الام وهي بتضربها ف كتفها : اتلمي ي بت 👋
خلود : حاضر
( بعد دقايق ، يطلع ابو خلود )
الاب ب ترحيب : ي اهلاً وسهلاً ي اهلاً امير باشا 😃👋
امير وهو بيقوم : ازيك ي عم رضا 👋
الاب : نحمده ي بيه البيت نور والله
امير : الله يخليك
الاب : قومي ي بت اعملي حاجة ل جوزك يشربها
امير : لا لا مفيش داعي انا تمام ✋
( تقرب ام خلود ب الشاي )
الام : الشاي ي بني اتفضل ☕
امير : تسلم ايدك
( ياخده منها )
الاب : عاملة معاك ايه البت دي اوعا تكون مضيقاك اكسرلك رقبتها دلوقتي👌
امير : لا لأ مش مضيقاني ولا حاجة
( يبصلها )
امير : بالعكس 🙂♥️
( تبتسم خلود )
الام : طب الحمدلله 😃
رضا : عاوزين نشيل عيالكم قريب بقا 🤷🏻♂
امير : ان شاء الله
( يشرب الشاي )
رضا وهو بيقوم : عن اذنك ثواني ☝️
امير : اتفضل
رضا : تعالي عاوزك
( تتخض خلود وتبص ل امير ، تقوم مع بباها يدخلوا الاوضة )
الام : منور ي حبيبي 😊
امير : الله يخليكي
( جوة )
رضا : قوليلي بقا عاملة ايه معاهم وبيعاملوكي ازاي ؟؟؟
خلود : بيعاملوني احسن معاملة 🙄
رضا : بيدوكي فلوس ؟؟
خلود : ويدوني فلوس ليه هو انا شغالة عندهم 🤷
رضا : لا لازم تطلبي فلوس قوليلوا يطلعلك مصروف ليكي
خلود : وليه وهو مش مخليني محتاجة حاجة 😕
رضا : ي هبلة اعمليلك مصلحة من وراهم الجوازة دي مش هتتكرر تاني
خلود : ومين قالك ان امير هيسيبني !!!
رضا : اكيد هيسيبك دة سابك يوم كتب الكتاب ومشي واخوه الي روحك معنى كدة انه مش عاوزك يعني شوية وهيرميكي وترجعي ل حجري تاني ف اعمليلك مصلحة احسنلك 😉
خلود وهي بتقوم : انا مش هتوقع البلاء قبل وقوعه .. امير عاوزني وانا بحبه ومش هيسيبني .. ولو حصل وسابني انا لا عاوزة فلوسه ولا مصالح .. هيبقا كفاية الخراب وقتها 😒
رضا ب انفعال : يعني هو يبقا موت وخراب ديار دة انتي غبية صحيح 🤷🏻♂
خلود : ممكن توطي صوتك الراجل قاعدة برة 🤦🏻♀
( يلمح الدبلة ف ايدها )
رضا وهو بيمسك ايدها : دة ايه دة !!!
خلود : دبلتي 😕
رضا : دي الماظ ي بت 😳
( تشد خلود ايدها منه )
خلود : لأ مش حقيقي 😬
رضا : حقيقي طبعاً هما دول هيجيبوا فلصوا اقلعي اشيلهالك لحسن لما يطلقك ياخدها منك تاني هاتي 👋
خلود : لأ طبعاً انت عاوزه يقول عليا ايه !!!
رضا : قوليلوا ضاعت 🤷🏻♂
( يشدها من ايدها ب عنف يعورها )
خلود : ااااه اوعا انت بتعمل ايه 😫
( تزقه )
رضا ب عصبية : بتزقيني ي بنت الكلب 😠
( يضربها بالقلم وينزل فيها ضرب وهي تصرخ ، يتخض امير اما يسمعها ويجري ع جوة يلحقها من تحت ايده )
امير : بااااااس ✋
رضا : ي بنت ال ***** البت دي مش هتمشي من هنا سيبهالي هأدبها 😡
امير ب غضب مكتوم : اسيب مين ورحمة امي ي رضا لو مديت ايدك عليها تاني ل اكون قاطعهالك فاهم ☝️
( ياخد خلود من ايدها وينزل بيها م البيت يركبها العربية ويركب ويمشوا ، طول الطريق خلود بتعيط )
امير : خلود بالله عليكي خلاص 😕
خلود : .......... 😣
امير : طب هو ضربك ليه اصلاً ؟!!!
( ترفع ايدها توريهاله يلاقي الدبلة مليانة دم وصوباعها متعور ، يفرمل امير مرة واحدة ويمسك ايدها )
امير : ايه دة !!!!!!!
خلود : شافها ف ايدي اتجنن وصمم ياخدها 😔
امير : كنتي سيبتيه ياخدها ي خلود يولع بيها 🤷🏻♂
خلود : مستحيل افرط فيها ابداً حتى لو كانت فضة مش الماس .. كفاية انها منك 😥🧡
( ياخد دماغها ف حضنه ، تتخض خلود وتتفاجئ ، بعدها تغمض عيونها وتحضنه اكتر ، يمسك ايدها المتعورة يبوسها )
امير : حقك عليا 😟
( تبصله وتشاورله ب لأ )
خلود : حقك عليا انت عشان خدتك مكان زي دة وقعدتك مع ناس زي دي 💔
امير : دة كويس اني كنت معاكي
خلود : انا مستحيل اروح هناك تاني .. دي اول واخرة مرة 😔
امير : لما تعوزي تشوفي امك او كرم قوليلي وانا اجيبهوملك لحد عندك
خلود : ربنا يخليك ليا يارب 💜
( يبوس دماغها )
امير : هنعدي ع الصيدلية نشوف ايدك دي
خلود : ماشي
( يكمل سواقة ويقف عند صيدلية تغيرلها ع صوباعها وبعدين يروحوا البيت ، ييجي الليل ، امير وخلود قاعدين ف الانتريه بيظبطلها الفون وبيعلمها عليه حاجات ، تبصلهم ريم وتبتسم ، يرن جرس الباب ، تفتح ريم )
محمد : هلا والله 👳🏼♀
ريم : هلا فيك 😊
( يدخل محمد )
محمد : وين امير ؟
ريم : ف الانتريه
محمد : ابغى اتحدث وياكي 🤤
ريم : ههههه اتفضل 🤭
محمد : لا مش هينفع هنا
ريم : اومال فين ؟!
محمد : مينفعش تقابليني برة ؟
ريم : لا صعب عشان ماما 😕
محمد : طب قوليلها عادي
ريم : اقول ايه بس انت عاوزها تنفخني !!!!!
محمد : اه طب حتى نطلع الجنينة هنا
ريم : طب اطلع وانا دقتين وهحصلك
محمد : اشطااا متغبيش عليا 😉
ريم : حاضر 😄
( يطلع محمد برة ، تقفل ريم الباب وترجع المطبخ وهي مش لاقية حاجة تقولها ل مامتها )
الام : مين جه ؟
ريم : لا دة بتاع الغاز
الام : طيب
ريم وهي بتاخد طبق : هروح اقطف كام لمونة 🍋
الام : متطوليش عشان بيوجع العين
ريم : لا حاضر
( محمد ف الجنينة رايح جاي جاي رايح متوتر ، تقرب عليه ريم )
ريم : كنت عاوز ايه ؟؟
محمد ب أرتباك : بصي .. اااا .. كنت عاوزة اقولك ان .. اااا .. هو ..........
ريم : ايه ؟؟؟
محمد : مفيش حاجة ي ريم ارجعي ادخلي 😐
ريم ب حزن : بتهزر !!!!
محمد : لا ادخلي مفيش حاجة .. هدخل اشوف امير
( يسيبها ويدخل جوة ، تنزل دموع ريم كانت مفكراه هيقولها حاجة ، تقرب ع شجرة اللمون وتقطف كام لمونة ويذيد عياطها )
ريم : قلتلك مستحيل يبص ل واحدة زيك .. دة بيلعب ب مشاعرك مش اكتر 😔💔
( جوة ، محمد قاعد مع امير وخلود )
امير : مالك ي بني !!!
محمد : خربت الدنيا 😐
امير : قلتلها ؟؟؟
محمد : بعد م طلعنا برة اتوترت قلتلها تدخل خلاص
امير : يخربيتك 🤦
( تدخل ريم ع المطبخ )
خلود : انت بتحبها ؟
محمد ب عشق : اووووووي 😟🧡
خلود : ع فكرة هي كمان بتحبك
محمد ب فرحة : بجد ؟؟؟؟
خلود : بجد
امير : عرفتي منين ؟!
خلود : يوم م تعب كانت هتموت م الخوف عليه ف انا شكيت صراحة ان فيه حاجة ولما سألتها معرفتش تخبي ويومها عملت حجة الاكل عشان اخدها تشوفه عشان تطمن 🤷
محمد وهو بيقوم : لا انا مش هسكت لأ 😐
( يروح المطبخ )
محمد : ام ريم
الام : ايوة ي بني أؤمر ؟
محمد : انا بحب بنتك وعاوز اتجوزها 😐
( تقع من ايد ريم الاطباق تنكسر )
الام ب خضة : اااا انت بتتكلم جد ؟!!!
محمد : ايوة اومال ههزر ف حاجة زي كدة ي ولية اااا اقصد ي طنط 😬
ريم : انا موافقة 😃
الام : موافقة !!!!!
ريم : اااا مش قصدي لأ اقصد دة بعد رأيك يعني 😅
( يقرب امير وخلود )
خلود : قلتي ايه ي ام ريم ؟
الحلقة السادسة والعشرون { ٢٦ } 🌘
الام : قلت لا اله الا الله هاخد رأي اخوها 🤷
محمد : انتي بس حدديلي ميعاد اجي اتقدملها فيه واكلم اخوها واختها والعيلة كلها
الام : اا ..........
محمد : اتفقنا هكون عندكم بكرة الساعة ٧ 😊
( يضحك الكل ، وفعلاً تاني يوم يروح محمد يتقدم ل ريم واخوها يوافق ويقروا فاتحة ، ييجي الليل ، ريم ف بيتها ف اوضتها بتتكلم مع محمد ف الفون )
محمد : انا يعتبر ماليش اهل .. يعني هكونلك انتي وبس 💜
ريم : وانا مش عاوزة غيرك ♥️
محمد : بحبك 💖
( تفرح ريم )
محمد : وع فكرة انتي اول حب بجد ليا 💚✨
ريم : وانا كمان بحبك اوي 😅💙
محمد : كان فين ي عم الكلام الحلو دة 🤷🏻♂️
ريم : كان مستنيك 🙂
محمد : طولت مش كدة 😐
ريم : اوي 😅
( جوة شقة ، اضاءة غريبة جداً ، شباب وبنات ف الارض شكلهم اغرب يشبهوا الاموات ، دخان مغطي ع الملامح ، واحمد ف وسطيهم ، تعدي الايام ويجهز امير ومحمد ويسافروا ويقعدوا مع الدكتور ويوروه كل حاجة تخص حادثة امير ويكشف عليه ، عند خلود ف البيت قاعدة رايحة جاية ف اوضتها قلقانة ، وفجأة ، يرن فونها ، تجري عليه ترد )
خلود : الو
امير : هعمل العملية 😊
خلود ب فرحة : بجد والله 😍
امير : وربنا
خلود : الحمدلله الحمدلله .. هتعملها امتى ؟؟
امير : هبدأ بعد بكرة
خلود : ترجعلي بالسلامة يارب 💙
امير : تسلميلي ❤️
خلود : هتقعد اد ايه ؟؟
امير : من شهرين ل ٣ شهور
خلود : كتير اوى .. هتوحشني 😕
امير : وانتى كمان ي قلبي 💜
خلود : ابقا طمني عليك والنبي
امير : حاضر متقلقيش
( تاني يوم ، امير ومحمد بيتمشوا ف شارع مليان حمام والناس عمالة تأكله 🕊 )
امير : حلو اوي المكان دة 💖
محمد : اه تحفة
*( بعد ٣ شهور )*
( ف المطار ، واقفة خلود واهل امير مستنيينوا ، يوصل محمد )
محمد : ايه دة كل دول عشاني 😂✋
مؤمن وهو بيزق محمد من قدامه : ي عم اوعا ي عم 😬👋
محمد ب ضحك : براحة طيب 😂
( يقف جنبهم ، يشوفوا امير بيكلم الأمن ، تتصدم خلود اما تشوفه ، رجع يشبه الصور واحلى كمان ♥️✨ )
رؤية : احيه انا مش مصدقة 😃
( تدمع عيون خلود )
محمد : اي خدمة بقا احلى م الاول كمان 😎
( خلود ع نار مش قادرة تصبر ، وفجأة ، تعدي من تحت الحاجز وتجري ع امير وهي بتعيط ، يشوفها الامن يجري وراها ، وفجأة امير يلاقي الي اترمت ف حضنه يتخض وينتبه انها خلود ، لسة الامن هيشدها يشاورله امير انه يسيبها ✋ )
امير : الخضة دي ممكن ترجع وشي مكرمش تاني 😅💙
خلود : وحشتني وحشتني وحشتني 😔♥️
امير : وانتي وحشاني اوي 💜
( يبوس دماغها وايدها وياخدها ويقربوا ع اهله يسلم عليهم ويباركوله ع نجاح العملية ، يعدي الوقت ، ف الانتريه ، قاعد امير وقاعدة خلود جنبه بصاله )
امير : هتفضلي بصالي كتير 🙂
خلود : مش عارفة اشيل عيني من عليك .. عاوزة افضل بصالك كدة ع طول 🙂🧡
( يبوس ايدها ، يرن الفون بتاعه )
امير : الو
شافعي : حبيبي واحشني والله
امير : الله يخليك مين ؟!
شافعي : الشافعي معاك
امير وهو بيقوم : شافعي يخربيتك عامل ايه 😃
شافعي : فل الحمدلله انت اخبارك ايه ؟
امير : اهو تمام الحمدلله
شافعي : كنت عاوزك ف حوار كدة
امير : أأمر ؟
شافعي : هو يخص اخوك
امير : مؤمن ؟
شافعي : لا احمد
امير ب استغراب : ماله احمد ؟!!!!
شافعي : سمعت طراطيش كلام كدة انه بيضرب 😐
امير وهو بيمشي بعيد : بيضرب !!!!!
شافعي : هيروين
( يتخض امير )
امير : انت بتهزر ولا ايه 😦
شافعي : لا طبعاً مش ههزر ف حاجة زي كدة
امير : مين قالك الكلام دة ؟؟؟
شافعي : كان في توصيلة ل واحد كدة وطلع صاحبه والتوصيلة كانت للاتنين
امير : انت متأكد من كلامك دة ؟؟
شافعي : عيب عليك مكنتش كلمتك بس زي م انت عارف القرف دة مبضرش بيه حد اعرفه عشان كدة قلت لازم انبهك تلحقه لان ملموم ع شلة بنت ستين كلب خربانين
امير : شكراً ي شافعي انا مش عارف اقولك ايه 🤦
شافعي : شوفه بس ولو في اي حاجة قولي وع فكرة الحوارات دي بتبقا عاوزة مسايسة وع الهادي
امير : مساسية دة انا هطلع روح اهله بقا هي دي الدراسة الي بيدرسها !!!!!!
شافعي : اسمع كلامي وبالهداوة
امير : ماشي ي شافعي .. ماشي 😑
( يقفل امير ويقف مش عارف يعمل ايه ، يمسك الفون ويتصل ، جوة شقة مفروشة ، نايم احمد ع السرير ب همجية والشقة مكركبة وع سرير تاني نايم واحد تاني وشاب تاني ف الارض ، الفون عمال يرن ، يصحى احمد ، يمسك الفون ب تعب )
احمد : الو
امير : الو
احمد : مين معايا 😞
امير : مش قادر تقرا مين متصل !!!!!
احمد ب نفاذ صبر : مين اخلاااااااصص 😑
امير : امير اخوك ي استاذ 😐
احمد وهو بيقوم ب خضة : احيه امير ايوة عارف بهزر معاك 😬
امير : انت فين ؟؟
احمد : ف البيت
امير : ايه الي مقعدك ف البيت ودة ميعاد كليتك ؟!!!!!
احمد ب توتر : ااا تعبان .. تعبان شوية بس
امير : تعبان عندك ايه ؟؟
احمد : صداع بس صداع 🤦
امير : تمام
( يقفل امير ، يكمل احمد نومه ، يرجع امير ل خلود )
امير : فين رؤية فين مؤمن راحوا فين ؟؟
خلود ب استغراب : رؤية ولا مؤمن 😕
( يمسك امير الفون ويتصل )
امير : انت فين .. طب ارجعلي .. خلود هطلع اغير واجي
خلود ب استغراب : اوك !!
امير وهو طالع اوضته : تعلالي بقولك ضروري ومتغيبش
( يدخل امير اوضته ويغير هدومه ، يوصل مؤمن ، تشوفه خلود )
خلود : هو في ايه انت رايح فين انت وامير ؟
مؤمن : في مصيبة هو خلص ولا لسة ؟؟
خلود : بيغير فوق قولي في ايه قلقتني 😕
( يعدي الوقت ، جوة شقة احمد ، قاعد هو وصحابه بيشربوا سجاير ومخدرات ومعاهم بنات ، يرن جرس الباب )
......... : انت مستني حد ؟!
احمد وهو بيقوم : لأ .. لم الحاجة دي ع جنب
( يقرب احمد يفتح الباب ، يلاقي امير ومؤمن يتخض )
احمد : امير 😳
( يزقوا امير ويدخل )
امير : برة
( يبصوله ب استغراب )
امير ب زعيق : قلت براااااااااا 😡
( يتخضوا ويقوموا يجروا برة الشقة )
مؤمن : ايه الي انت عامله دة فاتحها غرزة !!!!!!
احمد : احنا بنتسلى بس مفيش حاجة 😦 هو انت عملت عملية ؟؟
امير : وهو انت داري ب حد ي استاذ وكل القرف دة ومفيش حاجة .. بنات وسجاير وبودرة ومفيش حاجة هااا 🤷🏻♂
احمد : قلتلك بتسلى وفيها اي يعني 😒
امير : لا وكمان بجح 😃
( وفجأة ، يضربه امير بالبوكس يوقعه ف الارض وينزل فيه ضرب )
امير ب زعيق : بتتسلاااااااااااا دة انا هطلع روح اهلك 😡
مؤمن : امير خلاص هيموت ف ايدك !!!
امير : وربي ل اموته 😡
احمد ب عياط وزعيق : بدل م تتشطر عليا انا روح اتشطر ع الي السبب ف تشويهك 😡😣
مؤمن ب خضة : انت اتهبلت اخرس خالص 😬
امير : قصدك ايه 😕
احمد : أسأل اخوك وصاحبك وهما يقولولك
( امير يبص ل مؤمن )
مؤمن : دة مسطول وبيخرف .. خلينا ناخده ونروح 😐
( يقرب مؤمن يشد احمد يقومه وينزل بيه ، ينزل امير وراهم مش فاهم حاجة .. !!! ييجي الليل ، امير وهله ومحمد قاعدين بيشوفوا هيعمله ايه مع احمد )
رؤية : لازم يروح مصحة
محمد : ايوة دة حالته متدمرة خالص مينفعش يتصبر عليه
الاب : لا اله الا الله 🤦
( امير قاعد مش معاهم خالص ، كل تفكيره ف كلام احمد ، يقوم يقف )
امير : هطلع اشوفه 😒