الفصل السابع عشر والفصل الثامن عشر
تانى يوم ...
صقر نزل شغله ووصل شهد لبيت اهلها ..
وبعدها اتصلت بيه واقترحت عليه يجى يقضى معاها اليوم هى واهلها ..
صقر خلص شغله وطلع على بيت شهد ..
رن الجرس وشهد ال فتحت واول ما شافته اترمت فى حضنه
وحشتنى اوى ..
صقر : حبيبتى بقت جريئة اوى ..
شهد : ال تعشقك لازم تبقى جريئة ..
طارق : تعال داخل يا صقر دة بيتك ...
صقر : ربنا يخليك يا عمى ..
صقر فرح جداا. باليوم لأن كان أول مرة يقضى يوم وسط عائلة .. وشهد لاحظت دة وفرحت لفرحته .. وجه الليل وروحه مع بعض ..
وناموا نوم عميق ...
تانى يوم ..
صحى صقر .. ونزل تحت ..
نعمات نعمات ..
نعمات : صباح الخير يا باشا ..
صقر : صباح النور .. شهد فين ..
نعمات : الهانم برة فى الجنينة ..
صقر : ماشي روحى انتى حضرى الفطار ..
نعمات : عن اذنك ..
طلع الجنينة ولقاها واقفة شاردة وباصة للسما ..
راح حضنها من ضهرها وباسها من رقبتها ..
هى اتكسفت بس كانت مبسوطة وحطت ايدها على ايده ال محوطاها ..
صقر : صباح الفل ..
شهد : صباح النور يا حبيبى .. نمت كويس ..
صقر : جداا جدااا .. انتى صحيتى امتى ..
شهد : من شوية حبيبى ..
صقر : مصحتنيش ليه ..
شهد بكسوف : مش عارفة يمكن مبتحبش حد يصيحك ..
لفها ليه ورفع وشها وقال : انا فعلا مبحبش حد يصحينى ابدا .. بس لما اصحى على اجمل وش فى الدنيا ومراتى تكون بتصحينى اكيد هحب اصحى ..
شهد بإبتسامة حب : بجد ..
صقر بإبتسامة عاشق : طبعا بجد ..
شهد : ممكن طلب ..
صقر : انتى تؤمرى ..
شهد : ممكن احضرلك الفطار ..
صقر : ليه حبيبتى .. ما فى طباخين ..
حطت أيدها على رقبته بدلال : بس انا عايزة احضر الفطار ل ل احم جوزى ..
صقر : وانا موافق يا عيون جوزك ..
راحت للمطبخ وابتدت تعمل وهو راح وراها وشاور للكل يطلع بهدوء ..
راقب حركاتها الحماسية الطفولية ..
وكان مبسوط جداا .. مش مصدق انها مراته .. ونفسه فعلا يجى الفرح عشان ياخدها فى حضنه اكتر واكتر ..
هى انتبهت أنه بيراقبها ف اتكسفت ..
شهد بكسوف : بتبصلى كدة ليه ..
صقر بإبتسامة : بتفرج على مراتى فيها حاجة ..
شهد بكسوف : احم لا مفيهاش .. انا خلصت ..
راح مسك أيدها وقال : تعالى نطلع وهما هيجبوه ..
شهد : ماشي ..
وراحوا فطروا فى الجنينة ..
بعد ما خلصوا ...
صقر : حبيبتى انا رايح الشركة عايزة حاجة قبل ما امشي ..
شهد : لا حبيبى تيجى بالسلامة ..
صقر : لو عوزتى حاجة اتصلى بيا .. ومتخرجيش من غير ما تقوليلى ..
شهد : عيونى ..
صقر : تسلم عيونك ..
باسها من خدها ومشي ..
############################
وفى يوم ..
صقر : انا قولت لأ يعنى لأ ..
شهد : يا صقر عشان خاطرى ..
صقر : الشهد محدش هيدخله غيرى انا وانتى قولتلك عيزاه فى يخت نعمله فى يخت تانى .. لكن الشهد محدش هيحط رجله فيه غيرى انا وانتى ..
شهد : خلاص أهدى ..
صقر : ما كان من الاول...
دخلت نعمات ..
نعمات : صقر باشا .. استاذ مروان منتظر حضرتك برة ..
صقر : ماشي روحى انتى يا نعمات. ..
تعالى نطلع نشوف عايز ايه ..
شهد : يلا ..
مروان : بقولكم ايه شوفولى حل انتو الاتنين ..
شهد وصقر بصوا لبعض بإستغراب ..
شهد : مالوا دة ..
صقر : ونبى ما اعرف .. حل فى ايه ..
مروان : بقالى سنة براقبها .. وعايز اقولها بحبها ..
شهد : ما تحاول الاول تتعرف عليها ..
مروان : ازاى ..
شهد : معاك صورة ليها الاول ..
مروان : اه .. اهيه ..
شهد اول ما شافت الصورة الاول اتصدمت وبعد كدة ضحكت ..
مروان : هى مضحكة للدرجادى ..
شهد : هههههه لأ مش طبعا ديه قمر بس ال حضرتك متعرفوش أن ديه روان .. بنت عمى ..
مروان بفرحة : احلفى ..
شهد : وربنا ..
مروان : هتعرفينى عليها صح ..
شهد : طبعا ...
مروان : انتى احلى شهد فى الدنيا ..
شهد بصوت واطى : نهار اسود يومك مش معدى ..
مروان : ليه ..
شهد : بص على صقر كدة ... حضرتك بتعاكسنى ادامه .. الله يرحمك يا مروان...
صقر راح شده من قيمصه : كنت بتقول ايه بئا سمعنى ..
مروان وهو بيبلع ريقه من الخوف : مش انت دايما بتقول أنها احلى شهد فى الدنيا انا كنت لسه هكمل واقول كدة ..
صقر : اه بحسب بس بردوا متقولش كدة انا بس الاقول ..
مروان : حاضر ..
شهد : صقر حبيبى انا هنزل مول سان اشترى شوية حاجات ..
صقر : ماشي حبيبتى .. هتلاقى الفيزا بتاعتك على الكومود فى اوضتك ..
شهد : ماشي يا حبيبى .. وانت اهمد شوية هعرفك على البت متخافش ..
مروان : لما نشوف ..
شهد : بس تصدق عايزة اغيظك واعرفك انى هتصل بيها واقولها تنزل معايا ..
مروان : هو انتى مش عايزة حد يشيلك الحاجات ال هتشتريها ..
شهد : هههههه الحق يا صقر عايز يشليى الحاجات ..
صقر : اظاهر انهاردة رجله هى ال هتتشتال من على الأرض ..
طلعت شهد وهى عمالة تضحك ..
طلعت لبست ونزلت ..
كان مروان مشى ..
صقر : متتأخريش عليا ..
شهد : عيونى ..
وخرجت .. فضل صقر مراقبها بعنيه لغاية ما خرجت ..
وهو بيحمد ربنا أنه رزقه بيها ..
#############################
فى مكان آخر خالص ...
مجهول ١ : هى فين دلوقتى ..
مجهول ٢ : رايحة لمول سان ..
مجهول ١ : تمام نفذ انهاردة ..
مجهول ٢ : امرك يا باشا ..
مجهول ١ : قولتلك قبل كدة يا صقر متتحدانيش .. لكن مبتتعلمش ..
###########################
راحت شهد المول بعد ما اتصلت ب روان ..
وبعد ساعتين ..
روان : يا بنتى تعبت من ام اللف دة ارحمينى ..
شهد : مش عروسة الله ..
روان : انتى عروسة انا مالى ..
شهد : خلاص روحى اقعدى فى الكافيتريا لغاية ما اخلص انا هشترى حاجة من المحل دة واحصلك ..
روان : ماشي متتأخريش ..
###########################
بعد ساعة ..
صقر لقا اتصال من روان استغرب وقلق ..
صقر : الو يا روان .
......
بتقولى ايه !!!!!
##########################
بعد ساعة ..
صقر لقا اتصال من روان استغرب وقلق ..
صقر : الو يا روان .
......
بتقولى ايه !!!!!
روان ببكاء : مش لاقية شهد قلبت عليها المول كله ..
قفل من غير ما تكمل ...
وساق بسرعة جنونية للمول ..
مش متخيل أنه ممكن يخسر شهد .. كأن الزمن بيعيد نفسه أخته ومراته بيتخطفوه وبيضيعوه منه .. هل ممكن يخسر شهد المرادى ..
المرادى لو خسرتك يا شهد .. يبقى معناها موتى ..
مستحيل مش هخسرك يا شهد .. مش هخسرك ..
وفى خلال ١٠ دقايق كان وصل المول ..
دخل على الادراة لقى روان منهارة من العياط ...
صقر بغضب رهيب : شهد فين يا روان ..
روان ببكاء : مش عارفة قلبت عليها المول ..
صقر بصوت عالى جداا : فين كاميرات المراقبة هنا
المدير : ثوانى يا فندم .. المتخصصين بيراجعوا الكاميرات ..
###########################
فى مخزن قديم ...
بتصحى شهد .. بتتضح الرؤية ادامها .. تلاقى نفسها فى غرفة قديمة جداا ماليها التراب ..
وافتكرت اخر حاجة أن فى حد طلع من باب الطوارئ وخدرها ..
الرعب امتلكها اكتر واكتر ..
ضمت ركبتيها بخوف وقالت انت فين يا حبيبى انا خايفة ..
###########################
فى المول عند صقر ..
بيشوف كاميرات المراقبة ..
بيلاقى شهد فى حد بيخدرها وبياخدها من باب الطوارئ ..
روان بإنهيار : يعنى ايه اتخطفت .. لأ مش يعنى مش هشوفها تانى ..
لا يا شهد ..
صقر بصريخ : بس بس .. مش هتضيع منى .. مش هتضيع ..
#############################
نرجع ل شهد ..
بتلاقى الباب بيتفتح ..
بيدخل شخص .. شكله مرعب .. باين الحقد على وشه ..
باين كل الحاجات الوحشة على وشه ...
الرعب بيدخلها اكتر واكتر ..
شهد : ان..ت مي..ن..
الراجل : انا ال هياخد روحك يا حلوة ..
شهد : انت مين ... انا معرفكش اصلا ..
الراجل : ههه ولا انا بس كفاية انى عارف انك حرم صقر المنياوى ..
فهمت شهد أن خطفها انتقام .. وخافت كثيرا أن يصبح مصيرها مثل اخت وزوجة صقر السابقة ..
الراجل : سكتى يعنى ..
شهد : اقول ايه ..
الراجل : عندى ليكى عرض لو قبلتيه يبقى نفتدى بجلدك ..
شهد : عرض ايه ..
الراجل : روح صقر المنياوى اصاد روحك ..
شهد : بمعنى ..
الراجل : يعنى لو موتى صقر .. هسيبك .. بسيطة ..
شهد : ههه تصدق بسيطة .. اوى كمان ..
الراجل : ها قولتى ايه ..
شهد : بص يا مجنون انت .. انا هخرج من هنا وصقر هيجى يخليك تتمنى الموت .. ويدوسك تحت رجله زى الحشرة .. ف ياريت تبطل كلام لغاية ما دة يحصل ..
الراجل : يعنى بترفضي ..
شهد : انت اكيد متخلف ..
الراجل : وانا مجنون ..
وقام يقترب منها أكثر وأكثر ..
شهد برعب : اه وبتبعد اكتر ...
الراجل : ومتخلف ...
تمام انا هوريكى المجنون والمتخلف هيعمل فيكى ايه ..
فضل يقطع فى هدومها ويضربها بكل قوته ..
وقبل ما يغمى عليها ..
ديه حاجة بسيطة من الهيحصلك يا .. هه حلوة..
واغمى واستسلمت لعذابها أو لموتها ..
..........
عند صقر ..
هيتجنن مش عارف يعمل ايه .. اد ايه حاسس أنه عاجز .. نفس الزمن بيعيد نفسه .. نفس العجز .. بس المرادى حبيبته روحه حياته عشقه لو فقدها هيموت ..
قطع تفكيره صوت موبايله ..
رد من غير ما يشوف مين ..
صقر : مين ..
هو : انا ال هوجع قلبك طول عمرك ..
صقر : انت مين ..
هو : اغس عليك يا صقر مش فاكر ال خد روح اختك ومراتك .. وال هياخد روح مراتك التانية ..
صقر : وحيات امى لو لمست شعرة منها هخليك تتمنى الموت ..
هو : هههههههه .. شعرة لا انا هسيبلك الشعرة ديه .. بس ايه جامدة يا صقر .. خسارة فيك ..
صقر : ما هو انت مش بتعرف تتشطر غير على النسوان ..
هو : كدة .. تمام انا مستنيك راجل ل راجل ونشوف مين ال هيموت تانى يا صقر ..
صقر : وانا موافق ..
هو : تمام كمان ساعة هبعتلك العنوان ..
صقر : وانا مستنى ..
######################
عند شهد .. فاقت من اغماءها .. وكل حتة فى جسمها بتألمها .. مستنية موتها .. بس نفسها تشوف حبيبها أو تسمع صوته قبل ما تموت ..
بعد شوية ...
دخل تانى ..
حبيب القلب جاى كمان شوية ..
شهد بصوت ضعيف : انت مش هتقدر تعمله انت انسان حقير وزبالة .. بجد مشوفتش كدة ..
كمل عليها لغاية مابقاش عندها حيل للمقاومة .. بتستسلم بالتدريج لانتهاء حياتها.. بتيجى ادامها الوقت ال قضيته مع صقر زى شريط السينما .. وكانت بتتمنى تكمل معاها وعارفة أن صقر هيتعذب من بعدها ..
الفصل ال ١٨ ...
صقر قرر المرادى مش هيسيب حب حياته عشقه .. طبعا بحكم معرفته فى البلد .. فى قوة من الداخلية راحت المكان ال اتبعت ل صقر فى سرية تامة ..
وصل صقر المكان حاسس أنه قلبه واجعه اوى ......
حاصرت القوة المكان ..
وصقر هجم على الراجل وفضل يضرب بكل الغل فيه طول السنين الفاتت .. بصريخ انطقق هى فين ..
هو : اطلع شوف لسه عايشة ولا لأ ..
قلبه اتقبض من الكلمة ..
طلع بكل سرعته فتح الاوضة ...
شهد مرمية على الأرض هدومها متقطعة وجسمها كل دم من الضرب ووشها بردوا .. وتقريبا باين عليها انها مفيهاش نفس اصلا ..
نزل لمستواها وحضنها ..
صقر بدموع : شهد .. قومى يا شهد انا جيت ... والله جيت قومى عشان خاطرى انا من غيرك اموت ..
قومى ..
اسععععااااف بسرعة ..
...........
بعد ساعة ... وصلوا المستشفى ...
صقر : بسرعة حد يشوف مراااتى ..
وبعد ساعتين ...
واقف صقر بيفتكر منظرها بين ايديه وكأنها ميتة ..
قطع تفكيره دخول ..
فاتن وطارق وروان منهارين ...
فاتن بإنهيار : بنتى فين انطق ..
روان : فين شهد .. هى كويسة صح ..
صقر : يااارب تبقى كويسة ..
.......
بيخرج الدكتور ..
صقر بلهفة ووجع : كويسة صح ..
الدكتور : للاسف المدام اتعرضت لضرب وحشي ومن كتر الضرب جالها صدمة عصبية و جالها ارتجاج فى المخ ادى دخولها فى غيبوبة ..
صقر بصدمة : غيبوبة .. هتفوق من امتى ...
الدكتور : للاسف نسبة انها تفوق ضعيفة وبصراحة منعرفش هتفوق امتى خصوصا أن جزء كبير استسلام منها للغيبوبة ...
فاتن : بنتتتتى ... واغمى عليها ..
صقر نزل على الأرض بصدمة ..
معقول هيخسر عشقه ... مستحيل .. الموت اهون عنده ..
صقر : عايز ادخلها ..
الدكتور : اتفضل بس الممرضة هتعقم حضرتك الاول ..
راح اتعقم .. ودخلها ..
صقر .. ملاكه نايم بس مدمر ..
صقر بدموع : بتستسلمى للموت يا شهد .. عايزة تسبينى .. انتى فاكرنى مش هيجيلك واسيبك تموتى صح .. مستحيل .. اسيب روحى ازاى .. انا جمبك يا شهد .. قومى يا شهد انتى اقوى من كدة .. انتى حولتى واحد قاسي معندوش قلب لعاشق .. قومى يا شهد ..
لكن دون فائدة ...
وخرج ..
#############################
فضل الحال كما هو لمدة أسبوعين ...
وغرفة شهد مبتخلاش من الأشخاص ..
مرة صقر .. مرة فاتن .. مرة طارق ... مرة روان ..
كلهم بيحاولوا يوصلولها انهم جمبها على امل انها تفوق .. لكن دون فائدة ...
ما بيحصلش حاجة ....
##########################
وفى يوم ..
صقر : وحشتينى يا شهد وحشنى صوتك .. وحشتنى عيونك وحشتنى شقاوتك .. وحشنى كل حاجة فيكى
.. لسه عايزة تسبينى .. قومى عشان نعمل اجمل فرح فى الدنيا .. قومى بئا يا شهد .. صدقينى انا جمبك
..
ولسه هيقوم حس بضغط على ايده ...
صقر بفرحة : شهد حبيبتى سمعانى .. انتى فوئتى صح . .. انا جمبك يا شهد جمبك ...
شهد بصوت ضعيف يكاد يكون مسموع : انا خايفة ..
صقر : متخافيش طول ما انا جمبك ..
شهد بوهن : وحشتنى .. كان نفسي اشوفك قبل ما اموت .. لما يأست انى اشوفك تانى .. استسلمت لموتى ..
صقر : انا جمبك ومش هسيبك ابدا ..
فقدت الوعى من جديد ..
صقر : يا دكتور دكتور ..
جه الدكتور بسرعة ..
صقر : فاقت وكلمتنى واغمى عليها تانى ..
راح كشف عليها ..
الدكتور : الحمد لله انها فاقت ... متقلقش هى اغمى عليها نتيجة فترة الغيبوبة الطويلة .. بعد ساعة انشاء الله هتفوق ...
فاتن وطارق وروان وصقر : الحمد لله .. احمدك واشكرك يارب ...
############################
بعد مرور ساعة ...
دخلوا لشهد وكانت ملامح الالم والتعب ماليها ..
صقر وهو يمسك يديها ... وحشتينى اوى ..
شهد بصوت ضعيف : كنت خايفة اموت من غير ما اشوفك ..
صقر : بعد الشر عليكى .. انا جمبك ومعاكى ..
فاتن : حمد لله على سلامتك يا حبيبتى .. قلقتينا عليكى اوى يا حبيبة ماما .. بس الحمد لله انك رجعتلنا بالسلامة ..
شهد بوهن : الحمد .. لله ...
وبعد شوية ...
طارق : حمد لله على سلامتك يا قلب بابا .. احنا هنمشي دلوقتى .. عشان ترتاحى وهنجيلك بكرة من بدرى ..
شهد : ماشي يا بابا ..
بعد ما خرجوا ..
شهد بصوت ضعيف ممزوج بألم : مين ال خطفنى يا صقر ..
صقر : عايزة تعرفى ليه .. خلاص انسي ..
شهد : رد عليا يا صقر ..
صقر : نفس ال قتل اختى ونهى ...
شهد بشرود : انت عارف أنه كان هيسبنى مقابل حاجة واحدة
..
صقر : حاجة ايه ..
شهد بدموع : انى اقتلك .. بإيدى روحك اصاد روحى ...
انا شوفت عذاب يا صقر .. اكتر من ال انت ورتهولى ...
وفى الاخر كان عايزنى اموتك عشان انا اعيش ..
صقر بدموع : اسف يا شهد .. سامحينى انا عارف ان كل الانتى فيه دة بسببى .. سامحينى ..
شهد : صقر لو بتحبنى زى ما بتقول .. سبنى ...
##############################
صقر بفزع : اسيبك .. اسيبك ازاى ..
شهد بدموع : امشي يا صقر .. وتعالى بكرة الصبح مع بابا و ماما ..
صقر بتنهيدة : حاضر يا شهد .. حاضر يا قلبى ..
.....
صقر قرر يمشي لانه حس انها تعبت من ال بيحصلها شافت كتير بسببه وكانت هتتعرض للموت بسببه بردوا ..
قرر يبعد يمكن ترتاح ..
.....
شهد بعد ما مشي صقر ..
شهد بدموع : اسفة يا حبيبى .. اسفة .. بس انا تعبانة جسمانيا ونفسيا مش عايزاك تشوفنى كدة .. هتفضل تلوم نفسك ..
......
بعد ما صقر طلع من اوضة شهد ..
لقا مروان بيجرى عليه ..
مروان : اسف يا صقر انى مكنتش معاك والله انت عارف مكنش ينفع انزل .. كان لازم اخلص الشغل هناك حقك عليا ..
صقر : متقلقش مش زعلان .. بس خليك جمب شهد عشان لو عازت حاجة ..
مروان بإستغراب : ليه يعنى ..
صقر : مسافر ..
مروان بإستغراب اكتر : هتسافر وتسيب شهد دلوقتى ..
صقر : لازم ابعد .. كفاية كدة اوى .. وبلغها لو عايزة تبعد هنفذ رغبتها ..
انا هسافر باريس .. سلام ..
###########################
صقر مشي وهو مش عارف ازاى هيبعد عن شهد .. شهد عشقه وروحه .. اول من قلبه دقلها .. حياته كلها ..
يارب يا شهد متختاريش البعد .. مش هقدر عليه المرادى ..
وبعد ساعة كان فى الطيارة المتجهة ل باريس ..
###########################
تانى يوم ..
صحيت شهد وكان حواليها ..
فاتن وطارق وروان ومروان .. لكن صقر مش موجودة ..
فاتن : عملة ايه دلوقتى يا حبيبتى ..
شهد بوهن : احسن يا ماما ..
روان : متعرفيش خوفت عليكى ازاى ..
شهد : ربنا يخليكى ليا ..
مروان : حمدالله على سلامتك يا شهد ..
شهد : الله يسلمك يا مروان .. امال صقر فين ..
لحظة صمت عدت على الكل ..
شهد : بقولكم صقر فين ..
مروان : احم سافر ..
شهد بصدمة : سافر فين ..
مروان : سافر باريس .. وبيبلغك لو عايزة تبعدى هنفذلك رغبتك ..
شهد فى نفسها : بئا كدة يا صقر بتفسر كلامى امبارح بالبعد للابد .. وسافرت وسبتنى .. ماشي يا صقر ..
شهد : مروان روح احجز تذكرتين لباريس حالا ..
فاتن : انتى اتجننتى يا شهد انتى لسه تعبانة ..
مروان : مامتك عندها حق ..
شهد : لو مقومتش دلوقتى .. هقوم اسافر لوحدى .. مجنونة واعملها ..
مروان : حاضر حاضر ..
#########################
طلعت شهد من المستشفى للمطار وسط آلامها واوجعها.. بس لازم تروح ل حبيبها تعاتبه أنه سابها وعايز يبعد عنها ..
وبعد عدة ساعات كانت فى الطيارة المتجهة ل باريس ..
##########################
فى باريس ..
عند صقر ..
اااه وحشتنى اوى .. ازاى ازاى هبعد عنها .. مش هقدر ديه روحى .. ازاى يا صقر هتبعد عن حبيبتك ..
يارب يا شهد ما تبعدى ..
##########################
بعد عدة ساعات كانت شهد وصلت هى و مروان باريس ..
وراحوا على الفندق ال دايما صقر بينزل فيه ..
##########################
شهد : تقول للريسبشن انى مراته .. وادى القسيمة ..
وتقولهم عايزة المفتاح لأنى عملاله مفاجأة ..
مروان : حاضر ..
..........
وبعد شوية كان مروان جاب المفتاح ل شهد ..
مروان : المفتاح اهو .. يلا نطلع ..
شهد : يلا ..
ووصلوا ادام الاوضة ..
شهد : خليك هنا انا داخلة لوحدى ..
مروان : هتقدرى ..
شهد : انشاء الله هقدر ..
دخلت ولقيته واقف فى البلكونة سرحان ..
وقفت على باب البلكونة وقالت ..
شهد : تصدق فعلا المنظر يستاهل أن الواحد يسيب مراته فى المستشفى ويجى يتفرج ..
صقر بصدمة : شهد .. انتى جيتى ازاى ..
الفصل التاسع عشر من هنا
لقراءة باقي الفصول من هنا