رواية شط الموت
الجزء الأخير
بقلمي : مي علي
دخل يوسف الشاليه بسرعه بتاع صناره
لقي أزايز مرميه علي الأرض وبرطمنات فيها حاجه شبه البودره
أخد حبه من البودره دي وحطها ف جيبو
وقرب ناحية ترابيزه كانت محطوطه وعليها كارتين
كارتونه منهم فيها شرايط كاميرات متفرغه والكرتونه التانيه فيها قصاقيص صور متقطعه ومفيش ولا صوره سليمه
قرب يوسف ناحية الترابزه رجلو اتكعبلت ف السجاده تحت منها واترفعت
بيبص لقي جزء صوره مقطوع لكن في شوية تفاصيل
ركز يوسف ف الصوره وعينيه برقت
لأن الصوره كانت صورة جثه ومفتوح بطنها ومتشرحه
لكن الجزء بتاع الوش مقطوع
ساعتها بس اتأكد يوسف ان الموضوع ليه علاقه بالأعضاء
حط يوسف الصوره ف جيبو بسرعه
وجاي يخرج لقي قرموط ف وشه هو والكلب المرعب بتاعه
رجع يوسف بضهرو لورا وهو متوقع رد فعل قرموط واي اللي ممكن يعملو
دخل قرموط اللي كان جته طول بعرض ووقف قصاد يوسف وقفل الباب برجلو
يوسف وطي علي الأرض وجاب إزازه وعلي حرف الترابيزه راح خابطها عشان تتكسر وتعمل أله حاده يعرف يدافع بيها عن نفسو
قرب عليه قرموط بوشو البشع ومسكو ...يوسف حاول يدافع عن نفسو بكل قوتو لكن قرموط كان أقوي منووفضلو ماسكين ف بعض ويوسف بيحاول يخبطو بأي حاجه معرفش قرموط كتفو وشل حركته تماما وأدالو بالروصيه
وقع يوسف
قرموط ف لحظه كتفو وربطو ف كرسي ويوسف كان دايخ من أثر الضربه
يوسف فضل باصص لتحت لأن دماغو لفت
فجأه حد جه شد يوسف من شعرو ورفع راسه
وهو بيقول :
- مش قولتلك أخرس بس يكومك هنا .... جدع يلا لا والله بجد جدع فاجأتني
اللي كان بيتكلم كان صناره وشكلو كان متغير ولابس نضيف وشكلو غير شكلو اللي كان فيه ع البحر واللكنه اللي بيتكلم بيها لكنه تانيه خالص
يوسف قال :
- انت فاكر انك هتعرف تعمل حاجه .....انتو هتروحو ف داهيه كلكو
- شششششش لما أكون بتكلم انت تسمع ..... خلاص وقعت ومحدش سما عليك ..... انا كنت مستني اللحظه دي من بدري .... بس مش من حقك تلومني انا مكنتش ناوي أقرب منك بس تقول اي بقي مانت اللي حشري وبتحط مناخيرك ف حاجات ملكش فيها
- وانت كلب وواطي وقتال قتله
- تؤتؤتؤتؤ عيييييييب .... عيب اباشا دي لقمة عيشي
- لقمة عيشك انك تموت الناس وتاخدهم أعضاء ... وانا عارف انك مش لوحدك وفي وراك كلب مشغلك اللي زيك أجبن من انو يعمل كده لوحدو .... اللي وراك واحد قذر زيك معندوش ضمير
- لا بص ... انا تغلط فيا أوكي أعديها لأن كده كده انت موتك مكتوب علي أيدي ف انا مسامح يعني
إنما تجيب سيرة الباشا الكبير أهو ده بقي اللي محبوش
وراح رازعه بالبوكس ف باطنه جامد مره واتنين وتلاته
يوسف اتوجع ومبقاش قادر يتنفس وبصعوبه قال :
- انت فاكر انك هتقدر تعمل حاجه .... انا في ورايا ناس وهي....
- قصدك شوية العيال الخرعين دول ....
ونده بعلو صوتو ....
قرمووووط قول للرجاله يجيبو الحلوين علي هنا
وشويه ودخل الرجاله مكومين طارق وعمرو اللي وشهم اتشلفط من الضرب
يوسف بصلهم وهو مش عارف يعمل حاجه
صناره قال ...
جهز نفسك بقي اباشا عشان النداهه جايه تاخدك .. ههههههههههههههههه
- الكل هيعرف الحقيقه حتي لو علي موتي
- لا من ناحية موتك ف جاي جاي وبص متقلقش زي شكة الدبوس انا محبكش تتوجع ابدا لا انت ولا الكتاكيت دول
- انت فاكرها سايبه
- لا مش فاكرها سايبه .... هي سايبه فعلا .... اما احنا بقالنا سنين شغالين الله ينور والدنيا تمام والنداهه عامله شغل جامد اوووي معاهم .... ف مش بعد كل ده يجي عيل خيخه زيك ويكشف كووول اللي عملناه
- اي حد غبي مبيفهمش هياخد باله ان ده عمل إجرامي
- ومين قالك انهم مش واخدين بالهم .... لا يا حبيبي واخدين بالهم ومتطنشين .... بلاش تلعب مع الكبار لعبه منتاش أدها
وعموما علي ما صحبك اللي انت بعتو للراجل
يحضر
هيكون كل حاجه خلصت .. وهو كمان هيكون مات
وسلملي بقي علي قرموط وعلي صناره ... اه بالمناسبه تلت ترباع الناس اللي كانت هنا ع الشط دول رجالتنا واحنا زارعينهم وسط الناس واخد بالك انت
وأحب اطمنك ان الشط فضي خالص من اي حد مش تبعنا أخرهم كانو الناس الحلوه اللي ابنهم اتسحب امبارح واللي صورتو ف أيدك يا جميل ... والناس اللي سألتهم علي اللي حصل دول تبعنا ....جثه الواد لسه مقبتش
بس متخفش عليه هنوصلها لأهلو مسافة منخلص عليكو ... او ممكن منوصلهاش احنا وظروفنا بقي
- يعني اي ؟
- يعني البت اللي اديتك الرقم تبعنا واللي ردو عليك ف التليفون بردو تبعنا
يا ههههههه يا باشا
ابتسم يوسف ابتسامه عريضه وقال ...
- طب مانت حلو اهو يا قرموط وبتعرف تفكر بس غبي
- انا غبي ماشي مقبوله منك اباشا .... معلش بقي اصلي مش فاضي وقتك خلص
وبص للرجاله وقال ...
يلا اشحنوهم ع المطرح يلا عشان في زبون مستعجل اوووووي
وفعلا شحنو طارق وعمرو اللي كانو مخلصين خالص وكتفو يوسف وحطو بلاستر وغمامه علي وشو وشحنوووه ف عربيه
ووصلو بيهم لمكان بعيد
وحس يوسف وهما شدينو ومدخلينو ف مكان
ودخلوه وشالو الغمامه من علي عينو لقي نفسو ف مكان زي المستشفي بالظبط
اوضه متجهزه بأجهزه طبيه علي أعلي مستوي
ودخل راجلين واحد منهم لابس بلطو دكتور والتاني راجل جته ولابس لبس ممرض بس البلطو بتاعو ملطش بالدم
دخل وراه صناره وهو بيقول
- اااااا دكتور المره دي جايبلك حاجه سقع ... بص الواد صحتو زي الفل وتلاقي حاجتو كلها فريش
الدكتور رد ...
هنشوف يا صناره
وشاور الدكتور للمساعد بتاعه بصباعه
المساعد راح جاب حقنه
قرب بيها علي يوسف وادهالو ف دراعو
فقد يوسف الوعي بعدها
بعد فتره من الوقت
فاق يوسف علي صوت مازن
اللي بصلو وقال ....
لحقتك يا يوسف لحقتك متخفش يلا هنخرج من هنا
يوسف مكنش واعي تماما بس سامع كل حرف بيتقال لكنه غاب مره تانيه عن الوعي
صحي يوسف وفاق وهو ف المستشفي
ولقي مازن وطارق وعمرو وأبوه وادم
ابوه أول ما فاق قال ...
حمد الله علي سلامتك يا جو يا بطل
بص يوسف وهو بيحاول يجمع وقال ...
الله ....الله يسلمك يا بابا
مازن قال ...
فوق يا جو كده عشان احكيلك اللي حصل
الدكتور دخل اتطمن عليه
يوسف بص لمازن وقال ...
عملت اي ؟
مازن ...
عملت اللي كتبتهولي بالظبط يا جو يابن اللعيبه
طارق قال ...
انا مش فاهم حاجه
مازن رد ....
انا هفهمكو ... انا ف يوم وكالعاده كنت براقب وشوفت الراجل اللي سألو يوسف علي حكاية الجثه واذا كانو لقوها ولا لا
انا شوفتو وهو واقف مع صناره وسمعت كده طشاش كلام عن ان خلاص مفضلش غير أهل الواد ده ع الشط وان الجثه مش هتقب دلوقتي
وسمعت اتفاقهم كمان انهم هيحاولو يوزعو جو بأي شكل او يقتلونا كلنا
عمرو ...
وبعدين
مازن ...
الكلام ده كان تاني يوم من بعد ما الواد غرق
روحت وريت يوسف الصور وعرفنا واتأكدنا ان خلاص مفيش حد ع الشط تاني من الملاك
حتي اهل الواد مستنوش ع الشط ده
وانا ويوسف اتفقنا علي كل حاجه بس كنا بنتكلم بالرسايل عشان كل حته ف الشاليه متراقبه
ويوسف عمل نفسو بيسأل علي الجثه وسأل الراجل ده بالذات اللي كنا عارفين انو تبع صناره
اما البيت اللي قالو عليه جيرانهم ف ده كان راجل وقاعد مع بنت شابه والناس دول ظهرو ف نفس اليوم اللي اختفي في الواد مش معقول تبقي صاحبتها ف يوم وليله
يوسف قرر يجاريهم تماما
وكنا عارفين ان صناره مرتب لكل ده وهو اللي أمر الرجاله بكل حاجه
هما رجالتو اه شداد بس مش مفتحين اووي
وطلعا انا مروحتش ع العنوان اللي ف الاصل كانو مدينو ليوسف عشان يروح ويخلصو عليه
طلعت ع الحكومه ابلغ بالصور اللي معايا وباللي سمعتو
بس يوسف كان عارف انهم عمرهم مهيخلصو عليهم ف المكان ده وانهم اكيد هياخدوهم اعضاء وكان لازم نوصل للمكان ده
وفعلا ده اللي حصل واخدوكم وانا والحكومه كنا وراهم
ومسافة مدخلو بيكم كانت الحكومه محاوطه المكان ...حتة مكان هو علي البحر بس بعييييد وزي مخزن كبير اوي
والناس دول مش سهلين ابدا كان معاهم اسلحه وبنادق وكانت مدبحه
قرموط اتصاب ومات ف ساعتها
وقبضو علي الدكاتره اللي هناك والرجاله وعلي قرموط
ودلوقتي مشرفين ف التخشيبه وبيتحقق معاهم وصناره اعترف بكل حاجه
والبودره اللي لقوها ده نوع من المخدر بيغيب الناس بس مبيظهرش له اثر ف الدم عشان كده ملقوش ليه اي اثر لما حللت انا
وبتتول الواحد وبتجيبلو تهيؤات وكان اللنش ده بيشغل حاجه بتصدر صوت بأشعه تحت الحمرا وبتعمل زبزبات علي مسافه بعيده ف بيتهيئلو ان في صوت جاي من الميه
لا وكمان لقو الملفات بتاعت كل جثه ومرفقه معاها صورهم قبل وبعد الفتح واسامي الناس اللي بيتباعلوهم الأعضاء وأتباعت بكام وليله كبيره اوي ساعدتك
يوسف ...
اهم حاجه قدرو يوصلو لمين اللي ورا الناس دي
مازن ...
الظابط قال انهم متعاملوش معاه وش لوش دايما بياخدو أوامر وبس
يوسف ...
يعني اي ما احنا كده موصلناش لحاجه
ابوه قال ...
ولا عمرك هتوصل ابدا يا جو لان دول عصابه كبيره وعمرك مهتقدر توصل لراس التعبان ابدا
يوسف ...
اكيد هقدر
طارق قال ...
المهم ان خلاص مبقاش في نداهه والشط بقي امان وهصيف براحتي
مازن ...
استدعو كل الناس اللي ولادهم غرقو والدنيا اتقلبت وكل الناس بتتكلم ف الموضوع ده الصحافه والاعلام وكلو
يوسف ابتسم ابتسامه عريضه
عدي شهر بالظبط والقضيه بيتحقق فيها
محدش قدر يوصل للراس الكبيره اللي مشغله كل دول
لكن جميع من ف الموضوع اتحاكم
والشخص الوحيد اللي أكدو انو كان هيتكلم هو صناره
اللي طلب يقابل مأمور السجن عشان يقولو معلومات مهمه
لكن ملحقش ودخلو عليه الزنزانه وجدوه مدبوح تماما
ولم يستدل علي الفاعل
اتحكم عليهم كلهم بأحكام لا تقل عن 15 سنه
لكن الي الأن لم يستدل علي الفاعل الأصلي اللي بيحرك كل الناس دي
وسيظل الأجرام ده موجود حتي يقطعو رأس الأفعي
بس الناس كانو جزء ف مساعدته لانهم سلمو دماغهم للوهم ومشيو ورا خرافات وعمو عيونهم زي ما بيعمو عيونهم عن اي حاجه غلط بيشوفوها وبيقولو ملناش دعوه لنتأذي
وده اللي فتح سكه لكل حاجه غلط انها تنتشر كلمة .....مليش دعوه
وتغيب عقلهم والجري ورا الخرافات
خرافه زي خرافة اسمها
النهاية