رواية #عريس_فى_ورطه
الفصل السابع والثامن والتاسع
غفران خرجت وقالت : فين جميله
وانا هنقذك حالا يلا قولى فين اختى
فاديه.. جميله فى دار فاضيه فى اخر البلد
بس الحقينى معدتى بتتقطع حاسه انى خلاص هموت
= غفران قربت منها ووطت على الأرض وقالت:
يعنى انتى سبب اختفاء جميله
اممم زى ما كنت متوقعه بالظبط
فين المكان يا فاديه؟
.. بقولك معدتى بتتقطع يا بت
¬ وانا بقولك فين المكان ردى عليه
= وابتدت فاديه تقول على مكان بالظبط
وغفران عرفت الطريق وفجأه
فاديه قامت تجرى على الحمام ولما
خرجت كانت ماسكه بطنها والمغص انتهى وقالت : الحمد لله ده انا كنت هموت
غفران.. ههههههههه ههههههه خايفه من الموت
يا مرات عمى
=فاديه قربت منها وقالت : بقى حته بت زيك
عاوزه تسمنى بس انا مش هسيبك
وهوديكى فى داهيه يا بنت جليله
وخرجت على الباب وابتدت تصوت
غفران جريت عليها وشدتها على جوه وقالت:
¬ بتعملى ايه يا مرات عمى
.. بعمل ايه ده انا هجرسك وافضحك
يا قتاله القتله انتى
وهبلغ عليكى المركز كمان بس ولادى
يرجعوا
.. هههههههههه هههههه انتى فاكره
انى كنت هسمك بجد لا لا خيالك راح لبعيد
ده قرص ملين وحبه شربه بس كانوا جامدين
شويه صح وغمزت بعينها وكملت كلامها وقالت
قولت انضف بطنك
بس يا حرام انتى طلعتى ضعيفه اوى
مستحملتيش قرص ملين وشويه شربه
وسابتها وخرجت ورجعت تانى وقالت
يلا يا مرات عمى
.. يلا على فين يا بت انتى
¬ معايا يا مرات عمى على المكان اللى جميله
موجوده فيه
.. انا مش هخرج من دارى ابدا
¬ خلاص انا هكلم هيثم واقولوا
انى عرفت طريق جميله
وهو وولاد عمى يروحوا معايا
ومسكت الفون وابتدت تمثل انها بتكلم هيثم
فاديه.. خلاص انا هروح معاكى
ودخلت اوضتها ولبست العبايه
وخرجت وغفران معاها وخدوا توكتوك
وراحوا لحد مكان ما جميله موجوده
ولما نزلوا من التوكتوك
فاديه مشيت قدام غفران
بخطوات بطيئه وعلى وشها الغل
غفران ماشيه وراها مستغربه من شكل
المكان وقالت فى سرها :
ايه المكان ده انا حاسه انى شوفتوا
قبل كده مع انى عمرى ما جيت البلد
دى خالص بس ده تقريباً نفس المكان
اللى ماما حكت عنه وقالت.....؟؟
فاديه.. تعالى اختك هنا
غفران بتتلفت شمال ويمين وقالت :
فين فين جميله
فاديه شاورت على باب ضخم
شكله غريب وكله تراب
غفران.. جميله جوه هنا
وجريت على الباب علشان تفتحه
ورجعت تانى وقالت : ده عليه قفل كبير
فاديه حطت ايدها فى جيب العبايه
وطلعت منها مفتاح
وقربت من الباب وزقت غفران
وفتحت القفل
غفران.. ايه الضلمه دى
فاديه.. اختك جوه يا بنت جليله
=الغرفه مظلمه وكلها فيران وعش عناكب
جميله قاعده متربطه ولما سمعت صوت
فاديه اترعبت واترعشت وقالت بصوت
كله ضعيف عمه فاديه
غفران.. ادخلى قدامى يا مرات عمى
فاديه قالت بسخريه ايه خايفه يا روح امك
غفران.. ههههههه لأ مش ضمناكى
ودخلت فاديه ووراها غفران
غفران.. ايه ده الاوضه ضلمه مع ان احنا
الصبح وفى شمس وابتدت تحسس
بإيدها على الحيطان
ومسكت الفون وفتحت الفلاش
وشافت جميله قاعده
جميله.. حرام عليكى يا عمه فاديه انا
مش عاوزه اموت والله انا مظلومه
غفران شافت شباك جريت عليه وفتحته
الشمس نورها ملى المكان كله
=جميله ووطت راسها بين رجليها
غفران قربت منها وعينها كلها دموع وقالت
جميله اختى 🥺
جميله رفعت راسها وبتحاول تفتح عينها
غفران.. انا اختك يا جميله
جميله.. انا مظلومه يا عمه فاديه
فاديه.. بس يا هامله يا فاجره
غفران.. جميله انا غفران اختك
جميله بصت لها بإستغراب وقالت :
اختك مين انا مليش اخوات!
غفران.. انا اختك بس فى ظروف
غصب عنى وعنك منعتنا من بعض
ما تقوليلها يا فاديه انى اختها
فاديه قالت بكل قرف.. ايوه اختك
يا بنت هانم
غفران.. والله انا اختك يا جميله
وابتدت تفكها وحكت لها كل حاجه
من يوم ما اتولدت لحد ما رجعت البلد
جميله خدتها فى حضنها وقالت :
طول عمرى يتيمه مليش حد لا أب ولا أم
كنت بشكى لربنا كتير واقولوا
انا لوحدى يارب بس ربنا سمع
وعوض عليه بيكى يا غفران
يا بنت ابويا يا حته
من قلبى
غفران بتبكى فى حضنها وبتشهق من كتر البكاء
وقالت : انتى اختى وحبيبتى ومليش غيرك
بعد امى من يوم ما كبرت وفهمت كل حاجه
وانا مستنيه الحضن ده حضن جميله اختى
ربنا ما يحرمنا من بعض
وكملت كلامها وقالت : بس ليه فاديه
عملت فيكى كده
جميله رجعت لورا وقالت : معرفش
فاديه قربت منهم وقالت : متعرفيش
ايه يا فاجره
غفران.. ما تتلمى بقى يا ست انتى
انتى ايه حجر ملكيش قلب مش كفايه
رامياها هنا راميه الكلاب ومستنيه
موتها
فاديه.. اختك هامله وفاجره
وفرطت فى شرفها
غفران.. قطع لسانك اكيد جميله مظلومه
فاديه.. مش مصدقه اهى قدامك اسأليها
وبعدين الدايه كشفت عليها
وطلعت مش بت
جميله رددت بكسره وقالت :
ايوة يا غفران بس والله ما اعرف مين
غفران قالت بإستغراب : يعنى ايه
متعرفيش مين معقول
وابتدت تتكلم ب ارتباك
.. جميله قولى يا حبيبتى
مين اللى عمل فيكى كده
اكيد حد من ولاد عمك وانتى
خايفه منه قولى انا معاكى
ومش هسيبك
جميله.. معرفش معرفش 😭😭
فاديه.. اخرسى قطع لسانك
انا ولادى اشرف من الشرف
غفران.. يلا من هنا يا جميله
وان شاء الله يحلها اللى ما يغفل ولا ينام
= فاديه خدت غفران وجميله فى توكتوك
لحد الدار ولما وصلوا كانت الدار فاضيه
غفران مسكت الفون وكلمت هيثم
وبلغته ان جميله رجعت
جميله دخلت الحمام وخدت دش وغيرت
هدومها
غفران قاعده مكانها بتفكر فى مصيبه جميله
فاديه طلعت السطوح تأكل الطيور
وفى الوقت ده غفران خدت جميله
على اوضتها واتفقت معاها
ان لما حد يسألها كانت فين تقول انها
اضايقت من الخدمه ومشيت
ومتقولش لعمها وولاده ان فاديه اللى عملت
فيها كده
جميله.. خلى بالك هيثم عارف ان اضحك
عليه وكمان كنت حامل وسقط
غفران.. هو انتى كمان كنت حامل طيب ازاى
وهيثم عارف وساكت
جميله.. هو قال هيتصرف
غفران.. اكيد هو اللى عمل فيكى كده
علشان كده بقى ساكت ومقالش
جميله.. لا هيثم طيب ده كان هيقتلنى
بس صعبت عليه
غفران.. خلاص انتى تقولى لهيثم بس
انك هربتى علشان خوفتى من الموضوع
ده
جميله.. حاضر بس ليه مقولش
ان مرات عمى هى اللى عملت فيه كده!؟
غفران.. مرات عمك دى عقربه
سبيها على جمب دلوقتى اوعى تجيبى سيرتها
علشان متأذكيش انا مضمنش تعمل
فيكى ايه
اتفقنا يا جميله
جميله.. حاضر يا غفران
سبحان الله انتى ظهرتى فى الوقت المناسب
عمه فاديه كانت هتسبنى لحد ما اموت
غفران.. الحمد لله يا حبيبتى
هيثم وصل الدار وهو زى المجنون
من فرحه رجوع جميله
وفى نفس الوقت متضايق من تصرفها
هيثم دخل على اوضتها وقال :
كنتى فين يا جميله
جميله.. بعدين يا ابن عمى
غفران.. انا هدخل الحمام
وخرجت من الاوضه
هيثم قرب منها ومسك دراعها وقال :
كنتى فين يا بت هربتى منى يا جميله
لما عرفت حقيقتك يا فاجره
جميله.. انا خوفت منك لا تقتلنى
هيثم.. ولا كنتى عنده؟
جميله.. عند مين؟!
هيثم.. اللى غاواكى يا بت
جميله.. والله ما اعرف.
انا معرفش مين ده اللى كسر فرحتى
وخد شرفى
هيثم.. انا هعرف مين بس لو طلعتى كذابه
وطلع حد بره دارنا فيها
قتلك يا جميله وعلى يدى دى فاهمه يا بت
وخد جميله وخرج بره الدار
غفران قالت بلهفه رايح فين بجميله
يا ابن عمى
هيثم.. رايحين مشوار كده بس مهم اوى
جميله ركبت معاه العربيه وخدها على معمل
التحاليل
جميله.. هتقتلنى انا مظلومه يا ابن عمى
هيثم.. مش هقتلك بس هعرف
مين اللى عمل فيكى كده
القلق ظهر على وش جميله
ووصلوا معمل التحاليل
وخد جميله وسأل الدكتور
ايه التحاليل المناسبه اللى يعرف من خلالها
ان جميله فى جسمها آثار لأى منوم
كان رد الدكتور التحاليل المناسبه
لحالتها هو تحليل مخدرات فى البول
بيكون اختبار عن طريق البول
بيظهر منه أن الجسم فيه منوم او لأ
ونتيجه بعد 15 دقيقه
هيثم.. اكيد يا دكتور ده التحليل
المناسب ليها
الدكتور.. ان شاءالله
جميله.. يا مصيبتى مخدارت ايه
هيثم.. اسكتى دلوقتى
ودخلت جميله وعملت اختبار البول
فى دار وهمان...
وهمان رجع هو وولاده
شهاب.. جميله بت جميله
وهمان جرى على اوضتها
وكان باين على وشه الشر
غفران.. جميله مش هنا
فاديه.. راحت فين البت دى لا تكون هربت تانى
وتفضحنا وتجرسنا
غفران.. مع هيثم ابن عمها خرج يفسحها ههههه
فى معمل التحاليل..
بعد ربع ساعه جميله قاعده
وهيثم واقف ومستنى النتيجه
على نار وعدت تلت ساعه
وهيثم ابتدى يتوغوش
وخرج الدكتور ومعاه النتيجه
هيثم جرى عليه وسأله
خير يا دكتور جميله سليمه وجسمها
خالى من المنوم مظبوط
الدكتور رد وقال نتيجه التحاليل هى....
يتبع
ج. 8....#عريس_فى_ورطه
الدكتور رد وقال نتيجه التحاليل هى...
هيثم قال بخوف ولهفه النتيجه ايه يا دكتور
الدكتور.. للأسف النتيجه ان جسمها في منوم
جميله.. يا حزنى يا حزنى انا جسمى
فى منوم وجريت على هيثم وقالت
وده معناااه ايه؟
هيثم واقف متسمر مكانه ومش
عارف حتى يرد على جميله
ومسك ايدها وخدها ومشى من المعمل
جميله مش مبطله كلام من كتر خوفها
¬ يعنى ايه جسمى فى منوم مش فاهمه
انت ساكت ليه يا ابن عمى مترد عليه
.. جميله ارجوكى اسكتى دلوقتى
لو سمحت مش عاوز ولا كلمه
وفتح باب العربيه وركب هو وهى
وطلع بالعربيه وقال فى سره
منوم يااه ده كان آخر حاجه افكر فيها
ده انا لما عملت التحاليل دى كانت تجربه مش
اكتر وتقريبا كنت مستنى النتيجه انها تطلع سلبيه
إنما يطلع جسمها فى منوم دى مصيبه
معنى كده ان حد من اخواتى هو اللى عملها
وانا اللى كنت هقتل جميله ظلم
بس ايه العمل دلوقت اكلم اخواتى
واعمل مواجهه ما بينهم واعرف مين
ولا اعمل ايه مش عارف
بس انا كده اتأكدت انها مظلومه
والعيب فينا مش فيها
اعمل ايه بس يارب
جميله.. انت بتكلم نفسك يا ابن عمى
هيثم.. لا انا بس متضايق شويه
فون هيثم رن بس كنسل
فى دار شرين صالح..
الباب بيخبط وكانت اسمهان
ولما دخلت كانت شرين بتنضف الدار
اسمهان.. بت يا شرين فى حاجه كده
شرين.. بقولك ايه انا بنضف الدار
ومش فاضيه دلوقتى
اسمهان.. مالك يا بت
شرين.. لو هتتكلمى على جميله يبقى
تمشى احسن
اسمهان.. انا شوفت جميله مع هيثم فى العربيه
وانتى عارفه انها مش بتخرج من الدار
طيب هى راكبه معاه ليه ورايحه معاه على فين!؟
شرين.. الحمد لله جميله ظهرت
الف حمد وشكر ليك يارب
والله يا بت اول مره تقولى حاجه عدله
ده انا هدخل اعملك شاى بقى
اسمهان.. تعالى هنا انا مش عاوزه شاى
انتى هبله يا بت بقولك البت جميله راكبه
معاه العربيه يعنى هو اللى كان مخبيها
ومعنى كده انها حامل منه
شرين.. تانى يا بت الكلام ده
والله يا اسمهان لو اتكلمتى على جميله
تانى هخلى وقعتك طين انتى فاهمه يا بت
اسمهان.. خلاص انا هسكت
بس انا مش كذابه يا شرين
البت جميله حامل وانا بقولك اهو
خليكى انتى كده فى مياه البطيخ
وبكره جميله تاخد هيثم منك
سلام يا اختى
وخرجت وقفلت باب الدار وارها
شرين بتكلم نفسها وبتقول : انا عارفه
ان البت اسمهان دى بت غلاويه
ومتكاده من جميله اكمنى اخويا
محمد عاوز يتجوزها
إنما جميله دى ست البنات كلها
فى دار وهمان..
فاديه قاعده على السلم وايدها
على خدها
غفران قربت منها وقالت : مالك يا مرات
عمى شكلك كده زعلان
بس انا عارفه السبب ايه
متخافيش محدش هيعرف انك
كنتى مخبيه جميله وكمان
عاوزه تموتيها
فاديه رددت بغيظ وبتجز على أسنانها
وقالت : بت انتى معاش ولا كان اللى يزعلنى
اوعى يا بت تكونى فاكره ان حته بت
زيك تكسب فاديه ولا أخاف منك
لا ياروح امك قولى لكل اللى فى الدار
انك اختك هامله وفاجره
ومش بت شوفى مين بقى غواها
بالك انتى لو عمك وهمان عرف
هو وولاد عمك هيقتلوها
غفران : جميله اكيد مظلومه
اكيد فى سر
فاديه.. سر ايه يا اختى
ما هى باينه اهى اختك فاجره
غفران.. اختى مش فاجره
جميله قاعده هنا ومسؤله منكم انتم
فاديه قالت وهى بتتعوج
يعنى هتكون طالعه فاجره وهامله لمين
اقلب القدره على فمها تطلع البت لأمها
غفران واقفه ووطت على فاديه وقالت
خالتى هانم ضفرها برقبتك
وبرقبه عشره زيك انتى فاهمه
ووطت صوتها وكملت كلامها
وقالت : وكانت احلى منك وبتغيرى
منها وماما عارفه انك سبب موتها
فاكره اللبن الرايب
ولا تحبى افكرك
فاديه بان على وشها الزعر وزقت غفران
.. أمشى يا بت من قدامى
دلوقت لا والله العظيم وانا بحلف اهو
اقتلك وامشى فى جنازتك
غفران.. ههههههه ما ده العادى بتاعك
يا مرات عمى
= هيثم وصل ومعاه جميله
ونزل وركن العربيه ودخلوا الدار
بس قبل ما يدخل نبهه على جميله
متتكلمش فى اى حاجه
وخصوصا فى موضوع المنوم
ولما دخلوا الدار
فاديه.. كنتى فين يا بت
هيثم.. فى ايه يما جميله كانت
معايا لو سمحت اتكلمى معايا انا
غفران.. تعالى يا جميله
وهمان وولاده خرجوا على صوتهم
وهمان.. بت يا جميله كنتى فين يا بت
شهاب.. كده يا جميله عاوزه تجرسينا
فى البلد
وهمان.. متردى عليه يا بت
فاديه قطعت كلامه وقالت :
بقولك يا هيثم انا وابوك خلاص اتفقنا
نروح معاك نخطب اسماء
افرح يا ولا
هيثم.. بجد يما
جميله عينها كلها حزن ودخلت اوضتها
غفران.. مبروك يا هيثم
هيثم.. الله يبارك فيكى
وقال فى سره معقول يوم ما امى توافق
على جوازى من حب عمرى
اكون فى المشاكل دى
مش عارف اعمل ايه
بس انا مش هسيب جميله ولازم اعرف
مين اللى عمل فيها كده من اخواتى
= غفران دخلت على جميله فى اوضتها
وكانت قاعده على فرشتها وبتبكى
غفران.. انتى بتعيطى يا حبيبتى
جميله بصت لها وعينها كلها حزن وقالت :
بعيط على خيبتى وعلى انا فيه
انا خلاص يا غفران لازم اموت
نفسى وارتاح علشان الكل يرتاح
منى
غفران.. اوعى تقولى كده طول ما انا جمبك
بقولك ايه هيثم خدك وراح بيكى على فين
جميله.. راح بيه على معمل تحاليل
وعملت تحاليل وطلع فى جسمى
منوم كتير بس مش فاهمه ده ليه ويعنى ايه
غفران.. يا نهار اسود معقول منوم
معنى كده انك مظلومه زى ما انا بقول
جميله.. انا معملتش حاجه
غفران.. انا عارفه يا حبيبتى
ان شاء الله انا مش هسيبك ولازم افضحهمم
واجيب حقنا من عينهم
جميله.. اوعى يا غفران تقولى انى قولتلك
حاجه
غفران.. متخافيش بس انا لازم اعرف
هيثم هيتصرف ازاى
بس معنى انه مقالش حاجه انه بكده
واثق ومتأكد ان حد من البيت هنا
هو اللى عمل فيكى كده
جميله.. معرفش معرفش انا خلاص تعبت
وعدى اسبوع والتانى وفاديه مسيطره
وغفران بتراقب كل حركاتها
وفى نفس الوقت وجود غفران هون على
جميله كتير وباعد فاديه عنها
هيثم اتشغل فى خطوبته من اسماء
وفعلا خطبها ولبس شبكه
وفاديه الفرحه مش سيعاها
وكل تفكيرها انها تبعد جميله عن هيثم
لأنها معتقده ان جميله كانت حامل منه وهو
اللى ضحك عليه
وفى يوم فاديه دخلت على جميله اوضتها
وكان فى ايدها فستان وقالت: خدى يا بت
البسى ده
جميله.. ليه يا مرات عمى
.. كده دار صالح جايين يقروا فتحتك على محمد
غفران.. ايه ايه انتى بتقولى ايه
خطوبه مين على مين يا ست انتى
فاديه.. جميله يلا خلصى
غفران.. يا سلام من غير ما حد فيكم
ياخد رأيها
جميله.. حاضر يا عمه
فاديه سابتهم وخرجت
غفران.. والله العظيم لولا حرام كنت سمتها
وارتحنا منها وبعدين تجوزى ازاى وهى عارفه
فيكى ايه دى اكيد عاوزه تفضحك
جميله.. ابوس ايدك يا غفران
فاديه ست شرانيه وانا ما صدقت لاقيتك
غفران.. يعدى النهارده بس وانا هوريها الويل
فى دار صالح...
محمد بيطلب من شرين تروح معاهم الخطوبه
بس هى رفضت لأنها بتحب هيثم
وفى نفس الوقت اتأكدت من براءه صاحبتها
جميله ان هيثم خطب حد غيرها
وكده اسمهان كذابه
العريس جهز وخرج هو وابوه واخواته
على دار وهمان عم جميله
فى دار وهمان..
جميله جهزت والحزن فى عينها
والعريس وصل وقروا الفاتحه
وفاديه ملت الدار زغاريط وقالت
وسط كل الموجودين.. عروستنا جاهزه
من كل حاجه وان شاء الله الدخله وكتب
الكتاب الاسبوع الجاى والفرحه تبقى فرحتين
محمد صالح وجميله وهيثم على أسماء
جميله مستغربه من اللى بيحصل ومغلوب على
أمرها
ولما اهل العريس مشيوا هيثم كلم جميله
ووعدها انه مش هيسبها
وبعد كلامه معاها قرر يواجهه اخواته
فى اوضه هيثم..
شهاب وأيمن واقفين قدامه
شهاب.. فى ايه يا هيثم
ايمن.. فى ايه يا ابن ابويا خير
هيثم.. مين فيكم ضحك على جميله
شهاب.. ضحك على جميله ازاى يعنى
ايمن.. ها نعم انت بتقول ايه
هيثم.. جميله كانت حامل وسقطت
عارفين معنى الكلام ده ايه
شهاب.. يا حزنى البت جميله كانت
حبله وكمان سقطت وانا اللى كنت عاوز
اتجوزها انا كده فهمت قبل ما الولا محمد يخطبها
كلمت جميله ورفضت وحتى امى مرضيتش
ايمن.. معقول جميله كانت حامل
هيثم قال بعصبيه..
.. نعم لا والله وانا المفروض أصدق
ايمن.. البت دى لازم تموت وتندفن
هيثم.. مين فيكم اللى عمل كده
حد يرد عليه؟
شهاب.. عمل ايه
ايمن.. عمل ايه قصدك ان حد فينا
هو اللى ضحك على جميله
هيثم.. اومال مين انا
خلوا بالكم البت جسمها كله منوم
يعنى فى حد كان بيحط لها المنوم
ولما كانت بتنام كان بيعمل معاها علاقه
من غير ما تحس
ايمن.. يا فضحتنا فى البلد
شهاب.. بص يا عم هيثم انا عن نفسى
معملتش كده
ايمن.. ولا انا كمان
وسبوه وخرجوا
هيثم.. اومال مين بس انا مش عارف حاجه
خالص
والوقت بيجرى وعدى اسبوع ويوم
الخميس جميله فى الكوافير هى واسماء
عروسه هيثم
والدار جاهزه لفرح جميله ومحمد وهيثم واسماء
هيثم بيجهز فى اوضته ومش عارف
يعمل ايه فى موضوع جميله
والنهارده دخلتها وقال لنفسه
البت كده هتتفضح واحنا كمان والكارثه
انها مظلومه
فى دار صالح..
محمد العريس جهز ورايح الكوافير ياخد عروسته
وسط اهل البلد
فى دار وهمان..
هيثم خرج وخد العربيه وراح الكوافير
ياخد عروسته
=وبعد ساعه العرايس وصلوا دار وهمان
وكانت جميله زى القمر
وغفران واقفه معاها وعينها كلها قلق وخوف
على جميله
الدى چى اشتغل وكل الموجودين بيرقصوا
ويزغرطوا بفرحه العرسان
فاديه مسكت ايد جميله ورقصت معاها
وكانت فرحانه انها هتخلص منها
وقالت فى سرها : يلا فى داهيه
تنفضحى ولا لا احنا مالنا ما انتى هامله
زى امك ان شالله محمد يقتلك لما يعرف انك
مش بت ويخلصنا منك
اسمهان واقفه مع شرين وبتقول
خلى بالك جميله مش بت اخوكى اضحك
عليه وانتى ساكته بس خلاص كده
هتنفضح والكل هيعرف فضيحتها
كلها ساعه والبلد كلها هتتفرج على شرف العروسه
هههههه اللى من غير شرف ولا عرض
شرين.. يا شيخه اسكتى حرام عليكى
اتقى الله بقى انتى ايه اللى جابك
يلا غورى من هنا
اسمهان.. خلاص يا اختى منزقيش
=المأذون وصل وقعد والعرسان قعدوا
وجميله وأسماء قعدوا قصادهم
وابتدى المأذون يكتب كتاب هيثم على اسماء
ولسه بيكتب وفجأه وقع على بنطلون هيثم
شربات الفرح قام وقف واتعصب
ايمن.. قوم يا هيثم غيره بسرعه
وفعلا هيثم سمع كلامه ودخل اوضته بس افتكر
ان كل هدومه فى شقته وخرج تانى
ايمن.. انتى لسه مغيرتش
المأذون مستنى خلص يا عريس
هيثم.. الهدوم كلها فى الشقه فوق انا هطلع
ثوانى بس
ايمن.. بقولك فى اوضه ابوك جوه البدله التانيه
ادخل البسها
هيثم دخل جوه وقفل الاوضه عليه
وقعد يدور بس ملقاش حاجه
وفتح ضلفه الدولاب بتاعه ابوه وهمان
بس ملقاش حاجه
وقفلها وفتح ضلفه فاديه وقعد يدور
ووسط هدومها شاف شريط برشام ومسكه
وقال.. ده منوووووم
يتبع..
التاسع
👇👇👇👇👇
ج. 9...#عريس_فى_ورطه
هيثم شاف المنووووم فى ملابس امه فاديه
مسك الشريط بإيده وقعد على الكرسى وبقى
يكلم نفسه ومش مصدق ويقول
منوم يا يما معقول امى تكون هى
اللى عملت فى جميله كده بس ازاى
يعنى لما هى بتحط لها المنوم ولو نفترفض
فى الشاى او فى الاكل طيب مين
اللى عمل فى جميله كده
اكيد مش حد من اخواتى بس
هيكون مين انا مش فاهم حاجه
ورجع تانى وقال معقول لا لا لا
ولا لأ ما هو حاجه من الاتنين
اكيد امى بتحط لها المنوم وجميله تنام
واكيد بإلاتفاق مع حد من اخواتى
وبعد ما تنام يعمل معاها علاقه
بس مستحيل حد من اخواتى يعمل كده
انا كمان اتكلمت معاهم وكل واحد فيهم
كان صادق انا واثق من كده
يبقى مفيش غير التحليل التانى
ان امى كانت بتحط لها المنوم فى الشاى
وتتدخل عليها اى راجل والسلام
ولا راجل معين المهم ان جميله شرفها
يضيع وتتفضح بس كده امى تبقى قواده
لا لا لا مستحيل امى تعمل كده
وقال فى سره وليه ما تعملش
ما هى طول عمرها بتعذبها وبتكرهها
وبتعاملها زى الخدامه بس لأ مش معقول
ان امى يوصل تفكيرها انها تأذيها
بالمنظر ده وليه لأ اكيد هى عملت كده
=الباب بيخبط وكان ايمن
وقاله يلا يا عريس المأذون والعروسة
مستنين على نار هههههه
هيثم واقف متسمر مكانه وكأنه مشلول
ومش عارف يعمل ايه
وبقى يكلم نفسه ويقول
يعنى امى تعمل فى جميله بنت عمى
كده وانا اسيبها لوحدها انا لازم اتصرف
جميله مش اى بنت دى بنت عمى
ومتربيه معايا وكانت ضحيه لعبه قذره
ومن مين! من امى مرات عمها اللى عاشت
طول عمرها تخدمها وفى مقام امها
يااه انا مش عارف اعمل ايه انا فى ورطه
اعمل ايه يارب اسيب جميله تتجوز محمد صالح
وكلها ساعه والبت تتفضح ولا اعمل ايه
وبص فى المرايا وقال ما تتجوز ما انت سبتها
لحد ما محمد قرى فاتحتها وانت عملت ايه
يعنى حتى اخواتك لما عرفوا سبوها
كانوا عملوا ايه حتى انت سبتها
لأمك تخطب لها محمد وانت عارف
انها مظلومه ومعملتش حاجه
سبت عرضك وشرفك لغيرك
وكأنك بتتخلص منها
الباب بيخبط وكانت فاديه..
وقالت من ورا الباب يلا يا هيثم
العروسه مستعجله يا ولا
هيثم قال لنفسه جميله عرضك وشرفك
انقذها ورد على نفسه طيب وأسماء
دى حب عمرى اعمل معاها دى ممكن تموت
فيها انا فى ورطه النهارده انا العريس
بس فى ورطه امى ضحكت على بنت
عمى وبنت عمى شرفى وعرضى
انا لازم استر عليها
.. فاديه زقت الباب ودخلت
فى ايه يا ولا اتأخرت كده ليه
= هيثم ارتبك لما شافها وخبى فى جيبه
شريط المنوم بسررعه قبل ما تشوفوا
فاديه قربت من الدولاب وقالت :
ايه ده مالك قالب الدولاب على بعضه ليه
كده
¬ كنت بدور على البدله يما
.. وحيات ابوك انت شكل كده العروسة
طيرت دماغك من اولها هههههه
يا ولا يا متعلم يا ابن المدارس
يا ابو مخ نور انتى بالذمه كده معقول
البدله تكون فى ضلفه الدولاب
¬ اومال فين يما
.. شاورت بإيدها على الحيطه وقالت :
متعلقه فى المسمار يا ابن فاديه
= هيثم بص ب استغراب وقال
معلش يما مخدتش بالى
فاديه قربت منه وقالت :
مالك فيك ايه يا هيثم
¬ مفيش يما انا بس قلقان شويه
.. ههههه الليله ليلتك يا عريس
¬ يما انتى بتكرهى جميله اوى ليه كده
فاديه اتهربت من سؤاله وقالت :
حقه ده بيكتبوا كتب كتاب جميله
هيثم خرج يجرى وقال فى نفسه
لأ لازم اكون راجل مينفعش
جميله تتفضح انا لازم استر
على بنت عمى ولما خرج كان لسه المأذون
بيكتب بس هيثم قرب منه ومسك ايده
وقال : ثوانى
المأذون.. فى ايه يا عريس اتأخرت كده ليه
هيثم.. انا اسف
اسماء قاعده مبتسمه وفى عينها الخجل
هيثم عينه فى عينها وقال :
انا اولى ببنت عمى جميله
انا اللى هتجوزها
جميله.. ايه
غفران.. ابن ابوك وراجل اتقهرى يا فاديه الكلب
فاديه قالت وهى مذهوله وبتنهار فى نفس الوقت نعم بتقول يا ولا جميله ايه دى
وعروستك يا ابن بطنى حبيبتك اسماء
هيثم.. انا مش هتجوز غير جميله يما
=اسماء قامت من مكانها واقفت قصاده وقالت والدموع فى عينها وبتنهار..
.. انت مجنون انت بتقول ايه
¬ بقول مش هتجوز غير جميله يا اسماء
بنت عمى
ضحكت والدموع نازله من عينها :
.. بنت عمك مين النهارده فرحتنا
اللى انا وانت بنستناها
انت فيك حاجه غريبه فيك ايه
لا لا انت مش هيثم وابتدت تنهار
ومسكته من البدله وقالت : رد عليه
انت بتعمل ليه كده
مسك ايدها وبص للمأذون وقال :
اكتب كتابى على جميله
محمد.. انت بتقول هو لعب عيال
يا جدعان ولا ايه
يعنى ايه انت اولى ببنت عمك
لما انت أولى بيها اتفقتوا معانا ليه
من الاول وواقفتوا على جوازى منها
=شرين واقفه متسمره مكانها وبتتفرج
ومش مصدقه نفسها
اسمهان قربت منها وقالت🔥
مش قولتلك هتاخد هيثم منك
البت هامله وفاجره خافوا عليها
من الفضايح ما انا قولتلك انها مش بت
علشان تصدقى يا حلووه
شرين.. كل كلامك طلع صح يا بت
انا اللى قهرنى فضيحه اخويا قدام
اهل البلد إنما هو يلا يغور بيها
اسمهان.. انا عارفه انك بتحبيه يا بت
وبتموتى فيه كمان بس ميستهلش
ضفرك صدقينى
شرين.. ما هو كده كده كان هيتجوز من
واحده غيرى بس جميله لأ
دى صاحبتى وعارفه كل حاجه
واكتر واحده كنت بقولها انا بحبه قد ايه
انا مش مصدقه نفسى تعمل فيه كده
اسمهان.. ما انا قولتلك دى بت مش سهله
بس انا مش هسيبها هو يعنى
علشان هتتجوز ابن عمها تبقى كده
خلاص اتسترت وحيات امها
لافضحها واخلى جرستها وفضيحتها
على كل لسان
شرين.. يا فضيحتك وسط اهل البلد
يا محمد
هيثم.. اكتب يا شيخنا
فاديه.. لا اسماء عروستك مش جميله
اوعى تكتب يا شيخ انا بقولك اهو
هيثم.. يما يما اسكتى انتى بالذات يما
غفران قربت منها وقالت : ما خلاص يا مرات
ووشوشتها وقالت : ابنك راجل سبيه يشيل
طينك وطين عيالك
سيبيه يستر على بنت عمه شرفه وعرضه
ولا عاوزاها تتفضح قدام اهل البلد
ده حتى عيب فى حقك
دى جميله تربيتك
سيبى الجوازه تتم يا فاديه
يأما والله العظيم اخليكى تنامى على البرش
باقى عمرك كله
فاديه رجعت لورا وسكتت وبان عليها الارتباك
والخوف من كلام غفران؟؟؟؟
== محمد خد اهله ومشى وهو زعلان وراسه
فى الأرض قدام اهل البلد
وعلى لسانه كلمه واحده حسبى الله ونعم الوكيل
فيكم يا دار وهمان
اسمهان مسكت ايد شرين وقالت :
بت يا شرين خليكى
شرين.. اخلينى انتى مجنونه يا بت
ابويا واخواتى واهلى كلهم ماشين
مكسورين الخاطر وعاوزانى أقعد
تحرم عليه الدار دى باللى فيها
اسمهان.. استنى لما تشوفى فضيحتها
وشوفى انا هعمل ايه
شرين.. افضيحها ولا ولعى فيها
وانا مالى سلام
. ومشيت شرين مع أهلها والدموع فى عينها
معتقده ان جميله خدت هيثم منها
اسمهان.. اصبرى عليه يا جميله
بس نشوف كتب الكتاب هيتم ولا لأ
وشافت مشاده بالكلام بين اهل اسماء
وهيثم وانتهت ان طلب منهم يفضوا
الشقه وياخدوا حاجه اسماء كلها
وقرار جوازه من جميله مش هيرجع فيه
اسماء اغمى عليها وأهلها خدوها ومشيوا
ايمن قرب من هيثم وقال : ايه اللى جرى
يا ابن ابويا قولى انا حاسس ان فى حاجه
فى ايه قولى.
هيثم.. انت عامل عبيط وانت عارف كل حاجه
انا فى ورطه وانت عارف كده كويس ولازم اتجوز جميله استر عليها بنت عمك يا جدع
ايمن.. ورطه قصدك الموضوع الياه
المأذون.. اقعد يا ابنى انا اتأخرت
فاديه واقفه مكانها وخايفه من كلام غفران
جميله قاعده مكانها ومغلوب على أمرها
غفران.. يلا يا هيثم اقعد الف مليون مبروك
والله لايقين على بعض اوى
ووطت على جميله وقالت :
فعلا ابن عمك أولى بيكى يا قلب اختك
مبروووك مبرووووك ♥️😘
وهمان ابوه واقف ولا كأنه موجود
زيه زى الحيطه..
=المأذون ابتدى يكتب كتب الكتاب
قدام الكل وبعد دقايق أعلن المأذون
زواج هيثم من جميله
اسمهان.. لولولولولولى لولولولولولى
مبروك يا عرايس مبروك
يا هيثم مبروك يا بت يا جميله
= وهمان قرب منه وقال خد عروستك على اوضتك
عقبال ما اهل البت اسماء ياخدوا حاجتها
مش ناقصين مشاكل
هيثم قرب من جميله ومسك ايدها
وفتح باب اوضته قدام الكل ودخلت جميله
وهو وراها
اسمهان قربت منه وقالت احنا مستنين يا عريس
هيثم تنح وقال : مستنيه ايه يا بت
اسمهان قالت قدام الكل اه ما احنا مش هنمشى
غير لما تتدخل على جميله
وكلنا نطمن عليها
انا لازم امسك المنديل بتاعها واللف بيه
على البلد كلها
هيثم.. الحاجات دى بطلت يا بت
وبعدين وانت مالك انتى
اسمهان.. لازم اعمل كده ولا ايه يا عم وهمان
البت عايشه وسط ٣ شباب ولاد عمها
لازم نحط شرفها فى عين التخين
وهمان رفع البندقيه وقال :
يلا يا ولا ادخل واطلع ارفع راسنا
احنا كلنا واقفين على الباب مستنين
شرف جميله بنت اخويا
وقال : يلا يا فاديه ادخلى معاهم
غفران.. الكلام ده قديم اوى
وهمان.. دى عوايدنا يا بنتى عقبال
ما افرح بيكى يا بنت اخويا
غفران واقفه مكانها مذهوله
اسمهان قربت من واحده ليها مكانه فى البلد
وقالت : عمه صباح ادخلى مع عمه فاديه
صباح.. حاضر يا بت عقبالك
وعقبال ما نفرح بيكى
صباح مسكت ايد فاديه ودخلوا على جميله
وكانت قاعده على السرير
هيثم.. فى ايه يما لا يا عمه صباح مينفعش
كده
صباح قربت منها وبكل قوتها...