🔸 أحبك يا بنت عمي 🔸
🔸 الفصل الثالث والعشرين 🔸
الفصل الرابع والعشرون
مي : المعيد بتاعي عاوز يتقدملى
محمد ومازن ساب الأكل وبصو لمي ومازن حس زي ما يكون حد ضربه قلم فجأه
مازن : معيد ايه إلى يتقدملك
محمد : طب ومازن يا مي
مي : ماله مازن يا عمى انا بعتبرة اخويا
مازن كرامته مسمحتلوش يتكلم غير انه يقول مأنا كمان يعتبرها زي اختي يابابا ربنا يسعدها ، بعد اذنكم
محمد : استني يا رايح فين
مازن : عندي ميعاد مهم مع أسامة
مازن خرج وهو متعصب
محمد : طيب يا مي كلى ونكمل كلامنا في المكتب
ليلى : وليه يعني في المكتب وهو انا وبنتي ناس غريبة
محمد : مقصدش يا ليلى انا عاوز مي بس في موضوع كدة
مي : انا شبعت اصلا
محمد : طيب تعالى معايا على المكتب
محمد خد مي ودخلوا المكتب
هبه : الله عليكي يا ماما
ليلي : مش قولتلك انا هطفشها ، بس كويس حكايه المعيد بتاعها دة انا لازم أقنع محمد انه يجوزها ليه بأقصى سرعة
هبه : ياريت يا ماما عشان نخلص
ليلى : آمال انتي فاكرة اني هسيب كل الفلوس دى تروحلها تبقي عبيطه
في المكتب
محمد : في اية يا مي
مي : مفيش حاجة يا عمو كل الحكاية أن المعيد بتاعي طلب يقابلك عشان يتقدملى
محمد : طب انتي بتحبيه
مي : هو محترم وابن ناس
محمد : انا سألتك سوال محدد انتي بتحبيه ولا لا
مي : الحب مش كل حاجة يا عمو
محمد : لا يا بنتي كل حاجة عشرة عمر مش يوم وليله
مي : اكيد هحبه بعد الجواز يعني
محمد : مش كل الي بيتجوزوا بيحبوا بعض بعد الجواز ، ايه يا مي منفسكيش تعيشي قصة حب زي ابوكي وامك
مي : كان نفسي بس ملقتش ، و يمكن حسام يكون هو الشخص دة
محمد : طيب وليه ميكنش مازن هو الشخص دة
مي : مازن انا بعتبرة اخويا
محمد : انتي بتكدبي عليه ولا على نفسك يا بنتك مازن بيحبك وانتي بتحبيه ليه بتعملى كدة
مي : قعدت تعيط لا انا مش بحبه مش بحبه
محمد : طب اهدي يا بنتي انتي بتعيطي ليه دلوقتي ، انا عمرى ماهخصبك على حاجه ، بس كل الحكاية اني لاحظت مازن اتغير وبقي يضحك وضحكته طالعة من قلبه وباين جدا إنه بيحبك وانتي كمان
مي : وانا كمان ايه ، قولتلك يا عمو انا مش بحبه حضرتك فهمت هزارنا غلط
محمد : ماشي يا مي انا هديكي أسبوع تفكري يا بنتي بلاش تستعجلي ، انا كان نفسي أجوزك مازن عشان اطمن عليكي قبل ما اموت
مي : بعد الشر عليك يا عمو
محمد : اطلعي ارتاحي يا بنتي
مي : حاضر بعد اذنك يا عمو
مازن سايق العربيه بأقصى بسرعة ووقف قدام بيت اسامه وبيضرب الجرس بعصبية
أسامة : يا ساتر يارب ايوة ايوة جاي
أسامة فتح الباب واتفاجئ بمازن
اسامه : مازن خير في اية
أسامة مكملش كلمته قام مازن حضنه وقعد يعيط
أسامة : في اية يا بني مالك
مازن : انا تعبااااااااان
اسامه : ادخل بس ادخل واهدا شويه وقول ايه الى حصل
مازن : مسح دموعة ، مي بتقول أن المعيد بتاعها عاوز يتقدملها
أسامة : ايه إلى انت بتقولة دة ، وانت عملت ايه
مازن : هعمل أية يعني كرامتي مسمحتليش اقعد
اسامه : تبقي عبيط
مازن : ايه يا أسامة هو انا ناقص
أسامة : يا أخي هي قالت عاوز يتقدملها لكن مقلتش أنها موافقة
مازن : انت غبي هي لو مش موافقة مكنتش قالت لبابا
أسامة : معاك حق بس دة مش معناة كمان أنها بتحبه
مازن : يعني هي مش هتتجوز واحد وهي مش بتحبه
أسامة : مش عارف بس انا حاسس أن في حاجة غريبة
مازن : لا غريبه ولا حاجة ، دة بابا بيقولها طيب ومازن قالت ماله مازن دة زي اخويا
أسامة : أة يا صحبي مش عارف اقولك ايه
مازن : قلبي بيوجعني أوي يا اسامه وحاسس انه بيتقطع
أسامة : خلاص متسيبهاش
مازن : يعني ايه
أسامة : طالما انت بتحبها كدة قولها
مازن : بقولك قالت اخويا
اسامه : خلاص اقنعها أن انت حبيبها ومش اخوها
مازن : لا كرامتي متسمحليش
اسامه : خلاص خلى كرامتك تنفعك أما تشوفها بتتجوز واحد غيرك
مازن : بلاش تستفزني بالكلام دة ، انت عارف اني بغير عليها
اسامه مش هيبقالك حق تغير عليها لو شفتها في حضن خطيبها هتقدر تتكلم
مازن : وقف واتعصب عليه كفايا يا اساااااامه
اسامه : شوفت دة إلى انا بتكلم عنه كل ما هتشوفها قلبك هيتقطع اسألني انا مجرب قبلك خسرت حب حياتي عشان غبائي وتكبري محاربتش عشانها ، ندمت
مازن : يعني اعمل اية يا اسامه
أسامة : يعني متتخلاش عن حبك يا صحبي
مازن كان سايق العربيه وبيفكر في كلام اسامه
👇 👇 👇 👇🔸 أحبك يا بنت عمي 🔸
🔸 الفصل الرابع والعشرين 🔸
لقد اتعبتيني وأعلنت استسلامي وإني على يقين أن كنتي من نصيبي ستعودين إلى
مازن كان متضايق ومخنوق أوي وهو سايق بيفكر في كلام اسامه ، يا ترى اسمع كلام اسامه وأحاول اخليها تحبني
ويرجع تاني ويكلم نفسه لالالالا يا مازن فين كرامتك طيب ، ما هو اسامه لو مشيت ورا كرامتي هوجع قلبي ، ما يتوجع قلبك انت اعترفتلها بحبك وهي خلاص بتحب واحد تاني وانت طيب ايه إلى يخليك تقول انها بتحبه ما يمكن مش بتحبه ، يعني يا مازن هتتجوز واحد وهي مش بتحبه
طول الطريق مازن كان بيكلم نفسة ووصل لقرار انه هيتجاهل مي ومش هيعترض على أي حاجة
مي كانت واقفة في البلكونة وبتعيط ولما شافت عربيه مازن دخلت و مسحت دموعها ودخلت الاوضه ، أول ما نزل مازن من العربيه قعد يبص على اوضتها كتير و هو ساكت وبعدين دخل وطلع اوضته
الصبح
الكل بيفطر على السفرة
محمد : آمال فين مازن يا ام حسن
أم حسن : لسة منزلش
محمد لسه مكملش كلامه ومازن نازل على السلم
مازن : صباح الخير
الكل : صباح النور
محمد : ايه الكسل دة كل دة نوم تعالى أفطر ، مازن وهو بيتكلم كان واقف ورا كرسي مي بس من بعيد فمكنش شايف وشها ودة إلى هو عايزة
مازن : لا انا مليش نفس واتاخرت على الشغل بعد اذنكم
محمد : معترضتش ولا اتكلم وساب مازن يمشي لأن حاسس أن ابنه تعبان فمحبش يتعبه اكتر
ليلي عشان تغير الجو مي هو المعيد بتاعك اسمه إيه
مي : اسمه حسام
ليلى : وهيجي يتقدم امتي
محمد : ليللللي
ليلى : ايه في ايه هو انا قولت حاجة
محمد : انا لسه موافقتش اصلا
ليلى : وليه متوافقش اصلا دة معيد عندها واكيد محترم يعني ماهو انت عارف ذوق مي
محمد : هو فستان هتلبسه عارف ذوق مي دى عشرة عمر
ليلى : بس
محمد : مفيش بس مش عاوز اسمع اي كلام في الموضوع دة
مي : طيب انا اتاخرت على الجامعة بعد اذنكم
محمد : اتفضلي يا حبيبتي وخلى بالك من نفسك
مي : حاضر يا عمو
في الشركه
أسامة دخل لقي مازن بيراجع شويه أوراق ، ايه يا مازن سألت عليك قالوا جيت بدرى أوى دا انا فكرك مش هتيجي يا راجل
مازن : ومجيش ليه
أسامة : مالك يا مازن
مازن : مليش انا زي الفل وبشتغل زي ما انت شايف
أسامة : طيب وقررت ايه
مازن : بخصوص ايه
أسامة : بخصوص مي
مازن : قررت أنساها
أسامة : انت بتقول ايه انت نسيت الكلام إلى انا قولتة امبارح مازن : لا منستش وفكرت في كل حاجة ودة قرارى اسامه لسه هيتكلم مازن قطع عليه الكلام ، لو بتعزني يا أسامة منتكلمش في الموضوع دة تاني
أسامة : لا انا عشان بعزك مش هسكت
مازن : بعصبية قولتلك خلاص سبني في حالى بقي
اسامه : ماشي يا مازن شكرا سلام عليكم
خرج أسامة من المكتب وهو زعلان من مازن ، ومازن قعد يخبط على المكتب اعمل ايه يعني عاوزني اعمل اية انا تعبت
في الكليه
مي بتحضن سارة وتعيط
سارة : اهدي يا بنتي حصل ايه
مي : حكتلها كل إلى حصل
سارة : معقول مازن يقول كدة
مي : بقولك سمعاهم
سارة : لا انتي سمعتي هبه مسمعتيش مازن
مي : يعني هتكون بتكلم نفسها مثلا
سارة : بصراحة أنا مش مرتاحة لا للبنت دى ولا لامها
مي : قصدك اية
سارة : قصدى يا هبلة أنها هتموت على مازن هي و بنتها فممكن تكون دى خطة منها
مي : ايه جو المسلسلات الهندي دة
سارة : والله انتي عبيطه وبكرة تقولى سارة قالت
مي : اصلا مش فارق معايا يشبعو بيه
سارة : كدابه يا مي
مي : انا يا سارة
سارة : أة انتي كدابه انتي بتحبيه
مي : لا مش بحبه
سارة : لا بتحبيه وهو بيموت فيكي اسمعي كلامي وانتي هتكسبي
مي : يعني اعمل اية
سارة : يعني تلاحظي لو مازن متضايق ومخنوق ومش بيكلمك يبقي بيحبك وفي أن في الحكايه
مي : طيب ما هو ممكن يكون مضايق عشان خطتة فشلت
سارة : انتي عبيطه ، مازن اقوي من كدة ، مفيش حاجة خلته ضعيف غير حبه ليكي وأعتقد انك لاحظتي انه اتغير
مي : انا مش عارفة انتي بتفكرى اذاي
سارة : أنا بفكر صح ، الأسبوع إلى ايدهولك عمك عشان تقرر
فيه ولازم تستغليه وتشوفي قد ايه هو بيحبك ولو فعلا انتي بتحبيه
مي : يوووووو يعني اعمل اية
سارة : يعني مثلا تصوتي بليل ، تعملى نفسك شوفتي حلم وحش تشوفيه هيعمل ايه ، تعملى نفسك تعبانة توقعي نفسك من على السلم أو من حمام السباحة
مي : ههههههههههيخربيت دماغك
سارة : اسمعي بس ، بعد كدة هو يكون جاب آخرة خلاص وهيقولك انتي بتحبي حسام دة ولا هيقولك تتجوزيني وقتها تقوليله سمعت هبه بتقول ايه وشوفي رد فعله
مي : وافرض مقليش تتجوزيني ولا حاجة
سارة : يبقي وقتها هو فعلا مخطط لكدة
مي : عليكي دماغ
سارة : أنا صحبتك ودة واجبي والواحد المفروض ميتخلاش عن إلى بيحبه بسهوله إلا لما يكون متأكد من الأسباب إلى تخليه يسيبة هل هي صحيحة أو لا لأن بجد في ناس كتير معندهاش ضمير وبتفرق حبايب عن بعضهم