رواية ابن الجيران
الفصل الأول
بقلم نورسين
في بيت قديم .. اسره سعيده يخيم عليها دائما جو المرح والدعابه
سلمي : ياله يا بنات لموا باقي الحاجات اللي ناقصه في الكراتين علشان تنزل علي العربيه .. وشدوا حيلكم شويه خلينا نلحق نروح الشقه الجديده قبل الليل
( سلمي هي ام لأربع بنات ومضطره لتغير الشقه لان صاحب البيت باعه والمشتري الجديد هيهده وهيبني مكانه بيت جديد)
نانسي : يارب يا ماما يا حبيبتي تبقى آخر شقه نعزل فيها عشان انا الشقه اللي جايه هطفش واسيبكم تعزلوا لوحدكوا 😂 😂
( نانسي عندها ١٨ سنه .. بنوته جميله بشرتها سمراا وعيونها بني غامق وشعرها بني غامق طويل لآخر ضهرها وبتحب دايماً ترفعه ديل حصان .. نانسي طالبه في كليه الآداب الفرقه الاولي)
سلمي : بس يا بت بلاش لماضه .. واخلصي بدال ما اجيب المنفضه
نانسي : لاااا ✋ وعلي اييه من غير منفضده يا ست الكل انا رايحه اهوه 😂😂
نغم : ايوه كده ناس مبتجيش غير بالمنفضده 😂😂😂
( نغم اخت نانسي في كليه تجاره الفرقه الثالثه .. بشرتها خمراويه وشعرها بتحبه قصير علي طول )
نورهان : يا لهوووي عليكم وعلي رغيكم .. خلصونا بقي .. الراجل هيمشي ومش هيآخد باقي الحاجات
( نورهان أتخرجت من كليه التربيه قسم لغه انجليزيه وبتشتغل في مدرسه خاصه ومخطوبه لزميلها في نفس المدرسه وهتتجوز قريب )
نيره : خلاص يا ابله هاتي انزل دي .. سيبك منهم وخليكي معايا انا 😂😂
( نيره طالبه في الاعداديه واشقي واحده ف البيت .. بس دمها خفيف والكل بيحبها )
ينزلوا كل الكراتين علي العربيه ويوصلوا للشقه الجديده .. وهما طالعين علي سلم البيت نانسي تقف مره واحده 🙄🙄 اييه ده رانياا ؟؟ انتي اييه اللي جابك هنا
رانيا : نانسي 😍😍 ازيك .. انتي اييه اللي جايبك هنا ؟؟ انا ساكنه هنا من يوم ما اتولدت 😂😂😂 وده بيتنا ..
نانسي : احنا بقاا السكان الجداد .. الحمد لله طلع عندي اصحاب ف نفس البيت
رانيا : البيت نور 😍😍 ازي حضرتك يا طنط .. طيب ما تيجوا ترتاحوا شويه
سلمي : معلش يا بنتي .. انتي شايفه عندنا شغل كتير ولازم نخلصه .. مره تانيه ان شاء الله
رانيا : ان شاء الله يا طنط .. وبصوت منخفض تتحدث لنانسي .. هستناكي علشان نقعد مع بعض ماشي
نانسي : ماشي .. هجيلك بس ادعيلي اخلص قبل ما ماما تخلص علياا 😂😂 سلام بدال ما نضرب
رانيا : سلام 😂😂😂
نيره : طيب ياله يا نونا شيلي الحاجه بدال ما ماما تجيب المنفضده
نغم : لا خليها انا هشيلها
نورهان : ياله بلاش وجع دماغ خلينا نخلص ونرتاح شويه
رانيا : هاتى اما اشيل معاكى عشان انا عارفه نانسي طول عمرها رخمه 😂😂 حتي من ايام المدرسه
نانسي : انا رخمه 🙄🙄 ده انا حتي عسل 😂😂
نورهان : عسل اييه .. عسل اسود يا ختي
( يعدى اليوم بعد ما خلصوا البنات جزء كبير من الشغل وخلصوا فرش الشقه الجديده تاني يوم بالليل يدخلوا كل واحده تترمي علي سريرها
نانسي : اخيراً يارب اخيراً هنستريح بقى وهنام علي سرير .. انا عضمي واجعني لما نمت امبارح علي الارض
نورهان : بس بقى انتى هتعملي فيلم هندي ما احنا كل مره بنعزل فيها لازم ننام اول ليليه علي الارض ودي مش اول مره نعزل عادي 😂😂
نانسي : مش اول مره وان شاء الله تبقى اخر مره يارب
فى اوضة سلمي ومحمود
سلمي : والله يا محمود انا تعبت من النقل كل شويه .. يعني من وقت ما اتجوزنا واحنا كل كام سنه ف حته جديده .. احنا تعبنا بقاا نفسي نستقر ف مكان واحد وكمان الفرش اتبهدل والنقل مش بالساهل في حاجات كتير بتتكسر واللي بيتكسر مش بنعرف نجيب غيره
محمود : وانا اعمل ايه بس ما انتي عارفه اللي فيها البيت الاول بعد ما الاب اتوفي الاولاد قالوا هنفضي البيت علشان ده ورث واحنا هنرجع نعيش فيه والتاني علي يدك هيتهد وهيبنوه عماره كبيره وهيبيعوها تمليك يعني مش بأيديناا حاجه
سلمي : ان شاء الله هنستقر هناا وكفيانا بهدله لحد كده بقاا البنات كبروا ومحتاجين استقرار
محمود : ان شاء الله هتبقاا آخر شقه
سلمي : ان شاء الله
في غرفة نورهان ونغم
نورهان قاعده على المكتب بتجهز دفتر التحضير
تدخل عليهم نيره
نيره : انا جعانه .. في حد هيآكل معايا
نانسي : يا بنتي انتي مش فالحه غير ف الاكل وبس 😂😂
نيره : طيب خلاص هروح ألعب عالفون شويه قبل ما انام
نانسي : طيب خلاص خلاص انا بهزر معاكي .. تعالي نعمل سندوتشات ونلعب كوتشينه مع بعض ولا الفون احسن مني
نيره : بصراحه اه 😌 احسن 😂😂
نانسي : يا ليلتك اللي مش فايته .. ده انا هجيبلك المنفضده بتاعة ماما 😂😂😂
ويجروا وراا بعض ويهزروا
نيره : هههههه خلاص بقاا انا جعانه
نانسي : طيب روحي كُلي عفونا عنكِ ههههه .. انا هروح البلكونه اسمع اغاني
( تدخل نيره للمطبخ لتجهيز السندوتشات ونانسي تدخل البلكونه وتحط البيتس وتسمع اغاني علي الفون
( فى البيت اللي قصادهم شاب بيتكلم مع اخته وصوته عالي شويه)
تامر : يعني حضرتك عوزاني انزل دلوقت علشان اشتريلك شيبسي وبيبسي .. ليييييه كنتي اشترتيني .. الصبح يا حبيبتي هجيبلك اللي انتي عوزاه .. اتهدي بقاا وخليني اكمل تمرين
( تامر شاب رياضي في الفرقه التالته كليه الحقوق .. تامر بشرته فاتحه وشعره اسود كثيف وناعم .. محبوب من اصحابه وجيرانه وبيساعد كل الناس لو في استطاعته)
هدير : وفيها اييه يعني لما تنزل دلوقت .. انت راجل ومحدش هيآكلك وبعدين انا اختك الكبيره وحضرتك لازم تسمع كلامي
تامر : طيب ماشي هسمع كلامك بس الصبح ان شاء الله .. سبيني بقاا اكمل اللي بعمله
تخرج هدير من الاوضه .. تامر يخلص تمرينات الضغط اللي بيعملها ويخرج وهو لابس فانله كات وشورت والفوطه علي كتفه وبيمسح وشه من العرق وبيرد علي الفون
تامر : أيوه يا حبي
تمارا : انا برن عليك من بدري انت كنت فين كل ده ؟؟
( تمارا حبيبه تامر وزميلته في نفس الكليه ..جسمها نحيف وشعرها قصير وعيونها عسلي وبشرتها قمحاويه)
تامر : معلش اصلى كنت...😳
( يشوف نانسي قاعده فى البلكونه لابسه شورت وتيشرت كات ورافعه شعرها ديل حصان سايب وحاطه البيتس علي ودانها ومش واخده بالها ان حد واقف قصادها )
تمارا : تامر .. انت بتعمل اييه ؟؟
تامر : هاه .. انا معاكي اهوه .. بس اصلي واقف ف البلكونه ولقيت اتنين بيجروا وراا بعض فكنت بشوف بيجروا ليه
تمارا : اممم وعرفت ؟؟
تامر : اه ..بيهزروا هزار رخم .. عادي 😂😂
تمارا : واحنا علي ميعادنا ؟؟
تامر : أكيد يا قلبي علي ميعادنا .. هو انا اقدر اتأخر برضو عن القمر
تمارا : ماشي يا حبي .. سلام
تامر : سلام يا قلبي
نانسي تنتبه اخيراً ان في حد واقف قصادها تنتبه انه بيتكلم وتسمعه وهو بيقول سلام يا قلبي فتفهم انه بيحب فتدخل وتقفل باب البلكونه وراها
تامر : استني .. استني
تمارا : اييه نسيت تقول حاجه ؟؟
تامر : هتوحشيني 🤗🤗 بحبك ❤
تمارا : هيييح ..وانا كمان
ينهي تامر مع تمارا المكالمه ويبص تاني علي بلكونه نانسي يلاقيها مقفوله فيدخل يآخد شاور ويرجع يناااام
( تانى يوم الصبح تقوم نانسي تلبس بنطلون چينز وعليه تي شيرت احمر وترفع شعرها كعادتها ديل حصان وتلبس كوتشي ابيض مطرز بوردات حمراا
نانسي : ماما .. انتي روحتي فين علي الصبح .. طفشتي مننا بدري كده 😂😂
تخرج سلمي من المطبخ وهي ماسكه المخرطه .. عاوزه آييه مهو اللي يعيش معاكم لازم يطفش .. هاه خير ؟؟
نانسي : هاتي فلوس انا هنزل مع رانيا نشتري الفطار وتعرفني المنطقه هنا بدال ما احنا عاملين ذي الاغراب كده
سلمي : الفلوس عندك علي التسريحه .. روحي خودي من جواا ومتتأخريش ؟!
نانسي : لا تقلقي .. هلف لفه معاها ع السريع وهرجع علي طول
سلمي : طيب يتبع...
رواية ابن الجيران
الفصل الثاني
بقلم نورسين
تنزل نانسي تخبط علي باب رانيا
نانسي : ياله علشان منتأخرش .. ماما مستنيه الفطار بدال ما ترفع المنفضده هههه
رانيا : ماشي انا خلصت .. ياله بيناا .. بس اعملي حسابك انا عاوزه اروح السوق اشتري لماما الخضار
نانسي : طيب ما نروح بقاا الاول السوق نشتري الخضار واحنا راجعين نشتري الفطار علشان ميبردش يا فالحه
رانيا : ماشي يا ام الزكاوه .. انتي كنتي فين من زمان 😂😂
نانسي : انا هنا موجوده .. هروح فين يعني .. انتي بس قولي اللي انتي عوزاه وهتلاقيني موجوده علي طول
ههههههه
رانيا : طيب ياله يا ام العوريف علشان منتأخرش
يتوجهوا للسوق لشراء الخضار ثم يتوقفوا عند المطعم لشراء السندوتشات للفطار وفي طريق عودتهم تسأل نانسي رانيا
نانسي : بقولك اييه هو مين الشاب اللى ساكن قصادنا ده ؟؟
رانيا : قصدك مين ؟؟ تامر ؟؟
نانسي : وهو لو انا عارفه كنت سألتك .. اييه يا بت الذكاء اللي بينزل عليكي مره واحده ده ههههه اومال انا بسألك ليه يا فالحه
رانيا : طيب ساكن فين بالظبط ؟؟
نانسي : يا بت انا شوفته ف البلكونه اللي قصادنا امبارح بالليل وشكله كان بيحب في التليفون ههههه
رانيا : يبقى هو تامر .. شوفي يا سيتي
تامر ده حته عسل كده .. واد جدع وماما بقاا اللي هي تبقي الست والدتي 😂😂 تبقاا صاحبه امه الروح بالروح واحنا يعتبر متربيين مع بعض وانا وهو اكتر من اخوات
نانسي : هيييح يا بختك يا ختي .. يا ريتني كنت مكانك
رانيا : هو انتى شوفتيه ازاي وامتي
نانسي : شوفته امبارح وهو بيحب فى الفون وسمعته وهو بيقولها سلام يا حب هيييييح ..اوعدنا يارب بأي حد يقول يا حب
رانيا : طب ياله يا ختي عشان اتأخرنا وهتلاقي امك مسكالك المنفصده ومستنياكي علي السلم 😂😂😂 ومستعده
وفي اثناء عودتهم يرن هاتف نانسي واذا بالمتصل سلمي
نانسي : إلحق الحكومه
رانيا : شوفتي بقاا .. ردي عليها وقوليها راجعين في الطريق
سلمي : انتي معاكي فلوس زياده ؟؟
نانسي : اه .. معايا
سلمي : خلي رانيا تقولك السوق فين وروحي هاتي خيار وبصل
نانسي : 🙄🙄 اييه كل ده يا ماما انا لسه راجعه من السوق
سلمي : طيب كويس اديكي عرفتي المكان ههههه روحي بقاا اشتري اللي قولتلك عليه وارجعي بسرعه ولا مش هتعرفي تروحي لواحدك .. ما هو انا عارفه انك خيبه
نانسي : لا عارفاه بس نزلي السبت خودي السندوتشات واستنوني متآكلوش الفول كله لوحدكوا انا جيت تحت البيت اهوه
سلمي : لا .. عيب هنستناكي بس متتأخريش
رانيا : طيب هطلع انا بقاا علشان ماما متتخانقش هي كمان معايا واما تلاقي نفسك فاضيه تعالي نقعد نرغي شويه مع بعض
سلمي : اووك .. بالليل هنزلك نرغي شويه
تنزل سلمي السبت تآخد السندوتشات وترجع نانسي للسوق .. مش فاكره الطريق .. عماله تلف وترجع نفس المكان تاني والآخر فكرت تقف تسأل حد ووقفت مره واحده وسط الشارع و يعدي ولد صغير من جنبها بالعجله يخبط فيها ويبهدلها البنطلون والكوتشي
الولد بيزعق لنانسي قبل ما هي تتخانق معاه : اييه ده مش تآخدي بالك قبل ما تقفي .. وسابها مشي بسرعه
نانسي : انت اكيد مجنون .. يعني غلطان وكمان بتتخانق .. وبتكلم نفسك .. الناس اتجننت باين عليها .. وتحاول تنضيف البنطلون وترفع رأسها واذا بتامر
تامر : خير يا آنسه حصلك حاجه .. انتي كويسه ؟؟
نانسي : لا .. انا كويسه .. ميرسي
تامر : طيب انتي محتاجه حاجه ؟؟
نانسي : لا .. شكراً .. امم ...... وسكتت
تامر : قولي عاوزه اييه ؟؟
نانسي : لأ .. هو انا مش عاوزه حاجه .. انا عاوزه بس اعرف فين طريق السوق اللي هناا
تامر : السوق .. بس كده .. تعالي معايا وانا هوصلك
نانسي : لا .. اروح معاك فين ؟؟ انت بس اوصفلي وانا هروح مع نفسي
تامر : انتي خايفه ولا اييه .. احنا جيران علي فكره متقلقيش من حاجه .. انا هوصلك
نانسي : طيب امري لله .. اتفضل
يوصلها تامر للسوق
تامر : اتفضلي يا ستي هو ده السوق .. روحي اشتري اللي انتي عوزاه وانا هستناكي هناا علشان اوصلك
نانسي : لا .. خلاص ميرسي .. انا هشتري الحاجه وهرجع علي طول
تامر : هو انتي غرمانه حاجه .. انا مستنيكي هناا .. بس روحي ولا تحبي آجي معاكي ؟؟
نانسي : لا خلاص انا هشتري الحاجه وهرجع علي طول
ودخلت نانسي السوق وبعد ربع ساعه رجعت
تامر : اييه ده .. انتي اتأخرتي كده ليه .. مكنتيش عارفه تشتري الحاجه ولا اييه ؟؟
نانسي : لا .. اشتريت بس المحل زحمه وعلي ما اخدت دوري في الميزان وفي دفع الفلوس .. حاجه آخر قرف
تامر : ماشي ياله علشان متتأخريش اكتر من كده
يوصل تامر نانسي للبيت
تامر : انتي اسمك اييه ؟؟
نانسي : انا نانسي
تامر : وانا تامر .. اتشرفت بمعرفتك .. عاوزه حاجه تاني ؟؟
نانسي : ميرسي .. كلك زوق .. انا تعبتك معايا .. سلام
تامر : سلام
نيره : كنتى فين يابت انتى كل ده ؟؟
نانسي : كنت بجيب الخضار يا فالحه وانتوا نايمين ف العسل
نغم : واييه اللي بهدلك كده ؟؟
نانسي : توهت وانا رايحه السوق وواحد خبط فياا بالعجله والواد اللي ساكن قصادنا وصلنى السوق واستناني ورجعني تاني .. اوعوا تقولوا لماما اني توهت لتخرب الدنياا معايا
نغم : يا حلاوه .. يا حلاوه .. واد مين ده ؟؟ ابو عضلات
نانسي : ايون .. هو ده .. ابو عضلات 😂😂
نورهان : اهي قعدت تقولي يا حلاوه يا حلاوه بتاعتها دي لحد اما خالة الواد ماتت والجوازه اتأجلت .. لأ وكمان مش هييجي النهارده
نغم : الله وانا مالى يا اووووختي هو انا اللي موتها 😂😂
نانسي : مالك طيب زعلانه ليه يا نور هو انتي اتخانقتي تاني مع مازن ولا اييه ؟؟
(مازن خطيب نورهان و هو عصبي جداا وبيحبها و بيغير عليها جداا وبيشتغل معاها في نفس المدرسه)
نورهان : لا .. هو اللي اتخانق معايا علشان قولتله هستناك نقعد ف البيت شويه وبعد كده ننزل نتمشي مع بعض .. قالي لأ مش كل اما أجيلك ننزل واتخانق ف الشارع بسببك وبسبب المعاكسات .. كفايه المره اللي فاتت كنت همووت الواد
نيره : انتى تفسخي الخطوبه احسن وتشوفي واحد يكون فرفوش كده 😂😂 بدل العصبي ده
نغم : بس يا فاشله انتي تسيبه اييه وفرفوش اييه احنا ما صدقنا نفرح بواحده هتحرضيها انتي يا مفعوصه تسيبه .. وتتوجه نغم لنورهان .. اوعي تسمعي كلامها خليكي حلوه علشان عاوزين نحضر فرح ونلبس فساتين
نورهان : لا يا حبيبتي احنا نتخانق اه .. ونزعل من بعض اه .. انما أسيبه لا .. ده حبيبي أبت 🙄🙄
وتغني نورهان .. أهو ده اللي مش ممكن ابدااااا
البنات يردوا عليها : ولا أفكر فيه ابداااا ههههههههه
سلمي بزعيق : انتي يا بنتي منك ليها .. هو احنا مش هنفطر ف يومكم ده ولا اييه
البنات : جايين يا ماما
نورهان : ياله يا فالحه منك ليها قدامي نحضر الفطار قبل المنفضده ما تترفع ههههههه ويبقاا فطار الهناا