امرأه للمتعه فقط
الفصل الخامسة عشر
والسادس عشر
حاتم مرتبك .. احم ..انا مش متذكر بصراحة اذا كنت كلمته او لا !!
بلال .. معقول تبقي مش فاكر حاجة زي دي ؟!!
حاتم .. صدقني سعتك مش فاكر بجد ولو حتي كنت كلمته انا
مش فاكر كلمته عشان ايه !!
بلال .. لنفترض انك مش فاكر فعلا اذا كنت كلمته او لا .. بس
تليفون ابراهيم مبيكدبش وبيقول انك كلمته فعلا والمكالمة
واردة عنده بالتاريخ والوقت اللي انا قلتلك عليهم !! طيب انت
بتقول ان دت شخص بلطجي وسوابق وانت بسم الله ما شاء
الله راجل موظف محترم .. يا تري لما هتتصل بشخص زي دا
هيكون عشان ايه مثلا ؟!!
حاتم .. ما انا قلت لسيادتك مش فاكر حاجة خالص عن الموضوع دا !!
بلال .. ما انا عارف يا حاتم !! انا مش بسألك دلوقتي .. احنا
بس بنتوقع مع بعض الاجابة النموذجية للسؤال .. راجل
محترم سيره وسلوكه سليم بيتصل بواحد بلطجي سكته دايما
شمال يبقي عايز منه ايه يا تري ؟!!
حاتم مرتبك ولا يُجيب
بلال .. ايه معندكش اي توقعات ؟!
حاتم .. انا مش عارف سعتك اقول ايه يعني ؟!
بلال .. اها .. طيب .. المنطق بيقول ان لما اي حد فينا يتصل
بواحد بلطجي يبقي اكيد عايزه في حاجة مش كويسة !! صح ولا ايه ؟!
حاتم منزعج .. لا يا باشا انا طول عمري راجل نضيف وماشي
دوغري وعمري ما امشي غلط ابدا لو علي رقبتي !!
بلال .. اهدي مالك ؟! دا مجرد تخمين يا حاتم !! وطبعا لكل
قاعدة شواذ .. انا عارف انك انسان محترم وعمرك ما تفكر
تعمل حاجة غلط ابدا .. مش كدا ولا ايه ؟؟!!
رد فعل علي وجه حاتم
ونذهب الي رجاء عمة سوسن حيث قصت عليها قصتها ورجاء
في غاية الدهشة
رجاء .. معقول يا بنتي الكلام اللي انتي بتقوليه دا ؟!! دا ولا
حكاية الف ليلة وليلة ؟!
سوسن .. هو دا اللي حصل يا طنط !!
رجاء .. بقي حاتم يسلط عليكي اربعة بلطجية عشان
يغتصبوكي !! هو اتجنن ولا ايه ؟!
سوسن .. اكيد اتجنن طبعا لما يقبل ان يتعمل في مراته حاجة زي دي!!
رجاء .. بس اكيد فيه سبب يخليه يعمل كدا !!
سوسن .. مفيش سبب في الدنيا يخلي راجل عنده نخوه يعمل
في مراته اللي هي عرضه حاجة زي دي !!
رجاء .. عندك حق يابنتي وعلي رأي المثل يا عشرة بالمعروف يا فراق بالمعروف
سوسن .. وانا طلبت منه كتير انه يطلقني وهو كان رافض
لمجرد العند معايا مش اكتر..
رجاء .. انا مش عرفة ليه انتي مكنتيش بتقبلي الجدع دا
خالص ؟!! بالرغم انه انسان محترم وماشوفناش منه حاجة
ابدا !! بس طبعا بعد اللي عمله دا .. نزل من نظري جدا واحتقرته كمان
سوسن .. المهم دلوقتي
انا مش اروح فين ولا اعمل ايه ؟!!
وخايفة اروح القسم اقلهم
علي اللي حصل مش هيصدقوني طبعا !!
رجاء .. دا اكيد مش هيصدقوكي !! ما انا قلتلك ان اللي انتي
حكتيه دا ولا الف ليلة وليلة !! طيب متعرفيش الكاميرا راحت فين ؟!!
سوسن .. ما هي دي الحاجة الوحيدة اللي تثبت برآتي وصحة
كلامي ..لأنها سجلت كل حاجة حصلت في الاوضة .. بس انا
اتلفت عليها وانا خارجة بس ملقتهاش !! مش عرفة اختفت
ازاي فجأة كدا !! ومن غير الكاميرا محدش طبعا هيصدقني
وانا في نظرهم كدا متهمه !!
رجاء .. قطعتي قلبي يا بنتي !! خليكي قاعدة معايا هنا لحد ما
نشوف حل في المصيبة دي .. متخافيش يا بنتي تبات نار
تصبح رماد .. وربك قادر ينجيكي من الورطة دي
سوسن متأثرة .. يارب يا عمتوا ياارب
ثم يأتي زوج رجاء ويحمل في يده جورنال وعندما يري
سوسن يُصدم وينزعج بشدة ..
الفصل السادس عشر
رجاء عمة سوسن تلاحظ زوجها ينظر الي سوسن وهو في قمة الغضب وكأنه ليس فرحا تماما برؤيتها في بيته
رجاء مندهشة .. في ايه يا حسن مالك ؟! دي سوسن بنت اخويا مش عرفها ولا ايه ؟!
حسن .. ايوا عارفها طبعا .. انتي ايه اللي جابك هنا ؟؟!!
رجاء .. ايه اللي بتقوله دا يا حسن ؟!
حسن .. لو سمحتي امشي اخرجي بره احنا مش ناقصين مشاكل !!
رجاء .. ايه !! انت بتطرد بنت اخويا من بيتي ؟! انت ازاي تعمل كدا ؟!
حسن .. بنت اخوكي بقت مجرمه يا ست رجاء !! وصورها مالية الجرايد والحكومة بتدور عليها
رجاء .. ايه الكلام اللي انت بتقوله دا ؟! حاسب علي كلامك يا حسن احسنلك !!
حسن .. هو كلامي انا يعني ؟! دا كلام الجرايد .. بنت اخوكي متهمه في قضية قتل اربعة والاربعة بلطجية ياست رجاء كانوا في شقتها الساعة ٩ الصبح وجوزها مش موجود !! اسأليها كانوا بيعملوا ايه عندها في شقتها اليوم دا وقتلتهم ليه؟!
سوسن .. من فضلك يا جوز عمتي تحاسب علي كلامك لو سمحت
رجاء .. كلام كدب محصلش سوسن بنت اخويا عمرها ما تعمل حاجة زي دي ابدا .. انا لا يمكن اصدق
حسن .. مش مهم انتي تصدقي !! المهم الحكومة هي اللي تصدق يا هانم !!لو سمحتي يا بنتي اتكلي علي الله احنا مش حمل مشاكل ولا بهدلة ارجوكي
رجاء .. بقلك ايه يا حسن .. حسك عينك في يوم من الايام تظعط بنت اخويا من بيتي .. انت فاهم ؟!
حسن .. جري ايه يا رجاء ؟!بقلك بنت اخوكي متهمه في قضية قتل والحكومة بتدور عليها وانتي عايزاها تستني هنا ؟!
رجاء .. ايوا تستني هنا براحتها وتقعد زي ما هي عايزة كمان لحد ما تشوف هتعمل ايه وتتصرف ازاي في المصيبة اللي هي فيها دي
حسن .. انتي عرفة معني الكلام اللي انتي بتقوليه دا ايه ؟! الحكومة لو عرفت انها هنا وجت عشان تقبض عليها هنروح معاها في داهيه احنا كمان !!
رجاء .. وانا مقدرش اتخلي عن بنت اخويا وهي في محنتها دي ابدا مهما كان التمن
حسن .. وانا مقدرش اقعد واحدة مجرمه في بيتي يا رجاء
رجاء .. لا بعد ازنك بقي .. دا بيتي انا وانا اللي اقول مين يمشي ومين يستني
حسن .. بقي كدا ؟! طيب يا رجاء انا اللي همشي
رجاء .. والله براحتك .. انت حر
ثم ينصرف ويترك الشقة
سوسن .. ايه دا يا طنط !! انتي سيبتيه يمشي بجد ؟!
رجاء .. براحته يا بنتي هعمله ايه بقي ؟! اومال اسيبك انتي اللي تمشي يعني ؟!
سوسن .. لا كدا انا عملتلكم مشكلة !! ياريتني ما كنت جيت
رجاء .. لا يا سوسن يا بنتي انتي هنا في بيت عمتك مش بيته هو .. وهو مقدرش الظرف اللي انتي فيه يبقي هو حر لكن انا لا يمكن اتخلي عنك في محنتك دي ابدا
سوسن تبكي منهارة ثم تحضن عمتها وعمتها تواسيها قائلة
رجاء .. بس يا حبيبتي متعيطيش .. غمه وهتعدي ان شاء الله
ونذهب الي هاني حيث يجلس في شقته مع صديقية رجب وسليمان يدخنوا سجائر الحشيش ويشربوا الخمر
هاني .. ارتحتوا يا وش الفقر !! اهي الموزة اللي كانت بترطب عليا الجفاف اللي في حياتي طفشت بسببكم !!
سليمان .. قصدك البت اللي اسمها سوسن ؟!
هاني .. ايوا هي يا اخويا !!
رجب .. ايه نفسك هفتك علي حتة طرية ولا ايه ؟! اتصلك بالبت بوسي تيجي تطري القعدة الناشفة دي !!
سليمان .. ايوة وحياتك ياض يارجب حكم الواحد تعبان اوي !!
هاني .. بقلك ايه ياض انت وهو .. مفيش نسوان هتدخل البيت دا نهائي .. فاهمين ؟!
رجب .. ومن امتي بقي الكلام دا ؟! يكونش بقي جامع واحنا مش عارفين ؟!
هاني .. ايوا بقي جامع يا عم اللمض !! الحمد لله توبنا الي الله ورجعنا اليه وبطلنا حرام !
سليمان بسخرية .. هأو .. اومال سيجارة الحشيش وكاس الخمره اللي في ايديك دول.. حلال !!
هاني .. بقلك ايه يا سليمان .. اطلع من دماغي انا مش فايقلك لأحسن وديني افش غلبي فيك !!
رجب .. وايه اللي غالبك يا صحبي بس ؟! كل ده عشان خاطر البت اللي اسمها سوسن ؟! هو عدم لا مؤاخذه اللي خلقها ما خلقش غيرها ولا ايه ؟!
هاني .. ايوا ما خلقش غيرها بقي !! عندك مانع ؟! انتوا السبب .. خليتوها تمشي الله يحرقكم
سليمان .. يا عم لو تعبان نجيب البت بوسي واهو بالمره تدلعنا كلنا
هاني .. ولا .. امشي غور من وشي .. امشي يلا
رجب .. ايه يا عم هاني الحكاية بالظبط !! انت مكنش بيفرق معاك ابدا اي واحدة ست .. تقعد ولا تمشي .. اشمعني دي بالذات ؟!
سليمان .. شكله بيحبها يا عم !!
هاني .. ياض قلتلك غور من وشي السعادي !! لأحسن هعملها معاك بجد !!
رجب .. يا عم حلمك علينا شوية مكنتش حتة بت عدم لا مؤاخذة كانت بتخون جوزها وماشية معاك في الحرام !! .. دي ست ملعب يا جدع !!
هاني منفعل ويصفع رجب علي وجهه بقوة
هاني .. اخرص يلا
رجب .. انت بتضربني يا هاني ؟!
هاني .. ايوة وامشي غور اطلع بره انت وهو
سليمان .. يخرب بيتك دا انت محروق عليها اوي !! يلا بينا يا عم رجب بدال ما يدور فينا الدبح انا وانت !!بس لعلمك يا صحبي اللي عملناه معاها دا كان بعلمك .. يعني معملناش حاجة من وراك لأحسن تكون ناسي ولا حاجة .. يلا يا رجب .. بالأذن يا ولهان !!
ثم ينصرفا وبعدها هاني يمسك بزجاجة الخمر ويضربها بقوة علي الارض من شدة الغيظ ...
ماذا حدث بعد ذلك ؟؟!!..