رواية حور وادم
الفصل الثالث عشر والرابع عشر
حور&ادم. Shaimaa Mohamed
الفصل الثالث عشر
فاطمه بصوت عال: انتي يازفته وطي صوت الاغاني دي
فاطمه: استغفر الله العظيم
هتسمع اذاي من الصوت العالي دا
دلفت غرفتها وانصدمت عندما وجدت ابنتها ترقص علي الاغاني دا لو افترضنا ان هذا رقصا
فاطمه: مخلفه قرد ياربي
حور:ايه يابطوط تعالي ارقصي معايا
فاطمه وهي تخلع حذائها: السرير يابنت الهبله
وقذفته نحوها
حور وهي ترقص: مجاش مجاش
فاطمه وهي تقذفها بالاخر: خدي هنا ياعملي الاسود
انتي يابت
اخذت حور تركض في انحاء المنزل:عااا
فيه ايه بس يابطتي مالك مين مضايقك
فاطمه: روحي يابعيده الهي تتهدي
بدل المسخره الي عملاها دي تعالي ساعديني في المطبخ
حور:ايه
اناا اقف في مطابخ هزلت
جذبتها والدتها من شعرها: تعالي هنا انا تخليني اجري وراكي زي الهبله كده
اهي الاجازه طويله شوفي مين يرحمك من ايدي
حور:ياحاجه استهدي بالله
شعري زنبه ايه بس
طاب والله لاخلي مجدي يطلقك
فاطمه:امشي يابايره
حور من بعيد: علي قلبك زي العسل
فاطمه وهي تذهب الي المطبخ: يارب صبرني علي ما ابتليتني بيه
&&&&&&&&&&&&&&&&&&&&&&&&&&
تكرر المشهد في منزل نصر الدين
ادم:ايه الدوشه دي ياماما
فيه فرح في الشارع ولا ايه
زينب: لاعقبال عندك الفرح دا عندينا
ادم: ايه الحج ناوي يتجوز ولا ايه
زينب: مش لما تعملها انت الاول
ادم بزهق: يامي انتي مابتزهقيش من الحكايه دي
زينب: اسكت ياادم روح شوف ام شبر ونص عامله ايه
علشان انا خلاص تعبت منيكم
ذهب ادم الي غرفه اخته فتح الباب واغلقه سريعا
ادم: استعفر الله العظيم
كباريه في البيت
ثم فتح الباب مره اخري
ادم بحده:ايه القرف الي انتو عاملينو دا
ورد: تعال يابابا شوف منه لبستني ايه
ادم: لبستك ايه
فين البس دا.
منه:دومي حبيبي تعالي ارقص معانا
ادم :ارقص معاك ايه ياقليله الربايه
كباريه قلبتي البيت كباريه وكله دا ليه
علشان خلصتي امتحانات
منه:الله مئ بفك عن نفسي بعد الامتحانات
ادم:اه والبنت كانت هاريه نفسها ياعيني
انتي عايزه تتربي من جديد
واخذ يركض ورائها
ادم: بوظتي البنت خليتيها تنحرف
منه:بتك منحرفه لوحدها هتلبسني مصيبه
وعلي فكره دي فكرتها
ادم: من قعدتها معاكي عايزاها تطلع ايه
منك لله ضيعتي البنت
منه بلهاث: ياادم حرام عليك قطعت نفسي
ادم: يارب تموتي ياشيخه
زينب: كسرتولي البيت ياولاد الهبله
ورد: معلش يااختي ربنا يصبرك عليهم
زينب وهي تقذفها بحذائها :يالا ياجزمه
الله يرحم كنا نتحايل عليكي علشان تتكلمي
ادم: وهو يمسك ورد وانتي ياشبر ونص
ايه الي كنتي بتعمليه دا والبس بتاع عيال المهرجانات دا
ورد: خمسه فرفشه يابابا
ادم:خمسه ايه ياروح امك
ورد': لا بقيت بيئه يادكتور
ادم: والي كنتي عملاه دا ايه
ورد: يووووووه قرفتونا
والله ماانا قاعدالك في البيت
ادم بصدمه:مين دي
منه :رجلي علي رجلك. ياورد
يستحيل اسيبك تتشردي لوحدك
ادم: هتروحي لمين
للفاشله التانيه
طاب اسمعوني كويس وخصوصا انتي ياقرده ياصغيره
خروج من البيت مفيش وهتساعدوا ماما في خدمه البيت
حور مفيييش علشان مااروحش اولعلكم فيها دلوقتي
ورد وهي تذهب الي غرفتها: والله دا ظلم بقي
منه وهي تفعل مثلها: ايه الاضهاط دا
ادم وهو ينظر الي والدته: اي حد يسال عليا قولوله ادم راح العباسيه
زينب بضحك: والله عيله مايعلم بيها الا. ربنا
دا نصر علي كده مرتاح لما بياخد النهار كله بره
&&&&&&&&&&&&&&&&&&&&&&&&&
مي تقف بالمطبخ
مي:كان مالي بالهم دا
كنت مرتاحه في بيت ابويا
عمرو وهو يتناول شئ ما يأكله:
بتكلمي نفسك يامي
مي: اعمل ايه نصيبي كده
مش لاقيه حد اتكلم معاه
عمرو: وانا روحت فين
مي: وانا الي كنت فاكره بعد الحواز هتبقي بمبي
عمرو: ولاقيتيها ياحبيبتي
مي:سودا
عمرو:اعوذ بالله انتي بقيتي نكديه كده ليه
مي: اعمل ايه ليل نهار محبوسه في البيت
وانت تيجي تاكل وتنام وتصحي علي شغلك
ولا كاني فيه حد معاك
عمرو: مي عايزه ايه
انا مصدع ومش ناقص
مي:انا عايزه عمرو حبيبي بتاع فتره الخطوبه
عمرو: مانا كمان عايز مي بتاعه الخطوبه
مش الست النكديه الي انا عايش معاها
مي: ودا من ميه مش بسبب الراجل الممل الي عايشه معاه فين الرومانسيه فين الحب
عمرو: اخص عليا لا بجد اخص
كده ازعل حبيبتي مني
انا باقول تروحي بيت ابوكي احسن
مي: كده ياعمرو
طاب انا عايزه اخرج مع صحابي
عمرو:اوكي
بس علشان متقوليش حابسك
علي العموم بكره الجمعه انا والشباب هنتجمع في النادي تعالوا معانا
مي وهي تحضنه: حبيبي ياعمورتي
عمرو: احنا مش هناكل ولا ايه
مي: فصييييل
عمرو: انحرفتي اووي ياحبيبتي علي الايام دي
&&&&&&&&&&&&&&&&&&&&&&&&&&
علي الهاتف
مي: بناويت هنتقابل بكره في النادي
منه: لا ياعم تعالوا نروح حته عدله
مي: لا عمرو رايح وانا لازم اروح اكبس علي نفسه
علشان البنات الي بيعاكسوه هناك
منه: والواد ميزوو رايح
خلاص انا راحه وانتي حور
حور: انا مش هقدر فاطمه عامله عليا حصار
مي بضحك: وانتي مش هتعرفي تخلعي منها يعنيدا يبقي عيبه في حقك
حور:فكرتيني باايام الشقاوه
منه:لازم تيجي علشان تشوفي ورد
دي قالبه البيت عايزه ماما حور
وغير كده دينا بتروح النادي علشان تستفرد بادم
حور: خليها تشبع بيه
مي: علي اساس مش فارق معاها يعني
حور: والله اتخنقت منه اصلا
منه: طاب اوكيه نتقابل بكره
&&&&&&&&&&&&&&&&&&&&&&&&&&
ذهبوا جميعا الي النادي
مي:ايه الملل دا يعني احنا هنتفضل نتفرج عليهم كتير كدا
حور:اومال عايزه ايه تنزلي البسين معاهم
مي:ورد بنت المحظوظه عايشه حياتها
منه: ايه يابنتي مالك
مي: اسكتي سيبيني في حالي
فتيات كانوا علي الطاوله خلفهم
فتاه: شايفين الحلويات الي في البيسين
فتاه اخري: اه دا عمرو زيدان البنات كلها هتموت عليه
فتاه ثالثه: انتو شايفين ابو عيون خطره يهبل
فتاه: اه ولا الي معاه بنت دا
منه: وربنا اوح اجيبها من شعرها
قال يهبل قال
معتز: ايه عوم القراميط دا ياورد
ورد بغيظ: بس ياابوعيون خضره انت
معتز: هو انا ليه شايف منه قدامي
ادم: عشان تعرف انا باعاني اذاي
عمرو: بصراحه انا هاطق من الي عندي في البيت
معتز: علي فكره بقي عايزين يتربوا
ادم: والله انت بق وخلاص
انا اول واحد هابدا بالاوزعه دي
ورد ببرائه مزيفه: وانا عملت ايه يالمبي
ادم بقرف: انا مبقتش اطيقك انا هارميكي في اي ملجا
خرجت ورد حزينه وذهبت الي حور تبكي
عمرو: ليه كدا يابني زعلتها
ادم:سيبك منها
لازم تتربي انا عايز ورد الكيوت انا ماقدرش اعيش مع اتنين منه
معتز: يالا نطلع ولا هنقضي اليوم كله في البيسين
&&&&&&&&&&&&&&&&&&&&&&&&&&
حور:مالك يادودي
ورد بدموع: بابا هيودينا الملجا
حور:اذاي يعني
ورد:بابي مبقاش يحبني
حور:مين قال كده بابي بيحبك ومفيش حد بيحبك اكتر منه
منه: فكك من ابوكي دي
انا مش عارف اخويا اذاي
حور': منه انتي بتتكلمي اذاي مع البنت
مينفعش كده
سمعت منه الفتاه تقول لصديقتها
:اهم طالعين تعالي نروح عليهم
فتاه ما: لا روحو انتو انا مش راحه
تركاها واتجهو اليهم
منه وهي تنهض: وربنا لاجيبها من شعرها
مي' اي ده دي رايحه ناحيه عمرو خديني معاكي يامنه الاتنين دول لازم يتربوا
اصطدمت الفتاه في كتف معتز:اووه سوري مكانش قصدي
معتز: لا عادي ولا يهمك
الفتاه: انا لينا ودي ناني صاحبتي
معتز بضيق:اهلا
اصتدمت منه بقوه بالفتاه': اووه معلش ياحبيبتي
مشوفتكيش
لينا: مش تحاسبي
مي: مقالتلك مشافتكيش
رحل ادم فانه لا يهوي
تلك النوع من المشاحنات
معتز: حصل خير يالا يامنه
قبل ان تذهب منه ومي اطاحو بالفتاتين بحوض السباحه
عمرو:انا عايز اعرف ايه شغل العيال دا دي تصرفات واحد عاقله
مي: ومالك محموق قوي لتكون زعلان عليهم
عمرو: لا بجد انتي مش طبيعيه وانت تعبت من تصرفات العيال دي
انا مبقاش فيا حيل ادادي فيك زي العيال
مي: وليه جاي علي نفسك قوي كده
متطلقني وتريح نفسك طالما انا تاعباك اوي كده
نظر اليه عمرو بهدوء: انا من راي تريحي اصعابك شويه عند اهلك لما تعقلي يبقي يبقي ترجعي
مي بصدمه: انت بتقول ايه
عمرو: الي سمعتيه يالا اوصلك
معتز: عمرو الموضوع مش مستاهل لكل ده
عمرو: معلش يامعتز يبقي نتكلم بعدين
وتركه ورحل خلفه زوجته
معتز بحده: عاجبك كده ياهانم شايفه تهورك عمل ايه
ارتحتي لما خربيتي بيتهم
منه: انت بتقول انا ذنبي ايه في كل دا ليه
ولا منه الشماعه بتاعتكم
معتز: لا بس انتي مش بتحسبي العواقب هتكون ايه
بتعملي الي قي دماغك بس وانا تعبت اصلح من وراكي
انسانه تافهه سطحيه
قبل ماتتصرفي من دماغك كنت استني شوفي انا هاعمل ايه ولا مش واثقه فيا شايفاني عيل تافه اول ما هشوف بت هجري وراها
انا كبير يامنه مش صغير للحركات دي ومش هاسمحلك تصغرين وتحطيني في مواقف بايخه
منه بدموع:كل دا علشات وقعت البنت في البسين
معتز:اكيد لا الموضوع هايف ميستهلش
بس انا اتحملت كتير لغايه ماخلاص مبقتش اتحمل
منه بدموع:تعرف عندك علشان مفيش تكافؤ مابينا
اذاي واحده تافهه زي ترتبط بدكتور محترم انت عايز
واحده تكون في نفس تفكيرك واحده متصغركش قدام الناس ولا تحطك في مواقف بايخه ولا تصلح من وراها
خلعت خاتمها واعطته اياه وغادرت وهي تكاد لا تري من دموعها
حور:مالك يامنه
فين مي
منه: مفيش
وازالت دموعها عندما رات اخيها قادم
ادم: يالا ياورد علشان نروح الملجا
تشبثت ورد بحور كثيرا
منه: انت اتجننت ياادم هتودي بنتك ملجا
ادم: اتكلم كويس مع اخوكي الكبير
وبنتي انا حر فيها هيا مش عايزه تتشرد اهو انا باحطها علي اول الطريق
حور:انت واعي الي بتقوله ده اذاي هتسيب بنتك في ملجا بتهظر صح
ادم: واهظر ليه حاجتك كلها زمانها وصلت هناك ياورد
يالا بينا واه لو انتو حابين تيجو تودعوها تعالوا
ذهبوا ورائهم بعد ان صرخ بهم ادم فانهم لاول مره يرونه هكذا
اخذت حور تهدا ورد التي تبكي بلا توقف
بينما كانت شارده في حياتهم
التي انقلبت بطريقه مرعبه رحماك يالله
وصلوا الي الملجا
ساروا وراء ادم برعب فهم وكانهم يذهبون الي بيت اشباح. في حديقه الملجا
ادم: دول هببقوا اصحابك الجداد من الافضل انكم تتطبعي بيهم بسرعه علشان هتعيشي معاهم علي طول
ورد ببكاء:بابي متسبنيش هنا وانا هوعدك مش هطلع من اوضتي ابدا ومش هاتكلم مع حد بس متسبنييش
قوليله ياماما
حور ببكاء هي الاخري: انت مش طبيعي يستحيل تكون في وعيك انا مش هسيبك تعمل كده
ادم ببرود: مين ان شاء الله علشان تمنعيني
امها لا يبقي تسكتي خالص
منه: ادم كفايه ارجوك البنت نفسيتها هتتعب
ادم: اقسم بالله اغبي خلق الله
الفتو حكايه من لا حكايه
مين قال اني هاسيب بنتي في ملجا
ورد بسعاده: يعني مش هتسبني هنا يابابي
ادم: ياحبيبتي انا مقدرش اعيش من غيرك ولا ثانيه
منه بارتياح: حرام والله انا قلبي كان هيوقف ليه كدا ياادم
ادم: والله انا لقيتك بتخرفوا في الكلام قولت اكمل معاكم واربيكم شويه
ورد:امال حاجتي اذاي سبقتني يابابي
ادم: غريبه رجعتي تقوليلي بابي تاني
الحاجه ياستي هي الهدايا واللعب بتوع الولاد
تعالي نوزع الهدايا دي
اخذت حور تشاهدهم من بعيد وهم يوزعون الهدايا علي الاطفال ثم اخذت تلعب مع بعض الاطفال ريثما ينتي ادم والبقيه من توزيع الهدايا
في سياره ادم كانت ورد تحضن اباها ولا تريد الابتعاد عنه حزن ادم عليها وعلي ماعاشته منذ قليل ويخاف ان يؤثر علي نفسيتها فيما بعد
واستغرب ادم هدؤء حور كثيرا
فانها هادئمه شارده علي غير عادتها
تنهد ادم فيبدو ان ذلك اليوم اثر بالسلب علي الجميع
دون اسثناء
&&&&&&&&&&&&&&&&&&&&&&&&&
انا تقريبا كده بانزل كل يوم فصل
لدرجه اني بقيت اضغط نفسي علشان انزل الفصل في معاده ومتاخرش حتي مش بالحق اراجع الفصل
فمعلش بكره مش هيكون فيه فصل. واحتمال بعده
بس لو الفصل خلص في ميعاده هينزل
فيه ناس بتسال انا ليه مش باجمع حور وادم مع بعض
بصراحه مش عارفه انا كل ماجمعهم ببعض باخليهم يتخانقوا بس اكيييد مش هيفضلوا علي كده علي طول
حور&ادم. Shaimaa Mohamed
الفصل الرابع عشر
مساء في منزل نصرالدين
نصر: اومال فين منه وورد مش هيتعشو ولا ايه
زينب: لا كل واحده نايمه في اوضتها
مش عارفه مالهم
ادم: محدش شايفك الايام دي ياحج يعني
اوعي تكون اتجوزت علي زينب
نصر:معملتهاش انا وصغير اعملها دلوقتي في اخر ايامي
ادم: ربنا يخليك لينا يابابا ويطول في عمرك احنا من غيركم ولا حاجه والله
ادم: بس اتصاحبت جامد علي عم مجدي بتقعد معاه اكتر مابتقعد معانا
نصر; اهو بنسلي بعضينا
وهو راجل طيب ويتحب
زينب: ولا الست مراته حته سكره
بعد فتره ذهب ادم الي غرفه ابنته لم يجدها
فذهب لاخته
ادم:منه ورد عندك
منه:لا
اتجه ادم الي اخته وجلس بجوارها
ادم: مالك
منه: مفيش بس مصدعه شويه
ادم: اه اكيد من العياط
انا عايز اعرف بتجيبو من فين الدموع دي كلها
منه: بس ياادم كل ماافتكر باتغاظ منك والله
ادم بضحك: اناا
صدق الي قال عليكم ناقصات عقل يعني انتو كدبتو الكدبه وصدقتوها وهتلبسوها فيا في الاخر
منه بضيق: بجد كان حاجه صعبه
ادم: سيبك من الحكايه دي
قوليلي ايه الي حصل معاكي انتي ومعتز
منه: ولا حاجه
ادم: اومال فين الدبله
منه: كانت مضايقاني وقلعتها
ادم: علي اساس اني اصدق الهبل دا
ياحبيبتي انا اخوكي لو محكتليش هتحكي لمين
قصت له منه ماحدث
منه:قلعت الدبله ومشيت
ادم: مش اتسرعتي شويه
منه: لا
انا هو. مش متفاهمين ياادم
ادم: طاب مكشره ليه دلوقتي
منه: عادي
ادم: تعرفي يامنه انا ساعات كتير بتبقي مش عاجباني نفسي
منه: اذاي يعني يافيلسوف زمانك
ادم: بساعات بابقي اكون واحد تاني غير ادم العاقل
الدكتور بابقي عايز اعيش حياتي بالطول والعرض
منه: خمسه فرفشه علي راي ورد
ادم بضحك: اهو انا بقي عايز ارجع صغير قد ورد مشيلش هم حاجه حياتي تبقي لعب في لعب
منه: انت سخن يادم ولا حاجه
ادم: بس يابارده انا غلطان اني قاعد اتكلم معاكي
منه: هو انت تطول يابني
ادم: ايه النفخه الكدابه دي
هو انتي لاقيه حد يعبرك يابايره
منه بضحك: بس ياض
تعالي نكمل قعده الفضفضه دي
ادم:كل دا وياض دي صاحبتك ياشيخه مش بتناديني غير بحيطه
منه: اممممم
بمناسبه صاحبتي امتي هتنطق. بقي قرفتنا
ادم: انطق بايه
منه: ولا حاجه قوم ياادم من هنا
ادم: خلاص خلاص
بصي ياستي انا خايف ان مشاعري دي تكون. وهم
منه: وهم اذاي يعني
ادم: يعني اني موهوم بحبها
منه: موهوم انت عبيط ياادم
ادم: اكيد لا بس مش عارف اوصلك احساسي
انا خايف اعمل حاجه واندم عليها
منه: وانت معقدها ليه
سيب نفسك وزي ماتيجي تيجي
ادم: زي مانتي بتعملي كده بس اخرتها ايه
سيبتي معتز
منه: بص ياادم انا ومعتز علاقتنا من الاول غلط
يعني مقعدناش مع بعض الاول وعرفنا بعض
وعرفنا ايه الي بضايقنا ولا ايه الي بنكرهه ونحبه منعرفش مشاعر كل واحد ناحيه التاني ايه
ادم: انتو الاتنين اتسرعتوا
منه: تعرف ياادم انا كتيير باتمني اتجوز واحد زي بابا
شوف هو وماما متفاهمين جدا
ادم: ومين قال ان ماما وبابا متخانقوش ابدا ولا زعلوا مع بعض بس مع الوقت قدرو يتجاوزوا كل المشاكل دي هو اتنازل وهي اتنازلت ووصلو للمرحله دي
ادم وهو ينهض: بصي انا معاكي في اي قرار تاخديه
بس عايز اسالك الاول سؤال انتي بتحبي معتز
منه بابتسامه حزينه: تصبح علي خير ياادم
خرج ادم من عند اخته وهو ينوي اصلاح الامر فيكفي ان يمحي الحزن الذي لا يليق بها
منه بعد ان خرج اخيها وقفت تنظر من النافذه ونسمات الهواء يداعب شعرها
كانت حزينه اشد الحزن فهي احبته وتمنت ان تكمل حياتها معه فطالما سوف يرحل لما احببته
ذهب ادم الي غرفته وجد طفلته هناك
ادم: قرده هانم بتعمل ايه في اوضتي
ورد:هتنام مع باباها
ادم: امممممم
دا خوف ولا ايه بالظبط
ادم: ينفع تنسي الي حصل النهارده
بابي عمره مايقدر يستغني عنك ابدا
احتضنت ورد اباها: بابي عيد ميلاد ماما قرب
ادم: وعرفتي من فين
ورد: منه قالتلي
ادم: والمطلوب
ورد: يعني انت عايزني انا الصغيره اقولك تعمل ايه
ادم: انت عايزه ايه
ورد:عايزه اعيش مع ماما وبابا سوا
مش كل واحد في حته
ادم: بس دي مش ماما ياورد
ورد:بس انا حبيتها زي ماما واكتر
انا بحبكم انتو الاتنين
بابي انا عايزه البس فستان عروسه قريب
ادم: نامي ياحبيبتي
&&&&&&&&&&&&&&&&&&&&&&&&&&
كانت الليله ثقيله علي الجميع فكانت مي اول مره تبيت بعيدا عن زوجها منذ فتره زواجهم
اخذت تتذكر لحظاتهم سويا
ليه واحده لم تستطع احتمال البعد فماذا يحدث بعد الطلاق عند هذا النقطه اشهقت مي بالبكاء فانها لا تسطيع العيش بدونه فانه زوجها وسندها في الحياه
(طالما كده نكدتي عليه ليه ياوليه 🤔🤔)
اما عند عمرو فكان ينظر الي كل ركن في منزله فانه يشعر بالاختناق فاصبح بيته كالسجن بالنسبه له
يشتاق الي صوت ضحكاتها تذمرها دلالها جنونها
&&&&&&&&&&&&&&&&&&&&&&&&&&
بعد يومين من ذلك اليوم
ذهب ادم الي منزل معتز
ادم: ست الكل عامله ايه
سعاد والده معتز: ادخل ياادم
ادم: شكلك زعلانه مني ياسوسو
سعاد:اه
مش بتسال عليا ليه ياواد
ادم: معلش ياسوسو مشاغل
فين معتز مش باين ليه يومين
سعاد بسخط: تلاقيه متلقح في اوضته مش بيطلع منها
ادم: خلاص انا رايحله
سعاد:اومال البت منه مكلمتنيش ليه الجزمه ليها فتره
ادم: معلش بقي كانت مشغوله في الامتحانات
ذهب ادم الي غرفه معتز
ادم :ادخل ولا اتكل
معتز: تعال ياادم
ادم:ايه جو الاكتئاب. الي عايش فيه دا
تعال نخرج
معتز:لا ماليش مزاج شوف عمرو
ادم: عمرو نفس حالتك كده
ايه مالك عامل في نفسك كده ليه
معتز: ماليش ياادم
ادم: قولي يمكن تلاقي الحل عندي
بما اني العاقل الوحيد بينكم
معتز: مش عارف ياادم
انا حياتي مكانش ليها طعم قبل منه
دخلت حياتي غيرتها بقي ليها طعم
حبيتها من غير اعرف امتي واذاي
حبيت اقرب منهم بس وهيا خطيبتي
حبيت ابدا علاقتي صح
بس شكلي اتسرعت
ادم: اومال. لما هو كده زعقتلها ليه ياجزمه يابن الجزمه
معتز: تعبت من تصرفاتها
ادم: كلمه تفرحنا وكلمه تزعلنا
كلمه تهدينا وتخليني ننسي
ادم: تعرف انتو الاتنين عايزين الحرق
قوم يالا خلينا نشوف الغبي التاني
انا مش عارف انا شغل المراهقين دا ولا ايه
معتز:والله انا مش عارف من غيرك هنعمل ايه
ادم: هتضيعوا اكييد
&&&&&&&&&&&&&&&&&&&&&&&&&&
علي الهاتف
ادم:ايوه ياحور
عامله ايه
حور: تمام
ادم :عايز اتكلم معاكي
حور بضيق: ليه
ادم: هو انا هاكلك ياحور
هتعرفي بعدين
معتز: مالك
ادم: عايز اولع فيكم كلكم والله زهقتوني
معتز: هههه
ذهبا كل من ادم ومعتز الي عمرو
عمرو: خييير
ادم: جايين نخطفك
عمرو: خفه
عايزين ايه
ادم: رجعت مراتك ولا لسه
عمرو: هرجعها بس مش دلوقتي
بس علشان تحرم تقول طلقني تاني
ادم:طاب امشي انا علشان معايا معاد
معتز: الله يسهلك ياعم
ادم: بطل قر والنبي
عمرو: البدله عليا علي فكره
ادم: رخمين علي فكره
&&&&&&&&&&&&&&&&&&&&&&&&&&
في الكافيه
حور: السلام عليكم
ادم: عليكم السلام اتفضلي اقعدي
حور:ها حضرتك عايزني في ايه
ادم:تشربي ايه الاول
حور:لا معلش علشان عايزه امشي
ادم: انا عايزك تتكلمي مع مي ومنه شويه
حور: اتكلم معاهم في ايه
ادم: منه لسه صغيره وطايشه
عقليها شويه خليها تقعد مع معتز ويشوفوا هيقدروا هيكملوا ولا لا
حور: وحضرتك متقولهاش ليه
ادم: انتو اصحاب وبنات مع بعضيكم
تقدري تنصحيها وكده غير كده تعقلي الحجه التانيه
حور: كان علي فكره تقدر تقولي الكلام علي التليفون
ادم: عايز اعرف مالك
حور وهي تنهض:مفيش
استاذن انا
ادم :غبي ياادم
يعني مش عارف تقولها وتخلص
هاتفت حور منه ومي
وبعد ان انتهت معهم عادت مره اخري الي ادم حيث كان يبدو علي ملامحه بضيق
ادم باستغراب.:نسيتي حاجه ولا ايه
حور: لا بس
انا قولت نقطع عرق ونسيح دم
ادم : هتعملي ايه يعني
حور:منه جايه اتصل بمعتز خليه يجي
وبعمرو كمان
ادم: اوكيه
طاب تعالي نقعد في حته تانيه علشان ميشوفناش
&&&&&&&&&&&&&&&&&&&&&&&&&
اصطدمت منه وهي تدخل الكافيه بمعتز
معتز باستغراب:منه بتعملي ايه هنا
منه: احم حور كلمتني قالتلي مستنياني هنا
معتز: ادم بردو كلمني
طاب تعالي نقعد شكلهم متفقين مع بعض
منه:بس لما اشوفك ياحور
معتز:والله تشكر خليتني اشوفك
منه انا باعتزر اني زعقتلك وعليت صوتي عليكي
منه:ماحصلش حاجه
انت زي ادم اخويا
معتز:اخوكي
ردي عليا ارجوكي انت شايفاني اخوكي
منه :انا عايزه امشي
معتز اوققها سريعا:منه استني
انا بح،،،،
ادم: منه معتز بتعملو ايه هنا وجلس بجوار اخته
معتز بضيق :مش وقتك خالص
عمرو وهو يجلس بجوار معتز:معتز حبيبي
معتز: حبك برص
انتو ايه الي جابكم
ادم بابتسامه مستفزه: جاي اقعد مع اختي عندك مانع
اتت حور ومعها مي
جلست مي بجوار زوجها وجلست حور بجوار ادم حيث كان المكان الوحيد فارغ
حور بضيق: جيت كبست علي نفسهم ليه
ادم بهمس: يعني عايزاني اسيبهم
مشفتيهاش كانت زعلانه اذاي
حور: كنت سيبتهم برده يتفاهمو مع بعض
ادم: واحنا امتي هنتفاهم
عمرو: انتي عامله ايه
مي: الحمدالله تمام
مي: عايزه اقولك علي حاجه
مي بهمس يكاد لا يسمع: انا حامل
عمرو:ايه مش سامع
مي بصوت عالي: انا حامل
نظرو اليها بصدمه
عمرو ببلاهه:ادم انا حامل
قصدي انتي حامل
يوووه قصدي مي حامل
ثم صرخ فجاه بصوت عالي: هبقي اب
معتز: خرمت ودني
اهدي لميت علينا الناس
عمرو وهو يكاد ان يبكي من فرحته
:انا هبقي اب
احتضنه ادم بسعاده: مبرووووك ياعمرو
معتز وهو يحتضنه هو الاخر:
مبرووووك يابو الصحاب
بس خلي في بالك انا حاجزه من دلوقتي لبنتي
عمرو: ياشيخ اتلهي لما تتجوز الاول
معتز وهو يغمز لمنه: هيحصل قريب
منه: مبروك يامي
مي: الله يبارك فيكي
حور: مبرووووك يامي
واخيرا هشيل ابن اختي
مال ادم وهمس لها:عقبال ماتشيلي ابنك
حور: احم اكيد ورد هتفرح اوي لما تعرف
ادم: هتفرح اكتر لما يجيلها اخ ثم اختتم كلامه غامزا اياها
معتز: ماتسمعنا ياعم ادم
ادم: خليك في حالك
معتز:انت مش شايف عمرو اخد مراته ومشي
ادم: اها وانت عايز ايه دلوقتي
حور :ممكن ثواني يادكتور ادم
ادم: ايه
سحبته حور وغادرت
ادم: انت ساحباني كده ليه
حور:علشان البعيد معندوش دم
ادم: حوووور
حور:اسفه بس كان لازم نسيبهم لوحدهم
ادم: تعالي اوصلك
معتز: والله انا بحب البت دي
منه بحده: ايه
معتز: بحبها زي اختي
مالك
منه: اممم
معتز احنا كنا نقول ايه