رواية #عشقت_بنت_استاذى
الفصل الثامن والتاسع والعاشر
سلمى: نعم
فايزه: اتفضل يا محمود
محمود: شكرا شوف كده يا عمرو
سلمى شدت الورقه: هو ايه اللى شوف يا عمرو ووجهت كلامها للبنات مش مهم كفايه كده يلا
محمود لعمرو: هتتعب معاها ي ابو الصحاب
عمرو: ايه ده! استنانى هنا
محمود: ع فين يا ابنى
عمرو وهو بيجرى: راجعلك
___________
ع الله نخلص بقى
مريم : اهدى يا سولى
سلمى: والنبى سيبنى ف حالى انتى كمان
فايزه: ايه يا سلمى
(بقلم :سلمى العطار)
سلمى: فايزه انا مش ناقصاكى يعنى يقولك هاتى الورقه تديهاله لا و بكل بساطه
فايزه: سلمى ده محمود
مريم: محمود محمود
فايزه:.........
سلمى: هو ده روميو ذوقك بلدى يا فوز ههههههههههه
فايزه: بكره نشوفك يا اختى
سلمى: بضحك يا حبيبتي يوم ما افكر احب هيكون حد يستاهل واحد كده فريد من نوعه
مريم: بالدبش ده مش هتلاقى حد يرضى بيكى اصلا
سلمى: يا بت انا اشاور بس وهلاقيهم قدامى وبتلف بايدها لاقت عمرو ف وشها
مريم بضحك وهى بتغمز: اه باين مش كده يا فوز
سلمى: انكتمى انتى وهى ويلا ملناش علاقه بيه
عمرو بسرعه: سلمى سلمى استنى
سلمى وبدأت تفقد اعصابها: وكمان بينادى عليا اتجنن ده ولا ايه انا هعرفه قيمته كويس
مريم: اهدى وبلاش مشاكل احنا ف الشارع
عمرو: هو انا مش بنادى عليكى
سلمى: لا دا انت عبيط بقى ايه كمية الذوق دى يا اخى خلى عندك شويه احترام لنفسك وبطلى تجرى ورا البنات انت ايه اعتبر اختك مكانا
عمرو: عندك حق انا اسف ومسك ايداها واداها الموبايل بتاعها ده اللى جابنى وراكى واوعدك انى مش هضايقك تانى عن إذنك وسابها ومشى
___________
ايه بتبصولى كده ليه
مريم: مفيش
(بقلم :سلمى العطار)
فايزه بضيق: لا ف ف انك بقيتى بتستمعتى انك تجرحى اللى قدامك امتى هتبطلى تحكم ع الناس من وجهة نظرك وكل مره نتكلم تقولى لا انا صح لا انتى مش صح يا سلمى انتى عايزه الكل يبقى زيك وبس عايزه الكل يمشى بقواعدك وبشروطك انتى تؤمرى واحنا ننفذ انتى عمرك ما كنتى صح ولا هتبقى صح ف حياتك
سلمى: انا هفضل طول عمرى صح عايزانى ايه احب واحد مش معبرنى وافضل اجرى وراه وقلبى يتكسر ف كل مره اشوفه مع واحده غيرى او اسمع انه عايز يخطب او انه بيعتبرنا اخوات عايزانى احلم وابنى قصور ف الهوا وتيجى واحده تانيه تحقق احلامى وابقى شايفاها قدامى ماسكه ايده وشايله اسمه
فايزه بكسره لانها عارفه ان سلمى تقصدها: مش قولتلك بتستمعى انك تجرحى اللى قدامك
سلمى: فايزه انا مقصدتش اضايقك
فايزه: خلاص يا سلمى ودخلت الاوضه وقفلت الباب
بتبصلى كده ليه قولى انتى كمان اللى عندك
مريم: هو انا اتكلمت يا سلمى ولا انتى عايزه تتخانقى وخلاص وسابتها ومشيت
سلمى: حتى انتى يا مريم بتمشى حلو قوى كده نشوف مين بقى اللى هيرجع للتانى
وقتها كنت مخنوقه اكتر من اى حاجه اه احنا ع طول بنتخانق بس دى اول مره احس انى فعلا وحشه قوى كده وانى بستمتع بحرج اللى قدامى ازاى بس ازاى ابقى كل ده فاكره انى بساعد الناس وانا بكون سبب ف جرحهم لا بس فايزه عارفه انى مقصدش واكيد مش هتزعل منى طيب انا مضايقه ليه
مريم: ايه يا بنتى هتفضلى كده ما انتى عارفه سلمى وكلامها يعنى هى اول مره
فايزه: عارفه يا مريم المشكله مش ف سلمى ولا ف كلامها لانك عارفه كويس انها صح وان كل اللى قالته ده هو الحقيقه
مريم: حقيقه ايه
فايزه: انه بيحبنيش وانى انا اللى بجرى وراه ومعلقه نفسي باوهام وعايشه احلامى مع نفسى انه ف يوم من الايام هيجى يتقدملى
مريم: مفيش حاجه بعيده ع ربنا
فايزه: يارب بس تفتكرى محمود ممكن يخطب حد غيرى زى ما سلمى قالت
مريم: تيجى نقوم نسالها
فايزه: يلا انا اصلا مش هعرف انام وهى زعلانه وقاموا فتحوا الباب
هاااااا
مريم: انتى بتعملى ايه
سلمى: على فكره انا مش عارفه انام وانتو زعلانين
فايزه: ومين قال اننا زعلانين احنا جعانين
سلمى: ههههههههههه عارفه انك مفجوعه
فايزه: طيب ادخلى اعملى اكل بدل ما اكلك واحلى بالسحليه اللى جنبى
(بقلم :سلمى العطار)
مريم: انا يا فايزه
سلمى: هششششش يلا يا سحليه قدامى انا لما صدقت ترضي عنى
مريم: يلا هطلع انا المحترمه ف الموضوع
____________
انت فين يا ابنى ومجتش ليه
عمرو: مفيش يا محمود انا روحت
محمود: روحت ايه مش ع اساس رايحين نكمل السهره عند احمد
عمرو: معلش مش قادر
محمود: مالك يا ابنى ف حاجه وبعدين تعالى هنا انت جريت روحت فين هاااا
عمرو: لما ترجع طيب هبقى اقولك انت هتتاخر
محمود: لا بس الشباب تحت والعيال اللى ف عماره الشهيد هنا
عمرو: سلملى عليهم انا هنام علشان نازل البلد بكره
محمود: ايه ده مش ع اساس انك هطبق معايا الاسبوع ده ولا ايه
عمرو: معلش يا محمود لازم انزل
محمود: هى المزه نازله ولا ايه
عمرو: معرفش ومش عايز اعرف وسلام بقى علشان انا عايز انام
محمود: طيب اهدى انت هتغير ولا ايه سلام يا عم
عند سلمى ف الاوضه
وادى فايزه واتصالحت ايه اللى مضايقنى دلوقتى
وفضلت صاحيه طول الليل اقلب ف الفيس شويه واحاول انام مفيش ارجع للموبايل لحد الفجر قومت صليت وقعدت اقرأ قران وسمعت صوت خبط ع الباب
ادخل
سلمى: اروى دى انتى
اروى: انا انا واترددت شويه
انا كنت بشوفك صاحيه ولا ايه
سلمى: خير ف حاجه
اروى: لا مفيش
وخرجت استغربت من تصرفها بس عديت الموضوع وقومت صحيت فايزه ومريم علشان نمشى
مريم: يا بنتى سيبنى انام شويه لسه بدرى
سلمى: ولو مش انا صحيت يبقى لازم تصحى
مريم: انتى بتردهالى يا سلمى
سلمى: اخلصى بقى
مريم: ادينى قومت شوف بقى هتقدرى ع الهانم التانيه ازاى
سلمى: هتشوفى فايزه قومى يا حبيبتي فايزه فايزه
يالهوى الحقى يا فايزه محمود يا لهوى محمود
فايزه: محمود ماله ف ايه
سلمى: كفك يا مريومه
فايزه: والله هى بقت كده ماشى يا سلمى
سلمى: حبيبه سلمى اخلصى والنبى بابا وماما وحشينى قوى
فايزه: ربنا يخليهملك
سلمى: يارب يا فوز ويخل......
قاطعتها فايزه: انا هقوم علشان منتاخرش
مريم بهمس: انتى ع طول كده لسانك فالت
سلمى: يوه بقى يا مريم خلاص
مريم: ادخلى يلا اجهزى علشان منتاخرش زى كل مره
سلمى: والله يعنى انا السبب دلوقتى واناواللى بأخركوا ماشى يا مريم لما نشوف
مريم: متكمليش اصل مفيش غيرك هيلفلى الخمار
سلمى: لازم تعرفوا قيمتى بقى
فايزه: هاااااا كل حاجه تمام
سلمى: تمام انا عن نفسي ظبط حاجتى
مريم: وانا كمان تمام كده
فايزه: طيب يلا
سلمى: استنوا نسلم ع البنات قبل ما نمشى
مريم: ده هما يومين
سلمى: ولو
عيال يلا سلام بقى نشوفكوا ع خير وراحت لكل بنت تسلم عليها ومريم وفايزه كالعاده بينفذوا الاوامر وبيعملوا زيها
مريم: لا يا سلمى كله الا كده بقى
سلمى: انا هدخل وانتو احرار
خبطت الباب
ادخل
سلمى: انا ماشيه
اروى: هتتاخرى
سلمى: هاااا
اروى: اقصد وانا مالى بيكى
سلمى بابتسامه: ع العموم هما يومين الاجازه بس اشوف وشك بخير
اروى:.........(ف نفسها توصلى بالسلامه)
مريم: شوفتى انا قولتلك عجبك كده لما مردتش
سلمى: خلاص يا مريم يلا بقى علشان منتاخرش
وصلنا الموقف وكانت العربيه خلاص بتحمل
السواق: كام واحد يا انسه
مريم: يعنى هو مش شايف احنا كام ولا ايه
سلمى: بس بقى يا بنتى احنا تلاته يا عمو
السواق: لا معلش فاضل اتنين للعربيه
سلمى: ايوه بس انا شايفه ان ف مكان جنب حضرتك فاضى يبقى كده تلاته
السواق: الاستاذ حاجز المكان
سلمى: يعنى ايه حاجز المكان دى اخر عربيه ف الموقف والباقى بعد ساعه هنستنى ف الشارع مثلا
مريم: اهدى يا سلمى خلاص
لو سمحت لو الانسه حابه تيجى انا معنديش مانع
السواق: اتفضلى
سلمى: يلا واحده منكم تقعد قدام وانا هقعد هنا
مريم: واحده مين انتى اللى اخترتى يلا اركبى بقى علشان يبقى لسانك طويل وتبجحى
سلمى: كده يا مريم ماشى فوز حبيبتي اطلعى قدام
السواق: انتو كمان هتتحايلوا ع بعض
سلمى: خلاص اركبو ربنا ينتقم منكوا اوعى كده بقى
افتحلى يا عم الباب ده
سلمى: يا نهار اسود........
يتبع
#عشقت_بنت_استاذى
البارت التاسع
سلمى: ينهار اسود انت
عمرو: ف حاجه حضرتك وكان بيدارى ضحكته
سلمى: لا مفيش
عمرو: ايدك
سلمى: نعم
عمرو: علشان اطلعك
سلمى: لا شكرا
ركبت جنبه بس الغريب ان هو اللى حط الشنطه ما بينا وانا كان نفسي انا اللى اعمل كده فضل طول الطريق ساكت كده وباصص قدامه وانا كنت هموت واعتذر عن الموقف المحرج اللى حصل وكمان لانى اتعصبت عليه بس هو مكنش مدينى اهتمام
عمرو: اربعه لو سمحت خلاص يا بنات
(بقلم :سلمى العطار )
سلمى: لا طبعا ايه اللى انت بتعمله ده احنا مش محتاجين حضرتك تدفعلنا
عمرو:.......
سلمى: انت يا كابتن انا بكلمك
عمرو: اسف كنتى بتقولى ايه ماخدتش بالى
سلمى: انت قليل ذوق
عمرو: شكرا ع كلامك الجميل وببتسامه سذجه والله كنت هموت من الغيظ
سلمى: يا برودك
عمرو:.......
فضلت قاعده مضايقه اول مره حد يتجاهلنى كده واول مره اتعصب ع حد ويكون بارد بالطريقه دى يعنى هو قاصد انه يعصبنى ولا معتبرنى شفافه لا والكلبتين التانين اللى مصدقوا حد يدفع مكانهم
حاسب لو سمحت
السواق: نازل هنا
عمرو: اه بعد اذنك
انا كنت فين وقتها مش عارفه كنت سرحانه ف ايه يمكن بعاتب نفسى او بفكر انى اعتذر بس اعتذر لشخص اصلا باين انه مش طايق يشوف وشى لا بس هو كان بيضحك لا هو مضحكش هو كان عايز يضحك ايه الهبل ده
سلمى
سلمى: هااا نعم
عمرو: انزلى
سلمى: ليه انا لسه موصلتش
عمرو: بس انا وصلت
سلمى: وانا مالى
عمرو: هطير مثلا انزلى علشان اعرف انزل
سلمى: اوبس انا اسفه
(بقلم :سلمى العطار )
عمرو:.........
نزلت بس المره دى اتاكدت انه فعلا مضايق منى لأ لأ مش مضايق بس لو مش مضايق ليه مردش مثلا هاااا
هو انا شاغله نفسي بيه يولع
وصلنا احنا كمان ونزلنا
سلمى: مبسوطين كده يعنى
فايزه: والله مكناش نعرف ان الشاب ذوق وهيدفع الاجره ولا ايه يا مريم
مريم: انا اتفاجئت الصراحه دا ولاد بلدنا مبيعملوش كده بس انتى ايه اللى مضايقك
سلمى: مفيش
فايزه: المفروض اصلا تكوني فرحانه انه مهزأكيش بعد اللى عملتيه
سلمى بهزار: خلاص بقيت انا الوحشه دلوقتي
وصلت البيت وطبعا ما بين احضان والدى وولدتى اللى حسسونى انى كنت مهاجره مكنش كام يوم اللى غبتهم بس هما كمان كانوا واحشينى قوى
فاطمه: ادخلى يا ماما غيرى هدومك لحد محضر السفره
سلمى: حاضر
خصلت الاكل وبابا كان عنده درس حبيت انزل معاه
سعيد: انا نازل
سلمى: دفعه تالته صح
سعيد: اه انتى عارفه ان المواعيد مبتتغيرش
سلمى: ياه كانت ايام
فاطمه: قال كنتى مرتاحه ف الايام دى يا اختى دا انتى كنتى مطلعه عينى
سلمى: خلاص يا ماما ايام وعدت وبعدين ربنا مضيعش تعبى
فاطمه: بس انتى ضيعتيه يا اختى
سلمى بنرفزه: يوه بقى
سعيد: يلا يا بنتى
سلمى: يلا اصل احنا مش هنسلك
فاطمه: ماشى اتفقتوا عليا
سلمى وحاوطتها بايديها: واحنا نقدر يا حبيبتي بس انتى مش عايزانى اكون مرتاحه
فاطمه: اكيد هو انا عندى اغلى منك
(بقلم :سلمى العطار )
سلمى: حلو قوى وانا مرتاحه دلوقتى
فاطمه: ربنا يريحك يا حبيبتي
سلمى: يارب يا ماما ويلا بقى يا مستر مينفعش تتاخر اكتر من كده
سعيد: يلا يا بابا
ونزلت معاه والله كنت مشتاقه لايام الدروس والمدرسين وصحابى
كل ما كان يشرح حاجه كنت افتكر لما كنت ف يوم من الايام قاعده مكان الطلبه هنا ومتحمسه واسال واناقش المدرسين
اه بابا مدرس لغه عربيه يعنى عنده طلبه علمى وادبى ومن حظى ان المجموعه دي كانت علمى فكنت داخله بقلب جامد بقى
-وانتى بقى استفدتى ايه من دروس العلمى اذا كنتى مقرره تدخلى كليه ادبيه
سلمى بابتسامه ساذجه: مين الظريفه
سعيد: دى يا بابا منار السيوفى من اشطر الطلبه عندنى بتفكرنى بيكى كده
سلمى: والله هى لحقت تفكرك بيا دى مكملتش شهر معاك
سعيد: منار بتاخد معايا من اولى ثانوى غير كده دى اخت عمرو ع سيره عمرو انتوا عارفين عمرو ده يا ولاد كان من المتفوقين ف دفعته رغم ان الدفعه كان الولاد فيها مش كويسين الا انه كان راجل يعتمد عليه فعلا كنت دايما فخور انى بدرس للطالب ده
سلمى: خلاص يا بابا اهو كلامك اللى بيخليهم يتغرو
منار: انا واخويا مش مغرورين يا انسه
سلمى: اسمى سلمى يا بت
سعيد: سلمىىىىىى
سلمى: اسفه
منار: انا اسفه يا مستر انا سالتها بس يعنى علشان هى مدخلتش طب وكده ف كنت حابه اعرف
سلمى: وتقدرى تقولى ليه اخوكى مدخلش طب
منار: علشان هو حابب علم نفس
سلمى: ما شاء الله بتعرف تفكر كويس انا كمان حابه رياض اطفال
منار: اصلها اذواق
سلمى: بكره نشوفك يا حبيبتي هتختارى باردتك ولا التنسيف اللى هيرميكى
منار: انا.....
سلمى: بس بس ركزى يا بابا ركزى
منار: مركزه
سلمى: بابا انا طالعه فوق قبل ما افقد اعصابى
سعيد: ماشى يا بابا
طلعت انا مخنوقه منها ومن اخوها ايه الرخامه اللى ف العيله دى شكلها وراثه
سعيد: معلش يا منار هى اكيد متقصدش هى مضايقه علشان الكل بيكلمها ف نفس الموضوع ومستقل بكليتها
منار: لا يا مستر عادى وبعدين انا اللى ضايقتها بلغها اسفى
سعيد: خلاص يلا نبدا
عند سلمى فوق
فاطمه: طالعه متعصبه ليه
سلمى: مفيش انا هنام شويه علشان تعبانه من السفر
فاطمه: طيب
دخلت اوضتى لاقيت مسدجات من جروب الدفعه عمتا يعنى انا مبشفوفش المسدجات دى بتكون كلها هبد وكلام فاضى بيفضلوا يتعرفوا ع بعض ف الجروب وحوارات ملهاش لازمه
نمت والنوم غلبنى فعلا صحيت الساعه 11،5 لاقيت مكلمات من البنات مسنجر وواتس وفون انا قلقت اكيد ف حاجه اتصلت بفايزه
الو
فايزه: ايه يا بنتى احنا قولنا جرالك حاجه
سلمى: لا عايشه يا اختى متقلقيش بس علشان مكنتش نايمه قبلها
فايزه: ومكنتيش نايمه قبلها ليه
سلمى: مش هقولك
فايزه: يلا يا رخمه انا غلطانه انى بسال عليكى
سلمى: طب خلاص متبقيش قفوشه كده اصل يا ستى لا لا انتى هتضحكي عليا
فايزه بلهفه: لأ لأ والله م هضحك
سلمى: فايزه انتى حلفتى
فايزه: يلا بقى
(بقلم :سلمى العطار )
سلمى: بصى اصل ف شاب هناك كان بيغنى وانا كنت متعوده انام على صوته
فايزه: نعم يا أختى وكانت بتحاول تكتم ضحكتها
سلمى: متضحكيش انتى حلفتى هاااا والله يا بنتى كنت بحس انه ونس ليا والله
فايزه: ياه وبعدين
سلمى: وبعدين ايه يا بت
فايزه: ايوه هتعملوا ايه
سلمى: هنعمل ايه انتى تقصدى مين
فايزه: هيكون مين يعنى انتى والعندليب
سلمى: تصدقى انك عره وبارده وانا غلطانه انا اتكلمت معاكي انتى انتى
فايزه: انا مش عارفنى انا تهت منى انا مش انا
الو الو بت يا سلمى هههههههه
بتقفلى ف وشى ماشى
مساء الخير يا مريومه يا قمر
مريم: هو انتى بيجى من وراكى خير عايزه ايه فايزه
فايزه: هو محدش طايقنى ولا ايه
مريم: ليه يا بنتى
فايزه لسه بكلم سلمى و....
مريم: هى ردت الجزمه دى كانت قافله ليه
فايزه: م انتى لو تستنى اكمل كنتى فهمتى كل حاجه
مريم: قولى يا اختى
فايزه: اصلها كانت مطبقه من امبارح
مريم: مطبقه ليه خير
فايزه: العندليب مغناش امبارح وهى مكنتش عارفه تنام
مريم: فايزه عندليب ايه دلوقتى
انا مش فاضيالك
فايزه: بتعملى ايه يا بت ما هو انتى لو مرتبطه كنت قولت مشغوله بت يا مريم انتى مرتبطه من ورانا
مريم: مرتبطه ايه يا بنتى انا بشوف البوستات اللى ع الجروب
فايزه: اهو الجروب ده اللى لحس دماغك من يوم ما دخلنا الجامعه بتابعى ايه يا اختى امال لو كان الكلام ليكى (ده جروب اسمه كراش جامعه..... طبعا كل جامعه بتعمل جروب باسمها احنا عندنا كده مش عارفه انتوا زينا ولا ايه بس مش مهم ده عباره عن اى شخص بيبعت ع صراحه للادمن او المسؤول انه مثلا معجب ببنت او شافها فين وكده والادمن ينزل بحيث اللى يعرف البنت يمنشن لها والعكس حاجه يعنى ملناش دعوه بيها بس هنحتاجها)
فايزه: بت يا مريم
مريم: عايزه ايه
ابعتلى دعوة انضمام للجروب ده وكمان ابعتى لسلمى
مريم: وايه التغيير ده
فايزه: هتعرفى
مريم: براحتك
واتصلوا بيا علشان انضمن للجروب
وفعلا انضميت
وبعد خمس دقايق لاقيت بوست على الجروب ( لو سحتوا يا شباب الشاب اللى بيغنى بالليل اللى صوته حلو ده اللى ساكن قصاد النادى يا ريت تغنى كل يوم علشان ف ناس اتعودت تنام ع صوتك وفضلت صاحيه طول الليل يرضيك كده)
اول ما شوفت البوست كان قلبى وقف والدنيا كلها اسودا ف وشى
سلمى: فايزه انتى بتهزرى تصدقى انا غلطانه انى قولتلك اصلا يعنى ينفع كده ايه الهزار الرخم ده
مريم: خلاص يا سلمى هو اصلا ميعرفش مين اللى كاتب الكلام ده فاهدى بقى
(بقلم :سلمى العطار )
سلمى: لا بجد دى حاجه تضايق هو يعنى اى حاجه تتقال
فايزه: خالص بقى يا سولى والله هموت واعرف مين اللى بيغنى ده
عيال انتوا شوفتوا اللى سمعته
مريم: بالله عليكى هي بتتقال كده
فايزه بضحك : من الواضح كده ان كل المنشن للعندليب
سلمى بخوف : مش وقتك خالص ده هو يالهوى
فايزه: يا ابن اللعيبه يا عمرو يعنى حلوه وكمان صوتك حلو ايه يا رب الحظ ده
سلمى: انا عايزه انام سلام
مريم: طب استنى يمكن يغنى علشان تعرفى تنامى
سلمى: بقى كده سلام ها سلام
فايزه: خلاص سلام
قفلت بس منمتش انا خطرتلى فكره اذا كان الجروب ده بيوصل مسدجات الصراحه للمسؤول وهو المسؤول اكيد هقول اللى عايزاه ومش هيعرف مين
وبدات اكتب......
يتبع
#عشقت_بنت_استاذى
البارت العاشر
بدات اكتب وانا متردده بس مفيش حل تانى
( بص يا ادمن هو ف واحد هنا زعلان منى ويمكن مش عايز يكلمنى تانى وكل ده بسبب موقف حصل ما بينا انا كنت متعصبه واحرجته قدام الناس فانا حابه اعتزرله يا ريت تقبل اسفى)
سلمى: يا نهارى ايه اللى انا عملته ده لا لا مكنش لازم اعمل كده يا ريتنى ماكنت بعتها اووووف قفلت النت وفضلت رايحه جايه ف الاوضه لحد الفجر قومت صليت وقرات قران انا هموت واشوفه رد ولا ايه
مقدرتش استنى اكتر واول ما فتحت دخلت ع الجروب اشوفه نزل البوست ولا ايه
الكومنتات كانت ع البوست كتيره
- قولى اسفه وخلاص
(بقلم :سلمى العطار)
- نفضى يا بنتى انتى هتديه اكبر من حجمه
- الاعتذار ف اغلب الاوقات هو الحل المناسب
- انك تقولى اسفه مش هيقلل من قيمتك بالعكس دا انتى كده هتكبرى ف نظر غيرك
- هى دى البنات اللى بتفهم ايوه يا ابا لما تغلطوا لازم تعتذروا
-.............
انا مكنش هاممنى كل الكومنتات دى انا كنت عايزه اشوف رايه وفضلت ادور يمكن يكون كتب اى كومنت بس للاسف اسمه مكنش موجود مع ان هو اول واحد شافه ووافق انه ينزل ع الجروب
وقتها اتخانقت ومقدرتش اخد نفسي يمكن لانه فعلا معبرنيش وقفلت الفون خلاص
صباح الخير يا ست الكل
فاطمه: صباح الورد يا ماما ايه كل ده نوم
سلمى: نوم ايه بس يا ماما انا صاحيه من قبل الفجر
فاطمه: طيب تعالى ساعدينى ف الفطار علشان بابا لما يخلص الدرس يلاقى الفطار جاهز
سلمى: اساعدك اساعدك ايه بس لا يا ماما انا داخله انام
فاطمه: بضحك والله هيجيبك ليا من تانى يوم
سلمى: لا يا اختى هو بيحبنى ومش هيستغنى عنى
فاطمه: هو مين ده
سلمى: صاحب نصيبه بقى
فاطمه: قصدك اللى امه داعيه عليه
سلمى: داعياله داعياله يا حجه هو انا اى حد
فاطمه: طيب قدامى ع المطبخ ونشوف دعياله ولا داعيه عليه
(بقلم :سلمى العطار)
سلمى: ماشى ماشى
ردى ع الموبايل شوف مين
سلمى: حاضر كل حاجه سلمى
الو
سعيد: موبايلك مقفول ليه
سلمى: مفيش يا بابا
سعيد: طيب اعمليلى شاى
سلمى: حاضر
سعيد: قولى لماما عمتو امل جايه
سلمى: طيب اعمل حسابك بقى انا النهارده بره البيت
سعيد: مينفعش يا سلمى هى عارفه انك هنا وجايه علشان تشوفك
سلمى: يا بابا
سعيد: مفيش يا بابا
سلمى: خلاص ماشي سلام
سعيد: سلام
_____________
قالبه وشك كده ليه
سلمى: والنبى سبينى ف حالى
فاطمه: طيب ده ملح
سلمى: يا نهارى كان هيشرب احلى شاى بملح ف الدنيا
فاطمه: ايه اللى مشتتك كده
سلمى: الحربايه جايه
فاطمه: عمتك امل
سلمى: شوفتى اهو انتى كمان مقتنعه انها حربايه
فاطمه: بت انتى هتقولينى كلام مقولتوش
سلمى: والله انا مبحبهاش كده لله ف لله معرفش ليه ولا هى ولا ابنها الملزق ده
فاطمه: ربنا يهديكى هو حد يطوله ده كفايه المعرض اللى عنده والعماره والمزرعه اللى ف البلد ده ولد وحيد والخير ده كله هيبقى ليكى
سلمى: يا شيخه يغور هو فلوسه انا ناقصه مرض
فاطمه: هتفضلى كده لما تعنسى جنبى
سلمى: انا نازله لبابا اشتغلى اشتغلى
فاطمه: طيب يا اختى
نزلت الشاى وبابا طلب منى افضل معاه علشان بيظبط المذكرات لان النهارده الجمعه والسكرتيره بتكون اجازه فضلت معاه انسق ف المذكرات علشان يبدا يسلمها للطلبه وبعدين طلعنا فطرنا وقومت اساعد ماما ف الغدا علشان اللى جايين
فاطمه: سيبك بقى من اللى ف ايدك وادخلى غيرى هدومك شويه ويوصلوا
سلمى: لا حلو كده هما مش غرب عننا يعنى
فاطمه: انتى عايزة تشلينى
سلمى: لا بقى ما هو جو البسى وبعدين اتفاجئ انه جاى يتقدم واضطر انى اوافق علشان بابا ميتحرجش قدامهم وادبس انا بقى فيه استحاله
فاطمه: ايه يا بنتى الجو الهندى ده
(بقلم :سلمى العطار)
سلمى: اوفر مش كده ادخل البس احسن
دخلت لبست كان هما وصلوا وقاعدين بره مع بابا
امل: امال سلمى فين قاعدين من نص ساعه مشفنهاش يعنى
فاطمه: ف اوضتها هدخل اناديها
سلمى: السلام عليكم
امل: وعليكم السلام ايه يا اختى كل ده بتلبسى
- وعليكم السلام ازيك
سلمى: بخير
-يارب دايما
سلمى: هقوم احط الاكل علشان نخلص
سعيد: سلمىىىىى
سلمى بابتسامه سزجه : عن اذنكوا
دخلت المطبخ وانا ع اخرى
فاطمه: يعنى مش عارفه تمسكى لسانك الكام ساعه اللى هيقعدوها ايه الدبش ده
سلمى: والنبى سيبنى بدل ما اخرج اطردهملك دلوقتي انتى مش شايفه اسلوبها المستفز
فاطمه: هى عمتك كده طيبه و اللى ف قلبها ع لسانها
سلمى: ماشى يا اختى يلا يلا خليهم يمشوا بدرى
حطينا الاكل وقعدنا ناكل
-لو سمحتى يا سلمى ناولينى المايه
سلمى: اتفضل
خلصنا اكل وقومت اعملهم عصير وطالعه بيه
اتفضلى يا طنط
امل: متشكرين يا اختى
اتعصبت والله احتراما لانها اكبر منى وعمتى كنت قلبت العصير عليهم مسكت نفسي بالعافيه حطيت العصير ع التربيزه
وقعدت
سعيد: اتفضل يا ابنى متتكسفش
- عامله ايه ف الكليه هى كان اسمها ايه
سلمى: رياض اطفال
- متقولى بنغير البامبرز اسهل ههههههههههه
سلمى: يا خفه دم امك يا مندولين
- ع فكره اسمى ماندو
سلمى: بس يا بابا ف راجل اسمه ماندو ده اسم ريكس احسن منك
ماندو: مين ريكس ده
سلمى: ده كلب عندنا ف الكليه بنرميله بواقى الاكل
ماندو: عجبك كده يا خالى
سلمى: انت اللى ابتديت انا مبحبش حد يتريق ع جامعتى ولو متعرفش اهميه معلمه رياض الاطفال متتكلمش
سعيد: خلاص ياولاد احترموا وجودى
سلمى: انا اسفه مش قصدى اضايقك
(بقلم :سلمى العطار )
ماندو: محصلش حاجه
سلمى ف نفسها: يا برودك
_____________
ف المطبخ
سلمى: الحمدلله هم وانزاح
سعيد بصوت عالي: سلمى
فاطمه: استلقى وعدك
سلمى: كده يا فطومه بتسلمينى
سعيد: سلمىىىىىىىىى
فاطمه: اطلعى قبل ما يجيلك
سلمى: يا رب استرها
سعيد: يلا بسرعه
سلمى: بص بقى قبل ما تعمل اى حاجه انا اسفه
سعيد: يعنى ينفع
سلمى: لا
سعيد: طيب لما هو لا عملتى كده ليه
سلمى: يا بابا هو اللى غلطان
سعيد: وانتى كده فرقتى عنه ما انتى كمان غلطتي
سلمى: خلاص اسفه
سعيد: خلاص ادخلى ساعدى ماما
سلمى: من عيوني
خلصت وصليت المغرب ودخلت اوضتى فتحت الموبايل وكلمت البنات واتفقنا ع المعاد اللى هنطلع فيه بكره علشان السفر سلمى: خلاص هاقبلكوا الساعه سبعه
مريم: لا خايها بدرى شويه لما نوصل بدرى احسن منتاخر ع المحضارات
سلمى: ماشى انا برضوا عايزه اروح السكن الاول
مريم: خلاص تمام
قفلت معاهم و لاقيت مسدج ف طلبات المراسله......