رواية ابن الجيرن
الفصل الثاني عشر
بقلم نورسين
نانسي بعد ان سمعت الموسيقي وكلمات الاغاني تحدثت لنفسها .. تامر 😮😮 معقول يكون هو .. ثم خرجت لشرفتها مسرعه واذا به يقف مستنداً علي المقعد لكي يطفئ نيران قلبه وقلب محبوبته التي حُرم من رؤيتها لأسبوعين كاملين
وحين وقعت عيناها عليه .. ابتسمت ابتسامه هادئه ووضعت يدها علي قلبها حتي يهدأ ثم أغمضت عيناها للحظه وعادت من جديد تنظر إليه لتتأكد انها تراه امامها حقيقه وليس حلم
ثم اشارت له من بعيد ان يدخل .. فسمع لها ودخل وبعد دقائق إلتقط هاتفه واتصل بها
ألو يا عمري .. وحشتيني
نانسي : وانت كمان كنت واحشني اووي .. بس علشان خاطري بلاش تتعب رجلك وتقف عليها ولسه شويه علي ميعاد فك الجبس
تامر : مقدرتش كان لازم اشوفك واطمن عليكي .. قلبي كان مشتاقلك اكتر ما كانت عيني مشتقالك .. دلوقت بس ممكن يرتاح ويهداا شويه
في صباح اليوم الجديد .. نغم تقابل زين في مكان هادئ
زين : بقولك اييه .. تيجي نتمشي شويه ونتفرج علي المحلات ونختار الفرش ..
نغم : بس لسه بدري كده قدامنا كذا شهر علي الفرح هنتفرج من دلوقت
زين : اه .. نتفرج من دلوقت علشان تتفرجي براحتك علي محل واتنين وتلاته وتختاري اللي يعجبك
نغم : خلاص ماشي مفيش مشكله .. ياله بيناا .. واثناء مشاهدتهم للغرف الخاصه بالنوم وقعت عين نغم علي غرفه اخذت تتوجه نحوها اكثر لتشاهدها عن قرب واذا بها تتحدث لزين
الله ❤❤ دي حلوه اووي
زين : عجبتك دي ولا عاوزه تتفرجي علي حاجه تاني الاول ؟؟
نغم : لأ دي جميله اووي 😍😍
زين : تمام .. توكلنا علي الله .. تعالي معايا
نغم : علي فين ؟؟
زين : هنروح نحجز الاوضه قبل ما حد يآخدها غيرنا
نغم : 😮😮 من دلوقت ؟؟ وبعدين احنا لسه معرفناش سعرها كام
نغم : لأ انا عرفت سعرها كان مكتوب علي جنب الكرسي بس انتي مأخدتيش بالك
نغم : طيب بكام .. انت ليه مقولتش ؟؟
زين : وانتي عاوزه تعرفي ليه .. انتي ليكي تختاري وبس
نعًم : لأ معلش لازم اعرف .. يمكن اختار غيرها
زين : تختاري غيرها !! ليه 😠😠 ؟؟
نغم : اه لو غاليه هختار غيرها .. ليه ندفع مبلغ كبير في اوضه واحده واحنا ممكن نجيب حاجه تانيه
زين : تمام .. انا مش هجيب غير اللي انتي اختارتيها وملكيش دعوه بالفلوس .. غاليه .. رخيصه مش مهم اي حاجه ولا اي فلوس .. انتي عليكي تختاري اللي تحبيه وبس .. ولازم تعرفي اني طول عمري ومن وانا صغير بشتغل مع بابا ومعايا اللي يكفي الجواز ويفيض كمان متقلقيش من حاجه .. احنا مش هنتجوز كل يوم ومش هنجهز شقة جوازنا غير مره واحده .. وموضوع الفلوس ده متتكلميش فيه تاني .. اتفقنا
نغم : اتفقنا بس .......
زين : هاااااااه .. خلاص بقاا مفيش بس .. كفايه علياا اشوف الفرحه والسعاده في عيونك ومش عاوز حاجه من الدنيا تاني .. ياله نروح نحجز الاوضه قبل ما حد يآخدها
نغم : ماشي ياله 😍😍
وتوجهوا معاً لحجز الغرفه
زين : من فضلك عاوز احجز الاوضه دي .....
البائع : حاضر يا فندم .. تحت امر حضرتك
زين : بس انا هدفع المقدم دلوقت وعاوز حضرتك تبعتلي حد يآخد مقاس الاوضه عندي علشان لو كبيره ومش هتنفع يبقاا حضرتك تصمملي واحده بالمقاس المطلوب
وهتفق مع حضرتك علي ميعاد الاستلام بالظبط علشان تكون الشقه جهزت
البائع : تمام .. مفيش اي مشاكل بكره ان شاء الله هبعت لحضرتك واحد علشان للمقاسات بس من فضلك اكتبلنا العنوان ورقم التليفون بالتفصيل
زين : اتفضل ده الكارت فيه رقم التليفون وهكتب العنوان معاه علشان يبقاا عندك بالتفصيل
مرت الايام ونورهان في زياره مع مازن لبيت محمود والجميع اجتمع حول مائدة الطعام
محمود : مالك يا نور انتي شكلك تعبان ليه كده ومش بتآكلي كويس ؟؟
نورهان : مش عارفه يا بابا والله من كام يوم معدتي تعبانه وبيجيلي مغص كل ما آكل اي حاجه
سلمي : خودي البنت وروحي اطمني عليها عند الدكتوره بتاعتك
مازن : يا عمي ما انا موجود .. ليه ماما تتعب نفسها .. انا من وقت ما تعبت وانا بتحايل عليها نروح لأي دكتور وهي بتقولي لأ ده برد في معدتي وهشرب حاجه سخنه وهبقاا كويسه ومش بتسمع الكلام
محمود : يا ابني انا عارف انك مش مقصر ف حاجه .. بس اهي فرصه انها موجوده عندنا .. وسلمي تآخدها وتطمن عليها وتطمنا
سلمي : حاضر بعد الاكل هنزل بيها للدكتوره
وبعد نصف ساعه سلمي ونورهان في غرفه الطبيبه تسنيم
نورهان : مساء الخير يا دكتوره .. انشاء الله تكوني بخير
تسنيم : الحمد لله .. ازيك يا عروسه .. عامله اييه ؟؟
من وقت ما اتجوزتي معرفتش عنك حاجه .. اييه الاخبار ؟؟
سلمي : اهي تعبانه وجايه تشوف في اييه
تسنيم : خير ان شاء الله .. بتشتكي من اييه ؟؟
نورهان : انا ب أحس اني ............
تسنيم : تمام .. اتفضلي علي السرير .. لازم نطمن
وقامت تسنيم بإجراء الكشف علي نورهان ..
نورهان : خير يا دكتوره ؟؟
تسنيم : 😍😍 خير بإذن الله .. جهزي هدوم النونو يا ماما .. مبروك
نورهان : 😘😘 بجد يا دكتوره ؟؟
تسنيم : اه طبعاً بجد .. مش مصدقه ليه .. عموماً هكتبلك علي شويه تحاليل لازم تعمليهم وفي الاستشاره بعد عشر ايام هتجبيهم علشان نطمن
عادت نورهان مع سلمي للبيت والفرحه تملأ وجهها وقلبها
مازن : خير يا ماما .. الدكتوره قالت اييه ؟؟
سلمي : مقالتش حاجه .. مبروك يا بابا .. جايلك نونو في الطريق ان شاء الله 😂😂 بس كده
مازن : بجد يا ماما .. انا هبقاا اب .. مبروك يا نونه .. مبروك يا قلبي
نورهان : 😍😍 الله يبارك فيك حبيبي
نيره : هيييييه هنجيب نونو نلعب بيه
نانسي : مبروووووك يا ام عتريييس هاتيه بسرعه بقاا عشان نلاقي حاجه نلعب بيها .. وهغنيلك كمان عشان منبقاش حرمنا النونو من حاجه
هيدا أول ملاك عيونه بحضني ناموا
يا ربي بترجاك تمرقني بأحلامه
حتى يعرف شو عامل بقلبي غرامه وهوى
بحس بقلبه عم ينبض بروحي وبجسمي
وَدَمُي الْمَاشِي بِعُرُوقِهُ هُوِيَّ ذاته دَمَي
هُوَ وَأَنَا صِرَّنَا واحدَ اِسْمِهُ يَعْنِي إسمي وَبِهَوًى
رايق حبيبي رايق عدد الدقايق والثواني
في بيت تامر
اووووف ... اوووف .. مش بتردي لييه 😠😠
هدير : مالك يا واد انت اتجننت بتكلم نفسك .. ومالك متعصب كده ليه ؟؟
تامر : مفيش حاجه 😠😠
هدير : كل الدخان اللي طالع من وشك ده ومفيش طيب لو في هيبقاا شكلك عامل ازاي
تامر : انا مش فايق لهزارك ده .. اقولك اعملي فياا معروف واتصلي بنانسي من تليفونك يمكن ترد عليكي
هدير : ااااه نانسي .. طيب مش كنت تقول كده .. يعني هي سبب الدخان ده .. ماشي امري لله
اتصلت هدير بنانسي بناء علي رغبه تامر وعندما ردت أخذ من يدها الهاتف ليتحدث إليها
تامر : ألو 😠😠 انتي مبترديش علياا من بدري ليه ؟؟
رنيت عليكي خمسين مره 😠😠
نانسي : الفون كان ف الاوضه ومسمعتهوش .. هو في اييه انا مش فاهمه حاجه وانت متعصب كده ليه 🤔🤔 ؟؟
تامر : لما حضرتك تبقي واقفه وبتغني وبترقصي تبقي تقفلي البلكونه علشان في حيوان بيتفرج عليكي ومنسجم اوي
نانسي 😮😮 : حيوان !! حيوان مين ده ؟؟ انا مأخدتش بالي .. اصلنا بنحتفل بالنونو للجديد
تامر : يا سيتي احتفلي ذي ما انتي عاوزه محدش منعك بس اقفلي البلكونه
نانسي : حاضر .. حقك علياا .. بس هو مين اللي كان بيبص علياا ؟؟
تامر : الحيوان اللي اسمه هشام .. الواد ده مش بينزلي من زور واما جيه الحته جديد عاكس هدير وانا اتخانقت معاه وضربته والناس حجزونا بالعافيه .. كنت هموته ومن وقتها مش بنتكلم ولا بنطيق بعض بس لو فكر يبصلك تاني مش هيكفيني فيه عمره
نانسي : لا لا خلاص هآخد بالي بعد كده .. متتعصبش بقاا
اهداا والله انا اول مره اعرف الكلام ده ولو اعرف كنت قفلت البلكونه ..
تامر : خلاص بس خودي بالك بعد كده ومبروك علي النونو الجديد عقبال النونو بتاعنا يا قلبي
مرت الايام وتوجه تامر للطبيب .. انه الموعد المحدد لفك الجبس كما هو مقرر من الطبيب المتخصص
اجراا تامر اشاعه قبل ان يفك الطبيب الجبس وبعد ان اطمأن عليه .. قام بفكه
عاد تامر من جديد لبيته وقام بفتح الموسيقي كما كان معتاد حتي تخرج نانسي وتتقابل عيونهم حتي تهدأ قلوبهم من الاشتياق
سمعت نانسي كلمات الاغنيه واذا بها تخرج لتري تامر يقف علي قدميه وعادت ابتسامته من جديد .. علت الابتسامه وجهها وكاد قلبها ان يرقص فرحاً لشفاؤه .. اسرعت وهاتفته لتطمأن عليه اكثر
ألو .. حمدلله علي سلامتك حبيبي .. الدكتور طمنك وقالك ان الامور تمام ؟؟
تامر : الله يسلملي قلبك يا قلبي .. انا بخير الحمد لله والدكتور طلب اشاعه قبل ما يفك الجبس واما اطمن فكها وانا قدامك اهوه تمام
نانسي : الحمد لله .. كانت ايام صعبه ربنا ما يعيدها تاني
.. طيب انا مضطره اقفل دلوقت هنزل آخد ملزمه مهمه من صاحبتي علشان الامتحان واما ارجع هطمن عليك
تمر الايام وينتهي الترم التاني .. انه صباح يوم جديد .. دقت الثامنه صباحاً
نانسي : يارب صبحنا وربحنا وما بين العباد ما تفضحنا
نيره : هههههههه اييه يا بنتي ده ع الصبح .. رايحه تبيعي لبن مع عبحميد
نانسي : عبحميد مين أبنتي عندنا امتحانات .. بس تصدقي فكره كويسه بتاعه اللبن دي .. ممكن افكر اني اشتغل معاه بعد الامتحانات .. اهو الواحد يلاقي حاجه يضيع فيها وقته
نامي يا فالحه انا نازله الامتحان .. ادعيلي أبت يمكن تتيسر والامتحان يبقاا كويس
نيره : ان شاء الله يا نوسه هييجي سهل .. ربنا معاكي
انقضت ايام الامتحانات سريعاً
زين ونغم مشغولين في تجهيز بيت الزوجيه .. نجحت نيره بمجموع مرتفع في الاعدايه .. نورهان تتابع مراجعه حملها عند الطبيبه تسنيم كل شهر مره وقد تبين ان الجنين ذكر .. فرح الجميع بذلك الخبر
اما عن نانسي وتامر فينتظروا ظهور نتيجه العام .. تامر يواصل متابعه مشروع الكمبيوتر مع عبد الرحمن جاره وكلما تحصل علي مبلغ كبير يقوم بإستكمال تجهيز جزء في شقه الزواج وكان يقوم بإستشاره نانسي في كل ما يقوم به من تجهيزات ويتشاور معها حتي يقوم بتنفيذ كل ما يعجبها..