رواية صعيدى ولكن عاشق
الفصل الثالث والعشرون والرابع والعشرون
بقلم نرمين قدري
حور لما لقت الكتورة اللي معاه حاطة أيدها في أيده اتفجاءة
حور / بتبص ليهم قوي بداءت الغيرة تبان عليها . خير يا استاذ جاسىر عاوزة ايه عاوز تخصم اليوم مش قطع كلامهم صوت موظف الحسابات بينادي علي جاسر
ذهب إليه جاسر ليتابع مسار العمل
حور/ خير يا دكتوره نهي شيفاكي يعني واخده علي استاذ جاسر
نهي/ اممم انا اعرف جاسر من سنه اتعرفت عليه في امريكا و هو رشح لي المستشفي هنا علشان اشتغل فيها بس بيني وبينك انا برسم لبعيد . صحيح هو تقيل شويه بس علي مين وبكره تسمعي اخبار حلوة وتقولي نهي قالت
حور/ اممم وهو بقي واخد باله من الرسم ده كله
نهي/ بصراحة لأ تقيل قوي صعيدي صعيدي بس لجل الورد ينسقي العليق انا سمعت أنه من أكبر رجال الأعمال في مصر و برا بصراحة فرصة متتعوضش وانا مش حسكت غير لما واقعة
قطع كلامهم حضور جاسر
جاسر/ ايه يا دكتاتره مش نشوف شغلنا
حور / انا بقول بردو كده أسيب عصفورين الكناري يصوصو مع بعض
جاسر / نعم حضرتك سمعني كده
حور/ لا مافيش بقول الحق اروح العمليه علشان اروح
جاسر/ تروحي فين انا لسة ماضي علي جدول العمليات وعندك انهارده تلات عمليات مهمة
حور / بس انا مش عامله حسابي
جاسر/ حضرتك ناسية انك دكتورة و ملكيش مواعيد
قطع كلامهم نداء علي حور الحضور لحاله للاهميه
ذهبت حور مسرعة لمكتبها وضحت حقيبه يدها .. وجرت مستعجلة علي الحاله ونست تخبر ليلي أنها حتتاخر علي الاولاد..
انشغلت حور في العملية وكانت عملية طويله وصعبه
ذهب جاسر لمكتب حور إبلاغها أنه أجل لها العملية التالته لم يجدها في مكتبها لسه حيخرج أوقفه ترنة هاتفها المستمرة رد علي هاتفها
جاسر/ الو
ليلي / مش ده تليفون دكتورة حور
جاسر/ أيوة مين معايا
ليلي/ انا ناني الاولاد
جاسر/ خير في حاجة حصلت للاولاد
ليلي / اطمأن حضرتك أسيل لسه سخنه زي ماهي السخنيه مش عاوزة تنزل
جاسر/ حور عارفه أن أسيل سخنه
ليلي / أيوة وفضلت سهرانه جنبها طول الليل ومراحتش الشغل غير لما انا جيت صحيح اتاخرت عليها شويه بس هي اضطرت تروح كان عندها عمليه مهمه
جاسر طايب انتي بتتصلي عاوزة حور ليه
ليلي/ انا انهارده. المفروض حمشي ساعتين بدري قبل معادي مستاذنه منها بس تقريبا هي نست وأنا ورايا مشورا ميتاجلش وخايفة اسيب الأولاد لوحدهم خصوصا أن اسيل تعبانه
جاسر/ لامتتحركيش من مكانك ساعة وحكون عندك و حعوضلك الوقت ده فلوس
ليلي / بس حضرتك مين انا معرفش حضرتك علشان اسيبك العيال
جاسر /لما اجي حعرفك انا مين
ليلي /حاضر يافندم
ذهب جاسر لنهي
جاسر / نهي غير بسرعة البالطو وتعالي في حالة مستعجلة
نهي / فين يعني برا المستشفى
جاسر اه يلا بسرعه نهي/ ضحكت نهي وافتكرت أنها وقعته وهو عاملها مفجاءة
خرجت نهي مع جاسر خارج المشفي لمحتهم حور وهي بتستعد للعمليه التانية
و الغير بتنهش فيها ازاي يسمح لنفسة يمسك ايدها ويخرج معها كده ماشي ياجاسر ماشي بس معقول بيحبها دي بتقول اقتلبلو في امريكا ممكن يكون حصل حاجة بنهم . معقول كان علي علاقة بيها الصبر من عندك يارب .. فاقت علي صوت الممرضة ياكتورة جاهزين ذهبت حور لكي تباشر عملها
ركب جاسر وع نهي سيارته انفجاءت نهي بكميه الألعاب في عربية بسبات العصافير
نهي / كل دي عصافير حتعمل بيها ايه كل دي لم يرد عليها جاسر كان مركز في سواقة
نهي شكلك عاملي مفجاءة يا جاسر صح عصافير بقي وشيكولا وجو رومانسي .. لم يرد علي كلامها او ينظر لها اساسا وصلو فيلات حور
نهي ڤيلات مين دي بيتك بس دي صغيرة علي رجل اعمال كبير ذيك
جاسر/ في ايه يا دكتورة من ساعة ما ركبتي و انتي لوك لوك لوك خبر ايه عاد مش جولتلك عاوزك في حاله اباه عليكي
انكمشت نهي في نفسها واول مرة تشوفه بيتكلم صعيدي
رن جاسر جرس الباب فتحت. ليلى
ليلي / افندم
حاسر،انا اللي كلمتك من تيلفون حور فين أسيل جبتالها دكتورة
ليلي/ قبل ما ادخلك اعرف انت مين
خرج جاسر بطاقته وحطعهلها
بصت فيها وشهقت اتفضل اتفضل جاسر باشا
دخل جاسر بصحبة نهي اللي فضول كان حيموتها وتعرف هو هنا ليه
وصلت ليلي جاسر لغرفه اسيل.
جاسر اتفضلي انتي يا ليلي علي مشوارك
كشفت نهي علي أسيل
وخرج جاسر واسر برا
أسر/ اونكل هو حضرتك لسة زعلان مني
جاسر/ ليه ياحبيبي بتقول كده
اسر/ علشان امبارح لما لقيتك بتزعق لمامي انا تضايقت
جاسر/ لا ياحبيبتي انا فرحت بيك انت راجل هنا المفروض محديش يجي جمب مامتك واختك صحيح يا أسر هو مامتك مكلكتكش عن بباك
أسر / لا ماما كل يوم تقعد تحكلنا انا وآسيل عن بابا و اد ايه هو حد كويس وكمان بتحكلنا عن الصعيد وبابا كان عايش هناك بس بابا دلوقتي مسافر امريكا وبعتلنا لعب كتير من هناك يعني بابا عارف اني بحب الرسم بعتلي الوان وكراسات رسم . وبعت لآسيل عروسات كتير
جاسر / ضحك جاسر اسمها عروسات بردو ماشي ياعم
أسر تعالي بقي معايا تحت علشان ازيك جبتلكم ايه .
وهو . نازل فتحت نهي الباب و في أيدها أسيل جري جاسر عليها
جاسر/ أسيل حببتي عاملة ايه دلوقتي
اسيل،/ الحمدلله بس احنا متخاصمين صح
جاسر/ وانا جاي أصلحك علي فكرة وجبتلك عروسات
أسيل / بجد جبالي عروسات هاهي
نزلو كلهم تحت جلس جاسر بجانبهم علي الارض و طلع كل الالعاب واندمجو في اللعب ونهي جالسة تتفرج عليهم بغل . عاوزة تعرف ايه علاقته بالاولاد دول
لمحت اسيل اسبتت العصافير
أسيل / الله عصافير جديدين .مامتي حتفرح خالص
أسر/ اه دي امبارح عيطت كتير علشان عصافيرها ماتو في حريقة. مامتي حتفرح ياسلام
نهي بينها وبين نفسها / وطتلع مين امه دي كمان هي ناقصة بلاوي
قاعد جاسر يلعب مع العيال وطلب بيتزا ليهم وسط فرحاتهم وضحكهم حضن العيال حضن ابوي بشوق حتي أدمعت عيناه من القهر
جاسر في نفسه و و حاضن أولاده و الدموع بتجري في عينية
كده ياخور كده أهون عليكي تخبي عني عيال كل ده تلات سنين تلاته يا حور و انا عندي عيال ومعرفش
ليه العقاب القاسي ده مش كفايا عقاب بعدك عني حرام انا مستهلش كل ده
غلط فيكي بس في غيرتي كانت عمياني
أيوة غيرتي انا بغير عليكي من الهوا لو كنتي صبرتي لحد بليل كنت حضعف واخدك في حضني انا جوايا كنت متاكد انك عمرك متعملي كده بس غيرتي اااااه من غيرت الراجل وبالأخص في غيرت ال صعيدي
واحنا صعايدة بنستحملش
شمسنا حامية وعِرْقنا حامي وطبعنا حامي
واللي تخلّي صعيدي يحبها
يبقى يا غُلْبها
اصلنا ناس على قد الطيبة
كلنا هيبة
والنسوان في بلادنا جواهر
طب لو عندك حتة ماس
حتخلّيها مداس للناس؟؟
ولا حتقفلي اوضة عليها بميت ترباس
يمكن حتى تأجري ليها جوزين حراس
يبقى انا لا انا جاهل ولا غافل
كل الفرق ما بيني وبينك اني صعيدي
وانتي يا حور كنتي جته ماس اااااه علي وجع القلب اللي انا فيه قطعت نهي لحظات الشجن
مسح جاسر دموعه بسرعة
أيوة يا نهي خير
نهي / يلا بقي يا جاسر انا زهقت يلا نمشي انا مبحبش قاعدة العيال يزهق منهم بسرعه
جاسر/ ازاي يعني هو انتي مش دكتورة اطفال و لا ايه
نهي / أيوة بس انا دخلة طب غصب عني و القسم كمان بابا الله يسمحو بقي هو اللي صمم اخش كليه الطب و قسم الأطفال .. علشان مبقاش أقل من عيال صحابه ..
جاسر / انا كنت فاكرك غير كده
نهي / بملل يلا بقي دوشتهم زهقتني
أسر بيلعب بمسدس بيعمل صوت
نهي / ولد بس بقي و بعدين و بتزعقلو
لسه جاسر حينطق
انفتح باب الشقة خلت حور علي صوت الزعيق و أسر بيعيط جامد
الفصل الرابع والعشرين
انفتح باب الشقة دخلت حور علي صوت الزعيق و أسر بيعيط جامد ،،،
حور بزعيق/ ايه اللي بيحصل هنا عاوزة افهم
وانتي ايه سمحلك تزعقي في ابني كده
متخلقش علي وجه الارض اللي يزعق في ابني وانتي ازاي تخشي بيتي من غير ما تستأذني انت ازاي يا جاسر بيه تسمح بلمهزله دي تحصل
نهي / الله الله علي عاملة علينا خضرة الشريفة
هو انتي بقي مامي الي بتحب العصافير ويا عيني عيطت امبارح علشان ماتو.
ياعيني علي الاحساس المرهف و لما انتي مقضيها. عمللنا عم المحترم و خط أحمر في معاملة
طايب لو عاجبك قوي قولي مش من ورانا و
لأ و ايه اي عمللنا أنها الشيخة حور لا ماهو مافيش حد احسن من حد اهو كله يا ما تحت الساهي دواهي
جاسر وقد احمرت عيناه من الغضب / جسما بالله كلمة كمان لادفنك مكانك أن مستحملك من الصبح علشان خاطر أسيل وأنك جيتي وكشفتي عليها
لكن تزعقي لحد فيهم و تغلطي لع مهسمحش بده واصل اتفضلي من أهنه من غير مترود البيت اللي متحرميش اهله متجعديش فيه واصل .برا دلوق يلا
حور/ ربنا يستر ربنا يستر جاسر قلب صعيدي استر يارب
نهي / هو في ايه يا جاسر انت جايبني هنا علشان اتهان ،،،
فيها ايه دي احسن مني ولا علشان طلعت سهلة و انا قلتلك لاء ... ..
وافاكر لما حولت معايا في امريكا لما دخلت عليا قوطتي
حور / باااس انتي انعبطي العيال قاعده
أسر أسيل يلا علي فوق بسرعة
جاسر سحبها من شعرها برا يا زباله انا حاولت معاكي انا بخاف من ربنا و مش حعصية علشان واحده زباله زيك براا
خرجت نهي وهي تتوعد لهم
و في داخل الفيلا
حور/ انت ازاي تخش بيتي من غير ما تقول
جاسر وهو يقترب منها ومسك أيدها بشده / البيت اللي في عيالي يبقي بيتي راضيتي أو مراضتيش
حور/ ومين قالك أنهم عيالك يا جاسر
. جاسر/ انتي حتعبطي في كلام ولا ايه
حور / جاسر اطلع برا
قاعد جاسر وحط رجل علي رجل ولو مطلعتش حتعملي ايه .
حور / براحتك انا طلعة انام انا تعبانه طول النهار
حور بتصعد السلم
جاسر/ حووور تعالي هنا قلت تعالي هنا وخلي ليلتك تعدي علي خير
التفتت حور لجاسر / نعم
جاسر / هو ايه اللي نعم انتي ازاي تسمحي لنفسك تخبي عني عيالي كل ده انا عاوزة افهم قدرتي تعمليها ازاي قلبك كان بيقولك ايه هنت عليكي انا هنت يا حور
انتي لو مكاني كنتي حتعملي ايه انطقي انطقي احسن عقلي خلاص حيقف ..
مش عارف اعمل معاكي ايه اسمحك ولا اعاقبك و لا اقتلك ولا اخدك في حضني ..
جوايا احاسيس كلها غريبه كل حاجة وعكسها . جوايا صراعات مش عارف افرح اني بقيت اب ،،
ولا ازعل اني ماكنتش معاهم في اهم مراحل نمو هم
ازعل اني مشفتش أول خطوة ليهم اول ، كلمة نطقوها ،،،
اول سنه طلعت ليهم ،
انتي حرمتيني من اجمل شعور ممكن يحس بيه الاب . ا
انتي عارفه عقابك ايه ياحور .
انا المفروض اخد منك العيال تلات سنين علشان تحسي انا حاسس بايه دلوقتي هو ده العدل أيوة ده العدل ، انا مش عارفه اعمل ايه
حور ببكاء / لأ يا جاسر اوعي تعمل كده اوعي دانا عايشة عشنهم .
انا استحملت كل ده علشان خاطرهم .. هما سر قوتي عطوني القوة علشان اقدر اكمل الحياه من غيرك
انا كنت بموت في اليوم ميت مره ..
يكفيك شر المظلوم اللي معرفش ياخد حقة .
مش حقدر اوصفلك الاحساس بالظلم طعمة عامل ازاي ...
مسءلتيش نفسك انا وصلت الغردقه ازاي انا مشيت بطولي من الصعيد في عز الليل و انت عارف ليل الصعيد عامل ازاي ... بس احساس الظلم و الظلم من مين من اكتر حد كنت يستمد منه الامان اكتر حد حبيته هو اكتر حد طعني و بسكينه تلمه
جاسر/ غصب عني واللهي غصب عني غيرتي عليكي عمت عيني . واللهي عمري ما شكيت بس غيرت لما شفت صورك مع الكلب ده نار شعللت في قلبي نار حرقت كل حاجة مكنتش عارف اتحكم في نفسي عقلي وقف .. بس لو كنتي صبرتي عليا كنت حضعف حبك كام حينتصر علي غيرة .. انا اسف
حور/ اسف اسف علي ايه في كلام لما بيخرج لو اتقال بعده مية اسف مينفعش
انت جرحتني جرح لحد دلوقتي بينزف يا جاسر بجد مش قادرة مش قادرة اسمحك
جاسر،/ وجرحك ليا لما لبستيني عار حيفضل ملازمني لحد ما اموت ،، عار خلاني اسيب الصعيد واسيب اهلي كلتهم ..
ده ملهوش تمن عندك انتي عارفه عندنا في الصعيد اللي تهرب وتسبب جوزها يبقي جزتها ايه عارفة ولا مش عارفه .. انطقي انطقي انا خلاص فاض بيا ومش قادر استحمل تلات سنين في الغربه و انا جرحي كل يوم بينزف ومش لاقي اللي يطبطب عليه ،،، علي الاقل انتي لقيتي جمبك مها و عمار وقفو جمبك و حملك هون عليكي ..
لكن انا كنت بطولي .. عارفة اليل كان بيعدي عليا ازاي .. انا كنت بهلك نفسي في شغل متواصل علشان اليل يقصر و علشان اروح انام علطول محسش بحاجة ،،، واليوم اللي مافيهوش شغل , , مكنتش بنام من كتر التفكير من كتر الاشتياق ،، من كتر الحنين ،، اه كنت بحن ياحور كنت بحن ليكي ولحضنك كنت حاسيب كل حاجة ورايا وانزل ادور عليكي يا حور انا كنت بموت في اليوم ميه مرة وملقتش ايد تطبطب عليا ..
خرج جاسر مسرع وعينه مدمعتان .
وفي صباح اليوم التالي ذهبت حور الي المستشفي ودخلت لقت الكل بيلصلها ويتكلم
استغربت حور
حور/ نهله هو في ايه هما مالهم انهارده. و دكتور حسن ماله بيبصلي كده انا من ساعة ما وقفتة عند حده وهو متجنبني ايه راجعة بيص ليا تاني
نهلة / اصل اصل مش عارفه واللهي اقولك ايه بس ياكتورة
حور/. قولي علطول انتي لسة حتبسبس
نهلة/ اصل
قطع كلامهم دخول الدكتور حسن
حور / خير ياكتور ليك شغل هنا
حسن / وهو بيغمز لها ،، ما انتي حلوة امال كنتي تقلانه عليا ليه و لا علشان انا مدفعتش اده ،، انا مستعد ادفع زياده بس القمر يرضي عني ،،
حور/ رفعت أيدها علشان تصفعة . انت قليل الا..... ولم تكمل جملتها لقت حسن طار وقع علي الارض
بصت بزهول لقت جاسر شايلة من هدومه
جاسر/ اللي بتتكلم عنها دي أنصف من ميت واحد من عينتك يا واطي . اعتبر نفسك مرفوض من دلوقتي
حسن / انت ازاي تسمح لنفسك تعمل كده انا حروح اقدم بلاغ في القسم ,الهانم مدورها ، وانا شغال البودي جارد بتعاها
جاسر/ احمد ربك انك لسه عايش لدلوق كلمه كمان وانت الجاني علي نفسك
جت بسرعة / في ايه ياحور. في ايه الزفت ده عمل ايه تاني معاكي
جاسر لمها/ هو عمل معها حاجة قبل كده انطقي يا مها
مها / بتردد اصل مرة دخل علي حور وهي نايمة في حجرة الأطباء و كان عاوز يعني ... بس ربنا ستر و لحقناها
جاسر دانت نهار ابوك اسود ،، انت عارف اللي يجي علي حاجة تخص جاسر الأنصاري يعتبر الله مخلقه من الأساس. ،، انت كده جبت الناهيه ..
حور/ خلاص يا جاسر علشان خاطري بكفايا سيبه حيموت في ايدك
جاسر / باااس مش عاوز اسمعلك صوت
ثم وجه كلامه لحسن وانا ايه اللي جابك معرفتش تعملة ساعتها جياي تكمله بروح امك
حسن/ المستشفي كلها بتتكلم عنها. و أنها واحدة رخيصة و فاتحة بيتها لاي حد مجتشي عليا و لا علشان انا مبدفعش زي ناس
مها/ بس بس يخربتك حتودي روحك في داهية اخرص بجي اجفل خاشمك ده
حسن / ليه يعني هو ليه حلو وليا وحش
مها/ اتنيل واسكت ده جوزها
جاسر / مها كلمة تانية و حولع فيكي اخرسي خالص انا مش طايق نفسي
جاسر مسك التليفون الو محمد تعالي دلوقتي وقفل السكة
وسحب حسن من هدومة و طلع في الميكرفون انا عامل اجتماع لكل المستشفي في ساحة المستشفي حالاا
.
اجتمع كل العاملين في المستشفى من عمال و موظفين ودكاتره
جاسر / انا جاسر الانصاري و اكيد معظمكم عارف مين جاسر الأنصار بس انا حقولكم انا مين علشان الي مش عارفني
انا بكون صاحب المستشفى دي و المدير التنفيذي لها و صاحب شركات الانصاري للبناء و التعمير والاسكان
و الدكتورة حور / تبقي مدام جاسر الانصاري
يعني مراتي . وأنا متجوزها من تلات سنين بس كنت في امريكا علشان الشركه الام فيها مشاكل .
وانا بقولها بصوت عالي اهو حور تبقي مراتي و اي حد جاب سيرتها حيتحاسب وحساب عسير و انا من مكاني هنا بعلن
تم رفض الدكتور حسن من قسم العظام
رفض الدكتورة نهي من قسم الأطفال
رفض نهائي وملهمش اي تعويضات أو حقوق
المفجاءات نزلت علي دماغ نهي ترف جوزها جوزها ينهار انا رحت ورا شمس
جاسر / الكل علي شغله يلا
جاء محمود اللدراع اليمن لجاسر
محمود / أيوة جاسر بيه خير
جاسر / الحيوان ده الصبح يصدر قرار من نقابة الأطباء بفصله فصل نهائي . ويتعمل معاه الصح و بزياده ويترمي في اي مكان
والدكتورة المحترمة دي. تاخد فصل تعسفي تتحرم من مزاوله المهنه لمده سنة .
حور/ انت كنت قاسي معاهم قوي
جاسر/ انا مبتهونش في حقي يا حور محدش يحي علي حاجة تخصني و أسبهم ..
و مضي اليوم والكل في مستشفى ملهوش كلام غير علي زواج حور و جاسر
واخر اليوم رن تليفون حور
حور / الو ايو يا ليلي معلش عارفه اني اتاخرت عليكي بس جاية خلاص
ليلي بعياط / الحقيني يا دكتورة اللحقيني أسيل اتخطفت