حياة الفهد♥️
الاخير
فهد سمعها وابتسم بخفوت واتنهد براحة وخبط تاني
الهام سمعت التخبيط شالت البيبي وراحت تفتح
الهام للبيبي : استني استني نفتح لعمو فاروق اكيد هوا
فتحت الباب وتفاجأت بهد طبعا هيا عارفاه وشافت صوره في التلفزيون كتير
الهام : افندم؟!
فهد بص لابنه واتنهد براحة وحمد ربنا في سره
فهد بهدؤ : اسف على ازعاجك بس دا ابني
الهام اتصدمت والدم اتجمد في عروقها شكوكها طلعت صح... بلعت ريقها بتوتر
الهام بحذر : ان... انت فهد المنياوي
فهد هز راسه : ايوا
الهام : بس فاروق هوا اللي جاب الولد دا
فهد اتنهد وميل في جنب وجه سيف وهو ماسك فاروق
فاروق كان موطي راسه الأرض والكلابشات في ايده
الهام اول ماشافته اتصدمت : لا لا مستحيل مستحيل
فهد اخد ابنه من الهام وباسه بشوق وحضنه
الهام قربت من فاروق : فاروق هما هما ماسكين كدا ليه.... ارجوك قولي ان اللي بفكر فيه غلط ارجوك
سيف بجمود : للأسف يامدام جوزك اتقبض عليه بتهمة خطف ابن فهد المنياوي
الهام بعياط : فاروق لا قولي قولي انه غلط ارجوك متعملش فيا كدا انت عارف انك كل حياتي ليه تكسر ثقتي فيك
فاروق دموعه نزلت : الهام انا اسف ياحببتي
الهام بصراخ : متقوليش حببتي انت مستحيل تكون فاروق جوزي اللي حبيته انا جوزي مبيأذيش نمله واستحاله يكون بالبشاعة دي ويخطف طفل ويحرم اهله منه..... مفكرتش في حالة امه تلاقي قلبها بيتحرق على ابنها دلوقتي ليه يافاروق نعمل كدا ليه.... انا اشتكيتلك؟! انا قولتلك ناقصني حاجة؟!... ياخسارة يافاروق خسارة حبي ليك
فاروق : الهام ارجوكي سامحيني انا اسف عارفي اني غلطت والله ندمان
الهام : خلاص يافاروق فات الاون ادعي ربنا يسامحك....
فاروق بوجع : الهام انتي هتسبيني؟!
الهام : للأسف معنديش غيرك في الدنيا لاني وحيدة زي ماانت ماعندكش غيري مفيش مكان غير بيتك اروح عليه يافاروق بس انا مش مسمحاك
فاروق : والله بحبك وعملت دا كله علشانك
الهام : انت غلطت ولازم تتعاقب
فاروق لفهد : انا اسف يافهد سامحني لو تقدر انا مش طمعان غير انك تسامحني وموافق على اي عقاب اخده
فهد : إذا كان ربك بيسامح انا مش هسامح... المسامح كريم يافاروق انا هتنزل عن القضية لاني عارف انك ندمان.... لكن مقدرش اساعدك في الطلوع من السجن
فاروق : وانا مش طمعان غير في السماح
سيف خد فاروق تحت نظراته النادمة لإلهام ودموعها اللي بتنزل
الهام : فهد بيه انا اسف جدا على اللي عمله والله انا اسفة مكنتش اعرف انه ابنك
فهد : ولا يهمك حصل خير وشكرا على اهتمامك بيه
الهام : دا جميل خالص مشاء الله وانا حبيته ربنا يخليهولك حقيقي هيوحشني
فهد : انتي بقيتي امه خلاص.... وتقدري تشوفيه في اي وقت تعوزيه
الهام بفرحة : شكرا جدا بصراحة انا بحب الأطفال اوي بس ربنا مش رزقني كان فاروق هو اللي مالي عليا وحدتي بس هو كمان راح
فهد بحزن : ربنا معاكي....طب ايه رايك اجبلك حد يسليكي وهتحبيه
الهام : ياريت بس هو مين
فهد تعالي معايا لو سمحتي
..... بعد ساعتين في دا الأيتام.....
فهد بابتسامة وهو شايل ابنه : مبروك يامدام الهام
الهام : الله يبارك فيك حقيقي انا بشكرك اوي على اللي عملته وانا حبيتها اوي وبقينا صحاب كمان
فهد لقمر : ايه رايك ياقمر بقا عندك ماما اهو
قمر : ماما حلوة اوي يافهد وانا بحبها
الهام حضنتها بحب : وانا بحبك اكتر ياروح ماما
قمر : فهد هيا حياة فين كنت عايزة اسوفها
فهد : هيا في البيت دلوقتي شوفي دا ابني انا وهيا
فهد نزل لمستواه وقمر بصت للبيبي وباسته : حلو اوي يافهد
فهد : وانتي كمان حلوة اوي.... هتبقو تزورونا صح
الهام : اكيد لازم اجي عشان اشوف صاحبي الصغير دا
فهد : ايه رايك ياقمر تكلمي حياة
قمرة بفرحة : بجد اه اه يلا
فهد اتصل على حياة وهيا ردت بتعب
حياة بوجع وأمل : فهد لقيت ابني؟!
فهد : افتحي الكامير.....
حياة فتحتها بعدم اهتمام وفهد وجه الكاميرا على قمر والبيبي
فهد : ايه رايك في المفاجأة دي
حياة بفرحة شديدة ودموع : اااه ابني الحمد لله يارب الحمد لله.... ايه دا ازيك ياقمر
قمر : الله يثلمك ازيك ياحياة... وحستيني اوي
حياة بابتسامة : وانتي اكتر ياقلب حياة.... ايه رايك جبتلك نونو تلعبي معاه
قمر : وانا كمان جبتلي ماما العب معاها
حياة باستغراب : ماما؟!
فهد : هفهمك الموضوع لما ارجع يلا مع السلامه ياحببتي
فهد لالهام : مدام الهام اتشرفت بمعرفتك واتمنى تزورينا انا وحياة وتجيبي قمر معاكي
الهام : اكيد ان شاء الله
فهد : وياريت تحاولي تسامحي فاروق شكله ندمان فعلا
الهام : ربنا يسهل
فهد : يلا عشان اوصلكم
فهد وصل الهام وقمر بيت فاروق وقابل سيف ورجعوا مع بعض للصعيد
..... الساعة تمنية بليل.....
كلهم متجمعين في الصالة وحياة قاعدة متوترة
حياة : هما اتأخر ا كدا ليه
سالم : اهدي شوية يابتي تلجاهم جايين على الطريج
حياة حاولت تهدي نفسها وطول ماهيا قاعدة باصة عند الباب
بعد شوية.. دخل وهو شايله بين ايده وعلى وشه ابتسامة حب : مش جولتلك هينام في حضنك الليلة
حياة جريت عليه وكل العيلة قربوا عليه
خدته من ايد فهد وهيا بتعيط بفرحة وببوسه في كل مكان وبتردد : الحمد لله الحمد لله الحمد لله
كلهم سلمو على البيبي وقعدوا وكانت الفرحة مش سيعاهم
.... بعد شوية.....
كانت العيلة كلها متجمعة في الصالة في جو من الضحك والحب بعد مافهد حكي ليهم كل حاجة وفهد واخد حياة وابنه في حضنه
سالم : مجولتلناش يافهد ناوي تسميه ايه
فهد : لا خليها مفاجأة ليوم السبوع
سالم بضحك : مش فاهم انت بتفكر ازاي اومال هتثبه كيف
فهد : اني ثبته اصلا بس خلي الاسم مفاجأة
آية قامت تجيب العصير وهيا بتقدمه المصدية وقعت وآية وقعت على الأرض
الكل جري عليها وهشام شالها وطلعها اوضته وطلب الدكتورة
بعد ماالدكتورة فحصتها وعرفتهم مالها
هشام دخل حضنها بدموع : الف الف مبروك يالبى هتبجي ام واني اب
آية : انا فرحانة جوي ياهشام
العيلة كلها دخلت وباركت لاية وكل واحد راح اوضته عشان ينام بعد ماعدي يوم طويل صعب على الكل
..... في اوضة فهد.....
فهد : نام؟!
حياة بحب : اه
تلفون حياة رن
فهد : طب ردي بسرعة عشان مش يصحى يعيط
حياة ردت
حسام : ايه ياختي نسيتي ان عندك اخ
حياة : ايه دا انت لسه عايش
حسام : لا قدمت على طلب وفاة ورفضوه معنديش واسطة
حياة : نينينينينيني
حسام : بس يابلونة روحي نكدي على جوزك ولا صحيه قوليله انك بتولدي
حياة : يااااه ياعبد الصمد دا انت قديم اوي.... انا ولدت من زمان ياسطا
حسام : بايخة دوري على غيرها
حياة سكتت شوية : افتح الواتس
حسام فتح الواتس وبص الفون بصدمة : ابن مين دا يابت
حياة : ابني
حسام : حياة متهزريش وحياة ابوكي
حياة : والله ابني
حسام : ازاي تولدي وانا معرفش
حياة : ياسطا أنا ولدت وابني اتخطف والدنيا كانت مقلوبة وكان في فيلم هندي هنا
حسام : ايه... ليه ايه اللي حصل
حياة بضحك : لااااا دي حكاية طوييييلة
....... بعد سبع سنين.....
اتغيرت حياتهم مية وتمانين درجة حبهم زاد فهد بقا بيغير عليها حتى من ولاده قربوا لربنا اكتر واكتر عملو عمرة مع بعض من سنتين وكانت تجربة جميلة وحياك أقسمت انها مشافتش حاجة تضاهي جمال الكعبة.... كان ليها الأخ والأب والصاحب والزوج والابن وكل حاجة جابوا بنوتة شبة حياة جدا
ياسمين ولدت ولد وبعديه بنوتة زي القمر حبها هيا وسيف لسه موجود وسيف لسه بعشقها وقلبه بيدوب من رقتها كونوا عيلة جميلة ليهم هما واولادهم
آية جابت بنت في الاول وبعدين بنت كمان مجننين هشام هما التلاتة بيعتبر آية طفلة زيهم مطلعين عينه بس ميقدرش يستغنى عنهم حبه لمجنونته بيزيد برغم من حركاتها المجنونة بس بيعشقها
حسام وهايدي جابوا ولدين تؤم نسخة من بعض مطيرين عقل حسام بماقالبهم وشقاوتهم بس بيبعدهم عنه ويبعتهم لحسين يهتم بيهم عشان يقضي وقت كبير مع هايدي
........ في اوضة فهد......
(وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لآيَاتٍ لِّقَوْمٍ يَتَفَكَّرُون}..... صدق الله العظيم
فهد بأس راسها بابتسامة وحب : مشاء الله حافظك كويس النهاردة
حياة : الحمد لله.... يلا نطلع نشوف الاولاد
فهد : والله بخاف من العزومة اللي في رمضان دي
حياة بضحك : ليه بس دا بيبقا يوم جميل كلنا بنتجمع
فهد : اديكي قولتيها كلنا بنتجمع يعني اكيد في ملحمة تحت في الجنينة
حياة : هههه طب يلا نروح نشوفهم
فهد مسك ايدها والأسد التانية على ضهرها وبيسندها عشان تنزل السلم لأنها كانت في الأشهر الأخيرة من حملها
..... في الجنينة......
سيف بزعيق : اقسم بالله ياسليم لو مسبتش ايد بنتي ل.....
سليم ببرود : هتعمل ايه
سيف : هحبسك... ايه ياخويا محدش قادرلك ولا ايه
سليم ببرود : اه عادي
سيف بصراخ : انت يااااا اتلم وبطل برود
فهد : ايه ياسيف بزعج ايه
سيف : خلي ابنك يسيب ايد بنتي ياعم هيا سايبة ولا ايه
سليم ببرود : اه سايبة
سيف : سيبوني عليه هضربه
ليان برقة : الله ثيب سليم يابوي
سيف : بس يابت عشان مجبكيش من شعرك
سليم : ابقا فكر تعملها أكده هطوخك عيارين
مراد قرب عليهم : ايه يابوي بزعج ليه
سيف : تعالي يابيه شوف الاستاذ اللي ماسك ايد خيتك وبيج لها بحبك وانت سايبهم عادي اكده
مراد بحدة طفوليه : سيب ايد خيتي ياسليم
سليم ببرود : ماانت ماسك ايد خيتي من الصبح واني ساكت لم الدور
مليكة : ياثليم مواد ثاحبي وهيتجوزني
ياسمين بضحك : بس يالغتة ههههه
حياة :متتريقيش على بنتي ياختي
زين : حد شاف خالو هشام
فهد : والله يايزن انت العاقل الوحيد اللي فيهم عايز خالك هشام ليه
زين : انا مش يزن انا زين ياعمو
فهد : مفرقتش كتير عايزه ليه
زين عدل قميصه : هتقدم لهمس
حياة : لا دا شكله وباء.... وانت متخيل ان خالك هشام هيسيبك
هشام وآية جم من وراهم : بتجيبو سيرتي في ايه
زين راح وقف قدامه ورافع راسه وبصله : بصراحة ياعمو انا بحب همس وعايز اتجوزها
هشام بصدمة : انت يتجول ايه ياض دا انت قد صباع رجلي الصغير.... اجري روح لابوك
حسام : ابوك جاله بنفسه بترعق لابني ليه ياعم هشام
هشام : ابنك جاي ياخد بنتي مني....
بص الجهه التانية : نهاركو اسود..... روح ياعم جبلي اخوك الحبيب اللي هناك دا عشان مش اروح اجتله
يزن كان قاعد وماسك ايد لارا بنت هشام الصغيرة وبيبصلها بحب
هشام : اللهم اني صايم ياعم..... انت جايب عيالك يحبوا في بناتي لمهم في جنب ياحب عشان مش اجتلهملك
فهد لحياة بضحك : طب والله عيال رايقة كل واحد واخد المزة بتاعته وقاعد بيها في جنب ماتيجي انتي كمان يامزتي ناخدلنا جنب
حياة : فهد...
فهد بضحك : حياة الفهد
سيف بضيق : اني مالي بكل الجصص دي اللي اعرفه ان الواد ده يسيب ايد بتي ويبعد عنيها اني مش هجوزهاله
سليم بغرور مماثل لابوه : ليه أن شاء الله جليل اني ولا ايه... اني سليم المنياوي ود فهد المنياوي فهد الصعيد
حياة افتكرت فهد وغروره : سليييييييم
...... تمت بحمد الله......