رواية #عريس_فى_ورطه
الفصل الثالث والرابع والخامس والسادس
بقلم كوكى سامح
جميله بتعيط وواقفه زى الفرخه
هيثم قرب منها وابتدى يخنقها
اسمهان.. يا مصيبتى البت جميله حامل....
جميله بتمسك ايد هيثم وبتحاول تنقذ نفسها
.. انا مظلومه والله بريئه يا ابن عمى ارحم ضعفى
هيثم عينه فى عينها وبيشد بإيده على رقبتها
.. لازم تموتى يا فاجره يا هامله ضيعتى شرفك
وضعيتى سمعتك وسمعتنا معاكى
=وفجأه فك ايده وتنح وبص شمال ويمين
وقال : فى حد هنا فى حد شايفنا دلوقتى
وسابها واقفه مكانها وقعد يدور بس رجع وقال
مفيش حد
= جميله بتتوسل ووطت على رجل هيثم وقالت:
ابوس رجلك متقتلنيش انا مظلومه
هيثم واقف بس مش مع جميله وكل تفكيره
ف مين اللى شافه وسمع كلامهم
ومسك ايد جميله بقوه وقال :
.. فزى قومى يا بت اقسم بالله اللى حاشنى
منك دلوقتى انى حاسس ان فى حد شافنى
وانا مش ناوى اخد فيكى ليله سجن
جميله.. والله مظلومه يا ابنى عمى
= هيثم شدها من ايدها وركب العربيه وهى ركبت
جمبه وقفل الباب وكانت عينه على الطريق الزراعى وقال : يا ترى مين اللى شافنا
عجبك كده اهو اتفضحنا لأنى متأكد ان كان
فى حد معانا وسامع كلامنا
جميله بتعيط ومنهاره وبتقول :
ربنا نقذنى علشان انا بريئه صدقنى مفيش حد
بس انا بريئه ومسكت ايده وكملت كلامها
لو ايدك دى كانت سبب موتى مكنتش هتشوف
يوم راحه يا ويلك من دم المظلوم يا ابن عمى
= مسك ايدها بقوه وقال : ولو انتى كذابه
مش هرحمك يا جميله ومش معنى كده
انى سامحتك حظك بس هو اللى تقذك منى
بس انا لازم اغسل عارنا بإيدى
مش ناويه تقولى حامل من مين يا بت
.. قولتلك انا مكنتش اعرف انى حامل
والله ما اعرف صدقنى انا كل اللى حسيته
ان بطنى بتتقطع
= هيثم خد نفس عميق وقال : اخر حاجه
هتكلم معاكى فيها بس عاوز رد منك ويكون صريح مش عاوز لف ودوران
جميله قالت وهى بتشهق من كتر العياط :
.. قول والله العظيم مش هلف ودور
انت عارف انا عمرى ما كذبت عليك ابدا
.. حد من اخواتى قرب منك ولا عملك حاجه
.. حاجه ازاى يعنى يا ابن عمى؟
.. عاكسك او بصلك بطريقه مش كويسه
.. بصراحه لأ
.. اومال ازاى انتى حامل انا حاسس ان دماغى
هتتفرتك انا خلاص هتجنن
ما لو حد فيهم يتجوزك ونخلص
جميله يا بت اوعى يكون حد من اخواتى
غلط معاكى وخايفه تقولى
قوليلى انا مش هسيبك وهقف معاكى
لحد ما تتجوزوا
.. قولتلك محدش قرب منى وانا مغلطتش
انا مظلومه بس معرفش ده حصل ازاى
=هيثم قرب منها وقال بعصبيه وبيجز على اسنانه
.. لما انتى متعرفيش انك حامل
طيب متعرفيش ان الدوره قطعتك يا بت
ردى عليه!؟
.. والله ما اعرف مخدتش بالى
شدها من ايدها وقال : ازاى يا بت انتى كنتى
حامل فى اول التالت كل ده ومتعرفيش ان
الدوره قطعتك قولى كلام يدخل الدماغ
.. انا بتكسف اتكلم فى الحاجات دى
حتى مع مرات عمى انا من زمان وانا بعانى
من تغير فى الهرمونات والدورة عندى مش
منتظمه كانت بتيجى شهر وتلاته لأ
هعرف منين انا
ما انت اكتر واحد شايف وعارف
انى يتيمه ومليش ولا أم ولا أب
حتى مرات عمى قاسيه عليه
اتكلم معاها ازاى بس
بالك انت لو قولتلها كده هتقول عليه انى بدلع
وهتشتم فيه وعلى يدك مليش لا اخت ولا اخ
وانتم ولاد عمى بس شباب مكنش ينفع اتكلم
فى حاجه زى كده مع حد فيكم
حتى عمى وهمان هتكسف منه بردوا
هعرف منين بس انى حامل يا ابن عمى
بس كل اللى هقولوا انى مظلومه
بنت عمك شريفة وطاهره
= هيثم خبط برأسه على الدركسيون وقال
انا هتجنن حامل من مين وازاى؟؟!!
وطلع بالعربيه على الدار وقلبه قايد نار🔥
فى دار اسمهان..
رجعت تجرى وهى بتقول بصوت واطى
وبتطلم يا مصيبتى البت جميله حبله
يا سوادك يا جميله
ودخلت وقفلت الباب
بس كان خلف ابوها صحى
خلف.. بت يا اسمهان كنتى فين دلوقتى يا مصيبه
اسمهان.. كنت كنت كنت مكنتش فى حته يابا
انا سمعت صوت فى الزراعه
وطلعت اشوف مين ملقتش حد
خلف.. يخربيت ابوكى الله يقطعك ويقطع
خلفه البنات كان يوم اسود يوم ما خلفتكم
ليه كده بس يارب اربع بلاوى فى رقبتى
مش لو كان معايا الولد مكنتش شيلت همكم
على رأى المثل يا مخلف البنات يا شايل الهم
للممات..
اسمهان.. يو يابا كل دى علشان خرجت
اشوف مين
خلف قعد على الكنبه وقال :
اعملى شاى يا بت علشان اطلع الغيط
اسمهان.. حاضر يابا
ودخلت المطبخ تعمل شاى وقالت
يابا انا النهاردة رايحه عند ستى فج النور
وهطلب منها ترجع امى
خلف.. ابقى روحى بس خودى معاكى حد
من اخواتك متروحيش لوحدك يا بت
اسمهان.. حاضر يابا
وقالت : انت بتكرهه البنات ليه يابا
وليه على طول بتتمنى اننا نكون ولاد
خلف : البنات عار عار يا بنت ابوكى
اسمهان.. عار ليه يابا مش خلقه ربنا ولا ايه
خلف..عارفه يا بت زمان اليوم اللى كانت امك بتولد واحده فيكم
كانت ستك فج النور تخرج زعلانه والدموع فى عينها وتقولى جابت مفقوده
كنت اقعد اعيط زى العيال
لحد ما بقيتوا اربع بنات ومن غير اخ
يااه لو كنت خلفت الولد كان زمانه شايل عنى
كتير يلا هنقول ايه امك بطنها شوم
مبتشلش غير بنات
اسمهان خرجت بالشاى والدموع فى عينها
من كلام خلف ليها
ودخلت اوضتها مع أخواتها وشدت البطانية عليها
وقالت : المهم ان جميله حامل ده خبر الموسم
= هيثم وصل الدار ونزل هو وجميلة
وركن العربيه وزقها ودخلت قدامه وقالها
.. انا مش عايز حد يعرف حاجه فاهمه يا بت
لحد ما اعرف مين اللى عمل فيكى كده
لو امى او شهاب اى حد منهم سألك هتقولى
معدتى تعبتنى وكنت مركبه محاليل فاهمه يا بت
.. جميله رددت بكسره وقالت : حاضر يا ابن عمى
.. انا مش ابن عمك انا متبرى منك يا جميله
مش عاوز اسمعها منك خالص فاهمه
انتى متستهليش تكونى مننا
.. انا مظلومه يا هيثم وبكره تعرف ده
قرب منها ومسك دراعها بقوة وقال :
كذابة اومال حامل من مين
جميله رددت وهى منهاره معرفش معرفش
= وسابها ودخل وهى دخلت وراه
فاديه.. حمدالله على السلامه يا ست الهانم
جميله بصت لها وعينها مكسورة ودخلت اوضتها
شهاب.. انتى كويسة يا جميله
هيثم.. هى كويسه بس لازم تستريح
وقرب من أمه وقال.. يما خفى على جميله
اليومين دول اكمن معدتها تعباها
فاديه.. دى كهن بنات انت بس اللى قلبك ضعيف
هيثم.. خلاص يما بقى
شهاب بص بإستغراب وقال : هو فى ايه بالظبط
هيثم دخل اوضته وفتح الاب
وقعد بس كان شارد وبيفكر فى اللى حصل
وبيكلم نفسه وبيقول :
انا اللى فى دلوقتى كارثة بنت عمى العروسه
اللى زى القمر اضحك عليها ومش عارف
بكيفها ولا غصب عنها ولا ايه بالظبط
انا هتجنن يا ترى مين اللى عمل فيكى
كده يا جميله
البنت حامل وفى دارنا يعنى اللى ضحك عليها
سواء غصب ولا بإردتها بردوا مننا
يعنى حد من اخواتى
ورجع وقال بس هى بتقول متعرفش
مين احتمال يكون بره دارنا
عموما انا فكرت فى فكره وهنفذها
ولو حد من دارنا هعرف
بس بردوا لو حد عمل فيها حاجة
ازاى هى محستش
ولو محستش ده معناه حاجه واحده ان جميله
بتتخدر وطبعا ده فى حاله انها تكون صادقه
بس انا هتأكد والنهارده كمان ان حد من اخواتى
ولا لأ
=وبعد مرور ساعات وجميله فى اوضتها
ومخرجتش منها طول النهار
وهيثم بيفكر هيعمل ايه؟
وهمان رجع من الفرن على الدار ومعاه ولاده
الاتنين شهاب وأيمن وقعدوا اتعشوا
ولما سألوا على هيثم وجميله
فاديه قالت : ان جميله اكلت شوربه خضار ونامت
وهيثم قال انه مش هياكل ولما يجوع
الأكل موجود
وبعد ما خلصوا أكل الكل دخل نام
فى اوضه جميله....
جميله نايمه فى فرشتها وماسكه
بطنها وبتكلم نفسها وبتقول
يعنى انا كده خلاص ضعت ومش بنت
زى البنات ونامت والدموع فى عينها
= هيثم قاعد فى اوضته ولما اتأكد أن كل اللى
فى الدار ناموا خرج منها وبيراقب اوضه
جميله
ودخل الحمام واتأخر 5 دقايق ولما رجع
شاف حد فتح اوضتها ودخل
جرى وهو بيتسحب ووقف على الباب
شويه...
وفجأه فتح الباب وقال انت......
يتبع..
الفصل الرابع.. #عريس_فى_ورطه
هيثم جرى وهو بيتسحب ووقف على الباب
شويه...
وفجأه فتح الباب وقال انت يا ايمن مش مصدق
نفسى بجد معقول اخويا يعمل كده
ايمن واقف مذهول وقال: فى ايه يا هيثم مالك
.. ايه اللى دخلك اوضه جميله فى انصاص الليالى
¬ زى ما انت شايف كده
.. انا مش شايف غير انك فى اوضتها دلوقتى وعاوز اعرف ليه بس خلاص عرفت
¬ عرفت ايه بقى يا عم هيثم علشان انا مش فاهم اى حاجه يا ابن ابويا
.. اللى انت عملته فى الغلبانه اللى نايمه
قصادك دى يا شيخ حرام عليك دى بنت عمك
عيب كده وانا اللى كنت ظالمها
¬ فى ايه بالظبط يا هيثم انا عملت ايه
والله ما عارف حاجه انا كل اللى عملته انى
عرفت من شهاب ان البت جميله تعبانه
ومأكلتش طول النهار وانت عارف امك بتشد
عليها دايما صعبت عليه يا اخى البت يتيمه
وملهاش حد غيرنا عملت ليها حته جبنه بالطماطم
والخيار اللى هى بتحبها وقولت تاكل لقمه
خفيفه
.. اه وعاوزنى أصدق بقى اللى انت بتقولوا
¬ ايوه تصدق غصب عنك علشان دى الحقيقه
يا ابن ابويا واديك شايف طبق الجبنه والعيش
فى ايدى اهم وبعدين هو ايه اللى يخلينى
ادخل اوضه جميله دلوقت يعنى غير كده
¬¬ جميله قامت من النوم على صوتهم
وشده البطانيه عليها من كسوفها وقالت :
.. فى ايه انتم واقفين كده ليه وبصت ل هيثم
وعينها كل خوف وقالت : خلاص هتموتونى
وانا مظلومه
¬ مالك يا بت يا جميله مين ده اللى هيموتك
يا بت
.. انتم اومال واقفين كده ليه؟!
.. مفيش يا جميله ده ايمن عرف انك تعبانه
وحب يعملك لقمه تاكليها لما عرف انك
على لحم بطنك من الصبح
¬ عامله ايه يا بنت عمى دلوقت
جميله مسكت بطنها وقالت :
والله لسه تعبانه حاسه بشويه تقلصات فى بطنى
بس الحمد لله انا بقيت احسن من الاول كتير
وقرب من هيثم وضرب بإيده على كتفه وقال :
¬ جميله دى بنت عمى واخاف عليها
زيك بالظبط ويمكن اكتر كمان
واوعى لحظه تفتكر
ان خوفى عليها يقل عنك فى حاجه
.. انا عارف يا ايمن بس بردوا الأصول
بتقول انها بنت ونايمه لوحدها
والعيب انك تتدخل عليها من غير استأذان
ولا إيه يا ابن ابويا
مفيهاش بنت عمى وعمك دى!
= ايمن اتحرج من كلامه وقال :
¬ عندك حق بس انا من يوم ما جميله
خطت دارنا وانا بعتبرها اختى الصغيره
ده احنا دم واحد يا اخى
دى بنت عمى يعنى عصب يا ولا هههههههه
¬¬ جميله نايمه مكانها وبتسمع كلامهم
هيثم قرب منها وقال :
جعانه يا جميله
.. انا مش جعانه انا عطشانه اووى
=هيثم خرج المطبخ وجاب كوبايه مياه
ولما رجع الاوضه كان ايمن خرج
وهى نايمه فى فرشتها على الأرض
ولما شافته معاه كوبايه المياه شالت
من عليها البطانيه
وهو بيمد ايده بالكوبايه
ولما جت تاخدها منه وقعت عليها
قامت من مكانها بسرعه وقالت اسفه
وحست بدوخه ووقعت على فرشتها
ومسكت ايده ووقع عليها
هيثم عينه فى عينها وقام بسرعه
.. شكلك لسه تعبان يا بت
¬ ايوه حاسه ان الدنيا كلها بتلف بيه
وخايفه انا حاسه انى لوحدى يا هيثم
.. هسألك لأخر مره انت كنتى حامل من مين؟
¬ معرفش معرفش معرفش
صدقنى بقى ولا اقولك اقتلنى وريحنى
قرب منها وقال :
مش هرحمك لو عرفت انك بتكذبى عليه
صدقينى موتك هيكون على ايدى
وافتكرى كلامى ده كويس يا بنت عمى
بس اتأكد؟
¬¬ جميله قامت من فرشتها وماسكه بطنها
وشالت الملايه وبصتله بغيظ وقالت :
أصلها اتغرقت مياه والجو برد هفرش
واحده غيرها
.. انا خارج انام يا جميله بس تشدى
حيلك كده وعاوزك فى مشوار
¬ مشوار ايه؟!
.. لما تشدى حيلك هتعرفى تصبحى على خير
وخلى بالك من نفسك
وخرج ورجع تانى وقال :
.. حقه يا جميله لما ايمن دخل عليكى
بالأكل وانا دخلت وراه ووقفنا
نتكلم اكتر من ربع ساعه
ازاى محستيش بينا ولا بكلامنا
¬¬ جميله فى ايدها الملايه وواقفه
مستغربه من كلامه وقالت :
معرفش انا فعلا محستش بيكم
بس اوعى تنسى انى انا لسه قايمه
من عمليه وبنج وتعب
ونمت بعد تفكير ومناهده مع نفسى
.. مناهده ايه يا بت
¬¬ قعدت على الكنبه وقالت :
انا خلاص مش بنت زى البنات
ولا هفرح زى اى بنت لما تحب تتجوز
ولا هتجوز ابدا انا ضعت
يمكن من زمان وانا ضايعه علشان
يتيمه ومليش لا أم تحن عليه ولا حتى
أب بس كنت بصبر نفسى واقول
بكره يجى اليوم اللى اتجوز
واروح دار جوزى وارتاح من اللى انا
فيه وافرح زى اى بنت لما البس
فستان الفرح الأبيض
وبعده اخلف واد يبقى ضهرى
وسندى وأخلف بت وابقى امها
واخليها تحس بالحنان
اللى عمرى ما شوفته 😭
كلها احلام وطارت فى الهوا
يا ابن عمى
مين ده اللى يفكر يتجوز واحده زي
شرفها راح منها كمان كانت حامل وسقطت
والمصيبه معرفش مين؟!
ياريت اعرف وانا اقتله بإيدى
واخد حقى من عينه
.. انتى بتعيطى يا جميله
¬ بعيط على خبتى وقله ضعفى
ياريتك موتنى يا ابن عمى
وريحتنى من اللى انا فيه
= هيثم حس بكلامها وصعبت عليه
وسابها وخرج
... فاديه خارجه من اوضتها وشافته
وقالت بصوت واطى :
.. ايه دى يا ولا انت كنت عند اللى
يتخفى اسمها دلوقت بتعمل ايه
رد عليه نهارك اسود على دماغك ودماغ ابوك
.. الله الله الله فى ايه يما بالراحه عليه شويه
¬ رد عليه كنت بتعمل ايه عندها الفاجره
دى فى نص الليل
.. مفيش يما كنت بطمن عليها علشان تعبانه
وبعدين جميله مش فاجره يما
حرام عليكى بقى البت يتيمه ومسكينه
وبعدين انا اللى دخلت اطمن عليها
يعنى الحساب معايا انا
علشان انا اللى غلطان
¬¬ فاديه قربت منه ومسكته
من لاياقه الترنج وقالت :
¬ بص يا روح امك انا مش اكبر واربى واعلم
علشان تيجى واحده خدامه هامله زى امها
تاخدك منى عارف يا ابن بطنى
ساعتها بس جميله هتلعب فى عداد عمرها
.. فى ايه يما انا وجميلة عملنا ايه لكل
ده البت تعبانة ودخلت اطمن عليها
كفرت انا
تصبح على خير يما ودخل اوضته
وقال لنفسه يا ترى مين اللى عمل فى جميله
كده ويا ترى حامل من مين انا كده رجعت
من الاول بس لازم اروح بيها على اققرب
مركز تحاليل واعمل لها تحليل واتأكد ان
مفيش فى جسمها منوم
= فاديه دخلت على جميله وبكل غضب
زقت الباب وشافتها بتغير الملايه
وقالت : بتغيرى الملايه ليه يابت
ومسكت الملايه تفتش فيها
ردى عليه يا محروقه
¬¬ جميله رددت بخوف وصوتها فى رعشه وقالت: وقع عليها مياه يا مرات عمى
.. وقع عليها مياه يعنى مش حاجه
تانيه يا بت
¬ حاجه ايه يا مرات عمى
.. حاجه كده ولا كده
¬ والله العظيم وقع عليها مياه
.. مياه اومال هيثم كان بيعمل هنا ايه يا بت
¬ كان كان كان كان
.. مالك يا بت ما تردى عليه
¬ كان بيطمن عليه وبس
.. خلاص غورى نامى وشويه كده
تقومى تحضرى لعمك الشاى والفطار
فاهمه
¬ حاضر 🥺
= فاديه خرجت من اوضه جميله
وكانت قلقانه وزاد القلق عندها اكتر لما
شافت هيثم خارج من عندها
وقالت لنفسها : هيثم المتعلم عاوزه تاخديه
منى يا بنت هانم مش هيحصل وانا اهو وانتى
اهو
وبعد ساعه..
خرج وهمان كالعاده بيجهز علشان يخرج
للفرن
فاديه.. بقولك الواد ابن صالح كان طالب
ايد جميله ابقى كلمه واقولوا اننا موافقين
وهمان.. معقول على البركه
وقرب منها وعينه كلها حيرة وقال :
ايه يا فاديه اللى خلاكى توافقى ع جواز جميله
فاديه عينها كلها غيظ وقالت :
البت كبرت وانا خايفه على ولادى
وهمان.. انا بقول ناخدها ل شهاب
فاديه.. كلم ابن صالح انا قولتلك
قام من جمبها وهو خايف منها
كان عديم الشخصيه قصادها
وخرج للفرن بعد ما خد الأمر
بالموافقه ب جواز جميله من ابن صالح
بعد صلاه الضهر..
وهمان كلم صالح على ابنه محمد وقاله
انهم موافقين على جوازه من جميله
. فى دار اسمهان خلف بعد الساعه 4
الباب بيخبط واسمهان فتحت وكانت
شرين بنت صالح
اسمهان.. فى ايه يا شرين مالك يا بت
شرين.. اخيرا دار وهمان وافقوا على جواز
اخويا محمد من جميله
اسمهان.. جميله مين؟
شرين..جميله يا بت بنت عم هيثم
اسمهان.. اه حبيب القلب
شرين.. يالهوى يانى لو جواز جميله تم
هيثم كده هيقرب منى اكتر
ويطلب ايدى يا بت
اسمهان.. ومين قالك انه هيطلب ايدك
شرين.. انا لما بشوفوا بحس انه عينه منى
بصراحه الواد حلو ومتعلم
يارب يارب اتجوز هيثم يارب
اسمهان.. طيب خلى بالك يا حلوه بقى
ست جميله اللى انتى فرحانه بيها اوى
دى مش بنت وحامل كمان
يعنى محمد اخوكى هياخد بلوه مسيحه
البت فاجره وهامله
وغلطت مع سى هيثم الحلو بتاعك
حبيب القلب يا اختى
شرين قامت من مكانها وقالت : نهار اسود
ايه اللى بتقوليه ده يا بت جميله حامل من هيثم
وقامت جرى من غير تفكير
على دار وهمان..
الباب كان مفتوح ودخلت وشافت فاديه
ازيك يا عمه اخبارك واخبار جميله
ايه
فاديه.. ازيك يا قمرايه تعالى يا شرين
شرين.. ممكن اشوف جميله
فاديه.. اه اهى جوه فى المطبخ
ادخلى الدار دارك يا شرين
¬¬ شرين دخلت على جميله المطبخ وقالت :
جميله.. شرين تعالى
شرين.. عامله ايه ومال شكلك تعبان كده
جميله.. انا تعبانه اوى
شرين.. تعبانه من ايه
ومسكت ايدها وقالت :
انا عاوزه اعرف منك حاجه مهمه
وعاوزه رد دلوقتى انتى عارفه انا بحبك
قد ايه وعارفه انك بت غلبانه
والدنيا جايه عليكى
جميله.. فى ايه يا شرين
شرين.. اسمهان خلف بتقول عليكى
انك هامله ومش بت وحامل من هيثم
جميله.. اطلعى بره دلوقتى وانا هبقى
اكلمك وافهمك على كل حاجه
ابوس ايدك لحد يسمع هنا
شرين.. اسمهان خلف مش هتسكت
وهتخلى البلد كلها تجيب سيرتك يا جميله
البت دى قويه ومش هتسيبك
انتى حامل يا جميله بجد قوليلى يا صاحبتى
خدتى هيثم حبيبى خلاص
جميله زقتها على بره وقالت انتى مش
فاهمه حاجه خالص أمشى دلوقتى
ابوس ايدك
شرين خرجت من دار جميله
فاديه.. ضربت بإيدها على صدرها وقالت :
يا قهرى جميله حامل من هيثم
يا حزنى يا سوادى
ودخلت جرى على المطبخ
ومسكت جميله من ايدها
وشدتها وقالت : تعالى يا هامله
جميله.. فى ايه يا عمه فاديه
فاديه.. عمك دبب
يلا حطى العبايه على جسمك يا بت خلصى
جميله لابست العبايه ومش فاهمه
حاجه وخرجت وهى خايفه منها
فاديه خرجت بره الدار وفى ايدها
جميله ومشيت على أول الشارع ووقفت
توكتوك
جميله.. على فين يا عمه
فاديه.. عمك دبب اركبى يا هامله
جميله ركبت معاها وهى مرعوبه
= التوكتوك اتحرك بيهم على المكان اللى فاديه
قالت عليه
ولما وصولوا مسكت ايد جميله وكانت بتجرجرها
جميله.. انتى جايه بيه هنا ليه انا معملتش
حاجه
فاديه بتشد ايدها وبدخلها بكل قوتها
جميله.. انا مش هدخل هنا انا معملتش حاجه
يا عمه ابوس ايدك....
يتبع
ج. 5....#عريس_فى_ورطه
فاديه بتشد ايدها وبدخلها بكل قوتها
جميله.. انا مش هدخل هنا انا معملتش حاجه
يا عمه ابوس ايدك..
فى دار اسمهان خلف...
= اسمهان قاعده قدام الفرن ومعاها اختها
الاصغر منها رؤيه
. شرين دخلت عليهم وقالت :
.. بقولك ايه يا اسمهان انا مش عاوزه لسانك
ده ينطق بكلمه واحده عن جميله
.. فى ايه يا شرين مالك ومال اختى
بتزعقى فيها كده ليه!!؟
¬ اسكتى يا رؤيه انتى متعرفيش
حاجه؟
.. طيب ما تعرفينى بدل ما انتى واقفه كده
وعماله تزعقى فينا ومحدش فاهم حاجه
وبعدين اختى مالها ومال جميله
ما انتى عارفه من يوم المشكله
واختى مش بتكلم معاها زى الاول
دى حتى مش بتتكلم معاها خالص
¬ اختك عارفه وفاهمه انا بتكلم على
ايه!
= اسمهان قامت من قدام الفرن
وشدت ايد شرين ودخلت بيها على
اوضه نومهم وقالت بخباثه
.. اقعدى يا شرين فى ايه بس!
هو حصل حاجه؟ انتى سمعتى حد من البلد
قال عليه انى اتكلمت على البت جميله
¬ لأ بس قولتيلى انا يا اسمهان
.. انا لما اتكلمت معاكى علشان انتى
اختى وحبيبتى وكمان لما عرفت
ان محمد ناوى ياخدها
وقالت فى سرها : ان شالله ربنا ياخدها
ويريحنا ويريح البلد منها
¬ طيب انا بقولك اهو يا اسمهان
الكلام اللى سمعته منك عنها
مش عاوزه حد يعرف عنه حاجه
لانه مالوش صحه من الأساس
.. نعم نعم انتى قصدك انى بتبلى عليها
وبسوء سمعتها لا يا شرين
انا شوفت بعينى وهى واقفه مع هيثم
وسمعت بودانى لما قالها انتى حامل
وتقريبا كده كان عاوز يتخلص منها
ولما حس بيه خدها ومشى
يمكن كنت بعيد عنهم ومسمعتش
الكلام كله بس انا متأكده
من اللى بقولوا كويس
¬ اسمهان انا عارفه انتى متكاده من جميله
ليه علشان محمد اخويا بيحبها وفضلها
عليكى
.. انا بس مستغربه تسيبى بنات الاصول
وتاخدى حته بت ملهاش لازمه
هامله فاجره معرفتش تصون شرفها
= شرين اتعصبت من كلامها وقامت واقفت وقالت:
.. ايوه ايوه يا بت جميله هامله
وفاجره وفرطت فى شرفها
بس على الاققل دى يتيمه ومرات عمها
مشربيها الويل ومطفحاها الكوته
والله اعلم بظروفها
الدور والباقى بقى على اللى بتسيب
فرشتها فى نص الليل
وتسيب ابوها نايم يا عينى
عليه مش عارف حاجه
وتطلع عند الواد هادى فى داره
ومراته غضبانه فى بيت ابوها
= اسمهان ارتبكت ووشها بان عليه
الزعر والخوف وقالت :
.. دى مين دى اللى بتطلع دار هادى يا بت
¬ انتى يا اختى ولا نسيتى
ولو كنتى ناسيه افكرك
وخلى بالك البادى أظلم
عارفه يا بت لو سمعت حد بس همس
بأسم جميله هفضحك واجرسك
فى البلد كلها يا بنت خلف
سلااااام
فى دار وهمان...
فاديه واقفه فى المطبخ بعد ما خلصت
شغل الدار كله
الباب بيخبط وكانت شرين
¬ ازيك يا عمه فاديه انا عاوزه جميله
.. جميله راحت الفرن عند عمها
¬ طيب لما ترجع خليها تكلمنى
على الواتس
.. تكلمك فين يا اختى؟!
¬ واتس يا عمه هههههههههه
= هيثم خارج من اوضته ولمح شرين
¬ انا ماشيه يا عمه فاديه
بس اوعى تنسى تقولى ل جميله انى
سألت عليها
.. بس صح انتى كنتى عاوزاها فى ايه
يا بنت صالح
¬ كنت عاوزه اقعد معاها شويه
علشان الصبح كانت مشغوله
فى المطبخ ومعرفتش اتكلم معاها
ولا اطمن عليها
ولمحت هيثم بعينها وقالت بكسوف
¬ ازيك يا هيثم
.. اهلا ازيك يا شرين
عامله ايه واخبار عم صالح ايه
¬ الحمد لله فى نعمه
انا ماشيه يا عمه فاديه
ومشيت وشدت الباب وراها وصوتها
ابتدى يبعد وهى بتقول : اوعى تنسى
تقولى ل جميله تكلمنى
¬ يما يما هى فين جميله؟!
.. راحت لأبوك الفرن علشان تجيب عيش
للطيور وقولت بالمره ابعت معاها
لقمه لابوك اكمنى الراجل بيخرج
من طلعه النهار شقيان وطالع
عينه
¬ يما جميله تعبانه ومعدتها وجعاها
والله حرام دى البت مش بتخرج
من الدار خالص حبك النهارده
يعنى
.. دى كانت زى القردة
بالك انت اول لما قولتلها روحى لعمك
الفرن لقيتها زى القردة شدت عليها
العباية وجريت ولا كأنها فيها
حاجه بس انت اللى حنين
حبتين يا قلب امك
¬ هى خرجت من بدرى يما
.. من ساعه كده
¬ طيب يما لما ترجع خليها
تعملى لقمه
.. جعان يا قلب امك هدخل اغرفلك
¬ لأ مش جعان
.. يو بقى فى ايه يا ولا
مش بتقول جعان
¬ خلاص يما لما ترجع جميلة
. وسابها وطلع السطوح وكان متعصب جدا
ولما طلع السطوح قعد فى غيه الحمام بتاعته
ومسك الفون وفتح جوجل وكان بيدور
على مركز تحاليل كويس ويكون بعيد عنهم
واتصل بيهم علشان يعرف ايه هى
نوعيه التحاليل اللى هتتعمل لجميله
وبعد ما قفل معاهم بقى يكلم نفسه ويقول
انا متأكد ان جميله كانت حامل وسقطت
قدام عينى
بس معرفش مين اللى عمل فيها
كده يا ترى حد من اخواتى
ولا حد بره الدار
ويا ترى هى تعرف مين ولا لأ
بس كل الأفكار دى والحيره اللى انا فيها
هتنتهى لما تعمل التحاليل
لو طلع فى جسمها منوم تبقى
جميله مظلومه واكيد حد من اخواتى
وانا مش هسيبه وهخليها تتجوزوا
وهقف جمبها
ولو طلعت سليمه ومفيش منوم فى جسمها
او مخدر وقتها بس
هعرف انها خاطيه وفاجره
والقتل ليها حلال وساعتها
هدفنك بإيدى يا جميله
بس اتأكد الأول يا بنت عمى
وخد بعضه ونزل اوضته..
. الساعه 8 بالليل الباب بيخبط وكان وهمان
ومعااه شهاب ابنه
فاديه فتحت الباب ومسكته وبصت بره وقالت بذهول :
.. الله فين البت يا جميله يا وهمان
¬ مالها جميله يا وليه
.. انا بسألك فينها
¬ وانا هعرف منين يا معدوله
هى مش قاعده معاكى فى الدار
.. ايوه قاعده بس بعتها
الفرن علشان تقولك تعمل حسابك
فى عيش علشان الطيور
ده انا حتى بعت معاها حته جبنه مش وخيار
وطماطم من اللى انت بتحبهم
¬ جبنه ايه وعيش ايه يا وليه
انا مشفتش جميله النهاردة
حتى الصبح قبل ما اخرج
كانت نايمه وقولت انها تعبانه
ومحبتش اصحيها
.. جميله فين يما
¬ العلم علمك يا شهاب يا ابنى
وقعدت على الكنبه تندب يالهوى البت
جميله راحت فين
الباب بيخبط شهاب قال جميله وجرى
يفتح الباب ولما فتحه قال :
.. ده ايمن يابا
¬ فى ايه مالك يا شهاب
.. مشفتش جميله يا ايمن
¬ لا بس ليه!؟
فاديه.. يا حزنى البت راحت فين يا ولاد!؟
يا مرارى فينك يا جميله
= هيثم خرج من اوضه جرى على صوت فاديه
وهى بتصوت
¬ فى ايه يما بتصوتى ليه مالك ومالها جميله!؟
.. مش عارفه يا ابنى على يدك انا
بعت جميله الفرن بس ابوك بيقول انه
حتى ما شافها النهارده يا مرارى يا سوادى
البت راحت فين!
وزغرت بعينها وقالت :
انا طول عمرى عارفة ان البت دى هتجيب لينا العار..
هيثم.. ليه يما بتقولى كده يمكن راحت فى
حته وراجعه او يمكن تكون راحت ل شرين
.. بنت عمك هربت يا هيثم
وجابت لينا العار وفضحتنا وهتبقى
مرحبا سيرتنا على كل لسان يا ولا
¬ لا يما جميله متهربش
وقال فى سره معقول تكون جميله
هربت لما عرفت سرها وخايفه
منى علشان هددتها بالقتل
بس معنى انها هربت تبقى جميله
عارفه مين اللى عمل فيها كده
وكمان بكيفها ماشى يا بنت
عمى مش هسيبك وقتلك
هيكون على ايدى
فاديه.. يا مرارى البت طفشت
وهمان.. هم يا ولا يا شهاب روح اسأل
عليها فى دار ابوك صالح
يمكن تكون قاعده مع شرين
شهاب.. حاضر يابا
ايمن.. انا خارج ادور عليها يمكن تكون قاعده
بره ولا حاجه
هيثم.. لا يا شهاب بلاش تروح انت
انا هروح انا وامك عند شرين فى اصول
يا جدعان
قومى اللبسى يما
فاديه بصت وعينها كلها خبث وقالت:
حاضر يا هيثم
= وفعلا لابست عبايه وراحت مع هيثم
ودخلت سألت عليها وعرفت انها مش موجوده
ولما رجعوا الدار
فاديه.. البت طفشت يا وهمان بنت هانم الهامله
وهمان.. كان يوم اسود يوم ما اتوليت امرها
هيثم.. يابا يما فى ايه
كل اللى جميله اتأخرتهم ساعه ولا اتنين الصبر
يا ناس
شهاب.. اكيد هربت بنت الرفضى
دى كانت مش بتخرج من الدار خالص
يبقى هربت اسمع منى اخويا
=بعد الساعه 10 بالليل الباب بيخبط
هيثم قام من مكانه وقال : اكيد جميله رجعت
ولما فتح الباب شاف بنت فى غايه الجمال
وكان باين على شكلها وملابسها انها مش
من الاريااف
هيثم.. مين حضرتك
.. انت اللى مين بقى شهاب ولا هيثم ولا ايمن
¬ انا هيثم بس حضرتك مين؟
فاديه قامت من مكانها وقالت : مين يا هيثم
البنت زقت الباب ودخلت بثقه وقالت :
انا غفران يا مرات عمى
اومال فين جميله
شهاب واقف مكانه متنح وقال :
لامؤاخذه غفران مين؟؟
فاديه.. غفران مين انا معرفش حد بالاسم ده
غفران.. هههه بس انا اعرفك كويس
مش حضرتك بردوا فاديه مرات عمو وهمان
وهمان.. انتى مين يا بنتى
غفران جريت عليه وقالت :
انا غفران اخت جميله
الكل واقف مذهول..
غفران بتجرى فى البيت كله وبدور على جميله
وعينها كلها دموع 😢 وبتنادى وبتقول
جميله جميله فينك يا جميله
هيثم.. انتى غفران مين وحكايتك ايه
غفران.. هى فين جميله؟!
=فى صوت دوشه بره وناس كتير والبلد مقلوبه
ايمن خرج يجرى ويشوف فى ايه
ودخل وعلى وشه ذعر وقال:
الحق يابا الحقى يما يا شهاب يا هيثم
هيثم قال بخضه فى ايه فى ايه مالك
ايمن مش قادر يتنفس وقال :
لقوا قتيله عند المصرف...
هيثم.. جميله؟؟
يتبع
ج.6... #عريس_فى_ورطه
ايمن مش قادر يتنفس وقال :
لقوا قتيله عند المصرف...
هيثم.. جميله؟؟
غفران.. مالها جميله هو فى ايه بالظبط؟
_ الكل خرج جرى على المصرف وكانت صرخات
فاديه الكاذبه تملئ البلد كلها
وأول لما وصلوا عند المصرف
كانت جثه القتيله مغطاه
وقربت منها غفران
وقالت وهى تبكى : معقول يوم ما اشوفك
وقبل ما افرح بيكى الاقيكى مقتوله
مستحيل واترمت فى حضن هيثم
فاديه بصت لهيثم قوى ومستغربه من
حضن غفران وكأنها شافت مصيبه او عار
وقالت يا حزنى وقربت منها وخدتها من حضنه
وقالت : تعالى تعالى فى حضنى انا
وهمست فى ودنها
.. انتى مين يا بت
¬ انا غفران يا مرات عمى
.. اه يا اختى بس غفران مين؟!
¬ احنا فى ايه ولا فى ايه
وبكت غفران وقالت : الناس بتقول جميله
مقتوله وحضرتك واقفه تسألينى انا مين
وجايه ليه
.. ما تكلمى عدل يا بت
¬ نعم انا بتكلم عدل على فكره
وبعدين انتى بتزعقى كده ليه ما براحه
عليه
هيثم.. يما فى ايه يما وحضرتك يا انسه
بالراحه شويه صوتكم عالى يا جماعه
¬ المهم انا عاوزه اطمن على اختى
البلد كلها مقلوبه والجثه مرميه جمب
المصرف وغفران وولاد عمها قربوا من الجثه
هيثم قرب منها وأيده بترتعش وشد الغطا
من عليها وقال : الحمد لله مش جميله
غفران.. الحمد والشكر ليك يارب
=فاديه قالت ونظرات عينها كلها خبث وخداع
الحمد لله مش جميله يلا يا ولاد
يلا على الدار
هيثم.. يلا يابا يلا يما
غفران قربت منه ومشيت جمبه
¬ الحمد لله انها مش جميله
بس هى راحت فين
انا من وقت ما وصلت عندكم فى البيت
وجميله مش موجوده؟
.. والله ما اعرف هى فين
بس احتمال كبير تكون عند حد
من اصحابها فى البلد
=شرين خرجت من دارهم جرى على المصرف
وقبل ما توصل فى الطريق
لمحت وهمان وأولاده وفاديه
وقربت منهم وقالت : هى جميله مالها
يا عمه ايه اللى سمعته ده
انا الصبح شوفتها وكانت زى الفل ايه اللى حصل
بس
هيثم.. انتى شوفتى جميله يا شرين
شرين قربت من غفران وبان على وشها الغيره
وقالت : هى مين دى!؟
هيثم.. بقولك شوفتى جميله فين
رددت ب ارتباك وقالت : اه اه شوفتها
فى داركم كانت حتى فى المطبخ
واتفقت معاها انى هعدى عليها
بعد ما تخلص لأنها كانت مشغوله
.. يعنى كانت كويسه يا شرين
¬ ايوه كانت كويسه
وقال فى سره : اومال هتكون راحت فين
شرين.. هى مين دى
غفران.. انا اخت جميله
شرين.. نعم
هيثم.. يلا يا شرين على داركم
وهمان.. يلا يا ولاد
ولما وصلوا الدار شهاب فتح الباب
وبعد ما دخلوا
= فاديه وقفت على الباب وحلقت
بإيدها وقالت : انتى رايحه فين يا حلوه
¬ ايه ده انتى بتقولى ايه مرات عمى
.. عمك دبب يا بت
انتى عاوزه اصدقك انك اخت جميله
وهمان.. انا عن نفسى مكانش ليه
غير اخ واحد وكان عنده بنت واحده اسمها
جميله ومعرفش غيرها
غفران قالت بعصبيه بقولكم انا غفران
اخت جميله
هيثم قرب منها وقال : بقولك يا انسه
لو اللى بيتكلم مجنون .. يبقى اللى بيستمع عاقل
يعنى مثلا اى حد يجى يقولى انه اخويا
اصدقه كده وخلاص من غير اى إثبات
فاديه.. قولها يا ولا
هيثم.. استنى بس يما
غفران.. ومين قالك ان مش معايا إثبات
هيثم.. يا ستى انجزى بسرعه ايه الاثبات
غفران.. طيب ممكن ندخل جوه
ده حتى الأصول بتقول ان لو انا غريبه
مش هقف على الباب بالمنظر ده
وبعدين الشنطه بتاعتى جوه عندكم
انا سبتها لما خرجت معاكم
هيثم.. احنا اسفين يا انسه
بس فين الإثبات
غفران بصت جوه الدار وقالت جوه فى الشنطه
هيثم.. ايدك يما خليها تتدخل علشان نشوف
الإثبات اللى بتقول عليه ده
وفعلا دخلت غفران وهى واثقه من نفسها
ومسكت الشنطه وقعدت على الكنبه
وفتحتها وطلعت منها ورق
وحطته على الترابيزه
وقالت : تعالى يا هيثم
شوف الورق بنفسك
قرب منها وقعد جمبها
والكل واقف مستغرب ومستنى يشوفوا
الإثبات انها بنت عمهم وهل من دمهم ولا لأ
مسكت الورق وقالت : دى شهاده ميلادى
شوف يا هيثم كده
هيثم مسك شهاده الميلاد
وبص فيها اوى وقال وهو مذهول
ايوه يابا البيانات بتقول انها بنت
عمى حسنين واخت جميله
غفران.. وده الباسبور بتاعى كمان
عموما الورق كله قدامك واتأكد بنفسك
فاديه.. اخت جميله وبنت حسنين
ازاى يا ولاد انا هتجنن
هيثم قال باستغراب : الله الله بس
فى حاجه اسم الام فى الورق مش هانم
اسمها جليله وباقى الاسم بيانات جدى ابو هانم
وهمان.. عملتها يا حسنين ليه يا ابن ابوى
غفران.. انا بنت عمكم بس هانم خالتى مش امى
انا امى اختها جليله
يعنى انا اخت جميله وبنت عمكم من دمكم
وفى نفس الوقت بنت خاله جميله
فاهمين حاجه
بس المهم اننا من عصب واحد وهو الجد
يعنى بابا وابوك اخوات يا هيثم
ايمن.. انا مش فاهم حاجه
رد وهمان بكسره وقال : بعد ما هانم ماتت
وبعد المشاكل اللى حصلت بسببها
غفران.. كله ظلم
هيثم.. ثوانى بس يا غفران
وهمان بيكمل كلامه وقال: بعد موت هانم
كانت جميله صغيره وطلب انه يتجوز اختها
جليله علشان تخلى بالها من جميله
بس انا رفضت وخوفت من المشاكل
بس مكنتش اعرف انه اتجوزها من ورانا
غفران قامت واقفت وقالت :
اتجوز ماما من ورا عمى وجدى لأنه خاف
لا يحرموه ويحرموا جميله من الميراث
وطبعا ده تهديد عمى وهمان وجدى
الكبير وبعد ما اتجوز ماما
خدها على مصر وعاش معاها كام شهر
وسابها حامل وقعد فتره
ومبقاش يسأل وماما عرفت انه مات
وحزنت عليه جدا وبعد ما انا اتولدت
خافت عليه وحاولت كذا مره
ترجع البلد بس خافت عليه
وعلى نفسها لا يحصل لها
زى ما حصل لخالتى هانم
فاديه برقت بعينها وقالت : انتى بنت
جليله بقى ههههههه يا حلاوه يا ولاد
بس مش شبهنا
غفران.. طبعاً مش شبهكم علشان انا حلوه
زى خالتى هانم وماما ولا ايه يا مرات عمى
فاديه اتغاظت من كلامها وقعدت مكانها
وبقت تهز رجليها زى المجنونه
وقالت : اه انتى جميله زيهم واحنا بقى
الوحشين ههههه شكلى يقطع الخميره
من البيت
غفران.. المهم صدقتم ان انا بنت عمكم
وهمان.. يعنى انتى عاوزه ايه يا بنتى
ميراث ابوكى
غفران.. حقى وحق اختى
ولا الحق بقى عيب
فاديه.. ايوه قولى كده انتى عاوزه
تقشى وتاخدى اللى حيلتنا
قولى يا بنت جليله انك بقى مش
بتسألى على جميله
انتى عاوزه حقك وبس
غفران.. بالحق يا مرات عمى ماما بتسلم
عليكى وبتقولك نفسها تشرب لبن رايب
من ايدك
فاديه اتسمرت مكانها وكأنها اتشلت وسكتت
هيثم.. حمدالله على سلامتك يا بنت عمى
غفران.. المهم فين جميله
ايمن.. مش موجودة فى الدار من الصبح
لازم نبلغ المركز يابا ولا ايه يا هيثم
هيثم.. انا بس مستنى يعدى 24 ساعه
وهبلغ
غفران بتبكى
هيثم قرب منها وقال : ان شاء الله جميله
بخير متقلقيش
غفران.. ياريت ده انا مليش غيرها
ونفسى اتصل ب ماما واطمنها عليها دى
نفسها تسمع صوتها خالص
هيثم.. طيب دلوقتى ادخلى استريحى
وان شاء الله لما النهار يطلع
هروح المركز ابلغ عن اختفاء جميله
فاديه.. وهى هتنام فين دى
هيثم.. فى اوضتى وانا هنام فى اوضه
جميله
غفران.. ممكن انام فى اوضه جميله
هيثم.. طيب اعملك عشا خفيف
وبعدين ادخلى نامى
غفران.. انا شبعانه هى بس فين
اوضه جميله علشان ادخل انام
= وفعلا هيثم خد شنطتها ودخل على اوضه
جميله ودخلت وراه وقالت :
هى جميله كانت بتنام فين؟
هيثم شاور بإيده على فرشتها
بصت وقالت على الأرض
هيثم رد وهو محرج وقال ايوه
وسابها وخرج
غفران واقفه تتفرج على الاوضه وبقت
تكلم نفسها وتقول :
معقول اختى بتنام هنا على الارض
وفى الشتا ده اللى برده مبيرحمش
وقعدت مكانها ولقت فون مرمى
ومسكته وقالت : ده اكيد فون جميله
وفتحته على شات بين جميله وبنت
ولما قرأت الشات كان عادى
وقعدت تفكر فى فاديه
وقالت انا عارفه انها تعرف
مكان جميله بس انا هعرف منها
مكان اختى فين
وقالت انا مش لازم انام
وفضلت سهرانه مكانها لحد الفجر بس النوم غلبها
وبعد الساعه 9 الصبح قامت من النوم
خرجت من الاوضه ومكانش فى غير
فاديه بس ولما سألتها
على عمها وولاد عمها قالت انهم
نزلوا يدوروا على جميله
ويسألوا كل معارفنا قبل ما يبلغوا المركز
غفران.. طيب ربنا معاهم
فاديه.. يارب 😁
غفران.. فين المطبخ
فاديه شاورت بإيدها عليه
غفران.. انا هعمل حاجه اشربها
اعملك معايا
فاديه.. شكرا
غفران دخلت المطبخ وعملت اتنين شاى باللبن
وخرجت وقدمت الشاى
فاديه.. انا مش عاوزه يا اختى
غفران.. معلش اصل مش بعرف اكل او اشرب
لوحدى
فاديه مدت ايدها بغيظ وشربت الشاى
وكأنها مغصوب عليها
ولسه بتكمله بطنها شدت عليها والألم اشتدت
وبقت تتوجع وقالت : ايه دى معدتها بتتقطع
غفران قربت منها وقالت ولسه
يا مرات عمى
فاديه بصت لها بخوف وقالت : لسه
ايه يا بت انتى
غفران.. السم يا مرات عمى
لسه هيمشى فى جسمك بس بالبطيئ
قدامك ساعتين وتموتى
رددت بخوف وبطنها بتتقطع : اه يا بطنى الحقونى
غفران.. محدش غيرى هيسمعك
فين جميله وانا هنقذك حالا
انطقى فين اختى
فاديه.. معرفش
غفران.. خلاص موتى ودخلت اوضه جميله
فاديه وقعت على الأرض ومعدتها
بتتقطع وجسمها تلج وقالت
انا هموت
غفران خرجت وقالت : فين جميله
وانا هنقذك حالا يلا قولى فين اختى
فاديه.. جميله فى......