الفصل الثالث عشر والرابع عشر
بقلم شهد طارق
فضلوا كتير يتفسحوا تقريبا لفوا باريس كلها .. كانت مبهورة فرحانة .. كانت طايرة من السعادة ...
صقر : اتبسطى ...
شهد : انا اول مرة اكون سعيدة كدة ..
فى يوم ...
كانوا واقفين عند سور أمام نهر ..
كانت واقفة شاردة وقطع شرودها أن صقر جه حضنها من ضهرها ..
هى اتكسفت وحاولت تبعد بهدوء وهو حس انها مكسوفة ف بعد عشان ميضيقهاش ..
صقر : حبيبتى سرحانة فى ايه ..
شهد بإبتسامة : ولا حاجة المنظر حلو بس ..
صقر : بتكدبى ليه ..
شهد : مش بكدب ...
صقر : مالك يا شهد مش مبسوطة ..
شهد : بالعكس مبسوطة اوى ..
صقر : طب مالك فهمينى..
رجعت بصت للنهر تانى واتكلمت بحزن : اهلى وحشونى .. ازاى اكون انا هنا مبسوطة وهما قلقانين عليا .. كلهم وحشونى جداا ..
سيبك يلا نكمل ..
مشيت ادامه وهو بصلها بحزن .. لأنه عارف أنه السبب فى كدة .. بس مش قادر يرجعها .. هو عارف لو رجعها عمرهم ما هيرضوا يجوزها له ..
مستحيل يرجعها مستحيل يخليها تبعد عنه .. ديه روحه .. قلبه .. لو بعدت عنه يموت ..
.....
راح وراها كملوا لف فى المدينة ورجعوا على الفندق ..
.......
دخلت شهد الغرفة بتاعتها ..
بسبب براءة شهد .. مع أن المفروض خاطفها وحابسها ..
بس كان تفكيرها ..
شهد فى نفسها : يعنى هو جى يفسحنى ويبسطنى اقوم انكد عليه .. انا عارفة انه بعدنى عن اهلى .. بس هو بيحبنى اوى دة بيعمل اى حاجة تبسطنى ..
لا لازم اصالحه ..
راحت اتصلت عليه على تليفون الفندق ..
..........
فى التليفون ..
صقر : ايه يا قلبى فى حاجة ..
شهد : ممكن ننزل نتمشى مع بعض شوية ..
صقر : عيونى .. اجهزى وانا هجيلك على طول ..
شهد بحماس : ماشي ..
............
بعد شوية شهد لبست وطلعت لقت صقر واقف ادام الاوضة .. ابتسموا لبعض واخدها من أيدها ونزلوا ...
وراحوا عند برج ايڤل وكانوا مبهورين بالمنظر ..
وكان الصمت بينهم سيد المكان ..
وفجأة ..
ضغطت على ايده ال مسكاها وقالت ..
انا اسفة ..
لف ليها وبصلها بإستغراب ..
صقر : اسفة على ايه ..
بصت للأرض وقالت ..
انا نكدت عليك انهاردة الصبح .. بس مكنش قصدى انا بس كانوا اهلى واحشانى .. فقلت كدة ..
اتصدم أن ممكن يكون فى زى شهد لبرائتها وحنيتها ..
صقر فى نفسه: معقول انا عامل فيها كل دة .. ولمجرد حست انى اتضايقت جت تصالحنى .. مع انى انا الغلطان .. معقول فى حد زيك كدة يا شهد ..
...
حاوط وشها بين ايديه بحب وقال : انتى بتتأسفى ليا انا .. انا ال بعدك عن اهلك وبتتأسفى ليا ..
طب ازاى قوليلى .. انا أيوة اتضايقت بي المفروض انا ال اتأسفلك مش انتى ..
كانت عايزة ترد عليه وتقوله ان انا وانت واحد ...بس هى قررت وخدت عهد على نفسها انها مش هتقوله حاجة الا يوم عيد ميلادها ال ١٨ ..
بس اكتفت انها تقول ..
شهد : احم .. خلاص انا اعتذرت مش مهم .. يلا نكمل ..
صقر بإبتسامة ساحرة : بحبك ..
شهد بكسوف : يلا ..
صقر : هههه يلا ..
كملوا تمشية .. وبعد شوية رجعوا على الفندق ..
وكل واحد نام .. نوم عميق ..
#############################
فضلوا على الحال دة اسبوع فسح وخروج وضحك ولعب وكان احلى اسبوع فى حياتهم ..
وفى يوم وهما بيتغدوا ..
شهد : صقر انا عايزة اروح دبى ..
صقر : دبى .. اشمعنى ..
شهد : نفسي اشوفها .. ينفع خطيبة صقر المنياوى تبقى نفسها تروح ف حتة ومتروحهاش ..
صقر : لأ طبعا يا قلبى ..
شهد : صقر هسألك سؤال وتجاوبنى بصراحة ..
صقر : قولى حبيبتى ..
شهد : انت مش بتضايق لما بطلب منك حاجات كتير ..
صقر : ليه بتقولى كدة .. انا اتضايق انك تطلبى حاجة ..
شهد : بصراحة بخاف تفتكرنى بستغلك .. بس انا والله ... انا عندى احلام كتير ونفسي احققها .. ديه الفكرة ..
صقر : انتى ملكتى قلب صقر .. يعنى ملكتيه بكل حاجة .. يعنى فلوسي هى فلوسك .. أملاكى هى املاكك ..
############################
بعد يومين ..
سافروا على دبى ..
وقضوا اسبوع تانى وبعدها قرروا يرجعوا مصر ..
بتعدى الايام ..
وتخلص الإجازة .. وتبتدى سنة جديدة ..
طبعا صقر بيجيب لها المدرسين فى البيت وبيوفر ليها كل حاجة ..
الاتنين نفسهم تعدى السنة بسرعة ..
شهد نفسها تعترف ل صقر انها عشقته ..
لكن صقر خايف تكون مش بتحبه .. وان ديه مشاعر عادية .. لكن اول ما بيشوفها كل الخوف بيروح ..
.......
خلال السنة .. طارق وفاتن على اد ما اطمنوا شوية على اد ما نفسهم يشوفوها يفهموا منها ايه ال خلاها تبعد ..
......
روان كل ما شهد بتوحشها بتفتح الجواب وتبص على صورهم مع بعض على الموبايل ..
...........
عدت السنة الدراسية وشهد امتحنت ...
وكانت مستنية النتيجة ..
شهد بتوتر : انا انا خايفة اوى من النتيجة .. كل دة مطلعتش ..
صقر : أهدى يا قلبى .. مش انتى حليتى كويس ..
شهد بنفس التوتر : اه .. اه ..
صقر : طب اطلعى نامى .. انا عملت اتصالتى النتيجة لسه مش هتظهر دلوقتى ..
شهد : ماشى .. تصبح على خير ..
صقر : وانتى من اهله حبيبتى ..
#########################
عدى اسبوع ...
شهد بقلق : لأ ما هو مفيش نتيجة بتقعد شهر كدة مش طبيعى ..
صقر : شهد حبيبتى فى فى ورق فى الجنينة .. ممكن تجيبهولى ..
شهد : انا ..
صقر : اه فيها حاجة ..
شهد : لأ عادى .. حاضر. ..
شهد استغربت أنه طلب منها تجيبله حاجة .. بطريقة معجبتهاش بس عدتها ..
اول ما طلعت لقت الجنينة كلها بالونات وورد ومكتوب فى نص الجنينة ..
مبروك لاجمل طالبة .. لإلتحاقها بكلية الإعلام ..
شهد وقفت مصدومة من الفرحة ..
جه صقر من وراها : مبروك يا شوشتى ..
لفت ليه : انت بتتكلم بجد انا نجحت وكمان بقيت طالبة فى كلية اعلام ..
صقر : النتيجة طلعت من اسبوعين وجبتى ٩٨ % بعدها بأسبوع قدمتلك فى الجامعة والورق خلص امبارح .. وحبيبت افاجائك انهاردة .. مبسوطة ..
شهد : انا مش قادرة اوصفلك فرحتى .. مش مصدقة انى حلمى اتحقق يا صقر .. وانت ال حققتهولى .. مسكت وشه بإيدها .. انت اجمل انسان فى الدنيا ..
انت ربنا رزقك ليا .. انت اجمل هدية من ربنا ..
ربنا يخليك ليا ...
صقر : انتى ال رزق بجد من ربنا .. لولاكى كان زمانى بقيت حاجة تانية خالص .. بحبك يا شهد اوى لا انا بعشقك .. شهد انتى عارفة أن عيد ميلادك فاضل عليه يومين ..
شهد : اه ..
صقر : مستنى ردك على سؤالى يا شهد ال مستنية بقالى اكتر من سنة .. هيكون اهم يوم فى حياتى ..
انتى ال هتحددى مصير بقية حياتى يا شهد ..
عايزك تكونى متأكدة من قرارك مية فى المية ..
شهد : عندك حق دة هيكون اهم يوم فى حياتى انا وانت ..
انا عايزة اطلع انام ..
صقر : دلوقتى ...
شهد : اه اصل حاسة أن جسمى واجعنى شوية ..
صقر : الف سلامة عليكى يا قلبى .. خلاص اطلعى ..
طلعت شهد وهى بتفكر كويس اوى فى اليوم ال هيتحدد فيه بقية مصير بقية حياتها ..
##########################
عدى يومين ...
وشهد اختفت اليومين دول فى اوضتها .. مطلعتش منها خالص ..
ودة قلق صقر جداا ..
وهو فى المكتب ..
صقر : نعمات .. نعمات ..
نعمات : نعم يا باشا ..
صقر : روحى ادى خبر ل شهد انها تنزل المكتب ..
نعمات : حاضر يا باشا ..
طلعت نعمات وبلغتها أن صقر عايزاها فى المكتب ..
شهد : تمام .. انا نازلة ..
شهد فى نفسها : انا هقوله ازاى .. مش عارفة معقولة هقولها على طول كدة .. هقولها وال يحصل يحصل ..
شهد خدت نفس عميق ونزلت ....
صقر : كل سنة وانتى طيبة يا قلب صقر ...
شهد : وانت طيب يا صقر ..
صقر : انا ندهت عليكى عشان اعرف إجابة السؤال ال مستنيها بقالى اكتر من سنة ..
شهد : مهما كانت الإجابة هتسبنى اروح ل اهلى ..
صقر : انا عشقتك يا شهد .. لو قولتى اه .. هتعيشي اخلى حياة فى الدنيا ..
لكن لو قلت لأ مش هقدر اجبرك اكتر من كدة انك تعيشي معايا .. وساعتها هتاخدى قلبى معاكى .. وهسيبك تروحى لأهلك فى الحالتين ..
خدت نفس عميق وردت : انا مبحبكش يا صقر ..
الفصل ال ١٤...
خدت نفس عميق وردت : انا مبحبكش يا صقر ..
غمض عنيه بألم وقال : تمام ..
شهد : استنى رايح فين .. انا مخلصتش كلامى ..
صقر : عايزة تقولى ايه تانى مش خلاص جاوبتى ..
شهد : لأ لسه مخلصتش ..
قربت من اوى وهمست فى ودنه ..
انا بعشقك ..
رجعت بصت لعينه ..
أيوة بعشقك .. كلمة بقالى سنة نفسي اقولها لك .. نفسي لما تقولى بعشقك .. اقولك وأنا كمان بعشقك .. نفسي اناديلك يا حبيبى .. قررت من اكتر من سنة .. انى مش هديك ثقتى وحبى بسهولة .. وهستحمل عشان خاطرك السنة ديه .. انا عديت مرحلة الحب من زمان دلوقتى انا فى مرحلة عشقك .. عشقت الراجل ال حاول يسعدنى بأى طريقة .. عشقت الراجل ال مستغلش أنه ياخد حقه بورقة .. ال حافظ عليا اكتر من سنة .. عشقت الراجل ال حسيت معاها بالأمان ..
احببتك فى قسوتك ... وعشقتك فى حنيتك ..
ف انت الهواء الذى اتنفسه ..
عشقك هو هوائى .. ف بدونه .. تنقطع انفاسي ..
انت نبض حياتى ... ف بدونك يتوقف نبضي ..
انت الذى يجعل دمى يتدفق الى قلبى ..
ف قلبى هو قلبك ..
وقلبى يفيض بعشقك ..
# ف انا عاشقة صقر المنياوى ..
.........
واقف صقر مش مصدق .. شهد بتعشقه ...
شهد : ايه يا صقر معجبكش كلامى ..
صقر بصدمة :الكلام دة ليا
شهد بحب : امم أيوة بقوله ل حبيبى ..
شالها ولف بيها .. بعششششششقققككككك ...
وانا بعششششششقققككككك....
صقر : اتصل بالمأذون ..
هزت راسها بشدة بمعنى اه ..
نزلها وراح اتصل بمروان ...
صقر : مروان خلال نص ساعة تكون ادامى معاك مأذون وشاهد معاك ..
راحت شهد ولفت ايديها حاولين رقبته : مش هنحتفل بعيد ميلادى ولا ايه ..
صقر : طبعا هحنتفل يا قلبى .. نكتب كتابنا .. وهنحتفل بالمناسبتين عيد ميلاد اجمل شهد فى الدنيا .. وكتب كتابنا ..
شهد : ماشي يا حبيبى ... ياااه الكلمة ديه اتمنيت اقولها من زمان .. واخيراا قولتها ..
صقر انا عطيتك ثقتى وقلبى .. اوعى تخون ثقتى أو تجرح قلبى .. انت اول حب فى حياتى واخر حب .. يعنى لو عملت حاجة من دول .. حياتى هتتدمر ..
صقر : عمرك شوفتى حد بيأذى روحه ..
شهد : لأ ..
صقر : انتى روحى مستحيل ااذيكى أو اخون ثقتك فيا ..
وبعد نص ساعة وصل مروان والمأذون ..
مروان : مبروك يا صقر ..
صقر : الله يبارك فيك .. عقبالك يا مروان ..
مروان بتنهيدة : يااارب يا صقر ادعيلى ..
صقر : انت لسه بتحبها ..
مروان : اه ..
صقر : هتتحل صدقنى ..
وبعد عشر دقايق كان اتكتب كتاب صقر وشهد ..
ومشي المأذون ومروان ..
واول ما مشيوا ..
جرى عليها حضنها .. مبروك يا مراتى .. دلوقتى بقيتى مراتى بجد ادام ربنا ..
تعالى ... شدها من أيدها ودخلها المكتب وطلع من خزنته ورقتين ..
صقر : قطعيهم واحرقيهم .. عشان مبقاش خلفت بوعدى .. مع انهم بالنسبالى كأنهم مش موجودين ..
وفعلا قطعتهم ...
صقر ،ة ارتحتى ..
شهد : فوق ما تتخيل ..
صقر : طب مش يلا عشان نحتفل ..
شهد : هطلع اغير هدومى وانزل على طول ..
صقر : بسرعة ..
شهد : عيونى ..
طلعت غيرت هدومها وهى فى منتهى السعادة .. انها بقت مراته ..
لبست فستان غاية فى الروعة وحطت لمسات خفيفة من المكياچ ..بقت قمر اكتر ما هى ..
ونزلت ..
صقر : ممكن اعاكس ..
شهد : هههههه طبعا .. بس اوعى تعاكس غيرى اقتلك ..
صقر : هو انا يبقى ادامى القمر نفسه واعاكس ليه عبيط..
شهد : لأ حبيبى مش عبيط ..
صقر : احلى كلمة فى الدنيا .. طب يلا ولا ايه ..
شهد : اه طبعا يلا ....
#############################
عند فاتن وطارق ...
طارق : كان نفسي أحضر معاها عيد ميلادها .. بعتت الجواب بقالها اكتر من سنة وقالت راجعة لكم يا ترى هترجعى امتى يا شهد ..
فاتن : عندى احساس اننا هنشوفها قريب ..
طارق : يارب يا فاتن يارب ..
#############################
صقر : يلا انزلى ..
نزلوا ..
وانبهرت شهد ب بالمنظر .. كان يخت مليان بالبلونات .. ومكتوب .. احلى يوم فى حياتى عشان اتخلقت فيه شهدى ..
ومكتوب بالخط الكبير على اليخت ( الشهد) ..
شهد بفرحة : دة دة على اسمى ..
صقر : دة هدية عيد ميلادك ..
شهد. : انت بتهزر اليخت دة بتاعى ..
صقر : أيوة وكتبته بٱسمك ..
شهد : بعشقك يا عمرى ..
صقر : وانا بموت فيكى يا حياتى ..
.....
وقضوا اجمل ليلة فى عمرهم دخلوا كل واحد اوضته وناموا فى اليخت للصبح ..
...............
صقر : اصحى بئا يا شهد عندنا مشوار مهم ..
شهد : يا صقر عايزة انام بئا ..
صقر : يلا قومى بجد مشوار مهم ..
شهد : ادينى قومت...
صقر : خدى اكتبى فى الورق كل التفاصيل من ساعت ما اختفيتى للحظة ديه ..
شهد : ليه يعنى ..
صقر : هتعرفى كمان شوية ..
أعدت كتبت كل حاجة وكتب اد ايه هى حبت صقر وتقريبا مسابتش حاجة ..
شهد : خلصت ..
صقر : طب يلا ..
ركبوا العربية ... وبعد شوية لقت نفسها ادام بيتها ..
صقر : ديه قسيمة جوازنا .. والجواب ال معاكى بعد ما يتسقبلوكى وانتى ماشية الورق دة ولو سامحوكى واديهم وقت عشان يسامحوكى .. اديهم رقم تليفونك. ..
ماشي ..
شهد : ربنا يستر .. انت هتستنى هنا ..
صقر : اه هفضل مستنيكى هنا ..
شهد : ماشي .. ادعيلى ....
صقر : انشاء الله هيسامحوكى ..
طلعت سلالم بيتها ومش عارفة أهلها هيستقبلوها ازاى ..
وخبطت على الباب ..
فاتن : أيوة جاية اهو ..
وفتحت الباب ..
فاتن بصدمة : شهد ..
الفصل الخامس عشر من هنا
لقراءة باقي الفصول من هنا