قصة : { غفلة } 👣🕳
الحلقة الخامسة { ٥ } 🍃والسادسة
محمد : لا مش هينفع عشان رامي
رامي : عادي 😒
فادي : اهو رامي مش معترض
احمد : هما عاملينه فين ؟
فادي : ف الشقة الي كنا بنسهر فيها
( يوصلوا قدام شقة فيها شباب وبنات ويسهروا معاهم شرب ورقص لحد الصبح ، تدق الساعة 6 الصبح ، رامي قاعد جنب نغم )
نغم : مش عاجبني مودك اليومين دول خالص .. رامي
رامي : نعم ؟
نغم : م تيجي معايا .. غير جو 😉
رامي : انا فعلاً محتاج اخرج م الي انا فيه دة 😒
( يقوم رامي وتقوم نغم )
رامي : انزلي العربية وانا هدخل التواليت واحصلك
نغم : اوك ي بيبي 😉
( يديها المفتاح ويدخل رامي التواليت ، يعدي الوقت وكل الناس تقريبا مشيوا ، نغم ف عربية رامي ، تزهق تنزل م العربية وتطلع الشقة تانى )
نغم : سلمى هو رامي نزل ؟
سلمى : كلوا نزل
نغم : ازاي دة عربيته تحت قالي ان هو ف التواليت 😕
سلمى : طب شوفيه جوة
( تقرب نغم ع التواليت وتخبط ع الباب )
نغم : رامي .. رامي
( تفتح تلاقيه واقع ف الارض ومفتح عينه وبؤه ميت ، تصرخ نغم )
نغم : الحقونييييييييييي 😳
( يقوم رامي مفزوع م النوم ع رنة الفون بتاعه ، يلاقي نفسه ف بيت نغم نايم ع السرير ، يمسك الفون يلاقي مكتوب ريهام ، يتخض ويستغرب ، يفتكر ان كل دة حلم وان كل دة محصلش ، يفتكر ان ريهام رنت ف اليوم دة عشان تقوله ان مامته ماتت ، يترعب رامي اكتر ويقوم من ع السرير )
رامي : يارب يارب 😨
( يفضل يلف حوالين نفسه )
رامي : والنبي يارب بلاش امي والله هبقا كويس والله 😰
( تنزل دموعه ، تقرب نغم )
نغم : مالك ي رامي ؟!!!
رامي : اسكتى خالص اسكتى
نغم : في ايه ؟!!
رامي : قلتلك اخرسييي انتى السبب انتى وهما السبب 😠
نغم : سبب ايه انا مش فاهمة حاجة 😧
رامي : يارب والنبي يارب 😣
( يرن الفون تانى يتخض ، يقرب يمسكه وايده بتترعش )
رامي : الو 😟
ريهام : ايه فينك ؟؟
( ميردش بيعيط )
ريهام : ايه الي عملته مع ماما دة خلتها من امبارح مش عارفة تنام وعمالة تعيط تعالى البيت حالاً
( يعيط اكتر )
ريهام : ي بني انت ؟!
رامي : يعنى امك مماتتش 😧
ريهام : ماتت ايه الهبل الي بتقوله دة !!!
رامي ب عياط : مماتتش 😣
ريهام : لا طبعا ومتطنش ي رامي وتعالى صالحها حرام عليك بقا
رامي : حاضر حاضر جاي والله جاي 😦
( يقفل رامي ويجري يلبس هدومه بسرعة رهيبة )
نغم : رايح فين دلوقتى ؟!!
رامي ب انفعال : ملكيش دعوة ومن بعد انهاردة مش عاوز اعرفك تانى ولا تتصلي بيا فاهمة 😡
نغم : ليه كدة انا زعلتك ف حاجة 😟
( تقرب تحط ايدها ع دهره )
رامي ب زعيق : ي بنتي ابعدي عن امي بقااااا 😡
( يزقها )
نغم : مالك بس ؟!!!
( تستغرب نغم ، يمشي رامي ، يوصل قدام العمارة ويطلع ، يفتح ب المفتاح ويدخل ، يلاقي امه قاعدة ف الارض بتصلي ، يجري عليها يحضنها ويعيط ، تستغرب الام وتسلم )
الام : في ايه !!!
رامي ب انهيار : انا اسف حقك عليا سامحيني والنبي سامحيني عشان خاطري 😣💔
( يبوس ف ايدها وف رجليها )
الام : اهدى طيب اهدى 😦
رامي : حقك عليا والنبي 😖
( يعيط اكتر ف حضنها )
الام : لا اله الا الله .. انت مكنتش كدة ي رامي .. مكنتش كدة ي بني .. نفسي ترجع زي زمان .. جرالك ايه بس 😔
رامي : والله هرجع زي زمان واتغير بس انتي متزعليش مني وتسامحيني بس بالله عليكي ي امي 😧
الام : مسمحاك ي بني
( يفضل ف حضنها ، ف بيت مريم ، مريم قاعدة ع سريرها ، تدخل اختها )
ايمان : ازيك اميرو
مريم : الحمدلله
ايمان : بتعيطي ؟!!
مريم : لا 😒
( تمسح دموعها )
ايمان : وحشك .. صح ؟
مريم : جدا 🙂💔
ايمان : مفكرتيش تكلميه ؟؟
مريم : هو بيحاول يكلمني .. بس انا بتهرب منه
ايمان : ليه ؟!
مريم : خايفة منوا .. خايفة يكون عاوز يرجع عشان يهيني اكتر او ينتقم مني عشان القلم الي ادتهوله كان قايل ل حبيبة هيردهولي
ايمان : لا بس رامي بيحبك مش هيعمل كدة
مريم : حتى حبه مبقتش واثقة فيه .. مظنش بقا بيحبني زي الاول 😔💔
ايمان : انا فاكرة كان دايماً رايح جاي مع مصطفى وعبدالرحيم .. مكانش بيفارقهم ابدا
مريم : مصطفى زعلان منه اوي .. دايماً يكلم شروق عليه
ايمان : هو ايه الي حصل خلاهم زعلوا من بعض ؟
مريم : كان رامي واقف مع شلة محمد دي وجه مصطفى ينده رامي ف محمد قعد يتريق ع مصطفى ويقول الشيخ مصطفى جه وقولنا ي مولانا مش عارف ايه والكلام دة هزقوه
ايمان : ورامي متكلمش ؟؟
مريم : وقتها كان رامي لسة مصاحبهم جديد وشكلوا كان خايف ل يزعلوا منه .. ف كان بيضحك معاهم .. ودة الي زعل مصطفى اكتر
ايمان : من ساعتها بقا مبيتكلموش ؟
مريم : بالنسبة ل مصطفى عادي انتى عرفاه طيب وقلبه ابيض بس رامي الي مبيكلمهوش
ايمان : رامي خسروا اكيد
مريم : اكيد 😑
ايمان : طب يلا قومي العبي معايا احسن زهقانة ومتزعليش نفسك
مريم : العب ايه
ايمان : العب باليه ههههعهعهههععخخخخ 😂
مريم : هههههههه جزمة 😄
مريم : هههههه خليكي فريش 😂
( يعدي الوقت ، رامي ف الجامع عمال يصلي ويعيط ، يدن الفجر ، يصلي رامي ويطلع البيت ، امه صاحية )
الام : كل دة تحت .. تاني السهر ي رامي مش قلت هتتعدل !!
( يروح يقعد جنبها )
رامي : كنت سهران فعلاً .. بس سهران ف بيته
الام : بيت مين ؟!
رامي : بيت ربنا 🙂
الام : كنت ف الجامع ؟!!!
رامي : اه .. من ساعت م نزلت .. كنت بدعيله يغفرلي الغلط الي عملته ف حياتي .. كنت بدعيله يثبتني ع طاعته وهدايتي .. كنت بدعيله يقبل توبتي .. يارب يقبلها بس 😅
( تاخده ف حضنها )
الام : ربنا غفور رحيم ي حبيبي .. قادر يصلح حالك وحال كل الي زيك يارب
رامي : امين يارب
( تعدي الايام ورامي مبيرحش الكلية دايما ف الجامع ، الصلاة خلص ورامي لسة ساجد ف الارض ، بيفضفض ل ربه وبيعيط ب حرقة ، يشوفه شيخ الجامع ، يقرب يقعد جنبه ، يقوم رامي يسلم ويخلص )
الشيخ : شكلك شايل كتير !!
رامي : اوي 😔
الشيخ : احكي لو حابب
( يحكيله رامي عن كل حاجة )
الشيخ : تعرف .. انت ف غفلة .. انت وكتير اوي من جيلك وحتى الكبار .. عايش الدنيا ب طولها وعرضها وزي م تيجي هو احنا هنعيشها كام مرة .. بس ليه بقا مش عامل ل اخرتك ؟
رامي : انا قلت اني لسة صغير .. يعني متمتعش ب الدنيا والي فيها 😟
الشيخ : وليه المتعة بالنسبالك الحرام بس .. ليه مبتبصش للحلال .. دة حتى طعمه احلى ب كتير .. كلنا ف غفلة .. بس هييجي علينا الوقت الي نفوق منها .. بعد يوم .. اسبوع .. شهر .. سنة .. بس ي ترى هنلحق ولا ﻷ .. هنلحق نصلح غلطاتنا .. هنلحق نقابله واحنا نضاف .. ولا هنخاف نقابله .. انت كدة كدة رايحله .. إن لله .. وإن اليه راجعون .. مهما عملنا خير مهما عملنا شر بردوا هنرجعله ف الاخر .. يوم دفنتك .. الناس كلها هتمشي .. الي زعل زعل والي عيط عيط والي صوت صوت والي دعالك دعا .. طب ف الاخر .. كله هيمشي بعد نزولك .. هتنده عليهم .. هتقولهم متمشوش .. بس محدش هيسمعك .. الكل هيسيبك .. هتتردلك روحك وهيقوموك ملكين .. مهما اتحكالك عن شكلهم محدش هيقدر يوصفلك الرعب الي هتشوفه فيهم .. هيسألوك أسالة مافيش اسهل منها بس مش اي حد بيعرف يجاوب عليها مهما حفظت فيها ومهما شفتها سهلة .. لو انت مؤمن هتعرف تجاوب .. بس لو ع وضعك دة .. هتقوله ايه .. هتقول معرفش انا سمعتهم بيقولوا وقلت زيهم .. ساعتها ربنا مش هيأذن انه يتفتحلك ابواب السما ولا ابواب الرحمة
رامي : عندك حق .. بس عنده اهون بكتر م الدنيا دي .. ياريت ياخدني 😔
الشيخ : اهون .. اهون ازاي بيتهيقلك .. مش اهون خالص للي معملش حساب الاخرة دي .. ناس كتير بتقول الموت راحة يارب خدني وريحني .. طب لما تبقا قاعد كدة زي الفل مافيش فيك حاجة وفجأة تشوف ملايكة حواليك .. وملك الموت واقف عند راسك وانت جسمك زي المتخدر مش عارف تتحرك كأنك مشلول .. تبقا هاين عليك حتى تقوله اديني 5 دقايق بس اصلي فيهم ركعتين يمكن ربنا يغفرلي اي غلطة عملتها .. يمكن يقبل توبتي .. بس دة مش هيحصل .. هتشوف روحك وهي بتطلع قصاد عينك .. تبقا مش عارف تمسكها ولا تقولها ارجعي هتروحي ل ربك تقوليلوا ايه .. هتقولي ايه .. طب ايه الفرق بينك وبين الكافر كدة .. الفرق انك انت عارف معلومات عن دينك وماشي ب معظمها كمان .. ماشي ب الي ييجي ع هواك .. بس انتوا الاتنين مبتسجدوش ل ربكم .. ودة وجه تشابه بينكم .. ودي اول حاجة هتندم عليها صلاتك .. الي كنت بتكسل ف الشتا وانت قاعد تحت اللحاف وسقعان .. ولا نايم ف نص اليوم عدى وتقول هبدء من بكرة واليوم يعدي بردوا وهاكذا .. ازاي فوتها .. ازاي ربك ينده عليك عشان تقابله ف صلاتك وتتكلم معاه وتشكيله فيها وتدعيله ي مؤمن بالله ومتقومش .. انت لو امك ندهت عليك بتجري تشوفها عاوزة ايه .. ازاي ربك .. ربك الي خلقك ينده عليك كل يوم 5 مرات .. 5 مرااات .. ومتقمش .. تكسل او تسمع اذانه وتكمل نوم وتطنش .. ازاي لما ندهك مقلتش حاضر ي رب وقمت .. طب انت متأكد انك هتقدر .. هتقدر تقف قصاده كدة وانت مستعد .. طيب هتقوله ايه .. طب صحابك الي دايماً معاك سهران سكران معاهم لازقين ل بعض لهيينك عن اخرتك والحلو الي ف دنيتك .. هيبقوا فين ساعتها .. هيدفنوا بدالك .. ﻷ .. هيتعذبوا بدالك .. ﻷ .. مش هيبقوا موجودين ساعتها .. والقرأن .. كان هيحصلك ايه لو كل يوم قريت صفحة واحدة بس صفحة .. كان هيونسك ف قبرك وينورهولك .. انت متعرفش يعنى ايه وحشة القبر من غير القرأن .. قدامك لسه تصلح حالك
رامي : طب اعمل ايه ؟
الحلقة السادسة { ٦ } 🍃
الشيخ : متخليش الدنيا تغرك .. و أوعي تفتكرها دايمة .. بتروح ف غمضة عين والله .. خليك مع ربنا هو الي دايم هو الي ليك وهو الي جابك للدنيا دي وهو الي هترجعله .. والله هو بيحبك اوي .. لكن احنا فاكرين ان الدنيا بتحبنا أكتر .. خليك حريص علي الحسنة .. متكسلش عن طاعته .. اللي انت بتضيع نفسك علشانهم زايلين و مش نافعينك ولا هينفعوك .. والله م حد باقيلك غير ربك .. قرب منه .. خلي يوم موتك لقاء شوق مش لقاء خوف .. " واتقوا يوما ترجعون فيه الى الله " .. وبعدين بترجعوا تقولوا الحياة وحشة ويارب خدني وانتحر و و و و .. طب ازاي عاوزها تحلى وانت مش قريب م الي معاه مفتاح الدنيا وما فيها .. ربنا قال " ومن اعرض عن ذكري ف ان له معيشة ضنكاً ونحشره يوم القيامة اعمى " .. ربنا يهديك ي ابني ويهدي الجميع 🙂
رامي : يارب 😔
( يسكت رامي ، يروح الكلية )
محمد : ايه ي بني فينك ؟
احمد : قافل موبايلك ليه ؟!!
رامي : عاملكوا بلوك
محمد : لا والله !!
فادي : وليه ان شاء الله ؟!!
رامى : كدة .. بنضف حياتي م الو***ة الي فيها
محمد : ايه الي بتقوله دة انت اتهبلت ولا ايه ؟!!
رامى : ياريت كل الناس تتهبل زيي 😒
( يمشي رامي ، يقرب ع شلة ولاد واقفين )
رامي : مصطفى
( يبصله )
رامى : عاوزك دقيقة
( يروح معاه مصطفى يقفوا ع جنب )
رامي : عامل ايه ؟
مصطفى : الحمدلله .. انت ايه اخبارك مش بشوفك تقف مع شلتك !!
رامي : مبقتش شلتي .. بعدت عنهم
مصطفى : لا بجد ؟!!
رامي : والله .. بعدت عنهم وعن اي حاجة غلط .. ربنا هداني .. بحاول ارجع زي الاول واحسن ان شاء الله
مصطفى : ياريت .. ياريت ترجع ربع الاول حتى
رامى : هرجع ان شاء الله بس انت ادعيلي ي صاحبي .. انت من الحاجات الي ندمان عليها .. ندمان انى جرحتك ف يوم م الايام وبعدت عنك .. نفسي نرجع زي م كنا
مصطفى : م انا قلتهالك قبل كدة .. وقت م تتعدل انا موجود .. وهفضل طول عمري صاحبك 😅
( يحضنه وتنزل دموعه )
رامي : وحشتنى ي صاحبي 😣
( يشوف مريم قاعدة ف الكفتريا بتذاكر ، يفضل باصصلها ، تعدي الايام ، رامي ف البيت قاعد مع مامته )
الام : قولي بقا .. موضوع ايه المهم الي عاوزني فيه 🤔
رامي : عاوز اخطب
الام : لا بجد 😃
رامي : اها
الام : مين هي بنت مين ؟؟
رامي : هي زميلتى ف الكلية .. هتكلم معاكي بصراحة
الام : قول ي حبيبي
رامي : انا كنت بحبها وهي كانت بتحبني .. هي متدينة جدا .. محجبة وملتزمة واهلها ناس طيبين ومحترمين جدا .. هي فكرت انى هتغير ولما انا بقيت بتنيل اكتر سابتنى وقالت ان مش هينفع تكمل معايا غير لما ابقى كويس .. هي من ضمن الاسباب الي انا حابب ابقا كويس عشان مخسرهاش والحمدلله ربنا هدانى .. وبجد نفسي اكمل حياتى مع انسانة زيها .. ف انتى ايه رأيك ؟؟
الام : انا ميهمنيش ف الدنيا دي اد راحتك وبس .. وطلاما هي انسانة مؤدبة واهلها محترمين يبقا نتوكل ع الله .. كفاية انها كانت سبب ف هدايتك 😊
رامي : يعنى موافقة اني اتقدملها ؟
الام : موافقة طبعا .. شوف عاوز تروح امتى وانا اقول ل عمك ونروح نقابل اهلها
( يحضنها رامي )
رامي : ربنا يخليكي ليا يارب 😄❤
( تقرب ريهام )
ريهام : وانا مليش ف الاحضان دي ولا ايه بقا 🤷🏻♂
رامي : تعالي ي غيورة
( يخدها ف حضنه )
ريهام : هييييييييييح .. ي سلام ع كمية الراحة الي ف حضنك 😑
( يحضنها اكتر )
الام : ربنا ميحرمكوا من بعض ابدا
ريهام : ولا يحرمنا منك ي ست الكل 😚
( تعدى الايام ، رامي ف الكلية ، يقرب ع مريم )
رامي : مريم ...........
( تسيبه وتمشي ، يتنهد رامي ويمشي ، مريم ف بيتها ، قاعدة ف اوضتها بتذاكر ومعاها اختها ، يرن فون اختها )
ايمان : الو
رامي : ايمان معايا ؟؟
ايمان : ايوة مين معايا ؟
رامي : انا رامي
ايمان : رامي !!!
( تتخض مريم ، تفتح ايمان المايك تسمعها )
رامي : اه وياريت متقفليش السكة احسن
ايمان : انت عاوز ايه ؟!
رامي : خلي مريم تكلمني
ايمان : مريم مش عاوزة تكلمك ولا عاوزة تعرفك اصلا
رامي : خليها تكلمني احسنلها انا قربت ع بيتكوا متخلنيش اطلعلها
مريم : تطلع فين انت اتجنيت 😨
رامي : م انتي مش مدياني فرصة اتكلم معاكي
مريم : مش عاوزة اتكلم معاك انا حرة ي اخي 😧
رامي : مريم انا عاوزك تسامحيني .. عشان خاطري .. انا اتغيرت .. والله اتغيرت وبقيت بصلي وبقرأ قرءان وبصلي ف الجامع وبعدت عن الشلة الي كنت ماشي معاها ورحت صالحت مصطفى كمان
مريم : حفظت امتى دة كلوا 😑
رامي : اقسم بالله مش بحور عليكي .. عشان خاطري سامحيني 😟
( يعيط رامي ويبان ع صوته )
رامي : والله انتى لو م سامحتيني انا هرجع انيل م الاول .. اكيد انا بقيت كويس عشان ربنا بس بردوا انتى كنتى دافع ل دة .. لو لسة باقي ف قلبك اي زرة حب ليا سامحيني بس 💔
( تنزل دموع مريم )
رامي : انا اسف .. عارف اني كنت حيوان معاكي ومعاملتى وحشة ومقدرتش النعمة الي كانت ف ايدي .. بس انا مش عاوز اخسرك صدقيني .. اقسم بالله انا بحبك وهفضل طول عمري احبك حتى لو انتى بتكرهيني 😟
مريم : انا عمري م كرهتك .. انا كان نفسي بس تبقا انسان كويس .. عشان نفسك قبل م تبقا عشاني
رامي : عارف والله عارف انك كنتى خايفة عليا .. عارف بس انا الي كنت غبي والدنيا لهياني بس فوقت وحيات ربنا فوقت ونفسي نرجع بس 😔
( تسكت مريم وتبص ل ايمان )
رامي : عشان خاطري ي مريم انا واقف بعيط ف الشارع والناس بتتفرح عليا .. انا تحت بيتكوا
( تتخض مريم )
رامي : بصي م البلكونة هتلاقيني
( تاخد مريم الفون وتقوم تلبس طرحة وتطلع البلكونة تلاقي واقف جنب العربية )
رامي : وحشتيني اوي 😟
مريم : وانت كمان 😥
رامي : انا امي وعمي ف العربية .. لو سامحتيني هطلع دلوقتى انا وهما عشان اتقدملك
( تنزل دموع مريم ب فرحة )
رامي : مسمحاني ي مريم ؟
مريم : مسمحاك 😥❤
رامي : بحبك ي عروستي ❤
مريم : وانا كمان 😍❤
( يقفل رامي ويمسح دموعه ويفتح باب العربية )
رامي : يلا
( تنزل امه وعمه ويطلعوا يتقدموا ل مريم ويقروا فاتحة ، تعدي الايام والشهور وفعلا رامي يبقا احسن م الاول ، ف الشقة الي صحابه بيسهروا فيها ، شباب وبنات جوة الشقة واخر هيصة ، يتكسر باب الشقة ويدخل 4 شباب ضخام يضربوا ف صحاب رامي لما يورموهم ويدخل راجل كبير ياخد بنت من شعرها الي هي صاحبة الشقة ، ياخدوا صحاب رامي يرموهم ف الشارع وهما شبه اموات مش باينلهم ملامح اطلاقا ، يبلغ الناس وتيجي الاسعاف تاخدهم عقبال ميوصلوا المستشفى يكون محمد وفادي ماتوا من نزيف داخلي واحمد ف العناية المركزة بين الحياة والموت ، تعدي الايام ، يوم فرح رامي ، ف بيت رامي ، جوة اوضته ، واقف رامي ومصطفى قصاده بيلبسوا الجرافت وصحابهم حواليهم )
عبدالرحيم : ي جدعان خلصوا العشا اذنت هتتأخروا ع الأستوديو كدة
مصطفى : خلاص اهو بلبسوا الجرافت وفاضل الجزمة
( يخلصلوا الجرافت )
مصطفى : يلا البس الجزمة
( يحطهالوا مصطفى عند رجله )
رامي : لأ استنى اصلي العشا الاول ☝
مازن : ي بني مافيش وقت
رامي : مش هيطير الفرح ي مازن مبحبش اسيب صلاة عليا هبقا مش متظبط
مصطفى : طب انت متوضي ؟
رامي : ايوة اه
عبدالرحيم : طب يلا واحنا كمان نصليها بالمرة
مازن : طب اصبروا هتوضى استنوني ✋
مصطفى : اخلص طيب
( يدخل مازن التواليت ، تدخل ريهام )
ريهام : سلاموا عليكم
الكل : عليكم السلام
( صحابوا يحطوا وشهم ف الارض ويقفوا ع جنب ، تقرب ريهام ع رامي )
ريهام : ايه الحلاوة دي ي عريس 😉
رامي : تسلميلي ي قلب العريس 😃
( يبوس دماغها )
ريهام : هتسيبنا خلاص
رامي : لا متقلقيش هتلاقيني هنا كل يوم 😄
( تشاور ع قلبها )
ريهام : انت دايما هنا 🙂❤
( يحضنها ، تنزل دموعها )
ريهام : بص هتبوظلي المكياج بقا 😅
رامي : ههههه لا خلاص 😄
ريهام : يلا انت مستني ايه مش خلصت ؟!
رامي : اه هنصلي العشا وخلاص كدة
ريهام : اوك هستناك برة
رامي : ماشي
( تطلع ريهام ويطلع مازن م التواليت ، يقف عبدالرحيم إمام قدامهم ويقف رامي جنب مصطفى جنب مازن ويبدؤا يصلوا ، ف اخر 4 ركعات ، يسجدوا ويقوموا الا رامي ، يبصله مصطفى ويكملوا صلاة ، يسجدوا ويقوموا وبردوا رامي ف الارض زي مهو ، مازن يبص ل مصطفى ويكملوا صلاة ، ف الركعة التالتة يسجدوا ويقوموا وبردوا رامي متحركش ، تنزل دموع مصطفى ويعيط ومازن كمان ، يستغرب عبدالرحيم ، يصلوا الركعة الرابعة ورامي زي مهو ، يسلموا ، يجري مصطفى يزق ف رامي يقع رامي ف الارض )
مصطفى : لا لا لا بالله عليك ي رامي يارب والنبي 😖
مازن : مااات 😣
عبدالرحيم : بس بس اهدوا ✋
مصطفى : رامي قوم
( يقعدوا يعيطوا ، يخبط الباب وتدخل ام رامي )
الام : ي ولاد اتأخرنا ع العرو ............ في ايه ابني ماله 😨
( تنزل ف الارض وتشده ف حضنها )
الام : ي بني .. ي بني قوم ي بني .. فرحك .. يارب .. يارب 😣
( مريم ف الكوافير ، ايمان واقفة ع باب الكوافير بتتكلم ف الفون ، تنزل دموعها ، تقفل الفون وتدخل ل مريم )
ايمان : مريم 😔
مريم : نعم .. في ايه مالك ؟؟!!!!
ايمان : ريهام اتصلت بيا و رامي ...........
مريم : ماله رامي .. ايه اداني خازوق ومش جاي 😄
( تعيط ايمان ب حرقة )
ايمان : رامي مات 😣
( تتخض مريم وتقوم من ع الكرسي )
مريم : مات ايه .. ازاي 😧
ايمان : كان بيصلي قبل م ينزل وسجد مقامش تاني
( تنزل دموع مريم )
مريم : الحمدلله .. الحمدلله .. إن لله وإن اليه راجعون .. الحمدلله .. رجع ل ربه ف سجوده .. لحق يرجعله نضيف .. لحق يرجعله نضيف .. ماشي ي رب .. هفضل احمدك طول عمري .. هفضل احمدك طول عمري .. بس انا كان نفسي بس يبقالي شوية .. شوية بس .. بس الحمدلله .. الحمدلله 😣💔
( تقرب اختها تاخدها ف حضنها )
مريم ب عياط : يارب .. يارب 💔
( يدفن رامي ويتعمل العزا ، تعدي الايام ، مريم قاعدة عند تربة رامي )
مريم : وحشتني اوي .. اوى 🙂 تعرف .. ع اد م زعلت انك سيبتني 💔 بس فرحت اوى .. فرحت انك هتدخل الجنة وان شاء الله هشوفك فيها 😅💙
( تنزل دموعها )
مريم : يوم جنازتك كانت السكة متسهلة وكل حاجة كانت سهلة وعدت بسرعة .. دخلت قبرك كأن حد حدفك .. نزلت بسرعة اوي .. وكان وشك منور ❤ عشان ربنا راضي عنك سهلك طريقك ليه ف الدنيا .. وف الاخرة كمان .. بحمد ربنا كل يوم اني عرفت حد زيك .. ع اد م اتجريت للوحش فترة .. بس كنت دايما قلبك ابيض .. كنت دايما حنين ع الي حواليك .. ولما ربنا هداك .. كنت شيفاك اجمل انسان ب الدنيا دي 😥 كنت شيفاك راجل بجد .. كنت ..........
( تذيد دموعها )
مريم : كان نفسي تكمل معايا بس .. الحمدلله بردوا .. انا مش معترضة ي رب .. اللهم لا اعتراض ي رب .. الحمدلله 😣💔
( تقوم مريم تقرا الفاتحة وتمشي )
*( رامي لحق ، ي ترى انت هتلحق ، دي نهايته ، بس يمكن تكون بدايتك انت 🍃 )*
( النهاية )