بسم الله
رواية بين قلبي وعقلي
بقلم نورعصام
الفصل الحادي عشر والثانى عشر
ريم. بصت لأولادها والحزن ماليها علي حالها وحال اولادها اللي بقو أيتام وهما اطفال صغيرين
علاء. فهم نظرتها لولادها بصلها وقالها دول ولادي وعمري ما هسيبهم
ابراهيم. ربنا يخليك ليهم
هدي. يلا يا حبيبتي علشان ترتاحي شويه
سامح وعمه ابراهيم. شالو الاولاد وطلعو
ريم. اول ما دخلت شقتها عيطت بصوت عالي
هدي. وحدي الله يا بنتي
ولاء. حبيبتي خليكي قويه ينفع اللي انتي عملاه دا شوفي ولادك كدا
ريم. بصت للعيال وبعدين قالت غصب عني
ولاء. لازم تجمدي ياريم علشانهم دول الذكري والأمانه اللي سبهالك ايمن ينفع بقا تأهملي فيها
ريم. بقهر قالت يارب خليك معايا
هدي وابراهيم. مع بعض ايوا كدا ياحبيبتي اصبري
ريم. رمت نفسها ف حضن امها وقالت مش قادره يا ماما حسه ان الموت اهون عليا من اللي انا فيه بقلمي نور عصام
ابراهيم. استهدي بالله يا بنتي قضاء ربنا
ريم. بدموع ونعم بالله يا بابا
هدي. طبطبت عليها وفضلت وخداها ف حضنها الي ان غلبها النوم
وانتهي اليوم بكل آلامه واحزانه
وآتي يوم جديد علي الجميع بأذن الله
ولاء. خبطت علي شقة ريم
ابراهيم. فتح الباب وقالها اتفضلي يا ام سامح
ولاء. صباح الخير
ابراهيم وهدي. صباح النور وسألو عن صحة سهير
ولاء. الحمد لله ودخلت عند ربم
رامي وسامح. راحو عليها
ولاء. حضنتهم وقالت صباح الهنا لحبايب قلبي
ابراهيم. ربنا يخليكي ويفرحك بولادك بجد مش عارف اشكرك ازاي ولا
ولاء. قاطعته وقالت ليه كدا يا ابو رامي ريم دي بنتي وقسما بالله بعزها زي سامح وبعتبرها الاخت الكبيره ل سلمي
هدي. ربنا يسعد قلبك يا حبيبتي
ولاء. لتغير الموضوع قالت ينفع كدا بقا حبايبي منزلوش عندي اليوم
رامي. كنت هنزل بس ماما تعبانه
سامح. ماما كانت بتعيط علشان بابا طلع بالسما
ولاء. حبايبي بابا طلع بالسما وراح الجنه واحنا المفروض نقول الله يرحمك يا بابا ونقرأ قرأن ونقرأ الفاتحه ونقول دي ليك يا بابا
رامي. وبابا هيسمعنا
ولاء. ايوا يا حبيبي
سامح. كل يوم هقرأ الفاتحه ل بابا
ولاء. حضنتهم وقالت ربنا يحميكم ويحفظكم ويهديكم يااارب وبعدين قالت طيب يلا اسبقوني عند تيتا
رامي وسامح. بصو ل ريم
ريم. بضعف قالت روحو يا حبايبي ومتتعبوش تيتا
سامح. حاضر يا ماما ونزلو
ولاء. قعدت جنب ريم وقالت صباح الخير لبنتي واختي اللي ما عبرتني ولا حتي صبحت عليا كالعاده
ريم. مالت عليها واتنهدت
ولاء. حطت ايدها علي ضهرها وقالت حبيبتي محدش فينا هينسي ايمن وخصوصا انتي لانك عندك منه ولدين احلي زكري منه لكن واجب عليكي تفوقي من الحاله اللي انتي فيها دي مش بقولك بين يوم وليله تفوقي لكن لازم تتحلي بالصبر دا قضاء ربنا وقدره علينا لازم ياريم تتعايشي وتتأقلمي علي الوضع الجديد رواية بين قلبي وعقلي بقلمي نور عصام علشان ولاودك وكمان علشان نفسك قبل الكل لو جرالك حاجه مين هينفعك اكيد كلنا هنكون جنبك ونزعل عليكي لكن الوجع انتي بس اللي هتحسي بيه اهدي يا قلبي وادعيله وربنا كريم قادر يعوضك خير ف شبابك وولادك وباستها من خدها
ريم. ربنا يخليكي ليا انا فاهمه كل كلامك لكن
ولاء. قاطعتها وقالت يلا قومي علشان ماما مستنياكي ومش راضيه تفطر من غيرك وانتي عرفه انها تعبانه ولازم تاخد الدوا وبعدين قومتها غصب عنها وقالتلها يلا اتوضي وصلي ومش هنزل من غيرك
ريم. صليت من بدري
ولاء. طيب يلا وبعدين قالت طيب ممكن بس دقيقه معها قبل ننزل
ابراهيم. قالها ولا يهمك خدي راحتك وخرج برا الاوضه
هدي. قالت انا كمان هنزل
ولاء. خليكي يا ام رامي انا هغيرلها بس انا عرفه انها مش قادره وفعلا راحت وجابت لبس اسود طبعا كالعاده ولبست ريم وطبطبت عليها واخدتها ونزلو بقلمي نور عصام
سامح. اول ما شافها جري بلهفه عليها وبصلها
ريم. بصتله وقالت صباح الخير يا سامح
سامح. صباح النور عامله ايه دلوقتي
ريم. الحمد لله
علاء. روما صباح الخير
ريم. صباح الخير يا ابيه وراحت عن امها سهير وصبحت عليها وباستها
سهير. طبطبت علي ضهرها وقالت عامله ايه يا قلب ماما
ريم. ف نفسها ياتري بتصبريني ولا بتصبري نفسك وبعدين قالتلها بخير طول ما انتي بخير يا ماما
ولاء. يلا يا جماعه الفطار جاهز واتوجه الكل للسفره ولكن مفيش نفس
ومرت الايام وابتدي الكل يتأقلم علي حياته سنه الحياه طبعا
هدي. ااه ياني يا بنتي قلبي محروق علي ايمن وقلبي وجعني عالبت وحالها وولادها بقلمي نور عصام
ابراهيم. والله ما عارف اقول ايه البت لسه صغيره ولسه بتفتح عنيها للدنيا واصبحت ارمله وام لولدين والله قلبي حزين علي ايمن ولكن جوايا شئ مريحني من ناحيته اني وافقت علي جوازه من ريم علي الاقل كنت سبب ف اسعاده ولو لفتره بسيطه بقلمي نور عصام وبعدين قالها تعرفي لو كنت رفضت وقولت بعد ما تخلص كنت هندم قوي
هدي. بحزن الحمد لله
ابراهيم. انا شايف ان الجماعه مش مقصربن مع ريم بس حابب اتكلم معهم ودا لازم وخصوصا ان عدي خمس شهور علي وفاة ايمن
هدي. يعني عاوز تكلمهم انها تيجي هنا
ابراهيم. ايوا بس بعد ما ريم تخلص امتحان اخر السنه هي هتمتحن بكرا اول يوم بس تخلص بكلمهم
هدي. انا خايفه من رد فعلهم
ابراهيم. خير ان شاء الله
علاء. ها يا شباب جاهزين للامتحان
سامح. يعني
علاء. يعني ايه يعني دي يا سي سامح
سامح. متقلقش ياحاج خير ان شاء الله
علاء. وانتي يا روما
ريم. ربنا يستر
علاء. انا عارف انك محضرتيش من وقت اللي حصل بس بردو سامح كان بيجيبلك المحاضرات وانا عاوز تقدير منك انتي بالذات وليكي عندي هديه حلوه بقلمي نور عصام
ريم. ان شاء الله يا ابيه
سامح. تعالي ياريم نراجع شويه
ولاء. ياريت يا اخويا تذاكر وبصت ل ريم وقالت روحو راجعو شويه وانا هعملك احلي كوباية نيسكافيه
ريم. تسلمي يا قلبي ودخلو يراجعو
رامي وسامح. ماما رايحه فين
ريم. هذاكر شويه يا حبيبي وبعدين قالت مين بيحب ماما الاتنين مع بعض انااا ريم قالت طيب نقعد نلعب مع عمو وتيتا من غير دوشه علشان لما اخلص اخلي سامح ياخدكم وينزل يجيب لكم حاجات حلوه كتييير وكل اللي تطلبوه قالو حاااضر
ريم وسامح قاعدين يراجعو
سامح. يا بنتي حرام عليكي هو انا بشرح لطفل وخبطها بخفه علي دماغها وقالها افهمي شويه تعبتيني
ريم. قالتله تصدق انك رخم يلا ابو شكل اللي يعوز منك حاجه
سامح. بردو بعد دا كله ومش عجبك
ريم. ايوا ما انت حمار ومش قادر توصلني المعلومه صح
سامح. بهزار قالها انا بردو اللي حمار
ريم. يعني ايه بقا تقصد ايه بكلامك دا
ولاء. دخلت عليهم وقالت والله العيال اعقل منكم انتو مفيش فايده فيكم اقعدو كدا واعقلو انتو مش صغيرين
ريم. ما هو اللي مبيفهمش وفاكر نفسه دكتور عليا
سامح. وديني ما هعبرك بعد كدا
ريم. عقدت حاجبها وبعدين قالت واهون عليك يا سمسم
سامح. اه تهوني وتغوري ف داهيه كمان
ريم. بقا كدا
سامح. ايوا ويارب تكون لجنتك بعيد عني وشوفي مين بقا هينفعك
ريم. قامت وراحت عليه وقالت سمسم علشان خاطري
سامح. بردو لأ
ريم. بصتله وقالت وحياتي عندك
سامح. بصلها واتنهد وقال امري لله اقعدي
ولاء. ضحكت وقالت يا خبتك القويه
ريم. ابتسمت
سامح. ليه بس كدا يعني كنتي عوزاني اسيبها
ولاء. بهزار قالت كنت فكراك صاحب مبدأ
سامح. تقصدي ايه يا ام سامح بكلامك دا
ولاء. اقصد اقول ان البت ريم ضحكت عليك بنظرة عنيها الوحشه دي
سامح. بصلها واتنهد وبعدين قال انا محدش يقدر يضحك عليا دا بمزاجي يا حجه بقلمي نور عصام
ولاء. ماهو باين يا خويا
ريم. يلا بقا يا سامح بجد انا مش فاهمه حاجه ف الماده دي
سامح. عدل ياقته وقالها شوفتي
ولاء. انا ماشيه قبل انجلط منكم وخرجت
ريم وسامح قعدو وقت طويل يذاكرو
ريم. بعد فتره قالت خلاص انا تعبت
سامح. المهم فهمتي كويس
ريم. ايوا يا سامح تسلم بجد يخليك ليا
سامح. طيب انا هروح اشوف ماما عامله اكل ايه
ريم. روح يا مفجوع وبعدين راحت السرير ونامت وبعد شويه
سامح. دخل رقال ريم يا ريم بص لقاها نايمه زي الملائكه قعد جنها عالسرير وبصلها وقال ياربي كل دا وحظها قليل وبعدين طلع
سهير. فين يا بني مرات عمك
سامح. ببتسامه قالها اسكتي يا تيتا احسن تسمعك ودي ما بتصدق تعمل عليا كبيره ومرات عم
سهير. ضحكت وقالت ما هي فعلا كدا مرات عمك وبعدين قالت هي فين ليه ما جت
سامح. دخلت لقيتها نامت
ولاء. غور ياض صحيها خليها تاكل
سامح. والله صعبت عليا لما لقيتها نايمه
سهير. الله يكون ف عونها بتصحي كتير باليل
علاء. فعلا باين عليها الارهاق
سهير. من كام يوم العيال نامو هنا وانا قولتلها خليكي نامي جنبهم ومتطلعيش وفعلا دخلت وبعد ساعتين دخلت اتطمن عليهم لقيتها صاحيه وبتقلب ف الفون علي صور ايمن وتعيط خدتها ف حضني وعرفت منها انها كل يوم عالحال دا واتأكدت ان لما بتنزل كل يوم بتكون تعبانه من قلة النوم والتفكير ف الزكريات
علاء. الله يصبرها والله انا بفكر ف حالها كتير وخايف
سهير. فهمته وقالت ومين سمعك يا ابني
سامح. متقلقيش يا تيتا ربنا معها
سهير. يا رب يا حبيبي وقالت رامي روح صحي ماما علشان تاكل
رامي وسامح الصغير راحو ماما ماما
ريم. فتحت عيونها وقالت عيون ماما
رامي. يلا علشان تاكلي
ريم. حبيبي روحو كلو انتو انا مليش نفس
سامح الكبير. دخل وقال لا بقولك ايه احنا عندنا امتحان ولازم نكون مركزين والأكل ضروري يا قمر وقالها يلا قومي
ريم. قامت لانها عرفه انهم مش هيسبوها
ولاء. بمرح قالت هي دي المذاكره اللي بتذاكريها يا ست هانم
ريم. اعمل ايه منه لله المفتري عمل عليا دكتور وخلي ضهري وجعني من القاعده تقولش قاعدين ف المحاضره
سامح. بهزار والله انتي مش بيطمر فيكي حاجه
ريم. يا جدع روح تك الأرف ف شرحك
سامح. طيب شوفي مين ينفعك بعد كدا
علاء. يلا كل من ليها واسكتو بقلمي نور عصام
وتاتي يوم
سامح. صباحو يا قمر جاهزة
ريم. لو سقط هتبقي انت السبب
سامح. وانا مالي
ريم. يا سلام مش انت الدكتور بتاعي وسواء فهمت او لأ منك طبعا
سامح. امممم قولتيلي بقا
ولاء. تعالو افطرو يلا
وبعد ما خلصو سهير قالت خلو بالكم من بعض ولما تطلعو طمنونا
سامح. حاضر يا تيتا
ريم. باستها وقالت دعواتك يا قلبي
سهير. ربنا معاكو
ريم. ادعيلي انا بس
سامح. لا ليا انا يا تيتا سيبك منها مفيهاش امل
ريم. ضربته علي كتفه وقالت هي مين يلا
سامح. انتي طبعا
سهير. بس انت وهي يلا روحو ربنا يوفقكم ومشيو
وبعد بعض الوقت وصلو الجامعه
ريم. كانت خايفه لانها ماراحت الجامعه من وقت وفاة ايمن
سامح. حس بتوترها مسك ايدها وقالها حبيبتي متقلقيش
ريم. بصتله بطمئنان واصحابها جريو عليها وقالو حمدلله علي سلامتك ياريم والله وحشتينا نورتي الجامعه يا قمر
ريم. الله يسلمكم انتو كمان وحشتوني جدا ودخلو الامتحان
وبعد بعض الوقت خلص الامتحان
سامح. خرج ومستني ريم
ريم. كانت خارجه اوقفها
د يونس. آنسه ريم
ريم. بصتله وقالت افندم يادكتور
د يونس. قالها حمدلله علي سلامتك ليه كل الغيبه دي
ريم. عيونها اتملت دموع وما اتكلمت
د يونس. شاف دموعها قالها اسف بس ممكن اعرف سبب لبسك الاسود دا حاسس ان فيه حاجه حصلت
سامح. راح لها القاعه بتاعتها يشوفها
د يونس. لو سمحتي ياريم ممكن تفهميني
سامح. دخل
د يونس. ريم انا بجد كنت قلقان عليكي
ريم. قالت .......
بسم الله
رواية بين قلبي وعقلي
بقلم نورعصام
الفصل الثاني عشر
ريم. قالت للاسف القدر والتفتت تمشي
د يونس. وقف قدامها وقالها لو سمحتي ريحيني انا هتجنن من وقت غيابك وحاولت اسأل عليكي بس
سامح. قال ريييم
ريم. بصت ل سامح وقالت حاضر يا سامح جايه اهو
د يونس. استغرب موقفها دا
سامح. راح لعندها وقالها مش يلا ولا ايه
د يونس. ممكن لحظه بس معها
سامح. لا مش ممكن ومسكها من ايدها وقالها يلا
يونس. بعصبيه قاله انت ازي وبأي حق تتكلم معها كدا ولا حتي تمسك ايدها كدا بقلمي نور عصام
سامح. بصله بغيظ وقاله وانت مين اصلا علشان تكلمني كدا
د يونس. اعتقد انت عارف انا مين وغير كدا انا معجب بالأنسه وعاوز اتقدملها واتجوزها مش زي حضرتك عاوز تتسلي يومين
سامح. بغيظ وعصبيه قاله انت اتجننت ولا ايه
د يونس. اهدي اهدي الغيره دي مش حلوه وبعدين انت عارف انك بالنسبه لها عيل ومش قد المسؤليه
سامح. ضربه بالبوكس وقاله انا عيل ومش قد المسؤليه وربي لوريك
ريم. مسكته من دراعه وقالت كفايه يا سامح
سامح. بصلها وقالها اوعي من قدامي وبص ل يونس وقاله قسما بالله لو بصتلها تاني لقلع عينك
يونس. قرب منه وحاول يضربه وقاله انت مين يا حيوان علشان تكلمني كدا انا هعرفك واخليك تندم علي اللي عملته
سامح. زئه بعيد وقاله انا أمانها انا ضلها ف أي مكان انا عيونها اللي بتحميها اللي من الاشكال اللي زيك وبعدين قاله اوعي تكون فاكر علشان انت دكتور انا هخاف منك ولا هسكتلك
ريم. كفايه بقا يا سامح يلا
يونس. مستغرب من كلامه ومش قادر يحدد هو يبقالها ايه اخوها ولا حبيبها ولا خطيبها ولا قريبها
ريم. لعبت ف صباعها اللي فيه الدبله بتاعتها قصدا
يونس. اخد باله ومش مصدق
سامح. قالها مش محتاجه تعملي اي حركه علشان يفهم
يونس. بصلها وقال لسه لينا كلام تاني مع بعض
سامح. دا انت مصمم بقا وقرب عليه
ريم. وقفت ف وشه وقالت لو ما مشيت معايا دلوقتي همشي واسيبك
سامح. بغضب قالها ريييم
ريم. محصلش حاجه خلاص بقا وعيونها اتملت دموع
سامح. بصلها ومسكها من ايدها وخرج
د يونس. قعد شويه وبعدين ف نفسه قال ياتري ايه حكايتهم وقرر يعرف كل حاجه عنها بقلمي نور عصام
ريم. بعد ما خرجو قالت ليه اللي حصل دا بقا مكنش في داعي
سامح. اخد نفس وقالها يعني ايه مكنش في داعي
ريم. هو ما غلط كان بيسأل عادي وانا ردت عليه ومريحتوش لانه ميلزمنيش لكن حضرتك بقا معحبكش
سامح. يعني انا غلطان اني ادخلت وبصلها وقالها كان مفروض اعمل ايه وانا شايفه ببعاكسك
ريم. لا هو معاكسنيش
سامح. والله وبعدين قالها ياريت تاخدي بالك كويس يا مدام من اللي قدامك وتصرفاته معاكي بتكون ازاي
ريم. زعلت من طريقته وما ردت
سامح. بصلها وقال وياتري هو مغلط لما قال عاوز يتقدملك ويتجوزك
ريم. لا يا ايمن مغلطش من حقه يطلب كدا سواء مني او من اي واحده وبصتله وقالت دا شاب واعجب ببنت وحاب يتقدملها ايه المانع
سامح. المانع انك متجوزه وعندك وعيال
ريم. وهو ميعرفش
سامح. يبقي يحترم نفسه ويتكلم بأدب واحنا نعرفه
ريم. ممكن تهدي شويه وياريت تفكر اننا بمتحان ودا دكتور وف ايده حاجات كتير يعملها
سامح. يعمل اللي يعمله وقسما بالله لو قرب منك تاني ولا بس لمحته بيبصلك لأندمه وخليه يمشي اعمي طول حياته
ريم. مفيش فايده فيك
سامح. يعني ايه مفيش فايده فيا
ريم. قالت هو انت شايفني عيله صغيره ومش عرفه ازاي اتصرف مع اي حد يدايقني ولا عبيطه ومش قادره اركز ف اللي بيقوله اللي قدامي ولا قليلة الادب علشان اتكلم مع اي حد واعطيه فرصه ومساحه يقرب مني براحته ولا ناسيه اني متجوزه وعندي عيال ولا ارمله وليا حدود ف التعامل مع اي حد مش زي اي بنت عاديه
سامح. بصلها ومارد عليها لانو اتعصب من كلامها واساسا هو مش طايق نفسه بسبب اللي حصل
د يونس. خرج وراح مكتبه وبعد شويه كان طالع شاف احمد صاحب سامح نادي عليه وسأله عن ريم وسامح وعرف انها بتكون مرات عمه وارمله وعندها ولدين توأم زعل عليها وفرح جواه ان بكدا ممكن يكلمها تاني بقلمي نور عصام وقال ف نفسه لازم اقابل ابوها
ريم وسامح وصلو البيت ودخلو وكل واحد فيهم بوزه شبرين قدامه
ولاء. يا ساتر عالنار اللي طالعه من ودانكم ف ايه مالكم كدا
ريم. راحت عليها وقال ازيك يا لولو
رامي وسامح سمعو صوتها طلعو يجرو عليها
ريم. اخدتهم ف حضنها وباستهم وبعدين راحو علي سامح
سامح. اهلا اهلا بالابطال حبايبي وباسهم واداهم الشوكلا اللي جابها
ريم. اداتهم الحاجه اللي معها
سهير. عملتو ايه ف الامتحان
ريم وسامح. مع بعض قالو الحمد لله
ولاء. طيب كويس اومال مالكم كدا داخلين ولا كأنكم جاين من معركه
ريم. ولا حاجه يا قلبي وبعدين قالت انا هطلع اغير واصلي واجي
ولاء. متتأخريش يا ريم علشان علاء والكل مستني نتغدا سوا
ريم. حاضر يا حبيبتي وطلعت بقلمي نور عصام
سهير. قالت تعالي يا سامح
سامح. نعم يا تيتا
سهير. مالكم كدا ف حاجه حصلت
علاء. دخل واتطمن علي الامتحان
سهير. ها يا سامح
سامح. ولا حاجه يا تيتا كل الموضوع ام ف دكتور عندنا بالجامعه عاوز يتجوز ريم واليوم قالها بعد الامتحان وبصراحه انا اتخانقت معاه
سهير. بصت ل علاء ودموعها ملت عيونها
علاء. اهدي يا ماما
ولاء. بزعل قالت انا مش قولتلكم ان دا هيحصل
سهير. البنت لسه صغيره ودا شئ طبيعي ولسه ياما هيتقدمولها
علاء. المهم رأي ريم ف النهايه
سهير. لو رفضت دلوقتي اكيد هتوافق بعدين
سامح. ازاي يعني
سهير. حقها يا ابني اصحابها وكل اللي ف سنها لسه بيتخطب مش بس بيتجوز دا حقها واحنا منقدرش نوقف ف طريقها وبعدين قالت انا عرفه انها هترفض لانها فعلا بتحب ايمن وبتحب ولادها ومش هتسيبهم لكن بعدين ايه اللي هيحصل
ريم. دخلت وردت وقالت هيحصل زي اللي حصل ف الاول يعني هرفض يا ست الكل انا مقدرش ابعد عنكم ولا عن زكرياتي مع ايمن وبدموع قالت كفايه عليا حب ايمن وحنيته اللي شوفتهم منه كفايه عليا اربع سنين ونص جواز والحمد لله ربنا رزقني بولادي هدية ربنا وايمن ليا وانا عمري ما هسيبهم ابدا ولا عمر راجل تاني هيدخل حياتي بعد ايمن وبصتلهم كلهم وقالت متقلقوش وانا مش صغيره علشان حد يقصر عليا رواية بين قلبي وعقلي بقلمي نور عصام وبعدين قالت لو كنتو عاملين علي بابا وماما دا حقهم اكيد بس انا كمان من حقي اقرر حياتي ازي تكون إلا اذا القدر قال كلمته وموت انا كمان
سهير. ربنا يطول عمرك يا بنتي وطبطبت عليها
علاء. بصلها وصعبان عليه حالها
سامح. ارتاح شويه من كلامها
ريم. قالت ها يا لولو عامله ايه اكل
ولاء. كل اللي انتي بتحبيه يا قمر
ريم. تسلم ايدك يا حبي وباستها وراحت معها المطبخ
ولاء. وهما بيجهزو الاكل قالت رورو
ريم. نعم يا حبيبتي
ولاء. متزعليش من سامح هو اخوكي واكيد غيران عليكي
ريم. عرفه يا قلبي ومش زعلانه منه انا بس زعلت من اللي عمله كان ممكن نعدي الموقف بدون مشاكل
ولاء. هو بيحبك وببخاف عليكي وحاسس انو له الحق يدافع عنك باي طريقه ايا كانت بقا ولو كان رامي مكانه كان عمل كدا
ريم. صدقيني انا عرفه انه عمل كدا من خوفو عليا وحبه ليا واحنا ف النهايه اهل وعمرنا ما هنفترق ابدا وكفايه الرابط اللي بينا اللي بوجودهم هيخلينا طول عمرنا اهل ومش هنبعد عن بعض ابدا
ولاء. ربنا يكملك بعقلك يا قلبي
ريم. ابتسمت وقالت طيب يلا زمان الكل بيقول احنا اكلنا الاكل جوا
ولاء. ضحكت وطلعو بالأكل
الكل اتجمع عالسفره
ريم. حبايبي تعالو اقعدو هنا
رامي وسامح قعدو جنب امهم وهي اهتمت بيهم بمساعدة ولاء
سامح. مش بيبصلها خالص
ريم. لاحظت تجاهله ليها
علاء وامه. بيفكرو باللي حصل واللي هيحصل بعدين
عند ابراهيم
هدي. باست ابنها وقالت حمدلله علي سلامتك يا حبيبي
رامي. الله يسلمك يا ماما وحشتيني
ابراهيم. سلم علي ابنه وقاله يارب تكون جاي اجازه طويله
رامي. مش قوي يا بابا ما انت عارف
ابراهيم. ربنا يحفظك يا ابني
رامي. ريم عامله ايه دي وحشاني قوي هي والعيال
هدي. وانت كمان يا حبيبي وحشها قوي ودايما تسأل عليك
رامي. طيب بعد ما ناكل نروحلها انا كنت عاوز اروحلها قبل اجي بس كان معايا واحد صاحبي
ابراهيم. كل بس وارتاح شويه ونروحلها بقلمي نور عصام
سهير. بعد ما اكلو قالت انا هدخل ارتاح شويه
ريم. مالك يا ماما انتي تعبانه
سهير. لا يا حبيبتي بس بعد ما اخدت الدوا حسه اني عاوزه انام شويه
ريم. سلامتك ياروحي ودخلتها اوضتها
سامح. طلع شقتهم
علاء. قاعد يلعب مع رامي وسامح الصغير
ريم. راحت تغسل المواعين وتساعد ولاء ف المطبخ
سلمي. طنط ريم عوزاكي تساعديني ف اختيار الفستان اللي هروح بيه عيد ميلاد صحبتي
ولاء. هو انا مش قولتلك مفيش مرواح لاي مكان
ريم. ليه كدا يا لولو
ولاء. مفيش خروج فاهمه انتي معندكيش دم خالص
ريم. بس يا ولاء هي لسه صغيره ليه تحمليها الهم من دلوقتي وبعدين قالت هي صحبتك بيتها فين
سلمي. الشقه اللي ف العماره اللي قصادنا
ريم. جني
سلمي. ايوا هي
ريم. طيب يا حبيبتي روحي انتي بس اجهزي وانا هقول ل ماما توافق بس مفيش تأخير ساعه بالكتير
سلمي. مش هتأخر والله
ريم. طيب يلا وهاتي الفستان اللي عوزه تخرجي بيه اشوفه وفعلا مشيت وبعدين بصت ل ولاء وقالت هي عيله ذنبها ايه نعيشها ف حزن معنا خليها تفرح وتنبسط وبعدين لحد امته هتتعاملي معها كدا فكيها عليها شويه ومادام احنا عرفين البنت واهلها خلاص وسلمي بردو مش صغيره دي اولي ثانوي يعني واعيه وربنا يحفظها من كل شر
ولاء. لازم تحس باللي احنا فيه شويه
ريم. مالنا احنا الحمد لله كويسين وف احسن حال
ولاء. راحت عليها وحضنتها وطبطبت عليها وقالت ربنا يعوضك خير
ريم. امين يارب
وبعد بعض الوقت كانت ريم وولاء قاعدين مع العيال يلعبو الباب خبطت جري سامح وفتح
رامي الكبير فرح اول ما شافه وشاله وباسه
سامح. خالووو وحشتني
رامي. وانت كمان يا قلب خالو
ابراهيم وهدي. حبيب جدو وباسوه
رامي الصغير. خالو خالو
رامي. باسه وقالهم تعالو بقا علشان انا جايب لكل واحد فيكم مسدس زي بتاعي بالظبط ولعب ف شعر سامح وقاله انا منستش وطبعا سلم علي اخته وحضنها وقالها وحشتيني يا ريمو
ريم. ببتسامه قالت وانت كمان يا قلبي
رامي وسامح فرحو بالألعاب طبعا عيال
علاء وولدته جم وسلمو عليهم وكانو مبسوطين بوجودهم
رامي. اومال فين سامح والله وحشني
ولاء. سمسم روح نادي سامح من فوق
سامح. لا لا انا عاوز العب بالمسدس
ولاء. بقا كدا
سامح. عقد حاجبه وعمل حركه كدا بشفايفه
ولاء. بمرح قالت خلاص خلاص كل دا الكل ضحك
ولاء. دخلت تجهز واجب الضيافه
رامي. طيب انا هتصل علي سامح لاني عاوز اشوفه وفعلا اتصل بس موبايله مغلق بقلمي نور عصام
سهير. قالت روحي ياريم ناديله
ريم. حاضر يا ماما وقامت وطلعت الشقه عند سامح خبطت علي باب اوضته بس مارد خبطت تاني بردو مارد فتحت براحه ودخلت لقته نايم راحت لعنده وقالت سامح مفيش فايده حطت ايدها علي كتفه وقالت بصوت عالي سااامح سااامح
سامح. قام مفزوع وقال ايه ايه فيه ايه
ريم. ضحكت عليه وقالت ايه يا ابني هو انا بصحيك من علي فراش الموت ولا ايه كل دا نوم
سامح. حطت ايده علي عيونه وبعدين قالها ف حد يصحي حد كدا
ريم. ما انت كأنك نايم مع الأموات خبطت كتير ومفيش فايده
سامح. اتنهد وقالها عاوزه ايه بقا
ريم. بابا وماما ورامي تحت وعاوزين يسلمو عليك
سامح. بدون ما يبصلها قالها حاضر هغير واجي
ريم. قالت سامح انا
سامح. قام وقف وقالها هغير واجي يامرات عمي وراح علي الدولاب
ريم. زعلت من كلامه معها ونزلت
سامح. نزل وسلم عليهم وقعد هو ورامي يتكلمو
وبعد بعض الوقت قامو ومشيو
سامح. طلع علطول شقتهم
ريم. قالت انا كمان هطلع انام وقالت يلا يا حبايبي وبعدين قالت تصبحو علي خير
الكل وانتي من اهله
ولاء. انا كمان هطلع اشوف سلمي ومشيت واتقابلت ف سامح نازل عالسلم قالت رايح فين
سامح. هقعد مع بابا وتيتا شويه
ولاء. طيب
سهير. قالت علاء تعالي جوا انا عوزاك