رواية لعبة القدر
الحلقة الثامنة والتاسعة
ﺍﻟﺤﻠﻘﻪ ﺍﻟﺜﺎﻣﻨﻪ
ﺍﻡ ﺳﻤﻴﻪ ﻗﺎﻟﺖ ﺍﻟﺤﻘﻴﻘﻪ ﻗﺪﺍﻡ ﺍﻟﻜﻞ ﻭﺳﻴﺪ ﺭﺍﻓﺾ ﻳﺼﺪﻗﻬﺎ ﻧﻬﺎﺋﻲ
ﺷﻮﻕ : ﻻ ﻳﺎ ﺑﺎﺑﺎ ﻣﺶ ﻛﺪﺍﺑﻪ ﻛﻞ ﻛﻠﻤﻪ ﻧﻄﻘﺘﻬﺎ ﺻﺢ
ﺳﻴﺪ ﻭﻗﻒ ﺷﻮﻳﻪ ﻣﺶ ﻣﺴﺘﻮﻋﺐ ﺑﻨﺘﻪ ﻗﺎﻟﺖ ﺍﻳﻪ؟
ﺳﻴﺪ : ﻧﻌﻢ ﻗﻮﻟﺘﻲ ﺍﻳﻪ ﺣﻀﺮﺗﻚ؟؟ ﺍﻳﻪ ﺍﻟﻠﻲ ﺻﺢ؟ ﻟﻤﺎ ﺩﻱ ﻣﺶ ﺑﻨﺖ ﻣﺤﻤﻮﺩ ﺍﻣﺎﻝ ﺑﻨﺖ ﻣﻴﻦ؟
ﻫﻨﺎ ﻣﺤﻤﻮﺩ ﺍﺗﺪﺧﻞ
ﻣﺤﻤﻮﺩ : ﻳﺎ ﺟﻤﺎﻋﻪ ﻣﻌﻠﺶ ﻛﻞ ﻭﺍﺣﺪ ﻳﺮﻭﺡ ﺑﻴﺘﻪ ﻳﺎﻻ
ﺑﺎﺑﺎ ﺧﺪ ﻣﺎﻣﺎ ﻭﺍﺗﻔﻀﻞ ﻭﺍﻧﺘﻲ ﻳﺎ ﺣﻤﺎﺗﻲ ﺍﺗﻔﻀﻠﻲ ﺑﻘﻲ
ﺧﺪﻱ ﺳﻤﻴﻪ ﻣﻌﺎﻛﻲ ﻭﺭﻭﺣﻮﺍ ﻳﺎﻻ ﻛﻠﻪ ﻳﺮﻭﺡ ﺑﻴﺘﻪ ..
ﺍﻟﻜﻞ ﺍﻧﺴﺤﺐ ﻭﻓﻀﻞ ﻣﺤﻤﻮﺩ ﻭﺳﻴﺪ ﻭﺳﻤﻴﺤﻪ ﻭﺷﻮﻕ
ﺳﻴﺪ : ﻗﻮﻟﺘﻲ ﺍﻳﻪ ﺍﻧﺘﻲ ﺑﻘﻲ؟؟ ﻟﻤﺎ ﺩﻱ ﻣﺎﺗﺒﻘﺎﺵ ﺑﻨﺖ ﻣﺤﻤﻮﺩ ﺗﺒﻘﻲ ﻣﻴﻦ؟
ﺷﻮﻕ ﻣﻌﺮﻓﺘﺶ ﺗﺮﺩ ﻭﻻﺯﻗﻪ ﻓﻲ ﺍﻟﺤﻴﻂ
ﺳﻴﺪ : ﻭﺍﻧﺖ ﺍﺗﺼﺪﻣﺖ ﺑﻌﺪ ﻣﺎ ﺍﺗﺠﻮﺯﺕ؟ ﻃﻴﺐ ﻣﻄﻠﻘﺘﻬﺎﺵ ﻟﻴﻪ؟ ﻣﺎ ﻗﻮﻟﺘﻠﻴﺶ ﻟﻴﻪ؟ ﻣﻘﺘﻠﺘﻬﺎﺵ ﻟﻴﻪ؟
ﻣﺤﻤﻮﺩ : ﺍﻳﻪ ﻳﺎ ﻋﻤﻲ ﺍﻟﻠﻲ ﺑﺘﻘﻮﻟﻮﺍ ﺩﻩ؟ ﻫﻴﺎ ﻏﻠﻄﺖ ﻭﺍﻳﻮﻩ ﻏﻠﻄﻪ ﻛﺒﻴﺮﻩ ﺑﺲ ﻣﺶ ﻣﻌﻨﻲ ﻛﺪﻩ ﺍﻧﻲ ﺍﻗﺘﻠﻬﺎ ﺍﻭ ﺍﺭﻣﻴﻬﺎ ﻻ ﻳﺎ ﻋﻤﻲ ﺗﻔﻜﻴﺮﻙ ﻏﻠﻂ
ﺳﻴﺪ : ﻏﻠﻂ؟؟؟ ﺍﻧﺖ ﻛﻨﺖ ﻋﺎﺭﻑ ﺑﺪﻩ ﻗﺒﻞ ﻣﺎ ﺗﺘﺠﻮﺯﻫﺎ؟؟
ﻣﺤﻤﻮﺩ ﺳﺎﻛﺖ ﻭﻣﺶ ﻋﺎﺭﻑ ﻳﺮﺩ
ﺳﻴﺪ : ﺭﺩ ﻋﻠﻴﺎ
ﻣﺤﻤﻮﺩ : ﺍﻳﻮﻩ ﻛﻨﺖ ﻋﺎﺭﻑ ﻭﺍﺗﺠﻮﺯﺗﻬﺎ ﻋﻠﺸﺎﻥ ﺍﺣﻤﻴﻬﺎ
ﺳﻴﺪ : ﺗﺤﻤﻲ ﻣﻴﻦ؟؟ ﺩﻱ؟؟ ﺍﻧﺖ ﺍﺗﺠﻨﻨﺖ؟؟
ﺳﻴﺪ ﻛﺎﻥ ﻫﻴﺘﺠﻨﻦ ﻭﺭﺍﺡ ﻧﺎﺣﻴﻪ ﺷﻮﻕ ﻭﻭﻗﻒ ﻗﺼﺎﺩﻫﺎ
ﺷﻮﻕ : ﺑﺎﺑﺎ ﺍﻧﺎ ﺍﺳﻔﻪ ﺳﺎﻣﺤﻨﻲ
ﺳﻴﺪ ﻓﻀﻞ ﻭﺍﻗﻒ ﺷﻮﻳﻪ ﻭﻣﺮﻩ ﻭﺍﺣﺪﻩ ﻧﺰﻝ ﻳﻀﺮﺏ ﻓﻴﻬﺎ ﺑﺎﻻﻗﻼﻡ ﻳﻀﺮﺏ ﻭﻳﻀﺮﺏ ﻭﻳﻀﺮﺏ
ﻣﺤﻤﻮﺩ ﺍﺗﺪﺧﻞ ﻭﺣﺎﻭﻝ ﻳﺪﺍﻓﻊ ﻋﻨﻬﺎ ﺑﺲ ﺳﻴﺪ ﺑﻴﺰﻗﻪ ﺑﻌﻴﺪ
ﻭﻳﺮﺟﻊ ﻳﻀﺮﺏ ﻓﻴﻬﺎ ﺗﺎﻧﻲ
ﻣﺤﻤﻮﺩ ﺍﺧﻴﺮﺍ ﻗﺪﺭ ﻳﺸﺪ ﺳﻴﺪ ﻗﺒﻞ ﻣﺎ ﻳﻤﻮﺕ ﺷﻮﻕ ﻓﻲ ﺍﻳﺪﻩ ﻭﻣﺎﺳﻜﻪ ﺟﺎﻣﺪ ﻭﺳﻤﻴﺤﻪ ﺷﺪﺕ ﺑﻨﺘﻬﺎ ﻭﻭﻗﻔﺘﻬﺎ
ﻭﺳﻤﺮ ﺍﺧﺘﻬﺎ ﺍﻟﺼﻐﻴﺮﻩ ﺑﺘﺮﺍﻗﺐ ﻣﻦ ﺑﻌﻴﺪ ﺩﻣﻮﻋﻬﺎ ﻧﺎﺯﻟﻪ ﻭﺳﺎﻛﺘﻪ
ﺳﻴﺪ : ﺳﻠﻤﺘﻲ ﻧﻔﺴﻚ ﻟﻮﺍﺣﺪ ﺿﺤﻚ ﻋﻠﻴﻜﻲ ﺑﻜﻠﻤﺘﻴﻦ ﻭﻻ ﺑﻤﺰﺍﺟﻚ؟؟ ﺭﺩﻱ؟
ﻣﺤﻤﻮﺩ : ﺧﻼﺹ ﺑﻘﻲ ﻳﺎ ﻋﻤﻲ؟ ﻫﻮ ﺿﺤﻚ ﻋﻠﻴﻬﺎ ﻭﺍﻧﺘﻬﻲ ﺍﻟﻤﻮﺿﻮﻉ ﻭﺧﻼﺹ ﻭﺭﺑﻨﺎ ﺳﺘﺮﻫﺎ ﻭﻣﺤﺪﺵ ﻋﺮﻑ ﺑﺤﺎﺟﻪ
ﺳﻴﺪ : ﻳﺎ ﺳﻼﻡ؟؟ ﻛﺪﻩ ﺍﻟﻤﻮﺿﻮﻉ ﺧﻠﺺ؟؟ ﺣﺼﻞ ﺧﻴﺮ؟؟ ﺍﻧﺖ ﺳﺘﺮﺕ ﻋﻠﻴﻬﺎ ﻭﺧﻼﺹ؟؟؟ ﺍﻧﺖ ﻣﺠﻨﻮﻥ ..... ﻭﺍﻟﺒﻨﺖ ﺍﻟﻠﻲ ﺧﻠﻔﺘﻬﺎ ﺩﻱ؟ ﻣﺼﻴﺮﻫﺎ ﺍﻳﻪ؟؟ ﺍﻧﺖ ﺗﺘﺤﻤﻠﻬﺎ ﻟﻴﻪ؟ ﺫﻧﺒﻚ ﺍﻳﻪ ﺗﺘﺠﻮﺯ ﻭﺍﺣﺪﻩ ﺯﻱ ﺩﻱ؟؟؟ ﺍﻧﺎ ﻻﺯﻡ ﺍﻗﺘﻠﻬﺎ ﻭﺍﻏﺴﻞ ﻋﺎﺭﻱ
ﺷﺪ ﻧﻔﺴﻪ ﻣﻦ ﻣﺤﻤﻮﺩ ﻭﺭﺍﺡ ﻧﺎﺣﻴﻪ ﺷﻮﻕ ﻭﻣﺴﻜﻬﺎ ﻣﻦ ﺭﻗﺒﺘﻬﺎ ﺑﻴﺨﻨﻘﻬﺎ ﻭﻛﻠﻬﻢ ﺑﻴﺤﺎﻭﻟﻮﺍ ﻳﺸﺪﻭﻩ ﺑﺲ ﺍﻳﺪﻩ ﻣﺎﺳﻜﻪ ﺟﺎﻣﺪ ﻓﻲ ﺭﻗﺒﺘﻬﺎ
ﻟﺤﺪ ﻣﺎ ﻣﺤﻤﻮﺩ ﺷﺪﻩ ﺍﺧﻴﺮﺍ
ﻣﺤﻤﻮﺩ : ﺍﻫﺪﻱ ﻳﺎ ﻋﻤﻲ ﻣﺶ ﻛﺪﻩ
ﺳﻴﺪ : ﻳﺎ ﺍﻗﺘﻠﻬﺎ ﻳﺎ ﺗﻄﻠﻊ ﺑﺮﻩ ﺑﻴﺘﻲ ﻭﺑﺮﻩ ﺣﻴﺎﺗﻨﺎ ﻛﻠﻬﺎ
ﻣﺤﻤﻮﺩ : ﺣﺎﺿﺮ ﻫﺎﺧﺪﻫﺎ ﻭﺍﺭﻭﺡ
ﺳﻴﺪ : ﻻ ﺑﺮﻩ ﺣﻴﺎﺗﻨﺎ ﻛﻠﻬﺎ ﺍﻧﺖ ﺗﺮﻣﻲ ﻋﻠﻴﻬﺎ ﻳﻤﻴﻦ ﺍﻟﻄﻼﻕ ﺩﻟﻮﻗﺘﻲ ... ﺍﻟﻠﻲ ﺯﻳﻬﺎ ﺩﻱ ﻣﺎ ﺗﺘﺤﻄﺶ ﻓﻲ ﺑﻴﺖ ﺍﺑﺪﺍ ... ﻻ ﺍﻧﺘﻲ ﺑﻨﺘﻲ ﻭﻻ ﺍﻋﺮﻓﻚ ... ﺍﻧﺎ ﻣﺘﺒﺮﻱ ﻣﻨﻚ ﻟﻴﻮﻡ ﺍﻟﺪﻳﻦ ﻗﻠﺒﻲ ﻏﻀﺒﺎﻥ ﻋﻠﻴﻜﻲ ﻟﻴﻮﻡ ﺍﻟﺪﻳﻦ ﺍﻃﻠﻌﻲ ﺑﺮﻩ
ﺳﻤﻴﺤﻪ : ﻭﺍﻟﻨﺒﻲ ﻳﺎ ﺳﻴﺪ ﺍﻫﺪﻱ
ﺳﻴﺪ : ﻋﻠﻴﺎ ﺍﻟﻄﻼﻕ ﺑﺎﻟﺘﻼﺗﻪ ﻟﻮ ﺟﺒﺘﻲ ﺳﻴﺮﺗﻬﺎ ﻟﺘﺘﺸﺮﺩﻱ ﺑﺒﻨﺎﺗﻚ ﺑﺮﻩ ﻳﺎ ﺗﺘﻄﻠﻊ ﺑﺮﻩ ﺍﻟﺒﻴﺖ ﻳﺎ ﺗﻄﻠﻌﻲ ﺍﻧﺘﻲ ﻭﺑﻨﺎﺗﻚ ﻣﻌﺎﻫﺎ ﺍﺧﺘﺎﺭﻱ؟؟
ﻣﺤﻤﻮﺩ : ﺧﻼﺹ ﻳﺎ ﻋﻤﻲ
ﺳﻴﺪ : ﺍﻟﺤﻠﻔﺎﻥ ﻋﻠﻴﻚ ﺍﻧﺖ ﻛﻤﺎﻥ ... ﺍﻟﻠﻴﻠﻪ ﺗﻄﻠﻘﻬﺎ ﻣﺎ ﺗﺪﺧﻠﺶ ﺑﻴﺘﻚ
ﻣﺤﻤﻮﺩ : ﻳﺎﻋﻤﻲ ﺍﺳﺘﻬﺪﻱ ﻛﺪﻩ ﺍﺣﻨﺎ ﺑﺎﻟﻠﻴﻞ ﻫﺘﺮﻭﺡ ﻓﻴﻦ؟
ﺳﻴﺪ : ﻋﻠﻴﺎ ﺍﻟﻄﻼﻕ ﻣﺎ ﺗﺒﺎﺕ ﻓﻲ ﺑﻴﺘﻚ ﺍﻧﺖ ﻛﻤﺎﻥ ﻫﺘﻜﺴﺮ ﻛﻼﻣﻲ ﻳﺒﻘﻲ ﺧﺪ ﻣﻌﺎﻙ ﻣﺮﺍﺕ ﻋﻤﻚ ﻭﺑﺎﻗﻲ ﺑﻨﺎﺗﻬﺎ
ﻳﺎﻻ ﺍﻃﻠﻌﻲ ﺑﺮﻩ
ﺷﻮﻕ : ﻳﺎ ﺑﺎﺑﺎ ﺍﺭﺟﻮﻙ
ﺳﻴﺪ : ﺍﺧﺮﺳﻲ ﺍﻭﻋﻲ ﺗﻨﻄﻘﻲ ﺍﻟﻜﻠﻤﻪ ﺩﻱ ﺗﺎﻧﻲ ... ﺍﻧﺘﻲ ﻣﺶ ﺑﻨﺘﻲ ... ﺑﻨﺘﻲ ﻣﺎ ﺗﻌﻤﻠﺶ ﻛﺪﻩ ﺍﺑﺪﺍ ... ، ﺍﻳﺎﻙ ﺍﺷﻮﻑ ﻭﺷﻚ ﻓﻲ ﺍﻟﺒﻴﺖ ﺩﻩ ﺗﺎﻧﻲ ... ﺑﺮﻩ ﺑﻴﺘﻲ
ﻣﺤﻤﻮﺩ ﺍﺧﺪ ﺷﻮﻕ ﻭﻣﺸﻲ ﻭﻣﺶ ﻋﺎﺭﻑ ﻳﻌﻤﻞ ﺍﻳﻪ؟
ﺍﺧﺪﻫﺎ ﺑﻴﺖ ﺣﻤﺎﺗﻪ ﺍﺧﺮ ﻣﺎ ﺯﻫﻖ ﻭﺍﻭﻝ ﻣﺎ ﺩﺧﻞ ﻛﺎﻥ ﻣﺮﺍﺗﻪ ﻭﺣﻤﺎﺗﻪ ﻫﻨﺎﻙ ﻭﺍﺗﻔﺎﺟﺆﺍ ﺑﻴﻬﺎ
ﺣﻤﺎﺗﻪ ﺑﺘﺒﺼﻠﻪ ﺑﻨﻈﺮﻩ ﺍﺣﺴﺎﺱ ﻓﻲ ﺍﻟﺬﻧﺐ
ﻣﺤﻤﻮﺩ : ﻳﻌﻨﻲ ﻛﺎﻥ ﻻﺯﻡ ﻳﺎ ﺣﻤﺎﺗﻲ ﺗﻘﻮﻟﻲ ﺻﺢ؟ ﺍﻫﻲ ﺍﻟﺪﻧﻴﺎ ﺍﻃﺮﺑﻘﺖ
ﺣﻤﺎﺗﻪ : ﻛﻨﺖ ﻋﺎﻳﺰﻧﻲ ﺍﺳﻜﺖ؟؟؟ ﻭﺑﻨﺘﻲ؟؟؟
ﻣﺤﻤﻮﺩ : ﻟﻤﺎ ﺗﻼﻗﻴﻨﻲ ﺍﻧﺎ ﻣﺶ ﺑﺘﺼﺮﻑ ﺗﻜﻠﻤﻴﻨﻲ ﻣﺶ ﺗﻌﻤﻠﻲ ﻛﺪﻩ ﺍﻟﻤﻬﻢ ﺷﻮﻕ ﻫﺘﺒﺎﺕ ﻋﻨﺪﻙ ﺍﻟﻠﻴﻠﻪ
ﺣﻤﺎﺗﻪ : ﺍﻫﻼ ﻭﺳﻬﻼ ﺑﺲ ﺍﺷﻤﻌﻨﻲ
ﻣﺤﻤﻮﺩ : ﻋﻤﻲ ﻃﺮﺩﻫﺎ ﻣﻦ ﺍﻟﺒﻴﺖ ﻭﺣﻠﻒ ﺑﺎﻟﻄﻼﻕ ﺍﻥ ﺣﺘﻲ ﺑﻴﺘﻲ ﻣﺎ ﺗﺒﺎﺗﺶ ﻓﻴﻪ ﻭﺍﻟﺼﺒﺢ ﺍﻥ ﺷﺎﺀﺍﻟﻠﻪ ﻫﺸﻮﻓﻠﻬﺎ ﻣﻜﺎﻥ ﺗﻌﻴﺶ ﻓﻴﻪ
ﺣﻤﺎﺗﻪ : ﻫﺘﺠﻴﺒﻠﻬﺎ ﺷﻘﻪ؟؟
ﻣﺤﻤﻮﺩ : ﺣﻤﺎﺗﻲ؟؟؟
ﺳﻤﻴﻪ : ﻫﺘﻌﻤﻞ ﺍﻳﻪ ﻳﺎ ﻣﺤﻤﻮﺩ؟؟
ﻣﺤﻤﻮﺩ : ﻋﻤﻲ ﺣﻠﻒ ﻋﻠﻴﺎ ﺍﻃﻠﻘﻬﺎ ﻭﻣﺶ ﻋﺎﺭﻑ ﺍﻋﻤﻞ ﺍﻳﻪ؟
ﺷﻮﻕ : ﻣﺎ ﺗﻌﻤﻠﺶ ﻛﻔﺎﻳﻪ ﺍﻟﻠﻲ ﻋﻤﻠﺘﻪ ﻟﺤﺪ ﺍﻟﻨﻬﺎﺭﺩﻩ ... ﺍﻟﺼﺒﺢ ﻫﺸﻮﻓﻠﻲ ﺍﻭﺿﻪ ﺑﺎﻻﻳﺠﺎﺭ ﺍﻋﻴﺶ ﻓﻴﻬﺎ ﻭﺍﻧﺎ ﺑﺸﺘﻐﻞ ﻭﺍﻗﺪﺭ ﺍﺻﺮﻑ ﻋﻠﻲ ﻧﻔﺴﻲ ﻭﻛﺘﺮ ﺧﻴﺮﻙ ﻟﺤﺪ ﻛﺪﻩ ﻭﺷﻮﻑ ﺑﻴﺘﻚ ﺑﻘﻲ ﻳﺎ ﻣﺤﻤﻮﺩ
ﺍﻡ ﺳﻤﻴﻪ : ﻳﺎﺑﻨﺘﻲ ﺍﻋﺬﺭﻳﻨﻲ ﺑﺲ ﻭﺍﻟﻠﻪ ﻣﺎ ﻛﻨﺖ ﺍﻗﺼﺪ ﺍﺿﺮﻙ
ﺷﻮﻕ : ﺍﻋﺬﺭﻙ ﻋﻠﻲ ﺍﻳﻪ ﺑﺲ؟ ﺍﻟﻤﻮﺿﻮﻉ ﻛﺎﻥ ﻭﻗﺖ ﻣﺶ ﺍﻛﺘﺮ .. ﻛﺎﻥ ﻻﺯﻡ ﺍﻟﺤﻘﻴﻘﻪ ﻫﺘﺒﺎﻥ .. ﺍﻧﺎ ﻏﻠﻄﺖ ﻭﻻﺯﻡ ﺍﺗﺤﻤﻞ ﻧﺘﻴﺠﻪ ﻏﻠﻄﻲ
ﻣﺤﻤﻮﺩ ﺷﺎﻓﻠﻬﺎ ﺍﻭﺿﻪ ﺑﻤﻨﺎﻓﻌﻬﺎ ﺑﺎﻻﻳﺠﺎﺭ ﻭﻭﻗﻒ ﻣﻌﺎﻫﺎ ﻟﺤﺪ ﻣﺎ ﻇﺒﻄﺖ ﺍﻣﻮﺭﻫﺎ
ﺣﻤﺎﺗﻪ ﻛﺎﻧﺖ ﺑﺘﺎﺧﺪ ﺭﻫﻒ ﻋﻨﺪﻫﺎ ﻓﺘﺮﻩ ﺷﻐﻞ ﺷﻮﻕ ﻟﺤﺪ ﻣﺎ ﺷﻮﻕ ﻋﺮﻓﺖ ﺟﻴﺮﺍﻧﻬﺎ ﻭﺍﺗﺼﺎﺣﺒﻮﺍ ﻋﻠﻴﻬﺎ ﻭﻋﺮﺿﻮﺍ ﻣﺴﺎﻋﺪﺗﻬﻢ ﻋﻠﻴﻬﺎ ﻭﺍﺳﺘﻤﺮﺕ ﺍﻟﺤﻴﺎﻩ ﻟﺤﺪ ﻣﺎ ﻋﻤﺮ ﺭﻫﻒ ﺑﻘﻲ 7 ﺳﻨﻴﻦ ........
#######################
ﻧﺮﺟﻊ ﻟﻠﻮﺍﻗﻊ ﺑﻘﻲ ﻓﻲ ﺍﻟﻤﺴﺘﺸﻔﻲ
ﻛﻞ ﺩﻩ ﺣﺎﺯﻡ ﻭﺍﻗﻒ ﺑﻴﻔﺘﻜﺮ ﻛﻞ ﺍﻟﻠﻲ ﻓﺎﺕ ﻭﻛﻞ ﺍﻟﻠﻲ ﺣﺼﻞ ﻣﻦ ﺳﺒﻊ ﺳﻨﻴﻦ
ﻓﺎﻕ ﻣﻦ ﺫﻛﺮﻳﺎﺗﻪ ﻋﻠﻲ ﺻﻮﺕ ﻋﻴﺎﻁ ﺭﻫﻒ
ﺣﺎﺯﻡ : ﺭﻫﻒ ﻣﺎﻟﻚ ﻓﻲ ﺍﻳﻪ؟ ﻣﺎ ﺗﻌﻴﻄﻴﺶ ﺍﻧﺎ ﺟﻨﺒﻚ ﺍﻫﻮﻩ
ﻫﺸﺸﺸﺶ ﺑﺴﺴﺲ
ﺷﺎﻟﻬﺎ ﺣﺎﺯﻡ ﻭﺍﺧﺪﻫﺎ ﻓﻲ ﺣﻀﻨﻪ ﻳﻬﺪﻫﺪ ﻓﻴﻬﺎ ﻟﺤﺪ ﻣﺎ ﺭﺟﻌﺖ ﻧﺎﻣﺖ ﺗﺎﻧﻲ
ﻛﻞ ﻣﺎ ﻳﺠﻲ ﻳﻘﻮﻡ ﺗﻤﺴﻚ ﻓﻲ ﺭﻗﺒﺘﻪ ﺟﺎﻣﺪ ﻟﺤﺪ ﻣﺎﻫﻮ ﻛﻤﺎﻥ ﻧﺎﻡ ﺟﻨﺒﻬﺎ ...
ﻓﺎﻗﺖ ﺷﻮﻕ ﺍﻟﺼﺒﺢ ﻣﺴﺘﻐﺮﺑﻪ ﻫﻴﺎ ﻓﻴﻦ؟ ﺑﺘﺒﺺ ﺣﻮﺍﻟﻴﻬﺎ ﻣﺶ ﻓﺎﻫﻤﻪ ﺍﻱ ﺣﺎﺟﻪ
ﻭﻓﺠﺄﻩ ﺍﻓﺘﻜﺮﺕ ﺑﻨﺘﻬﺎ ﻓﺎﺗﻌﺪﻟﺖ ﺑﺴﺮﻋﻪ ﺑﺲ ﺷﺎﻓﺘﻬﺎ ﻓﻲ ﺣﻀﻦ ﻭﺍﺣﺪ ﺑﺘﺘﺎﻛﺪ ﻟﻘﺘﻪ ﺣﺎﺯﻡ
ﻣﺶ ﻓﺎﻫﻤﻪ ﻫﻴﺎ ﻓﻴﻦ؟ ﺍﻭ ﺍﻳﻪ ﺍﻟﻠﻲ ﺟﺎﺏ ﺣﺎﺯﻡ ﻫﻨﺎ؟؟
ﻣﺶ ﻓﺎﻫﻤﻪ ﺍﻱ ﺷﻴﺊ؟؟
ﺩﺧﻠﺖ ﺍﻟﻤﻤﺮﺿﻪ
ﺍﻟﻤﻤﺮﺿﻪ : ﻛﻮﻳﺲ ﺍﻧﻚ ﻓﻮﻗﺘﻲ ﻋﺎﻣﻠﻪ ﺍﻳﻪ ﺩﻟﻮﻗﺘﻲ؟
ﺣﺎﺯﻡ ﺻﺤﻲ ﻋﻠﻲ ﺻﻮﺕ ﺍﻟﻤﻤﺮﺿﻪ ﻭﺍﺗﻌﺪﻝ
ﺍﻟﻤﻤﺮﺿﻪ : ﺍﺳﻔﻪ ﻟﻮ ﺻﺤﻴﺖ ﺣﻀﺮﺗﻚ
ﺣﺎﺯﻡ : ﻻ ﻋﺎﺩﻱ ﺩﻩ ﺷﻐﻠﻚ ... ﻋﺎﻣﻠﻪ ﺍﻳﻪ ﺩﻟﻮﻗﺘﻲ؟
ﺷﻮﻕ ﻣﺶ ﻣﺴﺘﻮﻋﺒﻪ ﺍﻧﻪ ﺑﻴﻜﻠﻤﻬﺎ ﺩﻩ ﻳﺪﻭﺏ ﻣﻦ ﻓﺘﺮﻩ ﻣﻜﻨﺶ ﻓﺎﻛﺮ ﺣﺘﻲ ﺍﺳﻤﻬﺎ
ﺍﻟﻤﻤﺮﺿﻪ : ﺍﻧﺘﻲ ﺗﻌﺒﺎﻧﻪ ﻭﻻ ﺍﻳﻪ؟
ﺷﻮﻕ ﻓﺎﻗﺖ : ﻻ ﻻ ﺍﻧﺎ ﺍﻟﺤﻤﺪ ﻟﻠﻪ ﻛﻮﻳﺴﻪ .. ﻛﻮﻳﺴﻪ ﺧﺎﻟﺺ ﻭﻣﻤﻜﻦ ﺍﺧﺮﺝ ﻛﻤﺎﻥ
ﺍﻟﻤﻤﺮﺿﻪ : ﻻ ﺍﻟﺪﻛﺘﻮﺭ ﺍﻟﻠﻲ ﻳﺤﺪﺩ ﺣﻀﺮﺗﻚ ﺗﺨﺮﺟﻲ ﺍﻣﺘﻲ؟
ﻋﻄﺘﻬﺎ ﺍﺩﻭﻳﺘﻬﺎ ﻭﺍﻧﺴﺤﺒﺖ ﺑﻬﺪﻭﺀ ﻭﺳﺎﺑﺘﻬﻢ ﺍﻻﺗﻨﻴﻦ ﻗﺼﺎﺩ ﺑﻌﺾ ﻣﺤﺪﺵ ﻓﻴﻬﻢ ﻋﺎﺭﻑ ﻳﺒﺪﺃﻣﻨﻴﻦ؟؟؟
ﺷﻮﻕ : ﺍﻧﺎ ﺟﻴﺖ ﻫﻨﺎ ﺍﺯﺍﻱ؟
ﺣﺎﺯﻡ : ﺍﻧﺎ ﺟﺒﺘﻚ
ﺷﻮﻕ : ﺍﻳﻮﻩ ﺑﺮﺿﻪ ﺍﺯﺍﻱ؟؟
ﺣﺎﺯﻡ ﻓﻜﺮ ﻭﻣﺶ ﻋﺎﺭﻑ ﻳﻘﻮﻟﻬﺎ ﺍﻳﻪ؟ ﺍﺯﺍﻱ ﻳﻘﻮﻟﻬﺎ ﺍﻧﻪ ﻛﺎﻥ ﻣﺮﺍﻗﺒﻬﺎ؟؟
ﺣﺎﺯﻡ : ﺻﺪﻓﻪ ﻣﺶ ﺍﻛﺘﺮ، .... ﻛﻨﺖ ﻓﻲ ﻃﺮﻳﻘﻲ ﻭﻣﺤﺘﺎﺝ ﻟﻤﺴﻜﻦ ﻓﻮﻗﻔﺖ ﻓﻲ ﺍﻭﻝ ﺻﻴﺪﻟﻴﻪ ﻗﺎﺑﻠﺘﻨﻲ
ﺷﻮﻕ ﻣﺶ ﻓﺎﻫﻤﻪ : ﻭﺑﻌﺪﻳﻦ؟
ﺣﺎﺯﻡ : ﻭﺑﻌﺪﻳﻦ ﻟﻘﻴﺖ ﺑﻨﺖ ﺻﻐﻴﺮﻩ ﻋﺎﻳﺰﻩ ﺩﻭﺍ ﻟﻤﺎﻣﺘﻬﺎ ﻋﻠﺸﺎﻥ ﻣﺶ ﺑﺘﺮﺩ ﻋﻠﻴﻬﺎ ﻭﻋﻤﺎﻟﻪ ﺗﻌﻴﻂ ﻓﻘﺮﺭﺕ ﺍﺳﺎﻋﺪﻫﺎ ﻓﺎﺧﺪﺗﻬﺎ ﻭﻭﺭﺗﻨﻲ ﺑﻴﺖ ﻣﺎﻣﺘﻬﺎ ﻭﺍﺗﻔﺎﺟﺌﺖ ﺍﻧﻪ ﺍﻧﺘﻲ ﻭﺟﺒﺘﻚ ﻫﻨﺎ .... ﺯﻱ ﻣﺎ ﻗﻮﻟﺘﻠﻚ ﺻﺪﻓﻪ ﻣﺶ ﺍﻛﺘﺮ
ﺷﻮﻕ : ﻭﺍﻧﺖ ﻣﻦ ﺍﻣﺘﻲ ﺑﺘﺴﺎﻋﺪ ﺍﻱ ﺣﺪ؟؟؟
ﺣﺎﺯﻡ : ﺍﻧﺘﻲ ﻣﺎ ﺗﻌﺮﻓﻴﻨﻴﺶ ﻋﻠﺸﺎﻥ ﺗﺤﻜﻤﻲ ﻋﻠﻴﺎ
ﺷﻮﻕ : ﺍﻧﺎ ﻓﻌﻼ ﺍﻛﺘﺸﻔﺖ ﺍﻧﻲ ﻣﺎ ﺍﻋﺮﻓﻜﺶ ﻧﻬﺎﺋﻲ
ﺣﺎﺯﻡ : ﻃﻴﺐ
ﺷﻮﻕ : ﻃﻴﺐ ﺍﻧﺎ ﻻﺯﻡ ﺍﻣﺸﻲ ﻣﻦ ﻫﻨﺎ ﺣﺎﻻ ﻻﻧﻲ ﻣﻘﺪﺭﺵ ﺍﺗﺤﻤﻞ ﺗﻜﻠﻔﻪ ﻣﻜﺎﻥ ﺯﻱ ﺩﻩ
ﻳﺪﻭﺏ ﻫﺘﻘﻮﻡ ﻓﺤﺎﺯﻡ ﻣﺴﻜﻬﺎ ﻭﺛﺒﺘﻬﺎ ﻣﻜﺎﻧﻬﺎ
ﺣﺎﺯﻡ : ﺍﻧﺘﻲ ﻣﺶ ﻫﺘﺮﻭﺣﻲ ﻓﻲ ﺍﻱ ﻣﻜﺎﻥ ... ﺍﻧﺎ ﻫﺘﻜﻔﻞ ﺑﻜﻞ ﺣﺎﺟﻪ ..
ﺷﻮﻕ : ﺍﻧﺎ ﻣﺶ ﻫﻘﺒﻞ ﻣﺴﺎﻋﺪﺗﻚ
ﺣﺎﺯﻡ : ﺍﻧﺘﻲ ﻣﻌﻨﺪﻛﻴﺶ ﻏﻴﺮ ﻣﺴﺎﻋﺪﺗﻲ ﻓﺎﺳﻜﺘﻲ
ﺭﻫﻒ ﺻﺤﻴﺖ ﻭﺍﻭﻝ ﻣﺎ ﺍﺗﻌﺪﻟﺖ ﺷﺎﻓﺖ ﺍﻣﻬﺎ ﺻﺎﺣﻴﻪ ﻓﺠﺮﻳﺖ ﻋﻠﻴﻬﺎ
ﺭﻫﻒ : ﻣﺎﻣﺎ ﺣﺒﻴﺒﺘﻲ ﺍﺧﻴﺮﺍ ﺻﺤﻴﺘﻲ؟؟ ﺍﻧﺎ ﻛﻨﺖ ﺧﺎﻳﻔﻪ ﻗﻮﻱ ﻳﺎ ﻣﺎﻣﺎ؟؟ ﻟﺤﺪ ﻣﺎ ﺷﻔﺖ ﻋﻤﻮ ﺣﺎﺯﻡ ﻭﻫﻮ ﻣﺎﺳﺒﻨﻴﺶ ﻣﻦ ﺍﻣﺒﺎﺭﺡ ﺍﺑﺪﺍ ﺍﺑﺪﺍ
ﺷﻮﻕ ﺑﺼﺖ ﻟﺤﺎﺯﻡ ﺍﻟﻠﻲ ﺑﺺ ﺑﻌﻴﺪ ﻭﻭﻗﻒ ﻗﺪﺍﻡ ﺍﻟﺸﺒﺎﻙ ﻳﺪﺍﺭﻱ ﻣﺸﺎﻋﺮﻩ
ﺳﺎﺑﻬﻢ ﺷﻮﻳﻪ ﻳﺘﻜﻠﻤﻮﺍ ﺑﺮﺍﺣﺘﻬﻢ ﻭﺑﻌﺪﻫﺎ ﺍﺗﺪﺧﻞ
ﺣﺎﺯﻡ : ﺍﻟﻤﻬﻢ ﺭﻭﻓﻲ ﺍﻧﺎ ﻭﺍﻗﻊ ﻣﻦ ﺍﻟﺠﻮﻉ ﺍﻧﺘﻲ ﺍﻳﻪ ﻧﻈﺎﻣﻚ؟؟
ﺭﻫﻒ : ﻣﻴﻦ ﺭﻭﻓﻲ ﺩﻱ؟
ﺣﺎﺯﻡ : ﺍﻧﺘﻲ
ﺿﺤﻜﺖ ﺭﻫﻒ ﺿﺤﻜﻪ ﻫﻮ ﻋﺸﻘﻬﺎ ﻣﺶ ﻋﺎﺭﻑ ﻟﻴﻪ
ﺭﻫﻒ : ﺍﻧﺎ ﻛﻤﺎﻥ ﺟﻌﺎﻧﻪ ﻳﺎ ﺯﻭﻣﻲ
ﺣﺎﺯﻡ ﺑﺎﺳﺘﻐﺮﺍﺏ : ﻣﻴﻦ ﺯﻭﻣﻲ ﺩﻩ؟
ﺭﻫﻒ : ﺍﻧﺖ ﻫﻬﻬﻬﻪ
ﺣﺎﺯﻡ : ﺍﻣﻤﻢ ﺍﻧﺎ !!! ﻣﺎﺷﻲ ﺑﺮﺍﺣﺘﻚ ﺍﻟﻤﻬﻢ ﻫﺘﺎﻛﻠﻲ ﻣﻌﺎﻳﺎ ﻭﻻ ﻫﺘﺴﻴﺒﻴﻨﻲ ﻟﻮﺣﺪﻱ؟
ﺭﻫﻒ : ﻣﺎﻣﻲ ﻳﻨﻔﻊ ! ؟
ﺷﻮﻕ : ﺍﻩ ﻳﺎ ﺣﺒﻴﺒﺘﻲ ﻳﻨﻔﻊ ﺭﻭﺣﻲ
ﺣﺎﺯﻡ ﺍﺧﺪﻫﺎ ﻭﺧﺮﺝ ﻭﺍﻭﻝ ﻣﺎ ﺧﺮﺟﻮﺍ ﻣﺴﻜﺖ ﺍﻳﺪﻩ ﻫﻮ ﺑﺺ ﻻﻳﺪﻳﻬﻢ ﻭﺍﺑﺘﺴﻢ ﻭﺳﻜﺖ
ﻓﻄﺮﻭﺍ ﻭﺿﺤﻜﻮﺍ ﻭﻫﺰﺭﻭﺍ ﺍﻛﺘﺸﻒ ﺣﺎﺯﻡ ﻗﺪ ﺍﻳﻪ ﺭﻫﻒ ﺑﻨﺖ ﺟﻤﻴﻠﻪ ﺭﻗﻴﻘﻪ ﻣﺘﻜﻠﻤﻪ
ﻛﺎﻥ ﻣﺘﺨﻴﻞ ﺍﻧﻪ ﻫﻴﺰﻫﻖ ﻣﻨﻬﺎ ﺍﻭ ﻳﻤﻞ ﺍﻭ ﻳﺤﺲ ﺍﻧﻬﺎ ﻣﻔﺮﻭﺿﻪ ﻋﻠﻴﻪ ﺑﺲ ﺍﻟﻌﻜﺲ ﺗﻤﺎﻣﺎ
ﻛﺎﻥ ﺣﺎﺑﺐ ﻗﻌﺪﺗﻬﺎ ﻭﻫﺰﺍﺭﻫﺎ ﻭﺿﺤﻜﻬﺎ
ﻋﻠﻲ ﺍﺗﺼﻞ ﺑﻴﻪ
ﻋﻠﻲ : ﻫﺘﻴﺠﻲ ﺍﻟﺸﻐﻞ ﺍﻟﻨﻬﺎﺭﺩﻩ؟
ﺣﺎﺯﻡ : ﻣﻌﺘﻘﺪﺵ ﺍﻟﻤﻬﻢ ﺷﻮﻓﻠﻲ ﺷﻘﻪ ﺻﻐﻴﺮﻩ ﻳﻨﻔﻊ ﺷﻮﻕ ﻭﺑﻨﺘﻬﺎ ﻳﻘﻌﺪﻭﺍ ﻓﻴﻬﺎ
ﻋﻠﻲ : ﺷﻘﻪ ﺍﺯﺍﻱ ﻳﻌﻨﻲ؟
ﺣﺎﺯﻡ : ﻳﻌﻨﻲ ﺍﻳﻪ ﺷﻘﻪ ﺍﺯﺍﻱ؟ ﻣﻜﺎﻥ ﻳﻌﻴﺸﻮﺍ ﻓﻴﻪ ﺍﻧﺎ ﻣﺶ ﻫﺨﻠﻴﻬﻢ ﻳﻘﻌﺪﻭﺍ ﻓﻲ ﺍﻟﺨﺮﺍﺑﻪ ﺍﻟﻠﻲ ﻛﺎﻧﻮﺍ ﻓﻴﻬﺎ ﺍﺗﺼﺮﻑ ﻭﺑﺴﺮﻋﻪ ﻻﻧﻬﺎ ﻣﻤﻜﻦ ﺗﺨﺮﺝ ﺍﻟﻨﻬﺎﺭﺩﻩ
ﻋﻠﻲ : ﺍﻧﺎ ﺍﺧﺪﺕ ﺷﻘﻪ ﺟﺪﻳﺪﻩ ﺍﻟﻠﻲ ﺍﺗﺠﻮﺯﺕ ﻓﻴﻬﺎ ﻭﺷﻘﺘﻲ ﺍﻟﻘﺪﻳﻤﻪ ﻣﻮﺟﻮﺩﻩ ﻭﺑﻔﺮﺷﻬﺎ ﻋﺎﻳﺰﻩ ﺑﺲ ﺗﺘﻨﻈﻒ ﺗﻨﻔﻊ؟؟
ﺣﺎﺯﻡ : ﺗﻨﻔﻊ ﻣﺆﻗﺘﺎ ﻟﺤﺪ ﻣﺎ ﺍﺷﻮﻓﻠﻬﻢ ﻣﻜﺎﻥ ﻳﺴﺘﻘﺮﻭﺍ ﻓﻴﻪ ... ﺍﺑﻌﺖ ﺣﺪ ﻳﻨﻈﻔﻬﺎ ﻭﺍﺑﻌﺘﻠﻲ ﺍﻟﻤﻔﺘﺎﺡ
ﻋﻠﻲ : ﺗﻤﺎﻡ
ﺍﺧﺮ ﺍﻟﻨﻬﺎﺭ ﺍﺧﺪﻫﻢ ﺍﻻﺗﻨﻴﻦ ﻭﺭﻭﺣﻬﻢ ﻭﺍﺗﻔﺎﺟﺌﺖ ﺷﻮﻕ ﺑﻤﻜﺎﻥ ﻏﻴﺮ ﺑﻴﺘﻬﺎ
ﺷﻮﻕ : ﺍﻳﻪ ﺩﻩ ﺍﺣﻨﺎ ﻓﻴﻦ؟؟
ﺣﺎﺯﻡ : ﺍﻧﺰﻟﻲ ﻭﺍﺳﻜﺘﻲ
ﺷﻮﻕ ﻧﺰﻟﺖ ﻣﻌﺎﻩ ﻭﻫﻮ ﺭﻫﻒ ﻓﻲ ﺍﻳﺪﻩ ﻭﺍﺧﺪﻫﻢ ﻭﻃﻠﻌﻮﺍ ﻭﻓﺘﺤﻠﻬﻢ ﺑﺎﺏ ﺍﻟﺸﻘﻪ
ﺍﻟﺸﻔﻪ ﻛﺎﻧﺖ ﺻﻐﻴﺮﻩ ﺑﺲ ﺟﻤﻴﻠﻪ ﻭﻣﺮﺗﺒﻪ ﻭﻧﻈﻴﻔﻪ
ﺷﻮﻕ : ﺩﻱ ﺷﻘﻪ ﻣﻴﻦ؟
ﺣﺎﺯﻡ : ﻣﺆﻗﺘﺎ ﺗﺒﻌﻚ ﻟﺤﺪ ﻣﺎ ﺍﺷﻮﻑ ﻣﻜﺎﻥ ﻣﻨﺎﺳﺐ ﻏﻴﺮﻫﺎ
ﺷﻮﻕ : ﺗﺒﻌﻲ ﺍﺯﺍﻱ؟ ﻭﺑﻌﺪﻳﻦ ﺍﻧﺖ ﺗﺸﻮﻓﻠﻨﺎ ﻟﻴﻪ؟ ﺍﻧﺖ ﻣﺎﻟﻚ ﺑﻴﻨﺎ؟
ﺣﺎﺯﻡ : ﺍﻧﺎ ﻣﺶ ﻋﺎﻳﺰ ﻛﻼﻡ ﻛﺘﻴﺮ ... ﺍﻧﺘﻲ ﻣﺶ ﻫﺘﺮﺟﻌﻲ ﺑﺒﻨﺘﻚ ﺍﻟﺨﺮﺍﺑﻪ ﺍﻟﻠﻲ ﻛﻨﺘﻮ ﻓﻴﻬﺎ ﻓﺎﻫﻤﻪ؟
ﺷﻮﻕ : ﻭﺍﻧﺖ ﻫﺘﺴﺎﻋﺪﻧﺎ ﻟﻴﻪ؟
ﺣﺎﺯﻡ : ﺍﻧﺎ ﺑﺴﺎﻋﺪ ﻧﺎﺱ ﻛﺘﻴﺮ ﻫﻌﺘﺒﺮﻙ ﻣﻨﻬﻢ
ﺷﻮﻕ : ﺍﻧﺎ ﺣﺎﻟﻪ ﺧﻴﺮﻳﻪ ﻳﻌﻨﻲ ﻟﺴﻴﺎﺩﺗﻚ؟؟
ﺣﺎﺯﻡ : ﻣﺶ ﻋﺎﺟﺒﻚ ﺍﻟﻤﺴﻤﻲ ﺩﻩ؟ ﺑﻼﺵ ﺳﻤﻴﻬﺎ ﺭﺩ ﺟﻤﻴﻞ ﻻﻧﻚ ﺍﻧﺘﻲ ﻛﻨﺘﻲ ﻣﻤﺮﺿﺘﻲ ﻓﻲ ﻳﻮﻡ ﻣﻦ ﺍﻻﻳﺎﻡ ﺧﻼﺹ؟ ﺍﻟﺨﻼﺻﻪ ﺍﻧﻚ ﻫﺘﻔﻀﻠﻲ ﻫﻨﺎ ... ﻫﺎﺳﻴﺒﻜﻢ ﺗﺮﺗﺎﺣﻮﺍ ﻛﻞ ﺣﺎﺟﻪ ﻣﻤﻜﻦ ﺗﺤﺘﺎﺟﻮﻫﺎ ﻫﺘﻼﻗﻮﻫﺎ ﻫﻨﺎ
ﻧﺰﻝ ﺗﺤﺖ ﻛﺎﻥ ﻋﻠﻲ ﻣﺴﺘﻨﻴﻪ ﺍﻭﻝ ﻣﺎ ﺧﺮﺝ ﻣﻦ ﺑﺎﺏ ﺍﻟﻌﻤﺎﺭﻩ ﺳﻨﺪ ﻋﻠﻲ ﺍﻟﺤﻴﻄﻪ ﻻﻧﻪ ﻛﺎﻥ ﺗﻌﺒﺎﻥ ﺟﺪﺍ ﻭﻋﻠﻲ ﺟﺮﻱ ﻋﻠﻴﻪ ﻳﺴﻨﺪﻩ ﻟﺤﺪ ﻣﺎ ﺭﻛﺒﻪ ﺍﻟﻌﺮﺑﻴﻪ
ﻋﻠﻲ : ﺍﻓﻬﻢ ﺑﺲ ﻟﻴﻪ ﻣﺎ ﺑﺘﺴﺘﺨﺪﻣﺶ ﻋﻜﺎﺯﻙ؟؟
ﺣﺎﺯﻡ : ﺧﻠﻴﻚ ﻓﻲ ﻧﻔﺴﻚ
ﻋﻠﻲ : ﺍﻧﺖ ﺑﺘﺘﻌﺐ ﺟﺪﺍ ﻟﻤﺎ ﺑﺘﺤﻤﻞ ﻋﻠﻲ ﺭﺟﻠﻚ
ﺣﺎﺯﻡ : ﺑﺮﺿﻪ ﺧﻠﻴﻚ ﻓﻲ ﻧﻔﺴﻚ
ﺳﻜﺖ ﻋﻠﻲ ﻭﺳﺎﺏ ﺣﺎﺯﻡ ﻻﻓﻜﺎﺭﻩ
ﺣﺎﺯﻡ ﻣﺶ ﻋﺎﻳﺰ ﻳﺤﺲ ﺑﺎﻟﻀﻌﻒ ﺗﺎﻧﻲ ﻗﺪﺍﻡ ﺷﻮﻕ ... ﻣﺶ ﻋﺎﻳﺰ ﻳﺘﺄﻟﻢ ﺍﻭ ﻳﺘﻮﺟﻊ ﺗﺎﻧﻲ ... ﻣﺶ ﻋﺎﻳﺰﻫﺎ ﻫﻴﺎ ﺑﺎﻟﺬﺍﺕ ﺗﺸﻮﻓﻪ ﻋﺎﺟﺰ ﺍﻭ ﻣﺶ ﻗﺎﺩﺭ ﻳﺘﺤﺮﻙ
ﻓﺎﻕ ﻣﻦ ﺍﻓﻜﺎﺭﻩ ﻋﻠﻲ ﺻﻮﺕ ﻋﻠﻲ ﺑﻴﻜﻠﻤﻪ
ﻋﻠﻲ : ﻫﺎﻩ ﻫﺘﻌﻤﻞ ﺍﻳﻪ؟
ﺣﺎﺯﻡ : ﻫﻌﻤﻞ ﺍﻳﻪ ﻓﻲ ﺍﻳﻪ؟
ﻋﻠﻲ : ﺑﻘﻮﻝ ﻟﺤﻀﺮﺗﻚ ﺩﻛﺘﻮﺭﻩ ﺷﺎﻫﻨﺪﺍ ﺍﺗﺼﻠﺖ ﺑﺤﻀﺮﺗﻚ
ﻫﺘﻘﺎﺑﻠﻬﺎ ﻭﻻ ﺍﻳﻪ؟
ﺣﺎﺯﻡ : ﻫﻜﻠﻤﻬﺎ
ﺍﺗﺼﻞ ﺣﺎﺯﻡ ﺑﻴﻬﺎ
ﺣﺎﺯﻡ : ﺍﻟﻮ ﺍﺯﻳﻚ، ..... ﻋﺎﻣﻠﻪ ﺍﻳﻪ؟ ..... ﻋﻠﻲ ﺑﻠﻐﻨﻲ ﺍﻧﻚ ﻛﻠﻤﺘﻴﻨﻲ
ﺷﺎﻫﻨﺪﺍ : ﻓﻌﻼ ﻳﻌﻨﻲ ... ﻛﻨﺖ ﻫﻘﻮﻟﻚ .... ﻟﻮ ﻳﻨﻔﻊ ﻳﻌﻨﻲ ﻧﺘﻘﺎﺑﻞ ﺍﻭ ﺍﺷﻮﻓﻚ؟؟ ﺑﺲ ﻟﻮ ﻣﺸﻐﻮﻝ ﺍﻭ ﺗﻌﺒﺎﻥ ﻋﺎﺩﻱ ﻧﺄﺟﻠﻬﺎ ﺑﺮﺍﺣﺘﻚ !!!
ﺣﺎﺯﻡ : ﺍﻧﺘﻲ ﻓﻴﻦ ﺩﻟﻮﻗﺘﻲ؟؟
ﺷﺎﻫﻨﺪﺍ : ﺍﻧﺎ ﻓﻲ ﺍﻟﺒﻴﺖ
ﺣﺎﺯﻡ : ﻭﺗﺎﺧﺪﻱ ﻭﻗﺖ ﻗﺪ ﺍﻳﻪ ﺗﻠﺒﺴﻲ ﻓﻴﻪ؟؟
ﺷﺎﻫﻨﺪﺍ : ﺍﻟﺒﺲ؟؟ ( ﻓﻬﻤﺖ ﻳﻘﺼﺪ ﺍﻳﻪ ) ﺛﻮﺍﻧﻲ ﻃﺒﻌﺎ ... ﻋﺸﺮ ﺩﻗﺎﻳﻖ ﻣﺎﻛﺴﻤﻢ
ﺣﺎﺯﻡ : ﺍﻭﻙ ﺍﺟﻬﺰﻱ ﻭﻫﻌﺪﻱ ﻋﻠﻴﻜﻲ ﻫﻜﻠﻤﻚ ﺍﻭﻝ ﻣﺎ ﺍﻭﺻﻞ
ﻃﺎﺭﺕ ﺷﺎﻫﻨﺪﺍ ﻟﺒﺴﺖ ﻓﻲ ﺳﺮﻋﻪ ﺍﻟﺒﺮﻕ ﻭﻧﺰﻟﺖ ﺗﺴﺘﻨﺎﻩ
ﺑﺎﺑﺎﻫﺎ : ﺧﻴﺮ ﺭﺍﻳﺤﻪ ﻓﻴﻦ؟
ﺷﺎﻫﻨﺪﺍ : ﺣﺎﺯﻡ ﻛﻠﻤﻨﻲ ﻭﻫﻴﻌﺪﻱ ﻋﻠﻴﺎ ﻳﻨﻔﻊ ﺍﺧﺮﺝ ﻣﻌﺎﻩ؟
ﺑﺎﺑﺎﻫﺎ : ﺍﻧﺘﻲ ﺑﺘﺴﺄﻟﻴﻨﻲ ﺑﻌﺪ ﻣﺎ ﻟﺒﺴﺘﻲ؟؟
ﺷﺎﻫﻨﺪﺍ : ﻻ ﻋﺎﺩﻱ ﻟﻮ ﺣﻀﺮﺗﻚ ﻣﺶ ﻣﻮﺍﻓﻖ ﻋﺎﺩﻱ
ﺑﺎﺑﺎﻫﺎ : ﻻ ﻳﺎ ﺣﺒﻴﺒﺘﻲ ﺣﺎﺯﻡ ﺍﻧﺴﺎﻥ ﻣﺤﺘﺮﻡ ﻭﻣﻮﺿﻊ ﺛﻘﻪ ﺑﺲ ﻣﺶ ﻋﺎﻳﺰﻙ ﺗﺘﻌﻮﺩﻱ ﻋﻠﻲ ﺍﻟﺨﺮﻭﺝ ﻣﻌﺎﻩ .. ﺍﻧﺎ ﺳﺎﻳﺒﻜﻢ ﺑﺲ ﺗﺘﻌﺮﻓﻮﺍ ﻋﻠﻲ ﺑﻌﺾ .. ﻓﻴﺎ ﻳﺎﺧﺪ ﺧﻄﻮﻩ ﻳﺎ ﻳﺒﻌﺪ؟؟ ﻟﻜﻦ ﺧﺮﻭﺝ ﻛﺪﻩ ﻣﺶ ﻫﻴﻨﻔﻊ ﻓﻬﻤﺎﻧﻲ؟؟
ﺷﺎﻫﻨﺪﺍ : ﻃﺒﻌﺎ ﻓﺎﻫﻤﻪ ﺣﻀﺮﺗﻚ
ﺗﻠﻴﻔﻮﻧﻬﺎ ﺭﻥ ﻭﺧﺮﺟﺖ ﻟﺤﺎﺯﻡ ﺭﻛﺒﺖ ﻭﻋﻠﻲ ﻭﺻﻠﻬﻢ ﻣﻜﺎﻧﻬﻢ ﺍﻟﻠﻲ ﻫﻴﻘﻌﺪﻭﺍ ﻓﻴﻪ
ﻓﺘﺢ ﺍﻟﺒﺎﺏ ﻟﺸﺎﻫﻨﺪﺍ ﻧﺰﻟﺖ ﻭﻟﻒ ﻳﻔﺘﺢ ﻟﺤﺎﺯﻡ ﺍﻟﻠﻲ ﻛﺎﻥ ﻧﺎﺯﻝ
ﻋﻠﻲ ﺑﻬﻤﺲ : ﻫﺘﺴﺘﺨﺪﻡ ﻋﻜﺎﺯﻙ ﻭﻻ؟؟
ﺣﺎﺯﻡ : ﻫﺴﺘﺨﺪﻣﻪ ﻃﺒﻌﺎ ﻫﺎﺗﻮ
ﻧﺎﻭﻟﻪ ﺍﻟﻌﻜﺎﺯ ﻭﻣﺸﻲ ﺑﻴﻪ ﻭﺟﺖ ﺷﺎﻫﻨﺪﺍ ﺟﻨﺒﻪ ﺣﺴﺖ ﺑﺘﻌﺒﻪ ﻓﺴﻨﺪﺗﻪ ﻣﻦ ﺍﻟﻨﺎﺣﻴﻪ ﺍﻟﺘﺎﻧﻴﻪ ﻭﻫﻮ ﻣﻦ ﻏﻴﺮ ﺍﻱ ﺍﻋﺘﺮﺍﺽ ﺗﻘﺒﻞ ﻣﺴﺎﻋﺪﺗﻬﺎ
ﺩﺧﻠﻮﺍ ﻭﻗﻌﺪﻭﺍ ﻭﻫﻮ ﻓﺮﺩ ﺭﺟﻠﻪ ﻗﺪﺍﻣﻪ
ﺷﺎﻫﻨﺪﺍ : ﻃﻴﺐ ﻟﻮ ﺍﻧﺖ ﺗﻌﺒﺎﻥ ﻣﻜﻨﺎﺵ ﺧﺮﺟﻨﺎ؟؟
ﺣﺎﺯﻡ : ﺷﺎﻫﻲ ﺍﻧﺎ ﺑﻘﺎﻟﻲ ﺍﻛﺘﺮ ﻣﻦ ﺗﺴﻊ ﺳﻨﻴﻦ ﺗﻌﺒﺎﻥ ﻓﺎﺗﻌﻮﺩﺕ ﺍﺗﻌﺎﻳﺶ ﻣﻊ ﺍﻟﻮﺟﻊ ﻋﺎﺩﻱ ﻣﺎ ﺗﺸﻐﻠﻴﺶ ﺑﺎﻟﻚ
ﺷﺎﻫﻨﺪﺍ : ﻃﻴﺐ ﻣﻔﻴﺶ ﻋﻤﻠﻴﺎﺕ ﺗﺎﻧﻴﻪ ﻳﻨﻔﻊ ﺗﻌﻤﻠﻬﺎ؟؟
ﺣﺎﺯﻡ : ﻻ ﻣﻔﻴﺶ ﻭﻟﻮ ﻓﻲ ﻣﻌﺪﺵ ﻋﻨﺪﻱ ﺍﺳﺘﻌﺪﺍﺩ ﺍﻋﻤﻞ ﻋﻤﻠﻴﺎﺕ ﺗﺎﻧﻴﻪ
ﺷﺎﻫﻨﺪﺍ : ﺣﺘﻲ ﻟﻮ ﻫﺘﻌﺎﻟﺠﻚ؟؟
ﺣﺎﺯﻡ : ﻣﻔﻴﺶ ﺍﺻﻼ ﺣﺪ ﻳﻘﺪﺭ ﻳﻌﻤﻞ ﺣﺎﺟﻪ ... ﻭﺑﻌﺪﻳﻦ ﺍﻧﺎ ﻛﻨﺖ ﻓﻴﻦ ﻭﺑﻘﻴﺖ ﻓﻴﻦ !!! ﺍﻧﺎ ﻛﻨﺖ ﻣﺸﻠﻮﻝ ﺧﺎﻟﺺ ﻓﺎﻟﺤﻤﺪ ﻟﻠﻪ ﻗﻮﻱ ﻛﺪﻩ
ﺷﺎﻫﻨﺪﺍ : ﺍﺣﻜﻴﻠﻲ ﻋﻦ ﺍﻟﻔﺘﺮﻩ ﺩﻱ ..... ﻳﻨﻔﻊ؟؟
ﺣﺎﺯﻡ ﺳﺮﺡ ﻭﺍﻓﺘﻜﺮ ﺷﻮﻕ ﻭﺣﺒﻬﻢ ﻭﻛﻞ ﺣﺎﺟﻪ ﺣﻠﻮﻩ ﻭﻛﻞ ﺣﺎﺟﻪ ﻣﺮﻩ ﻋﺪﺕ ﻋﻠﻴﻬﻢ
ﺷﺎﻫﻨﺪﺍ : ﻟﻮ ﺍﻟﻤﻮﺿﻮﻉ ﺑﻴﻀﺎﻳﻘﻚ ﺧﻼﺹ
ﺣﺎﺯﻡ : ﻣﺶ ﺣﻜﺎﻳﻪ ﻳﻀﺎﻳﻘﻨﻲ ... ﺣﻜﺎﻳﻪ ﺍﻥ ﻣﻔﻴﻬﻮﺵ ﻛﺘﻴﺮ ﻳﺘﺤﻜﻲ ... ﺍﻧﺎ ﻋﻤﻠﺖ ﺣﺎﺩﺛﻪ ﺳﺎﺑﺘﻨﻲ ﻣﺸﻠﻮﻝ ﻓﻀﻠﺖ ﻓﺘﺮﻩ ﻓﻲ ﺍﻟﻤﺴﺘﺸﻔﻲ ﻭﺗﻌﺒﺖ ﻣﻨﻬﺎ ﻓﺮﺣﺖ ﺍﻟﺒﻴﺖ ﻭﻛﻤﻠﺖ ﻋﻼﺟﻲ ﻓﻲ ﺍﻟﺒﻴﺖ ﻭﻛﻞ ﻳﻮﻡ ﺑﻤﻤﺮﺿﻪ ﺷﻜﻞ
ﺷﺎﻫﻨﺪﺍ : ﺍﺷﻤﻌﻨﻲ؟؟
ﺣﺎﺯﻡ : ﻛﻨﺖ ﺑﻜﺮﻩ ﺍﻟﻤﻤﺮﺿﺎﺕ ﻗﻮﻱ ﻭﺧﺼﻮﺻﺎ ﺍﻧﻬﻢ ﻛﺎﻧﻮﺍ ﺑﻴﺤﺴﺴﻮﻧﻲ ﺑﻤﺪﻱ ﻋﺠﺰﻱ ... ﻭﺍﻧﻪ ﺍﻧﺎ ﻣﺤﺘﺎﺝ ﻟﻮﺍﺣﺪﻩ ﺗﻘﻮﻣﻨﻲ ﺍﻭ ﺗﺄﻛﻠﻨﻲ ﺍﻭ ﺗﺪﻳﻨﻲ ﺩﻭﺍﻳﺎ ... ﻛﻨﺖ ﺑﺮﻓﺾ ﻭﻟﻼﺳﻒ ﺍﻣﻲ ﻛﻨﺖ ﺑﺘﺨﻠﻴﻬﻢ ﻳﺠﻴﺒﻮﺍ ﺍﻻﻣﻦ ﻭﻳﻜﺘﻔﻮﻧﻲ ﻭﻳﺪﻭﻧﻲ ﺍﺩﻭﻳﺘﻲ ﻏﺼﺐ ﻋﻨﻲ ﻭﺩﻩ ﻛﺎﻥ ﻗﻤﻪ ﺍﻻﻟﻢ ﺑﺎﻟﻨﺴﺒﺎﻟﻲ ... ﻣﻜﻨﺶ ﻟﻴﺎ ﺭﺃﻱ ﻓﻲ ﺍﻱ ﺣﺎﺟﻪ ﺗﺤﺼﻠﻲ ... ﺍﻣﻲ ﺍﻋﺘﺒﺮﺕ ﺍﻟﺸﻠﻞ ﺩﻩ ﺍﻧﻲ ﻓﻘﺪﺕ ﻗﺪﺭﺗﻲ ﺣﺘﻲ ﻋﻠﻲ ﺍﻟﺘﻔﻜﻴﺮ .. ﻛﺎﻧﺖ ﺑﺘﻌﺎﻣﻠﻨﻲ ﻛﺄﻧﻲ ﻋﻴﻞ ﻋﻨﺪﻩ ﺳﻨﻪ ﻣﺎﻟﻮﺵ ﺍﻱ ﺣﻖ ﻳﺎﺧﺪ ﺍﻱ ﻗﺮﺍﺭ
ﺷﺎﻫﻨﺪﺍ : ﻣﺤﺎﻭﻟﺘﺶ ﺗﻜﻠﻤﻬﺎ ﻟﻴﻪ ﺍﻭ ﺗﻔﻬﻤﻬﺎ ﺍﻭ ﺗﺨﻠﻴﻬﺎ ﺗﺤﺲ ﺑﻴﻚ؟؟
ﺣﺎﺯﻡ : ﻣﺎﻟﻬﺎﺵ ﻓﻲ ﻣﻮﺿﻮﻉ ﺍﻻﺣﺎﺳﻴﺲ ﺩﻩ ... ﻫﻴﺎ ﻋﻨﺪﻫﺎ 2=1+1 ﻭﺑﺲ ﻣﺎﻳﻨﻔﻌﺶ ﺍﻱ ﺣﺎﺟﻪ ﺗﺎﻧﻴﻪ ... ﻛﻨﺖ ﻣﺤﺘﺎﺝ ﻟﻮﻗﺖ ﺍﺗﻌﻮﺩ ﻓﻴﻪ ﻋﻠﻲ ﻭﺿﻌﻲ ﺍﻟﺠﺪﻳﺪ ﻭﺍﺳﺘﻮﻋﺒﻪ ﻭﺍﺯﻋﻞ ﺷﻮﻳﻪ ﻭﻫﻴﺎ ﻣﻔﻬﻤﺘﺶ ﺍﻟﻮﺿﻊ ﺩﻩ
ﺷﺎﻫﻨﺪﺍ : ﻭﺑﻌﺪﻳﻦ؟
ﺣﺎﺯﻡ : ﻓﻀﻠﺖ ﺍﻃﻔﺶ ﻓﻲ ﺍﻟﻤﻤﺮﺿﺎﺕ ﻭﺍﺣﺪﻩ ﻭﺭﻱ ﺍﻟﺘﺎﻧﻴﻪ
ﺷﺎﻫﻨﺪﺍ : ﻭﺑﻌﺪﻳﻦ؟
ﺣﺎﺯﻡ : ﺍﻧﺘﻲ ﻋﺎﻳﺰﻩ ﺗﻮﺻﻠﻲ ﻻﻳﻪ؟
ﺷﺎﻫﻨﺪﺍ : ﻋﺎﻳﺰﻩ ﺍﻭﺻﻞ ﻟﺒﻌﺪﻳﻦ ... ﺣﺎﺳﻪ ﺍﻥ ﻓﻲ ﺣﺎﺟﻪ ﺣﺼﻠﺘﻠﻚ ... ﻣﺶ ﻋﺎﺭﻓﻪ ﻟﻴﻪ ﺑﺲ ﺣﺎﺳﻪ ﺍﻥ ﺣﻜﺎﻳﺘﻚ ﻟﻴﻬﺎ ﺟﺰﺀ ﻏﺎﻣﺾ
ﺣﺎﺯﻡ : ﻣﺎﻫﻮ ﻣﻤﻜﻦ ﺍﻟﺠﺰﺀ ﺩﻩ ﻣﺎ ﻳﻌﺠﺒﻜﻴﺶ؟؟
ﺷﺎﻫﻨﺪﺍ : ﺩﻩ ﻣﺎﺿﻲ ﺍﻧﺖ ﻋﺸﺘﻪ ﻭﺍﺛﺮ ﻓﻴﻚ ﻣﺎﻟﻴﺶ ﺣﻖ ﺍﻋﺘﺮﺽ ﺍﻭ ﺍﺣﻜﻢ ﺍﺫﺍ ﻛﺎﻥ ﻳﻌﺠﺒﻨﻲ ﻭﻻ ﻷ !!! ﺑﺲ ﻣﺤﺘﺎﺟﻪ ﺍﻋﺮﻑ ﻋﻠﺸﺎﻥ ﺍﻗﺪﺭ ﺍﻓﻬﻤﻚ ﺍﻛﺘﺮ
ﺣﺎﺯﻡ : ... ﻓﻀﻠﺖ ﺍﻃﺮﺩ ﻓﻲ ﺍﻟﻤﻤﺮﺿﺎﺕ ﻟﺤﺪ ﻣﺎ ﺟﺖ ﻭﺍﺣﺪﻩ ﻛﺎﻧﺖ ﻣﺨﺘﻠﻔﻪ ﺗﻤﺎﻣﺎ ... ﻣﺨﺘﻠﻔﻪ ﻓﻲ ﻛﻞ ﺣﺎﺟﻪ ... ﺭﺟﻌﺘﻠﻲ ﺍﻭﻝ ﺣﺎﺟﻪ ﺣﺮﻳﻪ ﺍﻻﺧﺘﻴﺎﺭ ... ﺍﻛﻞ ﺑﺮﺍﺣﺘﻲ .. ﺍﺷﺮﺏ ﺑﺮﺍﺣﺘﻲ ... ﺍﺧﺪ ﺍﻻﺩﻭﻳﻪ ﻭﻗﺖ ﻣﺎ ﺍﺣﺐ .. ﺍﺷﺮﺏ ﺳﺠﺎﻳﺮ ﺍﺫﺍ ﺣﺒﻴﺖ ... ﻣﻦ ﺍﻻﺧﺮ ﺍﻱ ﺣﺎﺟﻪ ﻛﻨﺖ ﺑﺤﺐ ﺍﻋﻤﻠﻬﺎ ﻛﻨﺖ ﺑﻌﻤﻠﻬﺎ
ﺷﺎﻫﻨﺪﺍ : ﻃﻴﺐ ﻭﻭﺍﻟﺪﺗﻚ؟؟
ﺣﺎﺯﻡ : ﻃﺒﻌﺎ ﺍﻋﺘﺮﺿﺖ ﻋﻠﻲ ﺍﺳﻠﻮﺑﻬﺎ ﻭﺍﺗﺠﻨﻨﺖ ﺑﺲ ﻟﻤﺎ ﻻﺣﻈﻮﺍ ﺍﻧﻲ ﺑﺎﺧﺪ ﺍﺩﻭﻳﺘﻲ ﻣﻦ ﻏﻴﺮ ﺗﻜﺘﻴﻒ ﺍﻭ ﺍﻛﻞ ﻣﺜﻼ ﺑﻤﺰﺍﺟﻲ ﺍﻭ ﺍﺗﻜﻠﻢ ﺍﻭ ﺍﻫﺰﺭ .. ﻋﺮﻓﻮﺍ ﺍﻧﻬﺎ ﻣﻤﻴﺰﻩ
ﺷﺎﻫﻨﺪﺍ : ﻭﻃﺒﻌﺎ ﺣﺒﻴﺘﻮﺍ ﺑﻌﺾ؟؟
ﺣﺎﺯﻡ : ﻟﻼﺳﻒ ﺣﺒﻴﺘﻬﺎ ﺑﺠﻨﻮﻥ ... ﺣﺒﻴﺘﻬﺎ ﻟﺪﺭﺟﻪ ﺍﻧﻲ ﺭﺟﻌﻠﻲ ﺍﻻﻣﻞ ﻓﻲ ﺍﻟﺤﻴﺎﻩ ﻭﺭﺟﻌﺖ ﺭﻏﺒﺘﻲ ﺍﻧﻲ ﺍﻗﻒ ... ﻭﺑﺎﻟﻔﻌﻞ ﺳﺎﻓﺮﺕ ﺍﻋﻤﻞ ﺍﻟﻌﻤﻠﻴﻪ ﻋﻠﺸﺎﻥ ﺍﻗﻒ ﻋﻠﻲ ﺭﺟﻠﻴﺎ ﻭﺍﺭﺟﻌﻠﻬﺎ ﻭﺍﻗﻒ
ﺷﺎﻫﻨﺪﺍ : ﻫﻮ ﺍﻟﻜﻼﻡ ﺩﻩ ﻛﺎﻥ ﺑﻌﺪ ﺍﻟﺤﺎﺩﺛﻪ ﺑﻘﺪ ﺍﻳﻪ؟
ﺣﺎﺯﻡ : ﺑﻌﺪﻫﺎ ﺑﺴﻨﺘﻴﻦ
ﺷﺎﻫﻨﺪﺍ : ﻃﻴﺐ ﻭﻫﻴﺎ ﻓﻴﻦ؟ ﺳﻴﺒﺘﻬﺎ ﻟﻴﻪ ﻃﺎﻟﻤﺎ ﺍﺩﻳﺘﻠﻚ ﺍﻻﻣﻞ ﻭﻟﻤﺎ ﺭﺟﻌﺖ ﻣﺮﺟﻌﺘﻠﻬﺎﺵ ﻟﻴﻪ؟
ﺣﺎﺯﻡ : ﺍﻧﺎ ﻣﺎ ﺳﻴﺒﺘﻬﺎﺵ
ﺷﺎﻫﻨﺪﺍ : ﺍﻭﻋﻲ ﺗﻘﻮﻝ ﺍﻧﻬﺎ ﻣﺎﺗﺖ؟؟ ﻫﺰﻋﻞ ﻗﻮﻱ ﻟﻮ ﻛﺎﻧﺖ ﻣﺎﺗﺖ
ﺣﺎﺯﻡ ﺍﺑﺘﺴﻢ : ﺑﺠﺪ ﻫﺘﺰﻋﻠﻲ؟؟
ﺷﺎﻫﻨﺪﺍ : ﻋﻠﺸﺎﻥ ﻣﺎ ﺍﺑﻘﺎﺵ ﻛﺪﺍﺑﻪ ﻫﺰﻋﻞ ﺷﻮﻳﻪ ﻭﺍﻓﺮﺡ
ﺣﺎﺯﻡ ﺿﺤﻚ : ﻃﻴﺐ ﻫﺘﺰﻋﻠﻲ ﻟﻴﻪ ﻭﺗﻔﺮﺣﻲ ﻟﻴﻪ؟
ﺷﺎﻫﻨﺪﺍ : ﻫﺰﻋﻞ ﻻﻧﻲ ﻣﺒﺤﺒﺶ ﻗﺼﺺ ﺍﻟﺤﺐ ﺍﻟﻠﻲ ﺯﻱ ﻛﺪﻩ ﺗﻨﺘﻬﻲ ﺑﺎﻟﺸﻜﻞ ﺩﻩ
ﺣﺎﺯﻡ : ﺍﻣﻢ ﻭﻫﺘﻔﺮﺣﻲ ﻟﻴﻪ؟
ﺷﺎﻫﻨﺪﺍ : ﺍﻓﺮﺡ ﻟﻴﻪ ﺑﻘﻲ ﺍﻗﻮﻟﻬﺎﻟﻚ ﺑﻌﺪﻳﻦ ... ﺍﻟﻤﻬﻢ ﺣﺼﻞ ﺍﻳﻪ ﻃﺎﻟﻤﺎ ﻣﺎ ﺳﻴﺒﺘﻬﺎﺵ ؟؟
ﺣﺎﺯﻡ : ﻫﻴﺎ ﺳﺎﺑﺘﻨﻲ ....
ﺷﺎﻫﻨﺪﺍ : ﻣﺎ ﺍﻋﺘﻘﺪﺵ ﻳﺎ ﺣﺎﺯﻡ ﺍﻥ ﺭﺍﺟﻞ ﺯﻳﻚ ﻣﻤﻜﻦ ﻭﺍﺣﺪﻩ ﺗﺴﻴﺒﻪ !!
ﺣﺎﺯﻡ ﺍﺑﺘﺴﻢ : ﺳﺎﻓﺮﺕ ﻭﻛﻠﻤﺖ ﺍﻣﻲ ﻛﺬﺍ ﻣﺮﻩ ﺍﺳﺄﻝ ﻋﻠﻴﻬﺎ ﻗﺎﻟﺘﻠﻲ ﺍﻧﻬﺎ ﻗﺒﻀﺖ ﻭﻣﺸﻴﺖ ﻭﺍﻛﺘﺸﻔﺖ ﺍﻥ ﺍﻣﻲ ﻛﺎﻧﺖ ﻣﻮﺍﻋﺪﺍﻫﺎ ﺑﻤﺒﻠﻎ ﻛﺒﻴﺮ ﻟﻮ ﻫﻴﺎ ﻗﺪﺭﺕ ﺗﻘﻨﻌﻨﻲ ﺍﻋﻤﻞ ﺍﻟﻌﻤﻠﻴﻪ ... ﻓﻠﻤﺎ ﺳﺎﻓﺮﺕ ﻗﺒﻀﺖ ﻣﻜﺎﻓﺌﺘﻬﺎ ﻭﻣﺸﻴﺖ
ﺷﺎﻫﻨﺪﺍ : ﻣﻌﻘﻮﻟﻪ؟ ﻛﺎﻧﺖ ﺑﺘﻤﺜﻞ ﻋﻠﻴﻚ؟؟ ﻣﺶ ﻋﺎﺭﻓﻪ ﻟﻴﻪ ﺑﺲ ﻣﺶ ﺩﺍﺧﻠﻪ ﺩﻣﺎﻏﻲ ﺍﻟﺤﻜﺎﻳﻪ ﺩﻱ ... ﻃﻴﺐ ﻟﻤﺎ ﺭﺟﻌﺖ ﻟﻴﻪ ﻣﺎ ﺭﻭﺣﺘﻠﻬﺎﺵ؟؟ ﻟﻴﻪ ﻣﺎ ﻭﺍﺟﻬﺘﻬﺎﺵ؟؟ ﻣﺶ ﻳﻤﻜﻦ ﺗﻜﻮﻥ ﻭﺍﻟﺪﺗﻚ ﻣﻨﻌﺘﻬﺎ ﺗﺠﻴﻠﻚ ﺍﻭ ﻫﻴﺎ ﻓﺮﻗﺖ ﺑﻴﻨﻜﻢ؟؟ ﻣﺎﻣﺘﻚ ﻣﻦ ﺍﻟﻨﻮﻉ ﺍﻟﻠﻲ ﻣﻤﺮﺿﻪ ﻣﺶ ﻫﺘﺪﺧﻞ ﺩﻣﺎﻏﻬﺎ
ﺣﺎﺯﻡ : ﻋﻤﻠﺖ ﺯﻳﻚ ﻛﺪﻩ ﻭﻓﻜﺮﺕ ﻧﻔﺲ ﺗﻔﻜﻴﺮﻙ ﻭﺭﺟﻌﺖ ﺍﺧﺪﺕ ﺍﻣﻲ ﻭﺭﻭﺣﺖ ﺑﻴﺘﻬﺎ ﻋﻠﺸﺎﻥ ﺍﻃﻠﺐ ﺍﻳﺪﻫﺎ ﻭﻧﺘﺠﻮﺯ
ﺷﺎﻫﻨﺪﺍ : ﻭﺑﻌﺪﻳﻦ؟ ﺭﻓﻀﺘﻚ؟؟ ﻣﻌﻘﻮﻟﻪ؟؟
ﺣﺎﺯﻡ ﺳﺮﺡ ﻭﺍﻓﺘﻜﺮ ﺍﺗﻌﺲ ﻳﻮﻡ ﻓﻲ ﻋﻤﺮﻩ ﻭﺍﻓﺘﻜﺮ ﻟﻤﺎ ﺭﺟﻊ ﻣﺸﻠﻮﻝ ﻣﻦ ﺗﺎﻧﻲ
ﺣﺎﺯﻡ : ﻛﻨﺖ ﺭﺍﻳﺢ ﺑﻔﺮﺣﻪ ﺍﻟﺪﻧﻴﺎ ﻛﻠﻬﺎ ﺟﻮﺍﻳﺎ ... ﻛﻨﺖ ﻋﺎﻳﺰﻫﺎ ﺗﺸﻮﻓﻨﻲ ﻭﺍﻗﻒ ... ﺍﻳﻨﻌﻢ ﻛﻨﺖ ﺑﻌﻜﺎﺯﺍﺕ ﺍﺗﻨﻴﻦ ﺑﺲ ﻭﺍﻗﻒ
ﺳﻜﺖ ﺷﻮﻳﻪ ﻋﻠﺸﺎﻥ ﻳﻘﺪﺭ ﻳﻜﻤﻞ
ﺷﺎﻫﻨﺪﺍ : ﻭﺑﻌﺪﻳﻦ ﺣﺼﻞ ﺍﻳﻪ؟
ﺣﺎﺯﻡ : ﻭﺻﻠﺖ ﺑﻴﺘﻬﺎ ﻭﻧﺰﻟﺖ ﻣﻦ ﺍﻟﻌﺮﺑﻴﻪ ﻭﺷﻔﺘﻬﺎ ... ﺷﻔﺘﻬﺎ ﻳﺎ ﺷﺎﻫﻲ ﻛﺎﻧﺖ ﺍﺟﻤﻞ ﻣﺎ ﻳﻜﻮﻥ
ﺷﺎﻫﻨﺪﺍ : ﻭﻛﻠﻤﺘﻬﺎ؟؟
ﺣﺎﺯﻡ : ﻻ ﻣﺎ ﻛﻠﻤﺘﻬﺎﺵ
ﺷﺎﻫﻨﺪﺍ : ﻟﻴﻪ ﻣﺎ ﻛﻠﻤﺘﻬﺎﺵ؟؟؟ ﻟﻴﻪ ﺗﺮﺍﺟﻌﺖ؟؟؟
ﺣﺎﺯﻡ : ﻛﺎﻧﺖ ﻓﻲ ﺍﻟﻜﻮﺷﻪ ﻣﻊ ﻋﺮﻳﺴﻬﺎ ﻫﻜﻠﻤﻬﺎ ﺍﺯﺍﻱ؟؟ ﻛﺎﻧﺖ ﺑﺘﺘﺠﻮﺯ ﺑﻔﻠﻮﺳﻲ ﺍﻟﻠﻲ ﺍﺧﺪﺗﻬﺎ ﻣﻦ ﺍﻣﻲ ... ﺣﺒﻴﺒﺘﻲ ﻛﺎﻧﺖ ﺑﺘﺘﺠﻮﺯ ﺑﻔﻠﻮﺳﻲ
ﺷﺎﻫﻨﺪﺍ ﻋﻨﻴﻬﺎ ﺩﻣﻌﺖ ﻭﻛﺎﻧﺖ ﻫﺘﻌﻴﻂ ﻻﻧﻬﺎ ﺣﺴﺖ ﺑﻤﺪﻱ ﻭﺟﻊ ﺣﺎﺯﻡ
ﺷﺎﻫﻨﺪﺍ : ﻋﻤﻠﺖ ﺍﻳﻪ ﺳﺎﻋﺘﻬﺎ؟
ﺣﺎﺯﻡ : ﻣﺎ ﻋﻤﻠﺘﺶ ﺍﻧﺴﺤﺒﺖ ﺑﻬﺪﻭﺀ ﻭﺭﺟﻌﺖ ﻋﺮﺑﻴﺘﻲ ... ﻣﺶ ﻗﺎﺩﺭ ﺍﻧﺴﻲ ﺍﻟﻴﻮﻡ ﺩﻩ ... ﺗﺨﻴﻠﻲ ﺍﻧﻚ ﺗﻔﻘﺪﻱ ﻫﺪﻓﻚ ﻓﻲ ﺍﻟﺤﻴﺎﻩ ﻭﺗﻌﻴﺸﻲ ﺑﺘﺘﻤﻨﻲ ﺍﻟﻤﻮﺕ ﻓﻲ ﻛﻞ ﻟﺤﻈﻪ ﻭﻓﺠﺄﻩ ﺗﺘﻔﺘﺤﻠﻚ ﻃﺎﻗﻪ ﺍﻣﻞ ﻭﺗﺤﺎﻭﻟﻲ ﺗﺮﺟﻌﻲ ﻟﻠﺤﻴﺎﻩ ﺗﺎﻧﻴﻪ ﻭﻓﻲ ﻧﻮﺭ ﻣﺎﺷﻴﻪ ﻋﻠﻴﻪ ﻭﻓﺠﺄﻩ ﺍﻟﻄﺎﻗﻪ ﺩﻱ ﺗﺘﻘﻔﻞ ﻭﺗﻜﺘﺸﻔﻲ ﺍﻥ ﻣﻜﻨﺶ ﻓﻲ ﻧﻮﺭ ﻭﻻ ﺣﺎﺟﻪ ﺩﻩ ﻛﺎﻥ ﻭﻫﻢ ﺍﻭ ﺳﺮﺍﺏ ﺍﻧﺘﻲ ﻋﺎﻳﺸﻪ ﻓﻴﻪ ... ﺭﺟﻌﺖ ﺍﻟﺒﻴﺖ ﺣﺎﻭﻟﺖ ﺍﻧﺰﻝ ﻣﻦ ﺍﻟﻌﺮﺑﻴﻪ ﺍﻭ ﺍﻗﻒ ﺗﺎﻧﻲ ﺑﺲ ﺭﺟﻠﻴﺎ ﺧﺎﻧﺘﻨﻲ ﻭﻣﻘﺪﺭﺗﺶ
ﺷﺎﻫﻨﺪﺍ : ﻣﺶ ﻣﻌﻘﻮﻟﻪ
ﺣﺎﺯﻡ : ﻟﻼﺳﻒ ﺭﺟﻌﺖ ﻣﺸﻠﻮﻝ ﺯﻱ ﺍﻻﻭﻝ ﺑﺎﻟﻈﺒﻂ ... ﻣﺶ ﺑﻘﻮﻟﻚ ﻛﻨﺖ ﻋﺎﻳﺶ ﻓﻲ ﻭﻫﻢ ... ﻛﻞ ﺣﺎﺟﻪ ﻛﺎﻧﺖ ﻭﻫﻢ ... ﺣﺒﻲ ﻛﺎﻥ ﻭﻫﻢ ... ﻭﻗﻮﻓﻲ ﻋﻠﻲ ﺭﺟﻠﻴﺎ ﻛﺎﻥ ﻭﻫﻢ ... ﻛﺎﺑﻮﺱ ﻭﺻﺤﻴﺖ ﻣﻨﻪ ﻋﻠﻲ ﻛﺎﺑﻮﺱ ﺍﺳﻮﺃ ... ﺍﻧﺎ ﻣﺸﻠﻮﻝ
ﺷﺎﻫﻨﺪﺍ : ﺑﺲ ﺍﻧﺖ ﺍﻫﻮ ﻭﺍﻗﻒ ﻋﻠﻲ ﺭﺟﻠﻴﻚ؟؟
ﺣﺎﺯﻡ : ﻣﺎﻫﻮ ﺑﻌﺪﻫﺎ ﻗﺮﺭﺕ ﺍﻧﻲ ﻻﺯﻡ ﺍﻗﻒ ﻭﺍﻧﻲ ﻣﺶ ﻣﺤﺘﺎﺝ ﻟﻮﺍﺣﺪﻩ ﺍﻗﻒ ﻋﻠﺸﺎﻧﻬﺎ ﻓﺴﺎﻓﺮﺕ ﺗﺎﻧﻲ ﻭﻓﻀﻠﺖ ﻛﺬﺍ ﺷﻬﺮ ﻣﻦ ﻋﻤﻠﻴﻪ ﻟﻌﻤﻠﻴﻪ ﻟﺤﺪ ﻭﻗﻔﺖ ﺗﺎﻧﻲ
ﺷﺎﻫﻨﺪﺍ : ﻭﻣﺎ ﺷﻔﺘﻬﺎﺵ ﺗﺎﻧﻲ ﺍﺑﺪﺍ ﺣﺒﻴﺒﺘﻚ؟؟ ﻣﺎ ﺣﻨﺘﺶ ﺍﻧﻚ ﺗﺸﻮﻓﻬﺎ ﺍﻭ ﺗﻌﺮﻑ ﻣﻨﻬﺎ ﻟﻴﻪ ﺳﺎﺑﺘﻚ؟؟
ﺣﺎﺯﻡ : ﺣﻨﻴﺖ .. ﺑﻌﺪ ﻛﺬﺍ ﺷﻬﺮ ﻟﻘﻴﺖ ﻧﻔﺴﻲ ﺑﺤﻂ ﺍﻋﺬﺍﺭ ﻭﺍﻓﺘﺮﺍﺿﺎﺕ ﻳﻤﻜﻦ ﻭﻳﻤﻜﻦ ﻭﻳﻤﻜﻦ ﻓﻘﻠﺖ ﻻﺯﻡ ﺍﻗﻄﻊ ﺍﻟﺸﻚ ﺑﺎﻟﻴﻘﻴﻦ ﻭﺍﻛﻠﻤﻬﺎ ﻭﺯﻱ ﻣﺎ ﻳﺤﺼﻞ
ﻳﺤﺼﻞ
ﺷﺎﻫﻨﺪﺍ : ﺍﻛﻴﺪ ﺑﻘﻲ ﺍﻟﻤﺮﻩ ﺩﻱ ﻛﻠﻤﺘﻬﺎ !! ﻗﻮﻝ ﺍﻩ ﻭﺍﻟﻨﺒﻲ
ﺣﺎﺯﻡ : ﻟﻼﺳﻒ ﻣﻜﻠﻤﺘﻬﺎﺵ
ﺷﺎﻫﻨﺪﺍ : ﻟﻴﻪ ﺑﻘﻲ ﺍﻳﻪ ﺍﻟﻠﻲ ﻣﻨﻌﻚ؟؟ ﺍﻭﻋﻲ ﺗﻘﻮﻝ ﺟﻮﺯﻫﺎ ! ؟
ﺣﺎﺯﻡ : ﻻ ﻣﺤﺪﺵ ﻣﻨﻌﻨﻲ ﺑﺲ ﻟﻤﺎ ﺭﺣﺖ ﺑﻴﺘﻬﺎ ﻓﻀﻠﺖ ﻭﺍﻗﻒ ﻛﺘﻴﺮ ﻗﺪﺍﻡ ﺍﻟﺒﻴﺖ ﻭﺑﻔﻜﺮ ﺍﻧﺰﻝ ﻭﻻ ﻷ؟ ﻃﻴﺐ ﺍﺳﺄﻝ ﻋﻠﻴﻬﺎ ﻭﻻ ﺍﻋﺮﻑ ﻣﻦ ﺑﻌﻴﺪ ﻋﻨﻮﺍﻥ ﺑﻴﺘﻬﺎ ﺍﻟﺠﺪﻳﺪ ﻭﺍﺭﻭﺣﻠﻬﺎ ﺍﻟﻤﻬﻢ ﻟﻘﻴﺖ ﻋﺮﺑﻴﻪ ﻭﻗﻔﺖ ﻗﺪﺍﻡ ﺑﻴﺘﻬﻢ ﻭﻫﻴﺎ ﻧﺎﺯﻟﻪ ﻣﻨﻬﺎ ﻭﺟﻮﺯﻫﺎ ﺟﻨﺒﻬﺎ ﻣﺴﻨﺪﻫﺎ ﻭﺍﻣﻬﺎ ﻧﺰﻟﺖ ﺗﺰﻏﺮﻁ ﻭﺗﺴﺘﻘﺒﻠﻬﺎ ﻭﻟﻘﻴﺖ ﺑﻴﺒﻲ ﻓﻲ ﺍﻟﻤﻮﺿﻮﻉ ... ﺑﺲ ﻓﻬﺪﺧﻞ ﻟﻴﻪ؟ ﻭﺍﺣﺪﻩ ﺍﺗﺠﻮﺯﺕ ﻭﺍﻫﻲ ﺧﻠﻔﺖ ﻳﺒﻘﻲ ﻻﺯﻣﺘﻪ ﺍﻳﻪ ﺍﻧﻐﺺ ﺣﻴﺎﺗﻬﺎ ﺍﻭ ﺍﺳﺒﺒﻠﻬﺎ ﻣﺸﺎﻛﻞ ﻣﻊ ﺟﻮﺯﻫﺎ؟؟ ﻭﺑﻌﺪﻳﻦ ﻓﻲ ﺑﻴﺒﻲ ﺑﻴﻨﻬﻢ ﻓﺎﻣﻠﻮﺵ ﻻﺯﻣﻪ ﺍﻱ ﻛﻼﻡ ... ﺑﺲ ﻳﺎ ﺳﺘﻲ ﻭﺳﺎﻓﺮﺕ ﻭﻟﺴﻪ ﺭﺍﺟﻊ ﺍﻫﻮ ﻣﻦ ﻛﺎﻡ ﺷﻬﺮ ﻭﺍﻧﺘﻲ ﻋﺎﺭﻓﻪ ﺍﻟﺒﺎﻗﻲ ... ﻭﻣﺎ ﺗﺴﺄﻟﻴﺶ ﺍﻱ ﺳﺆﺍﻝ ﺗﺎﻧﻲ ﻓﻲ ﺍﻟﻤﻮﺿﻮﻉ ﺩﻩ
ﺷﺎﻫﻨﺪﺍ : ﻻ ﻻﺯﻡ ﺍﺳﺄﻝ
ﺣﺎﺯﻡ : ﻣﺶ ﻫﺠﺎﻭﺑﻚ
ﺷﺎﻫﻨﺪﺍ : ﻫﻮ ﺳﺆﺍﻝ ﻭﺍﺣﺪ ﻻﺯﻡ ﺗﺠﺎﻭﺑﻨﻲ ﻋﻠﻴﻪ
ﺣﺎﺯﻡ : ﺍﺳﻤﻌﻪ ﺑﺲ ﻣﺎ ﺍﻭﻋﺪﻛﻴﺶ ﺍﻧﻲ ﻫﺠﺎﻭﺏ ...
ﺷﺎﻫﻨﺪﺍ : ﻟﻮ ﻗﺎﺑﻠﺘﻬﺎ ﺩﻟﻮﻗﺘﻲ ﻫﺘﻌﻤﻞ ﺍﻳﻪ؟ ﺍﻭ ﻟﻮ ﻫﻴﺎ ﺟﺎﺗﻠﻚ ﻭﺍﻗﺎﻟﺘﻠﻚ ﻣﺜﻼ ﺍﻧﻬﺎ ﻏﻠﻄﺎﻧﻪ ﻭﻧﺪﻣﺎﻧﻪ ﻫﺘﻌﻤﻞ ﺍﻳﻪ؟ ﻳﻌﻨﻲ ﺍﻧﺖ ﻟﺴﻪ ﺑﺘﺤﺒﻬﺎ ﻭﻣﻤﻜﻦ ﺗﺴﺎﻣﺤﻬﺎ ﻭﻻ ﻷ؟ ﻭﻻ
ﺣﺎﺯﻡ ﻗﺎﻃﻌﻬﺎ : ﺣﻤﻠﻚ ﺣﻤﻠﻚ ﺷﻮﻳﻪ ﺧﻤﺴﻴﻦ ﺳﺆﺍﻝ ﻭﺭﻱ ﺑﻌﺾ ﻭﺗﻘﻮﻟﻲ ﺳﺆﺍﻝ ﻭﺍﺣﺪ ! ؟
ﺷﺎﻫﻨﺪﺍ : ﻣﺶ ﻋﺎﺭﻓﻪ ﺍﺻﻴﻎ ﺳﺆﺍﻟﻲ ﺍﺻﻼ
ﺣﺎﺯﻡ : ﻃﻴﺐ ﺍﻧﺎ ﻫﺠﺎﻭﺑﻚ ﻣﻦ ﻏﻴﺮ ﻣﺎ ﺗﺴﺄﻟﻲ ﺍﻭﻛﻲ ... ( ﻣﺴﻚ ﺍﻳﺪﻫﺎ ) ﺍﻟﻠﻲ ﺍﻧﺎ ﺣﻜﻴﺘﻬﻮﻟﻚ ﺩﻩ ﻗﺼﻪ ﻗﺪﻳﻤﻪ ﻭﺍﻧﺘﻬﺖ ﻭﺍﺗﻘﻔﻠﺖ ﺗﻤﺎﻣﺎ ﻭﻣﻔﻴﺶ ﺍﻱ ﺷﻴﺊ ﻣﻤﻜﻦ ﻳﻔﺘﺤﻬﺎ ﺗﻤﺎﻡ؟ ﺩﻱ ﻛﺎﻧﺖ ﻣﺎﺿﻲ ﻭﺍﻧﺘﻬﻲ ... ﻭﺍﺣﺪﻩ ﺳﺎﺑﺘﻨﻲ ﻓﻲ ﻭﻗﺖ ..... ﺍﺗﺠﻮﺯﺕ ﻭﺧﻠﻔﺖ ﻭﻗﺼﺘﻬﺎ ﺍﻧﺘﻬﺖ ﻟﺤﺪ ﻛﺪﻩ ... ﻓﻤﺎ ﺍﻋﺘﻘﺪﺵ ﺍﺑﺪﺍ ﺍﻧﻲ ﻣﻤﻜﻦ ﺍﺳﻤﺤﻠﻬﺎ ﺗﺪﺧﻞ ﺣﻴﺎﺗﻲ ﺗﺎﻧﻲ ﺍﻭ ﻳﻜﻮﻥ ﻟﻬﺎ ﺍﻱ ﺩﻭﺭ ﻓﻲ ﺣﻴﺎﺗﻲ ... ﻛﺪﻩ ﺟﺎﻭﺑﺘﻚ ﺻﺢ؟
ﺷﺎﻫﻨﺪﺍ ﺑﻔﺮﺣﻪ ﺍﻃﻔﺎﻝ : ﻛﺪﻩ ﺟﺎﻭﺑﺘﻨﻲ ... ﻧﺎﻛﻞ ﺑﻘﻲ؟ ﺍﻧﺎ ﺟﻌﺎﻧﻪ
ﺣﺎﺯﻡ : ﻭﺍﻧﺎ ﻣﻴﺖ ﻣﻦ ﺍﻟﺠﻮﻉ
ﺷﺎﻫﻨﺪﺍ : ﺍﻧﺎ ﻫﻄﻠﺐ ﺍﻻﻛﻞ ﻭﺍﻧﺖ ﺗﺎﻛﻞ ﻋﻠﻲ ﺫﻭﻗﻲ؟؟؟
ﺣﺎﺯﻡ : ﺍﻣﻤﻤﻤﻢ ﺭﺑﻨﺎ ﻳﺴﺘﺮ
ﺷﺎﻫﻨﺪﺍ ﻃﻠﺒﺖ ﺍﻻﻛﻞ ﻭﺣﺎﺯﻡ ﺑﻴﺘﻔﺮﺝ ﻋﻠﻴﻬﺎ ﻭﻣﺒﺘﺴﻢ ...
ﺑﻴﺒﺼﻠﻬﺎ ﻭﻛﺄﻧﻪ ﺍﻭﻝ ﻣﺮﻩ ﻳﺸﻮﻓﻬﺎ ... ﻣﻼﻣﺤﻬﺎ ﺍﻟﺮﻗﻴﻘﻪ ... ﺟﻤﺎﻟﻬﺎ ﺍﻟﻬﺎﺩﻱ ... ﻭﺍﺗﻔﺎﺟﺊ ﺍﻥ ﺷﻌﺮﻫﺎ ﻃﻮﻳﻞ ﻧﺴﺒﻴﺎ ﻭﺍﺳﺘﻐﺮﺏ ﺍﻧﻪ ﻋﺎﺟﺒﻪ ﻛﺪﻩ ... ﻛﻞ ﺣﺎﺟﻪ ﻓﻴﻬﺎ ﻣﺘﻨﺎﺳﺒﻪ
ﺷﺎﻫﻨﺪﺍ ﺑﻜﺴﻮﻑ : ﻭﺑﻌﺪﻳﻦ ﻣﻌﺎﻙ ﺑﻘﻲ؟
ﺣﺎﺯﻡ ﺑﺎﺳﺘﻐﺮﺍﺏ : ﺑﻌﺪﻳﻦ ﻣﻌﺎﻳﺎ ﻓﻲ ﺍﻳﻪ؟
ﺷﺎﻫﻨﺪﺍ : ﺑﺘﺒﺼﻠﻲ ﺑﻄﺮﻳﻘﻪ ﻣﺠﻨﻨﺎﻧﻲ ... ﺣﺎﺳﻪ ﺍﻧﻚ ﺑﺘﻘﻴﻤﻨﻲ؟؟
ﺣﺎﺯﻡ : ﻳﻤﻜﻦ ﺍﻛﻮﻥ ﻓﻌﻼ ﺑﻘﻴﻤﻚ؟؟
ﺷﺎﻫﻨﺪﺍ ﺳﻨﺪﺕ ﻋﻠﻲ ﺍﻟﺘﺮﺑﻴﺰﻩ : ﻭﺍﺧﺪﺕ ﻛﺎﻡ ﻣﻦ ﻋﺸﺮﻩ ؟؟
ﺣﺎﺯﻡ : 100 10/ ﻋﻨﺪﻙ ﺷﻚ ﻓﻲ ﺩﻩ؟ ﻫﺎﻩ ﻫﺘﺎﻛﻠﻴﻨﺎ ﺍﻳﻪ؟
ﺷﺎﻫﻨﺪﺍ : ﻫﺘﺸﻮﻑ
ﺣﺎﺯﻡ : ﻫﻨﺸﻮﻑ
ﺟﻪ ﺍﻻﻛﻞ ﻭﺍﻛﻠﻮﺍ ﻭﺍﺗﺒﺴﻄﻮﺍ ﻭﻫﺰﺭﻭﺍ ﻭﺍﻟﻤﻔﺮﻭﺽ ﻳﻤﺸﻮﺍ ﺑﻘﻲ
ﺷﺎﻫﻨﺪﺍ : ﻋﻠﻲ ﻓﻜﺮﻩ ﺍﻧﺎ ﺍﺗﺄﺧﺮﺕ ﻭﻻﺯﻡ ﺍﻣﺸﻲ
ﺣﺎﺯﻡ : ﺗﺘﺠﻮﺯﻳﻨﻲ؟؟؟
ﺷﺎﻫﻨﺪﺍ ﻫﻴﻜﻮﻥ ﺭﺩﻫﺎ ﺍﻳﻪ؟
ﺣﺎﺯﻡ ﻫﻴﻌﻤﻞ ﺍﻳﻪ ﻣﻊ ﺷﻮﻕ؟
ﺷﻮﻕ ﻫﺘﻌﻤﻞ ﺍﻳﻪ ﻣﻊ ﺣﺎﺯﻡ؟
ﺍﻟﺤﻠﻘﻪ ﺍﻟﺘﺎﺳﻌﻪ من رواية لعبة القدر
ﺣﺎﺯﻡ ﻭﺷﺎﻫﻨﺪﺍ ﺍﻛﻠﻮﺍ ﻭﺍﺗﺒﺴﻄﻮﺍ ﻭﻫﺰﺭﻭﺍ ﻭﺍﻟﻤﻔﺮﻭﺽ ﻳﻤﺸﻮﺍ ﺑﻘﻲ
ﺷﺎﻫﻨﺪﺍ : ﻋﻠﻲ ﻓﻜﺮﻩ ﺍﻧﺎ ﺍﺗﺄﺧﺮﺕ ﻭﻻﺯﻡ ﺍﻣﺸﻲ
ﺣﺎﺯﻡ : ﺗﺘﺠﻮﺯﻳﻨﻲ؟؟؟
ﺷﺎﻫﻨﺪﺍ : ﺍﻧﺖ ﻗﻮﻟﺖ ﺍﻳﻪ؟ ﺣﺎﺯﻡ ﺍﻟﻤﻮﺍﺿﻴﻊ ﺩﻱ ﻣﻔﻴﻬﺎﺵ ﻫﺰﺍﺭ ﻟﻮ ﺳﻤﺤﺖ
ﺣﺎﺯﻡ : ﺍﻧﺘﻲ ﺷﺎﻳﻔﺎﻧﻲ ﺑﻬﺰﺭ؟؟؟ ﺳﺆﺍﻝ ﻭﺍﺿﺢ ﻭﺻﺮﻳﺢ .. ﺗﺘﺠﻮﺯﻳﻨﻲ؟؟
ﺷﺎﻫﻨﺪﺍ : ﻳﻌﻨﻲ ﺍﻧﺖ ﺑﺠﺪ ﻋﺎﻳﺰ ﺗﺘﺠﻮﺯﻧﻲ؟؟
ﺣﺎﺯﻡ : ﻓﻲ ﺍﻳﻪ ﻳﺎ ﺷﺎﻫﻲ؟؟ ﺍﻟﺴﺆﺍﻝ ﻣﺎﻟﻮﺵ ﺍﻱ ﻣﻌﺎﻧﻲ ﻫﻮ ﻣﻌﻨﻲ ﻭﺍﺣﺪ
ﺷﺎﻫﻨﺪﺍ : ﺍﺻﻞ ﺍﻧﺎ ﻣﺶ ﻣﺴﺘﻮﻋﺒﻪ
ﺣﺎﺯﻡ : ﺍﻩ ﻓﻬﻤﺖ ... ﻃﻴﺐ ﻳﺎﻻ ﺍﺭﻭﺣﻚ
ﺷﺎﻫﻨﺪﺍ : ﺍﻗﻌﺪ ﻭﺍﻫﺪﻱ ﻛﺪﻩ ... ﻓﻬﻤﺖ ﺍﻳﻪ ﺑﻘﻲ ﺳﻴﺎﺩﺗﻚ؟
ﺣﺎﺯﻡ : ﻓﻬﻤﺖ ﺍﻟﻠﻲ ﺍﻧﺘﻲ ﻣﺶ ﻣﺴﺘﻮﻋﺒﺎﻩ
ﺷﺎﻫﻨﺪﺍ : ﻭﺍﻳﻪ ﻫﻮ ﺩﻩ؟
ﺣﺎﺯﻡ : ﺷﺎﻫﻨﺪﺍ ﺧﻼﺹ ... ﺍﻋﺘﺒﺮﻳﻨﻲ ﻣﻘﻠﺘﺶ ﺣﺎﺟﻪ ﺗﻤﺎﻡ؟ ﺍﻧﺴﻲ ... ﺍﻧﺎ ﻭﺍﻧﺖ ﺍﺻﺤﺎﺏ ﻛﻮﻳﺴﻴﻦ
ﺷﺎﻫﻨﺪﺍ : ﺍﻧﺖ ﻧﺪﻣﺖ ﺍﻧﻚ ﺳﺄﻟﺘﻨﻲ ﺍﻟﺴﺆﺍﻝ ﺩﻩ؟
ﺣﺎﺯﻡ : ﻓﻮﻕ ﻣﺎ ﺗﺘﺨﻴﻠﻲ
ﺷﺎﻫﻨﺪﺍ : ﻃﻴﺐ ﺧﻼﺹ ﻫﻌﺘﺒﺮﻙ ﻣﻘﻮﻟﺘﻮﺵ ... ﺑﻌﺪ ﺍﺫﻧﻚ ﺍﻧﺎ ﺍﺗﺄﺧﺮﺕ ﻭﻻﺯﻡ ﺍﺭﻭﺡ
ﺣﺎﺯﻡ : ﻫﻮﺻﻠﻚ ﺍﺳﺘﻨﻲ
ﻗﺎﻡ ﺣﺎﺯﻡ ﻭﺭﺍﻫﺎ ﺑﻌﻜﺎﺯﻩ ﺑﺲ ﻫﻴﺎ ﻛﺎﻧﺖ ﻣﺎﺷﻴﻪ
ﺷﺎﻫﻨﺪﺍ : ﻻ ﻣﺘﺸﻜﺮﻩ ﺧﻠﻴﻚ ﻣﺮﺗﺎﺡ
ﻗﺎﻟﺘﻬﺎ ﻭﺟﺮﻳﺖ ﻣﻦ ﻗﺪﺍﻣﻪ ﻭﺭﻣﺖ ﻧﻔﺴﻬﺎ ﻓﻲ ﺍﻗﺮﺏ ﺗﺎﻛﺴﻲ ﻭﻫﻮ ﻓﻀﻞ ﻛﺘﻴﺮ ﻣﻜﺎﻧﻪ
ﻋﻠﻲ ﺩﺧﻠﻪ ﺑﻌﺪﻫﺎ ﺑﻔﺘﺮﻩ
ﻋﻠﻲ : ﺍﻧﺎ ﻣﺴﺘﻨﻴﻚ ﺗﻄﻠﻊ ﺑﺲ ﻣﺎ ﺑﺘﻄﻠﻌﺶ ﺍﻧﺖ ﻋﻨﺪﻙ ﻣﻮﺍﻋﻴﺪ ﺗﺎﻧﻴﻪ ﻫﻨﺎ؟
ﺣﺎﺯﻡ : ﻻ ﻣﻌﻨﺪﻳﺶ
ﻋﻠﻲ : ﻃﻴﺐ ﻣﺴﺘﻨﻴﻦ ﺍﻳﻪ؟ ﺍﻧﺎ ﻋﺎﻳﺰ ﺍﺭﻭﺡ ﻟﻤﺮﺍﺗﻲ
ﺣﺎﺯﻡ ﺍﺑﺘﺴﻢ : ﺍﻧﺎ ﺑﻨﺴﻲ ﻛﺘﻴﺮ ﺍﻧﻚ ﻣﺘﺠﻮﺯ ... ﻃﻴﺐ ﻣﻤﻜﻦ ﺗﺴﺎﻋﺪﻧﻲ؟؟
ﻋﻠﻲ ﻭﻗﻒ ﺣﺎﺯﻡ ﻭﺳﻨﺪﻩ ﻟﺤﺪ ﺍﻟﻌﺮﺑﻴﻪ ﻭﻻﺣﻆ ﺍﻥ ﺣﺎﺯﻡ ﻣﺎﺷﻲ ﺑﺎﻟﻌﺎﻓﻴﻪ
ﻋﻠﻲ : ﻣﻤﻜﻦ ﺍﺳﺄﻟﻚ ﺍﻳﻪ ﺍﻟﻠﻲ ﻣﻀﺎﻳﻘﻚ؟ ﺍﻭ ﺍﻟﺪﻛﺘﻮﺭﻩ ﻣﺸﻴﺖ ﻟﻴﻪ ﺯﻋﻼﻧﻪ؟؟
ﺣﺎﺯﻡ ﻣﺮﺩﺵ ﻭﻓﻀﻞ ﺳﺎﻛﺖ ﻓﻌﻠﻲ ﺍﺣﺘﺮﻡ ﺳﻜﻮﺗﻪ ﻭﻣﺎ ﺍﺗﻜﻠﻤﺶ ﻭﺑﻌﺪﻫﺎ ﺑﻔﺘﺮﻩ ﺭﺩ
ﺣﺎﺯﻡ : ﺳﺎﻋﺎﺕ ﻛﺘﻴﺮﻩ ﺑﻨﺴﻲ ﻳﺎ ﻋﻠﻲ ﺍﻧﻲ ﻣﺨﺘﻠﻒ ﻭﺍﺗﺨﻴﻞ ﻧﻔﺴﻲ ﺭﺍﺟﻞ ﻃﺒﻴﻌﻲ
ﻋﻠﻲ : ﻋﻠﻲ ﻓﻜﺮﻩ ﺍﻧﺖ ﺭﺍﺟﻞ ﻃﺒﻴﻌﻲ ﺍﻧﺎ ﻣﺶ ﺷﺎﻳﻔﻚ ﻣﺨﺘﻠﻒ ﻓﻲ ﺍﻱ ﺣﺎﺟﻪ
ﺣﺎﺯﻡ : ﺩﻩ ﺍﻧﺖ ﻟﻜﻦ ﻏﻴﺮﻙ ﻷ .... ﻗﺒﻞ ﻛﺪﻩ ﻛﻨﺖ ﻣﺸﻠﻮﻝ ﻭﻧﺴﻴﺖ ﻧﻔﺴﻲ ﻭﺣﺒﻴﺖ ﻭﻓﻘﺖ ﻋﻠﻲ ﺻﺪﻣﻪ ﻋﻤﺮﻱ ﻭﻋﺮﻓﺖ ﺍﻧﻲ ﻣﺠﺮﺩ ﻭﺳﻴﻠﻪ ﺗﺠﻴﺐ ﻓﻠﻮﺱ ﻣﺶ ﺍﻛﺘﺮ
ﻋﻠﻲ : ﺍﻧﺖ ﺗﻘﺼﺪ ﺷﻮﻕ؟؟
ﺣﺎﺯﻡ : ﺍﻳﻮﻩ ﻫﻴﺎ ... ﺣﺒﻴﺘﻬﺎ ﻟﺪﺭﺟﻪ ﻣﺘﺘﺨﻴﻠﻬﺎﺵ ﻭﻫﻴﺎ ﺭﻣﺖ ﺣﺒﻲ ﻓﻲ ﻭﺷﻲ ﻭﻗﺒﻀﺖ ﻭﺭﺍﺣﺖ ﺍﺗﺠﻮﺯﺕ ﺣﺒﻴﺒﻬﺎ ﻭﺧﻠﻔﺖ ﻣﻨﻪ ﻭﻋﺎﺷﺖ ﺣﻴﺎﺗﻬﺎ
ﻋﻠﻲ : ﻣﺶ ﻳﻤﻜﻦ ﺍﻟﺤﻜﺎﻳﻪ ﻳﻜﻮﻥ ﻟﻴﻬﺎ ﺟﺎﻧﺐ ﻣﺘﻌﺮﻓﻮﺵ؟؟
ﺣﺎﺯﻡ : ﺳﺎﻓﺮﺕ ﺷﻬﺮﻳﻦ ﺑﺎﻟﻈﺒﻂ ﺭﺟﻌﺖ ﻟﻘﻴﺘﻬﺎ ﺑﺘﺘﺠﻮﺯ ﺍﻳﻪ ﺍﻟﺠﺎﻧﺐ ﺍﻟﺘﺎﻧﻲ؟؟ ﻋﺎﺭﻑ ﻟﻮ ﻏﺒﺖ ﺳﻨﻪ ﻣﺜﻼ ﻟﻜﻦ ﺩﻭﻝ ﻳﺪﻭﺏ ﺷﻬﺮﻳﻦ
ﻋﻠﻲ : ﺍﻋﺘﻘﺪ ﺩﻩ ﻣﻮﺿﻮﻉ ﻗﺪﻳﻢ ﺍﻳﻪ ﺍﻟﻠﻲ ﻣﻀﺎﻳﻘﻚ ﺩﻟﻮﻗﺘﻲ؟ ﺍﻭﻋﻲ ﺗﻜﻮﻥ ﻗﻠﺖ ﻟﺸﺎﻫﻨﺪﺍ ﺍﻧﻚ ﻟﺴﻪ ﺑﺘﺤﺐ ﺷﻮﻕ ﻣﺜﻼ ﻭﻣﺎ ﺑﺘﺤﺒﻬﺎﺵ ﻻﻥ ﺷﺎﻫﻨﺪﺍ ﺑﺘﺤﺒﻚ
ﺣﺎﺯﻡ : ﻻ ﻳﺎ ﻋﻠﻲ ﺍﻧﺎ ﻛﻤﺎﻥ ﻛﺎﻥ ﻣﺘﻬﻴﺄﻟﻲ ﻛﺪﻩ ﺑﺲ ﻃﻠﻌﺖ ﻣﺘﻮﻫﻢ ...
ﻋﻠﻲ : ﻻ ﻣﺶ ﻭﻫﻢ ﻫﻴﺎ ﺑﺘﺤﺒﻚ
ﺣﺎﺯﻡ : ﺍﻧﺎ ﻃﻠﺒﺖ ﺍﻳﺪﻫﺎ ﻟﻠﺠﻮﺍﺯ ﻭﻫﻴﺎ ﺭﻓﻀﺘﻨﻲ ﻳﺒﻘﻲ ﻣﺘﻮﻫﻢ؟؟ ..... ﺍﻳﻪ ﺳﻜﺖ ﻟﻴﻪ؟
ﻋﻠﻲ : ﻃﻴﺐ ﻟﻴﻪ ﻫﺘﺮﻓﻀﻚ؟؟
ﺣﺎﺯﻡ : ﻭﻟﻴﻪ ﺷﻮﻕ ﺭﻓﻀﺘﻨﻲ ﻗﺒﻠﻬﺎ؟؟ ﻧﻔﺲ ﺍﻟﺴﺒﺐ ... ﺍﻧﺎ ﺭﺍﺟﻞ ﻣﺸﻠﻮﻝ ﻭﻋﺎﻟﻪ
ﻋﻠﻲ : ﺍﻧﺖ ﻣﺶ ﻣﺸﻠﻮﻝ ﻳﺎ ﺣﺎﺯﻡ ﻣﻤﻜﻦ ﺍﻳﺎﻡ ﺷﻮﻕ ﻟﻜﻦ ﺩﻟﻮﻗﺘﻲ
ﻗﺎﻃﻌﻪ ﺣﺎﺯﻡ : ﺩﻟﻮﻗﺘﻲ ﺍﻳﻪ؟ ﺑﺘﻌﺐ ﻟﻮ ﻭﻗﻔﺖ ﻛﺎﻡ ﺩﻗﻴﻘﻪ .... ﻣﺎﺑﻘﺪﺭﺵ ﺍﻣﺸﻲ ﻛﺘﻴﺮ ﺍﻭ ﺍﺻﻼ ﺍﻣﺸﻲ ﻏﻴﺮ ﻛﺎﻡ ﺧﻄﻮﻩ .... ﻣﺶ ﻫﻘﺪﺭ ﺍﺟﺎﺭﻳﻬﺎ ﻭﺍﺟﺎﺭﻱ ﺷﺒﺎﺑﻬﺎ ... ﻃﻮﻝ ﺍﻟﻠﻴﻞ ﺑﺒﻘﻲ ﺗﻌﺒﺎﻥ ﻭﻣﺤﺘﺎﺝ ﻟﺮﻋﺎﻳﻪ ﺧﺎﺻﻪ، ... ﺍﻳﻪ ﺑﻘﻲ ﺍﻟﻠﻲ ﻳﺠﺒﺮﻫﺎ ﺗﺮﺗﺒﻂ ﺑﻮﺍﺣﺪ ﺯﻳﻲ؟؟؟
ﻋﻠﻲ : ﻋﻠﻲ ﻓﻜﺮﻩ ﺍﻧﺖ ﺑﺘﻨﺰﻝ ﻣﻦ ﻣﻜﺎﻧﺘﻚ ﺟﺎﻣﺪ ... ﺍﻧﺖ ﻃﺒﻴﻌﻲ ﺟﺪﺍ ﺍﻧﺖ ﺑﺲ ﺍﻟﻠﻲ ﺷﺎﻳﻒ ﺍﻟﻮﺿﻊ ﺩﻩ
ﺣﺎﺯﻡ : ﻋﻠﻲ ﺍﻧﺖ ﺳﺄﻟﺘﻨﻲ ﺍﻧﺎ ﻣﺎ ﻃﻠﻌﺘﺶ ﻟﻴﻪ ﻣﻦ ﺷﻮﻳﻪ ... ﻋﺎﺭﻑ ﻟﻴﻪ؟ ﻻﻧﻲ ﻣﻘﺪﺭﺗﺶ ﺍﻗﻒ ﻭﺍﻃﻠﻊ ﻛﻨﺖ ﻣﺤﺘﺎﺟﻚ ﺗﻴﺠﻲ ﺗﺴﻨﺪﻧﻲ ....
ﻋﻠﻲ : ﺍﻟﻠﻲ ﺑﺘﺤﺐ ﻭﺍﺣﺪ ﻫﺘﺴﺘﺤﻤﻞ ﺍﻧﻬﺎ ﺗﻜﻮﻥ ﻋﻜﺎﺯﻩ
ﺣﺎﺯﻡ : ﺍﻟﻠﻲ ﺑﺘﺤﺐ؟؟؟ ﺍﺩﻳﻚ ﻗﻮﻟﺘﻬﺎ
ﺭﻭﺡ ﺑﻴﺘﻪ ﻭﻋﻠﻲ ﺩﺧﻠﻪ ﻭﻃﻠﻌﻪ ﻟﺤﺪ ﺍﻭﺿﺘﻪ
ﻋﻠﻲ : ﻟﻮ ﺗﺤﺐ ﺍﻓﻀﻞ ﻣﻌﺎﻙ؟
ﺣﺎﺯﻡ : ﻻ ﻻ ﺭﻭﺡ ﻟﻤﺮﺍﺗﻚ ﺍﻧﺎ ﻛﻮﻳﺲ ﻣﺎ ﺗﻘﻠﻘﺶ ﻋﻠﻴﺎ
ﻋﻠﻲ ﺳﺎﻳﺒﻪ ﻭﺧﺎﺭﺝ
ﺣﺎﺯﻡ : ﻋﻠﻲ
ﻋﻠﻲ : ﺍﻓﻨﺪﻡ
ﺣﺎﺯﻡ : ﺍﻧﺎ ﻣﺘﺸﻜﺮ ﻗﻮﻱ ﻟﻜﻞ ﺣﺎﺟﻪ ﺑﺘﻌﻤﻠﻬﺎﻟﻲ ... ﻭﺍﻋﺬﺭﻧﻲ ﻟﻮ ﻓﻲ ﻣﺮﻩ ﺍﺗﻨﺮﻓﺰﺕ ﻋﻠﻴﻚ
ﻋﻠﻲ : ﺍﻭﻻ ﺍﻧﺎ ﻣﺶ ﻣﺤﺘﺎﺝ ﻣﻨﻚ ﺷﻜﺮ
ﺛﺎﻧﻴﺎ ﺍﻧﺎ ﻣﺶ ﺑﺰﻋﻞ ﻣﻨﻚ ﺍﻭ ﻣﺴﺘﻨﻲ ﻣﻨﻚ ﺍﻋﺘﺬﺍﺭ
ﺛﺎﻟﺜﺎ ﻭﺍﻻﻫﻢ ﺍﻧﺎ ﺑﻌﺘﺒﺮ ﻧﻔﺴﻲ ﺻﺪﻳﻖ ﻭﻳﻤﻜﻦ ﺍﻛﺘﺮ ﻣﻦ ﺻﺪﻳﻖ ﻛﻤﺎﻥ ﺍﻟﻠﻪ ﺍﻋﻠﻢ ﺍﻧﺖ ﺍﻳﻪ ﻧﻈﺎﻣﻚ؟
ﺣﺎﺯﻡ : ﺍﻧﺎ ﺑﻌﺘﺒﺮﻙ ﺍﺥ
ﻋﻠﻲ ﺭﺟﻌﻠﻪ ﻭﺣﻀﻨﻪ : ﻭﺍﻛﺘﺮ ﻛﻤﺎﻥ ﻟﻮ ﻣﺤﺘﺎﺝ ﺍﻱ ﺣﺎﺟﻪ ﻛﻠﻤﻨﻲ ﻭﻣﺴﺎﻓﻪ ﺍﻟﻄﺮﻳﻖ
ﺣﺎﺯﻡ : ﺗﺴﻠﻢ
ﻋﻠﻲ ﺳﺎﺑﻪ ﻭﺧﺮﺝ ﻭﻫﻮ ﻏﺮﻕ ﻓﻲ ﺑﺤﺮ ﺍﺣﺰﺍﻧﻪ ﻭﺫﻛﺮﻳﺎﺗﻪ ﺍﻟﻤﺮﻩ ﻭﻭﺟﻌﻪ ﺍﻟﺠﺪﻳﺪ
ﺷﺎﻫﻨﺪﺍ ﺭﻭﺣﺖ ﺑﻴﺘﻬﺎ ﺗﻌﻴﻂ ﻭﻗﺎﺑﻠﺖ ﺍﻣﻬﺎ ﻭﺍﺑﻮﻫﺎ ﺑﺲ ﺗﺠﺎﻫﻠﺘﻢ ﻭﻃﻠﻌﺖ ﺟﺮﻱ ﻋﻠﻲ ﺍﻭﺿﺘﻬﺎ ﻭﺩﻩ ﺟﻨﻦ ﺍﺑﻮﻫﺎ ﻭﺍﻣﻬﺎ
ﺍﺑﻮﻫﺎ : ﺍﻃﻠﻌﻲ ﻟﺒﻨﺘﻚ ﺷﻮﻓﻲ ﺍﻳﻪ ﺍﻟﻠﻲ ﺣﺼﻞ؟
ﺍﻣﻬﺎ ﻃﻠﻌﺘﻠﻬﺎ ﺑﺴﺮﻋﻪ
ﺍﻣﻬﺎ ﺳﺎﻣﻴﻪ : ﺷﻮﺷﻮ ﺑﻴﺒﻲ ﻣﺎﻟﻚ ﻳﺎ ﻗﻤﺮ ﺑﺘﻌﻴﻄﻲ ﻟﻴﻪ؟
ﺍﺑﻮﻫﺎ ﻣﻜﺮﻡ ﻭﺍﻗﻒ ﻫﻮ ﻛﻤﺎﻥ ﻗﻠﻘﺎﻥ ﻋﻠﻲ ﺑﻨﺘﻪ ﺍﻟﻮﺣﻴﺪﻩ
ﺷﺎﻫﻨﺪﺍ ﺑﺘﻌﻴﻂ ﻭﻣﺶ ﺑﺘﺮﺩ
ﻣﻜﺮﻡ : ﺍﻧﺎ ﻫﺘﺼﻞ ﺑﻴﻪ ﻭﺍﻫﺰﻗﻪ ﻭﺍﺷﻮﻓﻪ ﺯﻋﻠﻚ ﻟﻴﻪ
ﻳﺪﻭﺏ ﻫﻴﺘﺤﺮﻙ ﻓﺸﺎﻫﻨﺪﺍ ﻭﻗﻔﺘﻪ
ﺷﺎﻫﻨﺪﺍ : ﻻ ﻳﺎ ﺑﺎﺑﺎ ﻣﺎ ﺗﺘﺼﻠﺶ ﺑﻴﻪ .. ﻫﻮ ﻣﺰﻋﻠﻨﻴﺶ
ﻣﻜﺮﻡ : ﺍﻣﺎﻝ ﺍﻳﻪ ﺍﻟﻠﻲ ﺣﺼﻞ؟ ﻣﺎ ﺗﺠﻨﻨﻴﻨﺎﺵ ﻭﻗﻮﻟﻴﻠﻨﺎ
ﺍﺗﺮﺩﺩﺕ ﺷﻮﻳﻪ ﻭﺑﻌﺪﻫﺎ ﺣﻜﺘﻠﻬﻢ ﻛﻞ ﺍﻟﻠﻲ ﺣﺼﻞ ... ﺣﻜﺘﻠﻬﻢ ﻋﻦ ﺣﺒﻪ ﺍﻟﻘﺪﻳﻢ ﻭﻣﺄﺳﺎﺗﻪ ﻣﻌﺎﻩ ﻭﺣﻜﺘﻠﻬﻢ ﻃﻠﺒﻪ ﻟﻠﺠﻮﺍﺯ ﻭﻧﺪﻣﻪ ﺑﻌﺪﻫﺎ ﻭﺳﻜﺘﺖ ﻣﺴﺘﻨﻴﻪ ﺭﺩﻫﻢ
ﻓﻀﻠﻮﺍ ﺷﻮﻳﻪ ﺳﺎﻛﺘﻴﻦ ﻭﺑﻌﺪﻫﺎ ﺍﺑﻮﻫﺎ ﻧﻄﻖ
ﻣﻜﺮﻡ : ﻋﻠﻲ ﻣﺎ ﺍﻋﺘﻘﺪ ﻳﺎ ﺷﺎﻫﻲ ﻭﻋﻠﻲ ﺣﺴﺐ ﻣﻌﺮﻓﺘﻲ ﺑﺤﺎﺯﻡ ﺍﻧﻪ ﻣﺶ ﻧﺪﻡ ﺑﺎﻟﻤﻌﻨﻲ ﺍﻟﻠﻲ ﺍﻧﺘﻲ ﻓﻬﻤﺎﻩ ....
ﺷﺎﻫﻨﺪﺍ : ﻳﻌﻨﻲ ﺍﻳﻪ ﻣﺶ ﻓﺎﻫﻤﻪ؟
ﻣﻜﺮﻡ : ﻳﻌﻨﻲ ﻫﻮ ﺳﺒﻖ ﻭﺍﺗﺠﺮﺡ ﻗﺒﻞ ﻛﺪﻩ ﺑﺴﺒﺐ ﺣﺎﻟﺘﻪ ﻭﺣﺒﻴﺒﺘﻪ ﺍﻟﻠﻲ ﻛﺎﻥ ﺑﻴﺤﺒﻬﺎ ﺳﺎﺑﺘﻪ ﻋﻠﺸﺎﻥ ﻣﺸﻠﻮﻝ ﺍﻭ ﺍﻟﻠﻪ ﺍﻋﻠﻢ ﺳﺎﺑﺘﻪ ﻟﻴﻪ ﺑﺲ ﺩﻩ ﺗﻔﻜﻴﺮﻩ .... ﻭﺣﺎﻟﻴﺎ ﺍﻧﺘﻲ ﺑﺘﻌﻴﺪﻱ ﻧﻔﺲ ﺍﻟﻘﺼﻪ ﺗﺎﻧﻲ ...
ﺷﺎﻫﻨﺪﺍ : ﺑﻌﻴﺪﻫﺎ ﺍﺯﺍﻱ؟ ﺍﻧﺎ ﺑﺤﺒﻪ ﻳﺎ ﺑﺎﺑﺎ ﺑﺠﺪ
ﻣﻜﺮﻡ : ﻭﺍﻧﺘﻲ ﻗﻮﻟﺘﻴﻠﻪ ﺍﻧﻚ ﺑﺘﺤﺒﻴﻪ؟
ﺷﺎﻫﻨﺪﺍ : ﻻ ﺑﺲ ﺍﻛﻴﺪ ﻫﻮ ﺣﺴﻬﺎ
ﻣﻜﺮﻡ : ﻣﺎﻫﻮ ﺣﺲ ﻭﺍﻋﺘﻤﺪ ﻋﻠﻲ ﺍﺣﺴﺎﺳﻪ ﻗﺒﻞ ﻛﺪﻩ ﻭﺍﺗﺼﺪﻡ ﻓﻤﻌﺘﻘﺪﺵ ﺍﺑﺪﺍ ﺍﻧﻪ ﻫﻴﺜﻖ ﻓﻲ ﺍﺣﺴﺎﺳﻪ ﺗﺎﻧﻲ
ﺷﺎﻫﻨﺪﺍ : ﺍﻧﺎ ﻣﺶ ﻓﺎﻫﻤﻪ ﺣﻀﺮﺗﻚ ﻣﺎ ﺗﺘﻜﻠﻢ ﻋﻠﻲ ﻃﻮﻝ ﻳﺎ ﺑﺎﺑﺎ ﻗﻮﻟﻲ ﺗﻘﺼﺪ ﺍﻳﻪ؟
ﻣﻜﺮﻡ : ﺍﻗﺼﺪ ﻳﺎ ﺣﺒﻴﺒﺘﻲ ﺍﻧﻪ ﺑﻴﺤﺒﻚ ﻭﻃﻠﺐ ﺍﻳﺪﻙ ﻭﺍﻧﺘﻲ ﺭﻓﻀﺘﻴﻪ
ﺷﺎﻫﻨﺪﺍ : ﺍﻧﺎ ﻣﺎ ﺭﻓﻀﺘﻮﺵ
ﻣﻜﺮﻡ : ﻋﺪﻡ ﺗﺼﺪﻳﻘﻚ ﻟﻜﻼﻣﻪ ﺍﻭ ﺍﻧﻚ ﺗﻌﺘﺒﺮﻳﻪ ﻫﺰﺍﺭ ﻭﺗﻄﻠﺒﻲ ﻣﻨﻪ ﻳﺘﻜﻠﻢ ﺟﺪ ﺩﻩ ﺟﺮﺣﻪ ﻭﺍﻓﺘﻜﺮ ﺍﻧﻪ ﺑﻴﻔﺮﺽ ﻧﻔﺴﻪ ﻋﻠﻴﻜﻲ ﻭﺍﻧﻪ ﺍﺯﺍﻱ ﻳﺘﺠﺮﺃ ﻭﻳﻔﻜﺮ ﻛﺪﻩ ﻭﺑﺎﻟﺘﺎﻟﻲ ﺍﻧﺘﻲ ﺗﺨﻴﻠﺘﻲ ﺍﻧﻪ ﺑﻴﻬﺰﺭ ﻓﺘﺮﺍﺟﻊ ﺑﺴﺮﻋﻪ
ﺷﺎﻫﻨﺪﺍ : ﺍﻧﺎ ﻣﻜﻨﺘﺶ ﻣﺼﺪﻗﻪ ﻣﻦ ﻓﺮﺣﺘﻲ
ﻣﻜﺮﻡ : ﻭﻫﻮ ﻣﺎ ﻳﻌﺮﻓﺶ ﺩﻩ .... ﺍﻋﺘﻘﺪ ﺍﻧﻚ ﻟﻮ ﺭﺣﺘﻴﻠﻪ ﺣﺎﻟﻴﺎ ﻫﺘﻼﻗﻴﻪ ﻓﻲ ﺣﺎﻟﻪ ﻏﻴﺮ ﺍﻟﺤﺎﻟﻪ ﻭﻫﺘﻼﻗﻲ ﺟﺮﻭﺣﻪ ﻛﻠﻬﺎ ﻣﺘﻔﺘﺤﻪ ... ﺍﻧﺘﻲ ﺑﺪﻭﻥ ﻗﺼﺪ ﻓﻬﻤﺘﻴﻪ ﺍﻧﻪ ﻣﺎ ﻳﻨﻔﻌﺶ ﻭﺍﻧﻪ ﻣﺸﻠﻮﻝ ﻟﺴﻪ ﺍﻭ ﻫﻮ ﻣﺶ ﻛﻔﺆ ﻟﻴﻜﻲ ... ﺩﻩ ﻭﺍﻟﻠﻪ ﺍﻋﻠﻢ
ﺷﺎﻫﻨﺪﺍ : ﺩﻩ ﻳﺒﻘﻲ ﻣﺘﺨﻠﻒ ﻟﻮ ﻓﻜﺮ ﻛﺪﻩ
ﻣﻜﺮﻡ : ﺍﻟﻠﻲ ﺍﺗﻠﺴﻊ ﻣﻦ ﺍﻟﺸﻮﺭﺑﻪ ..... ﻫﻮ ﺍﺗﺠﺮﺡ ﻗﺒﻞ ﻛﺪﻩ ﻭﻣﺶ ﻋﺎﻳﺰ ﻳﺘﺠﺮﺡ ﺗﺎﻧﻲ ﺑﻨﻔﺲ ﺍﻟﻄﺮﻳﻘﻪ ﻓﺎﻧﺴﺤﺐ ﺑﻬﺪﻭﺀ
ﺷﺎﻫﻨﺪﺍ ﻗﺎﻣﺖ ﻭﻗﻔﺖ ﻣﺮﻩ ﻭﺍﺣﺪﻩ
ﻣﻜﺮﻡ : ﺭﺍﻳﺤﻪ ﻓﻴﻦ ﺳﻴﺎﺩﺗﻚ؟
ﺷﺎﻫﻨﺪﺍ : ﻻﺯﻡ ﺍﺷﻮﻓﻪ
ﻣﻜﺮﻡ : ﺍﻟﺼﺒﺢ ﺍﻥ ﺷﺎﺀﺍﻟﻠﻪ
ﺷﺎﻫﻨﺪﺍ : ﺑﺎﺑﺎ ﺍﺭﺟﻮﻙ ... ﻟﻮ ﻛﻼﻣﻚ ﺻﺢ ﻣﺶ ﻋﻴﺰﺍﻩ ﻳﺒﺎﺕ ﻣﺠﺮﻭﺡ ﻣﻨﻲ ﻭﻓﺎﻛﺮ ﺍﻧﻲ ﻣﺒﺤﺒﻮﺵ ﺍﻭ ﺍﻧﻪ ﺑﻌﺘﺒﺮﻩ ﻣﺸﻠﻮﻝ ﺍﻭ ﻋﺎﺟﺰ ... ﺑﺎﺑﺎ ﺍﻧﺎ ﺑﺤﺒﻪ ﻭﻣﺶ ﻋﻴﺰﺍﻩ ﻳﻨﺎﻡ ﻣﺠﺮﻭﺡ
ﻭﻣﻬﻤﺎ ﺍﻋﺘﺮﺽ ﺍﺑﻮﻫﺎ ﺍﻟﻲ ﺍﻧﻬﺎ ﺍﺻﺮﺕ ﻋﻠﻲ ﺭﺃﻳﻬﺎ ﻭﻧﺰﻟﺖ ﺑﺴﻮﺍﻕ ﺍﺑﻮﻫﺎ ﺍﻟﺨﺎﺹ ﻳﻮﺻﻠﻬﺎ
ﺳﺎﻣﻴﻪ : ﺍﻧﺖ ﺳﺎﻳﺒﻬﺎ ﻛﺪﻩ ﻟﻴﻪ ؟؟ ﺍﻧﺖ ﺍﻳﻪ ﺍﻟﻠﻲ ﻋﺎﺟﺒﻚ ﻓﻲ ﺣﺎﺯﻡ ﺩﻩ ؟ ﺩﻩ ﻣﺸﻠﻮﻝ
ﻣﻜﺮﻡ : ﺭﺍﺟﻞ ﻣﺤﺘﺮﻡ ... ﻣﺤﺘﺮﻡ ﻓﻲ ﺯﻣﻦ ﻣﻔﻴﻬﻮﺵ ﺍﻱ ﺍﺧﻼﻕ ﻭﺑﻌﺪﻳﻦ ﻫﻮ ﻣﺶ ﻣﺸﻠﻮﻝ
ﺳﺎﻣﻴﻪ : ﺑﻴﻤﺸﻲ ﺑﻌﻜﺎﺯ ﻭﻛﺎﻡ ﺧﻄﻮﻩ ﻭﻳﻘﻌﺪ
ﻣﻜﺮﻡ : ﻣﺶ ﻣﻬﻢ ﺑﺲ ﻋﻨﺪﻩ ﻛﺘﻴﺮ ﻳﻌﻮﺽ ﻋﻴﺒﻪ ﺩﻩ .. ﺩﻩ ﺍﺫﺍ ﻛﺎﻥ ﻋﻴﺐ ﺍﺻﻼ .. ﺍﻟﻤﻬﻢ ﺳﻴﺒﻲ ﺑﻨﺘﻚ ﺑﺮﺍﺣﺘﻬﺎ ﺗﺎﺧﺪ ﻗﺮﺍﺭﻫﺎ ﺑﺤﺮﻳﻪ
ﺣﺎﺯﻡ ﻓﻲ ﺍﻭﺿﻪ ﻧﻮﻣﻪ ﺍﻟﺬﻛﺮﻳﺎﺕ ﻭﺍﻻﻟﻢ ﻭﺍﻟﻮﺟﻊ ﻣﺤﺎﻭﻃﻴﻨﻪ ... ﺣﺎﺳﺲ ﺑﻤﻨﺘﻬﻲ ﺍﻟﻮﺣﺪﻩ ... ﻣﻨﺘﻬﻲ ﺍﻟﻮﺟﻊ ﻭﺍﻻﻟﻢ .... ﺍﻟﻢ ﻇﻬﺮﻩ ﺑﻴﺰﻳﺪ ﻭﺑﻴﺰﻳﺪ ﻭﺑﻴﻮﺻﻞ ﻟﻘﻤﺘﻪ
ﻛﻞ ﻣﺎ ﻳﻔﺘﻜﺮ ﺍﻧﻪ ﺍﺗﻌﻮﺩ ﻋﻠﻲ ﺍﻻﻟﻢ ﺑﻴﻜﺘﺸﻒ ﺍﻧﻪ ﻏﻠﻄﺎﻥ ﻭﺍﻥ ﻓﻲ ﺍﻟﻢ ﺍﻛﺘﺮ ﻭﺍﻛﺘﺮ
ﻭﻛﺎﻟﻌﺎﺩﻩ ﺑﻴﺘﺠﺮﻉ ﺍﻻﻣﻪ ﻟﻮﺣﺪﻩ ... ﺍﺧﺪ ﻣﺴﻜﻦ ﻻﺭﺿﺎﺀ ﺿﻤﻴﺮﻩ ﺑﺲ ﻣﻨﻔﻌﻮﺵ ﺑﺎﻱ ﺷﻴﺊ
ﻭﻫﻮ ﻟﻮﺣﺪﻩ ﺍﻟﺒﺎﺏ ﺧﺒﻂ ﻭﺍﺳﺘﻐﺮﺏ ﻣﻴﻦ ﻫﻴﺨﺒﻂ ﻋﻠﻲ ﺍﻭﺿﻪ ﻧﻮﻣﻪ ﺑﺎﻟﻠﻴﻞ ﻛﺪﻩ؟ ﺍﻣﻪ ﻭﺑﺘﺴﻬﺮ ﺑﺮﻩ ﻭﻣﺎ ﺑﺘﺮﺟﻌﺶ ﻏﻴﺮ ﺍﺧﺮ ﺍﻟﻠﻴﻞ ﻭﺍﻟﺨﺪﻡ ﻣﺎ ﺑﻴﻄﻠﻌﻮﺵ ﺍﻻ ﻟﻮ ﻫﻮ ﻧﺎﺩﻱ ﻋﻠﻴﻬﻢ؟؟؟؟
ﺣﺎﺯﻡ : ﺍﺩﺧﻞ
ﺍﻟﺒﺎﺏ ﺍﺗﻔﺘﺢ ﻭﺍﺗﻔﺎﺟﺊ ﺑﺸﺎﻫﻨﺪﺍ ﻗﺪﺍﻣﻪ .... ﺑﺼﺘﻠﻪ ﻛﺘﻴﺮ ﺟﺪﺍ ﻭﺷﺎﻓﺖ ﺃﻟﻤﻪ ﺍﻟﻠﻲ ﺑﻴﺤﺎﻭﻝ ﻳﺪﺍﺭﻳﻪ ﻭﻋﺮﻓﺖ ﺍﻧﻪ ﺗﻌﺒﺎﻥ ﻭﻣﺠﺮﻭﺡ
ﻧﻈﺮﻩ ﻭﺍﺣﺪﻩ ﻛﺎﻧﺖ ﻛﻔﻴﻠﻪ ﺍﻧﻬﺎ ﺗﻌﺮﻑ ﺍﻧﻪ ﻓﻲ ﻗﻤﻪ ﻭﺟﻌﻪ
ﺷﺎﻫﻨﺪﺍ : ﻣﻤﻜﻦ ﺍﺩﺧﻞ؟
ﺣﺎﺯﻡ : ﺍﺗﻔﻀﻠﻲ ... ﺧﻴﺮ؟ ﻧﺴﻴﺘﻲ ﺗﻘﻮﻟﻴﻠﻲ ﺍﻳﻪ؟ ﺍﻭ ﻓﻲ ﺍﻳﻪ؟
ﺷﺎﻫﻨﺪﺍ : ﻧﺴﻴﺖ ﺍﺟﺎﻭﺑﻚ ﻋﻠﻲ ﺳﺆﺍﻟﻚ
ﺣﺎﺯﻡ : ﺍﻧﺎ ﻗﻠﺘﻠﻚ ﺍﻋﺘﺒﺮﻱ ﻧﻔﺴﻚ ﻣﺎ ﺳﻤﻌﺘﻴﺶ ﺣﺎﺟﻪ
ﺷﺎﻫﻨﺪﺍ : ﺑﺲ ﺍﻧﺖ ﻗﻠﺖ ﻭﺍﻧﺎ ﺳﻤﻌﺖ
ﺣﺎﺯﻡ ﺍﺗﻨﻬﺪ : ﻋﺎﻳﺰﻩ ﺍﻳﻪ ﻳﺎ ﺷﺎﻫﻲ؟ ﻣﺎ ﺍﻧﺎ ﻗﻮﻟﺘﻠﻚ ﻫﻨﻔﻀﻞ ﺍﺻﺤﺎﺏ ﻭﻋﻼﻗﺘﻨﺎ ﺯﻱ ﻣﺎ ﻫﻴﺎ ﻓﻤﺎ ﺗﺨﻠﻴﺶ ﺿﻤﻴﺮﻙ ﻳﺄﻧﺒﻚ
ﺍﻧﺘﻲ ﻣﺶ ﻣﻠﺰﻣﻪ ﺑﺤﺎﺟﻪ .... ﻭﻻ ﻣﻀﻄﺮﻩ ﺍﻧﻚ ﺗﺮﺗﺒﻄﻲ ﺑﺎﻧﺴﺎﻥ ﺷﺒﻪ ﻋﺎﺟﺰ ﺗﻀﻴﻌﻲ ﻋﻤﺮﻙ ﻣﻌﺎﻩ ﻭﻻ ...
ﻣﺨﻠﺘﻮﺵ ﻳﻜﻤﻞ ﺟﻤﻠﺘﻪ ﻭﺣﻄﺖ ﺍﻳﺪﻫﺎ ﻋﻠﻲ ﺑﻮﻗﻪ ﺗﻤﻨﻌﻪ ﻳﻜﻤﻞ ﻭﻗﻌﺪﺕ ﻗﺼﺎﺩﻩ
ﺷﺎﻫﻲ ﺑﻬﻤﺲ : ﺍﻧﺖ ﺑﺘﺘﻜﻠﻢ ﻛﺘﻴﺮ ﻗﻮﻱ .... ﻭﻣﺶ ﻣﺪﻳﻨﻲ ﻓﺮﺻﻪ ﺍﺗﻜﻠﻢ
ﺣﺎﺯﻡ ﻣﺴﻚ ﺍﻳﺪﻫﺎ ﻭﺣﺮﻛﻬﺎ ﺑﻌﻴﺪ : ﺑﺴﻬﻠﻬﺎﻟﻚ ﻣﺶ ﺍﻛﺘﺮ
ﺷﺎﻫﻨﺪﺍ : ﺍﻧﺎ ﺍﻋﺮﻑ ﺍﺗﻜﻠﻢ ﻧﻴﺎﺑﻪ ﻋﻦ ﻧﻔﺴﻲ ﻛﻮﻳﺲ ﻭﻣﺶ ﻣﺤﺘﺎﺟﻪ ﺗﺴﻬﻴﻼﺗﻚ ﺩﻱ ﻭﺑﻌﺪﻳﻦ ﻣﺶ ﻣﻌﻨﻲ ﺍﻧﻚ ﺍﺗﺠﺮﺣﺖ ﻣﺮﻩ ﺍﻧﻚ ﺗﺒﺺ ﻟﻠﻜﻞ ﺑﻨﻔﺲ ﺍﻟﻨﻈﺮﻩ
ﺣﺎﺯﻡ : ﻋﺎﻳﺰﻩ ﺍﻳﻪ ﻳﺎ ﺷﺎﻫﻨﺪﺍ؟؟؟
ﺷﺎﻫﻨﺪﺍ : ﻧﺎﺩﺭﺍ ﻣﺎ ﺑﺘﻘﻮﻟﻲ ﺷﺎﻫﻨﺪﺍ ... ﺍﻓﻬﻢ ﻣﻦ ﺩﻩ ﺍﻧﻚ ﻟﻤﺎ ﻫﺘﻘﻮﻟﻲ ﺑﺎﺳﻤﻲ ﻛﺎﻣﻞ ﺍﻧﻚ ﺯﻋﻼﻥ؟؟؟
ﺣﺎﺯﻡ : ﺑﺮﺿﻪ ﻣﺎﺭﺩﻳﺘﺶ ﻋﻠﻴﺎ ﻋﺎﻳﺰﻩ ﺍﻳﻪ ﻣﻨﻲ؟ ﺍﻧﺎ ﺗﻌﺒﺎﻥ ﻭﻣﺶ ﻗﺎﺩﺭ ﻭﻋﺎﻳﺰ ﺍﺭﺗﺎﺡ
ﺷﺎﻫﻨﺪﺍ ﻭﻗﻔﺖ ﻭﻣﺴﻜﺖ ﺍﺩﻭﻳﺘﻪ ﺑﺘﻘﻠﺐ ﻓﻴﻬﻢ
ﺷﺎﻫﻨﺪﺍ : ﺩﻱ ﻛﻠﻬﺎ ﻣﺴﻜﻨﺎﺕ !!! ﻟﻴﻪ ﺑﺘﺎﺧﺪ ﻣﺴﻜﻨﺎﺕ ﻛﺘﻴﺮﻩ ﻛﺪﻩ؟
ﺣﺎﺯﻡ : ﺷﺎﻫﻨﺪﺍ !!!
ﺷﺎﻫﻨﺪﺍ : ﻟﻴﻪ ﺍﻟﻤﺴﻜﻨﺎﺕ ﺩﻱ ﻛﻠﻬﺎ؟؟؟
ﺣﺎﺯﻡ : ﻳﻌﻨﻲ ﻫﻴﻜﻮﻥ ﻟﻴﻪ؟ ﺍﻟﻠﻲ ﺑﻴﺎﺧﺪ ﻣﺴﻜﻨﺎﺕ ﺑﻴﺎﺧﺪﻫﺎ ﻟﻴﻪ؟؟؟ ﺗﻌﺒﺎﻥ ﺍﻛﻴﺪ
ﺷﺎﻫﻨﺪﺍ : ﺑﺲ ﺩﻩ ﻏﻠﻂ ﺍﻧﺖ ﻻﺯﻡ ﺗﻌﺎﻟﺞ ﺍﻟﻠﻲ ﺑﻴﺴﺒﺐ ﺍﻻﻟﻢ
ﺣﺎﺯﻡ : ﻣﻔﻴﺶ ﻋﻼﺝ ﺧﻼﺹ !! ﺍﻟﺪﻛﺎﺗﺮﻩ ﺍﻛﺘﻔﻮﺍ ﻣﻨﻲ ... ﻭﺍﻧﺎ ﺍﻛﺘﻔﻴﺖ ﻣﻨﻬﻢ ﻭﺍﻻﻟﻢ ﺑﻴﺴﺘﻤﺮ ﻛﺎﻡ ﺳﺎﻋﻪ ﻭﺑﻴﻌﺪﻭﺍ
ﺟﺎﻭﺑﺘﻚ ﺍﻋﺘﻘﺪ ... ﺟﺎﻭﺑﻴﻨﻲ ﺍﻧﺘﻲ ﺑﻘﻲ؟ ﺟﺎﻳﻪ ﻟﻴﻪ؟
ﻛﺎﻧﺖ ﻣﺪﻳﺎﻟﻪ ﻇﻬﺮﻫﺎ ﻭﺑﺼﺘﻠﻪ ﻣﺮﻩ ﻭﺍﺣﺪﻩ
ﺷﺎﻫﻨﺪﺍ : ﺟﺎﻳﻪ ﺍﻗﻮﻟﻚ ﺑﺤﺒﻚ ............ ﻫﻜﻮﻥ ﺟﺎﻳﻪ ﻟﻴﻪ ﻳﻌﻨﻲ؟
ﺣﺎﺯﻡ ﻣﺶ ﻣﺴﺘﻮﻋﺐ ﻫﻴﺎ ﻗﺎﻟﺖ ﺍﻳﻪ : ﻧﻌﻢ؟ ﺍﻧﺘﻲ ﻗﻮﻟﺘﻲ ﺍﻳﻪ؟
ﺷﺎﻫﻨﺪﺍ : ﻗﻮﻟﺖ ..... ﺑﺤﺒﻚ .....
ﺣﺎﺯﻡ ﺳﻜﺖ ﻭﻫﻴﺎ ﻗﺮﺑﺖ ﻭﻗﻌﺪﺕ ﺗﺎﻧﻲ ﻗﺼﺎﺩﻩ
ﺷﺎﻫﻨﺪﺍ : ﻭﻣﻮﺍﻓﻘﻪ ﺍﺗﺠﻮﺯﻙ . ، ..
ﺣﺎﺯﻡ : ﺑﺲ ﺍﻧﺘﻲ ..
ﺷﺎﻫﻨﺪﺍ : ﺍﻧﺎ ﺍﻳﻪ؟ ﺍﻧﺎ ﻣﻜﻨﺘﺶ ﻣﺼﺪﻗﻪ ﻧﻔﺴﻲ ﻣﻦ ﻓﺮﺣﺘﻲ ﺍﻥ ﺣﺒﻴﺒﻲ ﺍﺧﻴﺮﺍ ﻧﻄﻖ ﻭﻳﺪﻭﺏ ﻫﻔﺮﺡ ﻟﻘﻴﺘﻚ ﺍﺗﺮﺍﺟﻌﺖ ﻭﻗﻮﻟﺘﻠﻲ ﺍﻧﻚ ﻧﺪﻣﺎﻥ ﻓﺎﺗﺼﺪﻣﺖ
ﺣﺎﺯﻡ : ﺍﻧﺘﻲ ﺍﻓﺘﻜﺮﺗﻴﻨﻲ ﺑﻬﺰﺭ
ﺷﺎﻫﻨﺪﺍ : ﻻﻧﻲ ﻛﻨﺖ ﺧﺎﻳﻔﻪ ﺗﻜﻮﻥ ﺑﺘﻬﺰﺭ .... ﻛﻨﺖ ﻋﻴﺰﺍﻙ ﺗﺄﻛﺪ ﻛﻼﻣﻚ ﻣﺶ ﺗﺘﺮﺍﺟﻊ ﻛﺪﻩ؟
ﺣﺎﺯﻡ : ﺍﻧﺘﻲ ﺍﻳﻪ ﺍﻟﻠﻲ ﻳﺨﻠﻴﻜﻲ ﺗﺮﺗﺒﻄﻲ ﺑﻮﺍﺣﺪ ﺯﻳﻲ؟ ؟
ﺷﺎﻫﻨﺪﺍ : ﺍﻳﻪ ﻭﺍﺣﺪ ﺯﻳﻚ ﺩﻱ؟ ﻣﺎﻟﻚ ﺍﻧﺖ ﻳﻌﻨﻲ؟
ﺣﺎﺯﻡ : ﻋﺎﺭﻓﻪ ﻟﻤﺎ ﺟﺮﻳﺘﻲ ﻣﻦ ﻗﺪﺍﻣﻲ ﻛﻨﺖ ﻋﺎﻳﺰ ﺍﻭﻗﻔﻚ ﺑﺲ ﻣﻘﺪﺭﺗﺶ .... ﺭﺟﻠﻴﺎ ﺧﺎﻧﺘﻨﻲ .... ﻭﺩﻱ ﻣﺶ ﺍﻭﻝ ﻣﺮﻩ ﻭﻻ ﻫﺘﻜﻮﻥ ﺍﺧﺮ ﻣﺮﻩ ... ﺍﻧﺎ ﻣﺎ ﺑﻘﺪﺭﺵ ﺍﻣﺸﻲ ﻛﺘﻴﺮ .... ﻭﻃﻮﻝ ﺍﻟﻠﻴﻞ ﺗﻘﺮﻳﺒﺎ ﺑﻘﻀﻴﻬﺎ ﻣﺴﻜﻨﺎﺕ ﻭﻟﻮ ﻭﺣﻄﻲ ﻛﺬﺍ ﺧﻂ ﺗﺤﺖ ﻟﻮ ﺩﻱ ... ﻟﻮ ﻋﻤﻠﺖ ﻛﺎﻡ ﻣﺸﻮﺍﺭ ﺍﻟﻨﻬﺎﺭ ﺍﻭ ﺍﺗﺤﺮﻙ ﺯﻳﺎﺩﻩ ﺣﺒﺘﻴﻦ ﺑﻴﻜﻮﻥ ﻟﻴﻠﻲ ﺟﺤﻴﻢ ﻻ ﻳﻄﺎﻕ ﺯﻱ ﺍﻟﻠﻴﻠﻪ ﺩﻱ ﻛﺪﻩ ... ﻭﺯﻱ ﻣﺎ ﺍﻧﺘﻲ ﻋﺎﺭﻓﻪ ﺍﻟﻤﺴﻜﻨﺎﺕ ﻣﺎ ﺑﺘﻌﻤﻠﺶ ﺣﺎﺟﻪ ﺍﻭ ﺑﺘﻌﻤﻞ ﺑﺲ ﻣﺎ ﺑﺘﻔﺮﻗﺶ ﻛﺘﻴﺮ
ﺷﺎﻫﻨﺪﺍ : ﺍﻧﺖ ﺑﺘﻘﻮﻟﻲ ﻛﻞ ﺩﻩ ﻟﻴﻪ؟ ﺍﻟﻤﻔﺮﻭﺽ ﺑﻘﻲ ﺍﻧﻲ ﺍﻋﻤﻞ ﺍﻳﻪ؟ ﺍﺗﺮﺍﺟﻊ ﻣﺜﻼ؟ ﺍﻭ ﺍﻗﻮﻝ ﻻ ﺩﻱ ﻫﺘﺒﻘﻲ ﻋﻴﺸﺘﻪ ﺻﻌﺒﻪ؟؟ ﺍﻳﻪ ﻣﺘﻮﻗﻊ ﻣﻨﻲ ﺍﻳﻪ؟
ﺣﺎﺯﻡ : ﻣﺘﻮﻗﻊ ﻣﻨﻚ ﺗﻔﻮﻗﻲ ﺍﻭ ﺗﻜﻮﻧﻲ ﻋﻠﻲ ﺍﻻﻗﻞ ﺻﺮﻳﺤﻪ ﻣﻊ ﻧﻔﺴﻚ
ﺷﺎﻫﻨﺪﺍ : ﺍﻧﺎ ﻓﺎﻳﻘﻪ ﻭﺻﺮﻳﺤﻪ ﺟﺪﺍ ﻣﻊ ﻧﻔﺴﻲ ﻭﺑﻌﺪﻳﻦ ﺍﻧﺎ ﺩﻛﺘﻮﺭﻩ ﻭﻋﺎﺭﻓﻪ ﻛﻮﻳﺲ ﻗﻮﻱ ﺍﻧﺎ ﺩﺍﺧﻠﻪ ﻻﻳﻪ ﻭﺭﺍﻳﺤﻪ ﻓﻴﻦ؟ ﺍﻳﻮﻩ ﺍﻧﺎ ﻣﺶ ﺩﻛﺘﻮﺭﻩ ﺑﺸﺮﻳﻪ ﺑﺲ ﺻﻴﺪﻻﻧﻴﻪ ﻭﺩﺭﺳﺖ ﺍﻻﻟﻢ ﻭﻋﻼﺟﻪ ﻭﻋﺎﺭﻓﻪ ﺍﻥ ﻓﻲ ﺃﻟﻢ ﻣﺎﻟﻮﺵ ﻋﻼﺝ ﺑﺲ ﻛﻞ ﺩﻩ ﻣﻘﺪﻭﺭ ﻋﻠﻴﻪ ﺍﻟﻤﻬﻢ ﺑﻘﻲ
ﺍﻻﻟﻢ ﺍﻟﻨﻔﺴﻲ ﻭﺃﻟﻢ ﺍﻟﻘﻠﻮﺏ ﺩﻩ ﺑﻘﻲ ﺍﻟﻠﻲ ﻣﺎﻟﻮﺵ ﺍﻱ ﺣﻞ ﺑﺠﺪ ... ﺑﺺ ﻳﺎ ﺣﺎﺯﻡ ﻋﻠﺸﺎﻥ ﻧﺒﻘﻲ ﺻﺮﺣﺎ ﺟﺪﺍ ﻭﺗﺒﻘﻲ ﻛﻞ ﺍﻻﻣﻮﺭ ﻭﺍﺿﺤﻪ ... ﺍﻧﺎ ﺑﺤﺒﻚ ﻭﺩﻱ ﺣﻘﻴﻘﻪ ﻭﻛﻨﺖ ﻣﺘﺨﻴﻠﻪ ﺍﻧﻬﺎ ﻭﺍﺿﺤﻪ ﻟﻴﻚ ﺑﺲ ﻣﺎ ﻋﻠﻴﻨﺎ ... ﻟﻮ ﺍﻧﺖ ﺍﺗﺮﺍﺟﻌﺖ ﻓﻲ ﻋﺮﺿﻚ ﻟﻠﺠﻮﺍﺯ ﻋﻠﺸﺎﻥ ﺗﺨﻴﻠﺖ ﺍﻭ ﻓﻜﺮﺕ ﺍﻧﻲ ﻣﺎ ﺑﺤﺒﻜﺶ ﺍﻭ ﺍﻧﻲ ﻣﺶ ﻫﺴﺘﺤﻤﻞ ﺍﻭ ﺍﻧﻚ ﻣﺜﻼ ﻣﺶ ﻫﺘﻜﻮﻥ ﻣﻨﺎﺳﺐ ﻓﺎﺭﺟﻮﻙ ﺳﻴﺒﻠﻲ ﺍﻧﺎ ﺍﻟﻘﺮﺍﺭ ﺍﻧﺎ ﻋﺎﺭﻓﻪ ﻫﺴﺘﺤﻤﻞ ﺍﻳﻪ ﻭﻣﺶ ﻫﺴﺘﺤﻤﻞ ﺍﻳﻪ؟ ﺍﻧﺎ ﺑﺤﺒﻚ ﻭﻋﺎﺭﻓﻪ ﺍﻧﺖ ﻫﺘﻘﺪﺭ ﻋﻠﻲ ﺍﻳﻪ ﻭﻣﺶ ﻫﺘﻘﺪﺭ ﻋﻠﻲ ﺍﻳﻪ ﻭﻣﺴﺘﻌﺪﻩ ﺍﺣﻂ ﺍﻳﺪﻱ ﻓﻲ ﺍﻳﺪﻙ ﻭﻧﻜﻮﻥ ﺳﻨﺪ ﻟﺒﻌﺾ ﻭﺗﺴﺤﻤﻠﻨﻲ ﺍﻥ ﺍﻧﺎ ﺍﻛﻮﻥ ﻋﻜﺎﺯﻙ ﻭﺳﺎﻋﺎﺕ ﺍﻻﻟﻢ ﺩﻱ ﻧﻌﺪﻳﻬﺎ ﻣﻊ ﺑﻌﺾ ... ﻣﺎﺷﻲ ﺍﻭﻛﻲ؟؟؟؟؟
ﺍﻣﺎ ﺑﻘﻲ ﻟﻮ ﻛﺎﻥ ﺗﺮﺍﺟﻌﻚ ﺩﻩ ﺳﺒﺒﻪ ﻛﺎﻥ ﺣﺒﻚ ﺍﻟﻘﺪﻳﻢ ﻭﺍﻧﻚ ﺣﺎﺳﺲ ﺍﻧﻚ ﻣﺶ ﻫﺘﻘﺪﺭ ﺗﺘﺨﻄﻲ ﺣﺒﻬﺎ ﻭﺍﻧﻬﺎ ﻟﺴﻪ ﻋﺎﻳﺸﻪ ﺟﻮﺍﻙ ﻑ
ﻫﻨﺎ ﺑﻘﻲ ﺣﺎﺯﻡ ﺣﻂ ﺍﻳﺪﻩ ﻋﻠﻲ ﺑﻮﻗﻬﺎ ﻋﻠﺸﺎﻥ ﻣﺎ ﺗﻜﻤﻠﺶ
ﺣﺎﺯﻡ : ﺣﺒﻲ ﺍﻟﻘﺪﻳﻢ ﺻﻔﺤﺘﻪ ﺍﺗﻘﻔﻠﺖ ﻳﻮﻡ ﻓﺮﺣﻬﺎ ﻋﻠﻲ ﺭﺍﺟﻞ ﺗﺎﻧﻲ ﺍﻧﺎ ﺑﺲ ﺣﻜﻴﺘﻠﻚ ﻋﻠﺸﺎﻥ ﺍﻻﻣﻮﺭ ﻛﻠﻬﺎ ﺗﻜﻮﻥ ﻭﺍﺿﺤﻪ ﻗﺪﺍﻣﻚ ﻭﻣﻔﻴﺶ ﺍﺳﺮﺍﺭ ﺗﻜﻮﻥ ﺑﻴﻨﺎ ... ﻭﻟﻮ ﺍﻧﺘﻲ ﻭﺍﺛﻘﻪ ﻓﻲ ﻗﺮﺍﺭﻙ ﺩﻩ ﺍﻧﺎ ﻫﻜﻮﻥ ﺍﺳﻌﺪ ﺭﺍﺟﻞ ﻓﻲ ﺍﻟﺪﻧﻴﺎ ﺩﻱ
ﺑﺲ ﺍﺭﺟﻮﻛﻲ ﺧﺪﻱ ﻭﻗﺘﻚ ﻭﻓﻜﺮﻱ ﺍﻻﻭﻝ ﻗﺒﻞ ﻣﺎ ﺗﺎﺧﺪﻱ ﻗﺮﺍﺭ ﻧﻬﺎﺋﻲ
ﺷﺎﻫﻨﺪﺍ : ﺍﻧﺎ ﺑﺤﻠﻢ ﺑﺎﻟﻴﻮﻡ ﺩﻩ ﻣﻦ ﺍﻭﻝ ﻣﺮﻩ ﺷﻔﺘﻚ ﻓﻴﻬﺎ
ﺣﺎﺯﻡ : ﻣﻌﻠﺶ ﺑﺮﺿﻪ ﺧﺪﻱ ﻭﻗﺘﻚ ﻭﺷﻮﻓﻲ ﻭﺍﻟﺪﻙ ﻭﻭﺍﻟﺪﺗﻚ
ﺷﺎﻫﻨﺪﺍ : ﺣﺒﻲ ﻛﺎﻥ ﻭﺍﺿﺢ ﻟﻠﻜﻞ ﺍﻻ ﺍﻧﺖ ﺍﻟﻈﺎﻫﺮ ... ﻛﻠﻬﻢ ﻋﺎﺭﻓﻴﻦ ﺍﻧﻲ ﺑﺤﺒﻚ ﻭﻣﺤﺪﺵ ﻓﻴﻬﻢ ﺍﻋﺘﺮﺽ
ﺣﺎﺯﻡ : ﻣﻤﻜﻦ ﻳﻜﻮﻧﻮﺍ ﻣﻔﻜﺮﻳﻨﻪ ﺍﻋﺠﺎﺏ ﺍﻭ ﺻﺪﺍﻗﻪ ﻣﺶ ﺟﻮﺍﺯ ﺍﻟﻤﻬﻢ ﺧﺪﻱ ﻭﻗﺘﻚ ﻛﻠﻤﻬﻴﻬﻢ ﻭﺑﻠﻐﻴﻨﻲ
ﺷﺎﻫﻨﺪﺍ ﻃﻠﻌﺖ ﻣﻮﺑﻴﻠﻬﺎ ﻭﻳﺪﻭﺏ ﻫﺘﺘﻜﻠﻢ ﺷﺪﻩ ﻣﻦ ﺍﻳﺪﻫﺎ
ﺣﺎﺯﻡ : ﺍﻧﺘﻲ ﻫﺘﻌﻤﻠﻲ ﺍﻳﻪ؟
ﺷﺎﻫﻨﺪﺍ : ﻫﺒﻠﻐﻬﻢ
ﺣﺎﺯﻡ : ﻣﻴﻦ ﻓﻴﻨﺎ ﺑﻘﻲ ﺍﻟﻠﻲ ﺑﻴﻬﺰﺭ ﺩﻟﻮﻗﺘﻲ؟
ﺷﺎﻫﻨﺪﺍ : ﺍﻧﺖ ﻟﻴﻪ ﻣﺶ ﻣﺴﺘﻮﻋﺐ ﺍﻥ ﺣﺒﻲ ﻟﻴﻚ ﻛﺎﻥ ﻇﺎﻫﺮ ﻟﻠﻜﻞ؟؟؟
ﺣﺎﺯﻡ : ﻭﺍﻧﺘﻲ ﻟﻴﻪ ﻣﺶ ﻣﺴﺘﻮﻋﺒﻪ ﺍﻥ ﺣﺎﻟﺘﻲ ﺧﺎﺻﻪ ﻭﻣﺎ ﻳﻨﻔﻌﺶ ﺍﻻﻣﻮﺭ ﺗﺘﺎﺧﺪ ﺑﺎﻟﺒﺴﺎﻃﻪ ﺩﻱ؟؟
ﺷﺎﻫﻨﺪﺍ : ﺍﻧﺖ ﻋﺎﻳﺰ ﺍﻳﻪ ﺩﻟﻮﻗﺘﻲ؟
ﺣﺎﺯﻡ : ﺍﻟﻨﻬﺎﺭﺩﻩ ﺍﻟﺨﻤﻴﺲ ﺻﺢ؟ ﺍﻟﺨﻤﻴﺲ ﺍﻟﺠﺎﻱ ﻫﺴﺘﻨﻲ ﺭﺩ ﻧﻬﺎﺋﻲ ﻣﻨﻚ ﻭﻣﻦ ﺍﻟﻨﻬﺎﺭﺩﻩ ﻟﺤﺪ ﺍﻟﺨﻤﻴﺲ ﺍﺣﻨﺎ ﺍﺻﺤﺎﺏ ﺗﻤﺎﻡ؟
ﺷﺎﻫﻨﺪﺍ : ﻫﺴﺘﻨﻲ ﺍﺳﺒﻮﻉ؟؟؟ ﺍﻣﻤﻢ ﺩﻩ ﻫﻴﺮﻳﺤﻚ ﻳﻌﻨﻲ؟
ﺣﺎﺯﻡ : ﺟﺪﺍ
ﺷﺎﻫﻨﺪﺍ : ﺧﻼﺹ ﺍﺗﻔﻘﻨﺎ ... ﻣﻤﻜﻦ ﺑﻘﻲ ﺗﻘﻮﻟﻲ ﺣﺎﻟﻴﺎ ﺣﺎﺳﺲ ﺑﺈﻳﻪ ﻭﺗﻮﺻﻔﻠﻲ ﻭﺟﻌﻚ ﺑﺎﻟﻈﺒﻂ ﺍﻳﻪ؟
ﺣﺎﺯﻡ : ﻟﻴﻪ ﺑﻘﻲ ﺍﻥ ﺷﺎﺀﺍﻟﻠﻪ؟
ﺷﺎﻫﻨﺪﺍ : ﻻﻧﻲ ﺣﺎﻟﻴﺎ ﺑﺴﺄﻟﻚ ﺍﻟﺴﺆﺍﻝ ﺩﻩ ﻛﺪﻛﺘﻮﺭﻩ ﻣﺶ ﻛﺤﺒﻴﺒﺘﻚ
ﺣﺎﺯﻡ ﺍﺑﺘﺴﻢ : ﻛﺎ ﺍﻳﻪ؟
ﺷﺎﻫﻨﺪﺍ : ﺣﺒﻴﺒﺘﻚ ﻫﻮ ﻣﺶ ﺍﻧﺎ ﺣﺒﻴﺒﺘﻚ ﻭﻻ ﺍﻳﻪ؟
ﺣﺎﺯﻡ : ﺍﻛﻴﺪ ﺍﻛﻴﺪ
ﻭﺻﻔﻠﻬﺎ ﻭﺟﻌﻪ ﻭﻫﻴﺎ ﻛﺘﺒﺘﻠﻪ ﻣﺴﻜﻦ ﺟﺪﻳﺪ ﻣﺨﺘﻠﻒ ﺗﻤﺎﻣﺎ ﻭﺑﻌﺖ ﺣﺪ ﻣﻦ ﺍﻟﺨﺪﻡ ﻳﺠﻴﺒﻬﻮﻟﻪ ﻫﻮ ﻭ ﺣﺎﺟﺎﺕ ﺗﺎﻧﻴﻪ ﻫﻴﺎ ﻛﺘﺒﺘﻬﺎ
ﺷﺎﻫﻨﺪﺍ : ﺍﺗﻔﻀﻞ ﺑﻘﻲ ﺩﻩ ﻭﻳﺎﺭﺏ ﻳﻜﻮﻥ ﻓﻲ ﻓﺮﻕ
ﺍﺧﺪ ﺍﻟﺪﻭﺍ ﻣﻦ ﺍﻳﺪﻳﻬﺎ ﻭﺑﺼﻠﻬﺎ
ﺷﺎﻫﻨﺪﺍ : ﻭﺩﻟﻮﻗﺘﻲ ﺑﻘﻲ ﻋﺎﻳﺰﻩ ﺣﻀﺮﺗﻚ ﺗﻨﺎﻡ ﻋﻠﻲ ﺑﻄﻨﻚ ﻭﺗﺨﻠﻊ ﺗﻴﺸﺮﺗﻚ ﺍﻻﻭﻝ
ﺣﺎﺯﻡ ﺑﺎﺳﺘﻐﺮﺍﺏ : ﺍﻓﻨﺪﻡ؟
ﺷﺎﻫﻨﺪﺍ : ﻋﻠﻲ ﻓﻜﺮﻩ ﺍﻧﺖ ﻣﺮﻳﺾ ﻣﺘﻌﺐ ﻭﻣﺶ ﻣﺘﻌﺎﻭﻥ ﺍﺑﺪﺍ
ﺣﺎﺯﻡ : ﻻ ﺧﻼﺹ ﻳﺎ ﺩﻭﻙ
ﻗﻠﻊ ﺗﻴﺸﺮﺗﻪ ﻭﻧﻔﺬ ﻛﻼﻣﻬﺎ ... ﺍﺗﻔﺎﺟﺌﺖ ﺷﺎﻫﻨﺪﺍ ﺑﻜﻤﻴﻪ ﺍﺛﺎﺭ ﺍﻟﺠﺮﻭﺡ ﻭﺍﻟﻌﻤﻠﻴﺎﺕ ﺍﻟﻠﻲ ﻓﻲ ﻇﻬﺮﻩ ﻟﺪﺭﺟﻪ ﺍﻧﻬﺎ ﻣﻘﺪﺭﺗﺶ ﺗﻨﻄﻖ ﻭﺣﺎﺯﻡ ﻟﻤﺎ ﻃﺎﻝ ﺳﻜﺎﺗﻬﺎ ﺑﺼﻠﻬﺎ ﻭﺍﺗﻔﺎﺟﺊ ﺑﺪﻣﻌﻪ ﻧﺎﺯﻟﻪ ﻣﻦ ﻋﻴﻨﻬﺎ ﻓﺎﺗﻌﺪﻝ ﺑﺼﻌﻮﺑﻪ ﻭﻣﺴﺢ ﺩﻣﻮﻋﻬﺎ
ﺣﺎﺯﻡ : ﺍﻳﻪ؟؟ ﺍﺗﻔﺎﺟﺌﺘﻲ؟؟ ﻟﻮ ﺍﻟﻮﺿﻊ ﻫﻴﻜﻮﻥ ﺻﻌﺐ
ﻗﺎﻃﻌﺘﻪ ﺷﺎﻫﻨﺪﺍ : ﺍﺗﻔﻘﻨﺎ ﺍﻥ ﺍﻧﺎ ﺍﻟﻠﻲ ﻫﻘﺮﺭ .... ﺑﺲ ﻣﺘﺨﻴﻠﺘﺶ ﺍﻟﺸﻜﻞ ﺩﻩ ... ﺍﻧﺖ ﻋﻤﻠﺖ ﻛﺎﻡ ﻋﻤﻠﻴﻪ؟؟
ﺣﺎﺯﻡ : ﻳﻮﻭﻭﻭﻩ ﺑﻄﻠﺖ ﺍﻋﺪ ﺑﻌﺪ ﻣﺎ ﻋﺪﻳﺖ ﺍﻟﺴﺒﻌﻪ
ﺷﺎﻫﻨﺪﺍ : ﺍﻧﺖ ﻋﻤﻠﺖ ﺍﻛﺘﺮ ﻣﻦ ﺳﺒﻊ ﻋﻤﻠﻴﺎﺕ ﻓﻲ ﺿﻬﺮﻙ؟
ﺣﺎﺯﻡ : ﺷﻮﻓﺘﻲ ﺑﻘﻲ ﻟﻴﻪ ﻋﻄﻴﺘﻚ ﻣﻬﻠﻪ ﺍﺳﺒﻮﻉ ﺗﻔﻜﺮﻱ؟؟
ﺷﺎﻫﻨﺪﺍ : ﺍﻧﺎ ﻣﺎ ﺑﺘﻬﺰﺵ ﺑﺴﻬﻮﻟﻪ ﻭﺍﻟﺸﻴﺊ ﺍﻟﻮﺣﻴﺪ ﺍﻟﻠﻲ ﻣﻤﻜﻦ ﻳﺨﻠﻴﻨﻲ ﺍﻏﻴﺮ ﺭﺃﻳﻲ ﻫﻮ ﺍﻧﻚ ﺍﻧﺖ ﻣﺘﺒﻘﺎﺵ ﻋﺎﻳﺰﻧﻲ ﻓﻲ ﺣﻴﺎﺗﻚ ... ﺍﻟﻤﻬﻢ ﻋﻠﻲ ﺑﻄﻨﻚ ﻳﺎﻻ
ﺍﺑﺘﺴﻢ ﺣﺎﺯﻡ ﻭﺭﺟﻊ ﻟﻮﺿﻌﻪ ﻭﻫﻴﺎ ﺍﻟﻤﺮﻩ ﺩﻱ ﻛﺎﻧﺖ ﺍﻗﻮﻱ
ﻓﺘﺤﺖ ﻣﺮﻫﻢ ﻭﺑﺪﺃﺕ ﺗﺪﻟﻚ ﻇﻬﺮﻩ ﻓﻲ ﺍﻣﺎﻛﻦ ﺍﻻﻟﻢ ﺍﻟﻠﻲ ﻫﻮ ﺑﻴﺸﺎﻭﺭﻟﻬﺎ ﻋﻠﻴﻬﺎ
ﻓﻲ ﺍﻻﻭﻝ ﻛﺎﻥ ﻣﺶ ﻗﺎﺩﺭ ﻳﺴﺘﺤﻤﻞ ﺗﺪﻟﻴﻜﻬﺎ ﻭﺑﻴﻤﺴﻚ ﻧﻔﺴﻪ ﺑﺎﻟﻌﺎﻓﻴﻪ ﻣﻦ ﺍﻟﻮﺟﻊ ﻭﻟﻮﻻ ﺍﻧﻬﺎ ﺑﻨﺖ ﻭﻫﻮ ﺭﺍﺟﻞ ﻛﺎﻥ ﻋﻴﻂ ﻣﻦ ﺍﻟﻮﺟﻊ
ﺷﺎﻫﻨﺪﺍ : ﻣﻌﻠﺶ ﺍﺳﺘﺤﻤﻞ ﻋﺎﺭﻓﻪ ﺍﻧﻚ ﺗﻌﺒﺎﻥ ﺑﺲ ﺍﺩﻱ ﻭﻗﺖ ﻟﻠﻤﺮﻫﻢ ﻳﺸﺘﻐﻞ ﻭﺍﻟﺘﺪﻟﻴﻚ ﺗﺎﻋﺒﻚ ﺑﺲ ﻣﻬﻢ ﻭﺑﻌﺪﻳﻦ ﺍﻧﺎ ﻣﺴﺘﻐﺮﺑﻪ ﺍﺻﻼ ﺍﻧﻚ ﻣﺶ ﺑﺘﻌﻤﻞ ﺟﻠﺴﺎﺕ ﻋﻼﺝ ﻃﺒﻴﻌﻲ
ﺣﺎﺯﻡ : ﻛﻨﺖ ﺑﻌﻤﻞ ﻭﺗﻌﺒﺖ ... ﺳﻨﻴﻦ ﻭﻣﻔﻴﺶ ﺍﻱ ﺗﺤﺴﻦ ﻭﻻ ﻟﻴﻬﺎ ﻻﺯﻣﻪ ﻓﺒﻄﻠﺘﻬﺎ ﻭﺟﻊ ﻭﻋﻠﻲ ﺍﻟﻔﺎﺿﻲ
ﺷﺎﻫﻨﺪﺍ : ﺍﺯﺍﻱ ﻋﻠﻲ ﺍﻟﻔﺎﺿﻲ؟ ﺍﻧﺖ ﻛﻨﺖ ﻓﻴﻦ ﻭﺑﻘﻴﺖ ﻓﻴﻦ؟ ﺟﻠﺴﺎﺕ ﺍﻟﻌﻼﺝ ﺍﻟﻄﺒﻴﻌﻲ ﻣﻬﻤﻪ ﺟﺪﺍ
ﺷﻮﻳﻪ ﻭﺑﺪﺃ ﺣﺎﺯﻡ ﻓﻌﻼ ﻳﺮﺗﺎﺡ ﻭﺟﺴﻤﻪ ﻳﻬﺪﻱ ﻭﺍﻻﻟﻢ ﻳﻘﻞ
ﻭﻣﻊ ﺗﺪﻟﻴﻜﻬﺎ ﻭﻣﻊ ﺳﻜﻮﺗﻬﻢ ﺍﺗﻔﺎﺟﺌﺖ ﺷﺎﻫﻨﺪﺍ ﺑﺎﻥ ﺣﺎﺯﻡ ﻧﺎﻡ ﻣﻦ ﺍﻟﺘﻌﺐ ﺍﻭ ﻣﻦ ﺍﻻﺭﺗﻴﺎﺡ ﺍﻟﻤﻬﻢ ﺍﻧﻪ ﻧﺎﻡ ﻓﺎﻧﺴﺤﺒﺖ ﺑﻬﺪﻭﺀ ﻭﺍﺑﺘﺴﺎﻣﻪ ﻋﻠﻲ ﻭﺷﻬﺎ ﻭﻓﺮﺣﻪ ﺟﻮﺍﻫﺎ ﻭﺭﻭﺣﺖ ﺑﻴﺘﻬﺎ ﻭﻟﻘﺖ ﺍﺑﻮﻫﺎ ﻭﺍﻣﻬﺎ ﻓﻲ ﺍﻻﻧﺘﻈﺎﺭ
ﻭﺣﻜﺘﻠﻬﻢ ﺍﻟﻠﻲ ﺣﺼﻞ
ﻣﻜﺮﻡ : ﻳﻌﻨﻲ ﻓﻌﻼ ﺭﺃﻳﻲ ﻛﺎﻥ ﺻﺢ؟ ﺍﻟﻤﻬﻢ ﻧﺎﻭﻳﻪ ﻋﻠﻲ ﺍﻳﻪ؟
ﺷﺎﻫﻨﺪﺍ : ﻫﺪﻳﻠﻪ ﺍﻻﺳﺒﻮﻉ ﺍﻟﻠﻲ ﻫﻮ ﻋﺎﻭﺯﻩ ﻭﺑﻌﺪﻫﺎ ﻧﺘﺠﻮﺯ ﺑﺈﺫﻥ ﺍﻟﻠﻪ ﺩﻩ ﺍﺫﺍ ﻛﺎﻥ ﻣﺶ ﻋﻨﺪ ﺣﻀﺮﺗﻚ ﻣﺎﻧﻊ؟
ﻣﻜﺮﻡ : ﻳﺎ ﺣﺒﻴﺒﺘﻲ ﺍﻧﺎ ﺗﻬﻤﻨﻲ ﺳﻌﺎﺩﺗﻚ ﻭﺑﺲ ﻭﻫﻮ ﺍﻧﺴﺎﻥ ﻣﺤﺘﺮﻡ ﻭﻛﻮﻳﺲ ﻭﺳﻤﻌﺘﻪ ﻛﻮﻳﺴﻪ ﻭﻟﻪ ﻭﺿﻌﻪ ... ﺍﻣﺎ ﺑﻘﻲ ﻭﺿﻌﻪ ﺍﻟﺼﺤﻲ ﻓﺪﻩ ﺷﻴﺊ ﺍﻧﺘﻲ ﺗﻘﺮﺭﻳﻪ ﺍﺫﺍ ﻛﻨﺘﻲ ﻫﺘﺘﺤﻤﻠﻴﻪ ﻭﻻ ﻷ؟ ﻭﺍﻭﻋﻲ ﺗﺘﺨﻴﻠﻲ ﺍﻥ ﺍﻟﻤﻮﺿﻮﻉ ﻣﺶ ﻫﻴﻔﺮﻕ ﻣﻌﺎﻛﻲ !!! ﻫﻴﻔﺮﻕ ﻭﻫﻴﻔﺮﻕ ﻛﺘﻴﺮ ﺟﺪﺍ ﻛﻤﺎﻥ
ﺷﺎﻫﻨﺪﺍ : ﻳﻔﺮﻕ ﻓﻲ ﺍﻳﻪ؟ ﺍﻱ ﺣﺪ ﻣﻌﺮﺽ ﺍﻧﻪ ﻳﺘﻌﺐ ﺍﻭ ﻳﺤﺼﻠﻪ ﺣﺎﺟﻪ
ﻣﻜﺮﻡ : ﻣﺎﺷﻲ ﺑﺲ ﻓﻲ ﻓﺮﻕ ﺍﻧﻚ ﺗﻜﻮﻧﻲ ﻣﺘﺠﻮﺯﻩ ﻭﺟﻮﺯﻙ ﻳﺘﻌﺐ ﺍﻭ ﻳﺤﺼﻠﻪ ﺣﺎﺟﻪ ﻭﺍﻧﻚ ﺗﺘﺠﻮﺯﻳﻪ ﺗﻌﺒﺎﻥ ﺍﺻﻼ !!!!! ﻓﻲ ﻓﺮﻕ ... ﺍﻧﺘﻲ ﺑﺘﺘﺠﻮﺯﻱ ﻭﺍﺣﺪ ﻣﺤﺘﺎﺝ ﻟﻤﻌﺎﻣﻠﻪ ﺧﺎﺻﻪ .. ﻣﺶ ﻫﻴﻘﻮﻡ ﺑﻜﻞ ﻭﺍﺟﺒﺎﺗﻪ ﻛﺎﻣﻠﻪ ... ﻫﺘﻼﻗﻲ ﺣﺎﺟﺎﺕ ﻧﺎﻗﺼﺎﻛﻲ ....
ﺷﺎﻫﻨﺪﺍ : ﺍﻳﻪ ﺍﻟﻠﻲ ﻣﻤﻜﻦ ﺣﺎﺯﻡ ﻣﺎ ﻳﻘﺪﺭﺵ ﻳﻌﻤﻠﻪ ﻭﻫﻔﺘﻘﺪﻩ ﻗﻮﻱ ... ﻣﺶ ﻫﻴﻘﺪﺭ ﻳﻤﺸﻲ ﻛﺘﻴﺮ؟؟؟ ﻣﺶ ﻣﻬﻢ
ﺍﻟﻤﺠﻬﻮﺩ ﺍﻟﺠﺎﻣﺪ ﺑﻴﺘﻌﺒﻪ ... ﻭﺍﻧﺎ ﻣﺶ ﻣﺤﺘﺎﺟﻪ ﻣﻨﻪ ﺣﺎﺟﻪ ﺗﺘﻄﻠﺐ ﻣﺠﻬﻮﺩ
ﻣﻜﺮﻡ : ﻧﻌﻢ؟ ﺩﻩ ﺍﺑﺴﻂ ﺣﻘﻮﻗﻚ ﻛﺰﻭﺟﻪ ﻣﺤﺘﺎﺝ ﻟﻤﺠﻬﻮﺩ ﻭﻻ ﺍﻧﺘﻲ ﺟﺎﻫﻠﻪ ﺩﻩ ﺍﻧﺘﻲ ﺩﻛﺘﻮﺭﻩ ﻭﺍﻛﻴﺪ ﺍﻧﺘﻲ ﻓﺎﻫﻤﻪ ﺍﻧﺎ ﺍﻗﺼﺪ ﺍﻳﻪ؟ ﻣﺶ ﻫﻴﻜﻮﻥ ﺯﻱ ﺭﺍﺟﻞ ﻃﺒﻴﻌﻲ
ﺷﺎﻫﻨﺪﺍ : ﺍﻧﺎ ﻋﺎﺭﻓﻪ ﺍﻟﻨﻘﻄﻪ ﺩﻱ ﻛﻮﻳﺲ ... ﻭﺍﻛﻴﺪ ﻓﺎﻫﻤﻪ ﻭﻋﺎﺭﻓﻪ ﺑﺮﺿﻪ ﻳﺎ ﺑﺎﺑﺎ ﺍﻧﻪ ﻫﻴﻘﺼﺮ ﻓﻲ ﺣﺎﺟﺎﺕ ﻏﺼﺐ ﻋﻨﻪ ﺑﺲ ﺍﺭﺟﻊ ﻭﺍﻗﻮﻟﻚ ﻛﻠﻤﻪ ﻭﺍﺣﺪﻩ ﺍﻧﺎ ﺑﺤﺒﻪ ﻭﻛﻠﻪ ﻳﻬﻮﻥ ﻓﻲ ﺳﺒﻴﻞ ﺍﻧﻲ ﺍﻓﻀﻞ ﺟﻨﺒﻪ
ﻣﻜﺮﻡ : ﺍﻟﺤﺐ ﺳﺎﻋﺎﺕ ﺑﻴﻜﻮﻥ ﻟﻪ ﻟﻤﻌﻪ ﻭﺭﻭﻧﻖ ﺑﻴﺨﺘﻔﻮﺍ ﺑﻌﺪ ﺍﻟﺠﻮﺍﺯ ﻭﺗﺸﻮﻓﻲ ﺍﻟﺤﻘﻴﻘﻪ ﻣﻜﺸﻮﻓﻪ ﻣﺠﺮﺩﻩ
ﺷﺎﻫﻨﺪﺍ : ﺍﻧﺎ ﻣﺶ ﺍﻧﺴﺎﻧﻪ ﻋﺎﻃﻔﻴﻪ ﺍﻭ ﻫﻮﺍﺋﻴﻪ ﻭﻋﺎﺭﻓﻪ ﺍﻧﺎ ﺩﺍﺧﻠﻪ ﻋﻠﻲ ﺍﻳﻪ .... ﺍﺭﺟﻮﻙ ﻣﺎ ﺗﻘﻠﻘﺶ ﻋﻠﻴﺎ
ﻣﻜﺮﻡ : ﻭﻇﻴﻔﺘﻲ ﻛﺄﺏ ﻫﻴﺎ ﺍﻧﻲ ﺍﻗﻠﻖ ﻋﻠﻴﻜﻲ
ﺗﺎﻧﻲ ﻳﻮﻡ ﺍﻟﺼﺒﺢ ﺣﺎﺯﻡ ﻓﺘﺢ ﻋﻨﻴﻪ . ﻣﺴﺘﻐﺮﺏ ﺷﻮﻳﻪ ﻫﻮ ﻧﺎﻡ ﺍﻣﺘﻲ ﺍﻭ ﺍﻳﻪ ﺍﻟﻠﻲ ﺣﺼﻞ؟ ﺑﺲ ﻫﻮ ﻗﺎﻳﻢ ﻣﺒﺴﻮﻁ
ﺍﺗﻌﺪﻝ ﻭﺍﺳﺘﻐﺮﺏ ﺍﻧﻪ ﻗﺎﻳﻢ ﻣﺮﺗﺎﺡ ﻣﺶ ﺗﻌﺒﺎﻥ
ﺍﺑﺘﺴﻢ ﻣﻦ ﺫﻛﺮﻳﺎﺕ ﻟﻴﻠﻪ ﺍﻣﺒﺎﺭﺡ ﻭﻟﻘﻲ ﻧﻔﺴﻪ ﺑﻴﺘﺼﻞ ﺑﺸﺎﻫﻨﺪﺍ ﻭﺭﺩﺕ ﺑﺼﻮﺕ ﻧﻌﺴﺎﻥ ﻧﺎﻳﻢ
ﺣﺎﺯﻡ : ﺍﺳﻒ ﺍﻧﻲ ﺻﺤﻴﺘﻚ ﺗﺤﺒﻲ ﺍﻗﻔﻞ؟؟
ﺷﺎﻫﻨﺪﺍ : ﻻ ﻃﺒﻌﺎ ... ﺻﺤﻴﺖ ﺍﻣﺘﻲ؟
ﺣﺎﺯﻡ : ﻳﺪﻭﺏ ﺣﺎﻻ ... ﻭﺣﺴﻴﺖ ﺍﻧﻲ ﻋﺎﻳﺰ ﺻﻮﺗﻚ ﺍﺑﺪﺃ ﺑﻴﻪ ﻳﻮﻣﻲ
ﺷﺎﻫﻨﺪﺍ ﺑﻜﺴﻮﻑ : ﺑﺠﺪ؟ ﻭﺩﻩ ﻧﺴﻤﻴﻪ ﺣﺐ ﻣﺜﻼ ﻭﻻ ﺍﻳﻪ؟
ﺣﺎﺯﻡ : ﻭﻻ ﺍﻳﻪ .... ﺷﺎﻫﻲ !!
ﺷﺎﻫﻨﺪﺍ : ﻋﻴﻮﻧﻲ
ﺣﺎﺯﻡ : ﺍﻧﺎ ﻣﺘﺸﻜﺮ ﺟﺪﺍ ﻋﻠﻲ ﻟﻴﻠﻪ ﺍﻣﺒﺎﺭﺡ .... ﺍﻧﺖ ﻧﻘﻠﺘﻴﻨﻲ ﻣﻦ ﺣﺎﻟﻪ ﻟﺤﺎﻟﻪ ﻣﺨﺘﻠﻔﻪ ﺗﻤﺎﻣﺎ
ﺷﺎﻫﻨﺪﺍ : ﻣﺘﺸﻜﺮﻧﻴﺶ ﺍﺭﺟﻮﻙ ﻋﻠﻲ ﺣﺒﻲ ... ﻣﺤﺪﺵ ﺑﻴﺸﻜﺮ ﺣﺒﻴﺒﻪ ﺍﻧﻪ ﺑﻴﺤﺒﻪ
ﺣﺎﺯﻡ : ﺍﻧﺎ ﻧﺎﺯﻝ ﺍﻟﻔﻨﺪﻕ ﺩﻟﻮﻗﺘﻲ ﻭﺍﻧﺘﻲ ﻓﻮﻗﻲ ﻭﺍﺑﻘﻲ ﻛﻠﻤﻴﻨﻲ ﺍﻭﻙ
ﺷﺎﻫﻨﺪﺍ : ﻣﺎﺷﻲ ﺣﺒﻴﺒﻲ
ﻗﺎﻡ ﺣﺎﺯﻡ ﻭﻧﺰﻝ ﻭﺭﺍﺡ ﻟﺸﻐﻠﻪ ... ﻋﻠﻲ ﺍﺳﺘﻐﺮﺏ ﺍﻥ ﺣﺎﺯﻡ ﻣﺒﺴﻮﻁ ﻭﺩﻩ ﺷﻴﺊ ﻧﺎﺩﺭﺍ ﻣﺎ ﺑﻴﺤﺼﻞ
ﻋﻠﻲ : ﺧﻴﺮ؟ ﻛﻨﺖ ﻗﻠﻘﺎﻥ ﻋﻠﻴﻚ ﺍﻣﺒﺎﺭﺡ ﺑﺲ ﺷﻜﻠﻚ ﺍﻟﻨﻬﺎﺭﺩﻩ ﻏﺮﻳﺐ
ﺣﺎﺯﻡ : ﻏﺮﻳﺐ ﺍﺯﺍﻱ؟
ﻋﻠﻲ : ﻳﻌﻨﻲ ﻣﺎ ﺗﺨﻴﻠﺘﺶ ﺍﻧﻚ ﻫﺘﻴﺠﻲ ﻣﺒﺴﻮﻁ ﺍﺑﺪﺍ ﻭﻛﻨﺖ ﺷﺎﻳﻞ ﻫﻢ ﺍﻟﻨﻬﺎﺭﺩﻩ ﻳﻌﺪﻱ ﻭﻣﺤﻀﺮ ﻧﻔﺴﻲ ﻟﻜﻤﻴﻪ ﺻﺪﻣﺎﺕ ﻣﻨﻚ
ﺣﺎﺯﻡ ﺿﺤﻚ : ﻻ ﻳﺎ ﻋﻢ ﻣﻔﻴﺶ ﺻﺪﻣﺎﺕ
ﻭﻟﺴﻪ ﻫﻴﺴﺄﻝ ﺍﻛﺘﺮ ﺗﻠﻴﻔﻮﻧﻪ ﺭﻥ ﻓﺤﺎﺯﻡ ﺍﺑﺘﺴﻢ ﻭﺭﺩ
ﺣﺎﺯﻡ : ﺍﻳﻮﻩ ﻳﺎ ﻗﻤﺮ
ﺷﺎﻫﻨﺪﺍ : ﺍﻧﺖ ﻓﻴﻦ ﺑﻘﻲ ﻓﻲ ﺍﻟﻔﻨﺪﻕ ﺍﻟﻄﻮﻳﻞ ﺍﻟﻌﺮﻳﺾ ﺩﻩ؟
ﺣﺎﺯﻡ : ﺍﻧﺘﻲ ﻫﻨﺎ؟؟؟
ﺷﺎﻫﻨﺪﺍ : ﺍﻫﻤﻤﻤﻢ ﻋﻨﺪ ﺍﻟﻜﺎﻓﻴﻪ ﺟﻮﻩ
ﺣﺎﺯﻡ : ﻟﺤﻈﻪ ﻭﻫﻨﺰﻟﻚ
ﻗﺎﻡ ﺣﺎﺯﻡ ﻭﺭﺍﻳﺢ ﻟﺸﺎﻫﻨﺪﺍ ﻭﻋﻠﻲ ﻭﺭﺍﻩ ﻣﺒﺘﺴﻢ
ﻋﻠﻲ : ﺍﺗﺼﺎﻟﺤﺘﻮ ﺍﻣﺘﻲ؟ ﺍﻧﺎ ﺳﺎﻳﺒﻚ ﺑﺎﻟﻠﻴﻞ
ﺣﺎﺯﻡ : ﻣﻮﺕ ﺑﻔﻀﻮﻟﻚ
ﻋﻠﻲ : ﺑﻘﻲ ﻛﺪﻩ؟ ﻣﺎﺷﻲ ... ﺩﻱ ﺍﺧﺮﺗﻬﺎ !!!
ﺣﺎﺯﻡ : ﻻ ﻳﺎ ﻋﻢ ﻣﺶ ﺩﻱ ﺍﺧﺮﺗﻬﺎ، ... ﺍﺣﻨﺎ ﺍﺗﺼﺎﻟﺤﻨﺎ ﺑﻌﺪ ﻣﺎ ﺍﻧﺖ ﻣﺸﻴﺖ ﺍﺗﻜﻠﻤﻨﺎ ﻭﻛﺎﻥ ﻓﻴﻪ ﺳﻮﺀ ﺗﻔﺎﻫﻢ ﻭﺿﺤﻨﺎﻩ
ﻋﻠﻲ : ﻳﻌﻨﻲ ﺍﻧﺖ ﺍﺗﺼﻠﺖ ﺑﻴﻬﺎ ﻭﻻ ﻫﻴﺎ ﺍﺗﺼﻠﺖ ﺑﻴﻚ ﻭﻻ ﺍﻳﻪ؟
ﺣﺎﺯﻡ : ﺍﻧﺖ ﻣﺶ ﻣﻼﺣﻆ ﺍﻥ ﺍﺳﺌﻠﺘﻚ ﻛﺘﻴﺮ؟
ﻋﻠﻲ : ﺍﺳﻒ ﻟﻮ ﺿﺎﻳﻘﺘﻚ
ﺣﺎﺯﻡ : ﻻ ﻣﻀﺎﻳﻘﺘﻨﻴﺶ ... ﺧﻼﺻﻪ ﺍﻟﻜﻼﻡ ﻭﻣﺘﺴﺄﻟﺶ ﺍﻱ ﺍﺳﺌﻠﻪ ﺑﻌﺪﻫﺎ .. ﺷﺎﻫﻨﺪﺍ ﺟﺎﺗﻠﻲ ﺑﺎﻟﻠﻴﻞ ﻭﺍﺗﻜﻠﻤﻨﺎ ﺧﻼﺹ ﺍﺭﺗﺤﺖ؟
ﻋﻠﻲ : ﻃﻴﺐ ﺍﻟﺤﻤﺪ ﻟﻠﻪ ﺍﻧﻜﻢ ﺍﺗﺼﺎﻟﺤﺘﻮ ... ﺍﻟﻤﻬﻢ
ﺣﺎﺯﻡ : ﺍﻳﻪ ﺍﻟﻤﻬﻢ؟؟
ﻋﻠﻲ : ﺧﻠﻴﻬﺎ ﺑﻌﺪﻳﻦ ﺷﺎﻫﻨﺪﺍ ﻫﻨﺎﻙ ﺍﻫﻲ
ﺣﺎﺯﻡ ﻭﻗﻒ ﻭﺑﺼﻠﻪ : ﺍﻳﻪ ﺍﻟﻤﻬﻢ؟
ﻋﻠﻲ : ﺍﻟﺸﻘﻪ ﺍﻟﻠﻲ ﺍﻧﺖ ﻃﻠﺒﺘﻬﺎ ﺟﺎﻫﺰﻩ
ﺣﺎﺯﻡ : ﺟﺎﻫﺰﻩ !! ﻃﻴﺐ ﺍﺑﻌﺖ ﺣﺪ ﻳﺎﺧﺪﻫﻢ ﻣﻦ ﺷﻘﺘﻚ ﻟﻠﺸﻘﻪ ﺍﻟﺠﺪﻳﺪﻩ
ﻋﻠﻲ : ﻳﺎﺧﺪ ﻣﻴﻦ؟
ﺣﺎﺯﻡ : ﺷﻮﻕ ﻭﺑﻨﺘﻬﺎ ﻫﻴﻜﻮﻥ ﻣﻴﻦ ﻳﻌﻨﻲ؟ ﺍﺑﻌﺘﻠﻬﻢ ﺣﺪ ﻳﻮﺩﻳﻬﻢ
ﺍﺧﻴﺮﺍ ﻭﺻﻞ ﻟﺸﺎﻫﻨﺪﺍ ﺍﻟﻠﻲ ﻛﺎﻧﺖ ﺟﻤﻴﻠﻪ ﻓﻮﻕ ﺍﻟﻌﺎﺩﻩ
ﺣﺎﺯﻡ : ﻫﻮ ﺍﻧﺘﻲ ﺟﻤﻴﻠﻪ ﺍﻟﻨﻬﺎﺭﺩﻩ ﻋﻦ ﻛﻞ ﻳﻮﻡ ﻭﻻ ﺍﻧﺎ ﺑﻴﺘﻬﻴﺄﻟﻲ؟؟
ﺷﺎﻫﻨﺪﺍ : ﻫﻮ ﺍﻧﺖ ﻣﺎ ﺗﻌﺮﻓﺶ ﺍﻥ ﺍﻟﺤﺐ ﺑﻴﺤﻠﻲ ﺍﻛﺘﺮ ﻭﺍﻛﺘﺮ
ﺣﺎﺯﻡ ﻫﻴﺮﺩ ﺑﺲ ﻻﺣﻆ ﺍﻥ ﻋﻠﻲ ﻭﺍﻗﻒ ﻣﺒﺘﺴﻢ ﻭﺭﺍﻩ
ﺣﺎﺯﻡ : ﺍﻧﺖ ﻭﺍﻗﻒ ﻟﻴﻪ؟ ﻣﺴﺘﻨﻲ ﺣﺎﺟﻪ؟
ﻋﻠﻲ : ﻻ ﻛﻨﺖ ﺑﻄﻤﻦ ﻋﻠﻴﻚ ﺑﺲ ﻟﺘﻜﻮﻥ ﻣﺤﺘﺎﺝ ﺍﻱ ﺣﺎﺟﻪ
ﺣﺎﺯﻡ : ﻃﻴﺐ ﻣﺶ ﺍﻃﻤﻨﺖ !! ﺍﺗﻜﻞ ﺷﻮﻑ ﺍﻟﻠﻲ ﻗﻮﻟﺘﻠﻚ ﻋﻠﻴﻪ
ﺳﺎﺑﻬﻢ ﻋﻠﻲ ﻭﻣﺸﻲ ﻭﻫﻤﺎ ﻗﻌﺪﻭﺍ ﻣﻊ ﺑﻌﺾ
ﺷﺎﻫﻨﺪﺍ : ﻧﻔﺴﻲ ﺍﻓﻬﻢ ﺍﻧﺖ ﺑﺘﻴﺠﻲ ﻫﻨﺎ ﻛﺘﻴﺮ ﻟﻴﻪ؟ ﻳﻌﻨﻲ ﺍﻳﻪ ﺳﺮ ﺣﺒﻚ ﻟﻠﻔﻨﺪﻕ ﺩﻩ ﺑﺎﻟﺬﺍﺕ؟؟؟
ﺣﺎﺯﻡ : ﺑﺘﻬﺮﺟﻲ ﺻﺢ؟
ﺷﺎﻫﻨﺪﺍ : ﻻ ﺑﺠﺪ
ﺣﺎﺯﻡ : ﺍﻟﻔﻨﺪﻕ ﺑﺘﺎﻋﻲ ﻳﺎ ﺷﺎﻫﻲ ﻭﺑﺘﺎﺑﻌﻪ ... ﺳﻠﺴﻠﻪ ﺍﻟﻔﻨﺎﺩﻕ ﺩﻱ ﺑﺘﺎﻋﺘﻲ
ﺷﺎﻫﻨﺪﺍ : ﺑﺠﺪ؟؟؟ ﻣﻜﻨﺘﺶ ﺍﻋﺮﻑ
ﺣﺎﺯﻡ : ﻣﺎﻫﻮ ﻭﺍﻟﺪﻙ ﻋﺎﻳﺰ ﻳﻀﻢ ﻓﻨﺎﺩﻗﻪ ﻟﻤﺠﻤﻮﻋﺘﻲ ﻭﺩﻩ ﺳﺒﺐ ﺗﻌﺎﺭﻓﻨﺎ
ﺷﺎﻫﻨﺪﺍ : ﺍﻧﺎ ﻣﺒﺘﻜﻠﻤﺶ ﻣﻊ ﺑﺎﺑﺎ ﻓﻲ ﺍﻟﺸﻐﻞ ... ﻭﺑﻌﺪﻳﻦ ﺩﻩ ﻣﻦ ﺣﺴﻦ ﺣﻈﻲ ﺍﻧﺎ
ﺣﺎﺯﻡ : ﺍﻟﻠﻪ ﺍﻋﻠﻢ ﻳﻤﻜﻦ ﻳﻜﻮﻥ ﻣﻦ ﺳﻮﺀ ﺣﻈﻚ !!! ﺍﻟﻤﻬﻢ ﻓﻄﺮﺗﻲ؟؟
ﺷﺎﻫﻨﺪﺍ : ﻻ ﻃﺒﻌﺎ ﺍﻭﻋﻲ ﺗﻜﻮﻥ ﺍﻧﺖ ﻓﻄﺮﺕ؟؟
ﺣﺎﺯﻡ : ﻻ ﻛﺎﻥ ﻋﻨﺪﻱ ﺍﻣﻞ ﻧﻔﻄﺮ ﻣﻊ ﺑﻌﺾ
ﺷﺎﻫﻨﺪﺍ : ﻃﻴﺐ ﻣﺴﺘﻨﻲ ﺍﻳﻪ؟ ﺧﻠﻴﻬﻢ ﻳﺠﻴﺒﻮﻟﻨﺎ ﺍﻟﻔﻄﺎﺭ
ﻋﻠﻲ ﺑﻌﺖ ﻟﺸﻮﻕ ﺍﻟﺴﻮﺍﻕ ﻳﺎﺧﺪﻫﻢ ﻭﻳﻮﺩﻳﻬﻢ ﺷﻘﺘﻬﻢ ﺍﻟﺠﺪﻳﺪﻩ ﻭﺳﻂ ﺍﺳﺘﻐﺮﺍﺑﻬﻢ
ﺷﻮﻕ : ﻃﻴﺐ ﻓﻬﻤﻨﻲ
ﺍﻟﺴﻮﺍﻕ : ﻳﺎ ﻫﺎﻧﻢ ﻛﻞ ﺍﻻﻭﺍﻣﺮ ﺍﻟﻠﻲ ﻋﻨﺪﻱ ﺍﻧﻲ ﺍﺧﺪ ﺣﻀﺮﺗﻚ ﻭﺍﺟﻴﺒﻜﻢ ﻫﻨﺎ ﻭﺑﺲ
ﺷﻮﻕ : ﺍﻭﺍﻣﺮ ﻣﻴﻦ؟
ﺍﻟﺴﻮﺍﻕ : ﺣﺎﺯﻡ ﺑﻴﻪ ﻃﺒﻌﺎ
ﺷﻮﻕ : ﻭﻫﻮ ﻓﻴﻦ؟
ﺍﻟﺴﻮﺍﻕ : ﺍﻟﻠﻪ ﺍﻋﻠﻢ ﻳﺎ ﺍﻓﻨﺪﻡ ﺑﻌﺪ ﺍﺫﻧﻚ ... ﻣﺤﺘﺎﺟﻪ ﻣﻨﻲ ﺍﻱ ﺷﻴﺊ ﻗﺒﻞ ﻣﺎ ﺍﻣﺸﻲ؟
ﺷﻮﻕ : ﻻ ﻣﺘﺸﻜﺮﻩ ﺑﺲ ﺑﻠﻎ ﺣﺎﺯﻡ ﺑﻴﻪ ﺍﻧﻲ ﻻﺯﻡ ﺍﺗﻜﻠﻢ ﻣﻌﺎﻩ ﺿﺮﻭﺭﻱ
ﺍﺧﺮ ﺍﻟﻨﻬﺎﺭ ﻋﻨﺪ ﺷﻮﻕ ﺍﻟﺒﺎﺏ ﺧﺒﻂ ﻭﻓﺘﺤﺖ ﺍﺗﻔﺎﺟﺌﺖ ﺑﺤﺎﺯﻡ ﻗﺪﺍﻣﻬﺎ
ﺣﺎﺯﻡ : ﺑﻠﻐﻮﻧﻲ ﺍﻧﻚ ﻋﻴﺰﺍﻧﻲ؟؟؟
ﺷﻮﻕ ....:
ﻳﺎﺗﺮﻱ ﺣﺎﺯﻡ ﺑﻴﺤﺐ ﺷﻮﻕ ﻭﻻ ﺷﺎﻫﻨﺪﺍ؟؟
ﺷﺎﻫﻨﺪﺍ ﺍﻧﺘﻘﺎﻡ ﺣﺎﺯﻡ؟؟؟
ﺷﺎﻫﻨﺪﺍ ﻫﺘﻌﺮﻑ ﺑﺸﻮﻕ ﻭﻻ ﻷ؟