مني ومنك في نفس الوقت
سامح:اذاي
ادم:شغل مخك يابشمهندس
اول واحد هيشكوا فيه هو انت
وبكده يكون خلص مننا بضربه واحده
سامح: طاب تعال اوصلك
وهما يتجهان الي الجهه اخري اصدمت رجل ادم بشئ فالتقطه
ادم:شكلها وقعت من صاحبتها
سامح: باين
ادم: بترن علي مين
سامح:برن علي حور عايز اعتزر منها وتكون انت معانا علشان متخفش مني
سمعا ادم وسامح رنين هاتف من الشنطه التي وجدها ادم
اخرج ادم الهاتف منها
ادم:ايه دا بتاع حور
سامح :اذاي يعني وهي راحت فين
اخذا يبحثا عليها في كل مكان ولم يجداها
سامح:انا خايف يكون جرالها حاجه
ادم وقد راي كاميرا بالحائط
ادم: فيه كاميرات مراقبه
تعالي يمكن نعرف منها حاجه
وذهبا وشاهدو احد مكمما حور ووضعها. في تاكسي وانطلق
ادم:كبر الصوره خلينا نعرف ارقام التاكسي
ورحلوا
ادم: بقولك هاديك الارقام التاكسي تعرفلي مكانه فين
وكمان تجمعلي حد اسمه زكريا الاعرج بسرعه ياحسام دا خاطف واحده
ادم:انت عرفت من فين
متعرفلهوش طريق
سامح: من برعي صبي القهوه الي قدام بتنا
ادم :طاب يالا بينا بسرعه
قاد ادم سيارته بسرعه فكاد يجن سيفقدها وهو لم يعترف بحبه بعد
سامح: اهدي هنلاقيها ان شاء الله
ادم:يارب
بحثا عن المدعو برعي لم يجداه
سامح: خد يالا برعي فين
شخص: معرفش
اخرج له سامح مبلغا من المال
سامح:وكده
الشخص:تلاقيه في المكنه بتاعته الي بيقعد فيها مع اصحابه المشبوهين
ادم :ايوه فين يعني
وصف لهم المكان
ابلغ ادم الشرطه لعلهم يصلوا قبله وينقذوها
حور بعد ان فاقت وجدت نفسها في غرفه اشبه مايقال عنها خرابه
نهضت حور بفزع واخذت تطرق علي الباب بعنف
انتو يالي هنا
انا بعمل ايه هنا حد يكلمني
دخل زكريا لها:بس بقي صدعتينا
حور:الله يخليك انا عايزه امشي زمان اهلي قلقانين عليا
زكريا بضحك: لا هما فاكرينك في البيت دلوقتي
وغير كده زمانه جالهم خبر الدكتور ادم
حور:اد اددم ماله
زكريا: ابدا تلاقيه دلوقتي زمانه مات وشبع موت
حور بانهيار: لا لا لا اكيد انت بتكدب ايوه انت بتكدب
زكريا: لا مش باكدب وحبيب القلب زمانه مات واقعدي ساكته بقي خلينا اعمر دماغي وغمز لها واجيلك ياقطه
تركها وخرج
حور ببكاء:ادم اكيد مجرالوش حاجه
ايوه هيجي وينقذني هو يستحيل يسبني انا عارفه
يارب انا ماليش غيرك الجأله يارب احميه يارب
واخذت تردد (لا حول ولا قوه الا بالله)
دلف زكريا عند حور وهو يتطوح من اثر المخدرات التي تناولها
حور بفزع وهي ترجع للخلف:اننن انت هتعمل ايه
زكريا مقتربا منها
حور وكادت ان تتجه ناحيه الباب قبض زكريا غلي يديها والقاها ارضا ; فاكره نفسك هتعرفي تهربي
انسي
حور بصراخ:لا ابعد عني واخذت تصرخ تقاومه باقصي قوتها
&&&&&&&&&&&&&&&&&&&&&&&&&&
وصل ادم وسامح اخيرا الي المكان
كسرا الباب وجدو برعي واثنين يتناولوا هذا السم
سمع ادم صراخ حور وكاد يدخل
اوقفه احدهم. رايح فين يااخينا
ضربه ادم ضربا مبرحا
واخذ سامح بضرب اخر اما برعي فر هاربا
سامح بلهاث :ادخل لحور بسرعه
اتي شخص وطعنه من الخلف
ركض اليه ادم سريعا بعد ان اطاح الاخر ارضا:سامح
سامح بصوت يكاد مسموع:
احق حور بسرعه انا كويس
ركض ادم متجها الي الغرفه التي ياتي منه الصوت واخذ بدفع الباب لينكسر