رواية ابن الجيران
الفصل الثامن
بقلم نورسين
استمرت العلاقه بين نانسي وتامر واستمرت مقابلاتهم في الجامعه
تامر : انتي هتتأخري النهارده في المحاضرات
نانسي : لأ عندي محاضرات هتخلص الساعه 2 مش متأخر اووي
تامر : تمام .. استنيني انا هخلص وهرجعلك بعد محاضراتي نرجع البيت سواا ماشي
نانسي : ماشي بس متتأخرش علياا
تامر : لأ مش هتأخر عليكي هخلص وهجيلك علي طول .. همشي انا علشان ألحق المحاضره علشان الدكتور ده رخم اووي .. سلام
نانسي : سلام
تركها تامر وتوجه لحضور المحاضره وبعد ان انتهت نانسي من المحاضرات نزلت مع زملائها وانتظروا تامر معاً وامضوا اللحظات في الضحك والابتسامه
لاحظهم تامر من بعيد فأكلت الغيره قلبه .. واقترب من نانسي والنار تشع من عينيه
تامر 😠😠 ياله علشان أتأخرنا
نانسي وقد أرتعبت من نظرته : ماشي .. سلام يا جماعه اشوفكم بكره ان شاء الله
الاصدقاء : سلام
نانسي : مالك .. في حاجه مزعلاك ؟؟
تامر : 😠😠 لأ .. مفيش
نانسي : طيب مكشر ليه كده ؟؟
تامر :😠😠 مين اللي كنتي بتهزري معاهم دول ؟؟
نانسي : ااااه ..دول اصحابي .. عادي .. مفيش حاجه كنا بنهزر شويه بنفك عن نفسناا من جو المحاضره الرخم ومستنيينك لحد اما تيجي
تامر : بس ليه يهزروا معاكي .. انا مش بحب الهزار مع الولاد .. احمدي ربنا اني مسكت نفسي المره دي انما المره اللي جايه مش عارف اييه اللي هيحصل
نانسي :😣😣 حاضر .. خلاص بقاا متزعلش
تامر : لأ .. زعلان .. ومش هكملك النهارده كمان .. ياله علشان متتأخريش
انقضت ساعات النهار وحل الليل ونشر القمر ضياؤه ف السماء وانتظرت المحبه محبوبها علي موعدهم لكي تراه ولكنه حزين يعاقبها علي فعلتها
انتظرت حتي ملت من الانتظار وبدأ اليأس يدب خطواته إلي قلبها انه لن يسامحها فأسرعت وتوجهت لتتصل به
فأنهي الاتصال دون ان يرد
فأرسلت له رساله محتواها
حبيبي انا آسفه .. متزعلش مني .. مش ههزر مع حد تاني .. وبعدين انا مش بحب غيرك ولا هحب غيرك .. انت ساكن روحي وقلبي وعقلي .. دول مجرد اصدقاء وبس مش اكتر من كده وهما كانوا موجودين من قبل ما انت تكون موجود ولو انا كنت عاوزه ارتبط بحد منهم كنت من زمان ارتبطت بس انا عوزاك انت ومش هكمل غير معاك
خلاص بقاا يا حبي ❤❤ رد علياا وانا هصالحه
واخيراً رد عليها برساله محتواها .. هتصالحيني ازاي ؟؟
ردت برساله : افتح عليا الاتصال وانت تعرف
وامسكت بهاتفها وكررت الاتصال به وحين فتح المكالمه واذا بها تغني له
م الآخر تني وراك مش هسيبك هستناك
وهقضيها مطاردة معاندة، لما اشوف آخرتها معاك
هتروح من قلبي أنا فين، ان شالله استنّى سنين
و هجيبك اجيبك يا حبيبي وعندك ده كبيره يومين
عمال بتسيطر سِنّة سِنّة صحصحت مشاعر نايمة ننّة
من أول مرة احنا اتقابلنا و واخدلي قلبي معاك
و استعجل ليه مانا لازم اهدى
مفيش حاجة بتيجي مرة واحدة
بس انا عندي يا حبيبي كلمة انا مش ممكن هنساك
م الآخر قلبي اختار وخلاص انا اخدت قرار
ان انا حبيتك من قلبي ومعاك لو حتى في نار
آهي بقى كبرت في دماغي، ولحد عنيك ما تلاغي
انا بقى قاعدالك هنا جنبك هشغل قلبك و اختار
عمال بتسيطر سِنّة سِنّة صحصحت مشاعر نايمة ننّة
من أول مرة احنا اتقابلنا و واخدلي قلبي معاك
و استعجل ليه مانا لازم اهدى
مفيش حاجة بتيجي مرة واحدة
بس انا عندي يا حبيبي كلمة انا مش ممكن هنساك
ههههههههه اييه رأيك بقاا انا معاك للآخر ومش ممكن هنساك .. خلاص بقاا انا غنيت الاغنيه كلها .. متزعلش يا حبيبي حقك علياا والله انا لو اعرف انك هتزعل وتضايق مكنتش نزلت ولا استنيتك معاهم .. انت حبيبي وانا مقدرش علي زعلك
تامر : خلاص انا مش زعلان .. موضوع وانتهي وان شاء الله ميتكررش تاني عشان المره اللي جايه معرفش انا ممكن اعمل فيكي وفيهم اييه ولازم تعرفي وتكوني متأكده اني مش هسيبك علشان تنسيني .. انا من بكره هتكلم مع ماما وهبدأ في تجهيز المحل اللي تحت وافتح مكتب كمبيوتر علشان اي دخل ييجي منه هبدأ بيه تجهيز الشقه واول لما السنه تخلص هتقدملك علي طول
نانسي 😍😍 بجد .. ده خبر حلو اووي .. انا فرحانه انك هتبدأ تآخد خطوه ذي دي .. ياله بقاا روح نام
انهت الاتصال معه واستلقت علي فراشها حتي الصباح وفي اليوم الجديد .. استيقظ تامر مبكراً ليتحدث مع والدته عن المشروع الجديد حتي يتثني له ان يبدأ في تجهيز شقه الزوجيه
امينه : طيب مش لسه شويه علي المشروع ده .. انت هتتعطل كده عن المذاكره ووقت الامتحانات مين هيفتح مكانك ؟؟
تامر : متقلقيش انا هظبط الدنياا مع عبد الرحمن هو هيشاركني واهو مش بعيد علينا ف اي وقت احتاجه هينزل مكاني وهو شاطر وممكن يشتغل معايا كمان .. انا هعرض عليه .. هو كمان محتاج شغل يصرف منه علي اخوه ووالدته انتي عارفه انه شايل البيت من زمان من وقت وفاة والده واهو الجار اولي ذي ما بيقولوا وعبده امين ومفيش منه خوف بس انتي قولي آمين علشان نبدأ علي طول ان شاء الله وتطلعي بقاا يا حاجه اللي تحت البلاطه
امينه : هههههه بلاطه .. بلاطه اييه .. البلاطه اتخلعت من زمان 😂😂😂😂 .. بس عموما ماشي اتوكل انت علي الله وابدأ والتسهيل بتاعه ربنا
تامر : توكلنا علي الله .. انا هنزل اتفق مع عبد الرحمن علي طول ان شاء الله
مرت الايام وتم تحديد موعد زفاف نورهان ومازن
انه الخميس بعد القادم
في الجامعه نغم تقابل زين
زين : صباحك جنه الرحمن يا قلبي .. عامله اييه ؟؟
نغم 😊😊: الحمد لله بخير .. وانت 😍😍؟؟
زين : انا بخير الحمد لله طول ما انتي بخير
نغم : ان شاء الله ميعاد فرح نورهان الخميس بعد اللي جاي
زين : مبروك .. عقبالنا ان شاء الله .. يعني هتتجوز ف اجازة نص السنه
نغم : اه .. ان شاء الله
زين شرد للحظات .. تنبهت له نغم فتحدثت إليه .. زين .. فلم يجيبها .. فكررت .. زين .. انت كويس ؟؟
زين : هاه .. اه انا كويس يا حبي متقلقيش انا بس سرحت شويه ف الماده الرخمه اللي عندنا وشكل الدكتور مش ناوي يعدي حد منها السنه دي
نغم : لأ ان شاء الله هتعدي انت بس ذاكر كويس الماده واعمل اللي عليك وسيب الباقي علي ربنا
بعد يومين .. محمود في الشرفه الملحقه بغرفته واذا بهاتفه يدق معلناً عن اتصال من مجهول
محمود : ألو .. مين معايا
زين : ألو .. ازي حضرتك يا عمي انا زين زميل نغم في الكليه
محمود : اهلاً وسهلاً أتشرفت بيك .. خير يا ابني في حاجه
زين : ان شاء الله خير يا عمي .. هو انا بستأذن حضرتك في مقابله بس براا البيت .. اذا ممكن
محمود : خلاص ممكن تشوفني في الشغل نشرب القهوه مع بعض ونتكلم
زين : خلاص بكره ان شاء الله هكون عند حضرتك .. أستأذنك في العنوان
فأملاه محمود العنوان وألقي عليه التحيه ثم انهي المكالمه معه .. وبدأ يتحدث لنفسه .. يا تري عاوز اييه ده .. واييه الموضوع اللي عاوز يتكلم فيه براا البيت واذا بسلمي تدخل عليه وهي تحمل اكواب الشاي ولم ينتبه محمود لتواجدها
سلمي : انت بتكلم نفسك يا محمود ؟؟
محمود : هاه .. لا .. مبكلمش نفسي ولا حاجه .. متركزيش عادي .. انا بس افتكرت حاجه ف الشغل
سلمي : امممم .. الشغل طيب .. اشرب الشاي علشان ميبردش
مرت الايام وجاء يوم زفاف نورهان و مازن
تزينوا البنات الثلاث وارتدوا فساتين سوداء بنفس الشكل وارتدوا علي صدورهم وشاح مكتوب عليه
Sister of Bride
اقترب تامر من نانسي يتحدث إليها ويتغزل بها
تامر : إييه الجمال ده كله .. هتعملي فياا اييه تاني يا بنتي
نانسي : هههههه هو انا عملت حاجه .. والنبي دا انا غلبانه
بعد لحظات بدأت الفرقه الموسيقيه واقترب مازن يتراقص مع نورهان وبعد أن توقفت الموسيقي وساد الهدوء القاعه واذا بزين يقترب من نغم ويطلب منها الزواج
زين : تتجوزيني ؟؟
نغم جحظت عيناها وتوقفت عن الكلام واذا به يركع علي قدمه امامها ويفتح علبه صغيره بها خاتم بفص لامع .. وااااو 😍😍😍 يالا الروعه اييه الجمال ده