رواية ابن الجيران
الفصل العاشر
بقلم نورسين
في غرفه نغم تتحدث هاتفياً مع زين
هو انت ليه مقولتليش علي اللي انت ناوي تعمله علشان مبقاش مخضوضه كده ومش مصدقه نفسي .. هو احنا مش كنا لسه مع بعض .. ازاي لحقت تعمل كل ده
زين : انا هفهمك كل حاجه .. انتي بعد ما قولتيلي علي ميعاد زفاف نورهان .. فكرت اني اعملك مفاجأه .. اتكلمت مع بابا وحكيت معاه في كل اللي بيناا وقولتله اني عاوز اخطبك واعملهالك مفاجأه وطلب مني اتصل بوالدك وآخد منه ميعاد علشان اقابله وبس كده .. اتصلت وروحت قابلته في الشغل وهو اما سأل علياا واتأكد من كل المعلومات اللي انا قولتهاله اتصل بياا وبلغني موافقته واتقابلته معاه تاني انا وبابا واتفقنا علي كل حاجه .. هاه قوليلي بقاا حلوه المفاجأه ؟؟
نغم : بصراحه احلي مفاجأه ف عمري كله .. اللحظه اللي عشتها النهارده مش ممكن هنساها ابداً .. ربنا يخليك لياا يا حبيبي .. انت فرحتني بجد لدرجة اني كل شويه اشوف الخاتم ف ايدي علشان أتأكد اني لبساه فعلاً واني مش بحلم واننا اتخطبنا ..
زين : تعرفي انا مش فرحان بخطوبتنا قد ما انا فرحان ومبسوط بفرحتك دي .. جهزي نفسك بكره الساعه خمسه هنخرج نتفسح مع بعض .. انا وآخد أذن من عمي
نغم : يعني انت متفق مع بابا علي دي كمان 😘😘
زين : طبعاً يا قلبي .. اوعدك اني هحاول علي قد ما اقدر انك تكوني سعيده معايا
نغم : الحمد لله انا فعلاً بحس بالسعاده وانا معاك .. بحس ان قلبي من فرحته انه معاك عاوز يخرج من مكانه ويقول للناس كلها انه بيحبك
زين : يا لهووووي .. اييه الكلام الجميل ده .. كل ده علشاني انا .. بحبك بحبااااااك ..امتي يخلصوا الكام شهر اللي فاضلين في السنه علشان نتجوز بقاا
نغم : 😍😍 هيخلصوا متقلقش
زين : لا مش قلقان .. انا مستعجل .. عاوز آخدك ف بيتي .. علشان وقت ما احب اشوفك تبقي قدامي ومعايا
نغم : اممم يعني افهم من كلامك انك عاوز تشوفني دلوقت 😂😂
زين : انا عاوز اشوفك دلوقت وكل وقت يا حياتي .. أقولك روحي نامي علشان بكره ييجي بسرعه واشوفك
نغم : ماشي يا قلبي .. هستناك علي ميعادنا ان شاء الله .. سلام ..
وأغلقت هاتفها و ذهبت مع زين في أحلامها
وفي صباح اليوم الجديد استيقظ تامر من نومه وارسل رساله لنانسي محتواها .. وحشتيني .. تعالي عاوز اشوف عينيكي .. بسرعااااااه .. انا صاحي من بدري ومستنيكي تصحي يالااااا 😍😍
استفاقت وتوجهت للحمام تغسل وجهها ثم خرجت لتجده امامها ينتظرها حتي تخرج
مر اسبوع بعد زواج نورهان وهاا هي تعود لزياره بيت والدها والسعاده تملأ قلبها
امضت اليوم هي ومازن وسط اسرتها ثم عادوا لبيتهم مره اخري وفي المساء دق هاتف نانسي معلناً عن اتصال علي : ألو .. ازيك يا نانسي .. عامله اييه
نانسي : علي 😍 ازيك .. الحمد لله بخير .. وانت عامل اييه ؟؟
علي : انا بخير طول ما انتي بخير
نانسي : مالك .. انت مش طبيعي .. في حاجه غريبه ف صوتك
علي : لا مفيش حاجه
نانسي : انت هتخبي علياا يا لول برضو دانا نانسي حبيبتك .. هاه .. قول بقاا مالك
علي : طيب انا هعدي عليكم النهارده ونتكلم احسن من التليفون
نانسي : هتيجي بجد 😊😊طيب انا مستنياك .. متتأخرش وهاتلي شيكولاته معاك وانت جاي 😂😂
علي : بس كده من عيني .. انتي تؤمري يا قمر .. سلام
انها الثامنه مساءًا .. علي في بيت محمود .. يجلس مع الاسره .. محمود ليس متواجد بالبيت
علي : ما تيجي نقعد ف البلكونه شويه يا نانسي الجو هنا حر اووي
نانسي تفهم انه يريد ان يتحدث معها علي انفراد ..ف ترد عليه .. ماشي تعالي الجو براا احسن بكتير من هنا
ويتوجهوا معاً ليستطيعوا ان يتحدثوا دون ان يسمع احد حوارهم
نانسي : كنت عايز ايه بقى ياسيدى
علي : بصراحه انا عاوز اتكلم معاكي في موضوع مهم ..
نانسي : قلقتني .. اتكلم .. في حاجه حصلت معاك ؟؟
علي : لأ متقلقيش انا عاوز آخد رأيك ف حاجه
نانسي : طيب ياله احكي وانا سمعاك
علي : بصراحه أنا بحب واحده من زمان .. تقدري تقولي انها قريبه مني اووي .. قريبه من قلبي .. هي الوحيده اللي بشعر بالراحه والامان وانا بتكلم معاها .. الفرق بينى وبينها ٥ سنين بحبها جدا بس هى مش حاسه بياا وشكلها كده بتحب حد تانى ومتعلقه بيه .. انا شوفتهم وهما منسجمين جداً يوم فرح اختها .. هي بتتعامل معايا علي اني اخوها لأننا اصدقاء من زمان
نانسي : وبعدين .. كمل انا سمعاك
علي : نفسي اقولها علشان اتقدم لها .. بس خايف ترفض
حبي وتقولي احنا اخوات
نانسي : يعني انت محاولتش تقولها او تلمح لها عن اي حاجه طول الفتره اللي فاتت دي؟؟
علي : بصراحه لأ
نانسي : طيب ما تحاول تصرح بحبك .. يمكن توافق
علي : خايف اقولها بحبك تكسفنى .. خايف اقولها انى مستعد اجيب لها حته من سابع سما ماتصدقش وتقولى لا انا قلبى متعلق بغيرك خايف من حاجات كتير اوى مش عارف اعمل ايه .. شكلي هفضل مخبي عليها علي طول علشان مخسرش صداقتها وقربها مني
نانسي : يا ابني لازم تكون جرئ وتقولها وماتخافش .. حتي لو مفيش نصيب بينكم مش ممكن ابداً طول ما انتوا اصدقاء هتقدر هي تهد اللي بينكم .. بص انا آه اصغر منك .. بس اللي اعرفه ان الحب ميتقلبش صداقه ابداً .. انما ممكن الصداقه تقلب بحب .. يعني لو انا بحب واحد وانفصلنا مش ممكن يبقاا في صداقه بيناا ابداً .. هتكون في مشاكل دايماً لان القلوب اللي بتحب مش بتعرف تكره فالغيره هتبقاا موجوده وده انا مش ممكن اعمله .. بالنسبه لياا اللي ينتهي ميرجعش تاني .. لازم يآخد كل ذكرياته معاه ويمشي علشان يسيب القلوب فاضيه لغيره انما طول ما هو موجود هتفضل القلوب مشغوله بيه .. اما بقاا الصداقه فهي اسمي شئ ف الوجود .. صديقك هو اللي تجري عليه وتستخباا جواا حضنه .. هو الوحيد اللي مش ممكن يمل ولا يزهق من اي حاجه انت بتحكيها بيسمع وهو راضي .. وذي ما بيقولوا البستان دايماً مليان بالورود ولكن الشاطر هو اللي يختار الورده اللي تفضل محتفظه بعبيرها مهماا مرت عليها الايام .. ثن صمتت قليلاً وانتبهت لعلي وهو ينظر لها بإعجاب
ثم سألته .. هو انت متنح ليه كده 😂😂
علي : هاه .. لا ابداً انا سامعك .. ومعاكي يا فيلسوفه 😂😂 كملي كلامك
نانسي : لا يا عم اكمل اييه بقاا بعد فيلسوفه دي .. كمل انت بقاا وفكر انك تقولها .. انا عارفه انك بتحبها وحاسه بيك بس مش لازم تكملوا احباب .. انما ممكن تفضلوا اصدقاء
علي : تمام .. بس اقولك حاجه انتي صح .. الافضل نفضل ذي ما احنا .. اصدقاء .. بصي يا نانسي انا مش بعرف اخبي عليكي حاجه وطول عمرنا سرنا مع بعض وعشان كده انا لازم اقولك ان البنت اللي بحبها هي انتي
نانسي : انا 😳😳
علي : انا عارف انى مكنش المفروض صداقتنا تقلب حب بالنسبالي انما في لحظات بتمر علياا مش بقدر استغني عنك وبلاقي نفسي بجري اكلمك علي طول .. بس انا مقتنع بكل كلمة قولتيها وفعلاً انتي عندك حق .. لازم نفضل اصدقاء واللي بيناا لازم يفضل موجود .. وربنا يوفقك مع اني زعلان انك محكتيليش بس منتظرك في اي وقت تحكي مين هو سبب دقات قلبك
نانسي بخجل : هاه .. بصراحه انا مكنتش اقصد اخبي عليك حاجه بس الموضوع مش من زمان وانت مش بتيجي كتير ذي الاول .. هو ده السبب الوحيد .. انما انا هحكيلك علي كل حاجه .. شوف يا سيدي .. هاه شوفت ولا تحب تشوف كمان 😂😂😂😂
علي : 😂😂😂 لا شوفت يا فالحه .. ياله كملي عشان لازم امشي اتأخرت
نانسي : ماشي أعم .. هو يبقاا تامر اللي ساكن ف البيت ده ودي شقته و .........
واستكملت نانسي حكايتها مع تامر
علي : طيب كويس جداً .. ربنا يوفقكم ويكتب لكم نصيب في بعض ويجمع بينكم ان شاء الله واشوفك سعيده .. لان يا صديقتي سعادتك من سعادتي وانا موجود جنبك واي حاجه تحتاجيها كلميني متتردديش وانا هجيلك علي طول
نانسي : انت فعلاً اخوياا وصديقي وكل حاجه حلوه ف الدنياا .. ربنا يخليك لياا وميحرمنيش منك ولا وجودك في حياتي .. وربنا يرزقك بواحده تحبك وتعيش سعيد معاها يا لول يا حبيبي 😍😍
علي : آمين يارب العالمين .. ياله همشي انا عشان الشغل وهبقاا اتصل بيكي
نانسي : اتفقناا