رواية امراة للمتعة فقط الحلقة الثامن والتاسع والعاشر بقلم محمد مالك

روايه امرأه للمتعه فقط الحلقه  8

ويعود هاني عبد الجواد وقد اعد كوب من عصير الليمون ل سوسن

هاني .. خدي اشربي يا حبيبتي

سوسن تمسك كوب العصير وترتشف منه رشفة ويدها ترتعش من الخوف ويلاحظ ذلك هاني

هاني .. وبعدين هتفضلي تترعشي كدا علطول ؟!! اهدي بقي اومال يا سوسن

سوسن .. اهدي ازاي بس يا هاني ؟! انا مهما حكيتلك مش هتقدر تتخيل بشاعة اللي حصل قدام عنيا !! انا لحد الآن مش قادرة اصدق ان دا حصل فعلا !! عماله اقنع في نفسي واقلها يمكن اكون بحلم؟!  .. بس للأسف دا مش حلم .. دي حقيقة مره وفظيعة اوي .. اوي .. اوي يا هاني !!

سوسن تبكي بشدة وهاني يهدئ من روعها

هاني .. اهدي بس اهدي .. هي فعلا حاجة غريبة وصعب اي حد يصدقها!!

سوسن .. طب وانت مصدقني ولا لا ؟!!

هاني .. مش عارف اقلك ايه بس يا سوسن ؟!!

سوسن .. تبقي مش مصدقني ؟!!

هاني .. بصراحة انا بحاول اصدقك .. بس سامحيني الكلام اللي انتي بتقوليه دا خيال اكتر من انه واقع !!

سوسن .. اقسملك ان دا هو اللي حصل يا هاني .. صدقني ارجوك

هاني .. طب مش جايز تكوني انتي مثلا ...

سوسن تقاطعه .. قتلتهم .. مش عاوز تقول كدا ؟!!

هاني ينظر اليها بكل اسي ولا يرد

سوسن .. طب وهل يعقل برضوا ان واحدة ست ضعيفة زيي تقتل اربع رجالة زي التيران لوحدها ؟!!

هاني .. لا طبعا .. دانتي لو زينا مش هتقدري علي اربع رجالة لوحدك دا كفاية عليكي الواد اللي اسمه اسعد لوحده !!

سوسن .. اقسملك يا هاني ان اللي حكيتهولك هو دا اللي حصل بالحرف

هاني .. مصدقك يا سوسن

سوسن .. بجد مصدقني ولا بتقلي كدا عشان تهديني وخلاص  ؟

هاني .. لا مصدقك بجد

سوسن .. طب انا مش عرفة اعمل ايه ولا اتصرف ازاي ؟! انا مش قادرة حتي افكر في اللي ممكن يحصل بعد كدا ؟!! قلي يا هاني هو ممكن يحصل ايه بعد كدا ؟!!

هاني .. والله مش عارف يا سوسن .. بس زي ما قلتلك ان الكلام اللي انتي بتقوليه دا صعب علي اي انسان يصدقه !!

شاهد أيضًا

سوسن .. يعني ايه ؟! يعني ممكن يتهموني اني انا اللي قتلتهم ؟!!

هاني .. دا مش ممكن دا اكيد

سوسن .. بس انا مقتلتش حد .. هما اللي قتلوا نفسهم بنفسهم ما عدا اللي أسمه اسعد دا صحبه اللي هو قتله بسكينة المطبخ !! سكينة المطبخ !! دي عليها بصماتي يا هاني !!

هاني .. ليه هو قتله بسكينة المطبخ بتاعتك ؟!

سوسن .. ايوا وكان لابس جوانتي !

هاني .. يا حلاوة .. دا انتي لبستيها ميري وملكي !!

سوسن . لا .. متقلش كدا يا هاني .. انا معملتش حاجة انا مظلومة دول كانوا جايين عاوزين يغتصبوني !! انا مقتلتش حد .. مقتلتش حد صدقني

هاني .. اهدي يا سوسن عشان نعرف نفكر كويس.. طب انتي مش بتقولي ان حاتم اداهم كاميرا فيديو عشان يسجلوا بيها اللي كانوا هيعملوه معاكي

سوسن .. ايوا

هاني .. طب هي فين ؟! دي دليل برآتك مجبتهاش معاكي ليه بس ؟!!

سوسن .. ما قلتلك بصيت عليها وانا خارجة ملقتهاش !! اختفت فجأة من مكانها

هاني .. جايز مع الارتباك والخوف متكونيش شفتيها كويس او اتهيآلك انها اختفت من مكانها .. ما هو بالعقل كدا هتختفي تروح فين اذا كان الاربعة اللي كانوا معاكي في الشقة ماتوا قصاد عنيكي !!

سوسن .. مش عرفة يا هاني مش عرفة

هاني .. اهدي يا سوسن من فضلك ومتخافيش انتي هنا في امان محدش يعرف ابدا عنوان شقتي هنا ..انتي هتفضلي قاعدة هنا لحد ما نشوف ايه اللي ممكن يحصل بعد كدا

سوسن .. انا خايفة اوي يا هاني

هاني يضمها الي حضنه قائلا

هاني .. متخافيش يا سوسن طول ما انا جمبك وان شاء الله غمه وتزول

سوسن .. يارب يا هاني يارب .. يارب اقوم الصبح الاقي اللي حصل دا كله مجرد كابوس وانزاح

هاني .. ان شاء الله يا حبيبتي .. متخافيش يا روحي متخافيش ..

هاني يحضنها بكل حب ويطبطب علي ظهرها بيده كي تشعر بالامان ويبدوا انه يفكر في شئ ما ؟؟؟؟

يُتبع ..

                رواية امراة للمتعة فقط

 الحلقة التاسعه والعاشره

التاسعه

هاني .. ايه مالك يا سوسن بتبصيلي كدا ليه ؟!!

سوسن .. انت مشيت رحت فين ؟!

هاني .. سليمان ورجب طق في دماغهم فجأة والا بالدين عاوزين يشربوا حشيش !! نزلت اجيبلهم حتة حشيش .. ليه حصل ايه ؟!!

سوسن .. انت ازاي تسيبني لوحدي مع اتنين واطيين وسفلة زي دول وكمان سكرانين !!

هاني .. ليه هما عملوا معاكي ايه ؟!!

سوسن .. عملوا معايا ايه !! اغتصبوني يا هاني ؟!

هاني .. ايه !! ولاد الكلب!! طول عمرهم اندال وملهمش امان ابدا !!

سوسن .. طب ما انت عارف انهم اندال وملهمش امان .. دخلتهم شقتك ليه ؟!! وسيبتني معاهم لوحدي ليه ؟!!

هاني ..انااا .. انا مكنتش اتوقع ابدا ان سفالتهم هتوصل لكدا !! وبعدين المفروض مكنتيش خلتيهم يقربوا منك !!

سوسن .. يعني كنت عايزني اعمل ايه ؟!! اصرخ وافضح نفسي !! ولا اقاوم اتنين تيران وسعرانين وانا مهما كان ست ضعيفة !!

هاني .. عندك حق .. يلا معلش

ثم يحاول ان يضع يده علي كتفها وسوسن تمنعه من ذلك

سوسن .. ابعد ايدك عني خالص !! ومتقربش مني ابدا

هاني .. في ايه يا سوسن انا مالي طيب ؟!

سوسن .. انت السبب !! انت لما جيبتني هنا قلتلي اني هكون في امان ومحدش يعرف طريق هنا ابدا

هاني .. طب ما انا قلتلك شبطوا فيا ومكنتش عارف اهرب منهم !!

سوسن .. كان ممكن تسهر معاهم في اي مكان تاني غير هنا .. لكن انت قاصد تجيبهم هنا ومش بعيد تكون متفق معاهم كمان علي اللي عملوه فيا دا ؟!!

هاني .. انتي بتقولي ايه ؟!! انا لا يمكن طبعا اعمل حاجة زي دي ؟!! سوسن افهميني انا ....

يحاول ان يضع يده عليها للمرة الثانية ولكنها تمنعه ايضا

سوسن .. ابعد ايدك عني يا هاني بقلك !! مكنتش اتوقع انك تعمل معايا كدا مع ان كل اللي انا فيه دا بسببك انت !

هاني .. يا سوسن انتي فاهمه غلط انا لا يمكن اضحي بيكي بالساهل كدا ولا يمكن اتفق علي اتفاق حقير زي دا ابدا !! دي مش اخلاقي يا سوسن وانتي عارفاني كويس

سوسن تبكي ... اد ايه انا حقيرة لأني انا اللي جبته لنفسي !! غلطتي اني صدقت واحد زيك وافتكرت انه فعلا بيحبني !! انت طلعت كداب وغشاش .. روح منك لله يا اخي

ثم تنهض من علي السرير تنوي مغادرة المنزل

هانم .. استني بس .. انتي رايحه فين ؟!!

سوسن .. رايحه في ستين داهيه ! ملكش دعوة بيا خالص .. انا مستحيل اقعد هنا تاني

هاني .. استني بس .. انتي مينفعش تروحي اي مكان تاني ! الحكومة بتدور عليكي .. انتي نسيتي الاربعة اللي ماتوا عندك في الشقة ولا ايه ؟!!

سوسن .. لا منستش يا هاني .. بس بردوا انا همشي .. ان شالله اقعد في الجبل حتي زي المطاريد !! لكن اقعد معاك تاني او اثق فيك تاني .. مستحيل .. اللي بينا انتهي يا هاني .. انتهي ..

ثم تتركه وتغادر المنزل ...

ونذهب الي مديرية الامن حيث تم استدعاء عم سيد والد سوسن للتحقيق معه بمعرفة الرائد بلال

بلال .. اسمك ايه بالكامل يا حج ؟

سيد .. سيد عبد السميع حسان

بلال .. عندك كام سنه يا عم سيد ؟

سيد .. ٦٦ سنه يا باشا

بلال .. بتشتغل ايه ؟

سيد .. انا حاليا مبتستغلش عشان سني وصحتي حاليا مايسمحوش بالشغل بس انا كنت شغال فران في مخبز بلدي في حي الحسين

بلال .. تمام .. قلي بقي بنتك سوسن فين ؟!

سيد .. معرفش سيادتك والله

بلال .. ازاي ؟!! دي سابت بيت جوزها يوم الحادثة ومشيت .. المفروض لو هتروح مكان تاني هيكون عندك ؟!!

سيد .. لا مجتش عندي والله يا باشا

بلال .. اها ... طب هو فيه حد تاني ممكن هي تكون عنده دلوقتي ؟!!

سيد .. مفيس غير عمتها .. ودي قاعدة في اسكندرية حاليا وانا كلمتها قالتلي ما جاتلهاش ولا حتي كلمتها

بلال .. غريبة !! .. طب ممكن تكون هي فين دلوقتي ؟!!

سيد .. والله ما اعرف يا باشا .. انا لو اعرف مكانها هقول علطول

بلال .. انت عارف ان بنتك متهمه بقضية قتل ؟!!

سيد .. ايوا عرفت .. بس انا متعملش كدا ابدا !!

يُتبع ..

امراة للمتعة فقط الحلقة العاشره

سوسن في حيرة شديدة لا تدري اين تذهب ولكن بعد تفكير عميق قررت الذهاب الي عمتها بالاسكندرية وتدعي رجاء وتطرق سوسن باب الشقة وتفتح رجاء الباب لتجد سوسن امامها مكسورة وحزينة

رجاء .. سوسن !! ازيك يا بنتي تعالي ادخلي

سوسن .. ازيك يا طنط ؟!

رجاء .. انا كويسة يا سوسن .. المهم انتي ؟! تعالي اقعدي يا حبيبتي .. تشربي ايه ؟

سوسن .. مش عايزة اشرب حاجة .. شكرا يا طنط

رجاء .. لا انتي جاية من مشوار طويل !! ثواني اجبلك كولا

وتُحضر لها عمتها كنز كولا

رجاء .. اتفضلي يا حبيبتي

سوسن .. شكرا

رجاء .. ازي بابا وماما واخواتك عاملين ايه ؟ وجوزك كمان عامل ايه ؟

سوسن .. معرفش عنهم حاجة !!

رجاء .. يعني ايه يا بنتي متعرفيش عنهم حاجة ؟!!

سوسن .. يعني بقالي اسبوع لا شوفت ابويا ولا امي ولا تخواتي ولا حتي بكلمهم !!

رجاء .. ليه يا بنتي كفالله الشر ؟!! زعلانين مع بعض ولا ايه ؟!!

سوسن .. ما دا الموضوع اللي انا جايالك فيه

رجاء .. قلقتيني يا سوسن !! خير يا سوسن فيه ايه يا بنتي ؟

سوسن تشرع بالبكاء وتنهار فجأة

رجاء مندهشة .. ايه دا ؟! ليه كدا يا سوسن ؟! في ايه يا بنتي مالك ؟!

سوسن .. انا تعبانه اوي يا طنط .. تعبانه ومش عرفة اتصرف ازاي ؟!

رجاء .. احكي يا بنتي مالك ؟!!

ونذهب الي حاتم حيث تم استدعائه مره اخري امام الرائد بلال

حاتم .. خير يا باشا ؟! حضرتك بعتلي ؟!

بلال .. اقعد يا حاتم عايز ادردش معاك شوية

حاتم .. بس انا قلت اللي عندي كله يا باشا !!

بلال .. ههههه .. انت متأكد انك قلت كل اللي عندك ولا يمكن تكون نسيت حاجة ما قولتهاش !

حاتم .. حاجة !! زي ايه سعتك ؟

بلال .. زي انك طلقت مراتك مثلا !!

حاتم مرتبك .. ايه !! اظن دي حاجة شخصية سعتك ومش فرض عليا اني اقلها لسيادتك يعني ؟!

بلال.. اكيد طبعا دي حاجة شخصية ومش فرض ابدا انك تقلها .. بس لما تكون طلقت مراتك يوم الحادثة والصبح كمان وانك تروح للمأذون البيت الصبح بدري ومعاك اتنين شهود زمايلك في الشغل وكل دا عشان تطلق مراتك !! كدا انا اشك !!

حاتم .. تشك في ايه سعتك ؟!! واحد طلق مراته .. ايه الغريب في دا ؟!!

بلال .. الغريب مش انك طلقت مراتك .. الغريب انك تطلقها الصبح بدري يوم الحادثة !! ليه يا حاتم ؟!

حاتم .. ليه ايه يا باشا ؟!!

بلال .. ليه طلقت مراتك سوسن واشمعني يوم  الحادثة الصبح ؟!

حاتم .. اعفيني من الاجابة علي السؤال دا يا باشا

بلال .. ليه يا حاتم ؟!! الاجابة محرجة اوي كدا بالنسبة لك ؟!

حاتم ينظر ل بلال برهه ثم يقول

حاتم .. ايوا سعتك

بلال.. اها ... متهيألي فهمتك !!

ثم يقترب منه ويهمس في اذنه قائلا

بلال .. ايه .. مبتعرفش تطبخ ؟!!

حاتم مندهش وينظر ل حاتم مستنكرا هذا التخمين وبلال يفهم ذلك

بلال .. اها .. معلش انا اسف .. شكلها بتعرف تطبخ .. طب اقلك .. بتعرف عليها واحدة تانية ؟!

حاتم.. لا ياباشا .. لا تانية ولا تالته

بلال ..جدع يابني واصيل والله !! .. طب طلقتها ليه ؟!! .. بتخونك مثلا ؟!!

حاتم يُصعق ويبدوا ذلك في عينيه وبلال يفهم ذلك

بلال .. اها .. هي دي بقي !! لا كدا عندك حق انك متحاوبش علي السؤال .. لانه فعلا محرج !! انا اسف بجد يا حاتم .. ياااااه انا مضايق فعلا من نفسي !! اصل بعيد عنك محبش اكون سبب احراج لحد ابدا ..

ثم يربط علي كتفه قائلا

بلال .. معلش .. معلش .. قلي يا حاتم انت تعرف ابراهيم النمر بصفة شخصية ؟!

حاتم مرتبك .. لا سعتك؟

بلال .. متأكد ؟!!

حاتم .. ايوا يا باشا .. انا معرفش الاشكال البلطجية دي .. انا راجل محترم سعتك

بلال .. فعلا انت انسان محترم يا حاتم !! بس انت رنيت علي تليفونه يوم الحادثة الساعة ٧ونص الصبح يعني قبل ما تتحرك وتروح شغلك ومكلمه حوالي دقيقتين ونص !! قلي بقي رنيت عليه ليه ؟!!

حاتم في مأزق شديد ويبتلع ريقه ولا يعرف بماذا يجيب ؟؟!!!

يتبع 

                   الحادي عشر من هنا 

لقراءة باقي الفصول من هنا