رواية #عشقت_بنت_استاذى
الفصل الاول
بقلم سلمى العطار
لا مفيش قعده فى سكن خارجى هتروحى وتيجي فى نفس اليوم
ياماما انا مش هكون لوحدى معايا مريم وفوز
انا قولت لا يعنى لا مش كفايه دخلتى الكليه ده يا بنتى انتى
مجموعك جايب طب بشرى ليه تدخل القسم انتى تفجرينى
متشوفلك صرفه مع بنتك دى
خليها تعمل اللى هي عايزاه انا عارف حبيبت بابا عمرها متعمل حاجه غلط ابدا
تسلملي يا اللى مفيش غيرك ناصفنى فى البيت ده
اعرفكوا بالشخصيات بقى
(سلمى سعيد كلها اسبوع واكون فى الجامعه بحب الاطفال جدا علشان كده اخترت القسم ده بابا اكتر واحد فاهمنى وبيحبنى وماما كمان بتحبنى بس دايما بتفكر فى المستوى الاجتماعي مش اكتر اما بقى مريم وفوز دول افضل صحاب ليا يمكن اكتر من الاخوات كانوا مسمينا ثلاثى اضواء المسرح)
سلمى: هاى شله عاملين ايه
مريم: ايه يا سولى الاخبار وافقوا ولا ايه
(بقلم :سلمى العطار )
سلمى: البت فوز فين
مريم: اهى فتحت
فايزه: عاملين ايه يا بنويت
سلمى: كنتى فين كلب البحر
فايزه: جبت شويه دريسات يا بت يا سولى انما ايه حكايه
مريم: طب يا سلمى متكلفيش نفسك بقى هدوم فوز كتير
فايزه: هاااا لا انسى انتى وهيا اللى حصل فى ثانوى مش هيحصل فى الجامعه كل واحده تلبس حاجتها
مريم: هنشوف الموضوع ده بعدين
المهم يا سلمى اهلك قالوا ايه
سلمى: انتى عارفه راى ماما اما بابا بقى ده حبيب اكيد هيقف معايا وخاصة انى حاسه كده والله اعلم انه مش معارض واصلا انا كده كده هاخد سكن مش هقدر اروح واجاى كل يوم
فايزه: عيال ابويا بينادى هكلمكوا تانى سلام
مريم وسلمى: سلام يا فوز وكترى فى الخمرات تمام ومتنسيش الفستان ابو جيبه اللى بحبه ده
فايزه: اقفلى يا بت انتى وهيا سلام
مريم وسلمى: سلام
طلعت سلمى من الاوضه ورايحه تساعد مامتها فى المطبخ
فاطمه: تعالى قطعى الخضار
سلمى بلهفه: حاضر
فاطمه: انا مش معارضه يا حبيبتي بس انا بخاف عليكي انتى بنتى الوحيده اللى طلعت بيها من الدنيا
سلمى: والله يا ماما عارفه بس انا حتى لو دخلت طب كنت هاخد سكن
فاطمه: اديكى قولتى طب يعنى حاجه تستاهل انك تتغربى علشانها
وترفعى راسى بيكى
سلمى: يا ماما انا طول عمري باعمل الحاجه اللي تريحك حتى لو مش عجباني دخلت علمى علشانك مع انى مبحبش الرياضيات تعبت فى الثانويه مذاكره ودروس برضوا علشانك وعلشان بابا يفتخر بيا وسط المدرسين صحابه لكن بعد كده انا هعمل اللى انا عايز طول ما انا صح يا ماما انا مش بعارضك والله بس انا نفسى اخد لو قرار واحد فى حياتى حتى لو غلط بس حاجه تبقى انا اللى اتحمل نتيجتها سواء كانت صح او غلط
وسابت مامتها ومشيت ودخلت اوضتها تانى بس المره دى والدموع ماليه عنيها والموبايل يرن
الو الووو ايه الغباء ده ناس مش عايزه ترد بتتصل ليه وقفلت شويه ووصلتها مسدج ع الواتس بنفس الرقم وكان مع المسدج فيديو لاطفال بيلعبو وكان مبهج الصراحه
فتحت المسدج
( مفيش حاجه تستاهل دموعك)
واول ما شافت الفيديو بدات تضحك تصرفات الاطفال مع بعض
فضلت سلمى ع الحال ده اسبوع تطلع تاكل معاهم علشان والدها ميزعلش وتدخل تانى قضت الاسبوع تدعى ربنا ان المشكله اللى بينها وبين مامتها تتحل لحد ما الاسبوع خلص وهتسافر بكره
مريم: عيال انا ظبط الحاجه مع صاحبه السكن وكله تمام
(بقلم :سلمى العطار )
سلمى: العماره كلها بنات صح
مريم: اكيد يا بنتى
فايزه: بس فى
قاطعتها مريم بس الشقه حلوه لا وكمان جنب الجامعه يعنى مش هناخد وقت علشان نوصل مش كده يا فوز ولا ايه
فايزه: اه طبعا
سلمى: خلاص انا هنام بقى تصبحوا على خير نتقابل بكره فى الموقف بقى
مريم: مالك يا سولى
سلمى: ماما لحد الان مكلمتنيش وانا ماشيه بكره الصبح معقول حتى مش هتسلم عليا
فايزه: خلاص يا بنتى متعيطيش والله كل حاجه وليها حل بس انتى قولي يارب
سلمى: يارب
قفلت سلمى معاهم وقعدت تقرا قران وقامت صلت القيام وفضلت تعيط فى سجودها لحد ما نامت مكانها خبطت مامتها ودخلت لاقيتها نايمه على الارض
(بقلم :سلمى العطار )
فاطمه: سلمى قومى يا ماما نامى ع سريرك
سلمى من وسط نومها متزعليش منى انا مقصدش اضايقك انا اسفه يا ماما
فاطمه: طيب تعالى نامى دلوقتى انا عمرى ما ازعل منك
سلمى: ماما خليكى معايا عايزه انام ف حضنك
فاطمه: تعالى يا قلب امك واخدتها فى حضنها
صحيت سلمى الصبح ملقتش مامتها جنبها فكرت نفسها كانت بتحلم طلعت بره لاقت الشنط متجهزه
سلمى: ايه ده مين اللى عمل كده
احم ومين غير ماما هيعرف انتى محتاجه ايه معاكى
سلمى: ربنا يخليكي ليا يارب
فاطمه: هتمشوا امتى
سلمى: هلبس وهنتحرك على طول
فاطمه: ربنا يستر طريقكوا
سلمى: اللهم آمين
فاطمه: هتنزلى كل اجازه
سلمى: حاضر هدخل البس بقى
الووووو يا ناس يا اللى هنا
فايزه: نعم يا بنتى
مريم: خلصتوا ولا ايه
سلمى: جايبلكوا كيك بالشكولاته من بتاع فاطمه هنام
مريم: احلفى
فايزه: بت انتوا اتصالحتوا امتى وازاى
سلمى: هقولكوا على كل حاجه بعدين اخلصوا دلوقتى
فايزه: تمام انا خلصت ونازله
سلمى: خلاص سلام بقى
خلصت سلمى وسلمت على مامتها وركبت العربيه مع والدها علشان يوصلها الموقف
سعيد: البنات اهم
سلمى: ازيكوا يا عيال
اتاخرتى ليه هنسامحك علشان مستر سعيد غير كده لا
سعيد: كنت وصلتكوا للسكن
سلمى:لازم نتعود نسافر لوحدنا يا بابا
سعيد: ماشى يبقى طمنينى عليكى لما توصلي
سلمى: حاضر
سعيد: يلا يا بابا توصلى بالسلامه
وقعد يوصى السواق تسوق بالراحه
خد بالك من الطريق وحاجات من دى كتير
_ عرفتلك خبر يستاهل مليون جنيه
_خبر ايه يلا انا مش فايقلك
_ طيب سلام ومتسالش على حبيبه القلب
_ خلاص وحياته امك يا محمود خبر ايه
_ تدفع كام
_ يا سطا اللى انت عايزه
(بقلم :سلمى العطار )
_ جايه الجامعه هنا
_ وحياته امك بس يلا المستر كان بيقول هتدخل طب وهى مجموعها عالى
_ معرفش ياعم ده اللى وصلنى
_ والله الموضوع لو بجد سهره بكره على حسابى
عند البنات
مريم: يا بنتى اقفلى الموبايل ده هو مفيش غيرك ولا ايه الناس كل شويه تبصلنا
فايزه: سبيها يا مريومه فاتحلنا سنترال هههههههه
سلمى: خلصتى انتى وهى على الاقل انا فى ناس بتخاف عليا واتكلمنى مش زيكوا
مريم: اراكى تغلطين فى حقى
فايزه: اين كرامتى
سلمى: يا نهار اسود ايه ده
رواية #عشقت_بنت_استاذى
الفصل التانى
بقلم سلمى العطار
سلمى: يا نهار اسود ايه ده
فايزه: فى ايه يا بنتى
سلمى: اي ايه فاكره الرقم اللى كان بيبعتلى مسدجات ايام الدروس
مريم: اه مش ده الرقم اللى كان بعتلك مسدج من اسبوع تقريبا
سلمى: اه هو
فايزه: ماله ده كمان
(بقلم :سلمى العطار )
سلمى: باعتلى توصلى بالسلامه وقلوب
مريم باستنكار: نعم اللى هو ازاى يعنى
فايزه بضحك: طول عمرى باسمع عن البنات اللى بتتشقط فى الجامعه اول مره هشوف الموضوع ده بث مباشر
سلمى: انتو بتهزروا
مريم: فى ايه ياسلمى ع فكره فوز متقصدش
سلمى: معلش يا فايزه انا اسفه بس الموضوع مفهوش هزار انتوا مقدرين اننا دلوقتى متراقبين
مريم: يا بنتى مفيش حاجه اكيد حد من صحابنا وبيهزر معاكى مش اكتر
سلمى بشك: اتمنى
وصلوا البنات على السكن وقابلوا صاحبته واخدوا المفتاح وقالتلهم شوفوا الشقه وانا هاجى وراكوا كانت الشقه عباره عن خمس اوض وصاله كبيره ومطبخ وحمامين مشترك وبلكونه كبيره
فايزه: ايه رايكوا فى الشقه
سلمى: جميله جدا وواسعه كمان بس كده فى إتنين مش عارفينهم مش مهم احنا الاغلبيه
مريم: اتنين ايه
سلمى: يا بنتى الشقه خمس اوض واحنا تلاته يعنى باقى بنتين
فايزه: لا يا حبيبتي شكلك فاهمة غلط صحيح هى خمس اوض بس مش لخمس بنات خالص
سلمى: مش فاهمه
مريم: فايزه تقصد ان كل بنتين فى اوضه
سلمى: لا انا مستحيل اشارك حد اوضتى لا لا انا مش متعوده ان حد ينام معايا فى الاوضه الغوا الفكره دي خالص
فايزه: انا عندى حل
مريم: ايه
فايزه: الاوضه اللى على الشارع فيها سرير واحد ده دليل انها لشخص واحد تقدر سلمى تاخدها وانا وانتى فى الاوضه اللى جنبها
سلمى: تمام انا معنديس مشكله مع انها صغيره قوى بس عادى
مريم: سلمى احنا مش فى البيت يعنى كل حاجه هتكون مختلفه
سلمى: ولازم اتعايش مع الواقع فاهمه كل ده
السلام عليكم يابنات عجبتكم الشقه
مريم: اه هى كويسه قوي
صاحبه السكن: انتوا بتعملوا ايه فى الاوضه دى
فايزه: سلمى اختارت الاوضه دى
وانا ومريم هناخد الاوضه اللى جنبها
صاحبه السكن: معلش يا سلمى تقدرى تختارى اوضه تانيه يا حبيبتي الاوضه محجوزه من تلت سنين ل اروى
سلمى: بس يا طنط انا مبحبش حد يشاركنى اوضتى وبعدين انا جيت قبلها
صاحبه السكن: والله ما ينفع طيب انا عندى نفس الاوضه دى فى الشقه اللى تحت
سلمى: خلاص يا بنات ننزل تحت
(بقلم :سلمى العطار )
صاحبه السكن: ماهو البنات ملهمش مكان تحت
سلمى: بصى يا طنط انا خلاص اختارت الاوضه وبعدين اروى دى زى ما بتقولى مفضلش ليها غير سنه يعنى مش هتفرق معاها
صاحبه السكن: ع العموم هى جايه بكره واتصرفى انتى معاها
مريم: سيبهالنا احنا هنعرف نتصرف معاها
صاحبه السكن: ع العموم ارتاحوا وبكره ربنا يفرجها
فايزه: ان شاء الله
نزلت صاحبه السكن اه هى ساكنه فى شقه من العماره هى وجوزها وعيالها بس بما ان السكن بنات هى اللى بتتعامل معاهم
سلمى: تعالوا نرتب حاجتى الاول وبعدين اساعدكو
فايزه: ههههههههههه طيب متستعجليش لما نشوف اروى دى هتوافق ولا ايه
سلمى: سيبك حتى لو موافقتش انا مش خارجه من الاوضه واللى عندها تعمله
مريم: سلمى دى اكبر مننا ومينفعش نعمل مشاكل معاها
سلمى: ومين قال اننا هنعمل مشاكل احنا هنطلب منها بالادب وافقت تمام ويبقى وفرت على نفسها وعلينا تعب كتير موافقتش بقى هى حره تختار مكان تانى او تاخد الاوضه اللى تحت هى واحده يعنى مش هتفرق
فايزه: جامد يلا هتقلبى قطه لما تكلمك
سلمى: امال انتوا بتعملوا ايه حضرتك هتبقوا معايا طبعا
مريم: ربنا يستر
سلمى: يلا يا انسه انتى وهى عندنا شغل
فايزه: يلا
نضفوا الاوض ورتبوا حاجتهم وكل حاجه تمام
مريم: انا جعانه
سلمى: وانا كمان
فايزه: انزلوا هاتوا اكل من تحت
سلمى: انا عن نفسى تعبانه ومش قادره انزل روحى انتى ومريومه
مريم: تؤتؤ مريومه ايه لو هننزل هننزل احنا التلاته
سلمى: هنبتدى رخامه بقى
فايزه: اه قومى بطلى كسل يلا
سلمى: حاضر منكوا لله
يلا يا بنتى الوقت اتاخر هننزل امتى
مريم:اهدى يا سلمى خلصنا هى الساعه كام
فايزه: سبعه ونص
مريم: طيب لسه بدرى
(بقلم :سلمى العطار )
سلمى: هى طنط دى مش قالت الباب بيقفل الساعه ٨
فايزه: يا بنتى احنا اول يوم يعنى مش هتفرق ٨ من ٩
سلمى: طيب اخلصى انتى وهى
خرجوا وجابوا الاكل ولفوا شويه يستكشفوا المكان
سلمى: يلا يا بنات الوقت اتاخر
مريم: عندك حق يلا
فايزه: زى ما توقعت الباب مفتوح
سلمى: ده من حظنا
مريم: لو كان مقفول كنا هنتسوح
كنتى فين يا انسه انتى وهى
طنط.......