رواية لعبة القدر
الحلقة الثانية عشر والثالثة عشر
ﺍﻟﺤﻠﻘﻪ ﺍﻝ 12 من روايه لعبه القدر
ﺣﺎﺯﻡ ﺍﺧﺪ ﺧﻄﻴﺒﺘﻪ ﻭﺍﻫﻠﻬﺎ ﻭﺭﺍﺣﻮﺍ ﻳﺸﻮﻓﻮﺍ ﻣﻔﺎﺟﺌﺘﻪ ﻭﻛﺎﻧﺖ ﻓﻲ ﻋﻨﻴﻦ ﻣﺮﺍﻗﺒﻪ ﺣﺎﺯﻡ .. ﻣﺮﺍﻗﺒﻪ ﺧﻄﻮﺍﺗﻪ .. ﺣﺮﻛﺎﺗﻪ ﺣﺘﻲ ﺍﻧﻔﺎﺳﻪ ﺗﻘﺮﻳﺒﺎ ﺑﺘﻌﺪﻫﺎ ﻭﺍﻟﻌﻨﻴﻦ ﺩﻱ ﻛﺎﻧﺖ ﻋﻨﻴﻦ ﺳﺎﻣﻴﻪ ﺍﻡ ﺷﺎﻫﻨﺪﺍ
ﺳﺎﻣﻴﻪ : ﻫﻮ ﺍﻧﺖ ﻋﺎﺩﻱ ﺗﺴﻮﻕ ﻳﺎ ﺣﺎﺯﻡ؟
ﺣﺎﺯﻡ ﺑﺎﺳﺘﻐﺮﺍﺏ : ﺍﻩ ﻋﺎﺩﻱ ﻟﻴﻪ؟
ﺳﺎﻣﻴﻪ : ﻣﺶ ﺑﺘﻘﻮﻟﻮﺍ ﺍﻧﻚ ﺗﻌﺒﺎﻥ ﻭﻣﺶ ﺑﺘﻘﺪﺭ ﺣﺘﻲ ﺗﺴﻮﻕ
ﺣﺎﺯﻡ : ﻻ ﻣﺶ ﻟﻠﺪﺭﺟﻪ ﺩﻱ ﻣﺎ ﺗﻘﻠﻘﻴﺶ
ﺳﺎﻣﻴﻪ : ﻳﻌﻨﻲ ﺍﻧﺖ ﻣﺶ ﺑﺘﺘﻌﺐ؟؟
ﺷﺎﻫﻨﺪﺍ : ﺳﺎﻋﺎﺕ ﻳﺎ ﻣﺎﻣﺎ ﻣﺶ ﻛﺘﻴﺮ ... ﻭﺑﻌﺪﻳﻦ ﻣﺶ ﻭﻗﺘﻪ ﺍﺳﺌﻠﺘﻚ ﺩﻱ
ﺣﺎﺯﻡ : ﻻ ﻋﺎﺩﻱ ﻳﺎ ﺷﺎﻫﻲ ﺑﺘﻄﻤﻦ ﻣﺶ ﺍﻛﺘﺮ
ﻣﻜﺮﻡ : ﺭﺑﻨﺎ ﻳﺴﻌﺪﻛﻢ ﻳﺎ ﺍﺑﻨﻲ .. ﻋﻨﺪﻙ ﺍﺳﺌﻠﻪ ﺗﺎﻧﻴﻪ ﻳﺎ ﺳﺎﻣﻴﻪ؟؟
ﺳﺎﻣﻴﻪ : ﺍﻧﺘﻮ ﺑﺘﻬﺎﺟﻤﻮﻧﻲ ﻟﻴﻪ؟ ﻛﻞ ﺩﻩ ﻋﻠﺸﺎﻥ ﺑﻄﻤﻦ ﻋﻠﻲ ﺧﻄﻴﺐ ﺑﻨﺘﻲ؟؟
ﺣﺎﺯﻡ : ﻻ ﻳﺎ ﺳﺖ ﺍﻟﻜﻞ ﻣﺤﺪﺵ ﺑﻴﻬﺎﺟﻤﻚ ﺑﺮﺍﺣﺘﻚ ﺍﻧﺘﻲ
ﺷﺎﻫﻲ؟
ﺷﺎﻫﻨﺪﺍ : ﺍﻳﻪ ﺣﺒﻴﺒﻲ؟
ﺣﺎﺯﻡ : ﺍﻓﺘﺤﻲ ﺗﺎﺑﻠﻮﻩ ﺍﻟﻌﺮﺑﻴﻪ ... ﺍﻳﻮﻩ ... ﻫﺎﺗﻲ ﻏﻄﻲ ﺍﻟﻌﻨﻴﻦ ﺩﻩ
ﺷﺎﻫﻨﺪﺍ : ﺍﻳﻪ ﻋﺎﻳﺰﻭ ﻟﻴﻪ؟ ﻫﺘﻨﺎﻡ ﻭﻻ ﺍﻳﻪ؟
ﺣﺎﺯﻡ : ﻻ ﻳﺎ ﻗﻤﺮ ﺩﻩ ﻟﻴﻜﻲ ﺍﻟﺒﺴﻴﻪ
ﺷﺎﻫﻨﺪﺍ : ﺍﻳﻮﻩ ﺑﺲ ﺍﻧﺎ ﻣﺶ ﻫﻨﺎﻡ ﺩﻟﻮﻗﺘﻲ
ﺣﺎﺯﻡ : ﺍﻧﺎ ﻋﺎﺭﻑ ﺍﻧﻚ ﻣﺶ ﻫﺘﻨﺎﻣﻲ ﺍﻳﻪ ﺍﻟﻔﺼﻴﺤﻪ ﺩﻱ
ﺭﻛﻦ ﻋﻠﻲ ﺟﻨﺐ ﻭﻟﺒﺴﻬﺎ ﺍﻟﻐﻄﺎ ﻋﻠﻲ ﻋﻨﻴﻬﺎ ﻭﺳﻂ ﺍﻋﺘﺮﺍﺿﻬﺎ
ﺣﺎﺯﻡ : ﺩﻗﻴﻘﻪ ﺑﺲ ﺍﻭﻙ ... ﻋﻠﺸﺎﻥ ﺑﺲ ﺍﻋﺮﻑ ﺍﻓﺎﺟﺌﻚ
ﺷﺎﻫﻨﺪﺍ : ﻣﺎﺷﻲ ﺑﺮﺍﺣﺘﻚ
ﺣﺎﺯﻡ : ﻋﻤﻲ ﻣﺶ ﻋﺎﻳﺰﻛﻢ ﺍﻧﺘﻮ ﺑﻘﻲ ﺗﺘﻜﻠﻤﻮﺍ ﻣﺎﺷﻲ؟
ﻣﻜﺮﻡ : ﻣﺶ ﻫﻨﺘﻜﻠﻢ ﺑﺲ ﺍﻧﺎ ﺗﻘﺮﻳﺒﺎ ﻋﺮﻓﺘﻬﺎ ﺍﻟﻤﻔﺎﺟﺄﻩ
ﺷﺎﻫﻨﺪﺍ : ﺍﻳﻪ ﻫﻴﺎ ﻳﺎ ﺑﺎﺑﺎ؟؟
ﻣﻜﺮﻡ : ﺧﻄﻴﺒﻚ ﻫﻴﻮﺭﻳﻬﺎﻟﻚ ﺩﻟﻮﻗﺘﻲ ﺻﺒﺮﺍ
ﻭﺻﻠﻮﺍ ﻭﻧﺰﻟﻮﺍ ﻣﻦ ﺍﻟﻌﺮﺑﻴﻪ ﻭﺣﺎﺯﻡ ﻣﺎﺳﻚ ﺷﺎﻫﻨﺪﺍ ﻭﻭﻗﻒ ﻭﺭﺍﻫﺎ ﻭﺷﺪ ﺍﻟﻐﻄﺎ ﻣﻦ ﻋﻠﻲ ﻋﻨﻴﻬﺎ
ﺷﺎﻫﻨﺪﺍ ﺑﺼﺖ ﺣﻮﺍﻟﻴﻬﺎ ﻭﺍﻭﻝ ﻣﺎ ﻟﻤﺤﺖ ﺍﻟﻤﻔﺎﺟﺄﻩ ﺻﺮﺧﺖ ﻭﻓﻀﻠﺖ ﺗﺘﻨﻄﻂ ﻛﺘﻴﺮ ﻭﺣﻤﺎﺳﻬﺎ ﻭﻓﺮﺣﺘﻬﺎ ﻣﻌﺪﻳﻪ ﻟﻠﻜﻞ
ﺷﺎﻫﻨﺪﺍ : ﺍﺧﻴﺮﺍ ﺧﻠﺼﺖ؟؟
ﺣﺎﺯﻡ : ﺧﻠﺼﺖ ﺍﻫﻲ ﺑﺲ ﻳﺎﺭﺏ ﺗﻌﺠﺒﻚ
ﺷﺎﻫﻨﺪﺍ : ﺗﻌﺠﺒﻨﻲ؟ ﺍﻧﺖ ﺑﺘﻬﺮﺝ؟ ﺩﻱ ﺍﺣﻠﻲ ﻣﻦ ﺍﻟﻠﻲ ﻛﺎﻥ ﻓﻲ ﺧﻴﺎﻟﻲ ... ﺩﻱ ﺍﺣﻠﻲ ﺻﻴﺪﻟﻴﻪ ﻓﻲ ﺍﻟﺸﺮﻕ ﺍﻻﻭﺳﻂ ﻛﻠﻪ
ﺣﺎﺯﻡ : ﺍﻟﺸﺮﻕ ﺍﻻﻭﺳﻂ ﻣﺮﻩ ﻭﺍﺣﺪﻩ؟ ﻣﺶ ﻟﻠﺪﺭﺟﻪ ﺩﻱ
ﺷﺎﻫﻨﺪﺍ : ﺑﺠﺪ ﻳﺎ ﺣﺎﺯﻡ ﺍﻧﺖ ﻛﺄﻧﻚ ﺩﺧﻠﺖ ﺟﻮﺍ ﺩﻣﺎﻏﻲ
ﺣﺎﺯﻡ : ﻣﺎﻫﻮ ﺍﻧﺎ ﻓﻌﻼ ﺩﺧﻠﺖ ﺟﻮﻩ ﺩﻣﺎﻏﻚ ... ﺍﻣﺎﻝ ﺍﻧﺎ ﻛﻨﺖ ﺑﺴﺄﻟﻚ ﻛﺘﻴﺮ ﻟﻴﻪ ﻭﺍﺳﻤﻌﻚ ﺍﻛﺘﺮ ﻟﻴﻪ؟ ﻫﺎﻩ؟
ﻣﻜﺮﻡ : ﺭﺍﺋﻌﻪ ﻳﺎ ﺣﺎﺯﻡ ... ﺍﻧﺖ ﻣﺼﻤﻢ ﺭﺍﺋﻊ
ﺣﺎﺯﻡ : ﻣﺘﺸﻜﺮ ﻳﺎ ﻋﻤﻲ .... ﻳﺎﻻ ﺍﻧﺘﻲ ﺑﻘﻲ ﻣﻄﻠﻮﺏ ﻣﻨﻚ ﺗﻔﺮﺷﻴﻬﺎ ﺍﺩﻭﻳﻪ ﻭﺗﺸﻮﻓﻴﻠﻬﺎ ﺍﺻﻄﻒ ﻣﺤﺘﺮﻡ ﻳﺸﺘﻐﻞ ﻓﻴﻬﺎ ﻭﺍﻧﻄﻠﻘﻲ ..
ﺷﺎﻫﻨﺪﺍ : ﻣﺘﺸﻜﺮﻩ ﻗﻮﻱ ﺣﺒﻴﺒﻲ ﻣﺘﺸﻜﺮﻩ ﻣﺘﺸﻜﺮﻩ ﻟﺤﺪ ﺑﻜﺮﻩ
ﺣﺎﺯﻡ : ﻋﻠﻲ ﻓﻜﺮﻩ ﻣﺶ ﺩﻱ ﺑﺲ ﺍﻟﻤﻔﺎﺟﺄﻩ
ﺷﺎﻫﻨﺪﺍ : ﺍﻳﻪ ﺑﻘﻲ ﺗﺎﻧﻲ ﻗﻮﻟﻲ ﻗﻮﻝ ﻗﻮﻝ ﻗﻮﻝ
ﺣﺎﺯﻡ : ﻃﻴﺐ ﺍﺻﺒﺮﻱ ﻋﻠﻴﺎ ﺗﻌﺎﻟﻲ
ﺍﺧﺪﻫﺎ ﻋﻨﺪ ﺍﻟﺒﺎﺏ ﻭﺧﺮﺟﻮﺍ ﻭﺑﺎﺑﺎﻫﺎ ﻭﻣﺎﻣﺘﻬﺎ ﻭﺭﺍﻫﻢ
ﺷﺎﻫﻨﺪﺍ : ﺍﺣﻨﺎ ﺧﺮﺟﻨﺎ ﻟﻴﻪ؟
ﺣﺎﺯﻡ : ﻫﺘﻌﺮﻓﻲ ﺷﺎﻳﻔﻪ ﺍﻟﻤﺒﻨﻲ ﺩﻩ ﻛﻠﻪ؟
ﺷﺎﻫﻨﺪﺍ : ﺍﻩ ﻣﺒﻨﻲ ﺍﻟﻠﻲ ﻓﻮﻕ ﺍﻟﺼﻴﺪﻟﻴﻪ ﻣﺎﻟﻪ؟
ﺣﺎﺯﻡ : ﻋﺎﺭﻓﻪ ﻫﻴﺒﻘﻲ ﺍﻳﻪ؟
ﺷﺎﻫﻨﺪﺍ : ﺍﻋﺘﻘﺪ ﻓﻨﺪﻕ
ﺣﺎﺯﻡ : ﻛﺎﻥ ﻫﻴﺒﻘﻲ ﻓﻨﺪﻕ ﺑﺲ ﺣﺎﻟﻴﺎ ﻷ
ﺷﺎﻫﻨﺪﺍ ﺑﺼﺘﻠﻪ : ﺍﻣﺎﻝ ﻫﻴﺒﻘﻲ ﺍﻳﻪ؟
ﺣﺎﺯﻡ : ﻫﻴﺒﻘﻲ ﻣﺴﺘﺸﻔﻲ ﺧﺎﺹ ﻣﻦ ﺍﻛﺒﺮ ﺍﻟﻤﺴﺘﺸﻔﻴﺎﺕ ﻓﻲ ﺍﻟﻘﺎﻫﺮﻩ ﻛﻠﻬﺎ
ﺷﺎﻫﻨﺪﺍ : ﻣﻴﻦ ﻗﺎﻟﻚ؟
ﺣﺎﺯﻡ : ﺍﻳﻪ ﻣﻴﻦ ﻗﺎﻟﻲ ﺩﻱ؟ ؟
ﻣﻜﺮﻡ : ﺑﺠﺪ ﻳﺎ ﺣﺎﺯﻡ؟ ﻃﻴﺐ ﺍﺯﺍﻱ؟
ﺣﺎﺯﻡ : ﻋﻤﻴﻞ ﻋﻨﺪﻱ ﻓﻲ ﺍﻟﺸﺮﻛﻪ ﻋﺎﻳﺰ ﻣﻜﺎﻥ ﻛﻮﻳﺲ ﻟﻤﺴﺘﺸﻔﻲ ﺿﺨﻢ ﻭﺍﻟﻤﺒﻨﻲ ﺩﻩ ﻟﺴﻪ ﻣﺎ ﺍﺗﺤﺪﺩﺵ ﻭﺻﺎﺣﺒﻪ ﻣﺶ ﻋﺎﺭﻑ ﻳﻜﻤﻠﻪ ﻓﺎﺷﺘﺮﻳﺘﻪ ﻣﻨﻪ ﻭﺭﺷﺤﺘﻪ ﻟﻠﻌﻤﻴﻞ ﻭﻋﺠﺒﻪ ﺟﺪﺍ ﻭﻓﻮﺍﻻ ﺍﻛﺒﺮ ﻣﺴﺘﺸﻔﻲ ﻭﺗﺤﺘﻬﺎ ﺍﻛﺒﺮ ﺻﻴﺪﻟﻴﻪ ﻳﺎﻻ ﺑﻘﻲ ﻭﺭﻳﻨﺎ ﺷﻄﺎﺭﺗﻚ ﻳﺎ ﻗﻤﺮ ... ﻣﺎﻟﻜﻴﺶ ﺍﻱ ﺣﺠﺞ
ﺷﺎﻫﻨﺪﺍ ﻟﺴﺎﻧﻬﺎ ﻣﺮﺑﻮﻁ ﻭﻣﺶ ﻋﺎﺭﻓﻪ ﺗﻘﻮﻝ ﺍﻳﻪ؟
ﺭﻣﺖ ﻧﻔﺴﻬﺎ ﻓﻲ ﺣﻀﻦ ﺣﺎﺯﻡ : ﺍﻧﺎ ﺑﺤﺒﻚ ﻗﻮﻱ ﻗﻮﻱ ﻓﻮﻕ ﻣﺎ ﺗﺘﺨﻴﻞ
ﺣﺎﺯﻡ ﺍﺗﺤﺮﺝ ﻣﻦ ﺍﺑﻮﻫﺎ ﻭﺍﻣﻬﺎ ﻭﺍﻧﻬﻢ ﻓﻲ ﺍﻟﺸﺎﺭﻉ ﻓﺸﺪﻫﺎ ﻭﺩﺧﻠﻮﺍ ﻛﻠﻬﻢ ﺍﻟﺼﻴﺪﻟﻴﻪ
ﺣﺎﺯﻡ : ﻋﻠﻲ ﻓﻜﺮﻩ ﺍﻧﺎ ﻟﻴﺎ ﻛﻮﻣﺸﻦ ﻓﻲ ﺍﻟﻤﻮﺿﻮﻉ ﺩﻩ ﻣﺶ ﻋﺎﻣﻠﻬﻮﻟﻚ ﻟﻠﻪ ﻓﻲ ﻟﻠﻪ ﻛﺪﻩ؟
ﺷﺎﻫﻨﺪﺍ ﺍﺑﺘﺴﻤﺖ ﻭﻳﺪﻭﺏ ﻫﺘﺘﻜﻠﻢ ﺑﺲ ﺍﺑﻮﻫﺎ ﺳﺒﻘﻬﺎ
ﻣﻜﺮﻡ : ﺣﺪﺩ ﻋﻤﻮﻟﺘﻚ ﺍﻳﻪ ﻭﺍﻧﺎ ﺟﺎﻫﺰ ... ﺍﻟﻠﻲ ﺍﻧﺖ ﻋﻤﻠﺘﻪ ﺩﻩ ﻣﺎ ﻳﺘﻘﺪﺭﺵ ﺍﺻﻼ .. ﻓﺎﻟﻨﺴﺒﻪ ﺍﻟﻠﻲ ﺗﺤﺪﺩﻫﺎ ﺍﻧﺎ ﻣﻮﺍﻓﻖ ﻋﻠﻴﻬﺎ
ﺣﺎﺯﻡ ﺑﺎﺳﺘﻐﺮﺍﺏ ﺍﻥ ﺍﺑﻮﻫﺎ ﺍﺻﻼ ﺍﺗﺪﺧﻞ ﺍﻭ ﺳﺎﻣﻌﻬﻢ
ﺣﺎﺯﻡ : ﻋﻠﻲ ﻓﻜﺮﻩ ﺍﻧﺎ ﻛﻼﻣﻲ ﻣﻊ ﺷﺎﻫﻨﺪﺍ ﻣﺶ ﻣﻊ ﺣﻀﺮﺗﻚ
ﺳﺎﻣﻴﻪ : ﺍﻟﺸﻐﻞ ﻣﻊ ﻣﻜﺮﻡ ﻣﺶ ﻣﻊ ﺷﺎﻫﻨﺪﺍ ... ﺍﻧﺖ ﻋﺎﻳﺰ ﻋﻤﻮﻟﻪ ﻗﺪ ﺍﻳﻪ؟
ﺣﺎﺯﻡ : ﺍﻭﻻ ﺍﻟﺸﻐﻞ ﺩﻩ ﻫﻴﺒﻘﻲ ﺑﺘﺎﻉ ﺷﺎﻫﻨﺪﺍ ﻭﺩﻩ ﻣﺠﺎﻟﻬﺎ ﻫﻴﺎ ﻣﺶ ﻣﺠﺎﻝ ﺍﺑﻮﻫﺎ ... ﺛﺎﻧﻴﺎ ﺍﻟﻌﻤﻮﻟﻪ ﺍﻟﻠﻲ ﺑﺘﻜﻠﻢ ﻋﻠﻴﻬﺎ ﺑﻴﻨﻲ ﻭﺑﻴﻨﻬﺎ
ﺳﺎﻣﻴﻪ : ﻣﻔﻴﺶ ﺣﺎﺟﻪ ﺍﺳﻤﻬﺎ ﺑﻴﻨﻚ ﻭﺑﻴﻨﻬﺎ ... ﻭﻻ ﺍﻧﺖ ﻓﺎﻛﺮ ﺍﻧﻚ ﻫﺘﺘﺠﻮﺯﻫﺎ ﻭﺗﺒﻘﻲ ﺗﺤﺖ ﻃﻮﻋﻚ ﻭﻋﻠﺸﺎﻥ ﻛﺪﻩ ﻋﻤﻠﺖ ﺍﻟﻤﺴﺘﺸﻔﻲ ﺩﻱ ﻋﻠﺸﺎﻥ ﺗﻀﻤﻦ ﺍﻟﻤﻜﺴﺐ؟؟
ﺷﺎﻫﻨﺪﺍ : ﻣﺎﻣﺎ !! ﺍﻳﻪ ﺍﻟﻠﻲ ﺑﺘﻘﻮﻟﻴﻪ ﺩﻩ؟؟
ﺣﺎﺯﻡ : ﻻ ﺍﺳﺘﻨﻲ ﺍﻧﺘﻲ ﻳﺎ ﺷﺎﻫﻨﺪﺍ .... ﺍﻭﻻ ﻋﻠﺸﺎﻥ ﺑﺲ ﺗﺒﻘﻲ ﺍﻻﻣﻮﺭ ﻭﺍﺿﺤﻪ ﺍﻧﺎ ﻟﻮ ﻋﺎﻳﺰ ﺍﺷﺘﺮﻱ ﺍﻟﻤﺴﺘﺸﻔﻲ ﺩﻱ ﻛﻠﻬﺎ ﻫﺸﺘﺮﻳﻬﺎ ﻣﺶ ﺑﺲ ﺍﻟﺼﻴﺪﻟﻴﻪ ... ﺛﺎﻧﻴﺎ ﻣﺶ ﺍﻧﺎ ﺍﻟﻠﻲ ﻫﺒﺺ ﻟﻤﻜﺴﺐ ﻣﺮﺍﺗﻲ ﺍﺑﺪﺍ ... ﺛﺎﻟﺜﺎ ﺑﻘﻲ ﺍﻧﺎ ﻟﻮ ﺍﺗﻜﻠﻤﺖ ﻋﻦ ﻋﻤﻮﻟﺘﻲ ﻛﻨﺖ ﺑﺘﻜﻠﻢ ﻋﻦ ﺣﺎﺟﺎﺕ ﻣﻌﻨﻮﻳﻪ ﺑﻴﻨﻲ ﻭﺑﻴﻨﻬﺎ ﻣﺶ ﻣﺎﺩﻳﻪ ﺍﺑﺪﺍ
ﻣﻜﺮﻡ : ﺣﺎﺯﻡ ﻣﻌﻠﺶ ﺍﻫﺪﻱ ﺳﺎﻣﻴﻪ ﺍﻟﺘﻌﺒﻴﺮ ﺧﺎﻧﻬﺎ ﻣﺶ ﺍﻛﺘﺮ ﻫﻴﺎ ﻣﺎ ﺗﻘﺼﺪﺵ ﺍﻟﻤﻌﻨﻲ ﺍﻟﻠﻲ ﻭﺻﻠﻚ
ﺣﺎﺯﻡ : ﺗﻘﺼﺪ ﺍﻭ ﻣﺎ ﺗﻘﺼﺪﺵ ﺍﻧﺎ ﺑﺲ ﺣﺒﻴﺖ ﺍﻭﺿﺢ ﺍﻻﻣﻮﺭ ﻛﻠﻬﺎ
ﺳﺎﻣﻴﻪ : ﺍﻧﺖ ﻟﻴﻪ ﺍﺧﺪﺕ ﺍﻟﻤﻮﺿﻮﻉ ﻋﻠﻲ ﺍﻋﺼﺎﺑﻚ ﻛﺪﻩ ﺍﻧﺎ ﻣﺶ ﺍﻗﺼﺪ
ﺣﺎﺯﻡ : ﺍﻧﺘﻲ ﺑﺘﺘﻬﻤﻴﻨﻲ ﺍﻧﻲ ﺣﺎﻃﻂ ﻋﻴﻨﻲ ﻋﻠﻲ ﻓﻠﻮﺱ ﻣﺮﺍﺗﻲ ﺍﻭ ﻣﺴﺘﻨﻲ ﻣﻨﻬﺎ ﻣﻜﺴﺐ ﻭﻣﺶ ﻋﺎﻳﺰﺍﻧﻲ ﺍﺧﺪ ﺍﻟﻤﻮﺿﻮﻉ ﻋﻠﻲ ﺍﻋﺼﺎﺑﻲ ! ؟ ﻃﻴﺐ ﺍﺯﺍﻱ؟؟
ﺳﺎﻣﻴﻪ ﺑﺒﺮﻭﺩ : ﺍﺳﻔﻪ ﺣﺒﻴﺒﻲ ﻣﺶ ﺍﻗﺼﺪ ﻛﺪﻩ ﺍﺑﺪﺍ ﺑﺲ ﺍﻧﺎ ﻛﻨﺖ ﺧﺎﻳﻔﻪ ﻋﻠﻴﻚ ﺍﻧﺖ ﻻﺣﺴﻦ ﺣﺒﻚ ﻟﺸﺎﻫﻲ ﻳﻀﻴﻊ ﺣﻘﻚ ﻓﺎﻗﺼﺪ ﺍﻥ ﺍﻟﺒﺰﻧﺲ ﻳﺒﻘﻲ ﻣﻊ ﺑﺎﺑﺎﻫﺎ ﺑﺤﻴﺚ ﺗﺎﺧﺪ ﺗﻌﺒﻚ ﺑﺲ ﺯﻱ ﻣﺎ ﻣﻜﺮﻡ ﻗﺎﻝ ﺍﻟﺘﻌﺒﻴﺮ ﺧﺎﻧﻲ
ﺣﺎﺯﻡ : ﺍﻣﻢ ﺣﺼﻞ ﺧﻴﺮ ﻳﺎ ﺣﻤﺎﺗﻲ ﻭﺑﻌﺪﻳﻦ ﺩﻱ ﻛﺎﻧﺖ ﻫﺪﻳﻪ ﻟﺸﺎﻫﻲ ﻣﺶ ﺍﻛﺘﺮ ﻭﺗﻌﺒﻲ ﺭﺍﺡ ﺑﺎﺑﺘﺴﺎﻣﻪ ﻣﻨﻬﺎ
ﺷﺎﻫﻨﺪﺍ : ﺭﺑﻨﺎ ﻳﺨﻠﻴﻚ ﻟﻴﺎ ﺣﺒﻴﺒﻲ ﺍﻟﻤﻬﻢ ﺍﻧﺎ ﺟﻌﺎﻧﻪ ﺣﺎﻟﻴﺎ ﻫﺘﺄﻛﻠﻮﻧﻲ ﻭﻻ ﺍﻳﻪ؟
ﺣﺎﺯﻡ : ﻃﺒﻌﺎ ﺍﻧﺘﻲ ﺗﺸﺎﻭﺭﻱ ﺑﺲ ﻋﻠﻲ ﺍﻟﻤﻜﺎﻥ ﺍﻟﻠﻲ ﻳﻌﺠﺒﻚ
ﺭﺍﺣﻮﺍ ﻛﻠﻬﻢ ﺍﻛﻠﻮﺍ ﻣﻊ ﺑﻌﺾ ﻭﻃﻮﻝ ﺍﻟﻮﻗﺖ ﺣﺎﺯﻡ ﺣﺎﺳﺲ ﺍﻧﻪ ﻣﺤﻄﻮﻁ ﺗﺤﺖ ﺍﻟﻤﻴﻜﺮﺳﻜﻮﺏ ﻭﺍﻥ ﺣﻤﺎﺗﻪ ﺑﺘﺮﺍﻗﺒﻪ ﻭﺑﺘﺮﺍﻗﺐ ﺣﺘﻲ ﺍﻧﻔﺎﺳﻪ
ﺣﺎﺯﻡ ﺑﻬﻤﺲ ﻟﺸﺎﻫﻨﺪﺍ : ﻫﻴﺎ ﻣﺎﻣﺘﻚ ﻣﺎﻟﻬﺎ ﺍﻟﻨﻬﺎﺭﺩﻩ ﺑﺘﺮﺍﻗﺒﻨﻲ ﻗﻮﻱ ﻛﺪﻩ ﻟﻴﻪ؟؟
ﺷﺎﻫﻨﺪﺍ : ﻻ ﻋﺎﺩﻱ ﺑﺲ ﻳﻤﻜﻦ ﺗﻜﻮﻥ ﻣﻌﺠﺒﻪ ﻭﻻ ﺣﺎﺟﻪ
ﺿﺤﻜﻮﺍ ﺍﻻﺗﻨﻴﻦ ﺑﺲ ﺑﺮﺿﻪ ﺣﺎﺯﻡ ﻣﺶ ﻣﺴﺘﺮﻳﺢ ﺍﺑﺪﺍ
ﻭﺷﻮﻳﻪ ﻭ ﻣﻜﺮﻡ ﺍﻧﺴﺤﺐ ﻻﻥ ﻋﻨﺪﻩ ﺷﻐﻞ ﻭﺳﺎﺑﻬﻢ ﺍﻟﺘﻼﺗﻪ ﻣﻊ ﺑﻌﺾ ﺭﺍﺣﻮ ﻳﺸﺘﺮﻭﺍ ﺑﺎﻗﻲ ﻋﻔﺸﻬﻢ ﻟﻔﺮﺵ ﺍﻟﻔﻴﻼ ﻭﻃﻮﻝ ﺍﻟﻮﻗﺖ ﺳﺎﻣﻴﻪ ﺑﺘﺨﺘﺎﺭ ﺣﺎﺟﺎﺕ ﺗﺘﻄﻠﺐ ﻣﺸﻲ ﺍﻭ ﻭﻗﻮﻑ ﻛﺘﻴﺮ
ﻭﺣﺎﺯﻡ ﺑﺪﺃ ﻳﺘﻌﺐ ﻭﺣﺎﺳﺲ ﺍﻥ ﺩﻩ ﺍﻟﻠﻲ ﺣﻤﺎﺗﻪ ﻣﺴﺘﻨﻴﺎﻩ
ﺧﻠﺼﻮﺍ ﻛﺬﺍ ﺣﺎﺟﻪ
ﺣﺎﺯﻡ : ﺷﺎﻫﻲ ﻛﻔﺎﻳﻪ ﻛﺪﻩ ﺍﻟﻨﻬﺎﺭﺩﻩ ﺍﻳﻪ ﺭﺃﻳﻚ؟
ﺷﺎﻫﻨﺪﺍ : ﺍﻩ ﻛﻔﺎﻳﻪ ﺍﻧﺎ ﺍﺻﻼ ﻭﺭﺍﻳﺎ ﻣﺸﻮﺍﺭ ﻣﻬﻢ ﻣﻊ ﺍﺻﺤﺎﺑﻲ ﻋﻠﺸﺎﻥ ﻧﺸﻮﻑ ﺍﺧﺮ ﺻﻴﺤﺎﺕ ﺍﻟﻤﻮﺿﻪ ﻓﻲ ﺍﻟﻠﺒﺲ ﻭﺍﻟﻤﻴﻜﺐ ﻭﻣﻮﺍﻋﺪﺍﻫﻢ ﺍﺧﺮﺝ ﻣﻌﺎﻫﻢ ﻣﻤﻜﻦ ﺗﻮﺻﻠﻨﻲ ﺍﻟﻨﺎﺩﻱ؟؟
ﺣﺎﺯﻡ : ﺍﻩ ﻃﺒﻌﺎ ﻳﺎ ﻗﻤﺮ
ﺳﺎﻣﻴﻪ : ﻭﺍﻧﺎ ﻟﻮ ﻣﺶ ﻫﺘﻌﺒﻚ ﻭﺻﻠﻨﻲ ﺍﻟﺸﺮﻛﻪ ﻋﻨﺪ ﻣﻜﺮﻡ
ﺣﺎﺯﻡ : ﻃﺒﻌﺎ ﻳﺎ ﺣﻤﺎﺗﻲ
ﺣﺎﺯﻡ ﻭﺻﻞ ﺷﺎﻫﻨﺪﺍ ﺍﻻﻭﻝ ﻻﻧﻬﺎ ﺍﺍﻗﺮﺏ ﻭﺑﻌﺪﻫﺎ ﻭﺻﻞ ﺳﺎﻣﻴﻪ ﻭﺍﻭﻝ ﻣﺎ ﻭﺻﻠﻮﺍ ﺍﻟﺸﺮﻛﻪ
ﺳﺎﻣﻴﻪ : ﺍﻧﺎ ﺍﺳﻔﻪ ﻳﺎ ﺣﺎﺯﻡ ﺑﺲ ﻣﻜﺮﻡ ﻛﻠﻤﻨﻲ ﻭﻗﺎﻟﻲ ﺍﻧﻪ ﻓﻲ ﺍﻟﻔﻨﺪﻕ ﻋﻨﺪﻙ ﻣﻤﻜﻦ ﺗﻮﺩﻳﻨﻲ ﻫﻨﺎﻙ؟؟
ﺣﺎﺯﻡ ﻛﺎﻥ ﺑﺪﺃ ﻳﺠﻴﺐ ﺍﺧﺮﻩ ﺗﻤﺎﻣﺎ ﻭﺷﻮﻳﻪ ﻭﻫﻴﻐﻤﻲ ﻋﻠﻴﻪ ﻣﻦ ﺍﻟﺘﻌﺐ ﻭﺑﺎﻳﻦ ﻋﻠﻲ ﻣﻼﻣﺤﻪ ﺍﻟﺘﻌﺐ ﺍﻟﺸﺪﻳﺪ
ﺣﺎﺯﻡ : ﻭﻣﺎﻟﻪ ﺣﺎﺿﺮ ﻳﺎ ﺣﻤﺎﺗﻲ ....
ﻭﻫﻤﺎ ﻓﻲ ﺍﻟﻄﺮﻳﻖ ﺳﺎﻣﻴﻪ ﻭﻗﻔﺘﻪ ﺗﻨﺰﻝ ﺗﺸﺘﺮﻱ ﺣﺎﺟﻪ ﺑﺴﺮﻋﻪ ﺿﺮﻭﺭﻳﻪ ﻣﻦ ﺍﻟﺼﻴﺪﻟﻴﻪ ﻭﺣﺎﺯﻡ ﺍﺳﺘﻨﺎﻫﺎ ﻓﻲ ﺍﻟﻌﺮﺑﻴﻪ ﻭﺍﺗﺤﺠﺞ ﺍﻥ ﻣﻔﻴﺶ ﺭﻛﻨﻪ ﻭﺍﻭﻝ ﻣﺎ ﻧﺰﻟﺖ ﺍﺗﺼﻞ ﺑﻌﻠﻲ ﻭﻛﻠﻤﻪ
ﺣﺎﺯﻡ : ﻋﻠﻲ ﺍﺳﺘﻨﺎﻧﻲ ﻋﻠﻲ ﺑﺎﺏ ﺍﻟﻔﻨﺪﻕ ﻭﺍﻭﻝ ﻣﺎ ﺍﻭﺻﻞ ﺍﺧﺘﺮﻉ ﺍﻱ ﻣﺼﻴﺒﻪ ﺑﺲ ﺗﺎﺧﺪﻧﻲ ﻣﻦ ﺣﻤﺎﺗﻲ ﺍﻧﺖ ﻓﺎﻫﻢ؟
ﻋﻠﻲ : ﻟﻠﺪﺭﺟﻪ ﻃﺎﺑﻘﻪ ﻋﻠﻲ ﻧﻔﺴﻚ؟؟
ﺣﺎﺯﻡ : ﻋﻠﻲ ﺍﻧﺎ ﻣﺶ ﺑﻬﺰﺭ ﺍﻧﺎ ﻫﻴﻐﻤﻲ ﻋﻠﻴﺎ ﻭﺍﻋﺘﻘﺪ ﺍﻧﻬﺎ ﻣﺴﺘﻨﻴﺎﻧﻲ ﺍﻧﻬﺎﺭ ﻗﺪﺍﻣﻬﺎ ﻓﻬﻤﺖ ﻭﻻ ﻟﺴﻪ؟
ﻋﻠﻲ : ﺣﺎﺿﺮ ﺣﺎﺿﺮ ﻳﺎ ﺣﺎﺯﻡ ﺍﻧﺎ ﺍﻫﻮ ﻫﻨﺰﻝ ﻗﺪﺍﻡ ﺍﻟﻔﻨﺪﻕ ﻣﺎ ﺗﻘﻠﻘﺶ
ﻗﻔﻞ ﺣﺎﺯﻡ ﻭﺣﻤﺎﺗﻪ ﺭﺟﻌﺖ ﺍﻟﻌﺮﺑﻴﻪ ﻭﺣﺎﺯﻡ ﺍﺗﺤﺮﻙ ﻧﺎﺣﻴﻪ ﺍﻟﻔﻨﺪﻕ ﻭﺍﺧﻴﺮﺍ ﻭﺻﻠﻮﺍ ﻭﺷﺎﻑ ﻋﻠﻲ ﻓﻌﻼ ﻣﺴﺘﻨﻴﻪ
ﺳﺎﻣﻴﻪ : ﻫﻮ ﻋﻠﻲ ﻣﺘﻌﻮﺩ ﻳﺴﺘﻨﺎﻙ ﻗﺪﺍﻡ ﺍﻟﺒﺎﺏ ﻛﺪﻩ؟؟
ﺣﺎﺯﻡ : ﻷ ﺍﻻ ﺍﺫﺍ ﻛﺎﻥ ﻓﻲ ﺣﺎﺟﻪ ﻣﻬﻤﻪ ﺗﺴﺘﺪﻋﻲ ﺩﻩ
ﺳﺎﻣﻴﻪ : ﺍﺳﻔﻪ ﻟﻮ ﺍﺧﺮﺗﻚ
ﻧﺰﻟﻮﺍ ﺍﻻﺗﻨﻴﻦ ﻭﻳﺪﻭﺏ ﺣﺎﺯﻡ ﺍﻋﺘﺬﺭ ﻣﻦ ﺣﻤﺎﺗﻪ ﻭﻣﺸﻲ ﺧﻄﻮﻩ ﺍﻻ ﺍﻧﻬﺎ ﻧﺎﺩﺕ ﻋﻠﻴﻪ ﺗﺎﻧﻲ
ﺳﺎﻣﻴﻪ : ﺍﺳﺘﻨﻲ ﻳﺎ ﺣﺎﺯﻡ
ﺣﺎﺯﻡ ﻭﻗﻒ ﻭﺑﺺ ﻟﻌﻠﻲ ﺍﻟﻠﻲ ﻗﺮﺏ ﻋﻠﻴﻬﻢ
ﻋﻠﻲ : ﺍﺧﻴﺮﺍ ﻭﺻﻠﺖ ﻓﻲ ﻣﺸﻜﻠﻪ ﻓﻮﻕ ﻭﻻﺯﻡ ﺗﻜﻮﻥ ﻣﻮﺟﻮﺩ
ﺣﺎﺯﻡ : ﺣﺎﺿﺮ ﻟﺤﻈﻪ .. ﺍﻓﻨﺪﻡ ﻳﺎ ﺣﻤﺎﺗﻲ
ﺳﺎﻣﻴﻪ : ﺍﻧﺖ ﻋﺎﻣﻞ ﺍﻳﻪ ﺩﻟﻮﻗﺘﻲ؟؟ ﻭﻳﺎ ﺗﺮﻱ ﺑﻌﺪ ﻳﻮﻡ ﻋﺎﺩﻱ ﺟﺪﺍ ﺯﻱ ﺩﻩ ﻫﺘﺮﺟﻊ ﺑﻴﺘﻚ ﺍﺯﺍﻱ؟؟
ﺣﺎﺯﻡ : ﺍﻧﺎ ﻛﻮﻳﺲ ﻭﻣﺶ ﻓﺎﻫﻢ ﺍﻧﺘﻲ ﺗﻘﺼﺪﻱ ﺍﻳﻪ؟؟
ﺳﺎﻣﻴﻪ : ﻻ ﺍﻧﺖ ﻓﺎﻫﻤﻨﻲ ﻛﻮﻳﺲ ﻗﻮﻱ ﻳﺎ ﺣﺎﺯﻡ ... ﺍﻧﺖ ﺍﻟﺘﻌﺐ ﺑﺎﻳﻦ ﻋﻠﻲ ﻛﻞ ﻣﻼﻣﺤﻚ ﻭﺑﺘﻜﺎﺑﺮ ﻓﺴﺆﺍﻟﻲ ﺑﻘﻲ ﻳﻮﻡ ﺯﻱ ﺩﻩ ﻟﻤﺎ ﺗﺮﺟﻊ ﺑﻴﺘﻚ ﻫﻴﻜﻮﻥ ﻋﻨﺪﻙ ﺍﻱ ﻃﺎﻗﻪ ﻟﻤﺮﺍﺗﻚ؟؟ ﻫﺘﻘﺪﺭ ﺗﺨﺮﺟﻬﺎ ﻟﻮ ﺣﺒﺖ ﺗﺨﺮﺝ؟؟ ﻫﺘﻘﺪﺭ ﺗﻘﻮﻡ ﺑﺎﻱ ﻭﺍﺟﺐ ﻣﻦ ﻭﺍﺟﺒﺎﺗﻚ ﺍﻟﺰﻭﺟﻴﻪ؟؟ ﻭﻻ ﺍﻧﺖ ﻛﺪﻩ ﺧﻼﺹ ﻳﻮﻣﻚ ﺍﻧﺘﻬﻲ؟؟ ﻳﺎ ﺗﺨﺮﺝ ﺑﺎﻟﻨﻬﺎﺭ ﻭﺗﻄﻠﻊ ﺷﻐﻠﻚ ﻳﺎ ﺗﻘﻌﺪ ﻓﻲ ﺍﻟﺒﻴﺖ ﻭﺗﺸﻮﻑ ﻣﺮﺍﺗﻚ؟؟ ﻣﺶ ﺩﻩ ﻫﻴﻜﻮﻥ ﻧﻈﺎﻣﻚ؟؟
ﺣﺎﺯﻡ : ﺑﺮﺿﻪ ﻋﺎﻳﺰﻩ ﺗﻮﺻﻠﻲ ﻻﻳﻪ؟؟ ﺷﺎﻫﻨﺪﺍ ﻋﺎﺭﻓﻪ ﺣﺎﻟﺘﻲ ﺍﻟﺼﺤﻴﻪ ﻛﻮﻳﺲ
ﺳﺎﻣﻴﻪ : ﺷﺎﻫﻨﺪﺍ ﺑﺘﺤﺒﻚ ﻭﺍﻟﺤﺐ ﺍﻋﻤﻲ ﺑﺲ ﻟﻼﺳﻒ ﺣﺎﻟﻪ ﺍﻟﻌﻤﻲ ﺩﻱ ﺑﺘﺨﺘﻔﻲ ﺑﻌﺪ ﺍﻭﻝ ﺷﻬﺮ ﺟﻮﺍﺯ ﻭﺍﻋﺘﻘﺪ ﻓﻲ ﺣﺎﻟﺘﻚ ﺩﻱ ﻣﺶ ﻫﺘﻜﻤﻞ ﺍﺳﺒﻮﻉ ﻭﻫﺘﻜﻮﻥ ﺍﺗﺤﺴﺒﺖ ﻋﻠﻴﻬﺎ ﺟﻮﺍﺯﻩ ﻭﺍﻟﺴﻼﻡ ....
ﺣﺎﺯﻡ : ﺍﻋﺘﻘﺪ ﺍﻥ ﺩﻩ ﺷﻴﺊ ﻳﺨﺼﻨﺎ ﺍﻧﺎ ﻭﻫﻴﺎ
ﺳﺎﻣﻴﻪ : ﺩﻱ ﺑﻨﺘﻲ ﺍﻟﻠﻲ ﺍﻧﺖ ﺑﺘﺘﻜﻠﻢ ﻋﻨﻬﺎ ﺩﻱ ... ﻭﻻ ﺩﻩ ﻣﺶ ﺷﻴﺊ ﻳﺨﺼﻜﻢ ﺍﺑﺪﺍ ... ﺷﺎﻫﻨﺪﺍ ﻛﺒﻴﺮﻩ ﻗﻮﻱ ﻋﻠﻴﻚ ... ﻣﺎ ﺗﺨﺘﺎﺭ ﺑﻨﺖ ﻋﻠﻲ ﻗﺪﻙ ﺗﺮﺿﻲ ﺑﻘﻠﻴﻠﻬﺎ .. ﻟﻴﻪ ﺑﻨﺘﻲ؟؟ ﺍﻧﺎ ﻋﺎﺭﻓﻪ ﺑﻨﺘﻲ ﻛﻮﻳﺲ ﻭﻋﺎﺭﻓﻪ ﻃﻤﻮﺣﻬﺎ ﻭﺍﺣﻼﻣﻬﺎ ﻭﺑﻘﻮﻟﻚ ﺍﻫﻮ ﺍﻧﺖ ﺑﺤﺎﻟﺘﻚ ﺩﻱ ﻣﺶ ﻫﺘﻘﺪﺭ ﺗﺠﺎﺭﻳﻬﺎ !!!! ﻣﺶ ﻫﺘﻘﺪﺭ ﺗﺴﻌﺪﻫﺎ ... ﻣﺶ ﻫﺘﻘﺪﺭ ﺗﻜﻮﻥ ﻧﺪ ﻟﻴﻬﺎ ...
ﺣﺎﺯﻡ : ﻣﻴﻦ ﻗﺎﻟﻚ ﻫﺎﻩ؟؟ ﺣﻜﻤﺘﻲ ﻋﻠﻴﺎ ﺑﻨﺎﺀﺍ ﻋﻠﻲ ﺍﻳﻪ؟؟ ﺗﻌﺮﻓﻲ ﻋﻨﻲ ﺍﻳﻪ ﺍﻧﺘﻲ؟؟
ﺳﺎﻣﻴﻪ : ﺍﻋﺮﻑ ﺍﻧﻚ ﻣﺶ ﻫﺘﻘﺪﺭ ﺗﻘﻒ ﻋﻠﻲ ﺭﺟﻠﻚ ﺧﻤﺲ ﺩﻗﺎﻳﻖ ﻛﻤﺎﻥ ﻭﻫﺘﻘﻊ ﻣﻦ ﻃﻮﻟﻚ ﻗﺪﺍﻣﻲ ﻭﻫﺘﺤﺘﺎﺝ ﺣﺪ ﻳﺸﻴﻠﻚ ﻭﻳﺤﻄﻚ ﻓﻲ ﺳﺮﻳﺮﻙ ﻭﺍﻟﻤﻔﺮﻭﺽ ﺍﻥ ﺍﻟﺤﺪ ﺩﻩ ﻳﻜﻮﻥ ﻣﺮﺍﺗﻚ ﺻﺢ؟؟ ﺩﻱ ﺍﻟﺤﻴﺎﻩ ﺍﻟﻠﻲ ﺑﺘﻘﺪﻣﻬﺎﻟﻬﺎ؟؟؟ ﺍﻭﻗﻒ ﻗﺪﺍﻣﻲ ﺧﻤﺲ ﺩﻗﺎﻳﻖ ﻛﻤﺎﻥ ... ﻫﺘﻘﺪﺭ؟؟
ﺣﺎﺯﻡ : ﺍﻧﺎ ﻣﺶ ﻣﻀﻄﺮ ﺍﺛﺒﺘﻠﻚ ﺍﻱ ﺣﺎﺟﻪ !!!! ﺑﺲ ﻫﻘﻒ ﻗﺪﺍﻣﻚ ﺍﻟﺨﻤﺲ ﺩﻗﺎﻳﻖ ﺍﻟﻠﻲ ﺍﻧﺘﻲ ﻋﻴﺰﺍﻫﻢ
ﻭﻗﻒ ﺣﺎﺯﻡ ﻗﺪﺍﻣﻬﺎ ﻭﺩﻋﺎﺀ ﺻﺎﻣﺖ ﺟﻮﺍﻩ ﺍﻥ ﺭﺟﻠﻴﻪ ﻣﺎ ﺗﺨﺬﻟﻮﺵ ﺯﻱ ﻛﻞ ﻣﺮﻩ ... ﻛﻞ ﻣﺮﻩ ﻛﺎﻧﺖ ﺑﺘﺘﺨﻠﻲ ﻋﻨﻪ ... ﻳﻮﻡ ﻓﺮﺡ ﺷﻮﻕ ... ﻳﻮﻡ ﻭﻻﺩﺗﻬﺎ ﻟﻤﺎ ﺷﺎﻓﻬﺎ ﺭﺍﺟﻌﻪ ﺑﺎﻟﺒﻴﺒﻲ .. ﻳﻮﻡ ﺧﻨﺎﻗﺘﻪ ﻣﻊ ﺷﺎﻫﻨﺪﺍ ﻭﺣﺐ ﻳﻘﻮﻡ ﻭﺭﺍﻫﺎ .... ﻳﻮﻡ ﺧﻄﻮﺑﺘﻪ ﻫﻮ ﻭﺍﺣﺘﺎﺝ ﺷﻮﻕ ﺗﻠﺒﺴﻪ ﺣﺘﻲ ﻫﺪﻭﻣﻪ ... ﻓﻴﺎﺭﺏ ﻣﺶ ﻗﺪﺍﻡ ﺣﻤﺎﺗﻪ ﻛﻤﺎﻥ .... ﻳﺎﺭﺏ ﻭﻗﻔﻨﻲ ﻋﻠﻲ ﺭﺟﻠﻴﺎ ﺑﺲ ﻗﺪﺍﻣﻬﺎ ﺣﺘﻲ ﻳﺎﺭﺏ ..... ﻳﺎﺭﺏ ﺍﻭﻗﻒ ﺟﻨﺒﻲ ﻳﺎﺭﺏ ...
ﺭﺟﻠﻴﻪ ﺑﺘﺘﺮﻋﺶ ﻭﻫﻴﻮﻗﻊ ﺧﻼﺹ .. ﻣﺶ ﺣﺎﺳﺲ ﺑﻴﻬﺎ ﻧﻬﺎﺋﻲ ﻭﻫﻴﻨﻬﺎﺭ
ﺳﺎﻣﻴﻪ : ﻣﺎﺷﻲ ﻳﺎ ﺣﺎﺯﻡ ﺑﺲ ﺧﻠﻴﻚ ﻋﺎﺭﻑ ﻣﺶ ﺍﻧﺖ ﺍﻟﺮﺍﺟﻞ ﺍﻟﻠﻲ ﺣﻠﻤﺖ ﺑﻴﻪ ﻟﺒﻨﺘﻲ .. ﺍﻧﺖ ﺍﻩ ﻛﻮﻳﺲ ﺑﺲ ﻣﺶ ﻟﺒﻨﺘﻲ ﻭﻫﻘﻮﻟﻬﺎﻟﻚ ﻻﺧﺮ ﻣﺮﻩ ﺍﻧﺖ ﻏﻨﻲ ﻭﻋﻨﺪﻙ ﻣﻼﻳﻴﻦ ﻛﺘﻴﺮ ﻭﺍﻱ ﻭﺍﺣﺪﻩ ﻫﺘﺮﺿﻲ ﺑﻴﻚ ﻣﺶ ﻻﺯﻡ ﺑﻨﺘﻲ .. ﺑﻌﺪ ﺍﺫﻧﻚ
ﺍﺧﻴﺮﺍ ﻣﺸﻴﺖ ﻭﻫﻮ ﻭﺍﻗﻒ ﻭﻋﻠﻲ ﺟﻨﺒﻪ ﻣﺶ ﻋﺎﺭﻑ ﻳﻨﻄﻖ ﻟﺤﺪ ﻣﺎ ﺍﺧﺘﻔﺖ ﻣﻦ ﻗﺪﺍﻣﻬﻢ ﻫﻨﺎ ﺣﺎﺯﻡ ﺍﻧﻬﺎﺭ ﻭﺭﺟﻠﻴﻪ ﻣﺎﻋﺪﺗﺶ ﺷﻴﻼﻩ ﻭﻗﺒﻞ ﻣﺎ ﻳﻮﺻﻞ ﺍﻻﺭﺽ ﻛﺎﻥ ﻋﻠﻲ ﺳﺎﻧﺪﻩ ﻭﺣﺎﺯﻡ ﺍﺗﻌﻠﻖ ﻓﻴﻪ
ﺣﺎﺯﻡ : ﺭﻭﺣﻨﻲ ﺑﺴﺮﻋﻪ
ﺭﻛﺒﻮﺍ ﺍﻟﻌﺮﺑﻴﻪ ﻭﺍﺗﺤﺮﻙ ﺑﻴﻪ ﺣﺎﻭﻝ ﻳﺘﻜﻠﻢ ﺑﺲ ﻣﻠﻘﻴﺶ ﺍﻱ ﺣﺎﺟﻪ ﻣﻤﻜﻦ ﻳﻘﻮﻟﻬﺎ
ﺣﺎﺯﻡ : ﻭﺩﻳﻨﻲ ﻋﻨﺪ ﺷﻮﻕ
ﻋﻠﻲ : ﻫﺮﻭﺣﻚ ﺍﻟﺒﻴﺖ ﺍﺣﺴﻦ
ﺣﺎﺯﻡ : ﻣﺶ ﻫﻌﻴﺪ ﻛﻼﻣﻲ ﺗﺎﻧﻲ ﺭﻭﺣﻨﻲ ﻋﻨﺪ ﺷﻮﻕ ﻭﻣﺶ ﻋﺎﻳﺰ ﻣﺨﻠﻮﻕ ﻳﻌﺮﻑ ﺍﻧﺎ ﻓﻴﻦ ﻣﻬﻤﺎ ﻛﺎﻥ
ﻋﻠﻲ : ﻭﺷﺎﻫﻨﺪﺍ ﺍﻛﻴﺪ ﻫﺘﺴﺄﻝ ﻋﻠﻴﻚ؟
ﺣﺎﺯﻡ : ﺍﻋﺘﻘﺪ ﺍﻥ ﻛﻼﻣﻲ ﻭﺍﺿﺢ ﻭﻻ ﺍﻧﺖ ﺑﺘﺤﺐ ﺗﺘﻌﺒﻨﻲ ﻭﺧﻼﺹ؟؟ ﻋﻠﻲ ﻟﻮ ﺳﻤﺤﺖ
ﻋﻠﻲ : ﺣﺎﺿﺮ ﻳﺎ ﺣﺎﺯﻡ ﺣﺎﺿﺮ
ﻭﺻﻠﻮﺍ ﻋﻨﺪ ﺷﻮﻕ ﻭﺳﻨﺪﻩ ﻟﺤﺪ ﻓﻮﻕ ﻭﺭﻥ ﺍﻟﺠﺮﺱ ﻭﺷﻮﻕ ﻓﺘﺤﺖ ﻭﺍﺗﻔﺎﺟﺌﺖ ﺑﺎﻟﻤﻨﻈﺮ ﺑﺲ ﻣﻦ ﻏﻴﺮ ﺍﻱ ﻛﻼﻡ ﻓﺘﺤﺖ ﺍﻟﺒﺎﺏ
ﺷﻮﻕ : ﺗﻌﺎﻝ ﺟﻮﻩ
ﺳﺎﻋﺪﺕ ﻋﻠﻲ ﻟﺤﺪ ﻣﺎ ﺣﻄﺖ ﺣﺎﺯﻡ ﻓﻲ ﺍﻟﺴﺮﻳﺮ ﻣﻦ ﻏﻴﺮ ﺍﻱ ﺍﺳﺌﻠﻪ ﻧﻬﺎﺋﻲ .. ﻋﻠﻲ ﻭﺍﻗﻒ ﻣﺶ ﻋﺎﺭﻑ ﻳﻌﻤﻞ ﺍﻳﻪ ﺍﻭ ﻳﺘﺼﺮﻑ ﺍﺯﺍﻱ؟؟
ﺭﻫﻒ : ﺣﺎﺯﻡ ﺍﻧﺖ ﺗﻌﺒﺎﻥ؟؟
ﺣﺎﺯﻡ : ﺷﻮﻳﻪ ﺑﺲ ﻣﺎ ﺗﺨﺎﻓﻴﺶ ﺍﻭﻛﻲ ... ﺷﻮﻳﻪ ﻭﻫﺒﻘﻲ ﻛﻮﻳﺲ
ﺭﻫﻒ : ﻳﻨﻔﻊ ﺍﻗﻌﺪ ﺟﻨﺒﻚ؟؟
ﺷﻮﻕ : ﻫﻨﺴﻴﺒﻪ ﻳﺮﺗﺎﺡ ﺷﻮﻳﻪ ﻭﺑﻌﺪﻫﺎ ﺍﻗﻌﺪﻱ ﻣﻌﺎﻩ ﺑﺮﺍﺣﺘﻚ
ﺷﻮﻕ ﺳﺤﺒﺖ ﺑﻨﺘﻬﺎ ﻭﺧﺮﺟﺖ ﻭﺳﺎﺑﺘﻬﻢ
ﻋﻠﻲ : ﻣﺤﺘﺎﺝ ﺣﺎﺟﻪ ﻣﻨﻲ ﻗﺒﻞ ﻣﺎ ﺍﻣﺸﻲ؟
ﺣﺎﺯﻡ : ﻣﻌﺎﻙ ﺗﻠﻴﻔﻮﻥ ﺷﻮﻕ ﺍﻭ ﻟﻮ ﻣﺶ ﻣﻌﺎﻙ ﺧﺪﻩ ﻣﻨﻬﺎ ﻭﻟﻮ ﻓﻲ ﺣﺎﺟﻪ ﺿﺮﻭﺭﻱ ﻛﻠﻤﻨﻲ ﻻﻧﻲ ﻫﻘﻔﻞ ﺗﻠﻴﻔﻮﻧﻲ
ﻋﻠﻲ : ﻭﻭﺍﻟﺪﺗﻚ؟؟
ﺣﺎﺯﻡ : ﻫﻬﻪ ﻭﺍﻟﺪﺗﻲ؟؟ ﻣﺶ ﻫﺘﺴﺄﻝ ﻭﻟﻮ ﺳﺄﻟﺖ ﻗﻮﻟﻬﺎ ﺍﻧﺎ ﺳﺎﻓﺮﺕ ﻳﻮﻣﻴﻦ ﻓﻲ ﺍﻱ ﻣﻜﺎﻥ
ﻋﻠﻲ : ﻭﻋﺒﺪﺍﻟﻤﻨﻌﻢ؟؟ ﺍﻛﻴﺪ ﻫﻴﺴﺄﻝ؟
ﺣﺎﺯﻡ : ﻋﺒﺪﺍﻟﻤﻨﻌﻢ ﺳﺎﻓﺮ ﻋﻠﻲ ﺍﻟﻌﺰﺑﻪ ﻣﻌﺠﺒﻮﺵ ﺍﻟﺠﻮ ﻫﻨﺎ .. ﻫﺎﺗﻠﻲ ﺍﻧﺖ ﺑﺲ ﺍﺩﻭﻳﺘﻲ ﻛﻠﻬﺎ ﻭﺍﺗﻔﻀﻞ ﻳﺎﻻ
ﻋﻠﻲ ﺳﺎﺑﻪ ﻭﺧﺮﺝ ﻭﺷﻮﻳﻪ ﻭﺷﻮﻕ ﺩﺧﻠﺘﻠﻪ ﻭﻗﻌﺪﺕ ﺟﻨﺒﻪ
ﺣﺎﺯﻡ : ﻋﺎﻳﺰﻩ ﺍﻳﻪ ﻳﺎ ﺷﻮﻕ؟
ﺷﻮﻕ : ﺍﻃﻤﻦ ﻋﻠﻴﻚ ﺑﺲ ... ﻣﺤﺘﺎﺝ ﺣﺎﺟﻪ؟؟ ﺍﻭ ﺟﻌﺎﻥ؟؟ ﺍﻱ ﺣﺎﺟﻪ؟؟
ﺣﺎﺯﻡ : ﻻ ﻣﺘﺸﻜﺮ ﺑﺲ ﻟﻤﺎ ﻋﻠﻲ ﻳﺒﻌﺖ ﺍﺩﻭﻳﺘﻲ ﻫﺎﺗﻴﻬﺎ
ﺷﻮﻕ : ﺍﻧﺖ ﺗﻌﺒﺎﻥ؟؟
ﺣﺎﺯﻡ : ﺗﻌﺒﺎﻥ؟؟ ﺗﻌﺒﺎﻥ ﺩﻱ ﻛﻠﻤﻪ ﻗﻠﻴﻠﻪ ﻗﻮﻱ ﻋﻠﻲ ﺍﻟﻠﻲ ﺍﻧﺎ ﺣﺎﺳﺲ ﺑﻴﻪ؟؟ ﺍﻧﺎ ﺗﻌﺒﺎﻥ ﻣﻦ ﺍﻟﺪﻧﻴﺎ ﻛﻠﻬﺎ ﻳﺎ ﺷﻮﻕ
ﺷﻮﻕ : ﻃﻴﺐ ﺍﺭﺗﺎﺡ ﻣﺎ ﺗﻔﻜﺮﺵ ﻓﻲ ﺍﻱ ﺣﺎﺟﻪ ﻭﺍﺭﺗﺎﺡ
ﺟﺮﺱ ﺍﻟﺒﺎﺏ ﺿﺮﺏ ﻓﻘﺎﻣﺖ ﺷﻮﻕ ﺗﻔﺘﺢ ﻭﻛﺎﻧﺖ ﺩﻱ ﺍﺩﻭﻳﻪ ﺣﺎﺯﻡ ﻣﻊ ﻋﻠﻲ ﻋﻄﺎﻫﺎﻟﻬﺎ ﻭﻣﺸﻲ ﻭﻫﻴﺎ ﺩﺧﻠﺖ ﻟﺤﺎﺯﻡ ﻋﻄﺘﻪ ﺍﺩﻭﻳﺘﻪ ﻭﺣﻄﺘﻠﻪ ﺍﻟﻤﺮﻫﻢ ﺍﻟﻤﺴﻜﻦ ﺍﻟﻠﻲ ﺑﻴﺮﻳﺤﻪ
ﺷﻮﻕ : ﻋﺎﻳﺰ ﺣﺎﺟﻪ ﺗﺎﻧﻴﻪ؟ ﺣﺎﻭﻝ ﺗﻨﺎﻡ ﺷﻮﻳﻪ
ﺣﺎﺯﻡ : ﻳﻨﻔﻊ ﺗﻨﻮﻣﻴﻨﻲ ﺯﻱ ﺍﻟﻌﻴﻞ ﺍﻟﺼﻐﻴﺮ؟؟ ﻳﻨﻔﻊ ﺗﺎﺧﺪﻳﻨﻲ ﻓﻲ ﺣﻀﻨﻚ ﺯﻱ ﻣﺎ ﺑﺘﺎﺧﺪﻱ ﺭﻫﻒ ﻓﻲ ﺣﻀﻨﻚ ﻭﺗﻨﻮﻣﻴﻬﺎ؟؟
ﺷﻮﻕ ﻣﺎ ﺭﺩﺗﺶ ﺑﺲ ﻗﺮﺑﺖ ﻣﻨﻪ ﻭﻧﺎﻣﺖ ﺟﻨﺒﻪ ﻭﺍﺧﺪﺗﻪ ﻓﻲ ﺣﻀﻨﻬﺎ ﺯﻱ ﻣﺎ ﺑﺘﻌﻤﻞ ﻣﻊ ﺑﻨﺘﻬﺎ ﺑﺎﻟﻈﺒﻂ ... ﺿﻤﺘﻪ ﻭﻓﻀﻠﺖ ﺳﺎﻛﺘﻪ ﺍﻳﻮﻩ ﻓﻲ ﺣﺮﺏ ﺟﻮﺍﻫﺎ ﺑﺲ ﺣﺎﻟﻴﺎ ﻋﺎﻃﻔﺘﻬﺎ ﺍﻗﻮﻱ ﻣﻦ ﺍﻱ ﺣﺎﺟﻪ ﺗﺎﻧﻴﻪ ... ﺍﺣﺘﻴﺎﺟﻪ ﻟﻴﻬﺎ ﺍﻫﻢ ﻣﻦ ﺍﻱ ﺍﻋﺘﺒﺎﺭﺍﺕ ﺗﺎﻧﻴﻪ ... ﺑﺲ ﺻﻮﺕ ﻭﺍﺣﺪ ﺟﻮﺍﻫﺎ ﺑﻜﺮﻩ ﻫﻴﺮﻣﻴﻜﻲ ﺗﺎﻧﻲ ﻭﻳﺮﻭﺡ ﻟﺨﻄﻴﺒﺘﻪ !!!!
ﻣﺶ ﻣﻬﻢ ﺍﻟﻤﻬﻢ ﺣﺎﻟﻴﺎ ﺍﻧﻪ ﻣﺤﺘﺎﺟﻨﻲ ﻭﺍﻧﺎ ﻫﻔﻀﻞ ﺟﻨﺒﻪ ﻭﻳﻤﻜﻦ ﺗﻜﻮﻥ ﺩﻱ ﻓﺮﺻﺘﻬﺎ .....
ﺣﺎﺯﻡ ﻧﺎﻡ ﻟﺘﺎﻧﻲ ﻳﻮﻡ ﺍﻟﺼﺒﺢ ﻭﺻﺤﻲ ﻟﻠﺤﻈﻪ ﻣﺶ ﻋﺎﺭﻑ ﻫﻮ ﻓﻴﻦ ﻭﺍﻳﻪ ﺍﻟﻤﻜﺎﻥ ﺩﻩ؟؟ ﺑﺲ ﺍﻭﻝ ﻣﺎ ﺳﻤﻊ ﺻﻮﺕ ﺭﻫﻒ ﻭﺿﺤﻜﻬﺎ ﺍﺑﺘﺴﻢ ﻭﻗﺎﻡ ﻭﺧﺮﺟﻠﻬﻢ
ﺭﻫﻒ : ﺯﻭﻣﺎ ﺍﻧﺖ ﻧﻤﺖ ﻋﻨﺪﻧﺎ؟؟
ﺣﺎﺯﻡ : ﻋﻨﺪﻙ ﻣﺎﻧﻊ ﺯﺋﺮﺩﻩ ﻫﺎﻧﻢ ! ؟
ﺭﻫﻒ : ﻷ ﺍﻧﺎ ﻧﻔﺴﻲ ﺍﺻﻼ ﺗﻔﻀﻞ ﻣﻌﺎﻧﺎ ﻋﻠﻲ ﻃﻮﻝ
ﺣﺎﺯﻡ : ﻣﺎﺷﻲ ﻳﺎ ﺳﺘﻲ . ، . ﻫﺘﺮﻭﺣﻲ ﻣﺪﺭﺳﺘﻚ؟؟
ﺭﻫﻒ : ﺍﻳﻮﻩ ﻫﻨﺰﻝ ﺍﻫﻮﻩ ﻭﺍﺭﺟﻊ ﻫﺘﻠﻌﺐ ﻣﻌﺎﻳﺎ ﺍﺗﻔﻘﻨﺎ؟؟
ﺣﺎﺯﻡ : ﺍﺗﻔﻘﻨﺎ
ﻣﺸﻴﺖ ﺭﻫﻒ ﻭﺳﺎﺑﺘﻬﻢ ﺍﻻﺗﻨﻴﻦ ﻓﻲ ﺻﻤﺖ ﻣﺤﺪﺵ ﻋﺎﺭﻑ ﻳﻘﻄﻌﻪ
ﺷﻮﻕ : ﺍﻳﻪ ﺭﺃﻳﻚ ﻧﻔﻄﺮ ﺍﻛﻴﺪ ﺟﻌﺎﻥ؟؟
ﺣﺎﺯﻡ : ﻣﻴﺖ ﻣﺶ ﺟﻌﺎﻥ
ﺷﻮﻕ : ﻃﻴﺐ ﺗﻌﺎﻝ ﻧﻔﻄﺮ ﻣﻊ ﺑﻌﺾ ..
ﺷﺪﺗﻪ ﻭﺩﺧﻠﺖ ﺍﻟﻤﻄﺒﺦ ﻭﻫﻮ ﻗﻌﺪ ﻋﻠﻲ ﺍﻟﺘﺮﺑﻴﺰﻩ ﺍﻟﺼﻐﻴﺮﻩ ﻭﻫﻴﺎ ﺑﺘﺠﻬﺰ ﺍﻟﻔﻄﺎﺭ ﻭﺑﺘﻌﻤﻞ ﺣﺎﺟﺎﺕ ﻫﻮ ﺑﻴﺤﺒﻬﺎ
ﺷﻮﻕ : ﻧﻔﻄﺮ ﻫﻨﺎ ﻭﻻ ﺍﻃﻠﻊ ﻋﻠﻲ ﺍﻟﺼﻔﺮﻩ ﺑﺮﻩ؟؟
ﺣﺎﺯﻡ : ﻻ ﻫﻨﺎ ﻛﻮﻳﺲ .. ﺍﻟﺠﻮ ﺩﺍﻓﻲ ﻫﻨﺎ
ﻗﻌﺪﻭﺍ ﻳﻔﻄﺮﻭﺍ ﻣﻊ ﺑﻌﺾ .. ﺣﺎﺯﻡ ﺗﻔﻜﻴﺮﻩ ﻛﻠﻪ ﻓﻲ ﺷﺎﻫﻨﺪﺍ ﻭﺑﻴﺴﺄﻝ ﻧﻔﺴﻪ ﻳﺎﺗﺮﻱ ﺣﺎﻟﺘﻬﺎ ﺍﻳﻪ ﺩﻟﻮﻗﺘﻲ،؟؟
_ ﻟﻴﻪ ﺑﺘﻔﻜﺮ ﻓﻴﻬﺎ ﻓﻜﺮ ﻓﻲ ﺍﻟﻠﻲ ﻗﺪﺍﻣﻚ ﺍﻟﻠﻲ ﺑﺘﺘﻤﻨﺎﻟﻚ ﺍﻟﺮﺿﺎ ﺍﻫﻲ؟؟
+ ﻻ ﻣﺎ ﺍﻧﺖ ﺳﺒﻖ ﻭﺣﺒﻴﺘﻬﺎ ﻭﻛﺎﻧﺖ ﺑﺲ ﻋﺎﻳﺰﻩ ﻓﻠﻮﺳﻚ ﺍﻳﻪ ﺍﻟﻠﻲ ﺍﺗﻐﻴﺮ؟ ﻭﻻ ﺣﺎﺟﻪ ﻫﻴﺎ ﺑﺲ ﻣﺤﺘﺎﺟﻪ ﺭﺍﺟﻞ ﻳﺼﺮﻑ ﻋﻠﻴﻬﺎ ﻭﻋﻠﻲ ﺑﻨﺘﻬﺎ ﻭﺍﻧﺖ ﺑﺘﺄﻣﻨﻠﻬﺎ ﺩﻩ ﺍﻭﻋﻲ ﺗﻔﻬﻢ ﺍﻻﻣﻮﺭ ﻏﻠﻂ ﻋﻠﺸﺎﻥ ﺑﺲ ﻣﺎ ﺗﺘﻮﺟﻌﺶ ﺗﺎﻧﻲ
_ ﻭﺍﻳﻪ ﻳﻌﻨﻲ ﻫﺎﻩ !! ﻣﺎﻫﻴﺎ ﺩﻱ ﺗﻮﺑﻚ ﻋﻠﻲ ﺭﺃﻱ ﺣﻤﺎﺗﻚ ﻭﺍﺣﺪﻩ ﺗﻘﺪﺭ ﺗﻌﻮﺽ ﻋﺠﺰﻙ ﻣﻌﺎﻫﺎ ﺑﻤﺎﺩﻳﺎﺗﻚ .. ﻫﻴﺎ ﺷﻮﻕ ﺍﺧﺮﻙ .. ﻫﺘﺪﻳﻬﺎ ﻓﻠﻮﺱ ﻭﻫﺘﺮﺿﻲ ﻭﻣﺶ ﻫﺘﻄﻠﺐ ﻣﻨﻚ ﻓﻮﻕ ﻃﺎﻗﺘﻚ
+ ﻻ ﺷﺎﻫﻨﺪﺍ ﺑﺘﺤﺒﻚ ﻭﺍﻧﺖ ﻋﺎﺭﻑ ﻛﺪﻩ ﻛﻮﻳﺲ ﻭﻣﺴﺘﻌﺪﻩ ﺗﻌﻴﺶ ﻣﻌﺎﻙ ﺗﺤﺖ ﺍﻱ ﻇﺮﻭﻑ ﻭﺑﻌﺪﻳﻦ ﻣﺎ ﻳﻤﻜﻦ ﺗﺘﺤﺴﻦ
_ ﺍﻳﻪ ﺗﺘﺤﺴﻦ؟؟ ﺍﻧﺖ ﺑﺘﻀﺤﻚ ﻋﻠﻲ ﻧﻔﺴﻚ ﺻﺢ؟؟ ﻛﺎﻡ ﺳﻨﻪ ﺑﺘﺘﻌﺎﻟﺞ؟؟ ﻛﻠﻪ ﺍﻻ ﺗﻀﺤﻚ ﻋﻠﻲ ﻧﻔﺴﻚ ﺑﺎﻟﻄﺮﻳﻘﻪ ﺩﻱ ... ﺷﻮﻕ ﻻﻳﻘﻪ ﻋﻠﻴﻚ ﻗﻮﻱ ﻣﺶ ﺷﺎﻫﻨﺪﺍ ... ﺍﻧﺴﻲ ﺷﺎﻫﻲ ﺍﻧﺴﺎﻫﺎ ﺗﻤﺎﻣﺎ
ﺷﻮﻕ : ﻟﻮ ﻣﻀﻴﻘﺎﻙ ﺍﺳﻜﺖ؟؟
ﺣﺎﺯﻡ : ﺍﻳﻪ؟؟ ﺑﺘﻘﻮﻟﻲ ﺍﻳﻪ؟؟ ﺍﻧﺎ ﺍﺻﻼ ﻛﻨﺖ ﺳﺮﺣﺎﻥ ﻣﺎﺳﻤﻌﺘﻜﻴﺶ
ﺷﻮﻕ : ﺑﻘﻮﻟﻚ ﺍﻧﺖ ﺯﻋﻼﻥ ﻣﻊ ﺧﻄﻴﺒﺘﻚ؟؟
ﺣﺎﺯﻡ : ﻻ ﻣﺶ ﺯﻋﻼﻥ ﻣﻌﺎﻫﺎ
ﺷﻮﻕ : ﺍﻣﺎﻝ ... ﻳﻌﻨﻲ ﻟﻴﻪ ...
ﺣﺎﺯﻡ : ﻟﻴﻪ ﺟﺎﻱ ﻫﻨﺎ؟؟ ﺩﻩ ﻗﺼﺪﻙ؟؟ ﺍﻟﺪﻧﻴﺎ ﺿﺎﻗﺖ ﺑﻴﺎ ﻗﻮﻱ ﻭﻣﻠﻘﺘﺶ ﻣﻜﺎﻥ ﻏﻴﺮ ﺑﻴﺘﻚ ... ﻟﻮ ﻭﺟﻮﺩﻱ ﻣﻀﺎﻳﻘﻚ ﺍﻭ ﺣﺎﺳﻪ ﺍﻧﻲ ﻓﺎﺭﺽ ﻧﻔﺴﻲ ﻋﻠﻴﻜﻲ ﻗﻮﻟﻲ
ﺷﻮﻕ : ﺍﻳﻪ ﺍﻟﻠﻲ ﺍﻧﺖ ﺑﺘﻘﻮﻟﻪ ﺩﻩ؟؟ ﻭﺑﻌﺪﻳﻦ ﻓﻲ ﺍﻻﻭﻝ ﻭﻓﻲ ﺍﻻﺧﺮ ﺩﻩ ﺑﻴﺘﻚ ﻭﺍﻧﺖ ﺍﻟﻠﻲ ﻓﺎﺗﺤﻪ
ﺣﺎﺯﻡ : ﻭﺍﻧﺎ ﻣﺶ ﻋﺎﻳﺰﻙ ﺗﻔﺘﺤﻴﻠﻲ ﺍﻟﺒﻴﺖ ﻟﻤﺠﺮﺩ ﺍﻥ ﺩﻩ ﺑﻴﺘﻲ ﺍﻭ ﺍﻧﺎ ﻓﺎﺗﺤﻪ ...
ﺷﻮﻕ : ﺣﺎﺯﻡ .... ﻭﺟﻮﺩﻙ ﻓﻲ ﺑﻴﺘﻲ ﺍﻗﺼﻲ ﺍﻣﻞ ﻟﻴﺎ ... ﺟﺎﻭﺑﺘﻚ ﻛﺪﻩ؟
ﺣﺎﺯﻡ ﺍﺑﺘﺴﻢ ﻭﺳﻜﺖ ﺑﺲ ﺻﻮﺭﻩ ﺷﺎﻫﻨﺪﺍ ﻣﺶ ﻣﻔﺮﻗﺎﻩ
ﻗﻌﺪﻭﺍ ﻗﺪﺍﻡ ﺍﻟﺘﻠﻴﻔﺰﻳﻮﻥ ﺑﺲ ﺍﻟﺼﻤﺖ ﻗﺎﺗﻞ ﻭﻛﺄﻥ ﺍﻟﻜﻼﻡ ﺧﻠﺺ ﺍﻭ ﻧﺴﻴﻮﺍ ﺍﺯﺍﻱ ﻳﺘﻜﻠﻤﻮﺍ !! ﻛﻞ ﻭﺍﺣﺪ ﻏﺮﻗﺎﻥ ﻓﻲ ﺍﻓﻜﺎﺭﻩ ﺍﻟﺨﺎﺻﻪ . ﻗﻄﻊ ﺍﻓﻜﺎﺭﻫﻢ ﺟﺮﺱ ﺍﻟﺒﺎﺏ ﻓﻘﺎﻣﺖ ﺷﻮﻕ ﺗﻔﺘﺢ ﻭﻟﻘﺘﻪ ﻋﻠﻲ ﺍﻟﻠﻲ ﺩﺧﻞ ﻟﺤﺎﺯﻡ ﻭﻭﺍﻗﻒ ﻣﺶ ﻋﺎﺟﺒﻪ ﻣﻨﻈﺮﻩ ﻭﻗﻌﺪﺗﻪ ﻛﺪﻩ ﻗﺪﺍﻡ ﺍﻟﺘﻠﻔﺰﻳﻮﻥ ﺑﺎﺳﺘﺮﺧﺎﺀ ..
ﺣﺎﺯﻡ : ﺧﻴﺮ؟؟
ﻋﻠﻲ : ﺍﻧﺖ ﻗﺎﻋﺪ ﻗﺪﺍﻡ ﺍﻟﺘﻠﻴﻔﺰﻳﻮﻥ ﻭﻻ ﻋﻠﻲ ﺑﺎﻟﻚ ﺍﻟﻨﺎﺱ ﺍﻟﻠﻲ ﺑﺮﻩ !! ﺷﺎﻫﻨﺪﺍ ﺑﺮﻩ ﻣﻤﻮﺗﻪ ﻧﻔﺴﻬﺎ ﻭﺍﻧﺖ ﻭﻻ ﻋﻠﻲ ﺑﺎﻟﻚ ﺍﺻﻼ ﺻﺢ؟؟ ﻫﻴﺎ ﻣﺶ ﻓﻲ ﺑﺎﻟﻚ ... ﻫﻴﺎ ﺣﻴﺎﻟﻪ ﻣﺴﻜﻦ ﻣﺶ ﺍﻛﺘﺮ
ﺣﺎﺯﻡ : ﺍﻟﺤﺎﺟﻪ ﺍﻟﻠﻲ ﻣﺎ ﺗﻔﻬﻤﺶ ﻓﻴﻬﺎ ﻣﺎ ﺗﺘﻜﻠﻤﺶ ﻓﻴﻬﺎ ﻭﺑﻌﺪﻳﻦ ﺍﻋﺘﻘﺪ ﺍﻥ ﺩﻩ ﺷﻴﺊ ﻣﺎ ﻳﺨﺼﻜﺶ
ﻋﻠﻲ ﺑﺼﻮﺕ ﻋﺎﻟﻲ : ﻻ ﻳﺨﺼﻨﻲ ﻳﺎ ﺣﺎﺯﻡ ... ﻓﻲ ﻣﺮﻩ ﻗﻮﻟﺘﻠﻲ ﺍﻧﻲ ﻣﺶ ﻣﺠﺮﺩ ﻭﺍﺣﺪ ﺷﻐﺎﻝ ﻋﻨﺪﻙ ﻭﺍﻧﻲ ﺍﻛﺘﺮ ﻣﻦ ﺍﺥ ﻭﻋﻠﺸﺎﻥ ﻛﺪﻩ ﻳﺒﻘﻲ ﺣﺎﻟﻚ ﻳﺨﺼﻨﻲ
ﺣﺎﺯﻡ : ﻃﻴﺐ ﻳﺨﺼﻚ ﻋﺎﻳﺰ ﺍﻳﻪ ﺍﻧﺖ ﺩﻟﻮﻗﺘﻲ؟؟
ﻋﻠﻲ : ﺗﻘﻮﻡ ﻣﻌﺎﻳﺎ ﻭﺗﻘﺎﺑﻞ ﺷﺎﻫﻨﺪﺍ ... ﻫﻴﺎ ﺧﻄﻴﺒﺘﻚ ﻭﻟﻴﻬﺎ ﺣﻘﻮﻕ ﻋﻠﻴﻚ ﻭﺑﺘﺤﺒﻚ ﻭﺍﻧﺖ ﻋﺎﺭﻑ ﻛﺪﻩ ﻛﻮﻳﺲ ﺣﺮﺍﻡ ﺗﺴﻴﺒﻬﺎ ﻛﺪﻩ ﻣﺶ ﻋﺎﺭﻓﻪ ﺍﻱ ﺷﻴﺊ ﻭﻣﺶ ﻓﺎﻫﻤﻪ ﺣﺎﺟﻪ
ﺣﺎﺯﻡ : ﻷ ﻏﻴﺮﻩ ﻋﺎﻳﺰ ﺍﻳﻪ؟؟
ﻋﻠﻲ : ﺷﺎﻫﻨﺪﺍ ﻣﺎ ﺗﺴﺘﻬﺎﻟﺶ ﻣﻨﻚ ﻛﺪﻩ .. ﺷﺎﻫﻨﺪﺍ ﺑﺘﺮﻥ ﻋﻠﻴﺎ ﻛﻞ ﺧﻤﺲ ﺩﻗﺎﻳﻖ ﻭﻫﺘﻤﻮﺕ ﻋﻠﻴﻚ
ﻭﻫﻮ ﺑﻴﺘﻜﻠﻢ ﺗﻠﻴﻔﻮﻧﻪ ﺭﻥ ﻭﺑﺺ ﻟﻘﺎﻫﺎ ﺷﺎﻫﻨﺪﺍ ﻓﺒﺺ ﻟﺤﺎﺯﻡ ﻭﻓﺘﺢ ﺍﻟﺘﻠﻴﻔﻮﻥ ﻭﻓﺘﺢ ﺍﻻﺳﺒﻴﻜﺮ
ﺷﺎﻫﻨﺪﺍ : ﻋﺮﻓﺖ ﺍﻱ ﺣﺎﺟﻪ ﻋﻨﻪ ﻳﺎ ﻋﻠﻲ؟؟؟ ﻋﻠﻲ؟؟ ﺍﺭﺟﻮﻙ ﺍﻧﺎ ﺑﺲ ﻋﺎﻳﺰﻩ ﺍﻃﻤﻦ ﻋﻠﻴﻪ ﻣﺶ ﺍﻛﺘﺮ؟؟ ﺍﻧﺎ ﺧﺎﻳﻔﻪ ﻳﻜﻮﻥ ﺗﻌﺒﺎﻥ ﻓﻲ ﺍﻱ ﻣﻜﺎﻥ ﺍﺭﺟﻮﻙ ﻃﻤﻨﻲ ﻋﻠﻴﻪ
ﺷﺎﻫﻨﺪﺍ ﺑﺘﺘﻜﻠﻢ ﻭﻫﻴﺎ ﺑﺘﻌﻴﻂ ﻭﺷﻮﻕ ﻛﺎﻧﺖ ﺳﻤﻌﺎﻫﺎ ﻭﺩﻣﻮﻋﻬﺎ ﻧﺰﻟﺖ ﻫﻴﺎ ﻛﻤﺎﻥ ﻻﻧﻬﺎ ﺣﺎﺳﻪ ﺑﻴﻬﺎ ﻭﺍﻓﺘﻜﺮﺕ ﻟﻤﺎ ﺣﺎﺯﻡ ﺳﺎﻓﺮ ﺍﻭﻝ ﻣﺮﻩ ﻭﺍﻓﺘﻜﺮﺕ ﺧﻮﻓﻬﺎ ﻭﻗﻠﻘﻬﺎ ﻋﻠﻴﻪ ﻛﺎﻥ ﻧﻔﺴﻬﺎ ﺑﺲ ﻟﻮ ﺗﺴﻤﻊ ﺣﺮﻑ ﻣﻨﻪ !!!
ﺷﺎﻫﻨﺪﺍ : ﻋﻠﻲ ﺍﺭﺟﻮﻙ
ﻋﻠﻲ : ﺷﺎﻫﻨﺪﺍ ﻣﺎ ﺗﻘﻠﻘﻴﺶ ﺣﺎﺯﻡ ﻗﺪﺍﻣﻲ ﺍﻫﻮ ﻭﺳﺎﻣﻌﻚ
ﺣﺎﺯﻡ ﺑﺺ ﻟﻌﻠﻲ ﻭﻛﺎﻥ ﻋﺎﻳﺰ ﻳﻀﺮﺑﻪ
ﺷﺎﻫﻨﺪﺍ : ﺑﺠﺪ ! ؟؟ ﺣﺎﺯﻡ !! ﺣﺎﺯﻡ ﺣﺒﻴﺒﻲ !! ﺍﺭﺟﻮﻙ ﺑﺲ ﺳﻤﻌﻨﻲ ﺻﻮﺗﻚ !!! ﻃﻴﺐ ﻓﻲ ﺍﻳﻪ ﻣﺎﻟﻚ؟؟ ﻳﻌﻨﻲ ﻟﻮ ﺣﺎﺟﻪ ﺣﺼﻠﺖ ﻗﻮﻟﻲ ﻧﺤﻠﻬﺎ ﻣﻊ ﺑﻌﺾ !! ﺣﺎﺯﻡ ﺍﻧﺖ ﻭﻋﺪﺗﻨﻲ ﻣﺎ ﺗﺴﻴﺒﻨﻴﺶ ﺍﺭﺟﻮﻙ ﻳﺎ ﺣﺎﺯﻡ ... ﺑﺺ ﺍﻧﺖ ﻟﻮ ﻣﺤﺘﺎﺝ ﻓﺘﺮﻩ ﺗﺒﻌﺪ ﺑﺮﺍﺣﺘﻚ ﺑﺲ ﻃﻤﻨﻲ ﻋﻠﻴﻚ ﺑﺲ ... ﺣﺎﺯﻡ
ﺣﺎﺯﻡ ﻗﺎﻡ ﻭﻣﺴﻚ ﺍﻟﺘﻠﻴﻔﻮﻥ ﻣﻦ ﺍﻳﺪ ﻋﻠﻲ ﻭﻗﻔﻠﻪ ﻭﺣﻄﻬﻮﻟﻪ ﻓﻲ ﺍﻳﺪﻩ ﺗﺎﻧﻲ
ﺣﺎﺯﻡ : ﺍﻧﺖ ﺑﺘﺤﻄﻨﻲ ﻓﻲ ﺍﻣﺮ ﻭﺍﻗﻊ؟؟؟ ﻃﻴﺐ ﺍﻧﺎ ﻛﻨﺖ ﻣﺤﺘﺎﺝ ﻓﺘﺮﻩ ﺍﺑﻌﺪ ﻭﺍﻫﺪﻱ ﺑﺲ ﺑﻤﺎ ﺍﻧﻚ ﻣﺶ ﻋﺎﺟﺒﻚ ﺍﻟﺤﻞ ﺩﻩ ﻓﻌﻨﺪﻱ ﺣﻞ ﺗﺎﻧﻲ ﻫﻴﻌﺠﺒﻚ
ﺧﻠﻊ ﺩﺑﻠﺘﻪ ﻣﻦ ﺍﻳﺪﻩ ﻭﺣﻄﻬﺎ ﻓﻲ ﺍﻳﺪ ﻋﻠﻲ
ﺣﺎﺯﻡ : ﺭﻭﺡ ﻟﻌﻨﺪﻫﺎ ﺩﻟﻮﻗﺘﻲ ﻭﺍﺩﻳﻬﺎ ﺩﺑﻠﺘﻬﺎ ﻭﻗﻮﻟﻬﺎ ﺍﻥ ﻛﻞ ﺷﻴﺊ ﺍﻧﺘﻬﻲ ﻭﺍﻧﻲ ﻣﺶ ﻫﻜﻤﻞ ﻣﻌﺎﻫﺎ
ﻋﻠﻲ : ﺍﻧﺖ ﻣﺠﻨﻮﻥ ﻟﻴﻪ ﻛﺪﻩ؟ ﻫﻴﺎ ﺫﻧﺒﻬﺎ ﺍﻳﻪ ؟؟؟ ﻗﻮﻟﻲ ﺫﻧﺒﻬﺎ ﺍﻳﻪ؟؟ ﻣﺎﻣﺘﻬﺎ ﺯﻋﻠﺘﻚ ﻫﻴﺎ ﺫﻧﺒﻬﺎ ﺍﻳﻪ؟؟
ﺣﺎﺯﻡ : ﺑﺎﻟﻈﺒﻂ ﺍﻧﺖ ﺟﺒﺖ ﺍﻟﻤﻔﻴﺪ ﻫﻴﺎ ﺫﻧﺒﻬﺎ ﺍﻳﻪ؟؟ ﺫﻧﺒﻬﺎ ﺍﻳﻪ ﺗﻌﻴﺶ ﻣﻊ ﻭﺍﺣﺪ ﺯﻱ؟؟ ﻫﺎﻩ ﺭﺩ !!! ﺍﻣﻬﺎ ﻛﺎﻥ ﻋﻨﺪﻫﺎ ﺣﻖ ﻓﻲ ﻛﻞ ﺣﺮﻑ ﻧﻄﻘﺘﻪ ... ﻣﻐﻠﻄﺘﺶ ﻓﻲ ﺍﻱ ﻛﻠﻤﻪ ﻭﻻ ﺍﺗﺒﻠﺖ ﻋﻠﻴﺎ ﻣﺜﻼ ﻭﻟﻮ ﻛﺎﻧﺖ ﻭﻗﻔﺖ ﻟﺤﻈﻪ ﻛﻤﺎﻥ ﻛﻨﺖ ﻫﻘﻊ ﻣﻦ ﻃﻮﻟﻲ ﻗﺪﺍﻣﻬﺎ ... ﻓﺬﻧﺐ ﺷﺎﻫﻨﺪﺍ ﺍﻳﻪ ﺗﻜﻤﻞ ﻣﻊ ﺭﺍﺟﻞ ﺯﻳﻲ ... ﺭﺍﺟﻞ one operation ﺣﺎﺟﻪ ﻭﺍﺣﺪﻩ ﺑﺲ ﻓﻲ ﺍﻟﻴﻮﻡ ﻳﺎ ﺍﺧﺮﺝ ﻳﺎ ﺍﻗﻌﺪ ﻓﻲ ﺍﻟﺒﻴﺖ .. ﻭﻛﻤﺎﻥ ﻣﻤﻜﻦ ﺍﻗﻌﺪ ﻓﻲ ﺍﻟﺒﻴﺖ ﻭﺑﺮﺿﻪ ﺍﺑﻘﻲ ﺗﻌﺒﺎﻥ .. ﻓﺎﻳﻪ ﺍﻟﻠﻲ ﻳﺠﺒﺮﻫﺎ ﺗﻌﻴﺶ ﻣﻊ ﻭﺍﺣﺪ ﺯﻳﻲ؟؟ ﻭﺍﺣﺪﻩ ﻣﻠﻴﺎﻧﻪ ﻃﺎﻗﻪ ﻭﺣﻴﻮﻳﻪ ﻭﺍﺣﻼﻡ ﻭﻃﻤﻮﺡ .. ﺍﻧﺖ ﻣﺎﺷﻔﺘﻬﺎﺵ ﻭﻫﻴﺎ ﺑﺘﺘﻜﻠﻢ ﻋﻦ ﺍﻟﺼﻴﺪﻟﻴﻪ ﻭﺍﺣﻼﻣﻬﺎ ﻭﻃﻤﻮﺣﻬﺎ ﻭﺍﻧﺎ ﻣﺶ ﻫﻘﺪﺭ ﺍﺟﺎﺭﻳﻬﺎ
ﻋﻠﻲ : ﺍﻧﺖ ﺑﺘﺠﺎﺭﻳﻬﺎ ﺍﻫﻮ ﺍﻧﺖ ﻓﺘﺤﺘﻠﻬﺎ ﺍﻛﺒﺮ ﺻﻴﺪﻟﻴﻪ ﻓﻲ ﺍﻟﺸﺮﻕ ﺍﻻﻭﺳﻂ ﺑﺎﻋﻠﻲ ﻣﺴﺘﻮﻱ
ﺣﺎﺯﻡ : ﺑﻔﻠﻮﺳﻲ ... ﺗﺼﻤﻴﻢ ﻋﻤﻠﺘﻪ ﻭﺍﻧﺎ ﻗﺎﻋﺪ ... ﻟﻜﻦ ﻫﻞ ﻫﻘﺪﺭ ﺍﺳﺎﻋﺪﻫﺎ ﻓﻲ ﺍﺩﺍﺭﺗﻬﺎ ﺍﻭ ﻓﻲ ﻓﺮﺷﻬﺎ ﺍﻭ ﻓﻲ ﺍﻱ ﺣﺎﺟﻪ ﺗﺤﺘﺎﺝ ﻣﺠﻬﻮﺩ؟؟؟ ﻻ ﻃﺒﻌﺎ ... ﻭﺑﻌﺪﻳﻦ ﺷﺎﻫﻨﺪﺍ ﻏﻨﻴﻪ ﻭﺍﺑﻮﻫﺎ ﻏﻨﻲ ﻳﻌﻨﻲ ﻣﺶ ﻣﺤﺘﺎﺟﻪ ﻟﻔﻠﻮﺳﻲ
ﻋﻠﻲ : ﺑﺲ ﺑﺘﺤﺒﻚ ﻭﻣﺤﺘﺎﺟﻪ ﻟﺤﺒﻚ ﺩﻩ ﻭﻣﺘﻘﺒﻠﻪ ﻭﺿﻌﻚ
ﺣﺎﺯﻡ : ﻋﻠﺸﺎﻥ ﻟﺴﻪ ﻋﻠﻲ ﺍﻟﺒﺮ ... ﻟﻜﻦ ﻟﻤﺎ ﺗﺼﻄﺪﻡ ﺑﺎﻟﻮﺍﻗﻊ ﻫﺘﻔﻮﻕ ﻭﻋﻠﻲ ﺭﺃﻱ ﺍﻣﻬﺎ ﻫﺘﺘﺤﺴﺐ ﻋﻠﻴﻬﺎ ﺟﻮﺍﺯﻩ ﻋﻠﻲ ﺍﻟﻔﺎﺿﻲ
ﻋﻠﻲ : ﻫﻴﺎ ﺑﺲ ﺍﻟﻠﻲ ﻣﻦ ﺣﻘﻬﺎ ﺗﻘﺮﺭ ﻣﺶ ﺍﻧﺖ ﺍﻭ ﺍﻣﻬﺎ
ﺣﺎﺯﻡ : ﺍﻧﺖ ﻟﻴﻪ ﻣﺎ ﺑﺘﻔﻬﻤﺶ ... ﺍﻧﺎ ﻣﺶ ﻫﻘﺪﺭ ﺍﺳﺘﺤﻤﻞ ﺩﻩ . ﻣﺶ ﻫﻘﺪﺭ ﺍﺑﺴﻂ ﺣﺎﺟﻪ ﺍﺧﺪﻫﺎ ﺷﻬﺮ ﻋﺴﻞ ﺯﻱ ﺍﻟﻠﻲ ﺑﺘﺤﻠﻢ ﺑﻴﻪ ... ﻫﻴﺎ ﻋﺎﻳﺰﻩ ﺗﻠﻒ ﺍﻟﻌﺎﻟﻢ ﻭﺗﺮﻭﺡ ﺍﻱ ﺟﺰﻳﺮﻩ ﻭﺗﻠﻌﺐ ﻭﺗﺘﻨﻄﻂ ﺍﻧﺎ ﻫﻘﺪﺭ ﺍﻋﻤﻞ ﺩﻩ؟؟ ﺍﻩ ﺍﻧﺎ ﻣﻤﻜﻦ ﺍﺣﺠﺰﻟﻬﺎ ﺗﺮﻭﺡ ﻟﻮﺣﺪﻫﺎ ﺍﻳﻪ ﺭﺃﻳﻚ ﺑﻘﻲ ﻓﻲ ﺷﻬﺮ ﺍﻟﻌﺴﻞ ﺩﻩ ! ؟ ﻭﺩﻱ ﺍﺑﺴﻂ ﺍﻻﻣﻮﺭ
ﻋﻠﻲ : ﻓﻲ ﺍﻻﻻﻑ ﻣﺎ ﺑﻴﻌﻤﻠﻮﺵ ﺷﻬﺮ ﻋﺴﻞ ﻭﺑﻴﻘﻀﻮﻩ ﻓﻲ ﺑﻴﻮﺗﻬﻢ ﺍﻟﺪﻧﻴﺎ ﻣﺶ ﻫﺘﺘﻬﺪ
ﺣﺎﺯﻡ : ﻣﻌﺎﻙ ... ﺑﻴﻌﻤﻠﻮﺍ ﺍﻳﻪ ﻓﻲ ﺑﻴﻮﺗﻬﻢ؟؟ ﻫﺎﻩ؟؟ ﺍﻧﺎ ﺍﻱ ﻣﺠﻬﻮﺩ ﺑﻴﺘﻌﺒﻨﻲ ... ﻳﻌﻨﻲ ﻋﻼﻗﺘﻲ ﺑﻴﻬﺎ ﻫﺘﻜﻮﻥ ﺯﻱ ﺍﺗﻨﻴﻦ ﻣﺘﺠﻮﺯﻳﻦ ﻣﺜﻼ ﺑﻘﺎﻟﻬﻢ ﻋﺸﺮ ﺳﻨﻴﻦ .. ﻭﺩﻩ ﻓﻲ ﺷﻬﺮ ﺍﻟﻌﺴﻞ ﻓﻤﺎﺑﺎﻟﻚ ﺑﻌﺪ ﺳﻨﻪ ﻣﺜﻼ؟ ﻭﻣﺎ ﺑﺎﻟﻚ ﻟﻮ ﺍﻧﺎ ﺣﺎﻟﺘﻲ ﺍﺗﺪﻫﻮﺭﺕ ﻭﺑﻘﺖ ﺍﺳﻮﺃ؟؟
ﻋﻠﻲ : ﺑﺮﺿﻪ ﻳﺎ ﺣﺎﺯﻡ ﻣﺶ ﺩﻩ ﺍﻟﺤﻞ ... ﻭﺑﻌﺪﻳﻦ ﺍﻳﻪ ﻳﻌﻨﻲ؟ ﻓﻲ ﺑﻨﺎﺕ ﻛﺘﻴﺮ ﺻﻐﻴﺮﻩ ﺑﺘﺘﺠﻮﺯ ﺭﺟﺎﻟﻪ ﻓﻮﻕ ﺍﻟﺴﺘﻴﻦ ﻓﻬﻞ ﺩﻭﻝ ﺑﻴﺒﻘﻮﺍ ﺯﻱ ﺍﻟﺸﺒﺎﺏ؟؟ ﻻ ﻃﺒﻌﺎ ﺑﺲ ﺍﻫﻮ ﺍﻟﺤﻴﺎﻩ ﺑﺘﺴﺘﻤﺮ
ﺣﺎﺯﻡ ﺍﺗﺼﺪﻡ ﻣﻦ ﻋﻠﻲ ﻭﺍﺗﺠﺮﺡ ﺑﺲ ﻋﻠﻲ ﻣﺎ ﺍﺧﺪﺵ ﺑﺎﻟﻪ
ﺣﺎﺯﻡ : ﺭﻭﺡ ﻳﺎ ﻋﻠﻲ ﻣﻦ ﻫﻨﺎ
ﻋﻠﻲ : ﻻ ﻣﺶ ﻫﺮﻭﺡ ﺍﻧﺖ
ﻗﺎﻃﻌﻪ ﺣﺎﺯﻡ ﺑﺰﻋﻴﻖ : ﺍﻧﺖ ﻟﺴﻪ ﻣﺸﺒﻬﻨﻲ ﺑﺮﺍﺟﻞ ﻓﻮﻕ ﺍﻟﺴﺘﻴﻦ ﺑﻴﺘﺠﻮﺯ ﻋﻴﻠﻪ !!! ﺍﻧﺖ ﻋﺎﺭﻑ ﺍﻧﺎ ﻋﻤﺮﻱ ﻗﺪ ﺍﻳﻪ؟؟ ﺑﺲ ﻣﻌﻠﻮﻣﻪ ﺑﺴﻴﻄﻪ ﺍﻟﻌﻴﻠﻪ ﺍﻟﻠﻲ ﺑﺘﺘﺠﻮﺯ ﺭﺍﺟﻞ ﻓﻮﻕ ﺍﻟﺴﺘﻴﻦ ﻭﺑﺘﻌﻴﺶ ﻣﻌﺎﻩ ﻏﺎﻟﺒﺎ ﺑﺘﺒﻘﻲ ﻃﻤﻌﺎﻧﻪ ﻓﻲ ﺛﺮﻭﺗﻪ ﻭﺑﺘﺘﻤﻨﺎﻟﻪ ﺍﻟﻤﻮﺕ ﺍﻟﻨﻬﺎﺭﺩﻩ ﻗﺒﻞ ﺑﻜﺮﻩ ﻋﻠﺸﺎﻥ ﺗﻮﺭﺛﻪ ﻭﺳﺒﻖ ﻭﻗﻮﻟﺘﻠﻚ ﺷﺎﻫﻨﺪﺍ ﻏﻨﻴﻪ ... ﻋﻨﺪﻙ ﺍﺳﺒﺎﺏ ﺗﺎﻧﻴﻪ ﺍﻭ ﺗﺸﺒﻴﻬﺎﺕ ﺗﺎﻧﻴﻪ؟؟
ﻋﻠﻲ : ﺍﻧﺎ ﺍﺳﻒ ﻳﺎ ﺣﺎﺯﻡ ﻣﺎ ﺍﻗﺼﺪﺵ ﺑﺲ ﻣﺶ ﺍﻧﺖ ﺑﺮﺿﻪ ﺍﻟﻠﻲ ﺗﺎﺧﺪ ﺍﻟﻘﺮﺍﺭ ﺩﻩ ﻫﻴﺎ ﺑﺘﺤﺒﻚ
ﺣﺎﺯﻡ : ﻋﺎﺭﻑ ﺍﻧﻬﺎ ﺑﺘﺤﺒﻨﻲ ﻭﻋﻠﺸﺎﻥ ﻛﺪﻩ ﻣﺶ ﻫﺴﺘﺤﻤﻞ ﻣﻨﻬﺎ ﺍﻥ ﺍﻟﺤﺐ ﺩﻩ ﻳﺘﺤﻮﻝ ﻟﻌﺐﺀ ﻭﺣﻤﻞ ﻫﻴﺎ ﻣﻀﻄﺮﻩ ﺗﺴﺘﺤﻤﻠﻪ ... ﻣﺶ ﻫﺴﺘﺤﻤﻞ ﺍﺣﺲ ﺑﻨﺪﻣﻬﺎ ﺍﻭ ﺍﻧﻲ ﺑﻘﻴﺖ ﻋﺎﻟﻪ ... ﺍﻧﺎ ﺳﺒﻖ ﻭﺣﺴﻴﺖ ﺍﻻﺣﺴﺎﺱ ﺩﻩ ﻭﻭﺟﻌﻨﻲ ﻗﻮﻱ ﻭﻣﺎﻋﺮﻓﺘﺶ ﺍﺗﺨﻠﺺ ﻣﻨﻪ ﻟﺤﺪ ﺍﻟﻨﻬﺎﺭﺩﻩ ﻓﺎﻋﺬﺭﻧﻲ ﻣﺶ ﻋﺎﻳﺰ ﺍﺣﺴﻪ ﺗﺎﻧﻲ
ﻋﻠﻲ : ﻭﻟﻤﺎ ﺍﻧﺖ ﻣﻮﺟﻮﻉ ﻣﻦ ﺍﻻﺣﺴﺎﺱ ﺍﻻﻭﻻﻧﻲ ﺑﺘﻌﻤﻞ ﺍﻳﻪ ﻫﻨﺎ؟؟
ﺣﺎﺯﻡ : ﺍﻟﻈﺮﻭﻑ ﺍﺗﻐﻴﺮﺕ ﻭﺑﻌﺪﻳﻦ ﺷﻮﻕ ﺣﺎﻟﻴﺎ ﺍﻟﻠﻲ ﻣﺤﺘﺎﺟﺎﻩ ﺍﻧﺎ ﺍﻗﺪﺭ ﺍﺣﻘﻘﻬﻮﻟﻬﺎ
ﻋﻠﻲ : ﺍﻟﻠﻲ ﻫﻮ ﺍﻳﻪ؟؟
ﺣﺎﺯﻡ : ﻣﺴﺘﻘﺒﻞ ﻛﻮﻳﺲ ﻟﻴﻬﺎ ﻭﻟﺒﻨﺘﻬﺎ ... ﻫﻴﺎ ﻣﺤﺘﺎﺟﻪ ﻓﻠﻮﺱ ﻭﺍﻧﺎ ﻋﻨﺪﻱ ﻓﻠﻮﺱ ﻛﺘﻴﺮ ﺍﻗﺪﺭ ﺍﻗﺪﻣﻬﺎﻟﻬﺎ .. ﻫﻴﺎ ﻻﻳﻘﻪ ﻋﻠﻴﺎ ﻭﺍﻧﺎ ﻻﻳﻖ ﻋﻠﻴﻬﺎ
ﻋﻠﻲ : ﺍﻧﺖ ﺑﺘﻨﺰﻝ ﻣﻦ ﻗﻴﻤﺘﻚ ﻗﻮﻱ
ﺣﺎﺯﻡ : ﺭﺣﻢ ﺍﻟﻠﻪ ﺍﻣﺮﺉ ﻋﺮﻑ ﻗﺪﺭ ﻧﻔﺴﻪ ... ﻭﺍﻧﺎ ﻋﺎﺭﻑ ﻗﺪﺭﺍﺗﻲ ﺍﻳﻪ ﺍﻧﺖ ﺑﻘﻲ ﻣﺶ ﻣﺘﻘﺒﻠﻬﺎ ﺩﻱ ﺣﺎﺟﻪ ﺗﺮﺟﻌﻠﻚ ... ﺍﻧﺎ ﻗﻮﻟﺖ ﺍﻟﻠﻲ ﻋﻨﺪﻱ ﻭﻣﻌﻨﺪﻳﺶ ﻛﻼﻡ ﺗﺎﻧﻲ ... ﺍﺗﻔﻀﻞ ﺭﻭﺡ ﻟﺸﺎﻫﻨﺪﺍ ﻭﺍﻧﻬﻲ ﻛﻞ ﺣﺎﺟﻪ ﺍﺗﻔﻀﻞ
ﺳﺎﺑﻪ ﺣﺎﺯﻡ ﻭﺩﺧﻞ ﺍﻭﺿﻪ ﺍﻟﻨﻮﻡ ﻟﺸﻮﻕ ﺍﻟﻠﻲ ﺳﺎﺑﺘﻬﻢ ﻣﻦ ﺑﺪﺭﻱ ﻟﻮﺣﺪﻫﻢ ﻭﻗﻌﺪ ﺟﻨﺒﻬﺎ ﻋﻠﻲ ﺍﻟﺴﺮﻳﺮ ﻣﻦ ﻏﻴﺮ ﻭﻻ ﺣﺮﻑ ﻭﻓﻀﻠﻮﺍ ﺳﺎﻛﺘﻴﻦ ﻟﺤﺪ ﻣﺎ ﺳﻤﻌﻮﺍ ﻗﻔﻠﺖ ﺍﻟﺒﺎﺏ ﻭﺍﻭﻝ ﻣﺎ ﺣﺎﺯﻡ ﺳﻤﻌﻬﺎ ﻏﻤﺾ ﻋﻨﻴﻪ ﻭﺭﻗﺪ ﻋﻠﻲ ﺍﻟﺴﺮﻳﺮ
ﺣﺎﺯﻡ : ﻣﻤﻜﻦ ﺗﺴﻴﺒﻴﻨﻲ ﻟﻮﺣﺪﻱ ﺷﻮﻳﻪ ﻳﺎ ﺷﻮﻕ؟؟
ﺷﻮﻕ : ﺣﺎﺯﻡ ﺍﻧﺎ
ﺣﺎﺯﻡ : ﻟﻮ ﺳﻤﺤﺘﻲ
ﺧﺮﺟﺖ ﻭﺳﺎﺑﺘﻪ ﻭﻫﻴﺎ ﻣﺶ ﻋﺎﺭﻓﻪ ﺍﻥ ﻛﺎﻧﺖ ﺗﻔﺮﺡ ﻭﻻ ﺗﺰﻋﻞ ﺍﻧﻪ ﺳﺎﺏ ﺧﻄﻴﺒﺘﻪ؟؟ ﺟﺰﺀ ﻣﻨﻬﺎ ﺑﻴﻘﻮﻟﻬﺎ ﺍﻓﺮﺣﻲ ﺑﺲ ﻛﺴﺮﺗﻪ ﺩﻱ ﺑﺘﺪﻣﺮﻫﺎ ﻫﻴﺎ ... ﻭﻓﺠﺄﻩ ﺣﺴﺖ ﺍﻧﻬﺎ ﻣﺶ ﻫﺘﻜﻮﻥ ﻣﺒﺴﻮﻃﻪ ﺣﺘﻲ ﻟﻮ ﻫﻮ ﻋﺎﺵ ﻣﻌﺎﻫﺎ ﻻﻥ ﻫﻮ ﻗﻠﺒﻪ ﻣﻜﺴﻮﺭ ... ﺍﻟﻈﺎﻫﺮ ﺍﻧﻪ ﺑﻴﺤﺐ ﺷﺎﻫﻨﺪﺍ ﻗﻮﻱ ....
ﻋﻠﻲ ﺧﺮﺝ ﻣﻦ ﻋﻨﺪ ﺣﺎﺯﻡ ﻭﻫﻮ ﻣﻮﺟﻮﻉ ﻗﻮﻱ ﻋﻠﻴﻪ ﻭﻣﺶ ﻋﺎﺭﻑ ﻳﻌﻤﻞ ﺍﻳﻪ؟ ﺑﺲ ﺣﺎﺯﻡ ﻣﻨﻄﻘﻪ ﺻﺢ ﺟﺪﺍ؟؟ ﻟﻜﻦ ﺷﺎﻫﻨﺪﺍ ﺑﺮﺿﻪ ﺑﺘﺤﺒﻪ ﻭﻣﺴﺘﻌﺪﻩ ﻻﻱ ﺣﺎﺟﻪ ﻣﻌﺎﻩ ....
ﻫﻮ ﻣﻘﺘﻨﻊ ﺗﻤﺎﻣﺎ ﺍﻥ ﺍﻟﺼﺢ ﺍﻧﻬﻢ ﻳﺘﻘﺎﺑﻠﻮﺍ ﻭﻳﺘﻜﻠﻤﻮﺍ ﻣﻊ ﺑﻌﺾ ﺍﻻﻭﻝ ﻭﺩﻩ ﺍﻟﺼﺢ
ﺭﺍﺡ ﻟﺒﻴﺖ ﺷﺎﻫﻨﺪﺍ ﺍﻟﻠﻲ ﺍﻭﻝ ﻣﺎ ﺷﺎﻓﺘﻪ ﺟﺮﺑﺖ ﻋﻠﻴﻪ ﻭﺍﺗﻌﻠﻘﺖ ﻓﻴﻪ ﺯﻱ ﺍﻟﻐﺮﻳﻖ ﻭﺍﺑﻮﻫﺎ ﻭﺍﻣﻬﺎ ﻗﺎﻋﺪﻳﻦ
ﺷﺎﻫﻨﺪﺍ : ﻫﻮ ﻓﻴﻦ؟ ﻋﺮﻓﻨﻲ ﻣﻜﺎﻧﻪ ﺍﺭﺟﻮﻙ ﻳﺎ ﻋﻠﻲ
ﻋﻠﻲ : ﺍﻧﺎ ﺍﺳﻒ ﻳﺎ ﺷﺎﻫﻨﺪﺍ .. ﻫﻮ ﺑﺎﻋﺘﻠﻚ ﺣﺎﺟﻪ ﻣﻌﺎﻳﺎ
ﻓﺮﺣﺖ ﻟﻠﺤﻈﻪ : ﺑﺎﻋﺖ ﺍﻳﻪ؟؟ ﻭﺭﻳﻨﻲ ﺑﺴﺮﻋﻪ
ﻋﻠﻲ ﻃﻠﻊ ﺩﺑﻠﺘﻪ ﻭﺣﻄﻬﺎ ﻓﻲ ﺍﻳﺪﻫﺎ ﻭﻫﻴﺎ ﻣﺶ ﻣﺴﺘﻮﻋﺒﻪ ﺍﺻﻼ ﻟﻴﻪ ﻛﻞ ﺩﻩ؟؟؟ ﺍﻣﺒﺎﺭﺡ ﺑﺲ ﻛﺎﻧﻮﺍ ﻓﻲ ﻗﻤﻪ ﺳﻌﺎﺩﺗﻬﻢ؟؟ ﺍﻣﺒﺎﺭﺡ ﻛﺎﻥ ﺑﻴﺘﻐﺰﻝ ﻓﻴﻬﺎ؟؟ ﺍﻣﺒﺎﺭﺡ ﻛﺎﻥ ﺣﺒﻴﺒﻬﺎ ﺍﻟﻨﻬﺎﺭﺩﻩ ﺑﻴﺒﻌﺘﻠﻬﺎ ﺩﺑﻠﺘﻬﺎ ﻃﻴﺐ ﻟﻴﻪ؟؟ ﺍﻣﺒﺎﺭﺡ ﻛﺎﻥ ﻋﺎﻳﺰ ﻭﻋﺪﻫﺎ ﺍﻧﻬﺎ ﺗﻔﻀﻞ ﻓﻲ ﺣﻀﻨﻪ ﺍﻟﻨﻬﺎﺭﺩﻩ ﻫﻮ ﺍﻟﻠﻲ ﺑﻴﺴﻴﺒﻬﺎ ﻃﻴﺐ ﺍﺯﺍﻱ ؟؟؟
ﻣﻜﺮﻡ : ﺍﻳﻪ ﺩﻩ؟ ﻫﻮ ﻟﻌﺐ ﻋﻴﺎﻝ ﻭﻻ ﺍﻳﻪ؟ ﻭﻟﻤﺎ ﻫﻮ ﻣﺶ ﻫﻴﻜﻤﻞ ﻛﺎﻥ ﺑﻴﺎﺧﺪ ﺧﻄﻮﻩ ﻣﻦ ﺍﻻﻭﻝ ﻟﻴﻪ؟؟ ﺍﻧﺎ ﻛﻨﺖ ﺑﺤﺘﺮﻣﻪ ﻭﺑﻘﺪﺭﻩ ﺑﺲ ﺍﻟﻈﺎﻫﺮ ﺍﻧﻪ
ﻗﺎﻃﻌﻪ ﻋﻠﻲ : ﻗﺒﻞ ﻣﺎ ﺗﻐﻠﻂ ﻓﻴﻪ ﻳﺎﺭﻳﺖ ﺗﺒﻘﻲ ﻋﺎﺭﻑ ﺍﻳﻪ ﻇﺮﻭﻓﻪ
ﻣﻜﺮﻡ : ﻭﺍﻋﺮﻓﻬﺎ ﻣﻨﻴﻦ ﻇﺮﻭﻓﻪ ﻭﻫﻮ ﻣﺴﺘﺨﺒﻲ ﻭﻫﺮﺑﺎﻥ ﻛﺪﻩ ﻫﺎﻩ؟؟
ﻋﻠﻲ : ﻫﻮ ﻻ ﻣﺴﺘﺨﺒﻲ ﻭﻻ ﻫﺮﺑﺎﻥ ﻫﻮ ﺑﺲ ﻣﺤﺘﺎﺝ ﻭﻗﺖ ﻟﻮﺣﺪﻩ
ﺷﺎﻫﻨﺪﺍ : ﻃﻴﺐ ﻟﻴﻪ؟ ﻗﺎﻟﻚ ﺍﻳﻪ؟ ﻣﺎﻫﻮ ﻣﺶ ﻣﻌﻘﻮﻟﻪ ﺍﻣﺒﺎﺭﺡ ﻳﺒﻘﻲ ﻓﻲ ﺣﻀﻨﻲ ﻭﺍﻟﻨﻬﺎﺭﺩﻩ ﻳﺒﻌﺘﻠﻲ ﺩﺑﻠﺘﻪ ﺗﻴﺠﻲ ﺍﺯﺍﻱ ﺩﻱ؟؟ ﺍﺣﻨﺎ ﺣﺘﻲ ﻣﺎ ﺍﺗﺨﺎﻧﻘﻨﺎﺵ
ﻋﻠﻲ : ﻟﻴﻪ ﺩﻱ ﺗﺴﺄﻟﻴﻬﺎ ﻟﻮﺍﻟﺪﺗﻚ ﻭﺍﻋﺘﻘﺪ ﻫﻴﺎ ﻋﺎﺭﻓﻪ ﻟﻴﻪ؟؟
ﻣﻜﺮﻡ ﻭﺷﺎﻫﻨﺪﺍ ﺍﻻﺗﻨﻴﻦ ﺑﺼﻮﻟﻬﺎ
ﺳﺎﻣﻴﻪ : ﺑﺘﺒﺼﻮﻟﻲ ﻛﺪﻩ ﻟﻴﻪ؟ ﺍﻧﺎ ﻣﺎﻟﻴﺶ ﺩﻋﻮﻩ ... ﺍﻧﺖ ﻣﺎ ﺗﺮﻣﻴﺶ ﺑﻠﻲ ﺻﺎﺣﺒﻚ ﻋﻠﻴﺎ
ﺷﺎﻫﻨﺪﺍ : ﺗﻘﺼﺪ ﺍﻳﻪ ﻳﺎ ﻋﻠﻲ؟؟ ﺍﺭﺟﻮﻙ ﻓﻬﻤﻨﻲ
ﻋﻠﻲ : ﺍﻗﺼﺪ ﺍﻥ ﻭﺍﻟﺪﺗﻚ ﺍﻣﺒﺎﺭﺡ ﻃﻮﻝ ﺍﻟﻨﻬﺎﺭ ﺑﺘﻠﻒ ﺑﺤﺎﺯﻡ ﻋﻠﺸﺎﻥ ﻋﻴﺰﺍﻩ ﻳﻨﻬﺎﺭ ﻗﺪﺍﻣﻬﺎ ﻛﺎﻧﺖ ﻣﺴﺘﻨﻴﺎﻩ ﻳﺘﻌﺐ ﻭﻳﻮﻗﻊ ﻣﻦ ﻃﻮﻟﻪ ...
ﺳﺎﻣﻴﻪ : ﺍﻧﺖ ﻛﺪﺍﺏ
ﻋﻠﻲ : ﺣﻀﺮﺗﻚ ﺑﻌﺪ ﻣﺎ ﻭﺻﻠﻚ ﻟﻠﻔﻨﺪﻕ ﺍﺗﺤﺪﻳﺘﻴﻪ ﻗﺪﺍﻣﻲ ﻳﻮﻗﻒ ﺧﻤﺲ ﺩﻗﺎﻳﻖ ﻻﻧﻚ ﻛﻨﺘﻲ ﺣﺎﺳﻪ ﺍﻧﻪ ﺗﻌﺐ ﻭﺍﻧﻪ ﻋﻠﻲ ﺍﺧﺮﻩ ﻛﻨﺘﻲ ﻣﺴﺘﻨﻴﺎﻩ ﻳﻮﻗﻊ ... ﺍﺣﺐ ﺍﻗﻮﻟﻚ ﺍﻧﻚ ﺑﻌﺪ ﻣﺎ ﻣﺸﻴﺘﻲ ﻫﻮ ﺍﻧﻬﺎﺭ ﻭﻭﻗﻊ ﻓﻌﻼ ﺯﻱ ﻣﺎ ﻗﻮﻟﺘﻲ ﻭﺍﻗﺘﻨﻊ ﺑﻜﻞ ﺣﺮﻑ ﻗﻮﻟﺘﻴﻬﻮﻟﻪ ﻭﺍﻫﻮ ﺳﺎﺏ ﺑﻨﺘﻚ ﻻﻧﻪ ﻣﺶ ﻛﻔﺆ ﻟﻴﻬﺎ ﻭﺯﻱ ﻣﺎ ﺍﺛﺒﺘﻴﻠﻪ ﺍﻧﻪ ﻣﺶ ﻫﻴﻘﺪﺭ ﻳﻘﻮﻡ ﺑﻮﺍﺟﺒﺎﺗﻪ ﻛﺰﻭﺝ ﺑﻌﺪ ﻋﻨﻬﺎ ﻭﻋﺮﻑ ﺍﻧﻬﺎ ﻣﺎ ﺗﻠﻴﻘﺶ ﺑﻴﻪ ﻭﺍﻗﺘﻨﻊ ﺍﻧﻪ ﻣﻌﻨﺪﻭﺵ ﺍﻱ ﺷﻴﺊ ﻳﻘﺪﻣﻪ ﻟﺒﻨﺘﻚ ﻏﻴﺮ ﻓﻠﻮﺳﻪ ﻭﺑﻤﺎ ﺍﻧﻬﺎ ﻣﺶ ﻣﺤﺘﺎﺟﻪ ﻟﻔﻠﻮﺳﻪ ﺗﺒﻘﻲ ﻣﺶ ﻣﺤﺘﺎﺟﺎﻟﻪ ﻫﻮ ... ﻭﺍﻫﻮ ﺑﻌﺪ ﻣﻦ ﺩﻟﻮﻗﺘﻲ ﺑﺪﺍﻝ ﻣﺎ ﺗﺘﺤﺴﺐ ﻋﻠﻲ ﺑﻨﺘﻚ ﺟﻮﺍﺯﻩ ﻭﺍﻟﺴﻼﻡ ﻣﺶ ﺩﻩ ﻛﻼﻣﻚ ... ﻫﻮ ﻧﻔﺬﻫﻮﻟﻚ ﺑﺎﻟﺤﺮﻑ .. ﻫﻮ ﺍﺳﻒ ﺟﺪﺍ ﺑﺲ ﻣﺶ ﻫﻴﻘﺪﺭ ﻳﺤﺲ ﺍﻥ ﺣﺒﻚ ﻣﻤﻜﻦ ﻳﺘﺤﻮﻝ ﻟﻌﺐﺀ ﻭﺍﻧﻚ ﺗﺮﻣﻲ ﺣﺒﻪ ﻓﻲ ﻭﺷﻪ ﻫﻮ ﺳﺒﻖ ﻭﺍﺗﺠﺮﺡ ﻭﻣﺶ ﻋﺎﻳﺰ ﻳﺘﺠﺮﺡ ﺗﺎﻧﻲ ﻓﺎﻟﺨﻄﻮﻩ ﺩﻱ ﺩﻟﻮﻗﺘﻲ ﺍﺳﻬﻞ ﻣﻦ ﺑﻜﺮﻩ ﻭﺍﻟﺠﺮﺡ ﺍﺧﻒ
ﺷﺎﻫﻨﺪﺍ : ﺍﻧﺘﻲ ﻟﻴﻪ ﺑﺘﺪﺧﻠﻲ ﺑﻴﻨﺎ؟؟؟ ﺍﻧﺎ ﻗﺎﺑﻠﻪ ﻇﺮﻭﻓﻪ ﺩﻱ
ﺳﺎﻣﻴﻪ : ﺍﻧﺘﻲ ﻏﺒﻴﻪ ﻭﻣﺶ ﻓﺎﻫﻤﻪ؟؟ ﻛﻮﻳﺲ ﺍﻥ ﻫﻮ ﻓﺎﻕ ﻭﺍﻧﺴﺤﺐ ﻛﻮﻳﺲ ﺍﻧﻪ ﻋﺎﻗﻞ .. ﻫﺒﺪﺃ ﺍﺣﺘﺮﻣﻪ
ﻣﻜﺮﻡ : ﺍﻧﺘﻲ ﻣﺎﻟﻜﻴﺶ ﺣﻖ ﺗﺎﺧﺪﻱ ﺍﻟﻘﺮﺍﺭ ﺩﻩ ﻧﻴﺎﺑﻪ ﻋﻦ ﺑﻨﺘﻚ ﻫﻴﺎ ﻣﺶ ﺻﻐﻴﺮﻩ ﻭﺗﻌﺮﻑ ﻫﺘﺘﻘﺒﻞ ﺍﻳﻪ ﻭﺍﻳﻪ ﻷ
ﺳﺎﻣﻴﻪ : ﺩﻱ ﺑﻨﺘﻲ ﻭﺍﻧﺎ ﻣﺶ ﺷﻴﻔﺎﻩ ﻻﻳﻖ ﻋﻠﻴﻬﺎ ﻭﻻ ﻳﻨﺎﺳﺒﻬﺎ ﺍﺻﻼ
ﺷﺎﻫﻨﺪﺍ : ﺍﻧﺎ ﺣﺮﻩ ﺩﻱ ﺣﻴﺎﺗﻲ ﺍﻧﺎ ﻭﺍﻧﺎ ﺣﺮﻩ ﻓﻴﻬﺎ ... ﻋﻠﻲ ﺍﻧﺎ ﻻﺯﻡ ﺍﻗﺎﺑﻞ ﺣﺎﺯﻡ ﻻﺯﻡ
ﻋﻠﻲ : ﺳﻴﺒﻴﻪ ﻳﻮﻣﻴﻦ ﻳﻬﺪﻱ ﺍﻻﻭﻝ ﻭﻳﺴﺘﺮﺩ ﺛﻘﺘﻪ ﻓﻲ ﻧﻔﺴﻪ
ﺷﺎﻫﻨﺪﺍ : ﻻ ﻣﺶ ﻫﻘﺪﺭ ﺍﺳﻴﺒﻪ ﺑﻴﻔﻜﺮ ﺑﺎﻟﻄﺮﻳﻘﻪ ﺩﻱ ... ﻋﻠﻲ ﺍﻧﺎ ﺑﺤﺒﻪ ﻫﻮ ﻻﺯﻡ ﻳﻔﻬﻢ ﺩﻩ ... ﺍﻟﻠﻲ ﺑﻴﺤﺐ ﻋﻨﺪﻩ ﺍﻧﻪ ﻳﻘﻀﻲ ﻟﺤﻈﻪ ﻭﺍﺣﺪﻩ ﻓﻲ ﺣﻀﻦ ﺣﺒﻴﺒﻪ ﻋﻠﻲ ﺍﻧﻪ ﻳﻌﻴﺶ ﻋﻤﺮ ﻛﺎﻣﻞ ﺑﻌﻴﺪ ﻋﻨﻪ ﻟﻴﻪ ﻣﻔﻬﻤﺘﻮﺵ ﺩﻩ ... ﻗﺮﺑﻪ ﻣﻨﻲ ﺑﺎﻟﺪﻧﻴﺎ ﻭﻣﺎ ﻓﻴﻬﺎ
ﻋﻠﻲ : ﻭﺍﻟﻠﻪ ﻗﻠﺘﻠﻪ ﻛﻞ ﺩﻩ ﺑﺲ ﺣﺎﻟﻴﺎ ﻫﻮ ﻣﺸﻮﺵ ﺳﻴﺒﻴﻪ ﻳﺮﺗﺐ ﺍﻣﻮﺭﻩ ﻭﻳﻬﺪﻱ ﻭﺍﻧﺎ ﻫﺎﺧﺪﻙ ﻋﻨﺪﻩ ﻟﻜﻦ ﺣﺎﻟﻴﺎ ﻫﻮ ﻗﺎﻓﻞ ﻋﻘﻠﻪ ﺗﻤﺎﻣﺎ
ﻋﻠﻲ ﺳﺎﺑﻬﻢ ﻭﻣﺸﻲ ﻭﺷﺎﻫﻨﺪﺍ ﺍﺗﺨﺎﻧﻘﺖ ﻣﻊ ﺍﻣﻬﺎ ﺟﺎﻣﺪ ﻭﺍﺑﻮﻫﺎ ﻣﻌﺎﻫﺎ ﻓﻲ ﻛﻞ ﺧﻄﻮﻩ
ﺣﺎﺯﻡ ﻓﻲ ﺑﻴﺖ ﺷﻮﻕ ﻓﻲ ﺍﻭﺿﺘﻬﺎ ﺑﻴﻔﻜﺮ ﻓﻲ ﻛﻞ ﺣﺮﻑ ﺷﺎﻫﻨﺪﺍ ﻧﻄﻘﺘﻪ .. ﻋﻴﺎﻃﻬﺎ .. ﺗﺮﺟﻴﻬﺎ ﻟﻌﻠﻲ ... ﺣﺒﻬﺎ ﺍﻟﻠﻲ ﻛﺎﻥ ﻇﺎﻫﺮ ﻓﻲ ﻛﻞ ﺣﺮﻑ ﺑﺘﻨﻄﻘﻪ ...
ﺑﺲ ﻻ ﻗﺮﺍﺭﻩ ﺻﺢ ... ﻛﻔﺎﻳﻪ ﻋﻠﻴﻪ ﺷﻮﻕ
ﺧﺮﺝ ﻟﺸﻮﻕ ﻭﻗﻌﺪ ﻣﻌﺎﻫﺎ ﺑﺼﻤﺖ ﻛﺎﻟﻌﺎﺩﻩ ﺑﺲ ﻭﺟﻮﺩ ﺭﻫﻒ ﺧﺮﺟﻪ ﻣﻦ ﺣﺎﻟﺘﻪ ﻭﻓﻀﻞ ﻣﻌﺎﻫﺎ ﺍﻟﻴﻮﻡ ﻛﻠﻪ ﺑﻴﺤﺎﻭﻝ ﻳﺨﺮﺝ ﺻﻮﺭﻩ ﺷﺎﻫﻨﺪﺍ ﻭﺻﻮﺗﻬﺎ ﻭﻋﻴﺎﻃﻬﺎ ﻣﻦ ﺩﻣﺎﻏﻪ ﻭﺑﻴﺤﺎﻭﻝ ﻳﻠﻬﻲ ﻧﻔﺴﻪ ﻣﻊ ﺭﻫﻒ ﻭﺑﺲ
ﺍﻟﻠﻴﻞ ﺟﻪ ﻭﺭﻫﻒ ﻧﺎﻣﺖ ﻭﺳﺎﺑﺖ ﺣﺎﺯﻡ ﻻﻓﻜﺎﺭﻩ ﻭﻟﺸﻮﻕ ﺍﻟﻠﻲ ﻣﺶ ﻋﺎﺭﻓﻪ ﺗﻌﻤﻞ ﺍﻳﻪ؟ ﺍﻭ ﺗﺨﻔﻒ ﻋﻨﻪ ﺍﺯﺍﻱ؟؟
ﻛﺎﻥ ﻗﺎﻋﺪ ﺟﻨﺒﻬﺎ ﻭﺑﻴﺤﺎﻭﻝ ﻳﻘﻨﻊ ﻧﻔﺴﻪ ﺍﻧﻬﺎ ﻫﻴﺎ ﻭﺑﺲ ﻭﺍﻧﻬﺎ ﺣﺒﻴﺒﺘﻪ ﻭﺍﻥ ﺷﺎﻫﻨﺪﺍ ﻣﺠﺮﺩ ﺩﺧﻴﻠﻪ ﻓﻲ ﺣﻴﺎﺗﻪ
ﺷﻮﻕ : ﺣﺎﺯﻡ .. ﺍﺗﻜﻠﻢ .. ﺑﺘﻔﻜﺮ ﻓﻲ ﺍﻳﻪ؟ ﻗﻮﻝ ﺍﻱ ﺣﺎﺟﻪ
ﺣﺎﺯﻡ : ﻣﻔﻴﺶ ... ﻣﻤﻜﻦ ﺍﺳﺄﻟﻚ ﺳﺆﺍﻝ ﻭﺗﺠﺎﻭﺑﻴﻨﻲ ﻋﻠﻴﻪ؟؟
ﺷﻮﻕ : ﻃﺒﻌﺎ ﺍﺳﺄﻝ
ﺣﺎﺯﻡ : ﻫﻮ ﺍﻧﺘﻲ ﺣﺒﻴﺘﻴﻨﻲ ﻗﺒﻞ ﻛﺪﻩ؟؟
ﺷﻮﻕ : ﺍﻧﺖ ﻣﺶ ﻓﺎﻫﻢ ﺣﺎﺟﻪ ﻓﻲ ﺣﺎﺟﺎﺕ ﻛﺘﻴﺮﻩ ﻻﺯﻡ ﺗﻔﻬﻤﻬﺎ
ﺣﺎﺯﻡ : ﻣﺶ ﻋﺎﻳﺰ ﺍﻓﻬﻢ ﺣﺎﺟﻪ ﺍﻧﺎ ﻋﺎﻳﺰ ﻛﻠﻤﻪ ﻭﺍﺣﺪﻩ ﺑﺲ ﻭﺑﺎﻣﺎﻧﻪ ﺍﻩ ﻭﻻ ﻷ؟؟ ﺑﺲ
ﺷﻮﻕ ﺍﺗﻨﻬﺪﺕ : ﺍﻩ ﺣﺒﻴﺘﻚ
ﺣﺎﺯﻡ ﻗﺮﺏ ﻣﻨﻬﺎ ﻗﻮﻱ : ﻳﺒﻘﻲ ﻣﺶ ﻫﺘﻤﺎﻧﻌﻲ ﻟﻮ ﻋﻤﻠﺖ ﻛﺪﻩ
ﻣﻔﻬﻤﺘﺶ ﺑﺲ ﻫﻮ ﻓﻬﻤﻬﺎ ﺑﺴﺮﻋﻪ ﻳﻘﺼﺪ ﺍﻳﻪ ﻻﻧﻪ ﺣﻂ ﺷﻔﺎﻳﻔﻪ ﻋﻠﻲ ﺷﻔﺎﻳﻔﻬﺎ ﻭﺑﺎﺳﻬﺎ ...
ﻓﻀﻠﺖ ﻣﻌﺎﻩ ﻣﺶ ﻋﺎﺭﻓﻪ ﺗﻌﻤﻞ ﺍﻳﻪ؟ ﺗﺒﻌﺪ ﻭﻻ ﺗﻔﻀﻞ ﻓﻲ ﺣﻀﻨﻪ؟؟ ﻫﻴﺎ ﻣﺸﺘﻘﺎﻟﻪ ﻗﻮﻱ ﻭﺍﻟﻠﺤﻈﻪ ﺩﻱ ﺍﺳﺘﻨﺘﻬﺎ ﻣﻦ ﺯﻣﺎﻥ ﻗﻮﻱ ﺑﺲ ﺣﺎﻟﻴﺎ ﻫﻮ ﻣﺠﺮﻭﺡ ﻭﺍﺣﺘﻤﺎﻝ ﻛﺒﻴﺮ ﺗﻜﻮﻥ ﻫﻴﺎ ﻭﺳﻴﻠﻪ ﻣﺶ ﺍﻛﺘﺮ .. ﺣﺎﺟﻪ ﺑﻴﺤﺎﻭﻝ ﻳﻨﺴﻲ ﺑﻴﻬﺎ .. ﻫﻴﺎ ﺷﻴﻔﺎﻩ ﺍﻟﻴﻮﻡ ﻛﻠﻪ ﺑﻴﻔﻜﺮ ﻓﻲ ﺧﻄﻴﺒﺘﻪ ﻭﺑﻴﺘﺠﺎﻫﻠﻬﺎ ﺑﺮﻫﻒ ... ﻭﺍﻓﺘﻜﺮﺕ ﻣﺤﻤﻮﺩ ﻭﻫﻮ ﺑﻴﻘﻮﻟﻬﺎ ﻣﺴﺘﻨﻴﻪ ﺗﺨﻠﻔﻲ ﻋﻴﻞ ﻛﻤﺎﻥ ﻣﻨﻪ !!!! ﺟﻤﺪﺕ ﻭﻫﻮ ﺣﺲ ﺑﺪﻩ ﻓﺒﻌﺪ ﻋﻨﻬﺎ
ﺣﺎﺯﻡ : ﻫﻮ ﺍﻧﺎ ﻓﺎﺭﺽ ﻧﻔﺴﻲ ﻋﻠﻴﻜﻲ؟؟
ﺷﻮﻕ : ﻻ ﺍﺑﺪﺍ ﺑﺲ
ﺣﺎﺯﻡ : ﺑﺲ ﺍﻳﻪ؟ ﻋﺎﻳﺰﺍﻧﻲ ﺍﻣﺸﻲ؟؟
ﺷﻮﻕ : ﻫﻮ ﺍﻧﺖ ﻟﻴﻪ ﺻﻌﺐ ﻛﺪﻩ؟؟ ﺍﺳﺌﻠﺘﻚ ﺻﻌﺒﻪ ... ﻻ ﺍﻧﺖ ﻣﺶ ﻓﺎﺭﺽ ﻧﻔﺴﻚ ﻫﻨﺎ ﻭﺍﻧﺎ ﻋﻴﺰﺍﻙ ﺗﻔﻀﻞ ﻭﻣﺶ ﻋﻴﺰﺍﻙ ﺗﻤﺸﻲ ﺍﺑﺪﺍ ﻣﻤﻜﻦ ﺑﻘﻲ ﺗﺒﻄﻞ ﺍﺳﺌﻠﻪ ﺻﻌﺒﻪ؟؟
ﺣﺎﺯﻡ : ﺣﺎﺿﺮ ﻫﺒﻄﻞ ... ﺑﺲ ﺍﺧﺮ ﺳﺆﺍﻝ ﺍﻧﺎ ﺿﺎﻳﻘﺘﻚ؟
ﺷﻮﻕ : ﻻ ﻳﺎ ﺣﺎﺯﻡ ﻣﺎ ﺿﺎﻳﻘﺘﻨﻴﺶ ﺍﺳﻜﺖ ﺑﻘﻲ ..
ﺣﺎﺯﻡ : ﻃﻴﺐ ﻣﺎﻟﻚ؟؟ ﻣﺎﻫﻮ ﻣﺎ ﻳﻨﻔﻌﺶ ﻣﺎ ﺍﺳﺄﻟﺶ
ﺷﻮﻕ : ﺍﻧﺖ ﺍﻩ ﺑﺘﺒﻮﺳﻨﻲ ﺑﺲ ﺗﻔﻜﻴﺮﻙ ﻭﻛﻴﺎﻧﻚ ﻭﻛﻠﻚ ﻋﻠﻲ ﺑﻌﻀﻚ ﻣﻊ ﺷﺎﻫﻨﺪﺍ ﻣﺶ ﻣﻌﺎﻳﺎ ﻭﺩﻩ ﺍﻧﺎ ﺣﺴﺎﻩ ﻭﺷﻴﻔﺎﻩ ... ﺍﻧﺖ ﺑﻘﻲ ﻟﻴﻪ ﺑﺘﻜﺎﺑﺮ؟؟
ﺣﺎﺯﻡ : . ﺍﺣﻨﺎ ﺍﻟﻠﻲ ﺑﻴﻨﺎ ﺍﻧﺘﻬﻲ
ﺷﻮﻕ : ﻣﻴﻦ ﻗﺎﻝ ﻛﺪﻩ؟؟ ﻫﻮ ﺑﺎﻟﺴﻬﻮﻟﻪ ﺩﻱ؟؟ ﻣﻜﻨﺶ ﺣﺪ ﻏﻠﺐ ﺍﺑﺪﺍ
ﺣﺎﺯﻡ : ﻻ ﻣﺶ ﺑﺎﻟﺴﻬﻮﻟﻪ ﺩﻱ ﺑﺲ ﺍﻫﻮ ﺣﺼﻞ ﻭﺧﻼﺹ
ﺷﻮﻕ : ﺣﺎﺯﻡ ﻣﺎ ﺗﻈﻠﻤﻬﺎﺵ .. ﺍﻧﺖ ﻟﻴﻪ ﺑﺘﻔﻜﺮ ﺍﻥ ﻋﻼﻗﺘﻬﺎ ﺑﻴﻚ ﺫﻧﺐ؟؟ ﺍﻟﻮﺍﺣﺪ ﻟﻤﺎ ﺑﻴﺤﺐ ﺑﺠﺪ ﺑﻴﻜﻮﻥ ﺍﻗﺼﻲ ﺍﻣﺎﻧﻴﻪ ﻗﺮﺏ ﺣﺒﻴﺒﻪ ﻣﻨﻪ ﺗﺤﺖ ﺍﻱ ﻭﺿﻊ ﻭﺍﻱ ﺷﻜﻞ ﻭﺍﻱ ﻣﺴﻤﻲ .. ﺑﺘﺘﻤﺴﻚ ﺑﺎﻱ ﺣﺎﺟﻪ ﺣﺘﻲ ﻟﻮ ﻛﺎﻧﺖ ﻭﻫﻢ
ﺷﻮﻕ ﻛﺎﻧﺖ ﺗﻘﺼﺪﻩ ﻫﻮ ﺑﻜﻼﻣﻬﺎ ﺩﻩ ﺑﺲ ﺣﺎﺯﻡ ﻓﻬﻢ ﺍﻧﻬﺎ ﺗﻘﺼﺪ ﺟﻮﺯﻫﺎ ﺍﻟﻠﻲ ﺑﺘﺨﻠﺼﻠﻪ ﻭﺑﺘﺤﺒﻪ ﻭﻣﺘﻤﺴﻜﻪ ﺑﻴﻪ ﺑﺪﻟﻴﻞ ﺍﻧﻬﺎ ﻣﺴﻤﺤﺘﻠﻮﺵ ﻳﻠﻤﺴﻬﺎ
ﺣﺎﺯﻡ : ﺍﻧﺘﻲ ﺷﺎﻳﻔﻪ ﻛﺪﻩ؟
ﺷﻮﻕ : ﺷﺎﻫﻨﺪﺍ ﺑﺘﺤﺒﻚ ﻭﺩﻩ ﻭﺍﺿﺢ ﻗﻮﻱ ﻭﻭﺍﺿﺢ ﻣﻦ ﺻﻮﺗﻬﺎ ﻭﻗﻬﺮﺗﻬﺎ ﻭﻋﻴﺎﻃﻬﺎ ﺍﻟﻨﻬﺎﺭﺩﻩ .. ﺍﻋﺘﻘﺪ ﺍﻧﻬﺎ ﻣﺴﺘﻌﺪﻩ ﺗﻜﻮﻥ ﻣﻌﺎﻙ ﺑﺎﻱ ﺷﻜﻞ ﺍﻟﺴﺆﺍﻝ ﻫﻨﺎ ﺑﻘﻲ ﺍﻧﺖ ﻟﻴﻪ ﺑﺘﺒﻌﺪ ﻋﻨﻬﺎ؟؟ ﻣﺎ ﺑﺘﺤﺒﻬﺎﺵ ﻛﻔﺎﻳﻪ ﻣﺜﻼ ! ؟ ﺑﻌﺪﻙ ﻋﻨﻬﺎ ﻣﺎﻟﻮﺵ ﺗﻔﺴﻴﺮ ﺗﺎﻧﻲ
ﻗﺎﻟﺖ ﻛﻠﻤﺘﻬﺎ ﻭﺳﺎﺑﺘﻪ ﻭﻣﺸﻴﺖ ﻭﻫﻴﺎ ﻣﺴﺘﻐﺒﻴﻪ ﻧﻔﺴﻬﺎ ﺑﺪﺍﻝ ﻣﺎ ﺗﻘﻨﻌﻪ ﺑﺤﺒﻬﺎ ﺑﺘﻘﻨﻌﻪ ﻳﺮﺟﻊ ﻟﺨﻄﻴﺒﺘﻪ ﺩﻩ ﺍﻳﻪ ﻛﻤﻴﻪ ﺍﻟﻐﺒﺎﺀ ﺩﻱ؟ ؟
ﺣﺎﺯﻡ ﻓﻀﻞ ﻛﺘﻴﺮ ﻳﻔﻜﺮ ﻭﻣﺶ ﻋﺎﺭﻑ ﻓﻌﻼ ﻳﺎﺧﺪ ﻗﺮﺍﺭ ﻳﺴﻴﺒﻬﺎ ﻭﻻ ﻳﺮﺟﻌﻠﻬﺎ؟؟ ﻳﻔﻀﻞ ﻣﻊ ﺷﻮﻕ ﻭﻻ ﻳﺮﺟﻊ ﻟﺨﻄﻴﺒﺘﻪ؟؟ ﺣﻴﺮﻩ ﻣﻠﻬﺎﺵ ﺍﻭﻝ ﻣﻦ ﺍﺧﺮ
ﺍﻟﻔﺠﺮ ﻛﺎﻥ ﻋﻠﻲ ﺍﺫﺍﻥ ﻭﺷﺎﻫﻨﺪﺍ ﻗﺎﻋﺪﻩ ﻓﻲ ﺍﻭﺿﺘﻬﺎ ﺗﻌﻴﻂ ﻭﻣﺎﺳﻜﻪ ﺗﻠﻴﻔﻮﻧﻬﺎ ﻛﻞ ﺩﻗﻴﻘﻪ ﺗﺮﻥ ﻋﻠﻲ ﺣﺎﺯﻡ ﺗﺘﺄﻛﺪ ﻓﺘﺢ ﺗﻠﻴﻔﻮﻧﻪ ﻭﻻ ﻟﺴﻪ؟؟
ﺍﺧﻴﺮﺍ ﺗﻠﻴﻔﻮﻧﻬﺎ ﺭﻥ ﻭﻣﺼﺪﻗﺘﺶ ﻋﻨﻴﻬﺎ ﺍﻭﻝ ﻣﺎ ﺷﺎﻓﺖ ﺍﺳﻤﻪ
ﺷﺎﻫﻨﺪﺍ ﺑﻠﻬﻔﻪ : ﺣﺎﺯﻡ ﺍﺧﻴﺮﺍ
ﻗﺎﻃﻌﻬﺎ : ﺍﻧﺰﻟﻲ ﻭﺍﻃﻠﻌﻴﻠﻲ ﺑﺮﻩ ﺍﻧﺎ ﻗﺪﺍﻡ ﺍﻟﺒﻮﺍﺑﻪ ﻭﺷﻜﻞ ﺍﻟﺒﻮﺍﺏ ﻧﺎﻳﻢ
ﺷﺎﻫﻨﺪﺍ : ﻟﺤﻈﻪ ﻭﺍﺣﺪﻩ
ﻧﺰﻟﺖ ﺗﺠﺮﻱ ﺑﻠﻬﻔﻪ ﺑﺤﺐ ﺑﺸﻮﻕ ﻭﻛﺎﻥ ﻧﻔﺴﻬﺎ ﺗﻄﻴﺮ ﻣﺶ ﺑﺲ ﺗﺠﺮﻱ
ﺍﺑﻮﻫﺎ ﺣﺲ ﺑﻴﻬﺎ ﻭﺭﺍﻗﺒﻬﺎ ﺑﺲ ﻛﺎﻥ ﻣﺘﻮﻗﻊ ﺑﺘﺠﺮﻱ ﻟﻴﻪ ﺑﺲ ﻭﻭﻗﻒ ﻣﻦ ﺑﻌﻴﺪ ﻳﺸﻮﻓﻬﺎ ﺭﺍﻳﺤﻪ ﻓﻴﻦ؟
ﺷﻮﻕ ﺣﺴﺖ ﺑﺤﺎﺯﻡ ﻧﺎﺯﻝ ﻭﻋﺮﻓﺖ ﺍﻥ ﻛﻼﻣﻬﺎ ﺟﻪ ﻓﻲ ﺍﻟﺠﻮﻥ ﻭﺍﻧﻬﺎ ﺍﻗﻨﻌﺘﻪ ﻳﺮﺟﻊ ﻟﺤﺒﻴﺒﺘﻪ ﻭﺍﺑﺘﺴﻤﺖ ﺑﻮﺟﻊ ﻭﺗﻴﻘﻨﺖ ﺍﻥ ﺣﺎﺯﻡ ﺧﻼﺹ ﻣﺶ ﻟﻴﻬﺎ ﻫﻴﺎ ﻣﺠﺮﺩ ﺫﻛﺮﻱ ﺍﻭ ﻭﻫﻢ ﺍﻭ ﺣﺎﺟﻪ ﻋﺪﺕ ﻭﺍﻧﺘﻬﺖ
ﺷﺎﻫﻨﺪﺍ ﻧﺰﻟﺖ ﻭﻓﺘﺤﺖ ﺍﻟﺒﺎﺏ ﻟﺤﺎﺯﻡ ﻭﺍﻭﻝ ﻣﺎ ﺑﻘﻲ ﻗﺪﺍﻣﻬﺎ ﺭﻣﺖ ﻧﻔﺴﻬﺎ ﻓﻲ ﺣﻀﻨﻪ ﻭﻓﻀﻠﺖ ﺗﻌﻴﻂ ﻛﺘﻴﺮ ﻗﻮﻱ ...
ﺣﺎﺯﻡ ﺿﻤﻬﺎ ﻗﻮﻱ ﻟﻴﻪ ﻭﺍﻛﺘﺸﻒ ﺍﻧﻪ ﻫﻮ ﻛﻤﺎﻥ ﻣﻔﺘﻘﺪﻫﺎ ﺟﺪﺍ ﻓﻮﻕ ﻣﺎ ﻛﺎﻥ ﻣﺘﺨﻴﻞ .. ﺍﺧﻴﺮﺍ ﺑﻌﺪﻫﺎ ﻋﻨﻪ ﺷﻮﻳﻪ ﻭﻣﺴﺢ ﺩﻣﻮﻋﻬﺎ
ﺣﺎﺯﻡ : ﻣﻤﻜﻦ ﻧﺘﻜﻠﻢ؟؟
ﺷﺎﻫﻨﺪﺍ ﺑﻌﻴﺎﻁ : ﻻ ﻣﺶ ﻫﺘﻜﻠﻢ .. ﻣﺶ ﻫﺘﻜﻠﻢ ﻣﻌﺎﻙ ﻭﻣﺶ ﻫﺴﻤﺤﻠﻚ ﺗﺴﻴﺒﻨﻲ ... ﻣﺶ ﻫﺘﻜﻠﻢ
ﺭﺟﻌﺖ ﻟﺤﻀﻨﻪ ﺗﺎﻧﻲ ﺗﻌﻴﻂ ﻭﻫﻮ ﺷﻮﻳﻪ ﻭﺑﻌﺪﻫﺎ ﺗﺎﻧﻲ
ﺣﺎﺯﻡ : ﻃﻴﺐ ﻣﺶ ﻫﻴﻨﻔﻊ ﻧﻔﻀﻞ ﻭﺍﻗﻔﻴﻦ ﻋﻠﻲ ﺍﻟﺒﺎﺏ ﻛﺪﻩ ﻣﻤﻜﻦ ﻧﺪﺧﻞ ﺣﺘﻲ ﺍﻟﺠﻨﻴﻨﻪ ! ؟ ﻭﺑﻌﺪﻳﻦ ﻻﺯﻡ ﻧﺘﻜﻠﻢ
ﺷﺎﻫﻨﺪﺍ ﺩﺧﻠﺘﻪ ﻭﻗﻌﺪﻭﺍ ﻋﻠﻲ ﻛﻨﺒﻪ ﻓﻲ ﺍﻟﺠﻨﻴﻨﻪ ﻭﻣﺴﺤﺖ ﺩﻣﻮﻋﻬﺎ
ﺷﺎﻫﻨﺪﺍ : ﻫﺎﻩ؟ ﻋﺎﻳﺰ ﺗﻘﻮﻟﻲ ﺍﻧﻲ ﻛﻮﻳﺴﻪ ﻭﺍﻧﻲ ﻣﺎ ﺍﺳﺘﻬﺎﻟﺶ ﻛﻞ ﺩﻩ ﻭﺍﻧﻲ ﺍﺳﺘﺎﻫﻞ ﻭﺍﺣﺪ ﺍﺣﺴﻦ ﻣﻨﻚ ﻭﺍﻟﻜﻼﻡ ﺍﻟﻔﺎﺿﻲ ﺩﻩ؟؟
ﺣﺎﺯﻡ ﻣﺴﺢ ﺩﻣﻮﻋﻬﺎ : ﺍﻧﺘﻲ ﻓﻌﻼ ﺗﺴﺘﺎﻫﻠﻲ ﻭﺍﺣﺪ ﺍﺣﺴﻦ ﻣﻨﻲ ﺑﺲ ﺍﻧﺘﻲ ﻏﺒﻴﻪ
ﺷﺎﻫﻨﺪﺍ : ﺍﻧﺎ ﻣﺒﺴﻮﻃﻪ ﺑﻐﺒﺎﺋﻲ
ﺣﺎﺯﻡ : ﺧﻼﺹ ﻭﺍﻧﺎ ﻫﺴﺘﻐﻞ ﻏﺒﺎﺋﻚ ﺩﻩ ﻭﻫﻔﻀﻞ ﻣﻌﺎﻛﻲ ﻟﺤﺪ ﻣﺎ ﺍﻧﺘﻲ ﺗﻜﺘﻔﻲ ﻣﻨﻲ ﺧﻼﺹ؟
ﺷﺎﻫﻨﺪﺍ ﺑﻔﺮﺣﻪ : ﺑﺠﺪ؟؟ ﺑﺠﺪ ﻳﺎ ﺣﺎﺯﻡ؟؟
ﺣﺎﺯﻡ : ﺑﺠﺪ ﻳﺎ ﻗﻠﺐ ﺣﺎﺯﻡ
ﺷﺎﻫﻨﺪﺍ : ﻋﻠﻲ ﻓﻜﺮﻩ ﻟﻮ ﺍﻧﺎ ﻏﺒﻴﻪ ﻗﻴﺮﺍﻁ ﻓﺎﻧﺖ ﺍﻏﺒﻲ ﻣﻠﻴﻮﻥ ﻗﻴﺮﺍﻁ ﻻﻧﻚ ﺍﻋﻤﻲ ﻣﺶ ﻗﺎﺩﺭ ﺗﺸﻮﻑ ﻭﺗﻤﻴﺰ ﺣﺒﻲ ﻟﻴﻚ
ﺣﺎﺯﻡ : ﺧﻼﺹ ﻳﺒﻘﻲ ﺍﺣﻨﺎ ﺍﻻﺗﻨﻴﻦ ﺍﻏﺒﻴﻪ ﻭﻻﻳﻘﻴﻦ ﻟﺒﻌﺾ
ﺿﻤﻬﺎ ﺟﺎﻣﺪ ﻗﻮﻱ ﻭﺳﻨﺪ ﺭﺍﺳﻪ ﻋﻠﻲ ﺭﺍﺳﻬﺎ
ﺷﺎﻫﻨﺪﺍ : ﻟﻮ ﺳﻤﺤﺖ ﻣﺎ ﺗﺴﻤﻌﺶ ﻣﻦ ﺍﻱ ﺣﺪ ﺗﺎﻧﻲ .. ﻭﻣﺎ ﺗﺎﺧﺪﺵ ﻗﺮﺍﺭﺍﺕ ﻧﻴﺎﺑﻪ ﻋﻨﻲ .. ﻭﺍﻭﻋﻲ ﺗﺴﻴﺒﻨﻲ ﺑﺎﻟﺸﻜﻞ ﺩﻩ ﺗﺎﻧﻲ
ﺣﺎﺯﻡ : ﺣﺎﺿﺮ
ﺷﺎﻫﻨﺪﺍ : ﺍﻭﻋﺪﻧﻲ ﺍﻧﻚ ﻣﺶ ﻫﺘﺨﺘﻔﻲ ﺗﺎﻧﻲ ﻛﺪﻩ؟؟
ﺣﺎﺯﻡ : ﺍﻭﻋﺪﻙ
ﺷﺎﻫﻨﺪﺍ : ﻓﺮﺣﻨﺎ ﺯﻱ ﻣﺎ ﻫﻮ ﺑﻌﺪ ﺍﺳﺒﻮﻉ؟؟
ﺣﺎﺯﻡ : ﻓﺮﺣﻨﺎ ﺯﻱ ﻣﺎ ﻫﻮ ﺑﻌﺪ ﺍﺳﺒﻮﻉ
ﺷﺎﻫﻨﺪﺍ : ﺍﻧﺖ ﺍﺯﺍﻱ ﻣﺶ ﻗﺎﺩﺭ ﺗﺸﻮﻑ ﺣﺒﻲ ﻟﻴﻚ ﻫﺎﻩ؟؟
ﺷﺎﻫﻨﺪﺍ ﻗﺮﺑﺖ ﻣﻨﻪ ﻗﻮﻱ ﻭﻛﺄﻧﻬﺎ ﺑﺘﺪﻋﻮﻩ ﺩﻋﻮﻩ ﺧﻔﻴﻪ ﻳﻄﺒﻊ ﺍﺳﻤﻪ ﻋﻠﻲ ﺷﻔﺎﻳﻔﻬﺎ ﻭﻫﻮ ﻟﺒﻲ ﺍﻟﺪﻋﻮﻩ ﺩﻱ ﻭﺗﺨﻴﻞ ﺍﻧﻪ ﻫﻴﻔﺘﻜﺮ ﺷﻮﻕ ﺍﻭ ﺿﻤﻴﺮﻩ ﻫﻴﺄﻧﺒﻪ ﺑﺲ ﺍﻟﺸﻴﺊ ﺍﻟﺮﺣﻴﺪ ﺍﻟﻠﻲ ﺿﻤﻴﺮﻩ ﺃﻧﺒﻪ ﻋﻠﻴﻪ ﻫﻮ ﺑﻌﺪﻩ ﻋﻦ ﺷﺎﻫﻨﺪﺍ ﻣﻦ ﺍﻻﻭﻝ ﻭﺍﻧﻪ ﺭﺍﺡ ﻟﺸﻮﻕ ... ﻫﻨﺎ ﻣﻜﺎﻧﻪ ﻓﻲ ﺣﻀﻦ ﺷﺎﻫﻨﺪﺍ ﻭﺑﺲ ﺍﻛﺘﺸﻒ ﺍﻧﻪ ﻓﻲ ﺣﻀﻨﻬﺎ ﻃﺎﻳﺮ ﻭﺍﻧﻪ ﻋﺎﻳﺰ ﻳﻔﻀﻞ ﻛﺪﻩ ﻋﻠﻲ ﻃﻮﻝ ﻭﺍﻥ ﺍﺟﻤﻞ ﺷﻴﺊ ﻓﻲ ﺍﻟﺪﻧﻴﺎ ﻫﻮ ﺩﻋﻮﻩ ﺷﺎﻫﻨﺪﺍ ﻟﻴﻪ ..
ﺷﺎﻫﻨﺪﺍ : ﺻﺢ؟
ﺣﺎﺯﻡ : ﺍﻳﻪ؟
ﺷﺎﻫﻨﺪﺍ : ﺍﻳﻪ ﻫﻴﺎ ﻋﻤﻮﻟﺘﻚ ﻋﻠﻲ ﺍﻟﺼﻴﺪﻟﻴﻪ؟؟
ﺣﺎﺯﻡ : ﺍﻧﺘﻲ ﻟﺴﻪ ﻓﺎﻛﺮﻩ؟؟
ﺷﺎﻫﻨﺪﺍ : ﺍﻩ ﻓﺎﻛﺮﻩ ﺍﻳﻪ ﻫﻴﺎ ﺑﺒﻘﻲ؟؟
ﺣﺎﺯﻡ : ﺍﻧﻚ ﻛﻞ ﻳﻮﻡ ﺗﻨﺎﻣﻲ ﻓﻲ ﺣﻀﻨﻲ ﺣﺘﻲ ﻟﻮ ﺯﻋﻼﻧﻪ ﻣﻨﻲ ﻭﺍﻧﻚ ﻣﺎ ﺗﺒﻌﺪﻳﺶ ﻋﻨﻲ ﻭﻣﺎ ﺗﺨﺘﻔﻴﺶ ﺯﻱ ﻣﺎ ﺍﻧﺎ ﺍﺧﺘﻔﻴﺖ ﻛﺪﻩ ﻭﺍﻧﻲ ﺍﺻﺤﻲ ﺩﻳﻤﺎ ﻋﻠﻲ ﺍﺑﺘﺴﺎﻣﺘﻚ ﺍﻟﻠﻲ ﺑﻌﺸﻘﻬﺎ . ﻭﺍﻧﻚ ﺩﻳﻤﺎ ﺗﺪﻳﻨﻲ ﻓﺮﺻﻪ ﺗﺎﻧﻴﻪ .. ﻣﻤﻜﻦ؟؟
ﺷﺎﻫﻨﺪﺍ : ﻃﺒﻌﺎ ﻣﻤﻜﻦ ﻭﺩﻩ ﺍﻗﺼﻲ ﺍﻣﻞ ﻟﻴﺎ ...
ﺗﺎﻧﻲ ﻳﻮﻡ ﺣﺎﺯﻡ ﺭﺍﺡ ﻟﺸﻮﻕ ﻳﺸﻜﺮﻫﺎ ﻋﻠﻲ ﻭﻗﻔﺘﻬﺎ ﻣﻌﺎﻩ ﻭﻳﺒﺸﺮﻫﺎ ﺑﻤﻌﺎﺩ ﻓﺮﺣﻪ ﺍﻟﻠﻲ ﻗﺮﺏ ﻭﺑﻴﺤﻜﻴﻠﻬﺎ ﺑﺤﻤﺎﺱ ﻋﻦ ﺷﺎﻫﻨﺪﺍ ﻭﺗﺠﻬﻴﺰﺍﺗﻬﻢ ﻟﻠﻔﺮﺡ ﻭﻫﻴﺎ ﺑﺘﺴﻤﻊ ﺑﺎﺑﺘﺴﺎﻣﻪ ﻣﺼﻄﻨﻌﻪ ﻭﺑﻮﺟﻊ ﻛﺒﻴﺮ ﻗﻮﻱ ﺟﻮﺍﻫﺎ
الحلقه 13 من رواية لعبة القدر
ﺣﺎﺯﻡ : ﺍﻧﺎ ﻣﺤﺘﺎﺝ ﻣﻨﻚ ﺣﺎﺟﻪ ﺿﺮﻭﺭﻳﻪ ﺟﺪﺍ
ﻭﻃﻠﺐ ﻣﻨﻪ ﺍﻟﺤﺎﺟﻪ ﺍﻟﻠﻲ ﻣﺤﺘﺎﺟﻬﺎ
ﺍﻟﺪﻛﺘﻮﺭ : ﺍﻟﻠﻲ ﺍﻧﺖ ﺑﺘﻄﻠﺒﻪ ﺩﻩ ﻏﻠﻂ ﺟﺪﺍ ... ﻣﻦ ﻛﻞ ﺍﻟﻨﻮﺍﺣﻲ ﻏﻠﻂ ﻭﻣﺎ ﺍﻧﺼﺤﺶ ﺑﻴﻪ
ﺣﺎﺯﻡ : ﺍﻧﺎ ﻣﺎ ﻃﻠﺒﺘﺶ ﺭﺃﻳﻚ ﺍﻟﻄﺒﻲ
ﺍﻟﺪﻛﺘﻮﺭ : ﻭﺍﻧﺎ ﻛﺪﻛﺘﻮﺭ ﻭﻣﻄﻠﻊ ﻋﻠﻲ ﺣﺎﻟﺘﻚ ﺑﻘﻮﻟﻚ ﺍﺳﻒ ﻗﺮﺍﺭﻙ ﺩﻩ ﻏﻠﻂ ﻭﺧﺼﻮﺻﺎ ﻓﻲ ﻳﻮﻡ ﺯﻱ ﺩﻩ .. ﺍﻟﻨﻬﺎﺭﺩﻩ ﻓﺮﺣﻚ ... ﺭﻭﺡ ﺍﺗﺒﺴﻂ
ﺣﺎﺯﻡ : ﻟﻤﺎ ﺗﻨﻔﺬﻟﻲ ﻃﻠﺒﻲ ﺍﻻﻭﻝ ﻭﺍﻻﻧﺒﺴﺎﻁ ﻳﺠﻲ ﺑﻌﺪﻳﻦ
ﺍﻟﺪﻛﺘﻮﺭ : ﻏﻠﻂ ﻳﺎ ﺣﺎﺯﻡ ﻏﻠﻂ ﻭﺍﻟﻒ ﻏﻠﻂ
ﺣﺎﺯﻡ : ﺍﻳﻪ ﺍﻟﻠﻲ ﻏﻠﻂ ﻓﻴﻪ؟؟ ﻛﻞ ﺍﻟﺮﻳﺎﺿﻴﻦ ﻟﻤﺎ ﺑﻴﺘﺼﺎﺑﻮﺍ ﺑﻴﺎﺧﺪﻭﺍ ﺍﻟﺤﻘﻦ ﺩﻱ ﻭﺑﻴﻜﻤﻠﻮﺍ ﺍﻟﻤﺎﺗﺶ ﺑﺘﺎﻋﻬﻢ ﻋﺎﺩﻱ
ﺍﻟﺪﻛﺘﻮﺭ : ﻭﺑﻌﺪ ﺍﻟﻤﺎﺗﺶ؟؟ ﻣﺘﺨﻴﻞ ﺍﻧﺖ ﻛﻤﻴﻪ ﺍﻷﻟﻢ ﺍﻟﻠﻲ ﺑﻴﻮﺍﺟﻬﻮﻩ؟؟
ﺣﺎﺯﻡ : ﺍﺩﻳﻚ ﺍﻫﻮﻩ ﻗﻮﻟﺖ ﺑﻌﺪ ﺍﻟﻤﺎﺗﺶ ﺍﻟﻤﻬﻢ ﺍﻧﻬﻢ ﻟﻌﺒﻮﺍ ﻣﺎﺗﺸﻬﻢ ﻛﻮﻳﺲ ﻭﺍﻟﻤﺎﺗﺶ ﺑﺎﻟﻨﺴﺒﺎﻟﻲ ﻫﻮ ﺍﻟﻔﺮﺡ
ﺍﻟﺪﻛﺘﻮﺭ : ﻭﺑﻌﺪ ﻣﺎ ﺍﻟﻔﺮﺡ ﻳﺨﻠﺺ ﻭﺗﺮﻭﺡ؟؟ ﻣﺘﺨﻴﻞ ﻛﻤﻴﻪ ﺍﻻﻟﻢ ﺍﻟﻠﻲ ﻫﺘﻮﺍﺟﻬﻬﺎ؟؟ ﺍﻧﺖ ﺍﺻﻼ ﺗﻌﺒﻚ ﺑﻴﻜﻮﻥ ﺟﺎﻣﺪ ﺟﺪﺍ ﺗﺨﻴﻠﻪ ﻣﺘﻀﺎﻋﻒ ﻭﻓﻲ ﻟﻴﻠﻪ ﻓﺮﺣﻚ؟؟ ﻳﻌﻨﻲ ﺑﺪﺍﻝ ﻣﺎ ﺗﻌﻴﺶ ﻣﻊ ﻣﺮﺍﺗﻚ ﻫﺘﻜﻮﻥ ﻓﻲ ﻗﻤﻪ ﺍﻻﻟﻢ
ﺣﺎﺯﻡ : ﺍﻻﻟﻢ ﺩﻩ ﺷﻴﺊ ﺍﻧﺎ ﻣﺘﻌﻮﺩ ﻋﻠﻴﻪ ﻭﺑﻌﺪﻳﻦ ﺑﻌﺪ ﻣﺎ ﺍﺭﻭﺡ ﺍﺗﻌﺐ ﺍﻭ ﻣﺎ ﺍﺗﻌﺒﺶ ﻣﺶ ﻣﻬﻢ ﺍﻟﻤﻬﻢ ﺍﻟﻔﺮﺡ ﻳﻌﺪﻱ
ﺍﻟﺪﻛﺘﻮﺭ : ﺍﻳﻪ ﺍﻟﻤﻨﻄﻖ ﺍﻟﻐﺮﻳﺐ ﺩﻩ؟؟ ﻣﻌﻈﻢ ﺍﻟﺮﺟﺎﻟﻪ ﺑﻴﻬﺘﻤﻮﺍ ﺑﻠﻴﻠﻪ ﺍﻟﺪﺧﻠﻪ ﻭﺍﻧﺖ ﺑﺘﻬﺘﻢ ﺑﺎﻟﻔﺮﺡ ﻃﻴﺐ ﻟﻴﻪ؟
ﺣﺎﺯﻡ : ﻻﻥ ﺍﻟﻔﺮﺡ ﺩﻩ ﺑﻴﻜﻮﻥ ﻣﺮﻩ ﻓﻲ ﺍﻟﻌﻤﺮ ﻭﺑﺲ ﻣﺎ ﺑﺘﺘﻌﻮﺿﺶ ﺳﻮﺍﺀ ﻟﻴﺎ ﺍﻭ ﻟﻴﻬﺎ ﺍﻣﺎ ﻟﻴﻠﻪ ﺍﻟﺪﺧﻠﻪ ﺍﻟﻠﻲ ﺑﺘﺘﻜﻠﻢ ﻋﻨﻬﺎ ﻣﺶ ﺍﺳﺎﺳﻴﻪ ﺍﻭﻝ ﻳﻮﻡ ﻓﻲ ﻧﺎﺱ ﻛﺘﻴﺮﻩ ﺟﺪﺍ ﺑﺘﺄﺟﻠﻬﺎ ﻟﻤﺨﺘﻠﻒ ﺍﻻﺳﺒﺎﺏ ﻭﺑﻌﺪﻳﻦ ﻣﺤﺪﺵ ﻫﻴﺪﺧﻞ ﻣﻌﺎﻳﺎ ﺍﻭﺿﻪ ﻧﻮﻣﻲ ﻟﻜﻦ ﺍﻟﻜﻞ ﻫﻴﺤﻀﺮ ﻓﺮﺣﻲ ﻭﺑﻌﺪﻳﻦ ﻓﻲ ﻛﺘﻴﺮ ﻣﺴﺘﻨﻴﻦ ﺍﻟﻔﺮﺡ ﺩﻩ ﻭﻓﻲ ﻣﻨﻬﻢ ﺍﻟﻠﻲ ﻋﺎﻳﺰ ﻳﺸﻤﺖ ﺳﻮﺍﺀ ﻓﻴﺎ ﺍﻭ ﻓﻲ ﺷﺎﻫﻨﺪﺍ .. ﺍﻋﺘﻘﺪ ﻛﺪﻩ ﻭﺿﺤﺖ ﺍﻻﻣﻮﺭ ﻛﻠﻬﺎ
ﺍﻟﺪﻛﺘﻮﺭ : ﻣﺤﺪﺵ ﺑﻴﺸﻤﺖ ﻓﻲ ﺍﻟﺘﻌﺐ ﻭﺍﻟﻤﺮﺽ
ﺣﺎﺯﻡ : ﻻ ﻓﻲ ﻭﻓﻲ ﻛﺘﻴﺮ ﻗﻮﻱ ﻛﻤﺎﻥ ﻭﺍﻭﻟﻬﻢ ﺣﻤﺎﺗﻲ .. ﺍﻧﺎ ﺍﻧﺘﻬﻴﺖ ﻣﻦ ﺍﻗﻨﺎﻋﻚ ... ﺍﻧﺎ ﺣﺎﻟﻴﺎ ﻣﺤﺘﺎﺝ ﺣﻘﻨﻪ ﺗﺨﻠﻴﻨﻲ ﻭﺍﻗﻒ ﻋﻠﻲ ﺭﺟﻠﻴﺎ ﻃﻮﻝ ﻭﻗﺖ ﺍﻟﻔﺮﺡ ﻭﻣﺶ ﻭﺍﻗﻒ ﺑﺲ ﻛﻤﺎﻥ ﺑﻐﺾ ﺍﻟﻨﻈﺮ ﻋﻦ ﺍﺿﺮﺍﺭﻫﺎ ﻓﻴﻤﺎ ﺑﻌﺪ
ﺍﻟﺪﻛﺘﻮﺭﻩ : ﺍﻧﺎ ﻣﺎﺯﻟﺖ ﻣﺶ ﻣﻘﺘﻨﻊ
ﺣﺎﺯﻡ : ﺍﻧﺎ ﻋﺎﻳﺰ ﻣﺮﺍﺗﻲ ﺗﻌﻴﺶ ﻟﻴﻠﻪ ﻓﺮﺣﻬﺎ ﺯﻱ ﻣﺎ ﺗﺤﺐ ﻭﺗﻌﻤﻞ ﻛﻞ ﺍﻟﻠﻲ ﻧﻔﺴﻬﺎ ﻓﻴﻪ ﻣﻦ ﻏﻴﺮ ﻣﺎ ﺗﺸﻴﻞ ﻫﻢ ﺟﻮﺯﻫﺎ ﻳﻮﻗﻊ ﻣﻨﻬﺎ ﺍﻭ ﻳﻨﻬﺎﺭ ﺍﻭ ﻳﻨﻬﻲ ﺍﻟﻠﻴﻠﻪ ﺑﺴﺒﺐ ﺗﻌﺒﻪ ... ﺍﻳﻪ ﺍﻟﻐﺮﻳﺐ ﻓﻲ ﻛﺪﻩ؟ ... ﺍﻧﺎ ﺣﺎﻟﻴﺎ ﺍﻟﻤﻔﺮﻭﺽ ﺍﻛﻮﻥ ﺑﻠﺒﺲ ﻭﺍﺟﻬﺰ ﻓﺎﻧﺠﺰ ﻳﺎﻻ ... ﺍﻧﺖ ﻋﺎﺭﻑ ﺍﻧﻲ ﺍﻗﺪﺭ ﺍﺟﻴﺒﻬﺎ ﻣﻦ ﻏﻴﺮﻙ ﻓﻠﻮ ﺳﻤﺤﺖ؟
ﺍﻟﺪﻛﺘﻮﺭ : ﺣﺎﺿﺮ ﻳﺎ ﺣﺎﺯﻡ ﺑﺮﺍﺣﺘﻚ .....
ﺟﺎﺏ ﺍﻟﺤﻘﻨﻪ ﺍﻟﻤﻄﻠﻮﺑﻪ ﻭﻋﻄﺎﻫﺎ ﻟﺤﺎﺯﻡ ﻓﻲ ﻇﻬﺮﻩ ﻣﻜﺎﻥ ﺍﻻﻟﻢ ﻭﻫﻴﺎ ﻗﻀﺖ ﻋﻠﻲ ﺍﻻﻟﻢ ﺗﻤﺎﻣﺎ ﻭﻛﺄﻧﻪ ﻣﻠﻮﺵ ﻭﺟﻮﺩ
ﺍﻟﺪﻛﺘﻮﺭ : ﻣﻔﻌﻮﻟﻬﺎ ﻫﻴﺴﺘﻤﺮ ﻓﻲ ﺣﺪﻭﺩ 4 ﺳﺎﻋﺎﺕ -or+
ﺣﺎﺯﻡ : ﻣﺘﺸﻜﺮ ﺑﻌﺪ ﺍﺫﻧﻚ ... ﺍﺷﻮﻓﻚ ﻓﻲ ﺍﻟﻔﺮﺡ
ﻣﺸﻲ ﺣﺎﺯﻡ ﻭﻫﻮ ﺣﺎﺳﺲ ﺍﻧﻪ ﻣﻨﻄﻠﻖ ﺧﻔﻴﻒ ﻭﺟﻬﺰ ﻭﺭﺍﺡ ﻟﻌﺮﻭﺳﺘﻪ ﻳﺎﺧﺪﻫﺎ ﻣﻦ ﺍﻟﻜﻮﺍﻓﻴﺮ
ﺍﻭﻝ ﻣﺎ ﺷﺎﻓﻬﺎ ﻣﺎ ﺗﺨﻴﻠﺶ ﺍﻧﻬﺎ ﻫﺘﻜﻮﻥ ﺑﺎﻟﺠﻤﺎﻝ ﻭﺍﻟﺮﻗﻪ ﺩﻭﻝ ﻭﻛﺄﻧﻬﺎ ﺍﻣﻴﺮﻩ ﺧﻴﺎﻟﻴﻪ ﻃﺎﻟﻌﻪ ﻣﻦ ﻗﺼﺺ ﺃﻟﻒ ﻟﻴﻠﻪ ﻭﻟﻴﻠﻪ ... ﻗﺮﺏ ﻣﻨﻬﺎ ﻭﻣﺴﻚ ﺍﻳﺪﻳﻬﺎ ﻭﺑﺎﺳﻬﺎ
ﺷﺎﻫﻨﺪﺍ : ﺍﺧﻴﺮﺍ؟؟ ﺧﻔﺖ ﺗﻐﻴﺮ ﺭﺃﻳﻚ ﻭﻣﺎ ﺗﺠﻴﺶ
ﺣﺎﺯﻡ : ﻫﻮ ﺍﻧﺎ ﻣﺠﻨﻮﻥ ﺍﺳﻴﺐ ﺍﻟﻘﻤﺮ ﺩﻩ؟؟ ﺍﺯﺍﻱ ﻣﺎ ﺍﺟﻴﺶ ﻫﺎﻩ؟؟ ﺍﺯﺍﻱ؟؟ ﻳﺎﻻ ﺑﻴﻨﺎ
ﺷﺎﻫﻨﺪﺍ : ﻳﺎﻻ
ﺍﺩﻳﻬﻢ ﻓﻲ ﺍﺩﻳﻦ ﺑﻌﺾ ﻭﻃﻠﻌﻮﺍ ﻋﻠﻲ ﻗﺎﻋﻪ ﻓﺮﺣﻬﻢ ﺍﻟﻤﺰﺣﻮﻣﻪ ﻓﻮﻕ ﺍﻟﻌﺎﺩﻩ ..
ﻟﻠﺤﻈﻪ ﺗﺨﻴﻞ ﺍﻥ ﺍﻟﻠﻲ ﻣﻌﺎﻩ ﺩﻱ ﺷﻮﻕ ﻭﺍﻥ ﻫﻴﺎ ﻋﺮﻭﺳﺘﻪ ﺑﺲ ﺍﺳﺘﻐﺒﻲ ﻧﻔﺴﻪ ﻭﻟﻐﻲ ﺍﻟﻔﻜﺮﻩ ﻣﻦ ﺩﻣﺎﻏﻪ ﺗﻤﺎﻣﺎ ﻭﺑﺺ ﻟﻤﺮﺍﺗﻪ ﻭﺍﺑﺘﺴﻤﻠﻬﺎ
ﺍﺻﺤﺎﺏ ﺳﺎﻣﻴﻪ
# ﻫﻮ ﺑﻴﻌﺮﺝ؟؟
+ ﻣﺶ ﺑﻴﺘﻬﻴﺄﻟﻲ ﺑﻴﻌﺮﺝ
ﺳﺎﻣﻴﻪ : ﻟﻤﺎ ﺑﻴﺘﻌﺐ ﺑﻴﺘﺸﻞ ﺧﺎﻟﺺ ﻣﺶ ﺑﻴﻘﻮﻡ ﺍﺻﻼ ﻣﻦ ﻣﻜﺎﻧﻪ .. ﻣﺮﻩ ﻭﺍﺣﺪﻩ ﺗﻼﻗﻴﻪ ﺍﻧﻬﺎﺭ ﻛﺪﻩ .. ﻳﺎﻋﻴﻨﻲ ﻋﻠﻴﻜﻲ ﻳﺎ ﺑﻨﺘﻲ ﻭﻋﻠﻲ ﺑﺨﺘﻚ
"" ﺑﺲ ﺩﻩ ﻣﺰ ﻗﻮﻱ
ﺳﺎﻣﻴﻪ : ﻭﻫﻮ ﺑﺎﻟﺸﻜﻞ؟؟
# ﻭﺍﻟﻠﻪ ﻟﻮ ﻣﺶ ﻋﺎﻳﺰﺍﻩ ﻋﺮﻓﻴﻨﻲ ﻋﻠﻴﻪ ﻭﺍﻧﺎ ﺍﺧﺪﻩ ﻟﺒﻨﺘﻲ
ﺳﺎﻣﻴﻪ : ﺧﺪﻳﻪ ﻳﺎ ﺍﺧﺘﻲ
+ ﺑﻘﻲ ﺩﻩ ﺭﺍﺟﻞ ﻳﺘﺴﺎﺏ ﻳﺎ ﺳﺎﻣﻴﻪ؟؟ ﺩﻩ ﻛﻔﺎﻳﻪ ﻓﻠﻮﺳﻪ ﺍﻗﻞ ﺣﺎﺟﻪ ﻓﻴﻪ؟ ﻭﺑﻌﺪﻳﻦ ﺍﻋﺘﻘﺪ ﺍﻧﻪ ﻣﺤﺘﺮﻡ ﺟﺪﺍ ﻭﻟﻪ ﻣﻜﺎﻧﺘﻪ
ﺳﺎﻣﻴﻪ : ﻭﻧﻌﻤﻞ ﺑﻴﻪ ﺍﻳﻪ ﺍﻻﺣﺘﺮﺍﻡ ﻭﻫﻮ ﻣﺸﻠﻮﻝ ﻣﺎﻟﻮﺵ ﻻﺯﻣﻪ ﻫﺎﻩ؟؟
# ﻋﻠﻲ ﻛﺪﻩ ﺑﻘﻲ ﻫﻮ ﺑﻴﺨﻠﻒ ﻭﻻ؟؟
ﺳﺎﻣﻴﻪ : ﺍﻟﻠﻪ ﺍﻋﻠﻢ ﺑﻘﻲ
ﻋﻢ ﻋﺒﺪﺍﻟﻤﻨﻌﻢ ﻛﺎﻥ ﻣﻮﺟﻮﺩ ﻓﻲ ﺍﻟﻔﺮﺡ ﻭﺑﺎﺭﻙ ﻟﺤﺎﺯﻡ ﻭﺍﺗﻤﻨﺎﻟﻪ ﺣﻴﺎﻩ ﺳﻌﻴﺪﻩ ﻣﻊ ﺍﻟﻠﻲ ﻗﻠﺒﻪ ﺍﺧﺘﺎﺭﻫﺎ ﺑﺲ ﻫﻮ ﻛﻤﺎﻥ ﻓﻀﻠﻰ ﻳﺮﺍﻗﺒﻪ ﻃﻮﻝ ﺍﻟﻮﻗﺖ ﻭﻣﺴﺘﻐﺮﺏ ﺍﻳﻪ ﺳﺮ ﻗﻮﺗﻪ ﺍﻟﻠﻴﻠﻪ ﺩﻱ؟؟ ﻣﻤﻜﻦ ﻳﻜﻮﻥ ﺍﻟﺤﺐ؟؟ ﺍﻳﻪ ﻳﺎﺗﺮﻱ ﺍﻟﺴﺮ؟؟
ﺣﺎﺯﻡ ﺩﺍﺧﻞ ﻭﻻﺣﻆ ﻧﻈﺮﻩ ﺣﻤﺎﺗﻪ ﻟﻴﻪ ﻭﻛﺄﻧﻬﺎ ﻣﺴﺘﻨﻴﺎﻩ ﻳﻮﻗﻊ ﻭﻋﺮﻑ ﺍﻥ ﻗﺮﺍﺭﻩ ﻛﺎﻥ ﺻﺢ . ﺩﺧﻞ ﻭﺭﻗﺺ ﻫﻮ ﻭﻣﺮﺍﺗﻪ ﻋﻠﻲ ﺍﻧﻐﺎﻡ ﺍﻟﻤﻮﺳﻴﻘﻲ ﻭﺷﺎﻫﻨﺪﺍ ﻃﺎﻳﺮﻩ ﻣﻦ ﻓﺮﺣﺘﻬﺎ ﻭﺑﺘﺮﻗﺺ ﻣﻊ ﻋﺮﻳﺴﻬﺎ
ﺷﺎﻫﻨﺪﺍ : ﻟﻮ ﺗﻌﺒﺖ ﺍﻣﺎﻧﻪ ﻋﻠﻴﻚ ﺗﻘﻮﻟﻲ؟
ﺣﺎﺯﻡ : ﻟﻮ !! ﻣﺎ ﺗﻘﻠﻘﻴﺶ
ﺷﺎﻫﻨﺪﺍ : ﻟﻮ ﻣﺶ ﻫﻘﻠﻖ ﻋﻠﻴﻚ ﺍﻧﺖ ﺍﻗﻠﻖ ﻋﻠﻲ ﻣﻴﻦ؟؟
ﺣﺎﺯﻡ : ﺍﻧﺎ ﺑﻘﻮﻟﻚ ﺍﻫﻮ ﺍﻟﻨﻬﺎﺭﺩﻩ ﺍﻋﻤﻠﻲ ﻛﻞ ﺍﻟﻠﻲ ﻧﻔﺴﻚ ﻓﻴﻪ ﻣﺎ ﺗﻌﻤﻠﻴﺶ ﺣﺴﺎﺏ ﻻﻱ ﺣﺎﺟﻪ ﺍﻭ ﺍﻱ ﺣﺪ .. ﺍﻟﻨﻬﺎﺭﺩﻩ ﻳﻮﻣﻚ ﺍﻧﺘﻲ ﻭﺑﺲ
ﺷﺎﻫﻨﺪﺍ : ﻣﺶ ﺍﻧﺎ ﺑﺲ ﻳﻮﻣﻨﺎ ﺍﺣﻨﺎ ﺍﻻﺗﻨﻴﻦ .. ﺍﻟﻨﻬﺎﺭﺩﻩ ﺑﺘﺎﻋﻨﺎ
ﺣﺎﺯﻡ : ﺍﻟﻨﻬﺎﺭﺩﻩ ﺑﺲ؟؟ ﻛﻨﺖ ﻓﺎﻛﺮ ﺍﻥ ﺍﻧﺎ ﻣﺘﺠﻮﺯﻙ ﺍﻟﻌﻤﺮ ﻛﻠﻪ ﻣﺶ ﺍﻟﻨﻬﺎﺭﺩﻩ ﺑﺲ
ﺿﺤﻜﻮﺍ ﺍﻻﺗﻨﻴﻦ
ﺷﺎﻫﻨﺪﺍ : ﻋﻨﺪﻙ ﺣﻖ .. ﺍﻟﻨﻬﺎﺭﺩﻩ ﻭﺑﻜﺮﻩ ﻭﻛﻞ ﻳﻮﻡ ... ﻣﻦ ﻫﻨﺎ ﻭﺭﺍﻳﺢ ﻣﺤﺪﺵ ﻫﻴﺒﻌﺪﻧﺎ ﻋﻦ ﺑﻌﺾ ﺍﺑﺪﺍ
ﺣﺎﺯﻡ : ﺑﺈﺫﻥ ﺍﻟﻠﻪ
ﻓﻀﻠﻮﺍ ﻳﺮﻗﺼﻮﺍ ﻛﺘﻴﺮ ﻭﺍﻟﻤﻮﺳﻴﻘﻲ ﺑﺘﺘﻐﻴﺮ ﻋﻠﻴﻬﻢ ﻭﺍﻟﻜﻞ ﻃﺎﻟﻊ ﻣﻌﺎﻫﻢ ﻋﻠﻲ ﺍﻻﺳﺘﻴﺞ ﻭﺍﻟﺠﻮ ﻛﺎﻥ ﻛﻠﻪ ﺟﻨﻮﻥ
ﺣﺎﺯﻡ ﻛﺎﻥ ﺑﻴﺮﻗﺺ ﻣﻌﺎﻫﺎ ﺗﺎﻧﻲ ﺳﻠﻮ ﻭﺷﺎﻟﻬﺎ ﺍﻟﻤﺮﻩ ﺩﻱ ﻭﻓﻀﻞ ﻛﺘﻴﺮ ﻳﻠﻒ ﺑﻴﻬﺎ ﻭﻛﻞ ﺍﻟﺸﺒﺎﺏ ﺑﺘﻬﻴﺺ ﻭﺑﺘﺼﺮﺥ ﻭﺣﺎﻟﻪ ﺟﻨﻮﻥ ﻣﺴﻴﻄﺮﻩ ﻋﻠﻲ ﺍﻟﻜﻞ
https://www.facebook.com/unique.female1/
videos/1841867596049248 /
# ﻗﻮﻟﺘﻴﻠﻲ ﻳﺎ ﺳﺎﻣﻴﻪ ﻟﻤﺎ ﺑﻴﺘﻌﺐ ﺑﻴﺘﺸﻞ؟؟ ﺩﻩ ﻣﺶ ﺷﻜﻞ ﻭﺍﺣﺪ ﻣﺸﻠﻮﻝ ﺍﺑﺪﺍ ﺩﻩ ﺷﺎﺏ ﻓﻲ ﻗﻤﻪ ﻧﺸﺎﻃﻪ ... ﺍﻧﺘﻲ ﺑﺘﺨﺬﻱ ﺍﻟﻌﻴﻦ ﻋﻦ ﺑﻨﺘﻚ ﻭﻻ ﺍﻳﻪ؟؟
+ ﺗﻼﻗﻴﻬﺎ ﺧﺎﻳﻔﻪ ﻧﺤﺴﺪﻫﺎ ﻋﻠﻲ ﺍﻟﻤﺰ ﺍﻟﻠﻲ ﻭﺍﺧﺪﺍﻩ
ﺳﺎﻣﻴﻪ : ﻭﻻ ﺑﺨﺬﻱ ﺍﻟﻌﻴﻦ ﻭﻻ ﺣﺎﺟﻪ ﺍﻧﺎ ﺯﻳﻜﻢ ﻣﺶ ﻓﺎﻫﻤﻪ ﻫﻮ ﺍﻟﻨﻬﺎﺭﺩﻩ ﻛﺪﻩ ﻟﻴﻪ؟
"" ﻣﺎ ﺗﺴﻴﺒﻮﺍ ﺍﻟﻮﺍﺩ ﻓﻲ ﺣﺎﻟﻪ ﺑﻘﻲ .. ﻋﺮﻳﺲ ﻭﻓﺮﺣﺎﻥ ﻣﻊ ﻋﺮﻭﺳﺘﻪ .. ﺍﻧﺘﻮ ﺍﻳﻪ؟؟
ﺣﺎﺯﻡ ﺗﻘﺮﻳﺒﺎ ﻣﺎ ﻗﻌﺪﺵ ﻫﻮ ﻭﻣﺮﺍﺗﻪ ﻧﻬﺎﺋﻲ ﻣﻘﻀﻴﻨﻬﺎ ﺭﻗﺺ
ﻗﻄﻌﻮﺍ ﺍﻟﺘﻮﺭﺗﻪ ﻭﻗﻌﺪﻭﺍ ﻳﺘﻌﺸﻮﺍ ﻣﻊ ﺑﻌﺾ
ﻋﻢ ﻋﺒﺪﺍﻟﻤﻨﻌﻢ ﺭﺍﺣﻠﻮﻩ
ﻋﺒﺪﺍﻟﻤﻨﻌﻢ : ﻣﺒﺮﻭﻙ ﻳﺎ ﻋﻴﺎﻝ ﺭﺑﻨﺎ ﻳﺴﻌﺪﻛﻢ
ﺣﺎﺯﻡ ﻭﺷﺎﻫﻨﺪﺍ : ﺍﻟﻠﻪ ﻳﺒﺎﺭﻙ ﻓﻴﻚ
ﻋﺒﺪﺍﻟﻤﻨﻌﻢ : ﻋﻴﻨﻲ ﻋﻠﻴﻚ ﺑﺎﺭﺩﻩ ﺍﻟﻨﻬﺎﺭﺩﻩ
ﺣﺎﺯﻡ : ﻓﺮﺣﻲ ﺑﻘﻲ ﻫﻮ ﺍﻧﺎ ﻛﻞ ﻳﻮﻡ ﺑﺘﺠﻮﺯ
ﻋﺒﺪﺍﻟﻤﻨﻌﻢ : ﻳﺎﺭﻳﺘﻚ ﻛﻨﺖ ﺍﺗﺠﻮﺯﺕ ﻣﻦ ﺯﻣﺎﻥ ﻋﻠﻲ ﻛﺪﻩ ﺑﻘﻲ ﻳﺎﻻ ﺭﺑﻨﺎ ﻳﺴﻌﺪﻙ ﻭﻳﻌﻮﺿﻚ ﺧﻴﺮ ﺑﻤﺮﺍﺗﻚ ﻭﺗﻌﻴﺸﻮﺍ ﻣﺘﻬﻨﻴﻦ ﺑﺒﻌﺾ
ﺣﺎﺯﻡ ﻭﺷﺎﻫﻨﺪﺍ : ﺍﻟﻠﻬﻢ ﺍﻣﻴﻦ
ﺳﺎﺑﻬﻢ ﻭﻣﺸﻲ ﻭﻫﻤﺎ ﻓﻀﻠﻮﺍ ﻣﻊ ﺑﻌﺾ
ﺷﺎﻫﻨﺪﺍ : ﺍﻳﻪ ﺍﻟﺴﺮ ﺑﻘﻲ؟؟
ﺣﺎﺯﻡ : ﺳﺮ ﺍﻳﻪ؟
ﺷﺎﻫﻨﺪﺍ : ﺍﻧﺖ ﺑﺘﺘﻨﻄﻂ ﻣﻦ ﺍﻭﻝ ﺍﻟﻔﺮﺡ ﻭﺍﻧﺎ ﺧﺎﻳﻔﻪ ﺗﺘﻌﺐ
ﺣﺎﺯﻡ : ﻭﺍﺗﻌﺐ ﺍﻳﻪ ﺍﻟﻤﺸﻜﻠﻪ؟ ﺍﻟﻤﻬﻢ ﺍﻥ ﺍﻧﺎ ﺣﺎﻟﻴﺎ ﻣﺒﺴﻮﻁ
ﺷﺎﻫﻨﺪﺍ : ﺑﺲ ﺍﻧﺎ ﻣﺶ ﻋﻴﺰﺍﻙ ﺗﺘﻌﺐ
ﺣﺎﺯﻡ : ﻣﺎﻫﻮ ﻣﺶ ﺑﺎﻟﻠﻲ ﺑﻨﻌﻮﺯﻩ ﻭﻻ ﺍﻳﻪ؟ ﻛﺪﻩ ﻛﺪﻩ ﻫﺘﻌﺐ ﺍﻥ ﻣﻜﺎﻧﺶ ﺍﻟﻨﻬﺎﺭﺩﻩ ﺑﻜﺮﻩ ﺍﻭ ﺑﻌﺪﻩ ﺍﻟﻤﻬﻢ ﺍﻧﻲ ﺣﺎﻟﻴﺎ ﻛﻮﻳﺲ ﻭﺍﻟﻨﻬﺎﺭﺩﻩ ﻋﺎﻳﺰﻙ ﺍﺳﻌﺪ ﺍﻧﺴﺎﻧﻪ ﻓﻲ ﺍﻟﻜﻮﻥ ﻛﻠﻪ
ﺷﺎﻫﻨﺪﺍ ﻣﺴﻜﺖ ﺍﻳﺪﻩ : ﺍﻧﺎ ﺑﻘﻴﺖ ﺍﺳﻌﺪ ﺍﻧﺴﺎﻧﻪ ﺑﻤﺠﺮﺩ ﻣﺎ ﺍﺳﻤﻲ ﺍﺗﺮﺑﻂ ﺑﺎﺳﻤﻚ .. ﻣﺶ ﺑﺎﻧﻲ ﺍﺭﻗﺺ ﺍﻭ ﺍﺗﻨﻄﻂ ﻣﻌﺎﻙ ﺍﻩ ﺩﻩ ﺷﻴﺊ ﻛﻮﻳﺲ ﺑﺲ ﻣﺶ ﺩﻩ ﺍﻻﺳﺎﺱ
ﺣﺎﺯﻡ : ﻋﺎﺭﻑ ﺍﻥ ﻣﺶ ﺩﻩ ﺍﻻﺳﺎﺱ ﺑﺲ ﺍﻫﻮ ﻳﻮﻡ ﻣﻦ ﻧﻔﺴﻨﺎ ﻧﻌﻴﺸﻪ
ﺷﺎﻫﻨﺪﺍ : ﺍﻧﺎ ﺑﺤﺒﻚ ﻗﻮﻱ
ﺣﺎﺯﻡ ﺟﺎﻭﺑﻬﺎ ﺑﺎﻧﻪ ﻃﺒﻊ ﺑﻮﺳﻪ ﺭﻗﻴﻘﻪ ﻋﻠﻲ ﺷﻔﺎﻳﻔﻬﺎ ﻭﺍﺗﻤﻨﻲ ﺍﻧﻪ ﻳﻔﻀﻞ ﺑﺼﺤﺘﻪ ﻟﺤﺪ ﻣﺎ ﺍﻟﻨﻬﺎﺭ ﻳﻄﻠﻊ .. ﺍﺗﻤﻨﻲ ﺍﻧﻪ ﻳﻔﻀﻞ ﻛﺪﻩ ﻋﻠﻲ ﻃﻮﻝ .. ﺍﺗﻤﻨﻲ ﺍﻥ ﺍﻟﺤﺎﺩﺛﻪ ﺍﻟﻠﻲ ﻏﻴﺮﺕ ﺣﻴﺎﺗﻪ ﺗﻄﻠﻊ ﻛﺎﺑﻮﺱ ﻭﻫﻴﺼﺤﻲ ﻣﻨﻪ ...
ﺍﺧﻴﺮﺍ ﺍﻧﺘﻬﻲ ﺍﻟﻔﺮﺡ ﻭﺣﺎﺯﻡ ﺍﺧﺪ ﻣﺮﺍﺗﻪ ﻭﺭﻭﺡ ﻭﺭﺍﺣﻮﺍ ﺑﻴﺘﻬﻢ ﻭﺍﺗﻘﻔﻞ ﻋﻠﻴﻬﻢ ﺑﺎﺏ ﻭﺍﺣﺪ .. ﺣﺎﺯﻡ ﻛﺎﻥ ﺧﺎﻳﻒ ﻳﺘﻌﺐ ﺑﺲ ﺍﺗﻔﺎﺟﺊ ﺍﻧﻪ ﻣﺶ ﺗﻌﺒﺎﻥ ﻭﺍﻧﻪ ﻛﻮﻳﺲ ﺟﺪﺍ ﻭﻣﺴﺘﻐﺮﺏ ﺍﻧﻪ ﻓﺎﺕ ﺍﻛﺘﺮ ﻣﻦ ﺧﻤﺲ ﺳﺎﻋﺎﺕ ﻭﻣﺎ ﺗﻌﺒﺶ ﻭﺍﻋﺘﺒﺮ ﺍﻥ ﺩﻩ ﺗﻌﻮﻳﺾ ﻣﻦ ﺭﺑﻨﺎ ﺍﻭ ﻣﻜﺎﻓﺄﻩ ﻋﻠﻲ ﺻﺒﺮﻩ ﻋﻠﻲ ﻗﻀﺎﺅﻩ ﻭﻋﺪﻡ ﺍﻋﺘﺮﺍﺿﻪ ..
ﻋﺎﺵ ﻫﻮ ﻭﻣﺮﺍﺗﻪ ﻟﻴﻠﻪ ﺍﻟﻌﻤﺮ ﺑﺎﺣﻠﻲ ﻣﻌﺎﻧﻴﻬﺎ ﻭﺍﺧﺪ ﻣﺮﺍﺗﻪ ﻓﻲ ﺣﻀﻨﻪ ﻭﻧﺎﻣﻮﺍ ﻟﺤﺪ ﻣﺎ ﺍﻟﻨﻬﺎﺭ ﻃﻠﻊ
ﻓﺘﺢ ﻋﻨﻴﻪ ﻛﺎﻧﺖ ﻓﻲ ﺣﻀﻨﻪ ﻓﺎﺗﻌﺪﻝ ﻭﻓﻀﻞ ﻳﺮﺍﻗﺒﻬﺎ ﻭﻫﻴﺎ ﻧﺎﻳﻤﻪ : ﻗﺪ ﺍﻳﻪ ﺟﻤﻴﻠﻪ ﻭﻫﻴﺎ ﻧﺎﻳﻤﻪ؟؟ ﻭﺍﺟﻤﻞ ﻭﻫﻴﺎ ﺻﺎﺣﻴﻪ؟ ﻗﺪ ﺍﻳﻪ ﻫﻮ ﻣﺒﺴﻮﻁ؟؟ ﺑﻘﺎﻟﻪ ﺯﻣﻦ ﻣﺤﺴﺶ ﺑﺎﻟﺴﻌﺎﺩﻩ ﻛﺪﻩ !! ﺣﺎﺳﺲ ﺍﻧﻪ ﺍﻛﺘﻔﻲ ﻣﻦ ﺍﻟﺪﻧﻴﺎ ﺑﺸﺎﻫﻨﺪﺍ ﻭﺑﺲ ﻭﻣﺶ ﻋﺎﻳﺰ ﺣﺎﺟﻪ ﺗﺎﻧﻴﻪ ﻏﻴﺮﻫﺎ !!! ﻋﻨﺪﻩ ﺍﺳﺘﻌﺪﺍﺩ ﻳﻌﻴﺶ ﻋﻤﺮﻩ ﻛﻠﻪ ﻛﺪﻩ ﻓﻲ ﺳﺮﻳﺮ ﻭﺍﺣﺪ ﻭﻫﻴﺎ ﺟﻨﺒﻪ ﻭﻓﻲ ﺣﻀﻨﻪ ..
ﻭﻓﺠﺄﻩ ﺻﻮﺭﻩ ﺷﻮﻕ ﻗﺪﺍﻣﻪ ﻭﺗﺨﻴﻞ ﺍﻥ ﺍﻟﻠﻲ ﻓﻲ ﺣﻀﻨﻪ ﺩﻱ ﺷﻮﻕ ﻣﺶ ﺷﺎﻫﻨﺪﺍ
ﺣﺎﻭﻝ ﻳﻄﺮﺩ ﺻﻮﺭﺗﻬﺎ ﺑﺲ ﻣﺶ ﻋﺎﺭﻑ ﻭﻣﺴﺘﻐﺮﺏ ﻟﻴﻪ ﻓﺠﺄﻩ ﻛﻞ ﺷﻮﻳﻪ ﺻﻮﺭﺗﻬﺎ ﺗﻬﺎﺟﻤﻪ ﻛﺪﻩ ؟ ﻫﻮ ﻣﺎ ﺻﺪﻕ ﺍﺧﺪ ﻗﺮﺍﺭ ﻭﻧﻔﺬﻩ ﻭﻃﺮﺩﻫﺎ ﻣﻦ ﺗﻔﻜﻴﺮﻩ ؟؟
ﺷﺎﻫﻨﺪﺍ ﻓﺘﺤﺖ ﻋﻨﻴﻬﺎ ﻭﻟﻘﺘﻪ ﻣﺮﺍﻗﺒﻬﺎ ﻓﺎﺑﺘﺴﻤﺖ
ﺷﺎﻫﻨﺪﺍ : ﺻﺒﺎﺡ ﺍﻟﺨﻴﺮ ﻻﺣﻦ ﺭﺍﺟﻞ ﻓﻲ ﺍﻟﺪﻧﻴﺎ ﺩﻱ ﻛﻠﻬﺎ
ﺣﺎﺯﻡ : ﺻﺒﺎﺡ ﺍﻟﻨﻮﺭ ﻟﺴﺖ ﺍﻟﺤﺴﻦ ﻭﺍﻟﺠﻤﺎﻝ ..
ﺷﺎﻫﻨﺪﺍ : ﺑﺘﺮﺍﻗﺒﻨﻲ ﻟﻴﻪ؟
ﺣﺎﺯﻡ : ﻣﺎﺗﺨﻴﻠﺘﺶ ﺍﻥ ﻓﻲ ﺣﺪ ﺑﺎﻟﺠﻤﺎﻝ ﺩﻩ ﻭﻫﻮ ﻧﺎﻳﻢ
ﺷﺎﻫﻨﺪﺍ : ﻳﻌﻨﻲ ﺑﻜﻮﻥ ﺟﻤﻴﻠﻪ ﻭﺍﻧﺎ ﻧﺎﻳﻤﻪ ﺑﺲ؟؟
ﺣﺎﺯﻡ ﺍﺑﺘﺴﻢ : ﻭﺍﻧﺘﻲ ﻧﺎﻳﻤﻪ ﻭﺍﻧﺘﻲ ﺻﺎﺣﻴﻪ ﻭﺍﻧﺘﻲ ﺯﻋﻼﻧﻪ ﻭﺍﻧﺘﻲ ﻓﺮﺣﺎﻧﻪ .. ﺍﻧﺘﻲ ﻓﻲ ﻛﻞ ﺍﻟﺤﺎﻻﺕ ﺭﺍﺋﻌﻪ ﻣﺶ ﺟﻤﻴﻠﻪ ﺑﺲ
ﺷﺎﻫﻨﺪﺍ : ﺍﻳﻪ ﺩﻩ ﻛﻠﻪ؟ ﺩﻩ ﻋﻠﻲ ﻛﺪﻩ ﺍﻧﺖ ﺑﺘﺤﺒﻨﻲ ﺑﻘﻲ؟؟
ﺣﺎﺯﻡ : ﻭﻫﻮ ﺍﻧﺘﻲ ﻛﺎﻥ ﻋﻨﺪﻙ ﺷﻚ ﻓﻲ ﺩﻩ؟؟
ﺷﺎﻫﻨﺪﺍ : ﻻ ﻳﺎ ﺣﺒﻴﺒﻲ .... ﺗﻘﻮﻡ ﻧﻔﻄﺮ؟؟
ﺣﺎﺯﻡ : ﻧﻘﻮﻡ
ﺣﺎﺯﻡ ﺍﺧﺪ ﺷﻮﻕ ﻭﺳﺎﻓﺮﻭﺍ ﺷﻬﺮ ﻋﺴﻠﻬﻢ ﻭﻛﺎﻥ ﻓﻲ ﻣﺠﻤﻠﻪ ﺟﻤﻴﻞ ﺍﻭ ﺭﺍﺋﻊ ﺍﻩ ﺣﺎﺯﻡ ﺑﻴﺘﻌﺐ ﺑﺲ ﺷﺎﻫﻨﺪﺍ ﺑﺘﺴﺎﻋﺪﻩ ﻳﺘﺨﻄﻲ ﺍﻻﻟﻢ .. ﺯﻱ ﻣﺎ ﻳﻜﻮﻥ ﺑﺤﺒﻬﺎ ﺑﺘﻌﺪﻳﻪ ﺍﻭ ﺑﺘﺪﻳﻠﻪ ﻗﻮﻩ ﻏﺮﻳﺒﻪ .. ﺍﻭ ﻭﺟﻮﺩﻫﺎ ﺑﻴﻨﺴﻴﻪ ﺍﻻﻟﻢ ﻭﺑﻴﺨﻔﻔﻪ ﻛﺘﻴﺮ ...
ﺧﻠﺺ ﻟﻼﺳﻒ ﺷﻬﺮ ﺍﻟﻌﺴﻞ ﻭﺭﺟﻌﻮﺍ ﺍﻻﺗﻨﻴﻦ ﻟﻔﻴﻠﺘﻬﻢ ﻭﻻﺷﻐﺎﻟﻬﻢ .. ﺑﺎﺑﺎﻫﺎ ﻭﻣﺎﻣﺘﻬﻢ ﺟﻢ ﻳﺴﻠﻤﻮﺍ ﻋﻠﻴﻬﻢ ﺍﻭﻝ ﻣﺎ ﻋﺮﻓﻮﺍ ﺑﺮﺟﻮﻋﻬﻢ
ﻣﻜﺮﻡ : ﺣﻤﺪﺍﻟﻠﻪ ﻋﻠﻲ ﺍﻟﺴﻼﻣﻪ ﻳﺎ ﻋﻴﺎﻝ ﻭﺣﺸﺘﻮﻧﺎ
ﺳﺎﻣﻴﻪ : ﻋﺎﻣﻠﻪ ﺍﻳﻪ ﺣﺒﻴﺒﺘﻲ؟؟ ﻣﺒﺴﻮﻃﻪ ﺣﺒﻴﺒﺘﻲ ؟؟
ﺷﺎﻫﻨﺪﺍ : ﺍﺗﺒﺴﻄﺖ؟؟ ﺩﻩ ﺍﻧﺎ ﻛﻨﺖ ﻋﺎﻳﺸﻪ ﻓﻲ ﻭﻫﻢ .. ﻓﻲ ﺣﻠﻢ ﺟﻤﻴﻞ ﻣﻜﻨﺘﺶ ﻋﻴﺰﺍﻩ ﻳﺨﻠﺺ ﺍﺑﺪﺍ
ﺣﺎﺯﻡ : ﻟﻴﻪ ﻭﻫﻢ؟؟ ﺍﻧﺎ ﻭﺍﻧﺘﻲ ﻟﺴﻪ ﻣﻊ ﺑﻌﺾ
ﺷﺎﻫﻨﺪﺍ : ﺍﻳﻮﻩ ﺑﺲ ﻫﻨﺮﺟﻊ ﻟﻠﺸﻐﻞ ﻭﺍﻟﺤﻴﺎﻩ ﺍﻟﻐﻠﺴﻪ
ﺣﺎﺯﻡ : ﻭﺍﻟﻠﻪ ﺍﺣﻨﺎ ﺑﺮﺍﺣﺘﻨﺎ ﻳﻮﻡ ﻣﺎ ﻧﺰﻫﻖ ﻧﻄﻠﻊ ﻋﻠﻲ ﺍﻱ ﻣﻜﺎﻥ ﻧﻐﻴﺮ ﺟﻮ
ﺷﺎﻫﻨﺪﺍ : ﺍﻋﺘﺒﺮ ﺩﻩ ﻭﻋﺪ ﻣﻨﻚ ﻗﺪﺍﻣﻬﻢ؟؟
ﺣﺎﺯﻡ : ﻭﺍﻧﺎ ﻣﻦ ﺍﻣﺘﻲ ﺑﺮﺟﻊ ﻓﻲ ﻛﻼﻣﻲ ﻣﻌﺎﻛﻲ؟؟ ﻣﺎﺷﻲ ﻳﺎ ﺳﺘﻲ ﺍﻋﺘﺒﺮﻳﻪ ﻭﻋﺪ
ﻣﻜﺮﻡ : ﺭﺑﻨﺎ ﻳﺴﻌﺪﻛﻢ ﻳﺎ ﻋﻴﺎﻝ ... ﺍﻟﻤﻬﻢ ﺻﺤﺘﻚ ﺍﺧﺒﺎﺭﻫﺎ ﺍﻳﻪ ﻳﺎ ﺣﺎﺯﻡ؟؟
ﺳﺎﻣﻴﻪ : ﺍﻩ ﻃﻤﻨﺎ ﻋﻠﻴﻚ ﺗﻼﻗﻴﻚ ﻛﻨﺖ ﺑﺘﺘﻌﺐ ﻛﺘﻴﺮ؟؟
ﺷﺎﻫﻨﺪﺍ : ﻻ ﺍﻃﻤﻨﻲ ﻳﺎ ﻣﺎﻣﺎ .. ﺗﻘﺮﻳﺒﺎ ﺣﺎﺯﻡ ﻣﺎ ﺗﻌﺒﺶ ﻭﺍﺣﻨﺎ ﻓﻲ ﺷﻬﺮ ﺍﻟﻌﺴﻞ ... ﺍﻻ ﺻﺢ ﻳﺎ ﺣﺎﺯﻡ ﻫﻮ ﺍﺷﻤﻌﻨﻲ ﺍﻧﺖ ﻧﺎﺩﺭﺍ ﻣﺎ ﻛﻨﺖ ﺑﺘﺘﻌﺐ؟؟
ﺣﺎﺯﻡ : ﺍﻧﺘﻲ ﻋﺎﻳﺰﺍﻧﻲ ﺍﺗﻌﺐ ﻭﻻ ﺍﻳﻪ؟
ﺷﺎﻫﻨﺪﺍ : ﻻ ﺍﺧﺺ ﻋﻠﻴﻚ ﺑﻌﺪ ﺍﻟﺸﺮ ﺑﺲ ﻣﺴﺘﻐﺮﺑﻪ ﺑﺲ
ﺣﺎﺯﻡ : ﺍﻧﺎ ﺯﻳﻚ ﻣﺴﺘﻐﺮﺏ ﻭﻣﻌﻨﺪﻳﺶ ﺍﺟﺎﺑﻪ
ﻣﻜﺮﻡ : ﺳﺎﻋﺎﺕ ﺍﻻﻧﺴﺎﻥ ﻟﻤﺎ ﻳﻜﻮﻥ ﻣﻀﻐﻮﻁ ﺳﻮﺍﺀ ﺿﻐﻂ ﻋﺼﺒﻲ ﺍﻭ ﻣﺠﻬﺪ ﻣﻦ ﺷﻐﻠﻪ ﻳﺼﺪﻉ ﻣﺜﻼ ﺑﺎﺳﺘﻤﺮﺍﺭ ﺍﻭ ﻳﺘﻌﺐ ﺍﻭ ﻳﻜﻮﻥ ﻣﺮﻫﻖ ﻟﻜﻦ ﻟﻤﺎ ﺑﻴﺮﻣﻲ ﻛﻞ ﺍﻟﻀﻐﻮﻁ ﺩﻱ ﻣﻦ ﻋﻠﻲ ﻛﺘﻔﻪ ﻭﻳﺴﺎﻓﺮ ﻣﺜﻼ ﻳﻐﻴﺮ ﺟﻮ ﻓﻜﻞ ﺩﻩ ﺑﻴﺨﺘﻔﻲ
ﻫﻮ ﺍﻟﺤﻜﺎﻳﻪ ﻛﻠﻬﺎ ﺑﺘﺒﻘﻲ ﺿﻐﻂ ﻋﺼﺒﻲ .. ﻓﺎﻋﺘﻘﺪ ﺍﻧﻪ ﺑﺴﻔﺮﻙ ﻣﻊ ﺣﺒﻴﺒﺘﻚ ﺭﻣﻴﺖ ﻛﻞ ﺍﻟﻀﻐﻮﻁ ﻭﺍﻻﺣﻤﺎﻝ ﻣﻦ ﻋﻠﻲ ﻛﺘﻔﻚ ﻭﺑﻘﻴﺖ ﺣﺮ ﻧﻔﺴﻚ ﻓﺒﺎﻟﺘﺎﻟﻲ ﻣﺮﺗﺎﺡ ﻧﻔﺴﻴﺎ ﻭﺟﺴﺪﻳﺎ ﻭﺑﺎﻟﺘﺎﻟﻲ ﻧﺎﺩﺭﺍ ﻣﺎ ﻛﻨﺖ ﺑﺘﺘﻌﺐ
ﺣﺎﺯﻡ : ﺗﺤﻠﻴﻠﻚ ﺭﺍﺋﻊ ﻳﺎ ﻋﻤﻲ ﻣﻜﻨﺘﺶ ﺍﻋﺮﻑ ﺍﻧﻚ ﻓﻴﻠﺴﻮﻑ ﻛﺪﻩ ﺑﺲ ﺍﻋﺘﻘﺪ ﻓﻌﻼ ﺍﻥ ﻋﻨﺪﻙ ﺣﻖ .. ﻣﻦ ﺳﺎﻋﺖ ﻣﺎ ﺭﺟﻌﺖ ﻣﻦ ﺍﻟﺴﻔﺮ ﻭﺍﻧﺎ ﺣﺎﺳﺲ ﺍﻧﻲ ﻓﻲ ﺩﻭﺍﻣﻪ ﻣﺶ ﻋﺎﺭﻑ ﺍﺧﺮﺝ ﻣﻨﻬﺎ ﻭﺣﺮﺏ ﻣﺎ ﺑﻴﻦ ﺍﻣﺒﺎﺭﺡ ﻭﺍﻟﻨﻬﺎﺭﺩﻩ ﺑﺲ ﺍﻟﺤﻤﺪ ﻟﻠﻪ ﻛﻞ ﺩﻩ ﺍﺧﺘﻔﻲ ﻭﻻﻭﻝ ﻣﺮﻩ ﻣﻦ ﺳﻨﻴﻦ ﺍﺣﺲ ﻓﻌﻼ ﺍﻥ ﻣﻔﻴﺶ ﺣﻤﻞ ﻋﻠﻴﺎ ﺍﻭ ﺿﻐﻮﻁ
ﺷﺎﻫﻨﺪﺍ : ﻃﻴﺐ ﺭﺑﻨﺎ ﻳﺪﻳﻤﻬﺎ ﻧﻌﻤﻪ ... ﻓﻌﻼ ﺭﺍﺣﻪ ﺍﻟﺒﺎﻝ ﺩﻱ ﻣﻦ ﺍﻫﻢ ﺍﻟﻨﻌﻢ ﺍﻟﻤﻔﺮﻭﺽ ﻧﺸﻜﺮ ﺭﺑﻨﺎ ﻋﻠﻴﻬﺎ
ﻛﻠﻬﻢ : ﺍﻟﺤﻤﺪ ﻟﻠﻪ
ﺣﺎﺯﻡ ﺭﺟﻊ ﻟﺸﻐﻠﻪ ﻭﺷﺎﻫﻨﺪﺍ ﺭﺍﺣﺖ ﻟﺼﻴﺪﻟﻴﺘﻬﺎ ﺍﻟﻤﻄﺤﻮﻧﻪ ﻓﻴﻬﺎ ﻋﻠﺸﺎﻥ ﺗﻘﺪﺭ ﺗﻮﻗﻔﻬﺎ ﻋﻠﻲ ﺭﺟﻠﻴﻬﺎ
ﺣﺎﺯﻡ ﺑﻴﺨﻠﺺ ﺷﻐﻠﻪ ﺍﻭ ﺍﻱ ﻭﻗﺖ ﻓﺎﺿﻲ ﺑﻴﺮﻭﺣﻠﻬﺎ ﻫﻨﺎﻙ ﻳﻘﻌﺪ ﻣﻌﺎﻫﺎ ﺍﻭ ﻳﺨﻔﻒ ﻋﻨﻬﺎ ﺿﻐﻮﻃﻬﺎ ﻻﻧﻪ ﺣﺎﺳﺲ ﺍﻧﻬﺎ ﻭﺍﺧﺪﻩ ﺍﻟﻤﻮﺿﻮﻉ ﻋﻠﻲ ﺍﻋﺼﺎﺑﻬﺎ ﺟﺎﻣﺪ ﻗﻮﻱ
ﻭﻓﻲ ﻣﺮﻩ ﻭﺣﺎﺯﻡ ﻣﻊ ﻋﻠﻲ ﻓﻲ ﺍﻟﺸﻐﻞ
ﻋﻠﻲ : ﻣﻤﻜﻦ ﺍﺳﺄﻟﻚ ﺳﺆﺍﻝ؟؟
ﺣﺎﺯﻡ : ﺍﺳﺄﻝ ﻋﻠﻲ ﻃﻮﻝ ﻫﻮ ﺍﻧﺖ ﻣﺤﺘﺎﺝ ﺗﺴﺘﺄﺫﻥ؟
ﻋﻠﻲ : ﻫﻮ ﺍﻧﺖ ﻧﺴﻴﺖ ﺷﻮﻕ؟؟
ﺣﺎﺯﻡ ﺳﺎﺏ ﻛﻞ ﺍﻟﻠﻲ ﻓﻲ ﺍﻳﺪﻩ ﻭﺑﺼﻠﻪ
ﺣﺎﺯﻡ : ﺷﻮﻕ؟؟ ﺷﻮﻑ ﻳﺎ ﻋﻠﻲ ﺷﻮﻕ ﻛﺎﻧﺖ ﻣﺎﺿﻲ ﻭﻣﺎﺿﻲ ﻣﻬﻢ ﻗﻮﻱ ﻭﺍﺛﺮ ﻛﺘﻴﺮ ﻋﻠﻴﺎ ﻭﺟﺮﺣﻨﻲ ﻗﻮﻱ ﺑﺲ ﻇﻬﻮﺭ ﺷﺎﻫﻨﺪﺍ ﻓﻲ ﺣﻴﺎﺗﻲ ﻭﺍﺣﺪﻩ ﻭﺍﺣﺪﻩ ﻋﺎﻟﺞ ﺍﻟﺠﺮﻭﺡ ﺩﻱ ﻭﻗﻀﻲ ﻋﻠﻲ ﻭﺟﻊ ﺍﻟﻤﺎﺿﻲ ... ﻓﻬﻤﺖ؟
ﻋﻠﻲ : ﻃﻴﺐ ﻭﻣﺼﻴﺮﻫﺎ ﺍﻳﻪ ﺩﻟﻮﻗﺘﻲ؟
ﺣﺎﺯﻡ : ﻣﺼﻴﺮﻫﺎ ﺍﻳﻪ ﺍﺯﺍﻱ؟؟
ﻋﻠﻲ : ﻳﻌﻨﻲ ﻫﺘﻔﻀﻞ ﻛﺪﻩ؟ ﻫﺘﻤﺸﻴﻬﺎ؟ ﺍﻳﻪ ﻧﺎﻭﻱ ﻋﻠﻲ ﺍﻳﻪ؟
ﺣﺎﺯﻡ : ﻣﺶ ﻧﺎﻭﻱ ﻋﻠﻲ ﺍﻱ ﺣﺎﺟﻪ ﻣﺶ ﺑﻴﺖ ﺷﻮﻕ ﺑﺲ ﺍﻟﻠﻲ ﺍﻧﺎ ﻓﺎﺗﺤﻮﺍ ﻭﻻ ﺍﻳﻪ؟ ﺍﺷﻤﻌﻨﻲ ﺑﻘﻲ ﺷﻮﻕ ﺍﻟﻠﻲ ﺑﺘﺴﺄﻝ ﻋﻨﻬﺎ
ﻋﻠﻲ : ﻣﺎﺷﻲ ﺍﻧﺖ ﻓﺎﺗﺢ ﺑﻴﻮﺕ ﻛﺘﻴﺮ ﺑﺲ ﻣﺶ ﻛﻠﻬﻢ ﺯﻳﻬﺎ ﻭﻻ ﻳﺮﺑﻄﻚ ﺑﻴﻬﻢ ﻋﻼﻗﻪ ﺷﺨﺼﻴﻪ ﻭﻻ ﻟﻮ ﻣﺮﺍﺗﻚ ﻋﺮﻓﺖ ﺑﻴﻬﻢ ﻫﺘﺰﻋﻞ؟؟؟؟
ﺣﺎﺯﻡ : ﺍﻧﺖ ﻗﺼﺪﻙ ﺍﻥ ﻟﻮ ﻣﺮﺍﺗﻲ ﻋﺮﻓﺖ ﺍﻧﻲ ﻣﺘﻜﻔﻞ ﺑﺸﻮﻕ ﻫﺘﺰﻋﻞ ﻭﺍﻧﺎ ﺍﻃﺮﺩﻫﺎ ﻣﺜﻼ؟؟
ﻋﻠﻲ : ﻣﺜﻼ ﻣﺎ ﺍﻧﺖ ﺳﺒﻖ ﻭﻃﺮﺩﺗﻬﺎ ﻣﻦ ﺍﻟﺪﻧﻴﺎ ﻛﻠﻬﺎ
ﺣﺎﺯﻡ : ﺯﻱ ﻣﺎ ﻗﻮﻟﺘﻠﻚ ﺩﻱ ﻛﺎﻧﺖ ﻓﺘﺮﻩ ﻭﻋﺪﺕ ... ﻭﺑﻌﺪﻳﻦ ﻃﻤﻦ ﺑﺎﻟﻚ ﻳﺎ ﺳﻴﺪﻱ ﺷﻮﻕ ﺍﻧﺎ ﻣﺘﻜﻔﻞ ﺑﻴﻬﺎ ﻭﺑﺒﻨﺘﻬﺎ ﻟﺤﺪ ﻣﺎ ﺷﻮﻕ ﺗﻤﻮﺕ ﻭﺑﻨﺘﻬﺎ ﺗﺘﺠﻮﺯ ﺍﻭ ﺍﻧﺎ ﺍﻣﻮﺕ ﻫﺎﻩ ﺍﻳﻪ ﺭﺃﻳﻚ ﻛﺪﻩ؟ ﺿﻤﻴﺮﻙ ﻣﺴﺘﺮﻳﺢ؟؟
ﻋﻠﻲ : ﺟﺪﺍ .. ﺑﺲ ﻧﺼﻴﺤﻪ ﻋﺮﻑ ﻣﺮﺍﺗﻚ ﺑﺪﻝ ﻣﺎ ﺗﻌﺮﻑ ﺑﻄﺮﻳﻘﻪ ﻣﺶ ﻟﻄﻴﻔﻪ
ﺣﺎﺯﻡ : ﺍﻥ ﺷﺎﺀﺍﻟﻠﻪ ﺷﻮﻑ ﺷﻐﻠﻚ ﺑﻘﻲ
ﻓﻜﺮ ﺣﺎﺯﻡ ﺍﻧﻪ ﻓﻌﻼ ﻻﺯﻡ ﻳﻌﺮﻑ ﻣﺮﺍﺗﻪ ﺑﺸﻮﻕ ﻭﻳﻌﺮﻓﻬﺎ ﺍﻧﻬﺎ ﻣﺎ ﺗﻌﻨﻴﻠﻮﺵ ﺍﻱ ﺷﻴﺊ ﺍﺣﺴﻦ ﻓﻌﻼ ﻣﺎ ﺗﻌﺮﻑ ﺑﻄﺮﻳﻘﻪ ﺗﺎﻧﻴﻪ ... ﺑﺲ ﻫﻞ ﻓﻌﻼ ﺷﻮﻕ ﻣﺎ ﺗﻌﻨﻴﺎﻭﺵ ﺷﻲﺀ ؟؟؟ ﻫﻞ ﻫﻴﺎ ﻣﺎﺿﻲ ﻭﺍﻧﺘﻬﻲ ؟؟ ﻭﻻ ﺩﻩ ﻭﻫﻢ ﻭﺧﻴﺎﻝ ؟؟ ﻭﺩﻩ ﺩﻩ ﺗﻤﻨﻲ ﻣﻨﻪ ؟؟
ﺍﻟﻜﻼﻡ ﻋﻦ ﺷﻮﻕ ﻓﻜﺮﻩ ﻗﺪ ﺍﻳﻪ ﺭﻫﻒ ﻭﺣﺸﺎﻩ ﻭﺑﺎﻟﺘﺎﻟﻲ ﺭﺍﺡ ﻳﺰﻭﺭﻫﻢ
ﺩﻕ ﺍﻟﺒﺎﺏ ﻭﺷﻮﻕ ﻓﺘﺤﺖ ﻭﺍﺗﻔﺎﺟﺌﺖ ﺑﻴﻪ ﻋﻠﻲ ﺑﺎﺑﻬﺎ .. ﻓﻀﻠﺖ ﻛﺘﻴﺮ ﻭﺍﻗﻔﻪ ﻣﺶ ﻣﺼﺪﻗﻪ ﺍﻧﻪ ﻭﺍﻗﻒ ﻗﺪﺍﻣﻬﺎ .. ﻛﺎﻧﺖ ﺧﻼﺹ ﻭﺩﻋﺘﻪ ﻭﺍﻗﻨﻌﺖ ﻧﻔﺴﻬﺎ ﺍﻧﻬﺎ ﻣﺶ ﻫﺘﺸﻮﻓﻪ ﺗﺎﻧﻲ .. ﻳﺎﺗﺮﻱ ﺟﺎﻱ ﻟﻴﻪ؟؟ ﻣﻤﻜﻦ ﻳﻜﻮﻥ ﺍﺗﺨﺎﻧﻖ ﻣﺜﻼ ﻣﻊ ﻣﺮﺍﺗﻪ؟؟ ﺍﻭ ﻳﺨﻠﻴﻬﺎ ﻋﺸﻴﻘﻪ ﻓﻲ ﺍﻟﺴﺮ؟ ﺍﻭ ﺍﻭ ﺍﻭ
ﻓﺎﻗﺖ ﻋﻠﻲ ﺻﻮﺗﻪ
ﺣﺎﺯﻡ : ﺍﺍﺍﺍﺍﺍﺍﺍﺍﻳﻴﻴﻴﻴﻪ .. ﻫﻨﻔﻀﻞ ﻛﺘﻴﺮ ﻋﻠﻲ ﺍﻟﺒﺎﺏ؟؟
ﺷﻮﻕ : ﻻ ﻃﺒﻌﺎ ﺍﺗﻔﻀﻞ .. ﺍﺧﺒﺎﺭﻙ ﺍﻳﻪ؟
ﺣﺎﺯﻡ : ﺍﻟﺤﻤﺪ ﻟﻠﻪ ﺍﻧﺎ ﻛﻮﻳﺲ
ﺷﻮﻕ : ﺑﺎﻳﻦ ﻋﻠﻴﻚ
ﺣﺎﺯﻡ : ﺍﻳﻪ ﻫﻮ ﺍﻟﻠﻲ ﺑﺎﻳﻦ ﻋﻠﻴﺎ؟؟
ﺷﻮﻕ : ﺍﻧﻚ ﻛﻮﻳﺲ .. ﺑﺎﻳﻦ ﻋﻠﻲ ﻭﺷﻚ ﺍﻧﻚ ﻣﺒﺴﻮﻁ
ﺣﺎﺯﻡ : ﻓﻲ ﻗﻤﻪ ﺍﻻﻧﺒﺴﺎﻁ ﺑﻘﺎﻟﻲ ﺳﻨﻴﻦ ﻛﺘﻴﺮﻩ ﻗﻮﻱ ﻣﺎ ﻋﺸﺘﺶ ﺍﻟﺴﻌﺎﺩﻩ ﺯﻱ ﺩﻟﻮﻗﺘﻲ .. ﻋﻘﺒﺎﻟﻚ
ﺷﻮﻕ ﺑﺤﺴﺮﻩ : ﻋﻘﺒﺎﻟﻲ ﺍﻳﻪ ﺑﺎﻟﻈﺒﻂ؟
ﺣﺎﺯﻡ : ﺗﻌﻴﺸﻲ ﺍﻟﺴﻌﺎﺩﻩ ﻳﺎ ﺷﻮﻕ .. ﺍﻧﺘﻲ ﻟﺴﻪ ﺻﻐﻴﺮﻩ ﻭﺟﻤﻴﻠﻪ ﻭﺍﻟﻒ ﻣﻴﻦ ﻳﺘﻤﻨﺎﻛﻲ
ﻛﺎﻥ ﻧﻔﺴﻬﺎ ﺗﺼﺮﺥ ﻭﺗﻘﻮﻟﻪ ﺍﻧﻬﺎ ﻣﺶ ﻋﺎﻳﺰﻩ ﻣﻦ ﺍﻻﻟﻒ ﺩﻭﻝ ﻏﻴﺮﻩ ﻫﻮ ﻭﺑﺲ .. ﻣﺶ ﻋﺎﻳﺰﻩ ﻏﻴﺮﻩ .. ﻭﻻ ﺣﺒﺖ ﻭﻻ ﻫﺘﺤﺐ ﻏﻴﺮﻩ
ﻫﻮ ﻛﻤﺎﻥ ﺑﻌﺪ ﻣﺎ ﻗﺎﻝ ﺍﻟﺠﻤﻠﻪ ﺩﻱ ﺍﺳﺘﻐﺒﺎﻫﺎ ﻗﻮﻱ ﻭﺗﺨﻴﻞ ﻟﻠﺤﻈﻪ ﺍﻧﻬﺎ ﻫﺘﺮﺗﺒﻂ ﺑﺮﺍﺟﻞ ﺗﺎﻧﻲ !!! ﻭﺍﻻﺣﺴﺎﺱ ﺩﻩ ﻣﻌﺠﺒﻮﺵ
ﺣﺎﺯﻡ : ﺭﻫﻒ ﻓﻴﻦ؟؟
ﻫﻨﺎ ﻃﻠﻌﺖ ﺭﻫﻒ ﻭﺷﻜﻠﻬﺎ ﺻﺎﺣﻲ ﻣﻦ ﺍﻟﻨﻮﻡ ﻭﺍﻭﻝ ﻣﺎ ﺷﺎﻓﺘﻪ ﺻﺮﺧﺖ ﻭﺟﺮﻳﺖ ﻋﻠﻴﻪ
ﺭﻫﻒ : ﺍﺧﻴﺮﺍ ﺍﻓﺘﻜﺮﺗﻨﻲ؟؟ ﺍﻧﺎ ﻗﻮﻟﺖ ﻣﺶ ﻫﺘﻴﺠﻲ ﺗﺎﻧﻲ
ﺣﺎﺯﻡ : ﻭﺍﻧﺎ ﺍﻗﺪﺭ ﺑﺮﺿﻪ ﺩﻩ ﺍﻧﺘﻲ ﺭﻭﺡ ﻗﻠﺒﻲ .. ﻣﺎ ﺍﻗﺪﺭﺵ ﺍﺳﺘﻐﻨﻲ ﻋﻨﻚ ﺍﺑﺪﺍ ﺍﻧﺘﻲ ﺭﻭﺡ ﻗﻠﺒﻲ ﺍﻧﺎ
ﺭﻫﻒ : ﻟﻮ ﺍﻧﺎ ﺭﻭﺡ ﻗﻠﺒﻚ ﻣﻜﻨﺘﺶ ﺗﺴﻴﺒﻨﻲ ﻛﻞ ﺩﻩ
ﺣﺎﺯﻡ : ﺣﻘﻚ ﻋﻠﻴﺎ ﻛﻨﺖ ﻣﺴﺎﻓﺮ
ﺭﻫﻒ : ﻓﻲ ﺷﻬﺮ ﺍﻟﻌﺴﻞ ﻣﻊ ﺷﺎﻫﻨﺪﺍ ﺑﺘﺎﻋﺘﻚ ﺩﻱ ﺻﺢ؟
ﺣﺎﺯﻡ : ﺻﺢ ﻭﺑﻌﺪﻳﻦ ﺷﺎﻫﻨﺪﺍ ﻣﺮﺍﺗﻲ ﻭﻋﺎﻳﺰﻙ ﺗﺤﺒﻴﻬﺎ ﺯﻱ ﻣﺎ ﺑﺘﺤﺒﻴﻨﻲ ﻣﻔﻬﻮﻡ؟
ﺷﻮﻕ ﻗﻠﺒﻬﺎ ﺍﺗﻘﺒﺾ ﻓﺠﺄﻩ ﻭﺧﺎﻓﺖ ﻭﺟﻪ ﻓﻲ ﺑﺎﻟﻬﺎ ﺍﻧﻪ ﻣﻤﻜﻦ ﻳﺎﺧﺪ ﺑﻨﺘﻬﺎ ﻣﻨﻬﺎ ﻟﻮ ﻋﺮﻑ ﺍﻧﻬﺎ ﺑﻨﺘﻪ ... ﺣﺎﺯﻡ ﻣﺶ ﻻﺯﻡ ﻳﻌﺮﻑ ﺍﺑﺪﺍ ﺍﻥ ﺭﻫﻒ ﺑﻨﺘﻪ ﻣﻬﻤﺎ ﻳﻜﻮﻥ ﺍﻟﺜﻤﻦ !!!!
ﻗﻀﻲ ﺑﺎﻗﻲ ﺍﻟﻴﻮﻡ ﻣﻌﺎﻫﺎ ﻭﺭﻭﺡ ﺍﺧﺮ ﺍﻟﻨﻬﺎﺭ ﻭﺟﻮﺍﻩ ﻗﺮﺍﺭ ﺍﻧﻪ ﻻﺯﻡ ﻳﻌﺮﻑ ﻣﺮﺍﺗﻪ ﻋﻠﻲ ﺭﻫﻒ ﻭﻳﺤﻜﻴﻠﻬﺎ ﺍﻟﻮﺿﻊ ﻛﻠﻪ ﻭﻫﻮ ﻭﺍﺛﻖ ﻣﻦ ﺣﻜﻤﻬﺎ ﻋﻠﻲ ﺍﻻﻣﻮﺭ ..... ﺑﺲ ﻻﺯﻡ ﺗﻌﺮﻑ
ﺍﺧﻴﺮﺍ ﻣﺮﺍﺗﻪ ﺭﺟﻌﺖ ﻭﻟﻘﺘﻪ ﻣﺴﺘﻨﻴﻬﺎ ﻓﻲ ﺍﻟﺒﻴﺖ
ﺷﺎﻫﻨﺪﺍ : ﻣﻌﺪﺗﺶ ﻋﻠﻴﺎ ﺍﻟﻨﻬﺎﺭﺩﻩ ﻟﻴﻪ؟
ﺣﺎﺯﻡ ﺍﺧﺪﻫﺎ ﻓﻲ ﺣﻀﻨﻪ : ﺷﻜﻠﻚ ﺗﻌﺒﺎﻧﻪ ﺍﻟﻨﻬﺎﺭﺩﻩ؟
ﺷﺎﻫﻨﺪﺍ : ﺗﻌﺒﺎﻧﻪ ﺩﻱ ﻛﻠﻤﻪ ﻗﻠﻴﻠﻪ ﻋﻠﻲ ﺍﻟﻠﻲ ﺍﻧﺎ ﺣﺴﺎﻩ .. ﺍﻟﻤﻬﻢ ﻫﻮ ﺍﺣﻨﺎ ﻋﻨﺪﻧﺎ ﺿﻴﻮﻑ ﺍﻟﻨﻬﺎﺭﺩﻩ ﻭﻻ ﺍﻳﻪ؟ ﻣﺎﻣﺘﻚ ﻋﺎﺯﻣﻪ ﺣﺪ؟؟
ﺣﺎﺯﻡ : ﻷ ﻣﺎﻣﺘﻲ ﻣﺶ ﻋﺎﺯﻣﻪ ﺣﺪ ﻭﻷ ﻣﺶ ﻋﻨﺪﻧﺎ ﺿﻴﻮﻑ
ﺷﺎﻫﻨﺪﺍ : ﺍﻣﺎﻝ ﺍﻟﺒﻴﺴﻴﻦ ﻣﻨﻮﺭ ﻟﻴﻪ ﻭﺗﻘﺮﻳﺒﺎ ﻓﻲ ﺗﺮﺑﻴﺰﻩ ﺑﺘﺘﺠﻬﺰ ﻋﻠﻴﻪ؟؟
ﺣﺎﺯﻡ : ﺩﻩ ﺍﻧﺎ ﻭﺍﻧﺘﻲ ﻫﻨﺘﻌﺸﻲ ﺗﺤﺖ ﻣﻦ ﺑﺎﺏ ﺍﻟﺘﻐﻴﺮ ﺑﺲ ﻟﻮ ﺗﻌﺒﺎﻧﻪ ﻗﻮﻱ ﻛﺪﻩ ﺑﻼﺵ ﻭﺍﺧﻠﻴﻬﻢ ﻳﻄﻠﻌﻮﺍ ﺍﻟﻌﺸﺎ ﻫﻨﺎ؟
ﺷﺎﻫﻨﺪﺍ : ﻻ ﻻ ﻛﻠﻪ ﺍﻻ ﻛﺪﻩ ﺍﺩﻳﻨﻲ ﻋﺸﺮ ﺩﻗﺎﻳﻖ ﻭﺍﻧﺰﻟﻚ ﺍﻭﻙ
ﺣﺎﺯﻡ : ﺍﻭﻛﻲ ﻳﺎﻻ ﻣﺴﺘﻨﻴﻜﻲ ﻣﺎ ﺗﺘﺄﺧﺮﻳﺶ ﻋﻠﻴﺎ
ﺣﺎﺯﻡ ﺳﺒﻘﻬﺎ ﻭﻧﺰﻝ ﻳﺸﻮﻑ ﺍﻟﻌﺸﺎ ﺍﺧﺒﺎﺭﻩ ﺍﻳﻪ ﻭﻫﻴﺎ ﻓﻌﻼ ﺷﻮﻳﻪ ﻭﺣﺼﺘﻠﻪ ﻛﺎﻧﺖ ﺍﺧﺪﺕ ﺷﺎﻭﺭ ﻭﻟﺒﺴﺖ ﻓﺴﺘﺎﻥ ﺑﺴﻴﻂ ﺑﺲ ﺑﻴﺰﻳﺪ ﺟﻤﺎﻟﻬﺎ ﻭﻣﻦ ﻏﻴﺮ ﻣﻴﻜﺐ ﻧﻬﺎﺋﻲ ﻭﺑﺸﻌﺮﻫﺎ ﻣﺒﻠﻮﻝ ﻭﻣﻔﺮﻭﺩ .. ﺣﺎﺯﻡ ﺍﻭﻝ ﻣﺎ ﺷﺎﻓﻬﺎ ﻓﻀﻞ ﻛﺘﻴﺮ ﺑﺎﺻﺼﻠﻬﺎ
ﺷﺎﻫﻨﺪﺍ : ﺳﻮﺭﻱ ﺣﺒﻴﺒﻲ ﻟﻮ ﺣﻄﻴﺖ ﻣﻴﻜﺐ ﻛﻨﺖ ﻫﺘﺄﺧﺮ ﻋﻠﻴﻚ ﻓﺎﻋﺬﺭﻧﻲ
ﺣﺎﺯﻡ : ﺍﻋﺬﺭﻙ؟؟ ﺍﻧﺎ ﺍﻭﻝ ﻣﺮﻩ ﺍﺷﻮﻑ ﻭﺍﺣﺪﻩ ﺭﺍﺋﻌﻪ ﺍﻟﺠﻤﺎﻝ ﻭﻫﻴﺎ ﺑﻄﺒﻴﻌﺘﻬﺎ ﻛﺪﻩ ... ﺍﻧﺘﻲ ﺑﺘﺤﻄﻲ ﻣﻴﻜﺐ ﻟﻴﻪ ﺍﺻﻼ؟ ﺍﻧﺘﻲ ﻣﺘﺘﺨﻴﻠﻴﺶ ﺍﻧﺎ ﺷﺎﻳﻔﻚ ﺍﺯﺍﻱ ﺩﻟﻮﻗﺘﻲ؟
ﺷﺎﻫﻨﺪﺍ ﺑﺎﺑﺘﺴﺎﻣﻪ : ﺷﺎﻳﻔﻨﻲ ﺍﺯﺍﻱ؟؟
ﺣﺎﺯﻡ ﺑﺎﺑﺘﺴﺎﻣﻪ : ﻛﻔﺎﻳﻪ ﺍﻗﻮﻟﻚ ﺍﻧﻲ ﺣﺎﻟﻴﺎ ﺑﺘﺨﺎﻧﻖ ﻣﻊ ﻧﻔﺴﻲ ﻋﻠﺸﺎﻥ ﻣﺎ ﺍﺷﻴﻠﻜﻴﺶ ﻭﻧﻄﻠﻊ ﻓﻮﻕ ﻭﺍﻗﻮﻟﻚ ﺍﻧﺎ ﺷﺎﻳﻔﻚ ﺍﺯﺍﻱ؟؟
ﺷﺎﻫﻨﺪﺍ ﺿﺤﻜﺖ : ﻻ ﻭﺍﻟﻨﺒﻲ ﺍﺟﻠﻬﺎ ﻟﺒﻌﺪ ﻣﺎ ﻧﺎﻛﻞ ﻻﺣﺴﻦ ﻫﻤﻮﺕ ﻣﻦ ﺍﻟﺠﻮﻉ
ﺣﺎﺯﻡ : ﻣﺎﺷﻲ ﻫﺄﺟﻠﻬﺎ ﺍﺗﻔﻀﻠﻲ
ﻗﻌﺪﻫﺎ ﻭﻗﻌﺪ ﻗﺼﺎﺩﻫﺎ ﻭﻛﺸﻒ ﺍﻻﻛﻞ ﺍﻟﻠﻲ ﻛﺎﻥ ﻋﺒﺎﺭﻩ ﻋﻦ ﻣﻜﺮﻭﻧﻪ ﻭﺷﺎﻭﺭﻣﺎ ﺑﻴﺘﻲ ﻭﺷﺎﻫﻨﺪﺍ ﻣﺬﺑﻬﻠﻪ
ﺣﺎﺯﻡ : ﻣﺎﻟﻚ؟؟
ﺷﺎﻫﻨﺪﺍ : ﻣﺶ ﻋﺎﺭﻓﻪ ﺑﺲ ﻛﻨﺖ ﻣﺘﺨﻴﻠﻪ ﺍﺻﻨﺎﻑ ﺍﺷﻜﺎﻝ ﻣﻦ ﺍﻻﻛﻞ
ﺣﺎﺯﻡ : ﻃﻴﺐ ﻭﻟﻮ ﻗﻮﻟﺘﻠﻚ ﺍﻥ ﺍﻧﺎ ﻋﺎﻣﻞ ﺩﻭﻝ ﺑﺈﺩﻳﺎ ﺣﺎﻟﻪ ﺍﻟﺬﻫﻮﻝ ﻭﺍﻻﺣﺒﺎﻁ ﺍﻟﻠﻲ ﻋﻨﺪﻙ ﺩﻱ ﻫﺘﺮﻭﺡ؟؟
ﺷﺎﻫﻨﺪﺍ ﻓﺘﺤﺖ ﺑﻮﻗﻬﺎ ﻭﺍﺫﺑﻬﻠﺖ ﺍﻛﺘﺮ
ﺣﺎﺯﻡ : ﺍﻟﻈﺎﻫﺮ ﺍﻧﻬﺎ ﻟﻴﻠﻪ ﻣﻀﺮﻭﺑﻪ ﻣﻦ ﺍﻭﻟﻬﺎ
ﺷﺎﻫﻨﺪﺍ : ﺑﺠﺪ ﺍﻧﺖ ﻋﺎﻣﻞ ﺍﻻﻛﻞ ﺩﻩ ﻟﻴﺎ؟؟
ﺣﺎﺯﻡ : ﺍﻩ ﺑﺠﺪ ... ﻣﻔﻴﺶ ﻏﻴﺮﻱ ﺍﻧﺎ ﻭﺍﻧﺘﻲ ﻭﺣﺒﻴﺖ ﺍﻋﻤﻠﻚ ﺣﺎﺟﻪ ﻣﻤﻴﺰﻩ ﻭﺍﻋﺬﺭﻳﻨﻲ ﺑﻘﻲ ﻣﻌﺮﻓﺶ ﺍﻋﻤﻞ ﺣﺎﺟﺎﺕ ﻛﺘﻴﺮ
ﺷﺎﻫﻨﺪﺍ : ﻫﺸﺸﺸﺶ ﺍﺳﻜﺖ .. ﺍﻧﺖ ﺑﺠﺪ ﻭﻗﻔﺖ ﻓﻲ ﺍﻟﻤﻄﺒﺦ ﻭﻋﻤﻠﺖ ﻟﻴﺎ ﺍﻧﺎ ﺍﻛﻞ؟؟؟ ﺍﻧﺖ ﺍﺯﺍﻱ ﻛﺪﻩ؟
ﺣﺎﺯﻡ : ﻋﻠﻲ ﻓﻜﺮﻩ ﺍﻧﺎ ﻋﻤﻠﺘﻠﻚ ﻣﻜﺮﻭﻧﻪ ﻭﺷﺎﻭﺭﻣﺎ ﺑﺲ ﻳﻌﻨﻲ ﺣﺎﺟﺎﺕ ﺑﺴﻴﻄﻪ ﺟﺪﺍ
ﺷﺎﻫﻨﺪﺍ : ﻣﺠﺮﺩ ﺗﻔﻜﻴﺮﻙ ﻧﻔﺴﻪ ﻳﺎ ﺣﺎﺯﻡ .... ﻋﺎﺭﻑ ﻟﻮ ﺣﺘﻲ ﺳﻠﻘﺖ ﺑﻴﻀﻪ ﺑﺲ .. ﻣﺎ ﺗﺘﺨﻴﻠﺶ ﺍﻧﺎ ﺣﺎﺳﻪ ﺑﺈﻳﻪ ﺩﻟﻮﻗﺘﻲ .... ﺩﻟﻮﻗﺘﻲ ﺑﻘﻲ ﺍﻧﺎ ﺑﺘﺨﺎﻧﻖ ﻣﻊ ﻧﻔﺴﻲ ﻋﻠﺸﺎﻥ ﻣﺎ ﺍﺷﺪﻛﺶ ﻭﻧﻄﻠﻊ ﻓﻮﻕ
ﺣﺎﺯﻡ ﺿﺤﻚ ﻭﻫﻴﺎ : ﻃﻴﺐ ﻣﺎ ﻃﺎﻟﻤﺎ ﺑﻨﺘﺨﺎﻧﻖ ﺍﺣﻨﺎ ﺍﻻﺗﻨﻴﻦ ﻣﺎ ﺗﻴﺠﻲ ﻧﻄﻠﻊ ﻭﺧﻼﺹ
ﺷﺎﻫﻨﺪﺍ : ﻭﺍﻓﻮﺕ ﺍﻻﻛﻞ ﺍﻟﻠﻲ ﺍﻧﺖ ﻋﻤﻠﺘﻪ؟؟ ﺍﻧﺎ ﻗﺘﻴﻠﻪ ﺍﻻﻛﻞ ﺩﻩ ﺍﻧﺖ ﻓﺎﻫﻢ؟
ﺣﺎﺯﻡ : ﺑﺎﻟﻬﻨﺎ ﻳﺎﺭﺏ ﻳﻌﺠﺒﻚ ﺑﺲ
ﺍﻛﻠﻮﺍ ﻭﺷﺎﻫﻨﺪﺍ ﺍﻟﻔﺮﺣﻪ ﻣﺶ ﺳﻴﻌﺎﻫﺎ ﻭﺑﺘﺒﺺ ﻟﺠﻮﺯﻫﺎ ﺑﻄﺮﻳﻘﻪ ﺍﺣﺘﺮﺍﻡ .. ﺗﻘﺪﻳﺮ .. ﺷﻜﺮ .. ﺣﺐ .. ﻣﺸﺎﻋﺮ ﻛﺘﻴﺮﻩ ﻣﺘﻠﺨﺒﻄﻪ ﺟﻮﺍﻫﺎ ﻭﻣﺶ ﻋﺎﺭﻓﻪ ﺗﻌﺒﺮﻟﻪ ﻋﻨﻬﺎ ﻭﺍﻭﻝ ﻣﺎ ﺧﻠﺼﻮﺍ ﺍﻛﻞ ﺷﺪﺗﻪ ﻣﻦ ﺍﻳﺪﻩ ﻭﻃﻠﻌﻮﺍ ﺍﻭﺿﺘﻬﻢ ﻋﻠﺸﺎﻥ ﻳﻤﻜﻦ ﺗﻌﺮﻑ ﺗﻌﺒﺮ ﺑﻄﺮﻳﻘﻪ ﺗﺎﻧﻴﻪ ﻋﻦ ﻣﺪﻱ ﺣﺒﻬﺎ ﻟﻴﻪ؟
ﺍﺧﻴﺮﺍ ﻫﻴﻨﺎﻣﻮ ﺑﺲ ﺣﺎﺯﻡ ﻣﺶ ﻋﺎﺭﻑ ﻳﻨﺎﻡ ﻭﻋﺎﻳﺰ ﻳﻘﻮﻟﻬﺎ ﻭﻳﺤﻜﻴﻠﻬﺎ ﻋﻦ ﺷﻮﻕ ﻭﻓﻲ ﻧﻔﺲ ﺍﻟﻮﻗﺖ ﺍﻟﻠﻴﻠﻪ ﻛﺎﻧﺖ ﺧﻴﺎﻝ ﻭﺭﺍﺋﻌﻪ ﻭﻣﺶ ﻋﺎﻳﺰ ﻳﻌﻜﺮ ﺻﻔﻮﻫﺎ ﻭﺧﺎﻳﻒ
ﺍﻧﻬﺎ ﺗﻔﻬﻢ ﺍﻧﻪ ﻋﻤﻞ ﻛﺪﻩ ﻋﻠﺸﺎﻥ ﺍﺣﺴﺎﺳﻪ ﺑﺎﻟﺬﻧﺐ ﺍﻭ ﺗﺄﻧﻴﺐ ﺿﻤﻴﺮ ﺣﺐ ﻳﻌﻮﺿﻪ ﺑﺤﺎﺟﻪ ﺗﺎﻧﻴﻪ .. ﻻ ﻻﺯﻡ ﻳﻘﻮﻟﻬﺎ ﻭﺍﻟﻠﻲ ﻳﺤﺼﻞ ﻳﺤﺼﻞ ...
ﺣﺎﺯﻡ : ﺷﺎﻫﻨﺪﺍ ﺍﻧﺎ ﻋﺎﻳﺰ ﺍﻗﻮﻟﻚ ﺣﺎﺟﻪ ﻣﻬﻤﻪ ﻭﻋﺎﻳﺰﻙ ﺗﻔﻬﻤﻲ ﻭﺿﻌﻲ ﻭﺗﻘﺪﺭﻳﻪ ﻭﻣﺎ ﺗﻌﻠﻘﻴﺶ ﺍﻭ ﺗﺮﺩﻱ ﻏﻴﺮ ﻟﻤﺎ ﺗﺴﻤﻌﻴﻨﻲ ﻟﻼﺧﺮ ... ﺍﻧﺎ ﻣﻦ ﻓﺘﺮﻩ ﻗﺎﺑﻠﺖ ﺷﻮﻕ
ﻭﻛﺎﻥ ﺍﻟﻐﻴﻆ ﻭﺍﻟﺤﻘﺪ ﻣﺎﻟﻴﻨﻲ ﻭﻛﻨﺖ ﻋﺎﻳﺰ ﺍﻧﺘﻘﻢ ﻟﻜﺮﺍﻣﺘﻲ ﺍﻟﻤﺠﺮﻭﺣﻪ ﻭﻋﻠﺸﺎﻥ ﻛﺪﻩ ﺿﻴﻘﺖ ﻋﻠﻴﻬﺎ ﺍﻟﺪﻧﻴﺎ ﻭﺧﻠﻴﺘﻬﺎ ﺑﻘﺖ ﺯﻱ ﺧﺮﻡ ﺍﻻﺑﺮﻩ ﻓﻲ ﻭﺷﻬﺎ ﻭﻭﺻﻠﺘﻬﺎ ﻟﻤﺮﺣﻠﻪ ﺍﻧﻲ ﺧﻠﻴﺘﻬﺎ ﺗﺸﺤﺖ ﺍﻟﻠﻘﻤﻪ ﻋﻠﺸﺎﻥ ﺗﺄﻛﻞ ﺑﻨﺘﻬﺎ ... ﻭﺑﻌﺪﻫﺎ ﺻﻌﺒﺖ ﻋﻠﻴﺎ ﺍﻭ ﻣﺶ ﻫﻴﺎ ﻷ ﺑﻨﺘﻬﺎ ﻫﻴﺎ ﺍﻟﻠﻲ
ﺻﻌﺒﺖ ﻋﻠﻴﺎ ﻭﺑﺎﻟﺘﺎﻟﻲ ﻗﺮﺭﺕ ﺍﻧﻲ ﺍﺗﻜﻔﻞ ﺑﻴﻬﻢ ﻓﺎﺧﺪﺕ ﺷﻘﻪ ﻭﺣﻄﺘﻬﻢ ﻓﻴﻬﺎ ﻭﺍﻧﺎ ﺑﺼﺮﻑ ﻋﻠﻴﻬﻢ ﻭﻣﺘﻜﻔﻞ ﺑﺒﻨﺘﻬﺎ ﻭﻣﻦ ﻭﻗﺖ ﻟﻠﺘﺎﻧﻲ ﺑﺮﻭﺣﻠﻬﻢ ﺑﺲ ﺍﻟﻤﻮﺿﻮﻉ ﺩﻩ ﻋﺮﻓﻨﻲ ﺍﻧﻲ ﺗﺨﻄﻴﺖ ﺷﻮﻕ
ﻭﺗﺨﻄﻴﺖ ﺣﺒﻬﺎ ﻭﺍﺗﺄﻛﺪﺕ ﺍﻥ ﺍﻧﺘﻲ ﻭﺑﺲ ﻓﻲ ﺣﻴﺎﺗﻲ ﻭﻣﺶ ﻋﺎﻳﺰ ﻏﻴﺮﻙ .. ﺍﻧﺎ ﺣﺒﻴﺖ ﺍﻗﻮﻟﻚ ﺍﻟﻤﻮﺿﻮﻉ ﺩﻩ ﻋﻠﺸﺎﻥ ﻣﺎﻳﺒﻘﺎﺵ ﻓﻲ ﺣﺎﺟﻪ ﻋﻨﻲ ﺍﻧﺘﻲ ﻣﺎ ﺗﻌﺮﻓﻴﻬﺎﺵ .. ﺩﻟﻮﻗﺘﻲ ﺑﻘﻲ ﺗﻘﺪﺭﻱ ﺗﺮﺩﻱ .. ﺑﺲ ﺍﺭﺟﻮﻛﻲ ﺍﻓﺘﻜﺮﻱ ﺍﻥ ﺍﻧﺘﻲ ﻭﺑﺲ ﺍﻟﻠﻲ ﺍﺧﺘﺮﺗﻚ ﻓﻲ ﺣﻴﺎﺗﻲ
ﺷﺎﻫﻨﺪﺍ .......: