رواية عشق الصقر الفصل الحادى عشر11والثانى عشر12بقلم شهد طارق

جه الليل فى قصر الصقر ..

كان واقف بيبص على الجنينة .. لأن ازاز الفيلا شفاف ..

نزلت شهد على السلم بفستان سهرة جميل جداا .. كانت فرحانة لأنها اول تلبس فستان زى دة ..

وقالت : صقر ..

لف ليها وانبهر بجمالها الواضح .. كانت رائعة .. الفستان أظهر جمالها اكتر واكتر ..

فضل سرحان فى جمالها لحظات ..

شهد : يا صقر صقر ..

فاق من سرحانه وقرب منها ..

صقر : انتى حلوة اوى ..

شهد بكسوف : ميرسي ..

صقر : يلا ..

شهد : احنا هنروح فين ...

صقر : مفاجأة ..

##########################

بعد شوية ..

وصلوا مطعم مشهور اوى فى اسكندرية ..

وكان متزين بطريقة جميلة جداا كله ورد وشموع ..

شهد بفرح طفولى : كل دة عشانى ...

صقر : اه يا قلبى عشانك .. تعالى يلا نقعد ..

خدها وقعدوا على تربيزة بتتوسط المكان على موسيقى اجنبى هادية جداا ..

بعد ما قعدوا شاور بإيده لشخص ما ..

جاب علبة شيك جداا ..

وفتحها ليها ..

شهد : ايه دة ..

صقر : ديه شبكتك ..

شهد بفرحة : بجد ..

صقر : طبعا بجد .. هو ينفع واحدة تتخطب من غير شبكة ..

لبسها شبكتها وكان طقم الماس كامل ..

شهد : هو دة دة الماس ..

صقر : اه ..

شهد : انت بتهزر ..

صقر : انتى خطيبة صقر المنياوى .. وغير كدة انتى حبيبة صقر المنياوى يعنى تلبس اغلى حاجة ..

شهد : انت بجد بتحبنى اوى كدة ..

صقر : عايزك يا شهد تنسي الشخص ال شوفتيه فى الأول .. امحيه .. انتى جيتى خلقتى شخص جديد او طلعتى صقر الحقيقى .. أو شيلتى القناع ال كان لابسه ..

انتى حبيبتى .. روحى .. حياتى .. واتمنى انك فعلا تحبيتى يا شهد وانا هعمل كل حاجة تسعدك ... واوعدك أن يوم عيد ميلادك ال ١٨ .. هعرف من إجابة سؤالى لو جاوبتينى اه هعملك اكبر فرح فى الدنيا كلها وهرجع اهلك ونعيش احلى حياة فى الدنيا .. 

وكمل بحزن .. لو قولتى لا هقطع الورقة وهرجعك لأهلك .. وهبعد عن حياتك تماما .. بس ساعتها انا مش عارف هكون عامل ازاى .. 

ساكتة ليه ...

شهد : مفيش بسمعك ..

صقر : مش عاجبك كلامى ..

شهد : بالعكس .. كلامك عاجبنى جدااا .

صقر : تعالى نقوم نرقص ..

شهد : مبعرفش ارقص ..

صقر : تعالى هعلمك ..

قاموا يرقصوا وعملمها خطوة خطوة .. وكانت فى قمة سعادتها كان نفسها تنطق وتقوله انها بتحبه بس كانت عايزة تتأكد من مشاعرها .. فضلت انها فعلا تستنى ليوم عيد ميلادها ال ١٨ ..

خلصوا كل حاجة .. وقاموا يمشوا .. 

شهد وهى شاردة وباصة الطريق وسرحانة فى سعادتها .. افتكرت .. انها زى اى بنت كان نفسها يوم ما تتخطب تبقى وسط عيلتها .. وهربت منها دمعة ..

صقر فجأة شافها بتنزل دموع ..

صقر بفزع : مالك يا قلبى بتعيطى ليه ..

شهد وهى بتمسع دموعها : متخافش انا مش بعيط .. الهوا بس جامد فوجعلى عينى ..

صقر مصدقهاش بس حاول يجاريها : ممكن اخدك فى حضنى ولا هتضايقى ..

شهد هزت راسها بمعنى لا ..

وخدها فى حضنه .. 

شهد : صقر ..

صقر : قلب صقر ..

شهد : انت بعت الجوابات ..

صقر : اه يا حبيبتى .. عايزة حاجة تانى ..

شهد : لأ شكرا .. صقر هو انا هكمل دراستى ازاى ..

صقر : متخافيش هتكملى .. قوليلى انتى عايزة تدخلى كلية ايه ..

شهد : اعلام ..

صقر : اشمعنا ..

شهد : عايزة ابقى مخرجة تليفزيون ..

صقر : امممممم حلو ..

شهد : صقر هو انت خريج ايه ..

صقر : هندسة ..

شهد : اممم حلوة ...

صقر : هههههههه ماشي ..

############################# 

عند بيت شهد ..

بيخبط الباب ..

فاتن : أيوة مين .. هو محدش بيرد ليه ..

فتحت ملقتش حد .. جت تقفل الباب لقت جواب ..

فاتن : ايه الجواب دة ..

فتحت الجواب ..

(( امى حبيبتى .. بابا حبيبى .. انا شهد .. أيوة شهد .. انا كويسة متخافوش ... سامحونى .. والله غصب عنى بعدت مش بإرادتى تماما .. عمرى ما كان بإرادتى ابعد عنكم انتو حياتى ومش انا ال بعدت .. فى حاجة بعدتنى وخلتنى اختفى بالشكل دة .. مش هقدر اقول لكم اكتر من كدة بس ببلغكم انى بجد كويسة جدا .. وعايزة اقول لكم انتى وبابا ارجعوا لحياتكم عادى انتى وبابا وافرحوا .. لغاية ما ارجع بس انا مش عارفة خرجت امتى .. بس انا هطول شوية بس وعد هرجعلكم .. وعايزة اقولكم انكم وحشتونى اوى اوى ... سامحونى .. )) 

                                             بنتكم شهد ...

فاتن : طارق يا طارق ..

طارق : فى ايه يا فاتن ..

فاتن : شهد بعتت جواب ..

طارق : بتقولى ايه هاتى ..

بعد ما قرا الجواب ..

انا مش فاهم حاجة يعنى بعدت عننا غصب عنها و مش هترجع دلوقتى .. انا انا مش فاهم حاجة ...

فاتن : ولا انا ..

#############################

عند روان ...

حصل نفس الكلام بس ال خدت الجواب مامتها وقرأت عليه ل روان وليد ..

مامتها : روان الجواب دة لقيته على الباب ومكتوب أنه ليكى ..

روان بإستغراب : جواب وليا ..

هاتى ..

(( روان حبيبتى .. صحبتى بنت عمى .. أيوة انا شهد .. وحشتينى يا رونى .. انا كويسة يا روان .. صدقينى كويسة .. بعدت غصب عنى والله يا رونى .. فى حاجة بعدتنى .. بس هرجع متخافيش بس للاسف هطول شوية .. بس عايزة ترجعى روان ال ضحكة مالية وشها روان المرحة .. روان ال مغلبانى .. وحشتينى اوى نفسي اجى احضنك .. ونقعد نهزر طول السكة .. صدقينى كل دة هيرجع .. استنينى يا روان .. سامحينى ..)) 

                                            شهد ..

روان : انا انا مش فاهمة .. بس بس كدة شهد كويسة معقولة .. طب بعدت ليه .. بس الحمد لله انها كويسة ..

###########################

بعد ما شهد وصقر وصلوا القصر ..

طلعت اوضتها بهدوء .. 

وبعد شوية ..

طلع صقر اوضة شهد وخبط عليها مردتش .. ف قلق وقرر يدخل ..

لقاها قاعدة على الكرسي فى البلكونة سرحانة ..

بس حاسس من شكلها انها حزينة ومتضايقة ..

راح حط ايده على كتفها وقال ..

انا ضايقتك ..

... فاقت من سرحانها وقالت ..

صقر .. ليه بتقول كدة ..

لف نفسه واعد ادمها ..

صقر : من ساعة ما كنا فى العربية وانتى حالك اتغير ..

شهد : مفيش حاجة انا كويسة ..

صقر : شهد متسبنيش دماغى تجيب وتودى .. قولى مالك ..

شهد : خايفة تزعل ..

صقر : لا متقلقيش مش هزعل ..

شهد : كان حلمى زى اى بنت خطوبتها تبقى وسط أهلها واصحابها وبحفلة كبيرة .. وكل الناس عارفة انى اتخطبت .. لكن ..

صقر : حقك عليا انا عارف انى حرمتك من كل دة .. 

بس صدقينى هعوضك كل دة ب احلى فرح ..

اوعدك هعوضك عن كل حاجة حرمتك منها ..

شهد : وانا مستنية توفى بوعدك ..

صقر : هسيبك تنامى .. عايزة حاجة قبل ما تنامى ..

شهد : شكرا ..

صقر : تصبحى على خير يا حبيبتى .

شهد بخجل : وانت من اهله ..

بعد ما خرج ..

شهد بنتهيدة : شكلى هحبك يا صقر ..

############################

تانى يوم ....

فى قصر الصقر ..

وهما على السفر ..

صقر : شهد انا هسافر كام يوم ..

شهد بفزع :ايه .. مسافر ..

صقر : ايه يا حبيبتى اتفزعتى كدة. ليه ..

شهد : اصل يعنى كدة انا هقعد لوحدى .. وكمان .. اااا هبقى زهقانة ..

صقر : امممم يعنى مش هوحشك ..

شهد وهى منزلة راسها فى الارض : اممم اه ..

صقر بخبث: مش هوحشك .. كدة يا شهد ..

شهد بسرعة : لأ اصدى هتوحشنى ...

صقر بإبتسامة : أيوة كدة .. متخافيش مش هتأخر ..

شهد : ربنا يرجعك بالسلامة ..

صقر : على فكرة مروان لغاية ما ارجع هيجيلك كل يوم بعد ما يخلص شغله فى الشركة .. يفضل اعد فى الجنينة لو عوزتى حاجة .. وهينام طول الليل فى الغرفة ال فالجنينة ..

شهد : ليه يعنى .. 

صقر : عشان افضل مطمن عليكى .. 

شهد : ماشي .. انت هتسافر امتى ..

صقر : طيارتى انشاء الله الفجر ..

شهد : تمام انا طالعة اوضتى ..

صقر : كملى فطارك..

شهد بحزن : شبعت ..

طلعت وصقر حس انها زعلانة .. مع أنه اضايق انها زعلانة بس فرح من جواها .. انها مضايقة عشان هيسافر وحس أن ديه أول خطوات حبها ليه ..

فقام يحاول يصالحها .. 

طلع ودخل اوضتها على طول ..

دخل لقاها دافنة نفسها فى المخدة وبتعيط ..

جرى صقر عليها .. 

صقر : قلبى انتى بتعيطى ..

طلعت وشها من المخدة وكان كله احمر من كتر العياط..

حضنها جامد ..

معقول انا اكون السبب فى دموعك ديه كلها .. 

انا اموت قبل ما اشوف دموعك ديه بسبى .

شهد : بعد الشر عليك .. انا زعلانة هتسافر .. وحاسة أن قلبى واجعنى ..

صقر : سلامة قلبك يا قلبى .. مش عايزانى ااسافر مسافرش ...

شهد : لأ طبعا دة شغلك انت مش جايبنى ابوظلك شغلك يعنى ..

صقر : خلاص عشان خاطرى متعيكيش ..  لو بكلتى عياط عوديكى مشوار هيبسطك ..

شهد : مشوار ايه ..

صقر : قومى اغسلى وشك والبسي وهتعرفى ..

شهد : حاضر .. طب ايه مش هتقوم ..

صقر : اه طبعا .. مش عايزانى اساعدك .. 

شهد : امشي يا صقر ..

صقر : انتى دماغك بتحدف ليه انا اصدى اطلعلك لبس على ذوقى ..

شهد : اه بحسب .. ماشي طلعلى عقبال ما اخرج من الحمام ..

صقر : بتحسبى ايه ..

شهد : ها ولا حاجة .. وجريت على الحمام ..

صقر : هههههههه ااااه بموت فيكى ..

############################

نزلت شهد تحت وكان صقر مستنيها ..

شهد : بصراحة بتعرف تختار .. 

صقر : اكيد يعنى...

شهد : يا سلام ديه ايه الثقة ديه ..

صقر : مش انا اخترتك تبقى حبيبتى .. اكيد هعرف اختار اى حاجة .. وابسطهم انى اختار هدوم حبيبتى ..

شهد بكسوف : احم ماشي .. هنروح فين ...

صقر : لو نوصل هتعرفى.. يلا ..

ركبوا العربية .. 

بعد شوية .. شهد لقت نفسها حوالين بيتها .. 

شهد بفرحة : هشوفهم ..

صقر : عايزك تشوفى نتيجة جوابك ..

وبعد شوية ..

لقت فاتن وطارق طالعين من باب العمارة .. فضلت متابعتهم يعنيها لغاية ما اختفوا من أدمها ..

هما اكيد مكانوش فرحانين الفرحة الجامدة يعنى بس على الاقل ملامح الحزن راحت من على وشهم .. كأن الجواب اداهم امل ..

وعرفت أن خطوة الجواب كانت صح جدااا ..

وبعد ما اتحركوا بالعربية ووصلوا عند المدرسة ..

كانت روان لسه طالعة.. رجعت روان المرحة بس بردوا مش زى زمان كل واحد فيهم مستحيل يرجع زى زمان من جواب بس على الاقل ارتاحوا ...

وبعدها مشيوا.. وهما فى العربية ..

شهد مسكت ايد صقر  وقالت : شكرا جدااا 

صقر : اتبسطى . 

شهد : فوق ما تتخيل .. انت هتطلع على المطار امتى ..

صقر : هوصلك واطلع على طول ..

شهد : علشان خاطرى متتأخرش حاول ترجع على طول ..

صقر : من عنيا ..

ووصلوا القصر .. وصقر مشي على المطار ..

##############################

عدى ٣ ايام محصلش فيهم حاجة .. 

غير أن شهد كانت مشتاقة ل صقر فعلا ونفسها يرجع بسرعة ...

جه اليوم الرابع ...

شهد اعدة فى بلكونة اوضتها .. ومروان اعد تحت طبعا ديه من أوامر صقر ...

شهد كان صقر واحشها اوى خلاص اتعودت على وجوده وطبعا عشان بتحبه ..

فقررت تروح تتصل بيه ..

يدوب دخلت الاوضة ولسه هتمسك الموبايل .. لقت حد من ضهرها بيكتم بؤها .. وبيلف مطواة حوالين رقبتها ..

فى اللحظة ديه اترعبت جداا وبنحاول تفلت منه مفيش ..

الراجل : أهدى يا حلوة .. انا عندى اوامر يا اخدك يا اموتك .. ها تختارى ايه .. احسن تعالى معايا ...

فى اللحظة عضت على ايده ال كانت كاتمة على بؤها .. الحركة خلتها تفلت منه لكن وهى بتفلت منه المطواة جت فى دراعها عملها جرح كبير .. فى اللحظة كانت كفيلة تجرى على البلكونة ..

شهد : مروااااان الحقنى ...

مروان سمع كدة جرى على اوضتها ..

كان المجرم بيحاول يضربها بالمطواة تانى ...

راح هجم عليه ..

وضرب ضرب لغاية ما الحرس طلع ..

مروان : خدوا الكلب دة على المخزن . .. روقوه لغاية ما يجيله صقر ..

شهد طبعا كانت بتنزف وتقريبا بيغمى عليها ..

مروان جرى عليها ..

مروان : يلاهوى ايه الجرح دة .. حد يطلب الدكتور بسرعة ..

شهد بصوت ضعيف : اوعى اوعى تتصل بصقر هيقلق جداا .. هو جاى بكرة .. عشان خاطرى متتصل بيه ..

واغمى عليها...

شالها حطها فى السرير...

جه الدكتور : لازم تنتقل للمستشفى ..

مروان : لأ مش هينفع اى حاجة عايزها هنجبهالك هنا ..

وفعلا الدكتور طلب حاجات كتير ..

عاملها الجرح وخيطه .. وكانت محتاجة .. دم ومروان كان نفس فصيلتها ..

واتربعلها بيه .. وكان قلقان من رد فعل صقر ...

الدكتور : انشاء الله الصبح هتفوق المهم التغذية وتأخد الأدوية فى مواعيدها ..

مروان : انشاء لله ..

وفعلا جه الصبح ...

وفاقت...

مروان : احسن دلوقتى ...

شهد بضعف : يعنى .. الحمد لله .. هو صقر جى امتى ..

صقر :  بليل ..

شهد : ماشي ..

جه الليل .. 

ووصل صقر وكانت شهد وحشاه جداا .. مكنش متخيل أنه لما يبعد عنها هتوحشه كدة وقرر أنه بعد كدة لما يسافر مش هيسافر من غيرها ..

ووصل القصر ...

لقا مروان اعد فى الصالون ..

مروان قام وراح حضنه : حمد لله على السلامة يا صاحبى ...

صقر : الله يسلمك حبيبى .. بس غريبة انت اعد هنا ليه ..

مروان بتوتر : ها لأ مفيش كنت جعان فقولت لنعمات تعملى اكل ..

صقر : اها ماشي .. شهد فى اوضتها صح ..

مروان : اه .. صح ..

صقر : ماشي أنا طالع لها .. 

مروان فى سره : ربنا يستر من ال هيحصل كمان دقتتين ..

طلع صقر وخبط على باب اوضتنا .. وهى قالت ادخل ..

دخل صقر ولسه بيقول : وحشتينى.....

اتفاجأ بكم المحاليل. ودراعها الملفوف بشاش ... 

ومنظرها ..

الفصل ال ١٢ ...

صقر بفزع راح عليها : ايه الحصل مال دراعك و و ايه المحاليل ديه انطقى ..

اول ما شافته حضتنه جامد اوى وانهارت فى العياط ..

شهد وسط دموعها : متسبنيش تانى يا صقر .. متسبنيش ..

صقر : أهدى وحياتى عندك .. أهدى .. فهمينى ايه الحصل .. 

مرووووواااان ..

مروان تحت : انا عارف وربنا هتعلق انهاردة ربنا يستر ..

طلع جرى على الاوضة ..

مروان : احم ... نعم ..

صقر : فهمنى حالا فى ايه ..

مروان : اااصل .. اصل ..

صقر : ما تنطق ..

مروان : امبارح فى واحد هجم على اوضة شهد وكان عايز يخطفها صوتت وانا كنت تحت وهو كان ماسكها ف وهى بتفلت منه المطواة ال كانت معاه جرحت ايديها جرح كبير شوية ... وانا طلعت طحنته والحرس خدوه على المخزن روقه ..

صقر بزعيق : ومبلغتنيش ليه امبارح ..

مروان : هى طلبت منى متصلش بيك عشان هتقلق ..

صقر : روح انت دلوقتى .. عقبال ما افضلكوا ..

شهد كانت هديت شوية وطلعت من حضنه ..

شهد : وحشتنى ..

صقر : حقك عليا سامحينى .. اسف انى سيبتك ..

والله ما هسيبك تانى ..

شهد : انت ملكش ذنب .. بس انت كنت واحشنى ..

صقر : والله انتى اكتر .. مخلتيش مروان يتصل بيا ليه ..

شهد : لو كان قالك حاجة زى ديه فى التليفون كنت هتموت من القلق عليا ... مكنتش عايزة اعرضك لموقف زى دة ..

صقر : خايفة عليا ..

شهد : أيوة خفت عليك .. متسبنيش تانى يا صقر المجرم وهو ماسكنى انا كنت هموت من الرعب .. 

صقر : بعد الشر عليكى يا قلبى .. صدقينى هجبلك حقك .. 

شهد وهى ماسكة دراعها : اااااه ..

صقر : مالك ..

شهد بدموع : بيوجعنى اوى ...

صقر بزعيق : مروووان ..

مروان : نعم ..

صقر : فين الكلب العمل فى شهد كدة ..

مروان : فى المخزن ..

صقر : ابعت هات دكتورة تشوف شهد لغاية ما اخلص ..

مروان : حاضر ..

شهد : صقر.. لولا مروان انا كان زمانى مش معاك دلوقتى .. ارجوك متزعقلوش ..

صقر : متخافيش مروان دة صحبى من صغرى ... وانا بحبه جداا انا عارف انى بتعصب عليه جامد .. بس هو بيسامح .. لانه طيب جداا ..

انا هنزل شوية واجيلك تانى .....

شهد : ماشي ..

##############################

نزل صقر المخزن ..

وكان طبعا الراجل متروق من حرس صقر ..

صقر : اهلا اهلا بيك فى جحيمى ..

ها هتنطق تقول مين ال بعتك ..

الراجل : انا جى هنا يا قاتل يا مقتول ..

صقر : بحب انا الاختصار ..

هجم عليه بالحزام وبإيده .. وجاب سكينة وجرح جرح كبير جداا فى ايده ..

صقر : دة علامة صغيرة عشان مديت ايدك على شهد هانم ...

وخرج لقا شهد ادامه مبتسمة ..

صقر بلهفة : حبيبتى ايه ايه ال جابك هنا .. وايه نزلك انتى لسه تعبانة ..

شهد : جيت هنا عشان خوفت عليك مش منه .. بس حسيت انى خايفة عليك .. وقفت من ساعة من نزلت اشوفك وانت بتاخدلى حقى .. بس قولى صحيح مين شهد هانم ديه ..

صقر : هو فى شهد غيرك ..

شهد : يعنى انا شهد هانم .. انا ..

صقر : طبعا شهد هانم .. خطيبة صقر المنياوى .. وحبيبته وملكة قلبه ..

##############################

بعد اسبوعين .. كانت شهد خفت .. 

والكل ابتدت ترجع حياته الطبيعية بالتدريج .. فى انتظار أن شهد ترجعلهم تانى ..

وفى يوم فى قصر الصقر ....

فى المكتب ..

صقر : نعمات يا نعمات ..

نعمات : امرك يا باشا ..

صقر : قولى ل شهد هانم انى عيزاها فى الجنينة ..

نعمات : حاضر يا باشا ..

طلعت ل اوضة شهد ..

نعمات : شهد هانم .. صقر باشا .. عايز حضرتك فى الجنينة ..

شهد : ماشي بلغيه هغير وانزل ..

بعد ما طلعت ..

شهد : هانم وباشا انا ليه حاسة انى طالعة من مسلسل حديث الصباح والمساء .. ما علينا ..

غيرت هدومها ونزلت ..

شهد : كنت عايزنى يا صقر ..

صقر : تعالى اقعدى ..

حبيبتى انا جبتلك مدرسين ف كل المواد عشان يشرحوهالك .. والامتحانات هتمتحنيها هنا هتمتحنى نفس امتحانات زمايلك بس تحت إشراف لجنة .. عشان هيبقى هنا ..

شهد : بجد انا همتحن هنا .. 

صقر : اه ..

شهد : ربنا يخليك ليا ..

صقر : ويخليكى ليا قلبى .. 

عايز مذاكرة جامدة عشان عايز احلى مجموع ..

شهد : طبعا دة أنا شاطرة جداا ..

صقر : لو جيتى مجموع كبير عندى ليكى هدية روعة ..

شهد : هههه لأ انا كدة اتحمست ..

##############################

بيعدى تقريبا شهرين ..

شهد غرقانة فى مذاكرتها .. وكل يوم حبها بيزيد ل صقر .. بيبقى نفسها ترد تقوله نعم يا حبيبى .. لكن مبتقدرش مش عايزة تاخد قرار فى لحظة ضعف ...

............

صقر خلاص بقى بيعشق شهد مبيقدرش يبعد عنها . وتقريبا كان بيلغى اى سفرية .. عشان ميبعدش عنها ...

............

روان رغم أنها اتطمنت شوية من جواب شهد لكن وحشتها اوى نفسها تشوفها تسمع صوتها وبتفكر يا ترى هترجع امتى ..

...........

ونفس الحال ل طارق وفاتن ...

..............

بيعدى الوقت وشهد بتمتحن فعلا فى القصر تحت إشراف لجنة ..

وبتنجح وبتجيب درجات عالية جدااا 

##########################

شهد بفرحة وبتتنطت : انا مبسوطة اوى .. انا نجحت .. نجحت ..

صقر : مبروك يا قلبى طلعتى فعلا شاطرة ..

شهد بغرور مصتنع : عشان تعرف بس ..

صقر : هههههههه ماشي يا واثق .. المهم مش عايزة تعرفى هديتك ..

شهد : ما انا مستنية من الصبح ..

صقر : هههههه طب امسكى ..

مسكت شهد ورق وكان تذكرتين لباريس لمدة شهر ..

شهد بفرحة كبيرة جداا : بجد لا لا انت بتهزر انا انا هقضى الإجازة فى باريس ..

صقر : اها .. 

قامت بسرعة وحضتنه : انت اجمل صقر فى الدنيا ..

وهو شد على حضنها وانتى اجمل شهد فى الدنيا ديه كلها ..

طلعت من حضنه بكسوف من ال عملته ..

طب ايه مش هنجهز الشنط الطيارة بليل ..

شهد : احمم اه طبعا هطلع اجهز حاجتى ..

طلعوا جهزوا شنطهم .. 

وطلعوا على المطار .. انتظروا ساعة وركبوا الطيارة ..

صقر : غريبة انك مش خايفة ..

شهد : بالعكس أنا بحب اركب الطيارة جدا وكمان انا سافرت كتير الكويت ل بابا ...

صقر : اها عشان كدة ..

وبعد ساعات طويلة وصلوا باريس ...

بعد ما نزلوا من الطيارة .. راحوا الفندق .. شهد طول الطريق مبهورة بجمال باريس ومش مصدقة انها سافرت البلد ال بتحلم بيها طول عمرها ..

صقر : حبيبتى انهاردة هنرتاح من تعب الطيارة .. ومن بكرة هلففك باريس حتة حتة ... تمام ..

شهد بٱبتسامة : تمام ..

دخلت اوضتها وطلعت البلكونة ومبهورة بالمنظر ال ادماها ..

وفضلت تتكلم جواها شوية ..

شهد فى نفسها : اااه يا صقر عمرى ما عرفت الحب والعشق ... كان نفسي اعرف احساسهم ايه وعرفتهم على ايدك .. خلاص فاضل سنة .. هى كتير بس على الاقل اتأكد من حبى ليك .. مع انى بقيت متأكدة .. انت بقيت حبيبى .. حبيب شهد .. بحبك اوى .. 

اااااااااااه بحببببببك يا صقر .. كل دة بتصرخ جواها نفسها تطلع صوتها .. 

خلصت كلامها مع نفسها ودخلت خدت شاور ونامت ..

..........

عند صقر ..

بردوا كان واقف فى البلكونة ..

صقر فى نفسه : اه يا شهد جيتى ملكتى قلبى .. خلاص يا شهد انا اتعديت الحب من زمان انا بقيت عاشقك .. انا بقيت عاشق شهد .. 

...........

دخلوا هما الاتنين ناموا نوم عميق جداا بعد ما كل واحد اعترف لنفسه بالحب والعشق ..

.........

جه الليل على باريس وبقت فى قمة الروعة ..

صحيوا هما الاتنين وصقر اتصل بيها عشان تنزل يتعشوا ..

صقر : نمتى كويس ..

شهد : فوق ما تتخيل .. 

صقر : وانا كمان نمت كويس اوى ..

بعد ما اتعشوا ..

صقر : تيجى نقوم نرقص ..

شهد : يلا ..

قاموا يرقصوا ..

صقر : بقيتى شاطرة ..

شهد : البركة فى استاذى ..

صقر : هههه يعنى استاذك شاطر ..

شهد : فوق ما تتخيل ..

فضلوا الاتنين ساكتين وبيتكلموا بلغة العيون ال مليانة شوق وحب وعشق .. 

صقر اكتفى أنه يبوسها من خدها ..

وهمس جمب ودنها ..

بعشقك ..

كانت هترد عليه .. بس فضلت انها تسكت ..

وهو قدر سكوتها ..

خبت نفسها فى حضنه من كسوفها .. 

شهد لما كانت بتبقى فى حضن صقر .. كانت بتحس بأمان غريب عمرها ما حسته .. لما بتحضنه كأنها ملكت الدنيا وما فيها ..

خلصوا وطلعوا ناموا .. وتقريبا كانت اجمل ليلة فى حياتهم ..

###########################

نرجع لمروان شوية ...

كان قاعد سرحان فى البلكونة وفجأة افتكر البنت ال كان هيخبطها .. افتكر عيونها .. افتكر شكلها البرئ ... وافتكر شكلها الحزين ..

نفسه يشوفها تانى .. 

بس افتكر انها كانت لابسة هدوم مدرسة .. ودلوقتى هما فى اجازة .. 

فقرر يستنى...

############################

تانى يوم فى باريس ..

صحيوا هما الاتنين ...

خدوا شاور ..

وشهد لابست سالوبت وعملت قطتيتين كانت طفلة مفيش كلام ..

صقر اول ما شافها : خاطب طفلة يا ناس ..

شهد بزعل طفولى : يعنى وحشة ..

صقر : احلى طفلة فى الدنيا يا شوشتى ..

شهد : هههه حلوة شوشتى ديه ...

صقر : مش انتى دلعك شوشة .. انتى بئا شوشتى انا ..

مش يلا عشان نتفسح ..

شهد : يلا ...

                   الفصل الثالث عشر من هنا 

لقراءة باقي الفصول من هنا