رواية للعبة القدر
الحلقه الاولي والثانية
الشيماء
قاعد في مكتبه سرحان تماما بيفكر في اللي فات وفي اللي
جاي مش عارف الدنيا وخداه لفين او هيعمل ايه؟
خبط الباب ودخل دراعه اليمين علي
علي: تمام يا افندم بلغني ان حضرتك عايزني
حازم: فعلا عايزك اقعد يا علي..... الموضوع ده خاص وهيكون بيني وبينك تمام؟
علي: طبعا خير يا حازم باشا في ايه؟
حازم: في بنت اسمها شوق سيد عبد المقصود ممرضه عايزك تجيبلي عنوانها بالظبط
على: خير؟ ليه؟
حازم: من غير ليه هتعرف ولا اكلف حد غيرك؟؟؟
علي: 48 ساعه بالكتير وهتكون كل المعلومات عندك بعد اذنك
خرج علي وساب حازم في مكتبه وسط ذكرياته
الانتظار طول عمره شيئ صعب جدا والوقت بيعدي ببطء وملل
اخيرا علي جاب المعلومات كلها عن شوق
علي: كل حاجه في الملف اللي قدام حضرتك
حازم مسكه وفضل يقلب فيه شويه
حازم: هيا لسه متجوزه؟؟
علي: لا اتطلقت من كذا سنه وعايشه لوحدها هيا وبنتها رهف
حازم: اتطلقت ليه معرفتش؟؟
علي: محدش عارف هيا اتطلقت ليه او سابت ابوها ليه؟
حازم: هيا مش عايشه مع ابوها؟؟
علي: لا يا افندم لوحدها زي ما سبق وقولت
حازم قفل الملف ورماه علي مكتبه
حازم: عايزها تترفد من شغلها
علي تنح: نعم؟؟؟
حازم: ايه ما سمعتش؟؟ ولا مفهمتش؟؟ تترفد
علي: يا افندم بقول عايشه لوحدها هيا وبنتها لما هتطردها هتعيش ازاي؟؟
حازم رفع راسه بنظره صارمه هزت علي
حازم: هو انا ليه النهارده محتاج اعيد كلامي مرتين معاك؟؟؟ يا تخليها تترفد من شغلها يا انت هتترفد وهيا برضه هتترفد فاختار؟؟؟
علي: اوامرك بعد اذنك
حازم ابتسم بعد ما علي سابه
حازم: ان مخليتك تمدي ايدك للي يسوي واللي ما يسواش علشان بس تلاقي تمن رغيف تاكليه لبنتك ما ابقاش انا حازم... هدفعك التمن غالي قوي
تاني يوم علي دخل لحازم وبصله
علي: تمام اترفدت
حازم: تمام عينك عليها علشان لما تلاقي شغل تاني تبلغني
يومين عدوا ودخل علي لحازم
علي: اشغلت في مستوصف
حازم: تترفد
علي: طيب هلي الاقل افهم ليه؟
حازم: تترفد
يوم وري يوم وعلي بينفذ اوامر حازم ويوم تترفد ويقوم تشتغل وهكذا وحازم ما بينطقش غير كلمتين
تمام و تترفد وبس
علي: فات شهر ونص وانت مش مديها فرصه حرام عليك اديها اي فرصه البنت اشتغلت جرسونه في كافيه
حازم: جرسونه؟؟ طيب يالا
علي :يالا فين؟
حازم: وديني الكافيه
علي: ناوي علي ايه؟
حازم ببرود: اشرب قهوه
وصلوا الكافيه وحازم وساب عكازه ونزل ودخل وطلب من علي يستناه
حازم دخل واقرب تربيزه قعد عليها وبيتلفت يشوفها
قلبه دقاته بتزيد ومتوتر جدا... هيشوفها اخيرا...
لمحها جميله زي ما هيا... لا لا اجمل بكتير.... بس مطفيه شويه... ابتسامه متكلفه علي شفايفها
جايه ناحيته وهو عمل نفسه باصص في المنيو
شوق: اتفضل حضرتك
رفع راسه وبصلها
شوق الدنيا لفت بيها... مش مصدقه عنيها ابدا... معقوله هو بنفسه قدامها؟؟ معقوله ولا ده حلم زي الف حلم حلمته قبل كده؟؟ اكيد بيتهيألها
حازم: عايز قهوه لو سمحتي
شوق فاقت علي صوته طالما اتكلم يبقي حقيقي مش حلم
حازم قال كلمته وبص للمنيو علشان يهرب من عنيها
شوق: حازم انت مش عارفني؟؟؟
حازم رفع راسه وبصلها بمنتهي البرود
حازم: حازم وبس؟؟ شكلك تعرفيني قوي بقي علي كده؟
رجع لوري في كرسيه وبصلها بتكبر شويه
شوق مستغربه استحاله يكون نسيها ابدا؟؟؟ لا ده مش حلم ده كابوس وكابوس بشع كمان
شوق: انا شوق يا حازم
حازم: حازم تاني؟؟؟ اممم شوق شوق... مين شوق؟؟
شوق بانهيار: شوق الممرضه
حازم عمل نفسه بيفكر وفجأه: اه اه شوق... ياه بجد؟؟ الدنيا صغيره فعلا،؟؟ عامله ايه؟
شوق: كويسه
حازم: طيب ممكن قهوه بقي؟
شوق: حاضر هجيبلك قهوتك المظبوط
حازم: قهوتي ساده مش مظبوط
شوق: كنت بتشربها مظبوط؟؟
حازم للحظه كان هيبتسم انها فاكره قهوته ايه بس رجع للبرود بتاعه
حازم: انتي مش هتعرفي قهوتي اكتر مني.. ساده اذا سمحتي
مشيت من قدامه بالعافيه تقدم رجل وتأخر رجل
يااااه كل العذاب ده وفي الاخر حتي مش فاكر اسمها
دمعه نزلت غصبا عنها
جابت القهوه وحطتها قدامه وبصتله بوجع
ابتسم ابتسامه بارده واخد القهوه وبص لورق في ايده
اتصل بعلي يدخله وكأنه كان في انتظاره
علي دخل وقعد معاه وشوق دخلت تجيب طلبات فحازم انتهز الفرصه ومشي بسرعه قبل ما تخرج
وركبوا العربيه
علي: وبعدين؟
حازم: تترفد
علي: حرام بقي؟؟ ارحمها
حازم: ادخل كلم صاحب الكافيه علشان يرفدها ومش بس كده عايز اشوفهم بيرموها بره الكافيه
هستني هنا في العربيه
علي مش مصدق نفسه ولا مصدق حازم ابدا... كام سنه يعرفه وعمره ما كان قاسي او شرير كده
علي: طيب فكر في بنتها
حازم بص لبره ومردش عليه فاضطر علي ينزل وينفذ كلام حازم
شويه ورجع وقعد في العربيه
علي: هنستني ونتفرج
حازم عينه علي الباب مستني وفعلا اتنين رجاله شادين شوق لبره المحل ورموها جامد لدرجه انها وقعت في الارض وعدت الرصيف
هنا كانت عربيه جايه بسرعه وبتحاول تدوس فرامل وعملت صوت جامد قوي
حازم نزل جري من العربيه علشان يلحقها
بس العربيه وقفت ومخبطتهاش فوقف مكانه ورجع عربيته بسرعه قبل ما حد يشوفه
علي مذبهل من اللي شافه ومش فاهم اي حاجه
علي: طيب ايه ده؟ بتخاف عليها ولا بتكرهها؟؟؟
حازم ما ردش عليه بس بيراقب شوق اللي قعدت في الارض علي الرصيف وحطت راسها بين ركبها وبتعيط
وحازم بيراقب بصمت
فجأه سمعوا صوت عيله
مامي... مامي
حازم بص لقي واحده جايه ومعاها عيله صغيره وجريت علي شوق اللي قامت بسرعه ومسحت دموعها وحضنت بنتها
علي: علي فكره دي بنتها
حازم ما ردش بس بيراقب بصمت
عند شوق
سمر: اتاخرنا عليكي؟
شوق: لا ابدا متشكره يا سمر انك اخدتي بالك منها
سمر: لا يا حبيبتي بس انتي ورديتك خلصت بدري ليه النهارده ولا انا اللي اتأخرت؟؟؟
شوق: لا يا سمر انا اترفدت يالا بقي اشوفك بعدين ادخلي انتي علشان ما تتأخريش
سمر: اتأخر ايه؟ سيبك مني اترفدتي ليه؟ وايه اللي حصل؟؟
شوق: الله اعلم... شهر ونص اهو وانا بترفد من اي شغل... يمكن يكون عقاب من ربنا؟؟ الله اعلم المهم يدوب اروح انا وانتي ادخلي اشوفك بعدين
شوق اخدت بنتها وبتمشي وبنتها كل ما تيجي تشدها يركبوا شوق ترفض والاخر شالتها ومشيت بيها
علي: هنفضل ماشيين وراها لحد امتي؟؟
حازم: هيا مش بتركب ليه؟ هيا ساكنه فين؟
علي: في حته شعبيه في الوراق
حازم: بعيده يعني؟؟ امال مش بتركب ليه؟
علي اتنرفز: لان اكيد معهاش تمن تذكره تركب بيها
حازم بصله بصه سكتته تماما وفضل ماشي بصمت
حازم لاحظ ان البنت بتشد شوق كل شويه كل ما تشوف اي محل اكل او اي سوبر ماركت
وسأل نفسه هو ممكن يكون فعلا قسي عليها قوي؟؟
ممكن يكون وصلها لمرحله ان معهاش فلوس تأكل بنتها؟؟
شوق اخيرا مع زن بنتها وقفت علي عربيه فول واشترت ساندوتش واحد وعطته لبنتها وقعدوا لحد ما بنتها اكلت
رهف: طيب يا مامي خدي انتي نص وانا نص
شوق ابتسمت لبنتها: لا يا قلبي انا اكلت في الكافيه انتي كلي واشبعي
مبتسمه لبنتها وبتلعب في شعرها الرائع وكأن معندهاش اي مشاكل
علي: علي فكره انت مجوعهم الاتنين!!
حازم: ______
علي: يعني افهم انت بتتبرع بالملايين ليه بقي!؟؟
حازم :______
وبعد ما فضلت تمشي لاكتر من ساعتين وصلت حته شعبيه ودخلت في حاره
علي: المكان ضيق مش هينفع ندخل وراها بالعربيه
حازم: روحني
وماضفش اي حرف زياده بس دماغه هتنفجر من التفكير والوجع اللي ما بينتهيش ابدا
شوق دخلت بيتها اللي فوق السطوح اللي عباره عن اوضه واحده وبس
فيها فرشه في الارض وشعله واحده وبس
وحاجه تشبه الرف عليها هدوم بسيطه قوي قوي
دخلت وبنتها نامت من التعب وهيا رقدت جنبها علي فرشتها
وافتكرت مقابلتها لحازم اللي مفتكرهاش حتي وعيطت
عيطت من قلبها... عيطت علي شبابها وسنين عمرها اللي ضاعوا... عيطت علي حالها وعلي بهدلتها... عيطت علي جوعها اللي مش عارفه تسكته بايه؟؟
عيطت علي كتير قوي ضاع منها...
حازم روح هيتجنن من التفكير وحرب شنيعه جواه
خناقه جواه مش عارف يتصرف فيها وصوت الخناقه عالي قوي لدرجه انه هيتجنن
ويدوب فكر يحن بس عقله عمله ديجافو... او اعاده لذكرياته
حازم: والله لاخليكي تشحتي في الشوارع علشان تلاقي لقمه تحطيها في بوقك... انا وراكي والزمن طويل
قفل تماما باب الحنيه ولبس قناع القسوه والبرود
علي: اشتغلت يا باشا
حازم: اسبوع اهوه وهيا بتدور علي شغل ياتري اشتغلت فين؟
علي: اشتغلت في عياده صغيره كده
حازم: طيب كويس... ( ابتسم) تترفد
علي: لا لحد كده وكفايه بقي حرام كده
حازم رفع تليفون سماعته الداخليه وكلم سكرتيره
حازم: سعد تعال عايزك
سعد دخله: افندم
حازم: علي مش عجباه اوامري... شوفلي حد ينفذ اوامري
علي: يا حازم انا هنفذ كل كلامك بس علي الاقل فهمني ليه كده؟
حازم: سعد مستني ايه؟
علي: حاضر يا حازم هتترفد بعد اذنك
علي مشي متضايق ورجع بعد كام ساعه وبلغه انها اترفدت
يومين عدوا وعلي دخل لحازم
علي: اشتغلت
حازم يدوب هينطق بس علي وقفه
علي: ما تقوليش تترفد لانه مش هتعرف نرفدها دي بتمسح سلم عماره... مش شغل يعني
حازم: خدني ليها
حازم وقف بعصايته
علي: من امتي انت سادي كده؟
حازم: ده شيئ ما يخصكش اتفضل
راح حازم يراقبها من بعيد وعلي نزل ورجع تاني
علي: عرفتلك هتاخد كام
حازم: كام؟؟
علي: 10 جنيه علي مسح السلم... البواب بيستغلها وطبعا لان اكيد هيا بنتها هتموت من الجوع وافقت
حازم: روح ادي البواب خمسين جنيه خليه يدهملها علشان بس بنتها تاكل
علي: انا مش فاهم من لهجتك انت حاليا بتتريق ولا بتتكلم جدا؟
حازم: لا بجد روح
علي راح وعطي السواق فلوس يديها لشوق
شوق خلصت واخدت الفلوس وطارت بيها وطلعت تجري بسرعه علي اقرب سوبر ماركت واشترت اكل
علي عينه دمعت علي حاله شوق اللي فرحت بخمسين جنيه علشان بس تأكل بنتها
حازم لاحظ ومعلقش نهائي
شوق جريت علي بيتها واخدت بنتها من عند الجيران وعملتلها اكل واكلتها وده كان يوم عيد
حازم كان بيستمتع يتفرج عليها بتلف في الشوارع تغسل عربيه او تمسح مدخل بيت علشان تلم تمن اكلها وعلي هيتجنن منه
شوق قاعده في الارض بتريح بعد هدتها وعدي عليها شاب عاكسها بس ما اهتمتش بيه
حازم: علي انا هنزل هنا وانت هتروح لشوق
علي: اروح اعملها ايه؟ اديها فلوس؟؟
حازم: لا طبعا انت بس هتعرض عليها فلوس
علي: وبعدين؟
حازم: هتطلب منها انها تروح معاك شقتك وبالتمن اللي هيا عيزاه
علي فتح بوقه: انت عايزني اخدها شقتي؟؟؟
حازم: اغريها بكل الطرق... زغلل عنيها بالفلوس وافرشلها الارض ورد لو تحب كمان... واي مبلغ مهما يكون وافق عليه
علي: ما اعتقدش انها من النوع ده
حازم: الجوع وحش... وجوع بنتها اوحش... اتفضل هتصل بيك وخلي الموبيل مفتوح بحيث اسمع ردها ايه اتفضل
علي: ولنفترض انها وافقت اعمل ايه؟
حازم: مبروكه عليك
علي: سيادتك اكيد ناسي ان انا متجوز صح؟
حازم: خلاص لو وافقت خدها لاي مكان واحدف في وشها المبلغ اللي اتفقت معاها عليه وارميها بره العربيه تمام كده؟؟
حازم نزل ووقف يراقب وعلي واقف قدامه متردد
حازم: سبق وقولتلك اشوف غيرك طالما انت مش قادر
علي: حازم انت مش بس رئيسي انت صاحب واخ وعمرك ما كنت كده ابدا مالك؟؟
حازم: اتفضل وروح
علي راح وحازم ماسك التليفون ولقي قلبه بيدق بخوف وعنف وخايف من انها توافق
علي وقف لشوق وبيحاول يغريها فهيا مشيت بسرعه علشان ما يكونلوش فرصه بس علي مصر وفاضل وراها يغري فيها وشوق ولا كأنها سمعاه اصلا
علي: الف الفين الرقم اللي يعجبك حدديه بس ليله واحده يالا محدش هيعرف ولا حد هيخسر
شوق وقفت مكانها وبصتله وعلي قلبه بيدق بسرعه وحازم هيتجنن
شوق:......
ﺍﻟﺤﻠﻘﻪ ﺍﻟﺘﺎﻧﻴﻪ من رواية لعبة القدر
ﻋﻠﻲ ﻭﻗﻒ ﻟﺸﻮﻕ ﻭﺑﻴﺤﺎﻭﻝ ﻳﻐﺮﻳﻬﺎ ﻓﻬﻴﺎ ﻣﺸﻴﺖ ﺑﺴﺮﻋﻪ ﻋﻠﺸﺎﻥ ﻣﺎ ﻳﻜﻮﻧﻠﻮﺵ ﻓﺮﺻﻪ ﺑﺲ ﻋﻠﻲ ﻣﺼﺮ ﻭﻓﺎﺿﻞ ﻭﺭﺍﻫﺎ ﻳﻐﺮﻱ ﻓﻴﻬﺎ ﻭﺷﻮﻕ ﻭﻻ ﻛﺄﻧﻬﺎ ﺳﻤﻌﺎﻩ ﺍﺻﻼ
ﻋﻠﻲ : ﺍﻟﻒ؟ ﺍﻟﻔﻴﻦ؟ ﺍﻟﺮﻗﻢ ﺍﻟﻠﻲ ﻳﻌﺠﺒﻚ ﺣﺪﺩﻳﻪ ﺑﺲ ﻟﻴﻠﻪ ﻭﺍﺣﺪﻩ ﻳﺎﻻ ﻣﺤﺪﺵ ﻫﻴﻌﺮﻑ ﻭﻻ ﺣﺪ ﻫﻴﺨﺴﺮ
ﺷﻮﻕ ﻭﻗﻔﺖ ﻣﻜﺎﻧﻬﺎ ﻭﺑﺼﺘﻠﻪ ﻭﻋﻠﻲ ﻗﻠﺒﻪ ﺑﻴﺪﻕ ﺑﺴﺮﻋﻪ ﻭﺣﺎﺯﻡ ﻫﻴﺘﺠﻨﻦ
ﺷﻮﻕ : ﻟﻮ ﻣﺎ ﺑﻌﺪﺗﺶ ﻫﺼﻮﺕ ﻭﻫﻠﻢ ﻋﻠﻴﻚ ﺍﻣﻪ ﻻ ﺍﻟﻪ ﺍﻻ ﺍﻟﻠﻪ ﻏﻮﺭ ﺑﻘﻲ ﻣﻦ ﻫﻨﺎ ﻫﻴﺎ ﻣﺶ ﻧﺎﻗﺼﻪ ﺑﻼﻭﻱ
ﺷﻮﻕ ﻣﺸﻴﺖ ﻭﻋﻠﻲ ﺑﻴﺴﺄﻝ ﺣﺎﺯﻡ
ﻋﻠﻲ : ﻫﺎﻩ ﺍﻣﺸﻲ
ﺣﺎﺯﻡ : ﺍﺭﻛﻦ ﻋﺮﺑﻴﺘﻚ ﻭﺍﻧﺰﻝ ﻣﻨﻬﺎ ﻭﺭﻭﺡ ﻭﺭﺍﻫﺎ ﻭﻃﻠﻊ ﺍﻱ ﻓﻠﻮﺱ ﺍﻏﺮﻳﻬﺎ ﺗﺎﻧﻲ ﺑﻬﺪﺍﻭﻩ ﻭﻗﻮﻟﻬﺎ ﺍﻧﻚ ﻣﺴﺘﻌﺪ ﻻﻱ ﺣﺎﺟﻪ ﺗﻄﻠﺒﻬﺎ ﻣﻬﻤﺎ ﺗﻜﻮﻥ
ﻋﻠﻲ : ﻋﺎﺭﻑ ﻟﻮ ﺍﺗﻘﺒﺾ ﻋﻠﻴﺎ ! ؟
ﺣﺎﺯﻡ : ﻣﺶ ﻫﻴﺘﻘﺒﺾ ﻋﻠﻴﻚ ﻣﺎ ﺗﺨﺎﻓﺶ ﺍﻧﺠﺰ
ﻋﻠﻲ ﻧﺰﻝ ﻭﺭﺍﺡ ﻭﺭﻱ ﺷﻮﻕ ﻭﻭﻗﻔﻬﺎ ﻭﻃﻠﻊ ﻓﻠﻮﺱ ﺯﻱ ﻣﺎ ﺣﺎﺯﻡ ﻗﺎﻟﻪ
ﻋﻠﻲ : ﺣﺪﺩﻱ ﺍﻟﻤﺒﻠﻎ ﻭﺯﻱ ﻣﺎ ﺗﺤﺒﻲ ﻭﻓﻲ ﺍﻟﻤﻜﺎﻥ ﺍﻟﻠﻲ ﺗﺤﺒﻴﻪ ... ﻓﻜﺮﻱ ﻣﻔﻴﺶ ﻃﺮﻳﻘﻪ ﺍﺳﻬﻞ ﻣﻦ ﺩﻱ ﺗﺠﻴﺒﻲ ﺑﻴﻬﺎ ﻛﻞ ﺍﻟﻠﻲ ﻧﻔﺴﻚ ﻓﻴﻪ؟
ﺷﻮﻕ ﺳﻜﺘﺖ ﻟﻠﺤﻈﻪ ﻭﻋﻠﻲ ﺗﺨﻴﻞ ﺍﻧﻬﺎ ﺑﺘﻔﻜﺮ ﺗﻮﺍﻓﻖ ﻭﺣﺎﺯﻡ ﻛﻤﺎﻥ ﻗﻠﺒﻪ ﻫﻴﺨﺮﺝ ﻣﻦ ﻣﻜﺎﻧﻪ ﻭﻋﻘﻠﻪ ﺑﻴﻔﻜﺮ ﻟﻮ ﻭﺍﻓﻘﺖ ﻫﻴﻌﻤﻞ ﺍﻳﻪ؟ ؟ ﻫﻴﺴﻴﺒﻬﺎ ﻓﻌﻼ ﻟﻌﻠﻲ؟؟؟
ﺳﺆﺍﻝ ﻣﺶ ﻋﺎﺭﻑ ﺍﺟﺎﺑﺘﻪ ﺍﻳﻪ؟
ﺷﻮﻕ : ﺍﻧﺖ ... ﺍﺣﻘﺮ ... ﻣﻦ ﺍﻧﻲ ﺍﺭﺩ ﻋﻠﻴﻚ؟؟؟
ﺟﺖ ﺗﻤﺸﻲ ﻓﻌﻠﻲ ﻣﺴﻜﻬﺎ ﻣﻦ ﺩﺭﺍﻋﻬﺎ
ﻋﻠﻲ : ﺑﺲ ﺍﺳﺘﻨﻲ ﻧﺘﻔﺎﻫﻢ
ﻣﻜﻤﻠﺶ ﺟﻤﻠﺘﻪ ﻻﻧﻲ ﺷﻮﻕ ﻧﺎﻭﻟﺘﻪ ﺑﺎﻟﻘﻠﻢ ﺧﻼﻩ ﻗﻄﻊ ﺍﻟﻜﻼﻡ
ﻋﻠﻲ ﻣﺶ ﻣﺴﺘﻮﻋﺐ ﺍﻳﻪ ﺍﻟﻠﻲ ﺟﺮﺍﻟﻪ
ﺣﺎﺯﻡ ﺍﺑﺘﺴﺎﻣﻪ ﺍﺗﺮﺳﻤﺖ ﻋﻠﻲ ﺷﻔﺎﻳﻔﻪ ﻭﻓﺮﺣﻪ ﻏﺮﻳﺒﻪ ﻣﺶ ﻋﺎﺭﻑ ﺳﺒﺒﻬﺎ ﺍﻭﻝ ﻣﺎ ﺳﻤﻊ ﺻﻮﺕ ﺍﻟﻘﻠﻢ
ﺷﻮﻕ : ﺍﻟﻤﺴﻨﻲ ﺗﺎﻧﻲ ﻭﺍﻧﺎ ﻗﺴﻤﺎ ﺑﺎﻟﻠﻪ ﻻ ﺑﺎﻟﻠﻲ ﻓﻲ ﺭﺟﻠﻲ
ﺳﺎﺑﺘﻪ ﻭﻣﺸﻴﺖ ﻭﺍﻟﻤﺮﻩ ﺩﻱ ﻋﻠﻲ ﺭﺟﻊ ﻟﻌﺮﺑﻴﺘﻪ ﻭﺭﺟﻊ ﻟﺤﺎﺯﻡ ﺍﻟﻠﻲ ﺭﻛﺐ ﺍﻟﻌﺮﺑﻴﻪ ﺑﺼﻤﺖ
ﻋﻠﻲ ﺳﺎﻕ ﻟﺤﺪ ﻣﺎ ﻭﺻﻞ ﺣﺎﺯﻡ ﺑﻴﺘﻪ ﻭﻧﺰﻝ ﻓﺘﺤﻠﻪ ﺍﻟﻌﺮﺑﻴﻪ ﻭﺣﺎﺯﻡ ﻧﺰﻝ ﻣﺸﻲ ﺧﻄﻮﻩ ﻭﺭﺟﻊ ﻟﻌﻠﻲ ﻭﻗﻒ ﻗﺼﺎﺩﻩ
ﺣﺎﺯﻡ : ﺍﻧﺎ ﺍﺳﻒ ﺍﻋﺬﺭﻧﻲ ... ﻣﺘﺨﻴﻠﺘﺶ ﺍﻧﻬﺎ ﻣﻤﻜﻦ ﺗﻌﻤﻞ ﻛﺪﻩ؟
ﻋﻠﻲ : ﻭﺣﺪﻩ ﺷﻘﻴﺎﻧﻪ ﻭﺑﺘﺠﺮﻱ ﻋﻠﻲ ﺑﻨﺘﻬﺎ ﻭﻣﺤﺘﺮﻣﻪ ﺩﻩ ﺍﻟﻄﺒﻴﻌﻲ ﺍﻧﻬﺎ ﺗﻌﻤﻠﻪ
ﺣﺎﺯﻡ : ﻣﻴﻦ ﻗﺎﻝ ﺍﻧﻬﺎ ﻣﺤﺘﺮﻣﻪ؟؟ ﻋﻠﻲ ﺍﻻﻗﻞ ﻣﻜﻨﺘﺶ ﺍﺗﻄﻠﻘﺖ ﻟﻮ ﻣﺤﺘﺮﻣﻪ؟ !
ﻋﻠﻲ : ﻧﻌﻢ؟؟ ﻟﻤﺠﺮﺩ ﺍﻧﻬﺎ ﺍﺗﻄﻠﻘﺖ ﺗﺒﻘﻲ ﻣﺶ ﻣﺤﺘﺮﻣﻪ؟؟؟ ﻣﻌﻘﻮﻝ ﺗﻜﻮﻥ ﺩﻱ ﻭﺟﻬﻪ ﻧﻈﺮﻙ؟؟؟ ﺍﻧﺖ ﻣﻴﻦ؟؟
ﺣﺎﺯﻡ : ﻻ ﻃﺒﻌﺎ ﻣﺶ ﻣﻌﻨﻲ ﺍﻟﻄﻼﻕ ﻋﺪﻡ ﺍﻻﺣﺘﺮﺍﻡ ﻣﺶ ﺩﻩ ﻗﺼﺪﻱ ﺑﺲ ﻫﻴﺎ ﻣﺶ ﻣﺤﺘﺮﻣﻪ ﺗﻘﺪﺭ ﺗﻘﻮﻝ ﻛﺪﻩ ﻣﻌﺮﻓﻪ ﻗﺪﻳﻤﻪ !!!
ﻋﻠﻲ : ﺍﻟﻠﻪ ﺍﻋﻠﻢ ﻣﻌﺮﻓﺘﻚ ﺍﻟﻘﺪﻳﻤﻪ ﺩﻱ ﺍﻳﻪ؟ ﺑﺲ ﺍﻟﻨﺎﺱ ﺑﺘﺘﻐﻴﺮ ﻭﺑﺘﺘﺒﺪﻝ ... ﻭﺑﻌﺪﻳﻦ ﺍﻻﻧﺴﺎﻧﻪ ﺩﻱ ﻓﻲ ﺍﻱ ﻣﻜﺎﻥ ﺍﺗﻮﺍﺟﺪﺕ ﻓﻴﻪ ﺍﻟﻜﻞ ﺑﻴﺸﻬﺪﻟﻬﺎ ﺑﺎﻻﺣﺘﺮﺍﻡ ﻭﺍﻟﻜﻞ ﻣﻜﻨﺶ ﻋﺎﻳﺰ ﻳﻄﺮﺩﻫﺎ ﻟﻮﻻ ﺿﻐﻄﻨﺎ ﻋﻠﻴﻬﻢ ... ﺍﻻﻧﺴﺎﻧﻪ ﺩﻱ ﺍﻛﺘﺮ ﻣﻦ ﻣﺤﺘﺮﻣﻪ ﻓﺎﻧﺖ ﺭﺍﺟﻊ ﻧﻔﺴﻚ
ﺣﺎﺯﻡ ﺩﺧﻞ ﻓﻴﻠﺘﻪ ﻭﻋﻠﻲ ﻣﺸﻲ ﻭﺭﻭﺡ ﺑﻴﺘﻪ ﻫﻮ ﻛﻤﺎﻥ
ﺣﺎﺯﻡ ﻛﻼﻡ ﻋﻠﻲ ﺑﻴﻠﻒ ﻭﻳﺪﻭﺭ ﺟﻮﺍﻩ
ﻣﺶ ﻋﺎﺭﻑ ﻓﻴﻦ ﺍﻟﺼﺢ ﻭﻓﻴﻦ ﺍﻟﻐﻠﻂ؟؟؟ ﺑﺲ ﺍﻟﻠﻲ ﻋﺎﺭﻓﻪ ﺍﻧﻪ ﻻﺯﻡ ﻳﻨﺘﻘﻢ ﻣﻬﻤﺎ ﻳﻜﻮﻥ ﺍﻟﺜﻤﻦ؟؟؟
ﺷﻮﻕ ﻓﻲ ﺑﻴﺘﻬﺎ ﻭﺑﻨﺘﻬﺎ ﻧﺎﻳﻤﻪ ﻭﻫﻴﺎ ﺳﻬﺮﺍﻧﻪ ﺑﺪﻣﻮﻋﻬﺎ ﻭﺣﺎﻟﻬﺎ ﻭﺑﺘﻔﻜﺮ ﻓﻲ ﺑﻜﺮﻩ ... ﻫﺘﻌﻴﺶ ﺍﺯﺍﻱ ﻫﻴﺎ ﻭﺑﻨﺘﻬﺎ؟؟ ﻫﺘﺪﺧﻠﻬﺎ ﻣﺪﺭﺳﻪ ﺍﺯﺍﻱ؟؟ ﻫﺘﺼﺮﻑ ﻋﻠﻴﻬﺎ ﻣﻨﻴﻦ؟؟ ﺑﻨﺘﻬﺎ ﺍﻫﻲ 7 ﺳﻨﻴﻦ ﻭﺍﻟﺪﺭﺍﺳﻪ ﻫﺘﺒﺪﺃ ﻫﺘﺪﻓﻌﻠﻬﺎ ﻣﺼﺎﺭﻳﻔﻬﺎ ﻣﻨﻴﻦ؟؟ ﻟﻴﻪ ﺍﻟﺤﻆ ﻣﻠﻄﺶ ﻣﻌﺎﻫﺎ ﻛﺪﻩ ﻭﻟﻴﻪ ﺑﺘﺘﺮﻓﺪ ﺗﺎﻧﻲ ﻳﻮﻡ ﻓﻲ ﺍﻱ ﺷﻐﻞ؟؟؟ ﻫﻞ ﻓﻲ ﺣﺪ ﺑﻴﻨﺘﻘﻢ ﻣﻨﻬﺎ؟؟؟
ﻋﻼﻣﻪ ﺍﺳﺘﻔﻬﺎﻡ ﻛﺒﻴﺮﻩ ...
ﺣﺎﺯﻡ ﻛﻤﺎﻥ ﻋﻼﻣﻪ ﺍﺳﺘﻔﻬﺎﻡ ﺍﻛﺒﺮ؟؟؟ ﻣﻤﻜﻦ ﻳﻜﻮﻥ ﻓﻌﻼ ﻧﺎﺳﻴﻬﺎ؟؟ ﻣﻤﻜﻦ ﻳﻜﻮﻥ ﻫﻮ ﺍﻟﻠﻲ ﻭﺭﻱ ﺍﻟﻠﻲ ﺑﻴﺤﺼﻠﻬﺎ ﺩﻩ؟؟؟ ﻻ ﺣﺎﺯﻡ ﻷ؟؟؟ ﻭﺑﻌﺪﻳﻦ ﺩﻩ ﺣﺘﻲ ﺍﺳﻤﻬﺎ ﻣﻜﻨﺶ ﻓﺎﻛﺮﻩ ﻭﺑﻌﺪﻳﻦ ﻫﻴﺎ ﺍﺗﻄﺮﺩﺕ ﻗﺒﻞ ﻣﺎ ﺗﻘﺎﺑﻠﻪ ﺑﻜﺘﻴﺮ
ﻻ ﻻﺯﻡ ﺗﺸﻴﻠﻪ ﻣﻦ ﺗﻔﻜﻴﺮﻫﺎ ﺑﻘﻲ ﻫﻴﺎ ﺍﻗﻞ ﻣﻦ ﺍﻧﻪ ﻳﻔﺘﻜﺮ ﺍﺳﻤﻬﺎ ﻣﺶ ﻳﻔﻜﺮ ﺍﺯﺍﻱ ﻳﻄﺮﺩﻫﺎ ﻻ ﻻ ﻣﺶ ﺣﺎﺯﻡ ﺍﺑﺪﺍ
ﺍﻩ ﻭﺍﻟﻒ ﺍﻩ ﻣﻨ ﻚ ﻳﺎ ﺣﺎﺯﻡ ..........
ﻃﻠﻊ ﺍﻟﻨﻬﺎﺭ ﻭﺷﻮﻕ ﺑﺘﺒﺪﺃ ﺭﺣﻠﻪ ﻋﺬﺍﺑﻬﺎ ﻭﺣﺎﺯﻡ ﺑﻴﺮﺍﻗﺒﻬﺎ ﻣﻦ ﺑﻌﻴﺪ ﻟﺒﻌﻴﺪ ﻭﻣﺶ ﻋﺎﺭﻑ ﻭﻻ ﻳﺴﻴﺒﻬﺎ ﻓﻲ ﺣﺎﻟﻬﺎ ﻭﻻ ﻳﺴﺘﻤﺘﻊ ﺑﻌﺬﺍﺑﻬﺎ ﻗﺪﺍﻣﻪ
ﺣﺎﺯﻡ : ﻋﻠﻲ ﺍﻧﺰﻝ ﺭﻭﺣﻠﻬﺎ
ﻋﻠﻲ : ﻧﻌﻢ؟؟ ﻻ ﻳﺎ ﺣﺎﺯﻡ ﺍﺳﻒ ﺷﻮﻑ ﻏﻴﺮﻱ ﺑﻘﻲ
ﺣﺎﺯﻡ : ﺍﻧﺰﻝ ﺍﺗﺄﺳﻔﻠﻬﺎ ﻭﺍﻋﺮﺽ ﻋﻠﻴﻬﺎ ﺷﻐﻞ ﻓﻲ ﺍﻟﻔﻨﺪﻕ ﻭﺑﺮﺍﺗﺐ ﻣﻌﻘﻮﻝ ﺑﺲ ﻳﺪﻭﺏ ﻳﻜﻔﻴﻬﺎ ﻫﻴﺎ ﻭﺑﻨﺘﻬﺎ ﺍﻛﻞ ﺑﺲ ﻓﺎﻫﻢ؟
ﻋﻠﻲ : ﻫﺘﺸﻐﻠﻬﺎ ﻋﻨﺪﻙ ! ؟
ﺣﺎﺯﻡ : ﺍﻧﺖ ﺍﻟﻠﻲ ﻫﺘﺸﻐﻠﻬﺎ ﺍﻧﺎ ﻣﺶ ﻫﻈﻬﺮ ﻓﻲ ﺍﻟﺼﻮﺭﻩ ﺧﺎﻟﺺ
ﻋﻠﻲ : ﻭﻟﻮ ﺳﺄﻟﺘﻨﻲ ﺍﻧﺎ ﻋﺮﻓﺖ ﻣﻜﺎﻧﻬﺎ ﻣﻨﻴﻦ؟؟؟
ﺣﺎﺯﻡ : ﻗﻮﻟﻬﺎ ﺍﻱ ﺣﺎﺟﻪ ... ﺷﻮﻓﺘﻬﺎ ﺻﺪﻓﻪ؟؟ ﻧﺪﻣﺖ؟؟ ﺗﻮﺑﺖ ﻭﺣﺒﻴﺖ ﺗﺼﻠﺢ ﻏﻠﻄﻚ ... ﺍﻱ ﺣﺎﺟﻪ ... ﺃﻟﻒ ...
ﻋﻠﻲ ﻧﺰﻝ ﻭﻫﻮ ﻣﺶ ﻋﺎﺭﻑ ﻫﻴﻘﻮﻟﻬﺎ ﺍﻳﻪ؟ ﺣﺎﺯﻡ ﻧﺪﺍﻟﻪ ﻭﻗﺎﻟﻪ ﻳﻔﺘﺢ ﺗﻠﻴﻔﻮﻧﻪ ﻋﻠﺸﺎﻥ ﻳﺴﻤﻌﻪ
ﺷﻮﻕ ﺑﺘﻤﺴﺢ ﻓﻲ ﻋﺮﺑﻴﻪ ﻭﺷﺎﻓﺘﻪ
ﺷﻮﻕ : ﺍﻧﺖ ﺗﺎﻧﻲ؟؟ ﻋﺎﻳﺰ ﻗﻠﻢ ﻛﻤﺎﻥ ﻭﻻ ﺍﻳﻪ؟؟؟
ﺣﺎﺯﻡ ﺍﺑﺘﺴﻢ
ﻋﻠﻲ : ﺍﺳﻤﻌﻴﻨﻲ، .. ﺍﻧﺎ ﻛﻨﺖ ﻣﻌﺪﻱ ﺻﺪﻓﻪ ﻣﻦ ﻫﻨﺎ ﻭﺷﻮﻓﺘﻚ
ﺷﻮﻕ : ﻭﻗﻮﻟﺖ ﺍﻧﺰﻝ ﺍﺷﻮﻓﻬﺎ ﻏﻴﺮﺕ ﺭﺃﻳﻬﺎ ﻭﻻ ﻷ؟؟
ﻋﻠﻲ : ﻻ ﻻ ﺍﺑﺪﺍ ﻭﺍﻟﻠﻪ ﺍﻧﺎ ﺑﺲ ﻟﻤﺤﺘﻚ ﻭﻧﺪﻣﺖ ﻋﻠﻲ ﺍﻟﻠﻲ ﻋﻤﻠﺘﻪ ﻣﻦ ﻛﺎﻡ ﻳﻮﻡ ﻣﻌﺎﻛﻲ ﻭﺑﻌﺪﻳﻦ ﻗﻠﻤﻚ ﻧﻮﻋﺎ ﻣﺎ ﻓﻮﻗﻨﻲ ﻭﻟﻤﺎ ﺷﻮﻓﺘﻚ ﺣﺴﻴﺖ ﺍﻧﻬﺎ ﻓﺮﺻﻪ ﻣﻦ ﺭﺑﻨﺎ ﺍﻧﻲ ﺍﻋﻮﺿﻚ ﻭﺍﻧﻲ ﺍﺗﻮﺏ ﻭﺍﺻﻠﺢ ﻏﻠﻄﻲ
ﺷﻮﻕ : ﺭﺑﻨﺎ ﻳﺘﻘﺒﻞ ﺍﺗﻔﻀﻞ
ﺷﻮﻕ ﻛﻤﻠﺖ ﺷﻐﻠﻬﺎ ﻭﻣﺘﺠﻬﻼﻩ ﻭﻫﻮ ﻟﺴﻪ ﻭﺍﻗﻒ
ﺷﻮﻕ : ﻭﺑﻌﺪﻳﻦ؟ ﺍﻋﺘﺬﺭﺕ ﻭﺧﻼﺹ ﺍﺗﻔﻀﻞ
ﻋﻠﻲ : ﻋﻨﺪﻱ ﻟﻴﻜﻲ ﻋﺮﺽ
ﺷﻮﻕ : ﺍﺳﻔﻪ ﺍﺗﻔﻀﻞ
ﻋﻠﻲ : ﻻ ﺍﻧﺘﻲ ﻓﻬﻤﺎﻧﻲ ﻏﻠﻂ ﻋﺮﺽ ﺷﻐﻞ ﻭﺍﻋﺘﻘﺪ ﺍﻧﻪ ﺍﺣﺴﻦ ﻣﻦ ﻏﺴﻴﻞ ﺍﻟﻌﺮﺑﻴﺎﺕ
ﺷﻮﻕ ﻭﻗﻔﺖ ﻭﺑﺼﺘﻠﻪ ﻣﺴﺘﻨﻴﺎﻩ ﻳﻜﻤﻞ
ﻋﻠﻲ : ﻋﻨﺪﻱ ﻓﻨﺪﻕ ﻭﻫﺘﺸﺘﻐﻠﻲ ﻓﻴﻪ ﻓﻲ ﺍﻟﻤﻄﺒﺦ ... ﻫﺎﻩ ﺍﻳﻪ ﺭﺍﻳﻚ؟
ﺷﻮﻕ : ﻫﺸﺘﻐﻞ ﺍﻳﻪ ﺑﺎﻟﻈﺒﻂ؟
ﻋﻠﻲ : ﻋﻠﻲ ﺣﺴﺐ ﻣﺎ ﻳﻘﻮﻟﻮﻟﻚ ... ﻏﺴﻴﻞ ﺍﻃﺒﺎﻕ .. ﺗﻨﻈﻴﻒ ﺍﻱ ﺣﺎﺟﻪ ﻳﻌﻨﻲ؟ ﺍﻳﻪ ﺭﺃﻳﻚ؟
ﺷﻮﻕ : ﻓﻨﺪﻕ ﺍﻳﻪ؟
ﻋﻠﻲ : ﻓﻨﺪﻕ ( ..... )
ﺷﻮﻕ : ﺍﻟﻔﻨﺪﻕ ﺩﻩ ﺑﺘﺎﻋﻚ؟؟؟ ﻋﻠﺸﺎﻥ ﻛﺪﻩ ﻛﻨﺖ ﻣﺘﺨﻴﻞ ﺍﻧﻚ ﺍﻭﻝ ﻣﺎ ﺗﻘﻒ ﺑﻌﺮﺑﻴﺘﻚ ﻫﻴﻀﺮﺑﻮﻟﻚ ﺗﻌﻈﻴﻢ ﺳﻼﻡ ..
ﻋﻠﻲ : ﻫﺎﻩ ﻫﺘﻘﺒﻠﻲ ﺍﺳﻔﻲ ﻭﻋﺮﺿﻲ ﻭﻻ ﺍﻳﻪ؟
ﺷﻮﻕ : ﻟﻼﺳﻒ ﻣﻀﻄﺮﻩ ﺍﻗﺒﻞ ﺗﺤﺐ ﺍﺟﻲ ﺍﻣﺘﻲ؟؟
ﻋﻠﻲ ﻣﺴﺘﻨﻲ ﺣﺎﺯﻡ ﻳﻘﻮﻟﻪ ﻓﻲ ﺍﻟﺴﻤﺎﻋﻪ ﺍﻟﻠﻲ ﻓﻲ ﻭﺩﻧﻪ
ﺣﺎﺯﻡ : ﻗﻮﻟﻬﺎ ﺩﻟﻮﻗﺘﻲ ﻟﻮ ﺗﺤﺐ
ﻋﻠﻲ : ﺩﻟﻮﻗﺘﻲ ﻟﻮ ﺣﺒﻴﺘﻲ
ﺷﻮﻕ : ﺧﻼﺹ ﺍﺗﻔﻀﻞ ﺣﻀﺮﺗﻚ ﻭﺍﻧﺎ ﻫﺨﻠﺺ ﺍﻟﻌﺮﺑﻴﻪ ﺩﻱ ﻭﺍﺣﺼﻠﻚ
ﺣﺎﺯﻡ : ﻗﻮﻟﻬﺎ ﺗﺴﻴﺒﻬﺎ ﻣﻦ ﺍﻟﻌﺮﺑﻴﻪ ﻭﺗﻴﺠﻲ ﻣﻌﺎﻙ
ﻋﻠﻲ : ﺳﻴﺒﻚ ﻣﻦ ﺍﻟﻌﺮﺑﻴﻪ ﺍﻧﺘﻲ ﺣﺎﻟﻴﺎ ﻣﺶ ﻣﺤﺘﺎﺟﻠﻬﺎ
ﺷﻮﻕ : ﺍﺳﻔﻪ ﻗﺒﻀﺖ ﻋﺮﺑﻮﻥ ﻟﻐﺴﻴﻠﻬﺎ ﻭﺻﺎﺣﺒﻬﺎ ﺍﺗﻜﻞ ﻋﻠﻴﺎ ﻭﺍﻧﺎ ﻣﺎ ﺑﺤﺒﺶ ﺍﺧﻠﻒ ﻛﻼﻣﻲ ﻣﻊ ﺣﺪ
ﺣﺎﺯﻡ ﺍﺳﺘﻐﺮﺏ ﻣﻦ ﻛﻼﻣﻬﺎ ﻭﻛﺎﻥ ﻧﻔﺴﻪ ﻳﺮﺩ ﻋﻠﻴﻬﺎ ﺑﻨﻔﺴﻪ
ﺷﻮﻕ ﺍﺳﺘﻠﻤﺖ ﺷﻐﻠﻬﺎ ﻭﺣﺎﺯﻡ ﻣﺮﺍﻗﺒﻬﺎ ﺑﻜﺎﻣﻴﺮﺍﺕ ﺍﻟﻤﺮﺍﻗﺒﻪ ﻛﻞ ﻟﺤﻈﻪ ﻭﺛﺎﻧﻴﻪ
ﻛﻞ ﺷﻮﻳﻪ ﻳﺒﻠﻎ ﻋﻠﻲ ﺑﺸﻐﻼﻧﻪ ﺟﺪﻳﺪﻩ ﻟﻴﻬﺎ
ﻣﻦ ﺗﻨﻈﻴﻒ ﻟﺘﺮﻭﻳﻖ ﻟﺸﻐﻞ ﺟﺮﺳﻮﻧﻪ ﻟﻐﺴﻴﻞ ﺍﻃﺒﺎﻕ ﻟﺘﻨﻈﻴﻒ ﺍﻻﻭﺽ ﻣﻦ ﺍﻻﺧﺮ ﻛﻞ ﺍﻧﻮﺍﻉ ﺍﻟﺸﻐﻞ ﺑﻴﺸﻐﻠﻬﺎﻟﻬﺎ
ﻭﻫﻴﺎ ﻣﺎ ﺑﺘﻘﻮﻟﺶ ﻷ ﺍﺑﺪﺍ ﺍﻭ ﺗﺘﻌﺐ ﺍﺑﺪﺍ
ﺣﺎﺯﻡ ﻧﻔﺴﻪ ﻳﺸﻮﻓﻬﺎ ﺑﺘﺸﺘﻜﻲ ﺍﻭ ﺗﺘﺄﻟﻢ ﺍﻟﻲ ﺍﻧﻬﺎ ﺑﺘﺎﺧﺪ ﻳﻮﻣﻴﺘﻬﺎ ﻭﺍﺑﺘﺴﺎﻣﻪ ﻋﻠﻲ ﻭﺷﻬﺎ ﻭﺗﺤﻤﺪ ﺭﺑﻬﺎ ﻭﺗﺮﻭﺡ
ﻛﺎﻥ ﻫﻴﺘﺠﻨﻦ ﺳﺮ ﺍﻻﺑﺘﺴﺎﻣﻪ ﺩﻱ ﺍﻳﻪ؟ ﻭﻣﺎ ﺑﺘﺘﻌﺒﺶ ﻟﻴﻪ؟
ﻭﺍﺧﻴﺮﺍ ﻗﺎﻝ ﻟﻌﻠﻲ ﻳﺮﻭﺣﻠﻬﺎ ﻭﻳﺴﺄﻟﻬﺎ ﺑﻄﺮﻳﻘﺘﻪ
ﻋﻠﻲ : ﺷﻮﻕ ﺍﺯﻳﻚ
ﺷﻮﻕ : ﺍﻫﻼ ﻳﺎ ﺍﻓﻨﺪﻡ
ﻋﻠﻲ : ﻋﺎﻣﻠﻪ ﺍﻳﻪ ﻓﻲ ﺍﻟﺸﻐﻞ؟؟ ﻋﺎﺟﺒﻚ ﻭﻻ ﺣﺪ ﻣﻀﺎﻳﻘﻚ؟؟
ﺷﻮﻕ : ﻻ ﻋﺎﺟﺒﻨﻲ ﺟﺪﺍ ﺗﺴﻠﻢ ﻳﺎ ﺍﻓﻨﺪﻡ
ﻋﻠﻲ : ﻛﻞ ﺍﻟﺸﻐﻞ ﺩﻩ ﻭﻋﺎﺟﺒﻚ ﺍﺯﺍﻱ؟؟
ﺷﻮﻕ : ﻛﺘﺮ ﺍﻟﺸﻐﻞ ﻣﺎ ﻳﻬﻤﻨﻴﺶ ﺍﻟﻤﻬﻢ ﻓﻲ ﺍﻻﺧﺮ ﺍﻗﺒﺾ ﻳﻮﻣﻴﺘﻲ ﻭﺍﺭﻭﺡ ﺑﻴﺘﻲ ﻣﻌﺎﻳﺎ ﺗﻤﻦ ﺍﻛﻞ ﺑﻨﺘﻲ ﻭﺩﻱ ﺍﻗﺼﻲ ﺍﻣﻨﻴﺎﺗﻲ
ﻋﻠﻲ : ﺍﻧﻚ ﺗﺄﻛﻠﻲ ﺑﻨﺘﻚ ! ؟؟
ﺷﻮﻕ : ﺍﻩ ﺍﺃﻛﻠﻬﺎ ﻭﻃﺒﻌﺎ ﺑﻜﺮﻩ ﺗﺒﺪﺃ ﺍﻟﻤﺪﺍﺭﺱ ﻭﺍﻧﺎ ﺍﻫﻮ ﺑﺤﻮﺵ ﺗﻤﻦ ﻣﺼﺎﺭﻳﻒ ﺍﻟﻤﺪﺭﺳﻪ ﻓﻌﻠﺸﺎﻥ ﻛﺪﻩ ﺑﻤﺸﻲ ﺑﺎﻻﺑﺘﺴﺎﻣﻪ ﻋﻠﻲ ﻭﺷﻲ ﻻﻧﻲ ﻣﻌﺎﻳﺎ ﻗﻮﺕ ﻳﻮﻣﻲ
ﻋﻠﻲ ﺭﺟﻊ ﻟﺤﺎﺯﻡ ﻭﻫﻮ ﻋﺎﻳﺰ ﻳﻀﺮﺑﻪ ﻭﺣﺎﺯﻡ ﻋﻘﻠﻪ ﻫﻴﻮﻗﻒ ﻣﻦ ﺍﻟﺘﻔﻜﻴﺮ
ﺣﺎﺯﻡ ﻓﻲ ﺑﻴﺘﻪ ﺳﺮﺣﺎﻥ ﻛﺎﻟﻌﺎﺩﻩ ﻭﺍﻣﻪ ﺟﺖ ﺗﻜﻠﻤﻪ ﻭﻓﻀﻠﺖ ﺗﺘﻜﻠﻢ ﻛﺘﻴﺮ ﺑﺲ ﺍﺑﻨﻬﺎ ﻣﺶ ﻣﻌﺎﻫﺎ ﺍﺻﻼ
ﺻﻔﻴﻪ : ﺣﺎﺯﻡ ... ﺣﺎﺯﻡ؟؟
ﺣﺎﺯﻡ ﺍﻧﺘﺒﻪ : ﺧﻴﺮ ﻳﺎ ﻣﺎﻣﺎ ﻓﻲ ﺍﻳﻪ؟
ﺻﻔﻴﻪ : ﻣﺎﻟﻚ ﺳﺮﺣﺎﻥ ﻓﻲ ﺍﻳﻪ؟
ﺣﺎﺯﻡ : ﻣﺸﺎﻛﻞ ﻓﻲ ﺍﻟﺸﻐﻞ ﻣﺎ ﺗﺸﻐﻠﻴﺶ ﺑﺎﻟﻚ ... ﺑﻘﻮﻟﻚ ﻓﺎﻛﺮﻩ ﺷﻮﻕ؟؟
ﺻﻔﻴﻪ ﻗﻠﺒﻬﺎ ﺩﻕ ﺑﺴﺮﻋﻪ ﻭﺍﺗﺮﺩﺩﺕ : ﺷﻮﻕ؟؟ ﺷﻮﻕ ﻣﻴﻦ؟؟
ﺣﺎﺯﻡ : ﺍﻟﻤﻤﺮﺿﻪ؟؟ ﺷﻮﻕ ﺍﻟﻤﻤﺮﺿﻪ؟؟
ﺻﻔﻴﻪ : ﺍﻳﻪ ﺍﻟﻠﻲ ﻓﻜﺮﻙ ﺑﻴﻬﺎ ﺩﻟﻮﻗﺘﻲ؟؟؟
ﺣﺎﺯﻡ : ﺟﺖ ﻓﻲ ﺑﺎﻟﻲ، ... ﻫﻴﺎ ﻣﺎ ﺭﺟﻌﺘﺶ ﺗﺎﻧﻲ ﺍﺑﺪﺍ ﺻﺢ؟؟؟
ﺻﻔﻴﻪ : ﺍﻧﺖ ﻛﻨﺖ ﻣﺴﺘﻨﻴﻬﺎ ﺗﺮﺟﻊ؟؟؟
ﺣﺎﺯﻡ : ﺭﺟﻌﺖ ﻭﻻ ﻣﺎ ﺭﺟﻌﺘﺶ ﻭﺍﻧﺎ ﻣﺴﺎﻓﺮ؟؟
ﺻﻔﻴﻪ : ﻻ ﻳﺎ ﺣﺎﺯﻡ ﻣﺎ ﺭﺟﻌﺘﺶ ﻭﺑﻌﺪﻳﻦ ﺍﻟﻤﻮﺿﻮﻉ ﺩﻩ ﻣﺮ ﻋﻠﻴﻪ ﻳﺠﻲ ﺳﺒﻊ ﺳﻨﻴﻦ ﺍﻳﻪ ﺍﻟﻠﻲ ﻓﻜﺮﻙ ﺑﻴﻪ؟ ﺧﻠﻴﻨﺎ ﻓﻲ ﺍﻟﻤﻬﻢ
ﺣﺎﺯﻡ : ﺍﻳﻪ ﺍﻟﻤﻬﻢ ﺍﺗﻔﻀﻠﻲ
ﺻﻔﻴﻪ : ﻣﻜﺮﻡ ﺍﻟﺴﻌﺪﻧﻲ ﺟﺎﻱ ﻫﻮ ﻭﻋﻴﻠﺘﻪ ﻫﻴﺘﻌﺸﻮﺍ ﻣﻌﺎﻧﺎ ﺍﻟﻨﻬﺎﺭﺩﻩ
ﺣﺎﺯﻡ : ﻳﺎ ﺍﻫﻼ ﺑﻴﻬﻢ ﺑﺲ ﻋﺸﻲ ﻋﺎﺩﻱ ﻭﻻ ﻋﻨﺪﻙ ﻏﺮﺽ؟؟؟
ﺻﻔﻴﻪ : ﺍﻻﺗﻨﻴﻦ ... ﻫﻮ ﻣﺠﺮﺩ ﻋﺸﻲ ﻋﺎﺩﻱ ﺑﺲ ﻓﻲ ﻧﻔﺲ ﺍﻟﻮﻗﺖ ﺗﺸﻮﻑ ﺑﻨﺘﻪ ﺷﺎﻫﻨﺪﺍ
ﺣﺎﺯﻡ : ﺍﻣﻤﻢ ﻛﻨﺖ ﻣﺘﺄﻛﺪ ﺍﻥ ﺍﻟﻤﻮﺿﻮﻉ ﻓﻴﻪ ﺑﻨﺎﺕ
ﺻﻔﻴﻪ : ﺣﺎﺯﻡ ﻻﻣﺘﻲ
ﻗﺎﻃﻌﻬﺎ ﺣﺎﺯﻡ : ﺣﺎﺿﺮ ﻫﺘﻌﺸﻲ ﻣﻌﺎﻫﻢ ﻭﻫﺸﻮﻑ ﺷﺎﻫﻨﺪﺍ ﺧﻼﺹ؟؟؟
ﻭﻗﺖ ﺍﻟﻌﺸﺎ ﺣﺎﺯﻡ ﺑﻴﺮﺍﻗﺐ ﺷﺎﻫﻨﺪﺍ ﻓﻲ ﻛﻞ ﺣﺮﻛﻪ ﻟﺪﺭﺟﻪ ﺧﻠﺖ ﺍﻟﺒﻨﺖ ﺗﺮﺗﺒﻚ ﻗﺪﺍﻣﻪ
ﺧﻠﺼﻮﺍ ﻋﺸﺎ ﻭﺍﺧﺪﻫﺎ ﻳﺘﻤﺸﻮﺍ ﺷﻮﻳﻪ ﻓﻲ ﺍﻟﺠﻨﻴﻨﻪ ﻣﺸﻴﻮﺍ ﻛﺎﻡ ﺧﻄﻮﻩ
ﺣﺎﺯﻡ : ﺗﻌﺎﻟﻲ ﻧﻘﻌﺪ ﻋﻠﻲ ﺍﻟﺒﻴﺴﻴﻦ
ﺷﺎﻫﻨﺪﺍ : ﺗﻌﺒﺎﻥ ﻭﻻ ﺣﺎﺟﻪ؟؟
ﺣﺎﺯﻡ : ﻻ ﻣﺶ ﺗﻌﺒﺎﻥ ﺣﺎﻟﻴﺎ ﺑﺲ ﺍﻓﻀﻞ ﻧﻘﻌﺪ
ﺷﺎﻫﻨﺪﺍ : ﺍﻭﻙ ﺍﺗﻔﻀﻞ ...
ﺑﻌﺪ ﻓﺘﺮﻩ ﻣﻦ ﺍﻟﺼﻤﺖ
ﺷﺎﻫﻨﺪﺍ : ﻫﻮ ﺍﻧﺖ ﻓﻌﻼ ﻛﻨﺖ ﻓﻲ ﻓﺘﺮﻩ ﻣﻦ ﺍﻟﻔﺘﺮﺍﺕ
ﻗﺎﻃﻌﻬﺎ ﺣﺎﺯﻡ : ﻣﺶ ﺣﺎﺑﺐ ﺍﺗﻜﻠﻢ ﻋﻦ ﺍﻟﻤﺎﺿﻲ ﻟﻮ ﺳﻤﺤﺘﻲ ﻭﺧﺼﻮﺻﺎ ﺍﻟﻔﺘﺮﻩ ﺍﻟﻠﻲ ﺍﻧﺘﻲ ﻫﺘﺴﺄﻟﻲ ﻋﻨﻬﺎ
ﺷﺎﻫﻨﺪﺍ : ﺍﺳﻔﻪ . ، . ﺍﺧﺒﺎﺭ ﺷﻐﻠﻚ ﺍﻳﻪ؟
ﻓﻀﻠﻮﺍ ﻳﺘﻜﻠﻤﻮﺍ ﻛﺘﻴﺮ ﻭﺍﻛﺘﺸﻒ ﺣﺎﺯﻡ ﺍﻧﻬﺎ ﺑﻨﺖ ﺭﻗﻴﻘﻪ ﻭﻣﺜﻘﻔﻪ ﻭﻓﻮﻕ ﻛﻞ ﺩﻩ ﺟﻤﻴﻠﻪ ..
ﺍﻟﺼﺒﺢ ﺑﻴﻔﻄﺮ ﻫﻮ ﻭﺻﻔﻴﻪ
ﺻﻔﻴﻪ : ﻫﺎﻩ؟؟ ﺍﻳﻪ ﺭﺍﻳﻚ؟
ﺣﺎﺯﻡ : ﺍﻩ ﺍﻟﻔﻄﺎﺭ ﺣﻠﻮ ﺗﺴﻠﻢ ﺍﻳﺪﻙ
ﺻﻔﻴﻪ : ﻓﻄﺎﺭ ﺍﻳﻪ ﻳﺎ ﺣﺎﺯﻡ ﺍﻧﺎ ﺑﺴﺄﻝ ﻋﻦ ﺷﺎﻫﻨﺪﺍ
ﺣﺎﺯﻡ : ﺷﺎﻫﻨﺪﺍ ؟؟؟ ﻣﺶ ﻋﺎﺭﻑ
ﺻﻔﻴﻪ : ﻳﻌﻨﻲ ﺍﻳﻪ ﻣﺶ ﻋﺎﺭﻑ؟؟
ﺣﺎﺯﻡ : ﻫﻴﺎ ﻟﻴﻬﺎ ﻛﺬﺍ ﻣﻌﻨﻲ؟؟ ﻣﺶ ﻋﺎﺭﻑ ... ﻣﺤﺘﺎﺝ ﻭﻗﺖ ﺍﺣﻂ ﺍﻟﻨﻘﻂ ﻋﻠﻲ ﺍﻟﺤﺮﻭﻑ ﻓﻠﺴﻪ ﻣﺶ ﻋﺎﺭﻑ
ﺻﻔﻴﻪ : ﺧﺪ ﻭﻗﺘﻚ ﻭﻓﻜﺮ ﻫﻴﺎ ﻋﻠﻲ ﺍﻟﻌﻤﻮﻡ ﺑﺘﺒﻘﻲ ﻣﻮﺟﻮﺩﻩ ﻓﻲ ﺍﻟﻨﺎﺩﻱ ﺍﻟﻔﺘﺮﻩ ﻣﻦ ﺍﻟﺴﺎﻋﻪ 5 ﻟﺤﺪ ﺑﺎﻟﻠﻴﻞ
ﺣﺎﺯﻡ : ﺍﻣﻢ ﻃﻴﺐ ﻣﺘﺸﻜﺮ
ﺣﺎﺯﻡ ﺑﻴﺮﺍﻗﺐ ﺷﻮﻕ ﻣﻦ ﻧﺎﺣﻴﻪ ﻭﺑﻴﺮﻭﺡ ﻳﻘﺎﺑﻞ ﺷﺎﻫﻨﺪﺍ ﻣﻦ ﻧﺎﺣﻴﻪ ﻭﻭﺍﻗﻒ ﻣﺶ ﻋﺎﺭﻑ ﻳﺨﻄﻲ ﻻﻱ ﺍﺗﺠﺎﻩ
ﺣﺎﺯﻡ : ﻋﻠﻲ ﺧﻔﻒ ﺍﻟﺸﻐﻞ ﻋﻠﻲ ﺷﻮﻕ ﻭﺧﻠﻴﻬﺎ ﻭﻇﻴﻔﻪ ﻋﺎﺩﻳﻪ ﺑﺮﺍﺗﺐ ﻣﻌﻘﻮﻝ
ﻋﻠﻲ : ﺍﺧﻴﺮﺍ ﻫﻴﺒﻘﻲ ﻋﻨﺪﻙ ﻗﻠﺐ !! ﺣﺎﺿﺮ ... ﺍﻧﺴﻪ ﺷﺎﻫﻨﺪﺍ ﺍﺗﺼﻠﺖ ﺑﻴﻚ ﻭﺑﺘﺄﻛﺪ ﻋﺸﺎﻛﻢ ﻣﻊ ﺑﻌﺾ
ﺣﺎﺯﻡ : ﺗﻤﺎﻡ ﻣﺶ ﻫﺘﺄﺧﺮ
ﻋﻠﻲ : ﻫﻮ ﺍﻧﺖ ﺣﺎﻟﻴﺎ ﻣﻊ ﺷﺎﻫﻨﺪﺍ ﻭﻻ ﺷﻮﻕ؟؟؟
ﺣﺎﺯﻡ : ﺷﻮﻕ ﻣﻴﻦ ﺩﻱ ﺍﻟﻠﻲ ﺍﻧﺎ ﻣﻌﺎﻫﺎ ... ﺩﻱ ﻣﺠﺮﺩ ﺧﺪﺍﻣﻪ ﻭﻻ ﺭﺍﺣﺖ ﻭﻻ ﺟﺖ
ﻋﻠﻲ : ﻭﻟﻤﺎ ﻫﻴﺎ ﻣﺠﺮﺩ ﺧﺪﺍﻣﻪ ﺣﻄﻬﺎ ﻓﻲ ﺑﺎﻟﻚ ﻟﻴﻪ ﻭﺑﺘﺮﺍﻗﺒﻬﺎ ﻃﻮﻝ ﺍﻟﻮﻗﺖ ﻟﻴﻪ؟ ؟ ﺍﺣﻨﺎ ﺑﻘﺎﻟﻨﺎ ﺍﻛﺘﺮ ﻣﻦ 3 ﺷﻬﻮﺭ ﻣﺎ ﻭﺭﺍﻧﺎﺵ ﻏﻴﺮﻫﺎ
ﺣﺎﺯﻡ : ﺗﻘﺪﺭ ﺗﻘﻮﻝ ﺣﺴﺎﺏ ﻗﺪﻳﻢ ﺑﺼﻔﻴﻴﻪ ﻭﺑﻌﺪﻳﻦ ﻳﺎ ﺭﻳﺖ ﻣﺎ ﺗﺘﺪﺧﻠﺶ ﻓﻲ ﺍﻟﻠﻲ ﻣﺎ ﻳﺨﺼﻜﺶ ﻭﺍﺗﻔﻀﻞ ﺍﺣﺠﺰﻟﻲ ﻟﻌﺸﺎ ﺍﻟﻨﻬﺎﺭﺩﻩ
ﺑﺎﻟﻠﻴﻞ ﺣﺎﺯﻡ ﺍﺧﺪ ﺷﺎﻫﻨﺪﺍ ﻭﺧﺮﺟﻮﺍ ﻳﺘﻌﺸﻮﺍ ﻣﻊ ﺑﻌﺾ
ﺷﺎﻫﻨﺪﺍ ﻛﺎﻧﺖ ﺍﻧﺴﺎﻧﻪ ﺟﻤﻴﻠﻪ ﺭﻭﺣﺎ ﻭﺷﻜﻼ
ﺍﺗﻌﺸﻮﺍ ﻭﺍﺗﻜﻠﻤﻮﺍ ﻓﻲ ﻣﻮﺍﺿﻴﻊ ﻛﺘﻴﺮﻩ
ﺷﺎﻫﻨﺪﺍ : ﻫﻮ ﺍﻧﺎ ﻳﻨﻔﻊ ﺍﻃﻠﺐ ﻃﻠﺐ؟؟
ﺣﺎﺯﻡ : ﺷﺎﻭﺭﻱ
ﺷﺎﻫﻨﺪﺍ : ﻳﻨﻔﻊ ﻧﻘﻮﻡ ﻧﺮﻗﺺ؟؟؟
ﺣﺎﺯﻡ ﺍﺗﺮﺩﺩ ﺷﻮﻳﻪ ﺑﺲ ﻭﺍﻓﻖ ﻭﻣﺴﻚ ﺍﻳﺪﻫﺎ ﻭﻗﺎﻣﻮﺍ ﻳﺮﻗﺼﻮﺍ
ﺷﺎﻫﻨﺪﺍ ﺑﺘﻘﺮﺏ ﻭﻛﻞ ﻣﺎ ﺗﻘﺮﺏ ﻗﻮﻱ ﻟﻤﺤﻪ ﻣﻦ ﺍﻟﻤﺎﺿﻲ ﺑﺘﻴﺠﻲ ﻓﻲ ﺑﺎﻝ ﺣﺎﺯﻡ
ﺫﻛﺮﻳﺎﺕ ﺑﺘﻬﺎﺟﻤﻪ ﺯﻱ ﺍﻟﻮﻣﻀﺎﺕ ﺍﻟﻠﻲ ﺑﺘﺒﺮﻕ ﻭﺗﺨﺘﻔﻲ
ﺫﻛﺮﻳﺎﺕ ﺑﺘﺤﺎﻭﻝ ﺗﻈﻬﺮ ﻭﻫﻮ ﺑﻴﻤﻨﻌﻬﺎ
ﺫﻛﺮﻳﺎﺕ ﺑﺘﻮﺟﻊ ﻗﻮﻱ ﻗﻮﻱ
ﺷﺎﻫﻨﺪﺍ : ﻓﻲ ﺍﻳﻪ ﻣﺎﻟﻚ؟؟ ﺍﻧﺖ ﺗﻌﺒﺎﻥ؟
ﺣﺎﺯﻡ : ﺍﺳﻒ ﻳﺎ ﺷﺎﻫﻨﺪﺍ
ﺷﺎﻫﻨﺪﺍ : ﻻ ﺍﺳﻒ ﺍﻳﻪ ﺗﻌﺎﻝ ﺍﺳﺘﺮﻳﺢ ﺍﻗﻌﺪ ... ﺍﻧﺎ ﺍﺳﻔﻪ ﺍﻧﻲ ﺿﻐﻄﺖ ﻋﻠﻴﻚ ﺳﺎﻣﺤﻨﻲ
ﺣﺎﺯﻡ : ﺍﻧﺘﻲ ﻣﺎ ﺿﻐﻄﺘﻴﺶ ﻋﻠﻴﺎ ﺍﺑﺪﺍ ﻭﻣﺎﻟﻮﺵ ﻻﺯﻣﻪ ﺍﺑﺪﺍ ﺗﺘﺄﺳﻔﻲ ﻳﺎﻻ ﻧﺮﻭﺡ؟؟
ﺷﺎﻫﻨﺪﺍ : ﺍﻩ ﻃﺒﻌﺎ ﻳﺎﻻ ﻋﻠﺸﺎﻥ ﺗﺮﺗﺎﺡ ﻛﻤﺎﻥ
ﺣﺎﺯﻡ ﺭﻭﺣﻬﺎ ﻭﻫﻮ ﺭﻭﺡ ﺑﻴﺘﻪ ﻳﺤﺎﻭﻝ ﻳﻜﺒﺖ ﺍﻟﺬﻛﺮﻳﺎﺕ ﺍﻟﻠﻲ ﺑﺘﻈﻬﺮ ﻭﻳﺮﺟﻌﻬﺎ ﺗﺎﻧﻲ ﻟﻠﻨﻮﻡ
ﺷﺎﻫﻨﺪﺍ ﻣﻊ ﺍﻣﻬﺎ ﺳﺎﻣﻴﻪ
ﺳﺎﻣﻴﻪ : ﻫﺎﻩ ﻳﺎ ﺣﺒﻴﺒﺘﻲ ﺍﺗﺒﺴﻄﻲ ﻣﻌﺎﻩ؟
ﺷﺎﻫﻨﺪﺍ : ﺟﺪﺍ ﻳﺎ ﻣﺎﻣﺎ ... ﺣﺎﺯﻡ ﺍﻧﺴﺎﻥ ﺟﻨﺘﻞ ﻗﻮﻱ ﻗﻮﻱ .. ﺭﻗﻴﻖ ﻣﺮﺍﻋﻲ ﻟﻠﻲ ﺣﻮﺍﻟﻴﻪ ... ﺟﺪﻉ ... ﻣﻦ ﺍﻻﺧﺮ ﻛﻠﻪ ﻋﻠﻲ ﺑﻌﻀﻪ ﺣﺎﺟﻪ ﻛﺪﻩ ﻣﺎﻟﻬﺎﺵ ﻭﺻﻒ
ﺳﺎﻣﻴﻪ : ﺍﻧﺘﻲ ﺣﺒﻴﺘﻴﻪ ﻭﻻ ﺍﻳﻪ؟
ﺷﺎﻫﻨﺪﺍ ﺍﺑﺘﺴﻤﺖ ﻭﺑﺼﺖ ﻟﻼﺭﺽ ﺑﻜﺴﻮﻑ ﻓﺎﻣﻬﺎ ﺭﻓﻌﺘﻠﻬﺎ ﻭﺷﻬﺎ
ﺳﺎﻣﻴﻪ : ﻣﺎ ﺗﺘﻜﺴﻔﻴﺶ ﻳﺎ ﺣﺒﻴﺒﺘﻲ ﻫﻮ ﺍﻧﺴﺎﻥ ﻣﺤﺘﺮﻡ ﻭﻛﻮﻳﺲ ﻭﻋﻴﻠﺘﻪ ﻛﻮﻳﺴﻪ ﻓﻠﻴﻪ ﻷ؟؟؟
ﺷﻮﻕ ﻓﻲ ﺑﻴﺘﻬﺎ ﺑﺘﺤﺴﺐ ﺣﺴﺎﺑﺘﻬﺎ ﻭﺗﺸﻮﻑ ﻭﻓﺮﺕ ﺍﻳﻪ ﻭﻓﺎﺿﻠﻬﺎ ﺍﻳﻪ؟؟؟ ﺍﻟﻤﺪﺍﺭﺱ ﺧﻼﺹ ﻋﻠﻲ ﻭﺷﻚ ﺗﺒﺪﺃ
ﺳﺮﺣﺖ ﻓﻲ ﻣﺎﺿﻴﻬﺎ ﻭﺍﻓﺘﻜﺮﺕ ﺍﺣﻠﻲ ﺍﻳﺎﻡ ﻓﻲ ﺣﻴﺎﺗﻬﺎ
ﻭﺍﻓﺘﻜﺮﺕ ﻟﻤﺎ ﻛﺎﻧﺖ ﻟﺴﻪ ﻓﻲ ﺑﻴﺖ ﺍﺑﻮﻫﺎ ﻣﺶ ﺷﺎﻳﻠﻪ ﺍﻱ ﻫﻤﻮﻡ ﺍﺑﺪﺍ ... ﺍﻓﺘﻜﺮﺕ ﻟﻤﺎ ﻛﺎﻧﺖ ﻟﺴﻪ ﺑﻨﺖ ﺍﻟﺤﻴﺎﻩ ﻓﺎﺗﺤﺎﻟﻬﺎ ﺩﺭﺍﻋﺎﺗﻬﺎ ... ﻭﻣﺶ ﻋﺎﺭﻓﻪ ﺍﻳﻪ ﺍﻟﻠﻲ ﺟﺮﺍﻟﻬﺎ؟؟ ﻭﻟﻴﻪ ﺍﻟﺪﻧﻴﺎ ﻋﻄﺘﻠﻬﺎ ﻇﻬﺮﻫﺎ ﺑﺴﺮﻋﻪ ﻛﺪﻩ؟ ﻭﻟﻴﻪ ﺷﺎﻟﺖ ﺍﻟﻬﻢ ﺑﺪﺭﻱ ﻛﺪﻩ . ؟؟؟ ﺩﻱ ﻛﺎﻧﺖ ﻣﺠﺮﺩ ﻋﻴﻠﻪ ﻟﻤﺎ ﺷﺎﻟﺖ ﺍﻟﻤﺴﺆﻟﻴﻪ؟؟ ﺷﺎﻟﺘﻬﺎ ﺑﺪﺭﻱ ﻗﻮﻱ ..... ،
ﺍﻩ ﻣﻨﻚ ﻳﺎ ﺣﺎﺯﻡ ﻭﺍﻟﻒ ﺍﻩ !!!!!!!!!!
ﺷﻬﺮ ﺑﺤﺎﻟﻪ ﻋﺪﻱ ﻭﺣﺎﺯﻡ ﺑﻴﺮﺍﻗﺐ ﺷﻮﻕ .... ﻓﺠﺄﻩ ﻗﺮﺭ ﺍﻧﻪ ﻳﻨﺰﻝ ﻳﻘﺎﺑﻠﻬﺎ ﻭﻳﺘﻜﻠﻢ ﻣﻌﺎﻫﺎ ﻳﻤﻜﻦ ﻳﺮﺗﺎﺡ !!! ﻳﻤﻜﻦ ﻳﻔﻬﻢ ﻣﻨﻬﺎ ﺍﻳﻪ ﺍﻟﻠﻲ ﺣﺼﻞ ﻭﺣﺼﻞ ﻟﻴﻪ؟؟؟ ﻳﻤﻜﻦ ﻳﻼﻗﻲ ﺍﺟﺎﺑﺎﺕ ﻋﻠﻲ ﺍﺳﺌﻠﺘﻪ؟؟؟ ﻳﻤﻜﻦ ﻳﺮﺗﺎﺡ !!!!
ﻫﻲ ﺍﻣﻠﻪ ﺍﻟﻮﺣﻴﺪ ﺍﻧﻪ ﻳﺮﺗﺎﺡ !!! ﻣﺶ ﻋﺎﻳﺰ ﻏﻴﺮ ﺍﻧﻪ ﻳﻌﺮﻑ
ﻟﻴﻴﻴﻴﻴﻴﻴﻴﻴﻴﻪ؟؟؟؟
ﻧﺰﻝ ﺣﺎﺯﻡ ﺑﻌﺼﺎﻳﺘﻪ ﻭﻗﺮﺏ ﺧﻄﻮﻩ ﺧﻄﻮﻩ ﻟﻌﻨﺪﻫﺎ ﻭﻫﻴﺎ ﻓﻲ ﺍﻟﻤﻄﺒﺦ ﺑﺘﻐﺴﻞ ﺍﻻﻃﺒﺎﻕ
ﺷﻮﻕ ﺑﺘﻐﺴﻞ ﻓﻲ ﺍﻻﻃﺒﺎﻕ ﻭﺑﻨﺘﻬﺎ ﻣﻌﺎﻫﺎ ﻗﺎﻋﺪﻩ ﻋﻠﻲ ﻛﺮﺳﻲ ﺑﻤﻨﺘﻬﻲ ﺍﻟﻬﺪﻭﺀ ﻭﻓﺠﺄﻩ ﺍﻟﺒﻨﺖ ﺑﺘﻘﻮﻡ ﺗﻨﻂ
ﺭﻫﻒ : ﺑﺎﺑﺎﺍﺍﺍﺍ ﻣﺎﻣﺎ ﺑﺎﺑﺎ ﺍﻫﻮﻩ
ﺷﻮﻕ ﺑﺘﺴﻴﺐ ﺍﻟﻠﻲ ﻓﻲ ﺍﻳﺪﻫﺎ ﻭﺗﺒﺺ ﻟﻠﻲ ﺩﺍﺧﻞ ﻋﻠﻴﻬﻢ
ﺷﻮﻕ : ﻣﺤﻤﻮﺩ ﺍﺯﻳﻚ؟؟
ﺳﻠﻤﺖ ﻋﻠﻴﻪ ﻭﻫﻮ ﻓﻀﻞ ﻳﻀﺤﻚ ﻭﻳﻬﺰﺭ ﻣﻊ ﺭﻫﻒ
ﺭﻫﻒ ﺷﻮﻳﻪ ﻭﺳﺎﺑﺘﻬﻢ ﻟﻮﺣﺪﻫﻢ ﻭﻗﻌﺪﺕ ﺗﻠﻮﻥ ﻭﺗﺮﺳﻢ ﻓﻲ ﻣﻜﺎﻧﻬﺎ ﺑﻬﺪﻭﺀ
ﻣﺤﻤﻮﺩ : ﻋﺎﻣﻠﻪ ﺍﻳﻪ؟
ﺷﻮﻕ : ﺍﻧﺎ ﺍﻟﺤﻤﺪ ﻟﻠﻪ ﻛﻮﻳﺴﻪ؟؟ ﻭﺍﻧﺖ؟؟
ﻣﺤﻤﻮﺩ : ﺯﻋﻼﻥ ﻣﻨﻚ؟؟ ﻟﻴﻪ ﻣﺎ ﻃﻠﺒﺘﻴﺶ ﻣﺴﺎﻋﺪﺗﻲ ﻟﻤﺎ ﺍﺗﻄﺮﺩﺗﻲ ﻣﻦ ﺍﻟﺸﻐﻞ !!! ﻛﺪﻩ ﺗﻘﻠﻘﻴﻨﻲ ﻋﻠﻴﻜﻲ !!
ﺷﻮﻕ : ﻣﺎ ﺗﺨﺎﻓﺶ ﻋﻠﻴﺎ ﺍﻧﺎ ﻛﻮﻳﺴﻪ
ﻣﺤﻤﻮﺩ : ﺷﻮﻕ ﺍﺳﻤﺤﻴﻠﻲ ﻳﺎ ﺣﺒﻴﺒﺘﻲ ﺍﺳﺎﻋﺪﻙ
ﺷﻮﻕ : ﺻﺪﻗﻨﻲ ﻳﺎ ﻣﺤﻤﻮﺩ ﻟﻮ ﺍﺣﺘﺠﺖ ﻟﻤﺴﺎﻋﺪﻩ ﺍﻧﺖ ﺍﻭﻝ ﻭﺍﺣﺪ ﻫﺮﻭﺣﻠﻪ ... ﺍﻟﻤﻬﻢ ﺷﻐﻠﻚ ﻋﺎﻣﻞ ﻓﻲ ﺍﻳﻪ ﻭﺍﻟﺪﻧﻴﺎ ﻋﺎﻣﻠﻪ ﺍﻳﻪ؟
ﻣﺤﻤﻮﺩ : ﺍﻧﺎ ﺍﻟﺤﻤﺪ ﻟﻠﻪ ﻛﻮﻳﺲ ﻣﺎ ﺗﺸﻐﻠﻴﺶ ﺑﺎﻟﻚ ﺑﻴﺎ ... ﺷﻮﻕ !!
ﺷﻮﻕ : ﻧﻌﻢ
ﻣﺤﻤﻮﺩ ﻣﺴﻚ ﺍﻳﺪﻳﻬﺎ ﺍﻻﺗﻨﻴﻦ ﻭﻗﺮﺏ ﻣﻨﻬﺎ ﻗﻮﻱ ﻭﺑﻌﺪﻫﺎ ﻣﺴﻚ ﻭﺷﻬﺎ
ﻣﺤﻤﻮﺩ : ﺍﻧﺎ ﺟﻨﺒﻚ ﺍﻧﺘﻲ ﻣﺶ ﻟﻮﺣﺪﻙ ﺍﻧﺘﻲ ﻓﺎﻫﻤﻪ؟ ﺍﻧﺎ ﻣﻮﺟﻮﺩ ﻭﻋﻤﺮﻱ ﺍﺑﺪﺍ ﻣﺎ ﻫﺘﺄﺧﺮ ﻋﻠﻴﻜﻲ ﻓﺎﻫﻤﻪ ﻳﺎ ﻏﺎﻟﻴﻪ؟؟؟
ﻃﺒﻌﺎ ﻛﻞ ﺩﻩ ﻭﺣﺎﺯﻡ ﻭﺍﻗﻒ ﺑﺮﻩ ﺍﻟﺒﺎﺏ ﺳﺎﻣﻌﻬﻢ ﻭﺷﺎﻳﻔﻬﻢ
ﺍﻧﺴﺤﺐ ﺑﻬﺪﻭﺀ ﻭﻃﻠﻊ ﻣﻜﺘﺒﻪ ﻭﺟﻮﺍﻩ ﻛﻤﻴﻪ ﻏﻴﻆ ﻭﻏﻀﺐ ﻣﻤﻜﻦ ﻳﺤﺮﻕ ﻛﻞ ﺣﺎﺟﻪ ﻭﻣﺮﻩ ﻭﺍﺣﺪﻩ ﻣﺴﻚ ﻓﺎﻇﻪ ﻭﺣﺪﻓﻬﺎ ﻋﻠﻲ ﺍﻟﺸﺎﺷﻪ ﺍﻟﻠﻲ ﻓﻴﻪ ﺻﻮﺭﻩ ﺷﻮﻕ ﻭﻣﺤﻤﻮﺩ ﺑﻴﻀﻤﻬﺎ ﻭﺍﺗﻜﺴﺮﺕ ﺍﻟﺸﺎﺷﻪ ﻣﻠﻴﻮﻥ ﺣﺘﻪ
ﺩﺧﻞ ﻋﻠﻲ ﻳﺠﺮﻱ
ﻋﻠﻲ : ﻓﻲ ﺍﻳﻪ ﺍﻟﻠﻲ ﺣﺼﻞ؟؟ ﻣﺎﻟﻚ؟؟
ﺣﺎﺯﻡ : ﺗﺘﺮﻓﺪ
ﻋﻠﻲ : ﺗﺎﻧﻲ ﻳﺎ
ﻗﺎﻃﻌﻪ ﺑﺼﻮﺗﻪ ﻛﻠﻪ : ﺗﺘﺮﻓﺪ ﺣﺎﻻ
ﻋﻠﻲ ﺍﻭﻝ ﻣﺮﻩ ﻳﺸﻮﻑ ﺣﺎﺯﻡ ﺑﺎﻟﺸﻜﻞ ﺩﻩ ﻭﺑﺎﻟﺘﺎﻟﻲ ﺍﻧﺴﺤﺐ ﻣﻦ ﻗﺪﺍﻣﻪ
ﻣﺤﻤﻮﺩ ﻣﻊ ﺷﻮﻕ ﻟﺴﻪ ﺑﻴﺘﻜﻠﻤﻮﺍ
ﻣﺤﻤﻮﺩ : ﻟﻮ ﺍﺣﺘﺠﺘﻲ ﺍﻱ ﺣﺎﺟﻪ ﻣﺎ ﺗﺘﺮﺩﻳﺪﻳﺶ
ﺷﻮﻕ : ﺍﺗﻔﻘﻨﺎ ﺍﻟﻤﻬﻢ ﺻﺢ ﻋﻴﺎﻟﻚ ﻭﻣﺮﺍﺗﻚ ﻋﺎﻣﻠﻴﻦ ﺍﻳﻪ؟
ﻣﺤﻤﻮﺩ : ﺟﻮﺯ ﻋﻴﺎﻝ ﻗﺮﻭﺩ ﻳﺎ ﺷﻮﻕ ... ﺍﻳﻪ ﺩﻩ؟؟؟ ﻣﺠﻨﻨﻴﻨﻲ ﺍﻧﺎ ﻭﺳﻤﻴﻪ ﻣﺶ ﻋﺎﺭﻓﻴﻦ ﻧﻘﻌﺪ ﻟﺤﻈﻪ ﻫﺎﺩﻳﻪ؟؟؟
ﺷﻮﻕ : ﺭﺑﻨﺎ ﻳﺨﻠﻴﻬﻤﻠﻚ ﻣﻠﻚ ﻭﻋﻤﺮ ﺭﺑﻨﺎ ﻳﺤﻔﻈﻬﻢ ﺳﻠﻤﻠﻲ ﻋﻠﻴﻬﻢ ﻛﺘﻴﺮ
ﻣﺸﻲ ﻣﺤﻤﻮﺩ ﻭﺳﺎﺑﻬﺎ
ﻋﻠﻲ ﻓﻌﻼ ﺭﻓﺪ ﺷﻮﻕ ﻣﻦ ﻏﻴﺮ ﻣﺎ ﻳﺒﺮﺭﻟﻬﺎ ﺍﻱ ﺳﺒﺐ ﻭﻣﻊ ﺍﻧﻬﺎ ﺣﺎﻭﻟﺖ ﺗﻜﻠﻤﻪ ﺑﺲ ﺭﻓﺾ ﺣﺘﻲ ﻳﻜﻠﻤﻬﺎ ﻻﻧﻪ ﻣﺶ ﻫﻴﻌﺮﻑ ﻳﺪﻳﻬﺎ ﺍﻱ ﺍﺳﺒﺎﺏ
ﺭﻭﺣﺖ ﺑﺨﻴﺒﻪ ﺍﻣﻠﻬﺎ ﻭﻣﺶ ﻋﺎﺭﻓﻪ ﻫﺘﻌﻤﻞ ﺍﻳﻪ ﺗﺎﻧﻲ؟؟
ﻫﺘﺪﻭﺭ ﻋﻠﻲ ﺍﻱ ﺷﻐﻞ ﻣﻬﻤﺎ ﻳﻜﻮﻥ
ﻭﺭﺟﻌﺖ ﺗﺎﻧﻲ ﻟﺪﻭﺍﻣﻪ ﺍﻟﺸﻐﻞ ﻭﺣﺎﺯﻡ ﻭﺭﺍﻫﺎ ﻳﺮﻓﺪﻫﺎ ﻣﻦ ﻣﻜﺎﻥ ﻟﻤﻜﺎﻥ
ﻟﺪﺭﺟﻪ ﺍﻧﻬﺎ ﺍﺗﻀﻄﺮﺕ ﺗﺸﺤﺖ ﺍﻛﻞ ﺑﻨﺘﻬﺎ
ﺩﻣﻮﻋﻬﺎ ﻣﺶ ﻣﻔﺮﻗﺎﻫﺎ ﺍﺑﺪﺍ ﻭﻫﻮ ﺑﻴﺘﻔﺮﺝ ﻭﻣﺴﺘﻠﺬ ﺑﻌﺬﺍﺑﻬﺎ ﺑﺲ ﻟﻼﺳﻒ ﺩﻣﻮﻋﻬﺎ ﺯﻱ ﺳﻜﺎﻛﻴﻦ ﻓﻲ ﻗﻠﺒﻪ؟؟؟ ﻭﻣﺶ ﻋﺎﺭﻑ ﻫﻮ ﺍﺯﺍﻱ ﺑﻴﺴﺘﻠﺬ ﺑﻌﺬﺍﺑﻬﺎ ﻭﺑﻴﺘﺄﻟﻢ ﻭﻳﺘﻮﺟﻊ ﺍﻛﺘﺮ ﻣﻨﻬﺎ؟؟؟ ﺍﺯﺍﻱ ﻋﻨﺪﻩ ﺍﻻﺣﺴﺎﺳﻴﻦ ﺩﻭﻝ ﻣﻊ ﺑﻌﺾ؟؟
ﺷﻮﻕ ﻣﺶ ﻋﺎﺭﻓﻪ ﺗﻌﻤﻞ ﺍﻳﻪ؟ ﻭﺗﺮﻭﺡ ﻓﻴﻦ ﻭﻟﻤﻴﻦ؟؟؟
ﻓﻜﺮﺕ ﺗﺮﻭﺡ ﻟﻤﺤﻤﻮﺩ
ﻻ ﻻ ﻣﺤﻤﻮﺩ ﻭﻗﻒ ﺟﻨﺒﻲ ﻛﺘﻴﺮ ﻭﻋﻤﻞ ﻋﻠﺸﺎﻧﻲ ﺍﻛﺘﺮ ...
ﻭﺑﻌﺪﻳﻦ ﻋﻨﺪﻩ ﻋﻴﺎﻟﻪ ﺍﻭﻟﻲ ﻳﺼﺮﻑ ﻋﻠﻴﻬﻦ ... ﻻ ﻻ ﻣﺤﻤﻮﺩ ﻷ .... ﻛﻔﺎﻳﻪ ﺍﻟﻠﻲ ﻋﻤﻠﻪ ﻣﺶ ﻛﻞ ﻣﺮﻩ ﻫﺠﺮﻱ ﻋﻠﻴﻪ
ﻭﺍﺧﻴﺮﺍ ﻗﺮﺭﺕ ﺗﻌﻤﻞ ﺧﻄﻮﻩ ﻣﺠﻨﻮﻧﻪ ﻭﻫﻴﺎ ﻭﺣﻈﻬﺎ
ﺭﺍﺣﺖ ﻣﺶ ﻋﺎﺭﻓﻪ ﻫﻴﺤﺼﻞ ﺍﻳﻪ ﺑﺲ ﻻﺯﻡ ﺗﺠﺮﺏ ﻳﻤﻜﻦ ﺗﻜﻮﻥ ﺍﻟﺴﻨﻴﻦ ﺧﻔﻔﺖ ﺷﻮﻳﻪ
ﺣﺎﺯﻡ ﻭﺭﺍﻫﺎ ﻣﺴﺘﻐﺮﺏ ﻫﻴﺎ ﺭﺍﻳﺤﻪ ﻓﻴﻦ؟
ﺍﺧﻴﺮﺍ ﻭﻗﻔﺖ ﻗﺪﺍﻡ ﺑﻴﺖ ﻭﻣﺘﺮﺩﺩﻩ ﺗﻄﻠﻊ ﻭﻻ ﻷ؟
ﻭﺍﺧﻴﺮﺍ ﺩﺧﻠﺖ ﻭﺩﻩ ﻛﺎﻥ ﺑﻴﺖ ﺍﺑﻮﻫﺎ
ﺧﺒﻄﺖ ﻭﻓﺘﺤﻮﻟﻬﺎ ﻭﺩﺧﻠﺖ ﻭﺣﺎﺯﻡ ﺑﺮﻩ ﻋﺎﻳﺰ ﻳﺸﻮﻑ ﺍﻳﻪ ﺍﻟﻠﻲ ﻫﻴﺤﺼﻞ؟
ﺷﻮﻕ ﻗﺎﻋﺪﻩ ﻣﺴﺘﻨﻴﻪ ﻟﺤﻈﻪ ﺧﺮﻭﺝ ﺍﺑﻮﻫﺎ ﻭﻳﺸﻮﻓﻬﺎ
ﻭﺧﻄﻮﺍﺗﻪ ﺍﻫﻲ ﺑﺘﻘﺮﺏ ﻭﺗﻘﺮﺏ ﻭﻫﻴﺎ ﻭﻗﻔﺖ ﻫﻴﺎ ﻭﺍﻣﻬﺎ ﻭﺍﺧﻮﺍﺗﻬﺎ ﻭﻛﻠﻬﻦ ﻣﺴﺘﻨﻴﻦ ﻣﻮﺍﺟﻬﺘﻬﻢ
ﻭﺍﺧﻴﺮﺍ ﺩﺧﻞ ﻭﺍﺗﻔﺎﺟﺊ ﺑﻴﻬﺎ ﻭﺑﺼﻠﻬﺎ
ﺳﻴﺪ ........: