رواية ابن الجيران الفصل الثالث عشر13الاخير بقلم نورسين

رواية ابن الجيران 

بقلم نورسين

مرت الايام وظهرت نتيجه تامر ونانسي وقد اجتازوا السنه بنجاح 

ولكن اتفق تامر مع نانسي انه لابد من ان ينتظر حتي ينتهي من السنه الثالثه ثم يتقدم لخطبتها حتي لا يعارض محمود و بالفعل امضي تامر ونانسي السنه في امان 

وقد تزوجت نغم وزين وهي الآن تنتظر مولودها الاول وقد انجبت نورهان طفلها الاول سيف اصغر افراد الاسره و اصبح اللعبه المفضله لدي الجميع وخاصة نيره 😂😂

مرت الايام وبعد ان انتهي تامر من السنه الثالثه وظهرت نتيجه الامتحان وقد اجتازها بنجاح كما الحال عند نانسي 

في صباح يوم جديد 

اتصل تامر بنانسي يبلغها انه سيتحدث لوالدته لكي يتقدم لخطبتها وقد أتفق مع نانسي علي انه سيبلغها ما سينفذه وعندما انهي المحادثه معها .. توجه لأمينه 

تامر : ماما .. انا عاوز منك طلب 

امينه : طلب !! طلب اييه ده يا حبيبي .. قول اللي انت عاوزه .. محتاج حاجه للمحل ومش معاك تكمل ؟؟ 

تامر : لا يا ماما الحمد لله ربنا فارجها علينا  .. انا محتاج حاجه تانيه 

امينه 🤔🤔: طيب اييه بقاا ؟؟ يا واد ما تتكلم قلقتني

تامر : بصراحه كده من غير لف ودوران كتير انا بحب وعاوز اخطب 

امينه : تُخطب ..دلوقت .. طيب مش اما تخلص دراستك الاول .. انا معنديش اعتراض انك تحب وتخطب اللي بتحبها انما خلص سنه رابعه واعمل اللي انت عاوز تعمله بعد كده

تامر : انا مش هقدر استني سنه يا ماما .. انا خايف حد يآخدها مني .. انا بحبها .. بحبهااااا وخايف اي حد يتقدم لها ويكون مناسب وابوها يوافق عليه وابقي خسرت حبي وقلبي .. انا مش هقدر اعيش من غيرها ولا مع غيرها .. انا لقيت نفسي معاها يا ماما 

امينه بعد ان استشعرت الحب من كلامه وتعلقه الشديد بتلك الفتاه فتوجهت إليه بالسؤال 

طيب ما تقولي هي مين دي اللي اخدت قلبك وعقلك وعاوزه تآخدك مني .. عاوزه اعرف تستاهل كل الحب ده ولا متستاهلش 

تامر : نانسي يا ماما بنت طنط سلمي وعمو محمود 

امينه : ناااااانسي .. اااه قولتلي بقاا .. عموما انت معاك حق في كل كلمه قولتها .. بس تفتكر عمك محمود هيرضي يخطبهالك وانت لسه فاضلك سنه وهي كمان فاضل لها سنتين علي ما تخلص دراستها 

تامر : انتي بس اتصلي بطنط سلمي حددي معاها ميعاد للمقابله وسيبي الباقي علياا .. انا هقنعه 

امينه :  طيب ما نشوف هتقنعه ازاي يا فالح .. هات التليفون واطلب الرقم 

نفذ تامر ما امرته به امينه وتركها تتحدث في هاتفها مع سلمي وتوجه هو ليبلغ نانسي ما قد وصل إليه من اتفاق مع والدته 

امينه : يا تامر .. تامر .. انت يا واد سيبتني وروحت فين ؟؟ 

تامر : انا جيت اهوه يا ماما .. عملتي اييه ؟؟

امينه : كلمتها و الميعاد بكره الساعه خمسه .. جهز نفسك بقاا لطلبات عمك وانزل اشتري الحلويات والشيكولاته اللي هنآخدهم معانا مش هنروح وايدينا فاضيه

تامر : لا .. فاضيه .. فاضيه ده اييه .. ده انا هنزل اشتريلها شيكولاته من اغلي وانضف مكان .. دي نوسه يا حاجه مش اي حد 😍😍

امينه : طيب يا حبيبي ربنا يسعدكم ويجعلها من نصيبك ويجعلك حنين عليها ياارب 

تركها تامر وبدل ملابسه ثم ذهب لشراء الحلويات والشيكولاته ثم توجه للمحل المخصص لبيع الفضه حيث لفت انتباهه سلسه رقيقه وبها معلقه علي شكل قلب شفاف مطعم بالفضه 

تامر : مساء الخير .. عاوز السلسله دي من فضلك ؟؟ 

البائع : حاضر اتفضل ارتاح .. لحظه واحده 

وبعد لحظات قدم له السلسله ليشاهدها عن قرب وتحدث لتامر

السلسه دي عباره عن حجر طبيعي مستورد لونه شفاف واما بتتعرض لضوء الشمس او اي ضوء شديد بتتغير لونها للأحمر .. ذي ما حضرتك شايف كده 

تامر : حلو اووي .. خلاص انا هآخدها وعاوز علبه شيك لانها هديه من فضلك 

انقضت ساعات النهار وحل الليل سريعاً وتقابل العشاق تحت ضوء القمر كعادتهم وقد ارسل تامر لمحبوبته اغنيه لكي تسمعها معه 

خليك حبيبى هنا جنبى هنا جوة قلبى هنا ياللى روحى 

فى هواك ليالى وانا على حالى ودايما فى بالى بحبك وهفضل معاك

ليك حق يا حبيبى فيا واكتر ماليا حياتى 

متغلاش عليك يارب اعيش العمر جمبك فى حضنك

فى قلبك فى ضحكة بشوفها فى عينيك

ليالى وانا على حالى … بحبك وهفضل معاك

امضوا العاشقين وقتاً من الحب شهدت عليه نجوم السماء التي تلألأت في ظلامها والسكون الذي لم يُسمع منه سوي همساتهم بكلمات الحب والعشق والغرام 

انتهت الليله سريعاً علي امل ان تدق الساعه الخامسه مساءًا حيث اللقاء الذي يجمع بينهم عن قرب في ظل الوالدين وامام الجميع 

دقت الرابعه عصراً .. امينه تتصل بتامر 

انت فين يا ابني الساعه اربعه وانت لسه براا اومال هتجهز امتي .. ياله علشان منتأخرش علي الناس .. هيقولوا علينا اييه لو اتأخرنا عليهم بس 

تامر : عشر دقايق وهتلاقيني قدامك يا حاجه .. متقلقيش 

وبالفعل بعد اقل من عشر دقائق 

هدير : يا عيني .. يا عيني ع الحب .. اهو هو ده الحب والإ فلا .. اييه الورد الجميل ده يا حبيبي .. مبروك مقدماً يا عريس الهناا 😍😍

تامر : اييه رأيك حلو .. هيعجبها ؟؟ 

هدير : طبعاً يا قلبي هيعجبها .. كفايه انه من تمووور حبيب القلب ❤❤

تامر : طيب امسكيه لحد اما آخد شاور بسرعه في خمس دقايق واغير 

هدير : اووووكي علشان خاطرك يا قمر 

وبعد عشرين دقيقه خرج تامر من غرفته يرتدي بنطلون اسود و قميص ابيض بكم طويل وقد طوي اكمامه و ارتدي حذاءه الاسود وقد اكتملت اناقته 

هدير : ما شاء الله .. ما شاءالله .. قمر يا قلبي ربنا يحفظك .. لا بصراحه عريس بجد

تامر : ادعيلي عمو محمود يوافق 

هدير : اتوكل انت علي الله .. ان شاء الله هيوافق .. ده كفايه البرفيوم اللي انت مغرق بيه نفسك 😂😂 .. هيوافق يا حبيبي بإذن الله وهترجع فرحان ومجبور الخاطر 

بعد دقائق في بيت محمود  

سلمي : اهلاً وسهلاً .. البيت نور .. شرفتونا .. تعالوا اتفضلوا 

امينه : يزيد فضلك حبيبتي ويجعل بيتك عامر ومفتوح بخيرك وخير الاستاذ محمود 

محمود : ازيك يا حجه شرفتيناا .. ازيك يا تامر يا ابني عامل اييه ؟؟

تامر : ازي حضرتك يا عمي .. انا بخير الحمد لله .. بصراحه يا عمي انا جاي النهارده ولياا طلب عند حضرتك واتمني من الله انك مترفضتش 

محمود : خير يا ابني ان شاء الله .. والله لو في استطاعتي اكيد مش هرفض وهلبيلك طلبك 

خير بإذن الله .. اييه هو طلبك 

تامر : انا يشرفني اني اتقدم واخطب بنت حضرتك الآنسه نانسي 

محمود : والله يا ابني طلبك غالي .. انا معنديش مانع بس انت مش شايف ان لسه بدري علي الموضوع ده .. انتوا لسه في الدراسه .. اما تخلصوا نتكلم في الموضوع ده ان شاء الله 

تامر : لا يا عمي نخلص اييه .. انا هشرح لحضرتك كل حاجه 

محمود : اتفضل انا سامعك 

تامر : حضرتك عارف ان والدي متوفي .. وانا وحيد يعني مليش جيش وعندي شقتي في البيت موجوده وانا عملت مشروع للكمبيوتر ده علشان اجهز الشقه وعلشان اقدر اتقدم لها .. انا عارف ان الجواز قسمه ونصيب بس انا برضو عاوز ألحق قبل ما حد يتقدم غيري وانا فاضلي كام شهر واخلص دراستي وان شاء الله هلاقي شغل علي طول انا متفق مع خالي علي كل حاجه .. ده غير اني مش هقفل المشروع علشان الدخل يبقاا كويس ..فأنا بستأذن حضرتك لو مفيش اعتراض علياا نتخطب دلوقت واول لما هي تخلص سنه رابعه نتجوز علي طول 

محمود : يا حبيبي مفيش اعتراض عليك .. انت ووالدتك واختك سمعتكوا مفيش انضف منها في المنطقه .. عموما انتظرتي دقيقتين 

وخرج وتركه ينتظر الرد وتوجه لنانسي ووالدتها ليشاورهم في الكلام واخذ رأيهم 

محمود : رأيك اييه يا سلمي ؟؟ 

سلمي : بصراحه الواد ذي الفل ميتعيبش ف حاجه 

محمود : تمام وانتي يا نانسي .. رأيك اييه في تامر ؟؟

نانسي : هاه .. اللي تشوفه حضرتك مناسب انا موافقه عليه يا بابا ☺☺

محمود : طيب علي خيرة الله .. مبروك ربنا يتمم بخير 

وعاد من جديد ليبلغ تامر انه تم الموافقه علي طلبه

تامر : بجد يا عمي انا ☺☺ مش عارف اشكر حضرتك ازاي .. ربنا يفرحك ذي ما فرحتني 

محمود : مبروك يا ابني .. مبروك يا حاجه ربنا يفرحك بيه وتشيلي اولاده ان شاء الله 

تامر قدم لنانسي الورد و هديته التي فرحت بها وتم الاتفاق علي ان تتم الخطوبه في بيت محمود يوم الخميس بعد اسبوع وفي اضيق الحدود ثم استأذنوا في الانصراف 

هدير : مبرووووووك لوووووولي .. لووووولي مش قولتلك هيوافق .. ده انت قمر وألف واحد في الحته يتمناك لبنته .. مبروك يا حبيبي 

ومر الاسبوع سريعاً وتمت خطبة نانسي وتامر وسط فرحه وسعاده من الجميع واخيراً بدأت الخطوه الاولي في تحقيق حلمهم في ان يستكملوا ما قد بدأوه من رحلتهم في طريق الحب 

سريعاً تمر الايام وينتهي تامر ونانسي من امتحانات الترم الاول ..

انه صباح يوم جديد واذا بتامر يقف في شرفته ويصفر كالكروان فتخرج محبوبته فيحادثها ويشير لها بأن تبدل ملابسها سريعاً لكي يتوجهوا معاً ليختاروا فرش شقه الزوجيه 

نانسي : تشير له بيدها عشر دقايق وهكون جاهزه 

خرجوا معاً واختاورا معاً فرشهم الجديد .. وطبعاً المحبوب لن يضيع فرصه وجود محبوبته معه فقد جعلها في تلك الايام لا تريد ان تعود لبيتها من جديد ولكنها تريد البقاء معه وحده .. هو من امتلك قلبها وعقلها 

مرت الايام .. تامر في زياره لبيت نانسي ولكنه حزين 

محمود : مالك يا ابني في حاجه مزعلاك ؟؟ 

تامر : والله يا عمي مش هخبي عليك .. الفلوس قصرت معايا ومش هقدر اعمل فرح لنانسي والموضوع ده مضايقني جداا .. دي ليله العمر ومش هتتكرر تاني 

محمود : متضايقش نفسك وعادي مش مهم الفرح يا حبيبي ..المهم الفرحه انك هتآخدها بيتك 

تامر : عندك حق يا عمي .. دي فرحة عمري 

مرت الايام وانتهت نانسي مع اخواتها ووالدتها وامينه وهدير من فرش شقة الزوج .. انها ليله زفاف تامر ونانسي 

تامر امام الكوافير ينتظر نانسي حتي تنتهي .. وبعد دقائق اخرجها والدها ليسلمها له واستقلوا السياره ظناً من نانسي واسرتها انهم سيتوجهوا لبيت الزوجيه مباشرة وفي اثناء الطريق واذا بتامر يخرج من جيبه شريط ستان ابيض كبير وعريض واغلق به اعين نانسي 

نانسي : انت بتعمل اييه بس هتبوظ المكياچ اللي دفعنا في قد كده😂😂

تامر : متخافيش مفيش حاجه هتبوظ 

في السياره التي يستقلها محمود واسرته 

سلمي : هو احنا رايحين فين .. مش هنرجع البيت ؟؟ 

محمود : والله انا مش فاهم اي حاجه .. خلينا ماشيين وراهم اما نشوف هيروحوا فين 

وبعد عدة دقائق .. توقفت السياره التي تستقل العروسين امام مرسي للسفن وتوقفت خلفهم باقي السيارات وطلب تامر من نانسي ان تنزل بهدوء فساعدها ورفع الغطاء من علي عينيها واذا بها تقف امام سفينه جميله مزينه بالاضواء وبدأت الفرقه الموسيقيه تدق فرحاً بإستقبال العروسين والجميع فرحين واطلقت الزغاريد 

دمعت اعين نانسي فرحاً بتلك المفاجأه ودخل العروسين للمركب حيث المكان المخصص للفرح وبدأت السفينه في اصحابتهم في وقت جميل في النيل 

وبدأوا معاً افتتاح حفلتهم بالرقص علي الموسيقي الهادئه وبعد ان انتهوا ..طلب تامر من نانسي ان تغني له لكي يحتفظوا معاً بتلك الذكري الجميله فقوافقت بعد إلحاح منه فطلبت من الفرقه الموسيقيه ان تصاحبها في الغناء وغنت له

أَنا بِعِشْقهُ لَلَدُنِيّا ايوه هقولها أَنا مُتَفائِلَة بِيه

دِي فَرْحَة الدُنْيا وَما فِيها جاتلي فِيهِ

وَبِدْعِي رُبّنا كُلّ يَوْم يُخَلِّينِي لَيّهُ

أَنا بِعِشْقهُ بِكَوْن ضَعِيفَة بِشَوْفَة أَنا بستقوى بِيه

ده حَدَّ مَن نُوَعّ اللَيّ مَرَّة بِتَلاقِيهُ

أَنا حَبَّة نَفَسِي تطول ما هية مُلْك لَيّهُ

مَلَّكَنِي بِكُلّ إِحْساسَيْ فَآكَرَنِي تُمِلِّي مِشّ ناسِي

بَقّا لُيَ هُوَ ده ناسِي مليش بُعْدَيْهُ

ڤِي وَقَتَّ ما يجي إِدامِي بتبدأ كُلّ أَحْلامِي

وَتَحْضُن صَوَّرتَهُ أَيّامِي بِمَوْت أَنا فِيهِ

أَنا بِعِشْقهُ معرفش لَمّا بِقابِلَة يَوْمها أَنا بِبَقِّى مَيْن

بياخدني مَن رُوحِيّ وَحَياَتَيَ بِكَلِمَتَيْنِ

دة اللَيّ زِيّهُ نَفَسِي أَعْرِف راحو فَيِن

مَلَّكَنِي بِكُلّ إِحْساسَيْ فَآكَرَنِي تُمِلِّي مِشّ ناسِي

بَقّا لُيَ هُوَ ده ناسِي مليش بُعْدَيْهُ

ڤِي وَقَتَّ ما يجي إِدامِي

بتبدأ كُلّ أَحْلامِي وَتَحْضُن صَوَّرتَهُ أَيّامِي بِمَوْت أَنا فِييييييهِ 😍😍😍❤❤

احتضنها تامر ودار بيها وصفق الحضور وانتهت الليله وتوجه العروسين لعشهم الجديد حيث السعاده التي تغمر وجوههم وقلبهم 

تامر : الحمد لله ربنا استجاب دعائي وجمعني بيكي في بيت واخد .. وعهد علياا قدام ربنا مش هخلي غير السعاده هي اللي تعرف طريق قلبك طول ما انا عايش علي وش الدنياا 

نانسي : سعادتي بدأت من يوم ما عرفتك وسكنت قلبي .. وجودك جنبي ومعايا هي دي السعاده وكفايه علياا من الدنياا

وبكده نكون سطرنا قصه حب جميله بين ابطالنا .. بدأت بالوعد وانتهت ببيت جميل يجمع بينهم 

الحب يعني راجل يوفي بوعوده ويكون قد المسئوليه .. لازم نختار صح علشان نقدر نعيش ونواجه الدنياا بمصاعبها .. الحب بيقوي وبيسند صاحبه وبيخليه قادر يواجه ويعدي من كل شئ صعب في الحياه ممكن نتعرضله وده علشان السند الحقيقي .. السند الصح موجود جنباا 

                               النهايه

لقراءة باقي الفصول من هنا