"الفصل التانى"والثالث
رواية😍 عشق الهوي.
- ايه يا بسمه اسكتى هنطرد
-ما انتى مش عارفه حاجه
* فجأه سكت خالص دا انا لسه مهزقاه الصبح و كان ناقص اصوت ف وشه
اكيد هيشيلنى الماده اوبح اكيد هههههه
و لاقيتنى ببتسم اوى زى العبيطه
و فجأه لاقيت عيونه ف عيونى و مركز اوى
ف وقعت قلمى بحيث ادور عليه و اهرب من عنيه
و نزلت تحت البنش ادور
- با بشمهندسه بسمه
*طلعت بدماغى كده و رفعت القلم ف الهوا
- كنت بدور على قلمى
- هههه طب اقعدى و ركزو معايا ، انا اسمى مصطفى عادل و عندى 32سنه اعتبرونى اخوكم الكبير و انا مش هضايق حد فيكم ف حاجه اذا التزمتو معايا اتفقنا
**خلصنا السيكشن و طريقه شرحه كانت ممتازه الحقيقه و خلانا نحب الماده دى رغم اننا كنا متعقدين منها كلنا
و مش حسينا بالوقت ابدا طول ما هو بيشرح و خلاص السيكشن و المحاضره خلصو
و خرجت بسرعه قبل ما ينده عليا
اخدت ريهام و كنا ف طريقنا للكافيه
- ايه اللى هببتيه جوا ده ؟
- اقعدى هحكيلك
- طب استنى اجيب قهوه اجبلك الشاى بتاعك
- حبيبى يا فاهمنى
* راحت جبتهم و جت و حكيت لها على كل حاجه و فضلت تضحك عليا
- ههههههه شوحتى له يا بسمه
-ايوه والله هو اللى مستفز اوى والله بيصحينى ليه هاه كانت بلاكونته يعنى
- يا بنتى هو ميعرفش انك نايمه بمزاجك فكرك مثلا تعبتى و لا حاجه
- ولو برده ، بس شكله هيشيلنى الماده ههههه ما انا مش عملت فيه قليل برده
- ولا اعرفك
- ما شاء الله على نداله الصحاب ، و بعدين ولا عمره يقدر يعملى حاجه اصلا يعنى
*سمعت صوته ورايا
- احم ليه هتعملى ايه يا بسمه
- هعيط اقسم بالله هعيط
- ههههه ليه بس
- باظت باظت خالص
- هههههه انتى مشكله و الله
* طبعا ف الوقت ده غدر الصحاب اشتغل و ريهام اخدت قهوتها و مشيت و بتعملى باى اه لو امسكك هعمل منك بطاطس محمره والله
- بطاطس ايه
- انا قولت بطاطس
- ايوه
- يا حلاوه انا كنت بكلم نفسى بس مش تاخد ف بالك يا دوك
- ماشى ، عموما يا ستى انا جيت اوضح لك سوء تفاهم
انا اول يوم شوفتك فيه
كل اللى حصل انى لاقيتك خارجه من البيت و بتعيطى و بتجرى مشيت وراكى عشان خوفت يحصل لك حاجه و لما شوفتك بتوقعى جريت الحقك بس كنتى وقعتى
و طبعا بتسألى ليه انا ف البيت اللى قدامك
- دا بيت والدى ورثه من جدى الله يرحمه و لما انا جيت الكليه هنا ف هقعد فيه و لما لاقيتك نايمه ع الكرسى ف البلاكونه خوفت تكونى تعبانه بس
- اها فرصه سعيده يا دكتور و اسفه جدا والله انا مكنتش اقصد ابدا والله
- لا ولا يهمك لو احتجتى اى شئ انا موجود
- شكرا يا دوك
- العفو يا ستى
- تشرب شاى و لا اجيب لحضرتك قهوه
- ممكن شاى بس خليكى انا هجيب
**فعلا جاب لنا شاى و كان فيه جزئيه مكنتش فهماها ف قعد شرحهالى و خلصنا
- هى اللى شوفتها معاكى الصبح دى والدتك ؟
- لا دى تيته انا عايشه معاها
- اها ربنا يخليكو لبعض يارب
*كان لابس دبله ف ايده الشمال ف فهمت انه متجوز
- يارب و يخلي لك اولادك هو حضرتك عندك ولاد
* ابتسم بحزن و بص ف الارض
- لا معنديش
- ربنا يرزق حضرتك يارب
- يارب
*استأذنت منه و مشيت و روحت
- تيته انا جيت
- تعالى يا حببتى انا ف المطبخ
**روحت لها بوستها و اتغدينا و قعدت اذاكر
و بعدين تيته كانت دخلت تنام
ف قولت اروح اصحيها احنا بقينا المغرب
- تيته
- ...........
-تيته انتى مش بتردى عليا ليه
-.........
**حسيت انى ذى المشلوله مش قادره اتحرك مش عارفه اعمل ايه
طب اكلم مين احنا مافيش حد حوالينا ابدا
طلبت الاسعاف اتأخر اوى
ف لبست طرحتى وانا منهاره و طلعت اجرى بره اشوف اى حد ياخدنا المستشفى
و مكنتش ملاحظه انه فيه حد متابعنى
و كان هو مصطفى .لاقيته جاى لى جرى
- مالك يا بسمه فى ايه بتعيطى ليه
- تيتن تعبانه اوى مش بترد عليا وانا مش بعرف اسوق
- طب اهدى و تعالى انا معايا العربيه
هاخدها و نروح اقرب مستشفى
- ماشى
** مصطفى شالها و قعدت ف الكرسى اللى وراه و اخداها ف حضنى و قعدا اكلمها
-تيته بالله عليكى مش تروحى و تسيبينى انا ماليش حد غيرك
قومى يالا فوقى يا تيته
مش انتى قولتيلى عمرك ما هتسيبينى ابدا
**بعد حوالى 10دقايق وصلنا المستشفى و الدكاتره اخدوها يكشفو عليها و مصطفى كان بيحاول يخلينى اهدى
- اهدى يا بسمه ، تيته هتبقى بخير متعيطيش
- مكنتش بترد عليا اول مره انده لها و مترودش عليا
- هتبقى بخير والله اهدى
**بعد شويه خرج الدكتور
- ازيك يا بسمه
- الحمد لله يا عمو امجد انا بخير تيته عامله ايه
- اهدى هى بخير يا حببتى و شويه و هخليكى تشوفيها كمان ، بس عايز رقم باباكى
- مش معايا رقمه
- طب اهدى و شوفيه ف موبيل تيته
- حاضر
**اديته الرقم من موبيل تيته و قعدت احمد ربنا انها بخير
و بعد شويه حوالى ربع ساعه سمحولى اشوفها و مصطفى دخل معايا
جريت حضنتها
- كده تخوفينى عليكى يا تيته
- متخافيش يا عمرى انا كويسه اهوه
* و هنا مصطفى اتكلم
- حمدالله على سلامة حضرتك
- الله يسلمك يا ابنى انت مين
- دا يا تيته دوك مصطفى حفيد جدو
احمد جارنا و كمان دكتورى ف الكليه
و هو اللى جابنا المستشفى
- والله يا ابنى ما عارفه اشكرك ازاى
- لا متقوليش كده ابدا ربنا يشفيكى يارب
- يارب يا ابنى
**مصطفى خرج و تقريبا راح للدكتور
و كان بيسأله عن حالتها
- للاسف دى غيبوبه سكر
- لا حول ولا قوة الا بالله
- هو حضرتك قريبها
- لا انا جارهم
- اها
** فجأه بابا جه و معاه عمى ادهم
شوفته مش اتحركت من مكانى حتى
انا شوفت بسببه كتير اوى
و بسببه عيشت عمر اكبر من عمرى
عمى جالى و اخدنى ف حضنه
- بسمه
- ازيك يا عمو
- الحمد لله بخير يا حببتى انتى عامله ايه
- انا بخير الحمد لله
- متخافيش انا معاكى اهوه ومش هسيبك تانى
- ربنا يخليك ليا
**بابا دخل لتيته و اتكلمو و لاقيت صوتهم عالى كل ده و انا متخيله انه مصطفى مشى
ف دخلت لهم جوا
- انا مش هسيب بيتى يا اكمل
- يا امى انا عايزك جنبى عشان اكون مطمن عليكى انتى و بنتى
- و بنتك مش هتيجى معاك و لا كمان تيته
خليك ف حياتك اللى اختارتها يا بابا و سبنا ف حالنا
عايز تطمن عليا دا انا معرفش يعنى ايه احساس الابوه ده مش عارفه احس تجاهك احساس اى ابن تجاه ابوه لانى شوفتك ف عمرى كله كام مره بس
**هنا عمو ادهم اتدخل
- اهدى يا حببتى و انت كمان يا اكمل طول بالك
**سبتهم و طلعت بره قعدت قدام المستشفى على السلم
لاقيت مصطفى قاعد جنبى
- حقك عليا انا متزعليش
*اول ما سمعت الجمله دى و كأنه بيقولى عيطى
عيطت كتير اوى
- اهدى عشان خاطرى
- انا خايفه ياخدنى من هنا انا مش عايزه اروح ف اى مكان
- متخافيش من حاجه
- انا طول الوقت خايفه مافيش حد بيطمنى غير تيته
- ربنا يخليهالك يارب و انا كمان معاكى اهوه
**قعدنا نتكلم كتير و لما رجعت لتيته كان بابا و عمى راحو يجيبو لتيته هدوم من البيت
وقتها انا قعدت جنبها و نمت
دخل مصطفى
-حضرتك عامله ايه دلوقتى
- الحمد لله بخير يا ابنى معلش سهرناك اوى معانا
- بصى يا تيته انا عرفت اللى حصل لبسمه كله و ربنا وحده العالم انا بعزها ازاى
و الحل الوحيد انى اخطبها منك و هتكون ف امان معايا انا عارف انه لا وقته و لا مكانه بس انا مش عايزها تعيط تانى
انا اسمى مصطفى و حضرتك عارفه جدى الله يرحمه و عائلتى كلها كمان
انا عايز اصارحك بحاجه قبل اى شئ انا كنت متجوز و مراتى عملت حادثه و ماتت من سنتين و سبت القاهره و جيت اهنا و اول ما شوفت بسمه حركت شئ جوايا
و ارجوكى الكلام ده يكون سر بينا
- انا موافقه يا ابنى
- و انا اوعدك انى هحافظ عليها و هكون ليها اب و اخ و صاحب
"الفصل التالت"😍
- ربنا يريح قلبك يا ابنى
- يارب و يخليكى لينا يا ست الكل
*صحيت الساعه 12بليل لاقيت بابا و عمو جابو الهدوم بتاع تيته اول ما شوفتهم قومت قعدت و هنا عمى قال لبابا
- قوم انت روح يا اكمل انا هبات معاها الليله
- خلينى هنا يمكن تحتاج حاجه
- لا متقلقش انا موجود
- ماشى وانا هاجى لكم بكره ان شاء الله
- ان شاء الله
**ف الوقت ده عمى قعد معانا
- بسمه
- ايوه
- قومى يا حببتى اروحك تنامى و ترتاحى شويه
- لا مش هسيب تيته
- انا عايز راحتك
- انا مرتاحه جنبها
- ماشى يا حببتى
**طلعت اقعد ف البلاكونه بتاع اوضه تيته ف المستشفى
و نمت تقريبا لانى مطمنه انه عمى ادهم قاعد مع تيته
- حمدالله على سلامتك يا ماما
- الله يسلمك يا حبيبى
- ادهم عايزاك ف حاجه مهمه
- خير يا ماما
- بسمه جاى لها عريس كويس جدا و جنبى هنا و عايزاك توقف معايا عشان اخوك مش يكبر دماغه و ياخدها دى تموت فيها
- لا بعد الشر عنها ، انا معاكو ف اى حاجه بس هى بسمه تعرفه ؟
- هى عارفاه لانه ساكن قصادنا و ف نفس الوقت دكتورها ف الجامعه
- طب ما شاء الله و اكمل هيرفضه ليه بقى
- مش اكمل اللى هيرفض ، بسمه هى اللى انا خايفه من ردها ،بنت اخوك اتعقدت بسبب عمايل اخوك فيها و شايفه انه كل الرجاله زيه
- لا حول و لا قوة الا بالله ، طب و هنعمل ايه
- سيب موافقه بسمه عليا بس اهم شئ تهدى اخوك و تلين دماغه عشان مش يرفضه
- حاضر يا امى ربنا يتمم لها بخير يارب
**انا اتصدمت من اللى سمعته انا صحيت فجأه و سمعتهم و فجأه قولتلها
- هو انتى زهقتى منى يا تيته عشان كده عايزه تجوزينى ؟
- اوعى تقولى كده انا والله خايفه عليكى بس و عايزه اطمن عليكى قبل ما اموت يا بسمه والله
- بعد الشر عنك يا تيته
- مصطفى انسان كويس والله
**عمو جاله مكالمه ف خرج بره الاوضه
- يا تيته دا متجوز
- لا بصى الموضوع ده هو هيفهمه لك
بس هو مش هيبقى ف حياته حد غيرك
- انا مش عايزه اتجوز يا تيته
- ليه يا عمرى
-عشان معنديش ثقه ف حد
- عشان خاطرى يا بسمه
**انا خوفت على جدتى اوى خوفت تتعب زياده ف قولت نقفل الموضوع ده حاليا
- حاضر يا تيته هفكر
** انا كنت برتاح لمصطفى لكن بعد ما اتقدم لى و انا حسه انى عايزه اولع فيه
**بعد كام يوم رجعنا البيت و تيته بقت احسن و انا بدات انزل الكليه و اشوف المحاضرات و السكاشن اللى ضاعت منى
اطمنت على تيته و نزلت الكليه ريهام كلمتنى
-ايوه يا ريهام
- مال صوتك ؟
-انا بخير
-طيب يالا باقى 10دقايق عن سيكشن دوك مصطفى
- انا قاعده ف الكافتيريا لكن مش هحضر له حاجه
-ليه ؟
- مش عايزه و خلاص
-اقفلى انا جايه لك
-لا احضرى السيكشن هيفوتك
-انتى اهم عندى
**لسوء الحظ مصطفى دخل المدرج قبل ما ريهام تخرج
- دوك بعد اذنك انا لازم اخرج
- فى حاجه ؟
- طب اتفضلى
- شكرا يا دوك
** ريهام جت لى و قعدت جنبى
- مالك يا بنتى؟
- مصطفى متقدم لى
- مصطفى مين دوك مصطفى
-ايوه
- بجد الف مبروك يا روحى
-انا مش عايزاه
- ليه يا بنتى دا البنات هتموت عليه
- البنات اه انا لا
- طب قوليلى انتى رفضاه هو و لا الجواز عموما
- الاتنين ، عارفه لو شوفته هولع فيه
- هههههههههه معاكى ولاعه
- ليه
- بصى وراكى و انتى تعرفى ههههههههه
- هو صح ؟
- أينعم ، همشى انا بقى
- استنى يا بت ، يا ريهام
**جه قعد قدامى
- انا جيت لك اهوه
- ليه مش عندك سيكشن
- مش عرفت اشرح لهم حاجه وانتى مش موجوده
- نعم
- نعم الله عليكى
- انا مش عايزه احضر
- و الغياب ؟
- خدنى غياب
- لا هاخدك انتى
- هو حضرتك جايب الثقه دى منين ؟
- فى واحده تقول لخطيبها حضرتك
- انا يا سيدى اما حاجه غريبه
- يعنى انتى وافقتى
- انت كلمت تيته ليه ؟ و هى تعبانه و مش هعرف ارفض لها طلب
- ما انا عارف
- لا والله
- اه والله ، فطرتى ؟
- لا حول و لا قوة الا بالله
- ايه
- هو مش حضرتك متجوز ؟
- كنت
- يعنى طلقتها اكيد طلعت عينها
**كنت متغاظه منه ف عشان كده قولت كده لكن فجأه وقف و قالى
- لا ماتت
- انا اسفه والله ربنا يرحمها
- يارب ، ولا يهمك متتأسفيش تانى على حاجه
- حاضر
- يحضرلك الخير يارب ، انا جعان و مش هفطر لوحدى
- ثوانى هجيب لك اكل
- لا تعالى نخرج ناكل بره ، انا اخدت الاذن من جدتك
**انا مش عايزه اروح ف اى مكان بس شكله صعب عليا والله
ف وافقت
-ماشى
**خرجنا و اكلنا و طلب لنا شاى
-هو انا زعلتك ف حاجه ؟
- لا ليه بتسألى
- اصلك كنت بتضحك و احنا ف الكليه و لما جينا هنا كشرت كده
**عملت ريأكشن التكشيره على وشى
- ههههههههههه جاك هنا
- يارب و انت كمان
- انا عايزه اتكلم عليك معاكى ف حاجه
- ايه هى ؟
- انا اتجوزت ياسمين وانا عندى 25سنه و عيشت معاها 5 سنين كانت اجمل سنين حياتى
و ربنا اراد انه ياخدها منى و له فى ذلك حكمه
بصى سيبينى اسأعدك
و والله عمرى ما هضايقك
*ابتسمت
- يعنى انت بتعمل كده عشان تساعدنى ؟
** كان جواه بيقول مضطر اكدب عليكى واقول لك ايوه لكن
بالله انا من يوم ما شوفتك و انا قلبى دق لك
لما بشوفك بحس انه نفسى بيروح
- ايوه بعمل كده عشان اساعدك
-يعنى لو قولتلك سيبنى ف اى وقت هتسيبنى ؟
* ابتسم
- هعمل كل اللى انتى عايزاه
- على فكره انت حلو خالص والله
- هههههههههه حلو خالص ازاى يعنى
- لا يعنى انسان كويس و طيب
- وانا اللى فكرتك بتعاكسينى
- نعم
- بتقلبى عبده موته ف لحظه
- هههههههه
- طب قومى يالا اروحك و تقولى لتيته انى هاجى ازوركم بكره ان شاء الله
- حاضر
** الموضوع كان متيسر اوى و كل حاجه تمت بكل سهوله
و بابا وافق و ماما كمان و
و جه يوم الخطوبه كانت ريهام عندى كنت لابسه فستان اوف وايت و تيربون بنفس اللون
و كلهم كانو حواليا
ماما حضنتنى و بابا واقف بعيد
و مصطفى كمان اتكسفت من نظراته ليا والله
- ايه الجمال ده
- شكرا ربنا يخليك
- ربنا يقدرنى و اسعدك
- يارب
**كنت متوتره اوى المفروض انها جوازه كده و كده عشان بابا مش ياخدنى
بس هو مش بينزل عيونه من عليا
و ده خلانى متوتره جدا
و فجأه لاقيت مأذون داخل وقفت بسرعه
- ايه ده ؟