رواية وعد ومكتوب
الفصل السادس والسابع والثامن
بقلم اسماء ابراهيم
الفصل السادس
هايدي بعد أن سمعت صوت ماجد يسمح لها بالدخول ..مساء الخير يا دكتور.
ماجد..هايدي اهلا وسهلا اتفضلي ارتاحي .
هايدي ..اخبار حضرتك يامستر اسفه قصدي دكتور ماجد انا عرفت من مستر أحمد أن والدك تعبان الف سلامه.
ماجد..الله يسلمك ياهايدي وبعدين بلاش بقي مستر او دكتور احنا اصحاب وانا مش بحب الألقاب يعني خليها ماجد.
هايدي بكسوف..ماشي استأذن انا بقي والف سلامه علي والد حضرتك
ماجد بضحك يعني نخلص من دكتور تقولي حضرتك ماشي يا انسه هايدي وميرسي علي تعبك بس لازم تشربي حاجه وبعدين دي اول مره تزوريني في مكتبي .
هايدي..معلش مش هقدر خليها مره تانيه عشان ارجع الشركه قبل مستر أحمد ما يرجع .
وقامت هايدي متوجهه ناحيه الباب لتخرج من مكتب ماجد ثم قال ماجد.......هايدي انا معجب بيكي.،
وقفت هايدي بصدمه مما سمعته من ماجد فهي تحبه بل تعشقه من اول مره رأته ولكنها فتحت الباب وخرجت مسرعه ودقات قلبها كانت تطرق مثل الطبول .....
في مكان آخر كان احمد وصل إلي شركه والده ودخل مندفعا مما أثار دهشه الجميع فهو لا يتواجد بشركه والده كثيرا.
أحمد بصوت عالي..ممكن اتكلم مع حضرتك يا بابا ولا اقولك يوسف بيه افضل.
يوسف والد احمد..انا عارف انت جاي ليه يا احمد وايه سر اندفاعك ده بس لما تقعد وتهدي هاتعرف اني كنت خايف عليك وعلي ساره انت ما تعرفش مين الناس دول ويقدروا يعملوا ايه دي مافيا وعلي مستوي عالي وعملوا حكايه شركه الازياء والإعلان واجه عشان يوصلوا لهدفهم .
أحمد..انا مش فاهم حاجه وانت ايه دخلك في الموضوع ودخلت ساره ليه في دايرتهم انا مابقتش عارف اعمل ايه افضل هنا ولا اسافر ورا ساره وانقذها منهم.
يوسف... انا هقولك على كل حاجه بس توعدني انك ماتجبش سيره لأي مخلوق وخصوصا ماجد.
أحمد..وماجد ماله ولا اه صحيح ما عرفت أن عمي عبدالرحيم يعرف حاجه عن اللي حصل لكن ماتكلمش لانه في المستشفي.
يوسف..عبدالرحيم طول عمره واقف معايا وانا وهو ايد واحده وأكرم كمان بعتبره ابني زيك بالظبط ولازم دلوقتي تعرف كل حاجه.
ياأحمد الموضوع بدأ لما سافرت لبنان عشان اتفق علي صفقه اجهزه طبيه وهناك قابلت واحد اسمه مستر جاك صاحب اكبر مصنع لتصنيع الاجهزه وليه اخ اسمه جون عنده شركه اللي هي شركه نيو كولكشن ولما اتكلمنا في مواضيع كتير عرف انك ابني وعندك شركه الدعايه والاعلان وبعدها انا رجعت علي مصر والأجهزة وصلت هنا بعدها بشهر واحد عرفت ان شركه جون طلبت الشراكه معاك وده قلقني جدا بدأت أسأل وكلفت ناس يعرفوا اصل الحكايه وجالي تقرير بأنهم مافيا تجاره أعضاء وسلاح وبياخدوا الموديلز لتجارتهم وكمان تهريب السلاح من خلال الاجهزه الطبيه.
أحمد بصدمه ..مش معقول اللي بتقوله ده وليه سكت وايه دخل ساره وانت كده رعبتني اكتر عليها ارجوك يا بابا رجع ساره لمصر .
يوسف..اطمن يا أحمد ساره هاترجع وفي اقرب وقت وسؤالك عن دخل ساره ايه ده إجابته عندها هي لازم تسمع منها .
أحمد.. لازم انقذها انا مسافر علي أول طياره للبنان وخرج احمد من مكتب والده وقامت يوسف بالنداء عليه لكن لن يستجيب احمد له وخرج من الشركه وركب سيارته وساقها بسرعه شديده.
^°^°^°^°^°^°^°^°^°^°^°^°^°^°^°^°^°^°^°^°
في مطار لبنان كانت وصلت ساره وكان في انتظارها عدنان فهو الشخص الوحيد الذي كلفه يوسف بحمايه ساره .
عدنان..اهلين ساره نشكر الله رجوعك الي هون مستر جون شك بعدم وجودك وإلين كتير خايفه عليكي.
ساره..الله يسلمك عدنان بس كان لازم انزل مصر والمهم دلوقتي هانعمل ايه مع مستر جون
عدنان.. لا تخافي انا مرتب كل شي وهالا بدنا نتحرك علي البيت وهونيك راح تفهمي .
وبعد دقائق وصلت السياره أمام الباب الخلفي لمنزل ساره وإلين ودخلت ساره وخلفها عدنان رحبت بهم إلين ...
**********************************
في مصر بفيلا عبدالرحيم كانت حلا جالسه بغرفتها تراجع بعض المحاضرات طرقت والدتها الباب ودخلت حامله بيدها كوب من النسكافيه وبعض الساندوتشات .
حلا...تعبني نفسك ليه ياماما انا كنت هانزل اعمل لنفسي مش كفايه تعبك طول النهار في المستشفى وكمان تجهيز حاجتي بتاعت الفرح.
حياه..وانا ليه مين غيرك انتي واخوكي عشان اتعب عشانهم وبعدين انا بكون فرحانه اوي وانا بعمل ده بس تعرفي ياحلا انا متضايقه اوي بسبب أهمالي لدار الايتام بقالي اسبوع ما روحتش ولا اطمنت علي الولاد وكمان تلاقيهم زعلانين مني عشان كنت وعدتهم اطلعهم رحله وماقدرتش بسبب تعب باباكي.
حلا...طيب ايه رايك ياماما بكره ماعنديش حاجه مهمه في الجامعه ونروح مع بعض الدار ونجيب هدايا للولاد نعوضهم عن الرحله ووعد مني اخر يوم في الامتحانات اطلعهم الرحله انا بس هما عايزين يروحوا فين.
حياه بابتسامه مشرقه علي طيبه ابنتها ..عايزين يروحوا جنينه الحيوانات والاهرامات.
حلا...بس كده دي بسيطه اوي ...
وأثناء حديثهم دخل ماجد عليهم وألقي السلام وطمأنهم علي والده وقال...ماما انا عايز اقول حاجه بس ماحدش يعلق ولا يسأل في تفاصيل لحد بعد ما بابا يرجع الفيلا بالسلامه
حلا....اممممم حاجه ايه يادكتور وتغمز له.
يقوم ماجد بضربها بالمخده ويضحك عليها انا بقول ياماما انتي مالك .
حلا...لا انا فيها لا اخفيها وبعدين كده كده هاتقول لان انت عارف مش هاهدي ولا هايجلي نوم غير لما اعرف.
حياه...استني بس يا حلا فيه ايه ياماجد قلقتني بابا فيه حاجه قول علي طول ياحبيبي
ماجد.. لا اطمني ياست الكل بابا كويس انا في واحده معجب بيها وعايز ارتبط بيها .
حلا ...هيييييييه اخيرا ياماجد مين دي قول وحياتي عندك قول.
حياه بفرحه ..بجد ياماجد هاتفرح قلبي وطمني عليك مين هي ياقلبي
ماجد...بس بس ايه انا قولت مش هقول تفاصيل غير بعد بابا مايرجع بالسلامه وكمان موضوع احمد وساره يخلص علي خير...
---------------------------------------------------
يوم جديد تشرق فيه الشمس باشعاتها الذهبيه الدافئه علي الجميع منهم من يحمل الفرح (ماجد وقد بدأ في تحديد حياته القادمه واختيار شريكته)
والآخر يشعر بالألم(عبدالرحيم فقد كانت حالته الصحية غير مستقره وينتظر تجهيز الإجراءات الخاصه بالعمليه الجراحيه له)
واخر بداخله خوف وحزن علي حبيبته (احمد حيث أنه قرر السفر الي لبنان لإنقاذ ساره.)
وصل احمد المطار متجها الي لبنان لإنقاذ حبيبته ،وبعد ساعات وصل مطار لبنان وكانت هناك المفاجأه .....
يتبع،،،
الفصل السابع...
وصل احمد مطار لبنان وكانت مفاجأة له انتظار ساره وعدنان ...
ساره..حمدالله علي سلامتك يا أحمد
عدنان..هلا اخ احمد ماعاد فيني وقت نضل هون بدنا نمشي هالا قبل رجال مستر جون يعرف بوجودك.
أحمد..ساره انا عايز افهم انتي عرفتي ازاي اني جاي لبنان ومين ده اللي معاكي .
ساره...احمد ارجوك يالا نتحرك دلوقتي وانا هفهمك كل حاجه وماتقلقش احنا مع عدنان في أمان.
..............................
ماجد...أنا مش عارف ده صح ولا لا ! بس انا ملاحظ أن الناس اللي قلوبها كويسة حظها قليل جدا في الدنيا زي ما يكون خدت نصيبها من الحظ كله في نضافه قلبها .
هايدي..ليه بتقول كده الناس اللي قلوبها نضيفه كويسة جدا ويابخت اللي بيحب الناس دي بتحس معاها بنقاء وبتبادلك اجمل مشاعر.
ماجد.. هايدي انا اتوجعت وكنت ضايع وكله بسبب الوعد والحب وللأسف وجعت اقرب ناس ليا والحمدلله دلوقتي بحاول ارجع كل اللي فات مني والفضل يرجع لأكرم بعد ربنا سبحانه وتعالى وكمان هكمل وانجح بوجودك جنبي ومعايا ،هايدي انا اكتشفت اني بحبك مش مجرد اعجاب بس .
هايدي بكسوف... انا مش عارفه اقولك ايه بس كل اللي اقدر اقوله اني ببقي مبسوطه لما كنت بشوفك في الشركه عند مستر أحمد ولما كنت بتغيت ببقي عايزه اطمن عليك .
ماجد...هايدي انا حاسس بيكي وفاهم كل حاجه عايزه تقوليها بس انا نفسي اسمعها منك وبوعدك اني عمري ما هزعلك وهنكون مع بعض علي الحلوه والمره.
هايدي... اااا... اناا بحبك.
******★**********★******
في المستشفي كان أكرم بدأ في تجهيز كل شئ خاص بعمله دكتور عبدالرحيم وتم تحديد الموعد المحدد لإجرائها .
أكرم..صباح الخير يا أنكل اخبارك ايه النهارده .
عبدالرحيم... الحمدلله يا أكرم عملت ايه في اللي قولتلك عليه.
أكرم...اطمن حضرتك انا جهزت كل حاجه وكمان طنط حياه وماما قربوا يخلصوا فرش الفيلا وحلا اتفقت معاها اننا هنسافر مع بعض بعد امتحاناتها تجيب الفستان.
عبدالرحيم..ربنا يخليك يا أكرم طمنت قلبي وماجد لسه مصمم يبقي موجود وانا في العمليه.
أكرم...ده كمان عايز يعملها بنفسه ولكن اطمن ماجد رجع زي زمان وانا معاه وجنبه دايما زي ما وعدت حضرتك .
وفي أثناء حديثهم دخل ماجد ومعه هايدي
ماجد..صباح الورد والياسمين عليكوا ممكن ادخل ولا...
أكرم...اهلا اهلا بالدكتور اللي مختفي من امبارح كنت فين يا عمنا.
عبدالرحيم...صباح الفل عليك ياحبيبي طبعا ادخل بس مش تعرفنا علي القمر اللي معاك.
ماجد..ايه يادكتور انت هتعاكس ولا ايه هقول لماما وهي تتصرف، وعلي العموم اعرفك دي هايدي وانا بستأذنك بعد ما تقوم بالسلامه نروح نخطبها.
هايدي...الف سلامه علي حضرتك يا أنكل وتقوم بخير يااارب.
عبدالرحيم..الله يسلمك يابنتي وانا سعيد اني شوفتك وربنا يسعدكم .
أكرم يغمز لماجد...ايه النظام شايف وشك بيطلع قلوب وعصافير.
ماجد..النظام تمام ومش بعيد يكون بدل الفرح فرحين ولا ايه رأيك.
أكرم...ياااااه انت لسه فاكر لما كنا بنقول احنا نعمل فرحنا في يوم واحد.
حلا تدخل فرح مين في يوم واحد يا دكتور انت وهو .
عبدالرحيم...اهلا يا حلا حياتي تعالي ياحبيبتي اتعرفي علي هايدي خطيبه ماجد.
حلا...هاااااا خطيبه ماجد .
هايدي..انفع ولا ايه ياحلا.
ماجد يضرب حلا علي كتفها ردي يااختي واقفلي بوقك ده .
حلا...اكيد طبعا انتي قمر اوي مش زي السلعوه اللي كان .....
أكرم بصوتك عالي وصارم....حلااااااا.
ماجد..مافيش حاجه يا أكرم حلا بتقول الحقيقه وبعدين يا حلا مافيش وجه مقارنه مابين هايدي وهنا.
حلا...انا اسفه ماقصدش حاجه ماتزعلش مني ياماجد.
ماجد...مش زعلان ياحبيبتي انا عارف طيبه قلبك وعفويتك.
هايدي بتوتر بعد سماع اسم هنا..طيب ممكن امشي ياماجد عشان اروح الشركه انت عارف مستر أحمد مسافر ولازم تكون موجوده مكانه.
ماجد...حاضر ياقلبي انا هوصلك وكمان عشان عايز اتصل عليه اطمن وصل لإيه.
نروح لبنان عند احمد وساره
بعد أن وصل إلي مطار لبنان وكانت ساره وعدنان في انتظاره خرجوا معا من المطار وذهب بهم عدنان الي منزل بعيد عن البلد علي البحر خاصه به ليكون احمد بأمان بعيد عن رجال مستر جون.
أحمد...اهو وصلنا وارتحت كمان ممكن اعرف وافهم بقي اللي بيحصل.
ساره..احمد والدك اتصل بيا وقالي انك جاي لبنان وطبعا خوفنا عليك لو مستر جون عرف انك هنا وكان لازم نلحقك قبل ما هو يوصلك.
عدنان.. لا تقلق حالك أخ احمد انا معكم وإلين راح تخبرنا لو في جديد وهالا بدنا نمشي وانت تضل هون وعندك كل شي في البيت وهاد رقمي فيك تتصل فيني كيف ماتحب.
أحمد...تمشوا فين ساره مش هاتتحرك من هنا غير لما افهم.
ساره...احمد عشان خاطري مافيش وقت لازم نمشي واكون في البيت لان مستر جون عامل حفله كبيره ولازم نكون موجودين واوعدك وحياه حبي ليك بكره هكون عندك وافهمك كل حاجه.
أحمد..ساره خالي بالك من نفسك وانا بوعدك اني مش هاتخلي عنك ابدا .
ساره... بحبك.
أحمد... بحبك.
يتبع
الفصل الثامن....
يوم جديد يأتي علي الجميع فهو يوم صعب بالنسبه لماجد لانه سيقوم بعمل عمليه جراحيه لوالده فهي أول عمليه يجريها ماجد بعد عودته لمهنه الطب...
يدخل ماجد غرفه والده ..صباح الخير ياماما جاهز للعمليه .
عبدالرحيم.. جاهز ياماجد بس المهم نفذت اللي قولتلك عليه مش عايز حد يعرف.
ماجد..طبعا يابابا وماتقلقش ماما وحلا مافيش حد يعرف حاجه عن العمليه بس انا كنت حابب أنهم يعرفوا علي الاقل ماما تكون جنبك لما تخرج من غرفه العمليات.
عبدالرحيم...لا ياماجد أنهم مايعرفوش افضل بكتير بأنهم يعرفوا واختك كلها كام يوم وتبدأ امتحاناتها ووالدتك هاتتعب ومش هاتتحمل تشوفي وانا بتألم وانت عارف كويس الالم اللي بعد الجراحه.
ماجد يأخذ والده بين ذراعيه ويقول بإذن الله هاتقوم لنا بالف سلامه.
وبعدها يخرج ماجد وينادي علي دكتور التخدير واثنان من الممرضات لتجهيز عبدالرحيم لإجراء العمليه.
★**★**★**★**★**★**★**★**★
في لبنان كانت ساره وعدنان وصلوا شركه مستر جون بعد أن تركوا احمد بمفرده بمنزل عدنان .
مستر جون.. هااااي ساره اهلين عدنان كيفكن بدي اعرف اتوصلتوا لفكره جديده لإقناع شركه المهندس الشراكه ولا شوف غيركن.
ساره..شركه المهندس تاني يامستر جون احنا كان اتفاقنا نبعد عنهم طول ما انا معاك وانا ماعنديش استعداد لمواجهة مستر أحمد بعد السنين دي.
مستر جون...ليه لأ ساره بدي نعمل مغامره ونشوف رد فعل وهيك وقتها بتكوني متل مابتقولوا بمصر ضربتي عصفورين بحجر واحد منها اخدتي مصاري كتير وكمان ترجعي لأحمد حبيبك.
عدنان..شو بتقول مستر جون ساره وقتها بتكون بخطر كبير من رد فعل مستر أحمد ووالده كمان لأنها خانت ثقتهم فيها.
مستر جون...وليش بتقول عدنان بتكون بخطر وهي هاتقول أنها ضحيه واحنا اللي اجبرناها علي انها تسوي هيك عمله.
ساره...انا مش فاهمه انت عايز ايه بالظبط وانا مستحيل اعمل ده لانهم وقتها هايعتبروني بلعب عليهم لصالحك..
عدنان.. انت بتفكر في هيك أنهم يشكوا في ساره لا لا مستر جون مستحيل ساره تعمل هيك .
مستر جون بتفكير ...امممم اوكي تبقي إلين هي اللي تنفذ .
عدنان...إلين شو انت جنيت بعقلك .
مستر جون..إلزم حدودك عدنان ايه هي إلين اللي تنفذها وبدنا كليتنا نبدأ التخطيط .
ساره وعدنان يبصوا لبعض ويقولوا...تمام موافقين.
؛-؛--؛--؛--؛--؛--؛--؛--؛--؛--؛--؛--؛--؛--؛--؛-؛
في مصر وبالتحديد في شركه يوسف المهندس والد احمد كان يجلس بمكتبه يتابع ملفات خاصه بالشركة رن جرس التليفون فقام بالرد عليه..
عدنان..اهلين مستر يوسف عندي معلومات جديده بخصوص جون.
يوسف.. خير ياعدنان بس الاول طمني علي احمد جون أو حد من رجالته عرف بوجود احمد في لبنان.
عدنان..لا اطمن مستر يوسف مستر أحمد بأمان ماتخاف عليه انا بدي قول أن جون طلب أن إلين تنفذ خطته وتنزل علي مصر وتقابل مستر أحمد وتحاول تقنعه بالشراكة معهم وتفهمه أن ساره خانته وفضلت المصاري عليه وبهيك بيكون اخد الشركه لصالحه.
يوسف..انا فاهم اللعبه عدنان وماتقلقش وطمن ساره وخلي إلين تنفذ طلبه وانا هاتصرف واهم من كل ده ماتخليش احمد يتحرك من لبنان غير لما اقولك .
عدنان..تحت امرك مستر يوسف واخر النهار هاكون وصلت عند مستر أحمد وبخليه يكلمك ويطمنك عليه.
يوسف...لا ياعدنان مش عايز احمد يعرف اني بكلمك أو أن في علاقه مابينا في الوقت الحالي المهم نخلص من حوار جون الاول يالا سلام دلوقتي..
عدنان..كيف مابدك مستر يوسف سلام..
_________________________________
في المستشفي عند ماجد كانت وصلت حياه والدته فاستقبلها أكرم بتوتر واضح.
أكرم..اهلا ياطنط اوي حضرتك .
حياه..اهلا بيك ياحبيبي عامل ايه يا أكرم كده ماصدقت تسيب تجهيز الفيلا علي وعلي والدتك.
أكرم..حضرتك وماما فيكم الخير والبركه وانا عايز اخلص كل الشغل العمليات قبل الفرح عشان ما أقطعش الاجازه وحلا تزعل.
حياه..ربنا يتمم فرحتكم علي خير ويسعدكم اسيبك بقي واطلع اطمن علي عمك.
أكرم بسرعه وخوف...لا استني حضرتك .
حياه بقلق...في ايه يا أكرم عمك حصله حاجه ومخبي عليه انا قلبي مش مطمن من الصبح لما طلبت من ماجد اجي معاه وهو رفض وقالي عنده مشوار مهم قبل ما يجي علي المستشفي قولي ياأكرم ماتخبيش عليه.
أكرم بتردد... اصل انا مش عارف اقول ايه الحقيقه أن عمي عبدالرحيم بيعمل عمليه جراحيه وماجد هو اللي بيعملها بنفسه وطلب مننا مانقولش لحد فيكم.
حياه...انت بتقول ايه عبدالرحيم ماله وايه اللي وصله للجراحه.
أكرم..ياطنط انا اسفه عمي عبدالرحيم كان عنده ورم ومانفعش العلاج معاه وكان لازم يعمل العمليه بسرعه.
حياه بصدمه عبدالرحيم كان عنده ايه وفجأه وقعت من طولها وفي نفس الوقت كانت داخله حلا من الباب وشافت والدتها وهي بتقع جريت عليها وبتسأل أكرم ايه اللي حصل
أكرم.. مش وقته ياحلا وشالها أكرم ومعه ممرضه الي حجره الكشف.