رواية معاناة أم
الفصل السادس و السابع
يستيقذ هشام من نومه في التاسعه صباحا ويمسك موبايله ويقوم بلهفه وغضب
هشام بغضب: ازاااي ماتجيش تصحيني انا هوريها ويقوم من
علي السرير بغضب ويخرج من غرفته ويدخل غرفه والدته
بس يلاقيها فاضيه يدور عليها في الصالون ومايلاقيش حد
يروح علي غرفه اخته نور
هشام: نوور
نور: ممم
هشام: قومي ياست هانم الساعه 9
تقوم نور بصدمه: ايييه يالهوي انا عندي محاضره الساعه 7 ونص وماما.. احم قصدي ناهد فين
هشام: انا عارف راحت فين من الصبح قومي حضريلي الفطار عايز انزل
نور: طيب ندور عليها نشوفها راحت فين
هشام بعصبيه: قولتلك قومي حضريلي الفطار
نور: اوووف طيي طيب قايمه اهو
ويخرج هشام ويروح غرفته ياخد هدومه ويروح الحمام اللي جنب المطبخ وياخد شاور وتقوم نور وتدخل المطبخ وتتصدم وتصرخ
نور بصدمه: هشاااااااام
ويلبس هشام هدومه ويخرج يجري علي المطبخ
هشام: فيه ايه يا نور بتصرخي ليه
نور ملتتكلمش وتعيط وتشاور ب ايديها علي الارض
وينظر هشام علي الاتجاه اللي بتشاور عليه نور
هشام: ايه دا ايه اللي جابها هنا دي
نور تنظر له باستحقار: انت ليه غبي اوي كده ياشيخ حرام عليك طب ساعدني نشيلها من علي الارض
هشام: طيب ويحاولوا يشيلوها من علي الارض ويدخلوها غرفتها وينيموها علي السرير
نور بدموع: ماما ماما فوقي يا ماما وتنظر لهشام بغضب انت واقف تتفرج عليها اتصل بالدكتور بسررعه
هشام: نعم ياختي اتصل ب ايه
نور: حرام عليك يا هشام اتصل بالدكتور احنا مش عارفين هي فاقده وعيها من امتي دي مهما كان امنا
هشام يسيبها ويخرج ويروح علي غرفته ويجيب منها ازازه البرفان
هشام: امسكي دي فوقيها بيها وهي هتفوق ولو مفاقتش هتصل بالدكتور
تاخدها منه نور وتحاول تفوقها بيها وتبدأ الام تستعيد وعيها
نور: انتي كويسه
الام بتعب: الحمد لله يابنتي
هشام: طيب بما إنك كويسه قومي حضري الفطار
نور: هشام خلي عندك دم قولتلك انا هحضر الفطار
الام: لا يابنتي خليكي انا كويسه وهقوم احضره
هشام: تحضريه انتي تحضره هي المهم الفطار يكون جاهز في اسرع وقت علشان متأخرش علي صحابي
الام: انت يابني مش نزلت شغل
هشام: والبركه فيكي من تاني يوم تتعبي ومحدش يصحيني واهو اديني مبلط جنبك دي حاجخ بقت هم انا خارجه وقومي ياست نور اعملي الفطار خليني اطفح وانزل ويخرج هشام يقعد في الصالون
نور: معلش متزعليش منه انتي عارفه هشام هو كده طبعه قاسي
الام بدموع: ربنا يهديكم ليا يابنتي
نور: بس خلاص بلاش تعيطي وامسحي دموعك وارتاحي وانا هقوم اعمل الفطار لهشام علشان ينزل وانا مش هفطر معاه ولما ينزل هنفطر انا وانتي سوا
الام: طيب ياحبيبتي قومي بقي قبل مايزعل ويتعصب تاني
نور: حاضر
ڤيلا وليد
في غرفه سلمي
تبدأ سلمي تفتح عيونها وتلاقي وليد قاعد علي الكرسي اللي جنب السرير نايم وساند راسه علي السرير وماسك ايديها وتبص الناحيه التانيه تلاقي اسلام قاعد علي الكرسي جنب السرير وماسك ايديها ونايم
سلمي بدموع: انا فعلا غبيه علشان فكرت انتحر وابعد عنكم ربنا يخليكم ليا ويديمكم ليا ومايحرمنيش منكم بحبكم اوي. وليد اسلام
اسلام بلهفه: ايه دا انتي فوقتي امتي
سلمي: لسه دلوقتي
ينزل اسلام علي الارض ويسجد ويشكر ربنا ويقوم يقعد مكانه ويمسك ايديها ويبوسها: الحمد لله ان ربنا قبل دعواتي وقومتي ليا بالسلامه ياضي عيوني
سلمي بدموع: انا اسفه بس والله تعبت
اسلام يمسح دموعها: لاا الا دموعك وطول مانتي معايا انسي الحزن والدموع انسي اي حزن طول مانا وياكي ياعمري
سلمي: انا بحبك اوي يا اسلام
اسلام: وانا بموت فيكي يا عيون اسلام
سلمي: يا حرام وليد باين عليه التعب انتو قضيتوا الليله هنا جنبي
اسلام: ايوه ياقلبي وليد كان هيتجنن عليكي وقال هيفضل جنبك وانا كمان اصريت اني اكون معاكي لحد ماتفوقي
سلمي: ربنا يخليكم ليا
اسلام: ويخليكي ليا ياقلبي
ويصحي وليد ويشوف سلمي صاحيه: سلمي حبيبتي انتي فوقتي امتي وليه ماصحتنيش يا اسلام لما فاقت
سلمي: اهدي ياحبيبي انا لسه صاحيه وقولت ياوليد بس انت شكلك كنت تعبان علشان كده ماسمعتنيش مع ان نومك مش تقيل
🔥
وليد: المهم انك بخير وينزل يسجد علي الارض
سلمي: انا ربنا بيحبني اوي علشان رزقني بيكم
ويخبط الباب وتدخل ديدي: حمدلله علي سلامتك فوقتي امتي
وليد بجمود: خايفه عليها اوي
ديدي: ماتنساش انها بنتي
وليد: انا عمري مانسيت بس شكلك انتي اللي نسيتي ان سلمي بنتك لما كنتي عايزه تخربي الجوازه
ديدي: احم وانا لسه عند كلمتي ومش موافقه
سلمي: انا اسفه يا ماما بس انا مش هسيب اسلام علشان مقدرش اعيش من غيره
وليد: ها شوفتي اهو رأي بنتك ياريت بقي كفايه الحرب اللي بتعمليها علشان تبوظي الجوازه علشان هي هتكمل مهما عملتي يا ديدي هانم
ديدي: عن اذنكم وتخرج ديدي من الغرفه وتعيط سلمي
اسلام: بتعيطي ليه بس
سلمي: ليه بتعمل كده ليه
وليد: سلمي انا الوصي عليكي وادام انتي بتحبي اسلام انا مش هبعدك عنه ومتخافيش من كلام ماما
اسلام: وعد مني مش هبعد عنك مهما يحصل وخليها تعمل اللي هي عايزاه انا بوعدك ياضي عيوني اني مش هبعد عنك ابدا
وليد: ابدأ بقي يا باشا في ترتيبات الفرح ولا عايزني ارجع في كلامي
اسلام: لا ابوس ايدك انا ماصدقت انك قولت بعد اسبوع انا هبدأ من دلوقتي لو تحب
سلمي: مش هتروح الشركه يا وليد
وليد: لا مش هقدر اروح انا هدخل غرفتي انام شويه وانت يا باشا يلا بقي من غير مطرود
اسلام: تصدق انك واطي دا بدل ماتقولي تعالي نام شويه
وليد: لا روح نام في بيتك يلا بره
اسلام: كله يهون علشان عيون حبيبتي يلا سلام يا صاحبي
🔥
في المستشفي
يصحي ادم ويلاقي والدته وسامر نايمين علي الاريكه ويدخل الدكتور يفحصه
الدكتور: علي فكره انت ربنا بيحبك اوي علشان عندك أم وأخ بيحبوك بالشكل دا. دا والدتك دمعتها مانشفتش من علي خدها طول الليل انا كان عندي نبطشيه وكتت باجي كتير بالليل افحصك وكنت بشوفها بتبكي طول الليل وانا اتحايلت عليها تنام ونامت بعد ماطمنتها عليك
ادم: شوف شغلك يا دكتور وياريت بلاش تدخل في اللي ملكش فيه
يستغرب الدكتور من طريقه ادم بس يفحصه ويخرج
ويصحي سامر ويشوف ادم صاحي يقوم ويجري عليه بلهفه
سامر: ادم انت صحيت امتي وليه ماصحتنيش
ادم: انت شمتان فيا صح انت عارف اني عندي إعاقه ومش هقدر امشي عايزني ازاي اصحيك انت بتعايرني
سامر: والله العظيم انا مش قصدي كده انا اقصد كنت تنادي عليا يا ادم ياحبيبي انا اخوك مش عدوك وانا وماما بنحبك وبنخاف عليك ربنا يعلم بنحبك قد ايه
وتصحي الام وتشوف ابنها تقوم وتجري عليه وتمسك وشه ب ايديها وتبوس فيه: ابني حبيبي عامل ايه دلوقتي ياحبيب امك
ادم: ابعدي عني مش طايق قربك مني
تبكي الام: ليه بس يابني كده
ادم: انا بكرهك انا بحب بابا بس علشان بابا بيحبني انما انتي مابتحبيش غير ابنك سامر هو فين بابا
ويرن موبايل سامر: الو
........../صاحب الموبايل دا عمل حادث وهو في مستشفي ..... وللاسف وصل ميت
سامر بدموع: لا مش معقول باباااا ويقع منه الموبايل
🔥
توضيح حاجه بخصوص معامله نور وهشام لوالدتهم هما بيعاملوها كده من غير سبب بسبب طبعهم القاسي ودي حاجه من الواقع فيه ولاد كتير بتاعمل اهاليهم بالطريقه دي واكتر من دي كمان انا بس حبيت اوصلهم رساله والرساله دي هنعرفها ف اخر بارت وبشكر كل اللي فاهم رسالتي وبيدعمني اوصلها بالطريقه الصحيحه ❤️
الفصل السابع
معاناة أم
........../صاحب الموبايل دا عمل حادث وهو في مستشفي ..... وللاسف وصل ميت
سامر بدموع: لا مش معقول باباااا ويقع منه الموبايل
ادم: بابا فيه ايه انطق بابا ماله
الام: اتكلم يا سامر فيه ايه يابني ماله ابوك
سامر بدموع: بابا عمل حادث ومات
الام: لا حول ولا قوه الا بالله ربنا يسامحه ويغفرله
ادم: لااا باباااا بااااباااا انت كداااب بابا مستحيل يموت انا هقوم ادور عليه ويجي يقوم بس يحس بألم في رجله. انتو السبب مش هسامحكم مش هسامحكم
سامر: اللي اتصل قال اسم المستشفي هي قريبه من المستشفي دي هروح استلم الجثه واخلص اجرائات الدفن
الام: طيب يابني ربنا يجازيك خير يارب ويخرج سامر وتبقي الام وصغيرها ادم
ادم بدموع: بكرهكم ومش عايزكم في حياتي انا عايز بابا
الام بدموع: الله يرحمه يابني انا صحيح شوفت منه كتير بس مهما كان جوزي وابو ولادي ربنا يسامحه ويغفر له وانا مسمحاه
🔥
ويمر يومين ويجي يوم فرح وليد وسلمي
يدخل وليد غرفه سلمي: سلمي سلمي
تصحي سلمي: اييه سيبوني انام بقي شويه
وليد: قومي ياحبيبتي علشان متتأخريش العربيه تحت في انتظارك علشان توصلك للفندق
تقوم سلمي بسرعه: اه اه صح انا العروسه معلش نسيت
ويضحك عليها وليد: ههههههههه
سلمي: يوووه بقي مش وقت ضحك انا متلغبطه بجد اخرد بره وانا هاخد شاور وهلبس وهنزل بسرعه
وليد: بسرعه ويمني صاحبتك تحت
سلمي: يالهوووي نسيت يمني كمان طب انزل وقولها هنزل فورا
وليد: طيب يا لبخه
وينزل وليد ليمني: نورتينا يا انسه يمني
يمني بكسوف: شكرا
يمني بنت جميله شعرها بني وعيونها خضراء جسمها متناسق بشرتها بيضاء ومتوسطه الطول
ينظر لها وليد بأعجاب شديد: انتي صاحبه سلمي من الجامعه
يمني: ايوه
وليد: ممم عقبالك
يمني: ان شاء الله
وليد: اكيد مخطوبه صح
يمني بكسوف: احم لا
وليد: هي الشباب اتعمت ولا ايه
يمني: افندم
وليد: احم لا ولا حاجه
وتنزل سلمي: يمني حبيبتي
يمني تحضنها وتبتسم ابتسامتها الجميله: سو حبيبتي مبروووك ياقلبي ربنا يسعدك يارب
سلمي: الله يبارك فيكي ياروحي عقبالك يلا بينا السواق بره وتميل سلمي علي وليد. علي فكره يمني بتتكسف اوي ورقيقه اوي هااا نقول مبروك
وليد: امشي يابت اطلعي بره احسن انك هتطلعي ومش هتيجي هنا تاني وكويس بردو اني هخلص منك يلا يابت امشي بره
سلمي: بقي كده طاااايب ابقي تعالي بعد كام يوم قولي كلميها علشان اتجوزها
وليد: امشي يابت قولتلك بدل ما اديكي علي وشك
سلمي: هههههههههه
وتخرج سلمي ومعاها يمني ويركبوا العربيه وياخدهم السواق علي فندق من اشهر الفنادق في مصر
🔥
في منزل السيده ناهد
نور بدأت علاقتها تتحسن مع والدتها ودايما بتحاول تخلي هشام يتعامل بطريقه احسن مع والدته بس خو طبعه القاسي دايما اللي بيكسب
نور: صباح الخير
الام: صباح النور ياحبيبتي
نور: انا جهزت الفطار وفطرت من بدري خدي افطري والعلاج اهو علي السفره تاخديه بعد ماتفطري وانا هنزل الجامعه وهخرج انا وعمرو بعد الجامعه
الام: ماشي يابنتي ربنا يسعدكم يارب
مور: ممكن لو هشام طلب حاجه تعمليها علي طول علشان مايتهصبش عليكي وانا مش موجوده علشان خاطري
الام: حاضر يابنتي
وتخرج نور من البيت ويطلع هشام من غرفته ويدخل الحمام ياخد شاور ويطلع يشوف الاكل علي السفره يقعد يفطر وتسكت الام وماتقولش ان الاكل دا ليها علشان تاخد علاجها
الام لنفسها: ادام انت كلت يبقي انا كلت وشبعت كمان ياحبيبي ربنا يهديك ويصلح حالك يارب وتاخد العلاج من غير اكل وترجع تبص لهشام وهو بياكل
هشام بجمود: قومي اعمليلي كوبايه شاي اطفحها
الام: حاضر يابني
وتقوم الام تدخل المطبخ وتعمل الشاي وتخرج تحط الكوبايه علي السفره وياخدها هشام ويشربها ويدخل غرفته ياخد موبايله ويخرج
هشام: عايز فلوس
الام: ليه يابني اوماب فلوسك راحت فين
هشام بغضب: انتي هتحققي معايا بقولك عايز فلوس
الام: حاضر يابني وتدخل الغرفه تفتح شنطتها وتاخد منخا الفلوس وتعدها ويدخل عليها هشام ويشد منها الفلوس كلها
هشام: خلاص انا هاخدهم كلهم اصلا
الام: يابني انا مش معايا فلوس غير دول طب اديني 200 جنيه حتي
هشام: ولا جنيه اصلا هما يادوب يكفوني ويخرج هشام ويروح شغله
🔥
في الفندق وتحديدا في الغرفه المخصصه لتجهيز سلمي توصل الميك اب ارتيست وتبدأ في عمل الماسكات لسلمي ويعدي الوقت بسرعه وتلبس سلمي فستانها الابيض اللي طالعه فيه زي الاميره وتبدأ تعمل الميك اب وبعد ماتنتهي الميك اب ارتيست في تجهيز سلمي تنظر سلمي علي نفسها في المرايه وتبتسم
سلمي بفرحه: ايه رئيك يا يمني
يمني بفرحه: زي القمر ياحبيبتي ماشاء الله ربنا يحرسك من العين
ويخبط وليد علي الباب ويدخل: بسم الله ماشاء الله ايه القمر دا لا انا كده هغير عليكي من الواد اللي تحت دا وهاخدك معايا الڤيلا تاني وهو يشوف ليه واحده تانيه يتجوزها
سلمي: لا طبعا تانيه مين وتالته مين وانا روحت فين
يمني: ههههههههه
يسرح وليد في ضحكتها وتتكسف يمني وتبص في الارض
سلمي: احمممم مش يلا ولا هتخلي جوزي يستني كتير
وليد: لسه مبقاش جوزك يالمضه احنا لسه مكتبناش الكتاب
سلمي: ماعلينا يلا ننزل
وياخدها وليد وينزل ويشوفها اسلام يتنح من جمالها
وليد: لا ماهو دا مش وقت صدمه لو انت مش مصدك انا ممكن اخد اختي وامشي عادي جدا
اسلام: تمشي فين ياسطا اوعي بس كده ويستأذن من الناس علشان يبعدوا شويه ويحضنها اسلام بقوه ويشيلها ويلف ييها ويبوس راسها
وليد بغيره: انت عبيط يالا
اسلام: مراتي ياحلو
وليد: بقولك ايه احترم نفسك وملكش دعوه بأختي علشان متزعلش
اسلام: ياجدع بقولك مرااااتي
🔥
وليد: طب اهدي بقي بدل ماحلف مفيش جواز
ويروح اسلام يوصل سلمي علي الكوشه ويرجع يقعد علي الترابيزه ويبدأ كتب الكتاب وبعد اتمام كتب الكتاب
المأذون: بارك الله لكما وبارك عليكما وجمع بينكم في خير
ويقوم اسلام يجري علي سلمي ويشيلها تاني ويلف بيها ويبوس راسها وايديها ويبوسها من خدها
وليد وهو واقف بعيد: لا بقي دا زودها وربنا لوريك يا اسلام الكلب ويروح عند سلمي واسلام.ماتتلم يالا انت محدش مالي عينك ولا ايه
اسلام: ملكش فيه مراتي حبيبتي واعمل اللي انا عايزه
وليد: ماتخلينيش اتغابي عليك يالا وسيب اختي قولتلك ويشدها وليد من ايديها
اسلام يشدها عليه: انت اتجننت يابني بقولك مراتي
ويشدها وليد: قولت سيب اختي
اسلام: لا مراتي
وليد: لا اختي
سلمي بااااااااااااس انتو الاتنين الناس بتتفرج علينا وبتضحك
يمني: الرقصه بدأت يلا اتفضلوا علي الاستيدج
وياخد اسلام سلمي ويطلعوا علي الاستيدج ويرقصوا علي اغنيه نانسي عجرم الحب زي الوتر
وبعد انتهاء الرقصه يشيلها اسلام ويلف بيها
وتبدأ المهرجانات ويروح وليد ويمني يرقصوا معاهم
سلمي بحزن: هي ماما كده مش هتيجي صح
وليد: بلاش تنكدي علي نفسك ياحبيبتي وافرحي يومك دا مش هيتعوض
وبعد وقت ينتهي الفرح
وليد: انت يالا تاخد بالك من اختي وتحطها في عنيك انت فاهم
اسلام: في قلبي وعنيا والله يا صاحبي
سلمي تحضن وليد وتعيط: هتوحشني اوي
وليد: ليه اي وقت عايزه تيجي فيه تعالي وملكيش دعوه بالواد دا
اسلام: مش كده ياسطا الله
وليد: شششش اخرس انت
اسلام: طب اتكل بقي عايز اخد مراتي ونروح بيتنا
سلمي: يمني الوقت اتأخر هتروحي ازاي
وليد: انا هوصلها متقلقيش
يمني: لا ميرسي انا هاخد تاكس
وليد: لا والله ابدا انا هوصلك. انت يابني يلا خد مراتك وامشوا علي بيتكم
اسلام: دلوقتي اتبري منك وعمل ميعرفكيش
سلمي: هههههههه
وياخد اسلام سلمي ويروحوا علي بيتهم وياخد وليد يمني علشان يوصلها
🔥
في المستشفي
الدكتور: انا وافقت اكتبلك علي خروج بعد ما اطمنت ان اخوك ووالدتك هيعملوا اللي اتفقت معاهم عليه كل يوم تمارين ودا العلاج الطبيعي وفيه كريمات هتستخدمها علشان تساعدك تتحرك وتخف اسرع
سامر: وانا جبت الكرسي المتحرك
ويسنده سامر ويقعده علي الكرسي المتحرك وينزلوا في الاسانسير ويركبوا العربيه ويلاقي ادم والدته تحت في العربيه
الام: حمدلله علي سلامتك يابني
يرد ادم من غير مايبصلها: شكرا
سامر: من بكره هتبدأ في العلاج الطبيعي ان شاء الله وهتتحسن بسرعه
ادم: ممكن توديني قبر بابا. وحشني اوي
سامر: بس كده من عنيا ويمشي سامر في طريقه للمقابر وبعد مايوصلوا ينزل سامر ووالدته ويسندوا ادم ويقعد علي الكرسي المتحرك ويروحوا يقفوا امام قبر سمير
ادم بدموع: وحشتني اوي يا بابا طب كنت خدني معاك انت عارف ان ادم مايقدرش يعيش من غيرك طب كنت احضني قبل ماتسيبني وتمشي لو كنت
اعرف انك لما تسيبني وتمشي مش هترجع تاني مكنتش هخليك تمشي ابدا او هلي الاقل كنت هطلب منك تاخدني في حضنك وتودعني انت موتك كسرني اوي يا بابا انا بحبك اوي
الام: دايما كنت بتعاملني بقسوه بس كنت بستحمل علشان خاطر عيالي بس كمان كنت بستحمل علشان بحبك كنت دايما بقول يارب انا مسمحاه دنيا
واخره وكنت بدعيلك ربنا يهديك انا عمري مازعلت منك بالعكس انا كنت بزعل عليك
وهلي اللي بتعمله في نفسك وياما نصحتك بس كنت بتضربني وتقولي خليكي في حالك ربنا يرحمك ويغفرلك
سامر بدموع: كان نفسي تاخدني في حضنك انت ليه كنت حارمني من حضنك ليه كنت حارمني اقولك يا بابا ليه كنت حارمني اترمي في حضنك
واستخبي لما اكون خايف علي فكره يا بابا انا بحبك اوي وعمري ماكرهتك بس كنت بزعل منك لما بتشجع ادم علي
الغلط هو دا سبب الخلافات بيني وبينك انما انا والله بحبك اوي عارف يا بابا نفسي في ايه نفسي ترجع الدنيا حتي لو دقيقه واحده تحضني وتمشي تاني نفسي احضنك اوي
الله يرحمك ويجعل مثواك الجنه