رواية ابن الجيران
الفصل الخامس
بقلم نورسين
في غرفة نانسي يرن هاتفها معلناً عن اتصال من علي
( علي هو ابن خالة نانسي .. وحيد والدته .. والده توفي في حادث خاص بالعمل حيث كان يعمل مهندس معماري في احدي الشركات و كان علي في ذلك الوقت لم يبلغ العاشره من عمره .. تخرج من كليه الهندسه وتم تعيينه في وظيفه في نفس الشركه التي كان يعمل بها والده .. علي علي علاقه طيبه ببنات خالته و بالتحديد نانسي 😉
علي : ألو .. ازيك يا أنوس .. وحشتيني
نانسي : 😍😍 علي ازيك وحشتني والله .. فينك من زمان مش باين ولا بتسأل ؟؟
علي : انا موجود يا حبي .. بس انتي عارفه الشغل .. كنت مسافر ولسه راجع .. وقولت اطمن عليكم .. عاملين اييه كلكم وخالتو والبنات عاملين اييه ؟؟
نانسي : كلنا كويسين الحمد لله بخير .. وخالتو عامله اييه ؟؟ هي كمان من وقت ما اتنقلنا الشقه الجديده وهي متصلتش
علي : مهو انا متصل مخصوص النهارده علشان كده
اكتبيلي العنوان بالتفصيل وابعتيهولي ف رساله .. هنيجي نزوركم النهارده
نانسي : بجد 😀😀 جايين النهارده .. طيب كويس جداا .. كمان مازن جاي النهارده .. فرصه حلوه نسهر كلنا مع بعض .. انا هقفل وابعتلك الرساله حالاً
علي : ماشي مستنيكي
وأنهت نانسي الاتصال وكتبت العنوان بالتفصيل وارسلت الرساله لعلي ثم توجهت لتبلغ سلمي والبنات
نانسي : ماما .. خالتو تيسير وعلي جايين النهارده .. علي كلمني وانا بعتله العنوان
سلمي : بجد جايين .. كويس اروح اشوف المطبخ واجهز السهره
في المساء .. مازن في زيارة لنورهان وقدم لها الورد الذي تحبه مع الشيكولاته واعتذر منها وحاول إرضاءها
نانسي : ايوه بقاا .. يا بختك يا نونه .. اوعدنا ياارب بأي حد يجيب شيكولاته وورد ياارب 😍😍
نورهان : امشي يا بت عنيكم دي اللي جيباني وراا 😂😂 ربنا يرزقك يارب بس خلصي دراسه الاول
نانسي : اخلص .. هو انا لسه هستناا اما اخلص .. يدينا ويديكي طولة العمر 😂😂😂
واثناء الحديث يدق جرس الباب .. تتوجه نيره لتفتح الباب
نيره : هيييييه خالتو وحشتيني اووي
تيسير : وانتي وحشتيني اووي يا روح خالتو
( تيسير هي الاخت الوحيده لسلمي .. رفضت الزواج بعد حادثه وفاة زوجها ونزلت مجال العمل في التدريس لتستطيع ان تقوم بتربيه علي وتوفية احتياجاته )
استقبلت الاسره علي وتيسير
قضي مازن وعلي ومع الاسره وقتاً ممتعاً امتزج فيه اللهو مع الجد فدائماً لقائهم وتجمعاتهم يكون لها مذاق خاص فالبنات يكنوا لمازن معزه خاصه ويعتبروه الاخ الاكبر لهم
مر الوقت سريعاً واستأذن مازن في الانصراف
مرت الايام والحال كما هو الحال الإ من تغيير بسيط .. بدأ تامر ان يخرج للشرفه ودائماً نانسي تراقبه بنظراتها التي يلاحظها ولكنه لا يحاول مضايقتها
بدأت السنه الدراسيه الجديده .. ومن اليوم الاول تعرفت نانسي علي زملاء جدد في نفس الفرقه
وتوجهت نغم للجامعه وهناك قابلت زين زميل الدراسه
( زين اكبر من نغم بسنه و أعجب بها منذ ان تعرف عليها عن طريق زميلة لها ولكنه حاول ان يتحدث إليها و لسوء الحظ بدأت الامتحانات واختلفت المواعيد ولم يتمكن من مقابلتها منذ تلك اللحظه ) ولكنه كان دائماً يتحري اخبارها من زملاءها ليطمأن من عدم ارتباطها
نغم : ازيك يا زين ؟؟
زين : انا الحمد لله بخير وانتي ؟؟
نغم : انا الحمد لله
زين : هو انا ممكن أسألك علي حاجه ؟؟
نغم : اه طبعاً اتفضل
زين : انا طلبت رقم تليفونك من غاده وهي رفضت وقالتلي لو انت عاوز الرقم الافضل اني آخده منك لانك هتضايقني منها لو عرفتي انها ادت رقمك لأي حد وانك متفقه معاها علي كده
نغم بإبتسامه هادئه : طيب وانت كنت عاوز رقمي ف اييه ؟؟
زين : بصراحه كان نفسي اتكلم معاكي من زمان ومعرفتش آخد الرقم من حد من زملاءنا .. يعني تقدري تقولي محبتش اكون سبب في مشكله بينك وبين اي حد من اصحابنا .. بس انا كنت متابع اخبارك من بعيد
نغم : متابع اخباري .. اخبار مين .. انا 😮😮 !!
زين : اه .. اخبارك انتي .. مستغربه ليه ؟؟
نغم : لا ..ولا حاجه بس بيتهيألي من حقي اعرف ليه كنت بتابع اخباري انا بالذات
زين : طيب هو احنا ممكن نطلع الكافيتريا نشرب حاجه ونتكلم شويه ؟؟
نغم : معلش مش هينفع .. البنات منتظرني ومش عاوزه أتأخر عليهم
زين : طيب انا هقولك .. بصراحه .. انا معجب بيكي من اول مره شوفتك فيها مع غاده وحاولت اوضحلك اكتر من مره بس للأسف مكنش ينفع لانك مش بتفارقي المجموعه
نغم بخجل : امممم طيب واييه المطلوب مني دلوقت ؟؟
زين : انتي مش مطلوب منك حاجه .. انتي هاتي رقم تليفونك ونتكلم مع بعض لحد أما نتعرف علي بعض اكتر وتكوني رأي فياا و اما الامتحانات تنتهي وانتي عارفه انها آخر سنه دراسه لياا .. بعدها نتخطب و هنتجوز علي طول انا شقتي جاهزه في بيت والدي و مجهزلي فيها حاجات كتير واللي باقي في التجهيز مش كتير وانا كمان وحيد ومعنديش غير اخت واحده ومخطوبه يعني كمان مليش جيش ووالدي عنده مكتب تخليص جمركي وانا بشتغل معاه من زمان يعني الشغل ان شاء الله متوفر .. هاه اييه رأيك ؟؟
نغم : بصراحه انا معنديش اي اعتراض علي كلامك بس انا محتاجه وقت افكر و هرد عليك ان شاء الله
زين : طيب هاتي رقم التليفون وانا مش هكلمك غير اما تفكري وتردي علياا
نغم : ماشي .. هات تليفونك
واعطاها زين هاتفه فكتبت له الرقم وقام بتسجيله .. فإستأذنت منه لتقابل زملاءها
زين : طيب علشان خاطري توافقي علي طلبي .. تعالي نطلع نفطر مع بعض ونشرب حاجه في الكافيتريا وبعد كده شوفي اصحابك
نغم تتردد في البدايه ولكنها وافقت حيث انها ستجلس معه في كافيتريا الجامعه
سريعاً انتهي اليوم وعادت نغم إلي البيت ونادت نانسي لتتحدث إليها وتحكي لها ما دار بيها وبين زين
نانسي : خير يا آخرة صبري 😂😂 احكي يا شهر زاد عاوزه اييه ؟؟
نغم : بطلى بقى كنت عايزاكى فى موضوع مهم بلاش تهريج دلوقتي بقاا
نانسي : اتفضلي حضرتك الميكروفون معاكي .. فلنبدأ بالحديث
نغم : يا بت بقولك موضوع مهم .. اسكتي شويه خليني اعرف احكي الكلمتييييين
نانسي : خلاث خلاث 😂😂 اتفضلي .. اتكلمي
نغم : طيب انا هحكيلك وتقوليلي اعمل اييه .. في واحد معايا فى الجامعه قالى انه معجب بيا ومش عارفه اعمل اييه
نانسي : يا حلاوه يا حلاوه وجيالي انا بقاا اقولك تعملي اييه
نغم : اه .. اعمل اييه بقاا ؟؟
نانسي : طيب بصي انا هقولك .. مش هو قالك كل ظروفه وهو الحمد لله ظروفه كويسه ؟؟
نغم : اه .. الحمد لله .. كل اللي قاله كويس .. ما انا حكيتلك كل حاجه
نانسي : يبقاا خلاص قدامنا فرصه نعرفه اكتر لحد اما السنه تخلص .. كلميه في الفون وانتي كده كده بتقابليه في الجامعه قدام كل الناس يعني مفيش قلق وخودي وقتك ونقرر بعد كده
نغم : خلاص تمام .. انا هقابله بكره وهقوله اني موافقه اننا نتكلم ونتعرف ولو في توافق بيناا لحد اما السنه تخلص ييجي بقاا ويتقدم رسمي
واثناء حوارهم يرن هاتف نانسي واذا بالمتصل رانيا
رانيا: ألو
نانسي : امشى أبت مش عايزه اعرفك 😠😠
رانيا : ليييه بس كده يا أنوس ده انا جيبالك اخبار حلوه
نانسي : انتي من آخر مره كنا مع بعض مسألتيش علياا وعموماً ماشي طالما اخبار حلوه يبقاا عوناا ليكي .. عفونا عنكِ .. اتفضلي .. ارغي اما نشوف 😂😂
رانيا : عمر هييجي يتقدملي يوم الخميس اللي جاي 😍
نانسي : ياسلاااام وجايه تفتكرينى دلوقتى وتقوليلي .. مقولتيش من زمان ليه 😡😡 هاه .. هاه ؟؟
رانيا : كانت الدنيا ملخبطه عندى شويه .. حقك علياا متزعليش 😘
نانسي : ماشي خلاص علشان خاطر هتبقي عروسه بس .. هعديهالك المره دي .. ياله سلام
وتغلق هاتفها وتدخل الشرفه لتطمأن علي تامر ولكن الضوء في غرفته مغلق
تتحدث لنفسها .. يا تري هو فين لحد دلوقت .. هو ممكن يكون نام 🤔🤔 لا لا .. هو مش بينام بدري كده .. شكله لسه مرجعش من براا
تجلس علي المقعد وتضع السماعات في اذنيها وتشغل الموسيقي الهادئه وتغمض عينيها وتسرح في تامر
بعد ربع ساعه مازالت نانسي علي وضعها .. تفتح عينيها وتنظر أمامها واذا بتامر يقف امامها وينظر إليها ويثبت نظره عليها .. تتفاجأ نانسي وتبتسم إبتسامه هادئه وتنظر إليه ثم تدخل وتغلق الباب خلفها
تستلقي علي فراشها وتحتضن عروستها باربي وتمنت أن يرافقها في حلمها وذهبت في ثبات عميق
تامر يدخل غرفته متحدثاً لنفسه : اييه اللى بيحصل معايا ده .. الغريب ان كل ما ابعد تفكيري عنها ألاقيها قدامي وألاقي نفسي بفكر فيها غصب عني .. فيها حاجه غريبه بتشدني ليها .. احساس غريب محستهوش قبل كده حتي لما كنت بحب تمارا محستش معاها الاحساس ده .. الظاهر اني حبيتها ولا اييييه
...يتبع..