روية ابن الجيران
الفصل السادس
بقلم نورسين
بعد دقائق تطرق هدير باب الغرفه
انت هتنام دلوقت .. ما تيجي نعمل اي حاجه حتي نلعب كوتشينه مع بعض .. انا زهقانه اووي ومش لاقيه حاجه ف التي ڨي النهارده كله رخم
تامر : بقولك اييه .. تعالي نرغي شويه انا عاوز اتكلم معاكي ف حاجه
هدير ماشي حلو اووي .. وجلست علي فراشه لتسمع ما سوف يقول .. احكي يا شهريار
تامر : لأ هنبدأها رخامه مش هحكي حاجه
هدير : لا لا خلاص مش هرخم بس احكي
تامر : انتي عارفه اني كنت بحب تمارا زميلتي ف الجامعه بس والدتها عرفت واضطرينا نسيب بعض لان ابن خالتها متقدم لها وهو طبعاً ظروفه احسن بكتير من ظروفي علي الاقل في الوقت الحالي
هدير : خلاص مفيش نصيب متزعلش نفسك .. ان شاء الله ربنا يرزقك بالاحسن منها
تامر : مهو انا بقاا حاسس دلوقت بحاجه تانيه .. احساس اول مره احسه .. قلبي بيدق بسرعه اووي اول لما بشوفها او بحس انها موجوده
هدير : يا عيني يا عيني ع الحب ❤ هو ده بقاا الحب اللي بجد .. مين اللي عليها العين والنيه المره دي يا حلو انت يا حلو 😍😍
تامر : هقولك بس انتي متعرفيش حاجه ماشي ؟؟
هدير : ماشي .. اتفقنا .. بس انت قولي هي مين .. انا مشتاقه اعرف هي مين
تامر : نانسي !!
هدير : نانسي 🙄🙄 نانسي مين .. بنت طنط سلمي ؟؟
تامر : اه .. حاسس اني مش ببقاا علي بعضي اما بشوفها .. عاوز اتكلم معاها علي طول .. مش عاوزها تغيب عن عيني .. بخرج وبقعد مع اصحابي اوقات كتير علشان اجرب نفسي اذا الموضوع عادي ولا لأ .. بس بلاقي نفسي اول لما برجع البيت بجري ادخل البلكونه اشوفها واقفه ولا لأ ..بحس بشوق غريب من ناحيتها علي رغم اني متكلمتش معاها غير مرتين او تلاته .. مش عارف اعمل اييه
هدير : هو بقاا في كلام تاني تقوله بعد كل ده .. شوف هو علي الرغم من ان اللي هقوله غلط بس مفيش حل غيره
تامر : قولي .. اييه هو ؟؟
هدير : كنت افضل اني انا اللي اتكلم معاها .. بس انت لسه قدامك وقت علي ما تخلص الجامعه فأنت اللي لازم تتكلم معاها وتشوف اذا هي كمان معجبه بيك ولا لأ واذا كانت الامور تمام يبقاا اول لما تخلص الجامعه تتقدم لها علي طول .. اما اذا رفضت يبقاا تصرف نظر تماماً عن الموضوع
تامر : طيب وانا هكلمها ازاي بقاا .. دبرني يا وزيري
هدير : 😂😂 باين عليك آثار الحب .. ماشي هساعدك .. شوف انت تنتظرها الصبح وهي نازله الكليه وتمشي بعيد عنها طبعاً علشان كلام الناس .. لازم تحافظ عليها وعلي سمعتها ده في المقام الاول وتركب معاها العربيه اللي هتوصلها الجامعه وهتدفعلها الاجره طبعاً ومن هنا هي هترفض وانت تبدأ معاها كلام .. هاه .. اييه رأيك ف الخطه الجهنميه دي 🙄🙄😂😂
تامر : هي من ناحيه جهنميه فهي كده فعلا .. ربنا يستر
هدير : هيستر بإذن الله بس انت خلي بالك منها ومن نفسك .. حافظ عليها ذي عينيك
تامر : متقلقيش هشيلها ف عينياا
وفي صباح اليوم الجديد ينتظر تامر في الشرفه لحين خروج نانسي من المنزل وحين رآها نزل مسرعاً ليجدها منتظره علي المحطه لتستقل الحافله المتوجه للجامعه
وقف بعيداً عنها قليلاً وحين اقتراب الحافله صعدت نانسي وصعد خلفها تامر واخرج النقود ليدفع .. فأشار عليها ان تجلس وسدد المبلغ المطلوب وجلس بجانبها
تامر : صباح الخير
نانسي : صباح الخير .. اتفضل الفلوس .. ميرسي
تامر بنظره حاده : انتي بتهزري صح ؟؟
نانسي : لأ .. بس انا معايا .. ليه انت تدفع
تامر : خلاص .. شيلي فلوسك .. انا كمان معايا .. اما ابقاا احتاج هبقاا آخد منك .. شيلي بقاا متفرجيش الناس علينا
نانسي بإبتسامه ناعمه : حاضر
تامر : هو انتي عندك محاضرات كتير النهارده او بمعني اصح عندك محاضرات مهمه ؟؟
نانسي : لأ .. العادي يعني مش مهمه اووي .. ليه في حاجه ؟؟
تامر : انا عاوز اتكلم معاكي شويه ومش هعطلك كتير ممكن ؟؟
نانسي تنظر له بإستغراب في البدايه ثم تبدأ بالكلام .. طيب بس بشرط واحد
تامر : اتفضلي .. انا تحت امرك
نانسي : انا مش هروح معاك في اي مكان .. لو انت عاوز تتكلم فأي حاجه فهنقعد في كافيتريا الكليه .. غير كده مش هينفع
تامر : تمام وانا مش عاوز غير كده
وبعد دقائق وصلوا للجامعه وصعدوا كافيتريا الجامعه
تامر : فطرتي ؟؟
نانسي : لأ .. لسه
تامر : حلو جداا .. نفطر مع بعض الاول ونشرب النيسكافيه وبعد كده نتكلم
نانسي : هو أنت عرفت منين اني بحب النيسكافيه ؟؟
تامر : طيب هروح اجيب السندوتشات والنيسكافيه الاول وهقولك علي كل حاجه .. ويتركها ويتوجه لإحضار الطلبات وعند عودته
نانسي : كمان شاورما وبيرجر .. لأ .. كده انت لازم تقولي انت عرفت كل ده منين
تامر : بالنسبه للنيسكافيه فأنا بشوفك علي طول بتشربيه في البلكونه وانتي بتسمعي الاغاني اما البرجر والشاورما فأنا خمنت والحمد لله زوقناا طلع واحد
نانسي : امممم .. ماشي .. اييه بقاا الموضوع المهم اللي عاوز تتكلم فيه ؟؟
تامر : بصراحه انا مش عارف ابدأ منين بس هتكلم علي طول علشان متتأخريش .. انا مش عارف اذا انتي كنتي عارفه اني كنت مرتبط قبل كده ولا لأ .. بس لازم دلوقت تعرفي مني .. انا كنت مرتبط بزميلتي في الكليه بس محصلش نصيب .. او بمعني تاني حُبها لياا كان ضعيف ومقدرتش تقف قدام اهلها وترفض ابن خالتها اللي هيتجوز علي طول ومش معقول كانت هتسيبه وتنتظرني .. المهم انا بدأت معاكي كلام علي الموضوع ده علشان بس تثقي فياا انا مش هخبي عليكي اي حاجه ولو عندك اي سؤال انا مستعد اجاوبك عليه
نانسي : تمام .. وانا بقاا دخلي اييه بعلاقتك القديمه .. هو ده الموضوع المهم اللي انت جاي تكلمني عنه ؟؟
تامر : اكيد كلامي عن ارتباطي الاول له علاقه بالموضوع اللي جاي اكلمك فيه النهارده
نانسي : اتفضل كمل كلامك .. انا سمعاك
تامر : بصراحه انا معجب بيكي من اول مره شوفتك فيها .. ومتقوليش ازاي وانت كنت بتحب واحده تاني في الوقت ده لان انا نفسي مش عارف ازاي ده حصل ومعنديش رد علي سؤالك غير اني بحس بإحساس غريب بيتملكني كل ما بشوفك .. لما بتبقي معايا مش ببقاا عاوز اسيبك .. مش ببقاا عاوز حد غيري يتكلم معاكي .. اما بشوفك واقفه قدامي ف البلكونه ببقاا مش قادر انزل عيني من عليكي وبحس وقتها بغيره غريبه ببقاا عاوز اقولك ادخلي علشان محدش غيري يشوفك .. لما بتكوني قدامي بحس ان قلبي عاوز يخرج من مكانه علشان فرحان انه شافك و من كتر دقاته ببقاا خايف حد جنبي يسمعه ويسألني مالك .. بحس بروحي بتتخطف مني وده انا حاسه دلوقتي وانتي معايا .. هيييح .. وده اختصار لجزء بسيط من اللي انا بحس بيه وعاوز اعرف انتي حاسه بحاجه من ناحيتي ولا لأ ؟؟ وقبل ما تردي علياا لازم تعرفي اني مش هطلب منك غير اني اشوفك كل فتره وخلاص وكفايه علياا انك موجوده قدامي
نانسي : بصراحه انا مش عارفه اقولك اييه .. بس ....
تامر بقلق : بس اييه ؟؟ في حد ف حياتك ؟؟ انتي مش عوزاني صح ؟؟
نانسي : طيب خليني اتكلم .. اديني فرصه وانا هقولك كل حاجه
تامر : ماشي .. اتفضلي اتكلمي انا سامع
نانسي : اولا انا عمري ما ارتبطت وعمري ما فكرت اني احب او اني اعيش قصه حب ذي البنات اصحابي .. كنت دايماً خايفه من
الموضوع ده وان فلان مرتبط بفلانه واتخانقوا فسابها وراح حب
غيرها ودي قلبها واجعها ودي مجروحه وهكذا .. بس انا عاوزه أسألك سؤال
تامر : أكيد .. اتفضلي أسألي..