الفصل الثالث والعشرون والرابع والعشرون
بعد مرور ٦ سنوات ...
فى إحدى استديوهات تصوير البرامج .. استديو برنامج صوت الحياة ..
يفتح فجأة شاب باب المكتب ..
هو : يا ريسةةةةةة
وهى بتمسح دموعها ..
هى : ايه فادى قولتلك قبل كدة بتخض ..
هو : انتى بتعيطى يا ريسة ..
هى : لا لا ..
هو : على فادى بردوا ... اعترفى ..
هى : اصل انهاردة عيد ميلاد حبيبى ..
هو : اه حبيبك المجهول .. دة نفسي اعرفه ..
هى : انسى .. المهم كنت عايز ايه ..
هو : عندى ليكى خبر بمليون جنيه ..
هى : اشجينى ..
هو : مش انتى كنتى عايزة حد تقيل فى البلد ليه علاقة بالأستيراد والتصدير ..
هى : ولاقيت
هو وبيرفع ياقة قميصه بغرور : طبعا ..
هى : مين بئا ..
هو : تعالى وانتى تشوفى .. بس الغريب انا اسمه شبه اسمك ..
هى : ازاى ..
هو : هتشوفى ...
دخلت سهيلة .. قلبها بيدق جامد كل ما بتقرب من استديو التصوير ..
وقفت ادام واحد كان عاطيها ضهره .. وقلبها بيدق بعنف ..
فادى : صقر بيه .. اعرفك على سهيلة المنياوى .. مخرجتنا العظيمة ..
سهيلة اول ما سمعت اسم صقر كان هيغمى عليها لكن قالت تشابه اسماء ..
لف صقر ومروان : اهلا ب وقبل ما يكملوا...
صقر بصدمة : شهد ..
شهد : ص .. صقر واغمى عليها ..
صقر بزعيق : مين ديه ..
فادى : حضرتك ديه سهيلة المنياوى مخرجة البرنامج ..
صقر : ازاى .. ازاى .
مروان : أهدى يا صقر ..
صقر : فين مكتبها ..
فادى : اخر الطرقة على اليمين ..
شالها صقر ودخل بيها المكتب ...
حطها على الكنبة ..
صقر فى نفسه : نفس الملامح نفس البرائة نفس الجمال .. هى حبيبتى ..
هى قالت اسمى اكيد هى ..
ابتدوا يفوقها ببرفان ..
وابتدت تفوق وهى بتقول : صقر انت هنا .. صقر ..
صقر ..
ساعتها اتأكد انها حبيبته ال سبيته بقالها ٦ سنين بس ليه مشيت ليه اختفت ليه مغيرة اسمها ..
صقر : الكل يطلع برة حالا ..
فادى : بس يا ..
صقر : قولت الكل يطلع برة حالا بدل ما اقفلكوا القناة ديه ..
الكل فعلا طلع ..
صقر : اطلع انت كمان يا مروان ..
مروان : حاضر بس أهدى ..
.........
اعد ادمها على الأرض وهو تانى ركبته ..
صقر : سبتينى ليه يا شهد ليه ..
ابتدت تفوق اكتر ولقت صقر جمبها ..
مسكت وشه ..
شهد : انا بحلم صح .. انت هنا يا صقر .. لأ انا بحلم ..
مسك أيدها ونزلها : لأ مش بتحلمى يا .. يا سهيلة ..
ابتدت دموعها تنزل : وحشتنى وحشتنى اوى ..
صقر : هههه وحشتك .. ليه هو انتى تعرفينى ..
شهد : أيوة انت صقر المنياوى عشقى .. وجوزى وحبيبى ..
صقر : ليه هوانتى اسمك شهد طارق ... لحد معلوماتى انتى اسمك سهيلة المنياوى .. الغريب أنه على اسم جدى..
شهد : لأ انا شهد حبيبتك ..
صقر بصريخ: شهد حبيبتى متسبنيش ٦ سنين .. قلبى بيتقطع .. متسبنيش بورقة تقول فيها إنسانى ...
تختفى من حياتى بمنتهى السهولة ..
شهد بإنهيار ودموع : مين قالك أنه بمنتهى السهولة .. انا كنت بتقطع وانا ببعد عنك ..
راح ومسكها من دراعها وبيهزها جامد .. وتبعدى ليه اصلا تبعدى ليه فهمينى .. فهمينى يا شهد ..
شهد بدموع : قبل ما افهمك هسألك سؤال واحد ..
صقر : ايه ..
شهد : ماهر الشرقاوى لسه عايش ..
صقر بإستغراب : ايه علاقة ماهر الشرقاوى بالموضوع ..
شهد بدموع : رد عليا ارجوك ..
صقر : ماهر مات فى حادثة من سنة ..
شهد بفرحة وسط دموعها : بجد ماهر مات ..
صقر : انتى فرحانة كدة ليه .. فهمينى انا مش فاهم حاجة ..
شهد ابتدت تكون ومش قادرة تاخد نفسها ..
صقر بفزع : أهدى انا جمبك ..
شهد : ا..ح ..ض...نى ..
صقر : حاضر ..
قام حضنها بكل قوته .. اد ايه كانت وحشاه اد ايه وحشه تكون فى حضنه ..
بعد مدة قصيرة ..
صقر : بقيتى احسن ..
شهد : اه الحمد لله ..
صقر : تعالى معايا ..
شهد بخوف : هنروح فين ..
صقر : انتى خايفة منى ..
شهد : لا لا مش قصدى اخاف منك ..
صقر : هنروح اى حتة عشان افهم ..
شهد : حاضر ..
طب ممكن يعنى ..
صقر : فى اى ..
شهد : انزل انت وهاجى وراك ..
صقر : ليه ..
شهد : محدش يعرف انى مراتك هنا ..
صقر : هه مراتى ... ماشي يا شهد .. بس اعرفى انى مش هسيبك تهربى تانى .. مستنيكى تحت ..
اول ما خرج صقر .. دخل فادى ل شهد ..
فادى : مالك يا ريسة ايه ال حصلك .. وصقر دة يعرفك منين ..
شهد بدموع : هو دة حبيبى يا فادى ..
فادى بصدمة : صقر المنياوى ..
شهد : صقر المنياوى جوزى يا فادى على سنة الله ورسوله ..
فادى : انا انا مش فاهم حاجة ..
شهد : انا لازم انزل دلوقتى ولما ارجع هفهمك ..
وقامت قبل ما تخرج ..
شهد : اخر حاجة لازم تعرفها انا اسمى شهد طارق مش سهيلة المنياوى ..
........ ستوووووب ...
(( فادى المساعد الشخصي ل شهد فى شغلها .. بيجبلها كل حاجة كل الاخبار كل الناس .. وبيحبها زى أخته الكبيرة بالظبط وهى بتحبه زى اخوها الصغير ...
وبيقولها دايما يا ريسة )))...
نزلت شهد ولقت صقر واقف عند الباب العربية...
وقفت اتأملت شكله وسيم زى ما هو يمكن اكتر .. وحشها شكله وحشتها لمسته .. حضنه ..
فاقت على صوته : هفضل واقف كتير ..
شهد : احم .. يلا ..
########################
ركبت العربية معاها ..
طول الطريق ..
صقر نفسه ياخدها فى حضنه .. وحشته ..
شهد : مش عارفة هل هيقدر يسامحها ولا لأ . وكمان مش مصدقة نفسها انها شافته تانى .. كانت فقدت الامل انها تشوفه .. وحشها جدا ... نفسها تترمى فى حضنه وتعيط ..
وبعد وقت .. لقت نفسها ادام الفيلا ال كانوا عايشين فيها ..
صقر : يلا انزلى ..
نزلت بهدوء ودخلوا الفيلا ..
دخلوا وقعدوا ..
صقر : افهم .. ايه علاقة ماهر الشرقاوى بإختفاءك وليه اختفيتيى اصلا ..
شهد بدموع : مرة ونا فى الجامعة وقاعدة فى الكافيتريا بذاكر .. لقيته فجأة جه قعد قصادى .. وقالى أنه عايز اجبله ورق صفقة مهم من عندك و و ..
صقر : وايه ما تنطقى ..
وشهد ودموعها بتزيد : وعايزنى ..
صدمته الكلمة .. لكن عايز يفهم اكتر .. وبعدين كملى ..
شهد : هددته أنه لو مبعدتش عنى .. هبلغك ...
ومشيت وسبته ..
بعدها عدى يومين لقيته بيتصل بيا وبيكرر عرضه تانى .. زعقت فيه وشتمته .. قالى ف آخر المكالمة هتزعلى منى .. مفهمتش به... بعدها عدى ٣ ساعات لقيت مروان بيتصل بيا وبيقولى انك عملت حادثة .. اتأكدت أنه هو .. بعدها روحتلك وروحت .. اتصل بيا تانى وقالى عشان تعرفى انى مبهزرش .. قالى هسيبك يومين وتجيلى .. لو مجتيش المرة الجاية هبجهولك جثة .. قفلت معاها وانهارت من كلمته ونمت مكانى زى ما شوفتنى .. وفعلا بعدها بيومين اتصل قالى تجيلى ١٠ الصبح .. عشان منتكشفش على انى رايحة الجامعة قولتله ماشي .. بليل ملقتش حل غير انى ابعد عن حياتك .. كدة مش هيبقى فى خطر عليك ..
لأنى مكنتش مستعدة اخسرك أو ابيع نفسي واخونك ...
دة كل الحصل لا كلمة ناقصة ولا كلمة زيادة ..
صقر بقهر : قدرتى تعيشي من غيرى ٦ سنين يا شهد ..
شهد بدموع اكتر واكتر : لأ مقدرتش ... اول سنة عدت عدت عليا وانا باخد مهدئات ومنوم عشان اعرف انام ..
عشان مبعرفش انام الا فى حضنك ..
واعدت سنتين كمان بمنوم بس مستحيل انام من غير منوم انشاء الله اعد اسبوع ..
بعد كدة استسلمت لا انا فيه ..
بس حياتى كانت عبارة عن كأبة معنديش صحاب ابدا .. كنت كنت حادة فى تعاملى دايما ..
بعدى عنك غير فيا حاجات كتير اوى اوى يا صقر ..
راحت له ولسه هتمسك ايده .. بعدها عنها ..
شهد بدموع : للدرجادى مش طايق لمستى .. وانا مش هضايقك .. وقامت عشان تمشى ..
مسك أيدها وشدها ليها وخدها فى حضنه ...
صقر : وحشتينى وحشتينى ..
شهد بدموع : ااااااه وحشتنى اوى اوى .. يا حبيبى ..
كم سنة اتمنيت اشوفك أو اسمع صوتك .. ااااه تعبت من بعدى عنك يا حبيبى تعبت .. كنت خايفة عليك .. سامحنى سامحنى ..
وبعدها طلعت من حضنه .. اوعى تكون نسيتنى فى يوم من الايام ..
صقر : ههه اااااه انساكى ... لو كنت نسيتك ليوم واحد .. مكنش قلبى يوجعنى بالشكل دة ..
وبعد فترة من العشق والحب ..
صقر وهو يحتضن شهد ... قوليلى روحتى فين بعد ما هربتى .. وازاى بئا اسمك سهيلة المنياوى. ..
شهد : بعد ما هربت .. روحت على محطة القطر وركبته وانا معرفش هروح فين .. فضلت سرحانة فيك .. لغاية ما الكمسرى سألنى انا نازلة فين .. قولتله هى دى محطة ايه .. قالى بنى سويف .. معرفش ايه ال خلانى انزل ..
نزلت ومشيت فى الشوارع مش عارفة هكمل حياتى ازاى من بعدك من كتر تفكيرى .. عربية خبطتنى بس محصليش حاجة الحمد لله داست فرامل على اخر لحظة .. بس اغمى عليا من الخضة ..
صحيت فى بيت بسيط .. وكانت أول مرة اشوفها ودلوقتى هى صحبتى الوحيدة والوحيدة ال تعرف سرى .. اعتذرتلى ومع الوقت حكتلها من كتر وجع قلبى .. وعرفت أن فى ف بنى سويف جامعة للاعلام .. بس اتأكدت أن لو فضلت بإسمى هتوصلى اضطريت ازور بطاقة و شهادة ميلاد بإسم سهيلة وحطيت اسم جدك عشان احس انى جزء منك معايا ..
ودخلت الجامعة وفضلت سنتين منقبة عشان محدش يتعرف عليا بعدهم قلعت النقاب .. وتفوقت فى دراستى جداا كل سنة كنت بجيب امتياز وكنت يتدرب برة كتير اوى .. لغاية ما اتخرجت .. بقيت اشطر مخرجة وانا لسه متخرجة ..
وفى خلال سنتين من بعد تخرجى بقيت من اشهر مخرجين مصر ..
لكن دة معداش عليا بالساهل أعدت اول سنة باخد فى مهدئات ومنوم لأنى مكنتش بقدر انام وانا مش فى حضنك ..
تانى سنة وقفت المهدئات .. بس ما استغنتش عن المنوم ..
بعدها تالت سنة الدكتور حذرنى من المنوم .. بقيت ممكن انام ساعة فى اليوم ساعتين بالكتير ..
كنت بقعد باليالى ابكى نفسي اشوفك .. المحك اسمع صوتك .. كان نفسي تبقى معايا لما اتخرجت كان نفسي تحضر نجاحى .. عمرى ما تخيلت انى هقابلك تانى ..
انا حكيتلك كل حاجة ..
انت مش هتحكيلى ..
صقر بتنهيدة : بلاش ...
شهد : ليه يا حبيبى ..
صقر : هتضايقكى ..
شهد : ههه عادى بقيت متعودة ..
صقر : كنت هتجنن لما صحيت ملقتكيش وال جننى اكتر الرسالة ال سبتيها مفهمتهاش ..
فضلت شهر اقلب عليكى اسكندرية والقاهرة .. كل الناس بلغتنى انك ملكيش اثر .. مستحملتش .. وسكت ..
شهد : مش فهمة حصل ايه ..
صقر : جالى جلطة. فى القلب ودخلت فى غيبوبة ...
شهد بصدمة ودموع : جالك جلطة فى القلب بسببى ..
صقر : أهدى .. سيبنى اكمل ..
دخلت فى غيبوبة شهر بعد ما عالجوه الجلطة ..
جتيلى فى احلامى وكنتى زعلانة لما أسألك تقوليلى انت مش صقر ال حبيته .. صقر حبيبى قوى ..
بعدها فوقت من الغيبوبة .. بعدها طلعت وبطلت ادور .. لكن عمرك ما رحتى عن بالى عمرى ما نسيتك .. كل ما توحشينى كنت اروح اليخت .. افتكر كل لحظة بينا ..
افتكر ضحتك .. كانوا بيصبرونى شوية ..
........
لقا شهد قايمة...
صقر : رايحة فين ...
شهد. : هروح اخد دش ..
صقر : ماشي يا حبيبتى ..
الفصل ال ٢٤ .. (( قبل اااااخيييررررر )))..
بعد وقت ..
صقر : هى شهد طولت فى الحمام كدة ليه .. اقوم اشوفها ..
قام وراح للحمام خبط مرة اتنين .. شهد شهد .. وسمع صوت بكاء مكتوم ..
فتح لقا شهد اعدة على الأرض ضامة ركبها وحطة راسها بينهم وبتعيط ..
صقر بفزع : مالك يا حبيبتى فيه ..
شهد : انا المفروض أموت يا صقر انا مستهالش اعيش ..
صقر : أهدى بس ليه بتقولى كدة ..
شهد بإنهيار ودموع : انا بعدت عنك عشان ميحصلكش حاجة بسببى ويوم ما اسيبك ... يجيلك جلطة فى القلب بسببى .. ومسكت فيه وبقت بتكلم بهيسترية ..
انا ميتهالش اعيش يا صقر .. عذبنى موتنى اعمل فيا الانت عايزه ... اعمل الانت عايزه يا صقر .. عايزة اموت ..
مسكها جامد وحضنها : بس بس أهدى .. انتى حبيبتى وبنتى ورحى وحياتى .. وقلبى .. كل حاجة كانت غصب عننا ..
شهد : لأ يا صقر .. مش عايزة اعيش انا تعبت تعبت ..
راح اتصل بمروان ..
صقر : مروان ابعتلى دكتور بسرعة على الفيلا بسرعة ..
...........
شالها وحطها فى السرير...
صقر : شهد حبيبتى أهدى .. والله انا مسمحاك ..
شهد بإنهيار : لأ يا صقر انت عمرك ما هتسامحنى انا المفروض أموت عشان الكل يرتاح .. المفروض أموت ..
صقر : اوعى تقولى كدة ... انا عايش عشانك انتى ..
أهدى بئا عشان خاطرى ..
شهد وهى بيغمى عليها : لأ انا عايزة اموت .ا .. م.. و..ت
واغمى عليها ..
صقر : شهد شهد ..
.....
بعد شوية كان الدكتور وصل ..
وبعد شوية ..
صقر : ها يا دكتور ..
الدكتور : شكلها اتعرضت لصدمات شديدة ..
صقر بحزن : للاسف .. كتير اوى .. فضلت تقول لازم اموت .. وكلام من دة..
الدكتور : هى كانت بتاخد مهدئات قبل كدة ..
صقر : اه ..
الدكتور : اكيد مع الصدمات عملها كدة .. المهم انا كاتبلها على أدوية و انشاء الله هتفوق بكرة بس أرجح انها تروح مكان تهدى فيه أعصابها ...
صقر : شكرا يا دكتور ..
الدكتور : العفو عن اذنك ..
#############################
صقر شال شهد بعربيته وطلع على يخت حبهم (( يخت الشهد ))..
......
تانى يوم ..
صحيت شهد .. مش فاكرة اوى ال حصل امبارح ..
ولقت صقر نايم ادامها على الكرسي ...
ابتسمت لشكله .. اد وحشها تشوفه وهو نايم ..
شهد: صقر حبيبى تعال نام على السرير ..
صقر قام من غير ولا كلمة لأنه منامش طول الليل ..
تقريبا مش مركز من اساسه ..
طلعت لقت نفسها فى اليخت .. أعدت ادام البحر ...
وابتدت تفتكر كلام صقر كله ..
اد ايه مروا بحاجات صعبة طول السنين الفاتت ..
بس قررت انها مش هتعمل حاجة غير انها تسعده وبس وعمرها ما تزعله واقسمت انها متبعدش عنه لو كان هيموتها ..
......... وهى أعدت افتكرت القناة ..
شهد : يلاهوى الاستديو دول زمانهم قالبين عليا الدنيا طب صقر .. أيوة اكتبله انى نزلت ضرورى ..
ونزلت جرى على الاستديو ...
###########################
دخلت الاستديو لقت فادى فى وشها ..
فادى بقلق : انتى كويسة يا ريسة ..
شهد : تمام يا فادى متقلقش .. عايزاك تعمل اجتماع للكل بلا استثناء ..
فادى : حاضر ادينى ١٠ دقايق ..
#################
عند صقر فى اليخت ..
صحى استغرب أنه نايم على السرير ..وشهد مش جمبه ..
صقر : نهار اسود الا اكون كنت بحلم ...
ولمح ورقة على الكومود ..
صقر : لأ ونبى مبقتش اتفائل بالورق خالص ..
فتح الورقة ..
(( صباح الخير .. على حبيبى .. متخافش مكنش حلم ..انا موجودة .. وكويسة .. انا بس روحت الاستدبو عشان اوضح ال حصل امبارح .. وهجيلك على طول ... )) ..
صقر : اه يا مجنونة .. ديه لسه تعبانة ..
####################
فى غرفة الاجتماعات فى الاستديو ..
تترأس التربيزة شهد ..
شهد : انا جمعتكم انهاردة ... لأن الكل محتاج توضيح للحصل امبارح ..
اولا انا اسمى شهد طارق مش سهيلة المنياوى وابقى حرم صقر المنياوى ..
كل الموجودين احتل على وجهم ملامح الصدمة ..
شهد : انا متجوزة صقر من وانا عندى ١٨ سنة ..
للاسف بعد كام شهر من جوازنا .. ناس من اعداء صقر .. هددونى بحياة صقر لو مبعدتش عنه .. وللاسف اتضتريت اختفى من حياته لمدة ٦ سنين وكان لازم اغير اسمى عشان محدش يوصلى .. انا جيت عشان اوضحلكم الصورة كاملة ..
استاذ حسن (( استاذ حسن مدير القناة ))..
اى إجراء حضرتك هتتخده معايا أنا موافقة عليه ..
سكت شوية .. وقال : بس احنا منقدرش نستغنى عنك يا .. شهد ..
ولا ايه يا جماعة ...
الكل : طبعا ..
ابتسمت لرد فعلهم ..
... استاذ سهيلة ..
شهد : نعم يا عم محمد ..
عم محمد : فى واحد برة. اسمه صقر المنياوى ..
استاذ حسن : دخله فورا ..
دخل صقر بهيبته ..
استاذ حسن : اهلا صقر باشا نورت قناتنا ..
صقر : يا ترى عطلتكم ...
استاذ حسن : لأ ابدا يا باشا ..
بص للجميع .. طب يلا يا جماعة كل واحد على شغله ..
شهد : استاذ حسن ..
حسن : نعم يا استاذة شهد ..
شهد وهى تنظر ل صقر : انا هاخد. إجازة طويلة شوية ...
حسن : اه طبعا براحتك ... بس متتأخريش علينا ..
شهد : انشاء الله...
بعد ما الكل خرج ..
صقر : خرجتى ليه يا شهد وانتى لسه تعبانة ..
شهد : اسفة يا حبيبى بس كان لازم اجى افهم الكل ..
انت نقلتنى امبارح لليخت صح ..
صقر : اه ..
شهد : فى حد عرف انى ظهرت ..
صقر : لأ لسه ..
راحوا أعدوا على الكنبة ومسكت ايده وباستها..
شهد : حبيبى من انهاردة انا هعيش عشان اسعدك وعمرى وما هزعلك .. وبقسملك انك لو هتموتنى مش هبعد عنك ابدا ..
صقر : انا عايز اعيش فى حياة هادئة وسعيدة بس ..
شهد : صدقنى هيحصل .. قولى بابا وماما عاملين ايه وروان ومروان ..
صقر : بابا وماما تعبوا اوى من بعدك بس بقوا كويسين متخافيش .. و و روان ومروان اتجوزا بعد اختفاءك بسنتين ودلوقتى عندهم شهد ٢ سنتين ..
شهد بفرحة : بجد خلفوا شهد على اسمى ..
صقر : أيوة يا حبيبتى بجد ..
شهد : عايزة اشوفهم ونبى ..
صقر : من عنيا يا قلبى .. تحبى تروحليهم دلوقتى ..
شهد بفرحة : ياريت ..
حضنها جامد اوى وقال : ااااه يا شهد وحشتنى نظرة الفرحة ال ف عنيكى ديه اوى ..
شهد بدموع : النظرة ديه بقالها ٦ سنين مبانتش خالص ..
مسح دموعها وقال : كفاية دموع بئا...
شهد : حاضر ..
صقر : هتعملى حاجة تانية قبل ما نمشي ..
شهد : اه عايزة اعدى على فادى ..
صقر بغيرة : مين فادى دة انشاء الله ..
شهد حست بغيرته فقررت تكمل لأنها وحشها غيرته عليها ..
شهد ببرائة مصطنعة : دة واحد صاحبى ..
صقر : نعم يا ختى واحد صاحبى ازاى يعنى ..
شهد : عادى يا حبيبى...
شافت نظراته ال بتشع غضب ..
شهد : لأ ونبى أهدى يا وحش بلاش النظرات ديه انا بهزر .. فادى المساعد الشخصى بتاعى وهو ال جابك هنا بعد ما طلبت منه يجبلى حد تقيل فى مجال الاستيراد والتصدير وبعتبره اخويا الصغير ..
صقر: وقولتى كدة ليه ..
شهد : عايز الصراحة ..
صقر : اكيد ..
شهد مسكت وشه بحب : وحشتنى غيرتك عليا ..
صقر : يسلام ..
شهد : ههه والله .. انا هروح لفادى ..
صقر : ماشي يا شوشتى ..
شهد : الله وحشنى اوى الدلع دة ..
صقر : ههههه يلا بئا يا شوشتى .. انا هستناكى فى العربية .. متتأخريش عليا ...
شهد : عيونى ..
########################
عند فادى ..
دخلت شهد مكتبه ..
شهد : غريبة مسمعتش دوشة انهاردة خالص .. يا ريسة يا ريسة فين..
فادى بتهكم : قولت اسيبك مع حبيبك المجهول ..
شهد : انا اسفة يا فادى عارفة انك زعلان منى .. بس زى ما سمعت انا مكنش ينفع اقول لحد وفعلا مفيش حد يعرف تماما ..
فادى : يا شهد .. انا اعرفك من اول ما دخلت الجامعة وانتى كنتى فى اخر سنة .. انتى ال عرفتينى كل حاجة .. و كمان اعتبرت نفسي اخوكى الصغير وانتى اختى الكبيرة .. دايما كنت بسألك عن حبيبك مكنتيش بترضي تقوليلى .. مع أن انتى عارفة انى عمرى مهأذيكى .. ولا ايه ..
شهد : فعلا انت اخويا كان نفسي دايما يبقى عندى اخ .. وربنا رزقنى بيك ومتاكدة مليون فى المائة انك عمرك ما هتأذينى بس صدقنى مكنش ينفع خالص .. خلاص بئا وحياتى عندك سامحنى ...
فادى : خلاص سامحتك .. يا ريسة ..
شهد : اموت واعرف بتقولى كدة ليه ...
فادى : عشان انتى ريسة فعلا .. هههههه ..
شهد : ماشي يا خويا ..
انا هقولك حاجة دلوقتى وأقوم اهرب لأنك هتقتلنى ..
فادى : خير ..
شهد : انا هاخد إجازة شهر ..
فادى : نععععععم ..
شهد : أهدى بس ..
جريت ورا المكتب بعد ما هو قام ...
شهد : يعنى بقالى ٦ سنين مشوفتش جوزى .. المفروض اخد ٦ سنين كمان اوفيه حقه ..
فادى : يسلام .. تصدقى انا ال غلطان .. ما هو انا ال جبته ... لولايا كان زمانه لسه الحبيب المجهول ..
شهد : خلاص بئا يا فادى .. انا نازلة هتأخر عليه .. باى ..
ومتخافش هبئا اجاى ..
نزلت وركبت العربية ..
شهد : اسفة حبيبى اتأخرت عليك ..
صقر : شوية ..
شهد : كنت بهدى فادى ..
صقر : ليه يعنى ...
شهد : هبئا احكيلك بعدين المهم اطلع على المعادى ..
صقر : المعادى !! اشمعنا ..
شهد : اطلع بس ..
بعد شوية وصلوا ادام عمارة فخمة جداا ..
شهد : يلا انزل ..
صقر : فين ..
شهد : هو انت هخطفك يا صقر .. انزل بئا ..
نزلوا وطلعوا فى الاسانسير وبعدها دخلوا شقة ..
شهد : ديه شقتى ..
صقر : حلوة اوى ..
شهد : تعال .. اوريك اوضة نومى ..
مسكت ايده ودخلت ..
دخل صقر الاوضة و.........
الفصل الخامس والعشرون من هنا
لقراءة باقي الفصول من هنا