الحلقة الحادية عشر والثانية عشر
#رواية_اختارتك_أنت❤
#بقلم_إيمان_جمال❤
__________________
أشرف: انت بتقول ايه يارامي !؟
رامي بهرب من عيون ابوه: عاوزة أخطب بسمة يا بابا بعد اذن حضرتك
اشرف: وياترى بقى هي موافقة
رامي: ايوا انا اتكلمت معاها النهاردة في الشركة وهي موافقة
اسامة: رامي انت كويس؟
رامي: جدا يا صاحبي
اسامة: انت شايف القرار اللي بتاخده دا ايه
رامي ضحك: ايوا شايف و عارف انا بعمل ايه
اسامة بصله وشوية نزل الجنينة ورن على امجد
اسامة: تعالى يا امجد شوف الاستاذ دا بيعمل ايه بدل ما أموته
امجد: في ايه يا ابني مالك و استاذ مين
اسامة: الزفت رامي طلب من ابوه الوقتي انه يتقدم لبسمة
امجد بصدمة: نعم يا اخويا انت بتقول ايه
اسامة: هو انا اللي بقول دا الزفت رامي
امجد: طب اقفل وانا مسافة السكة وهكون عندكم
اسامة خلص المكالمة مع امجد وفضل قاعد تحت
_____________
نرجع تاني فوق في شقة اشرف
حنان: رامي ياحبيبي انت متأكد من قرارك دا
رامي: ايوا يا ماما ان شاء الله
اشرف بيبص لإبنه ورامي بيهرب من عيون ابوه ، اشرف وحنان وأمل مش عاجبهم قرار رامي بس رامي من النوع اللي بينفذ قراراته حتى لو الكل معترض
شوية وامجد وصل ورامي نزل وأول ماشاف منظر امجد وهو متعصب مسك نفسه من الضحك وامجد جري وراه ورامي بيجري واسامة بيضحك عليهم
رامي بيجري: استني بس هفهمك
امجد: تفهمني ايه؟ ايه اللي انت هببته دا
رامي تعب من الجري: هو عشان عاوزكم تفرحوا بيا ابقي بتهبب!؟
امجد تعب من الجري ووقف ورد بسخرية: عاوزنا نفرح بيك😏
رامي: ايوا
امجد: تمام يا رامي
امجد لسة ماشي واسامة بيحاول يوقفه
اسامة: استني بس يا امجد
امجد: لا يا اسامة انا همشي بس وربي ماهحضرله اي حاجة
رامي زعل من كلام امجد وزعل اكتر من نفسه عشان زعل الكل منه
اسامة: طب اقعد دا انت حتى مابركتليش على قراية الفاتحة
امجد بأسف: اسف يا صاحبي نسيت من المصيبة دي ، مبروك يا حبيبي وعقبال الفرح
اسامة: الله يبارك فيك يا امجد عقبالك يا حبيبي
امجد: تسلملي ، يالا انا ماشي...وقبل مايمشي بص لرامي: هقولك حاجة قبل ما امشي جوايا احساس انك هتندم على القرار دا
امجد مشي ورامي زعلان اوي واسامة اخد مامته ومشي هو كمان ورامي فضل قاعد في الجنينة
-الظاهر كدا ان اصحابك مش موافقين على قرارك دا ذيي
دا كان صوت ابوه جاي من وراه ورامي بصله وماتكلمش
اشرف: بتعمل في نفسك كدا ليه
رامي: انا مش شايف ان انا عملت حاجة تستاهل كل كلامكم دا
اشرف: الكلام دا تقوله لحد غيري لكن انا ابوك وعارفك كويس اوي
رامي: لا يا بابا انا محدش عارفني ولا حاسس باللي جوايا وانا خلاص اخدت قراري...ولسة هيمشي بس وقف على رد ابوه
اشرف: طب ومليكة !؟
رامي بص لأبوه وما اتكلمش
اشرف: لسة شايف ان محدش يعرفك يارامي
رامي: معلش يا بابا انا تعبان وعاوز انام بس بعد اذن حضرتك انا عاوز اروح لبسمة بكرة
اشرف ماردش عليه وسابه وطلع فوق ورامي مخنوق وزعلان بس هو خلاص هينفذ قراره وشوية وطلع ينام (دا لو جاله نوم اصلا💔)
_____________________
*في اوضة مليكة*
دخلت اوضتها وقفلت الباب كويس وفتحت دورج المكتب اللي مقفول دايما بمفتاح ومحدش يعرف يفتحه غيرها ، قعدت على كرسي المكتب وطلع صورة من الدورج وفضلت بقالها اوي وكأنها بتتكلم معاها وحطت ايدها على قلبها ، وبعد شوية حطت الصورة مكانها وقفلت الدورج تاني ونامت
*في اوضة امل*
مريم قررت تقضي معاها الليل وتنزل شقتهم الصبح
امل باين عليها الزعل ومريم لاحظت دا
مريم: ايه يامولا في حد ييقى زعلان كدا في ليلة ذي دي
امل: الليلادي بالنسبالي بداية جديدة وفرحانة جدا بس زعلانة على رامي اخويا
مريم: انتي عارفة رغم اننا المفروض نفرحله بس تحسي كدا ان الموضوع بالنسبالنا عادي خالص وحتى رامي عينه فيها حزن وزعل
امل: ودا اللي انا حساه يا مريم عشان اخويا مش بيحب البنت دي ، اذا كان انا وانتي مش بنحبها
مريم: عندك حق بس ليه هو عمل كدا طلاما مش بيحبها ؟!
امل: يارتني كنت اعرف حتى اسامة مش موافق على قرار رامي وزعلان منه
مريم: وامجد كمان انا كنت واقفة في البلكونة وشفت امجد لما جه وكان متعصب جدا
امل: الظاهر كدا ان الكل ضد رامي في الموضوع دا
مريم: طب يالا ياختي ننام عشان نصحى بكرة بدري نذاكر ونعوض اليوم اللي ضاع دا
امل؛ نامي انتي ، اسامة هيكلمني وانام بعد ما اكلمه
مريم نامت وشوية واوسامة رن على أمل وطلعت تكلمه في البلكونة
اسامة: كنت خايف لتكوني نمتي
امل: انام ازاي من غير ما اسمع صوتك
اسامة: بحبك
امل اتسكفت وماردتش
اسامة: على فكرة انا بكلمك
امل ضحكت: ايوا ما انا عارفة
اسامة: بقى كدا ماشي
امل ضحكت اوي واسامة فرحان
اسامة: ايه رأيك في قرار رامي
امل بحزن: مش موافقة عليه خالص حتى ماما وبابا رافضين بس رامي طلاما اخد قرار يبقى هينفذه
اسامة: ولا انا موافق ولا امجد كمان دا حتى اتخانق معاه و اقسم انه مش هيحضرله اي حاجة
امل: ممكن اسألك سؤال؟
اسامة: اكيد طبعا
امل: هو بيحب مليكة؟
اسامة رد عليها بسؤال: انتي حاسة بدا؟
امل بتنهيدة: انا ملاحظظة من زمان بس هو بيحاول يخبي الحب دا ومعرفش ليه دا حتى معاملته معاها مش معاملة واحد بيحب واحدة
اسامة: بكرة يرجع لعقله ويعرف ان اللي بيعمله دا مش سهل
امل: يارب يراجع نفسه قبل فوات الاوان
اسامة: يارب ، ويالا بقى عشان تنامي عشان تعرفي تصحي تذاكري ولا عاوزة ابوكي يقول معطلك
امل ضحكت: لا خلاص انام احسن😂 ، تصبح على خير
اسامة بحب: وانتي من اهلي
امل واسامة خلصوا كلام وكل واحد فيهم نام بس امل ماتعرفش ان رامي سمع كلامها وهي بتتكلم عن مليكة وهو واقف في البلكونة اللي جمب اوضتها ولأول مرة يتأكد فعلا ان الكل حاسس بيه ، رامي بيحاول ينام ومش عارف وفضل صاحي لحد الصبح
______________
الفطار كان في شقة محمد والكل طلع عنده ورامي وعز كانوا لسة بيلبسوا وبعد ماخلصوا لبس طلعوا عشان يفطروا ، اشرف تقريبا مش بيتكلم مع رامي ، ودا مزعل رامي
رامي: بابا انا هخلص شغل بدري ونروح لبسمة،
ووجه كلامه لإعمامه: وطبعا ياعمي محمد انت وعمي صالح اكيد معايا وان شاء الله نكون كلنا جاهزين على بعد المغرب
صالح: ماشي ياحبيبي كلنا هنكون جاهزين ربنا يتمملك على خير يا حبيبي
محمد: ربنا يفرحك يارامي يارب
رامي: ربنا يخليكم ليا يارب...بص لأبوه كأنه بيقوله جاي معايا ولا لا
واخيرا اشرف اتكلم: هنكون جاهزين ، ووجه كلامه لأخواته: يالا عشان الاجتماع بعد ساعة
اشرف واخواته نزلوا وراحوا شركتهم ، عز ورامي ومليكة نزلوا راحوا شغلهن ووصلوا الشركة ، ورامي اول ماوصل دخل لأمجد
امجد قاعد في مكتبه وكان مركز في ملف ادامه ورامي خبط ودخل ، رامي رفع وشه وبصله ورجع بص في الملف تاني
رامي: ماهو انت مش هتفضل زعلان مني
امجد ذي ماهو مارفعش عينه من الملف
رامي مخنوق ومش عارف يصالح امجد ازاي ، وامجد اخيرا اتكلم: روح مكتبك عندك شغل كتير النهاردة
رامي: انا عاوز امشي بدري النهاردة
امجد ابتسم بسخرية😏: ماتقلقش ياعريس
رامي زعلان بس مش من امجد لا من نفسه لان بسبب قراره الكل زعلان منه ، رامي خرج من مكتب امجد ودخل مكتبه
*في مكتب مليكة*
قاعدة مركزة في اللاب بتخلص شغل متراكم عليها وشوية و 'هنا' انت عليها واتفقوا يتغدوا سوا
*في مكتب عز*
خلص الشغل اللي على مكتبه وقام راح مكتب رامي وخبط ودخل
رامي: ايه ياعز في حاجة
عز: كنت عاوز منك طلب ممكن
رامي: طلب ايه قول
عز: كنت عاوز اروح اشتري هدية وكنت عاوزك معايا عشان بحب ذوقك
رامي: بس انت عارف اني لازم اروح بدري عشان اكون جاهز عشان نروح لبسمة
عز: مش هأخرك والله وبعدين المفروض تشتري هدية لبسمة وانت رايح تتقدملها
رامي: مش لازم وبعدين انت رايح تجيب هدية لمين؟!
عز غمزله😉: هتعرف بعدين ، ها هتيجي معايا ولا ايه؟
رامي فهم من كلامه انه رايح يجيب هدية لبنت وان البنت دي مليكة: حاضر ياعز انا ادامي ربع ساعة وهخلص وهاجي معاك
عز: ماشي يا حبيبي انا مستنيك في مكتبي
عز مشي ورامي فضل سرحان وزعلان على حاله وقطع سرحانه دخول السكرتيرة
السكرتيرة: اسفة اني دخلت من غير ما حضرتك تأذنلي بس انا خبط كتير
رامي ابتسم: لا ولا يهمك في حاجة؟
السكرتيرة؛ مستر امجد عاوز حضرتك في مكتبه
رامي: حاضر
رامي خرج من مكتبه ودخل مكتب امجد ، وامجد نظراته لرامي كافية انها توضح كمية زعل امجد من رامي ، بس هما في الشغل ودا مالوش علاقة بدا
رامي قاعد ومستني امجد يتكلم
امجد بتنهيدة: كنت عاوز اخد رأيك في شغل مديد
رامي: اتفضل وانا سامعك
امجد: دلوقتي في مشروع معروض علينا اننا ننفذه وذي ما انت عارف ان احنا اللي هنتحمل اي نتائج مهما كانت وطبعا المناقصة اللي دخلنا فيها لو كسبناها.....ولسة هيكمل بس تليفون مكتبه رن وامجد رد والمتصل بلغه ان شركته كسبت المناقصة كالعادة وخلص المكالمة وكان فرحان
رامي: كسبنا المناقصة صح؟
امجد بفرحة: ايوا
رامي وامجد حضنوا بعض اوي على الرغم ان امجد زعلان من رامي بس نسي الزعل في اللحظة دي
(على الرغم ان رامي اشطر واحد في الشؤون القانونية في شركة امجد بس امجد بيعتمد عليهم هما التلاتة اوي وبيثق فيهم جدا رغم ان امجد تخصصه مختلف عن عز ومليكة بس هما بيكملوا بعض وافكارهم كويسة وامجد بيسيب ليهم حق اختيار المهندسين في اي مشروع )
رامي: مبروك يا صاحبي
امجد: مبروك لينا كلنا عشان انا من غيركم مش هنجح كدا ولا كنت هقدر اكبر شركة بابا
امجد ورامي خرجوا من المكتب وامجد وقف في نص الشركة وجمع الموظفين وعز ومليكة خرجوا من مكاتبهم
امجد: احب اطمنكم وافرحكم اننا كسبنا المناقصة
الكل فرح جدا وفضلوا يتكلموا ويباركوا لأمجد
امجد كمل كلامه: وبالمناسبة دي مكافئة شهرية لكل واحد فيكم
كل الموظفين فرحوا وبيشكروا امجد
رامي: دا اليوم النهاردة حلو اوي يعني كسبنا المناقصة وكمان قراية فتحتي
امجد اضايق اوي من كلام رامي: لو اليوم حلو فهو ملو عشان فرحتنا بنجاحنا مش بقراية فتحتك ياعريس
امجد دخل مكتبه وساب رامي وعز ومليكة واقفين ، ورامي زعل اوي ودخل مكتبه
عز ومليكة بيبصوا لبعض وكأن كل واحد فيهم بيقول للتاني هو في ايه ودخلوا مكتب امجد
مليكة: في ايه يا امجد انت زعلان من رامي عشان هيخطب
امجد بصلها وكأنه بيقولها اسكتي انتي ماتعرفيش حاجة
عز: ايه يا ابني ماترد فهمنا في ايه
امجد: اقعد بس كدا عشان كنت هبعتلكم اصلا عشان عاوزكم في شغل جديد
عز ومليكة قعدوا
امجد: دلوقتي انا كنت بتكلم مع رامي من شوية على مشروع جديد معروض علينا ، وشركتنا هتدخل مع بعض الشركات في بناء التجمع الجديد
مليكة: واااو دي فرصة كبيرة للشركة
عز: فعلا لو المشروع دا نجح هينقل الشركة نقلة كبيرة
امجد: بالظبط واحنا معروض علينا اربع ڤيلل (جمع ڤيلا😂😂) هنبقى مسؤولين عن بنائهم وطبعا يامليكة انتي وعز عاوز منكم تعملوا دراسة جدوى مفيهاش غلطة والمرادي غير كل مرة
(ذي ما احنا عارفين ان شركة امجد شركة مقاولات يعني الشركة اللي هتنفذ المشروع بكل الملتزمات وبالمهندسين كمان وعليهم المسؤولية كاملة امام العميل( المالك )
مليكة: ماتقلقش الشغل هيمشي ذي ما انت عاوز و احسن كمان
امجد: ودا اللي انا واثق منه ، عاوزين تكلفة المواد تكون كويسة ومن احسن الخامات دا بناء مش لعب عيال
عز: تمام كل حاجة هتكون جاهزة
امجد بصلهم: طب تقدروا تخلصوا كل دا الليلادي ويكون جاهز بكرة
عز ومليكة بصوا لبعض لان دي مسؤولية كبيرة والوقت قليل
مليكة اتكلمت: طب ممكن بعد بكرة لان ذي ما انت عارف ان النهاردة قراية فاتحة رامي
امجد كان متوقع ردها بس من جواه حاسس بحاجة غريبة من ردها: يعني انتي هتروحي معاه يامليكة
مليكة بكل بساطة: طبعا يا امجد دا ابن عمي وكلنا هنكون معاه
عز: انا مش عارف بس انت زعلان منه ليه
امجد: مش وقته ياعز وعالعموم انا هستلم منكم دراسة الجدوى بعد بكرة لاني هعمل اجتماع بكرة ودا من اهم الاجتماعات وهنتكلم عن كل حاجة تخص المشروع دا
عز ومليكة: تمام هنكون جاهزين
رامي: وابقوا بلغوا رامي بإجتماع بكرة
عز ومليكة خرجوا من عند امجد ومليكة خلصت شغلها ونزلت عشان 'هنا' مستنياها تحت وهيتغدوا سوا
ورامي راح مع عز ذي ما اتفق معاه
بعد شوية وصلوا عند محل فضة شيك جدا ودخلوا
رامي وعز واقفين يختاروا ورامي اختار خاتم جميل جدا عبارة عن شكل تاج ولون الفضة فيه جميل اوي وعز اخده ودفع تمنه وركبوا العربية وفي طريقهم للبيت ووصلوا وقبل ماعز ينزل من العربية كان نسي يقوله على اجتماع بكرة
عز خبط على دماغه: اه صح نسيت اقولك ان في اجتماع بكرة عشان المشروع الجديد وامجد طلب اننا نبلغك
امجد: انا كنت ناوي اروح انا وبسمة نجيب الشبكة بكرة
عز: عادي يا سيدي كدا كدا الاجتماع بعد الضهر خلصوا الاجتماع وراحوا اشتروا الشبكة
رامي: ماشي ياعز
عز؛ واخيرا هفرح بيك واشوفك عريس
رامي ابتسم: عقبالك يا حبيبي
عز: قريب اووي
رامي ابتسم نص ابتسامة: انت ناوي بجد؟
عز: ايوا خلاص ان شاء الله يومين كدا بس
رامي: وياترى نعرفها
عز: ايوا طبعا
رامي فاهم انه يقصد مليكة بكلامه واكتفى بإبتسامة وسكت وتليفونه رن وكانت بسكة وعز سابه وطلع
رامي كلم بسمة وخلص المكالمة وطلع
(بسمة ماراحتش الشغل النهاردة عشان قراية الفاتحة)
_____________
*نيجي لبيت بسمة*
بسمة قاعدة ومعاها نيرة (اتنين عقارب قاعدين مع بعض)
نيرة: انا لحد دلوقتي مش مصدقة ان رامي هيخطبك
بسمة: كانت بالنسبالي مفاجأة وربنا يوم ماجه قالي في الشركة
نيرة: احكيلي بالتفصيل
*فلاش باك*
رامي خرج من مكتب مليكة ودخل مكتب بسمة
بسمة: خير يارامي كنت عاوزني في ايه
رامي: كل خير ان شاء الله ، بصي انا عاوز اتقدملك
بسمة اتفاجأت اوي: انتي بتقول ايه؟!
رامي: ذي ماسمعتي وانتي عارفة اني مابعدظ كلامي تاني
بسمة ولسة الفاجأة مسيطرة عليها: انا بس مستغربة طلبك دا
رامي: ليه؟
بسمة: عشان كلامك معايا اخر مرة
رامي: بصي يابسمة سيبك من كل الكلام دا انا عاوز اعرف موافقة ولا لا
بسمة بدون تفكير: موافقة يارامي
رامي: تمام ان شاء الله بكرة انا واهلي هنكون عندكم
بسمة بفرحة واضحة اوي: تشرفوا
*عودة من الفلاش باك*
نيرة: بس ايه غير رأيه كدا مش هو كان رافض قربك منه وانتي قولتي انك حاسة انه بيحب مليكة بنت عمه
بسمة: بصي سيبك من دا كله خلينا نفرح بقى
_________________
في المساء في بيت رامي الكل قاعد جاهز عشان يروحوا لبسمة ، رامي في اوضته وواقف ادام المراية بيكلم صورته اللي في المرايا كأنها شخص تاني: معقول يارامي هتكون لواحدة تانية غير حبك
هو: ماهي خلاص بتحب عز
صورته في المرايا: انت اللي خبيت حبك عنها حتى لو انت عرفت اللي عرفته
هو: دا مش مبرر انا خلاص اخدت قراري
رامي خلص لبس وخرج وكان لابس بدلة كحلي وقميص ابيض ومصفف شعره بطريقة حلوة جدا ووسامته باينة اوي
رامي للكل: يالا انا جاهز
الكل نزل وركبوا العربيات واتحركوا وفي نص الطريق رامي نزل اشترى تورتة شيك جدا وعلبة شوكلاه غالية وركب تاني العربية وبعد شوية كلهم وصلوا بيت بسمة
ام بسمة(ست طيبة على عكس بنتها وعمرها ٥٠ سنة)
ليلى(ام بسمة): شرفتونا ياجماعة والله
محمد: الشرف لينا احنا
اشرف ساكت ومش راضي عاللي ابنه بيعملوا ، ورامي عارف دا وقاعد يبص لأبوه
بسمة دخلت بالعصير وقدمته ليهم وقعدت جمب مامتها وكانت لابسة فستان شبه عريان مبين مفاتنها وشعرها سيباه نازل عادي والميك اب ذيادة
الوقت عدا وقرأوا الفاتحة واتفقوا ان رامي هياخد بسمة ويروحوا بكرة يجيبوا الشبكة
شوية ووصلوا البيت والكل طلع ماعدا اشرف ورامي
اشرف: عاوز اتكلم معاك ، تعالى ندخل نتكلم في الجنينة
رامي دخل وقعد على كرسي وابوه قعد قصاده
اشرف: عاوز اقولك اني مش راضي على الخطوبة دي ، ولا دي البنت اللي تناسبك خالص
رامي بيسمع كلام ابوه وساكت
اشرف: عاوز اقولك كلمتين وانت حر انت بتختار ام لولادك وزوجة تشيل اسمك وتصونك في غيابك قبل وجودك
رامي: حضرتك شفت حاجة عليها
اشرف: مش لازم اشوف المهم شكلها باين عليه ايه ، بص يارامي انت عاقل ومسئول عن قراراتك وانت اللي هتتحمل نتائج افعالك ، انا طالع انام تصبح على خير
رامي قاعد يفكر في كلام ابوه بس للأسف بالنسباله عادي وهينفذ بقية قراره ، شوية وطلع اوضته ونام
______________
تاني يوم الصبح رامي صحي ولبس وطلع شقة عمه محمد والكل كان فوق وقاعدين يفطروا ، رامي قعد يفطر معاهم
رامي لعز: احنا هنفوت الأول على بسمة ناخدها معانا الشركة
عز كان هيرد بس مليكة سبقته: بص يارامي روح انت معاها وانا وعز هنروح سوا
عز: ايوا عشان مانكونش عزول
رامي سمع كلامهم وسكت وخلص فطار ونزل ، وعز ومليكة نزلوا اخدوا تاكسي وفي الطريق
عز: بكرة ان شاء الله هروح استلم العربية من التوكيل
مليكة: اخيرا ، عز والنبي حاول تقنعهم اني اسوق عربيتي تاني
عز: احنا خايفين عليكي يا حبيبتي
مليكة: عشان خاطري ياعز
عز: حاضر هحاول
شوية ووصلوا الشركة وامجد طلبهم عشان الاجتماع
*في اوضة الاجتماع*
امجد شرح ليهم طبيعة المشروع الجديد والكل متحمس واللي كانوا موجودين في الاجتماع ؛ مليكة وعز ورامي وبسمة ومهندسين الشركة
امجد بيوجع كلامه لعز ومليكة: بكرة دراسة الجدوى تكون على مكتبي
مليكة بجدية: حاضر يافندم
عز: ان شاء الله هنكون جاهزين ، احنا محتاجين تختار المهندس اللي هيعمل التصاميم
امجد: ودا اللي انا عاوزه منكم
رامي: انا برشح المهندس كمال لان ماشاء الله كل تصاميم المشاريع اللي دخلنا فيها قبل كدا كانت بكفائة عالية
مليكة بتأكد رأي رامي: وانا مع رأي رامي
بسمة: رغم اني ماكملتش شهرين في الشركة بس سمعت عن تصاميمه وكانت كويسة
المهندس كمال طبعا كان موجود معاهم: ان شاء الله اكون عند حسن ظن حضراتكم
امجد: تمام طب هتحتاج اد ايه ؟
كمال: اسبوع على الاقل
امجد: تمام وان امكن يبقى اقل من اسبوع كمان
كمال: ان شاء الله
الاجتماع خلص والكل خرج ورامي فضل قاعد وامجد عامل نفسه مش شايفه
رامي: مش ناوي تقولي مبروك
امجد بصله: اقولك مبروك على ايه ؟ على خبتك !
رامي: يا امجد انا مابحبش المعاملة دي منك وانت عارف ان انت الوحيد اللي مقدرش على زعلك
امجد: ماتقلقش انا لا زعلان منك ولا من غيرك
رامي: يا امجد انت الوحيد اللي المفروض تكون حاسس بيا
امجد اتعصب: و عشان انا الوحيد اللي المفروض احس بيك اكون موافق عاللي انت بتعملوا دا انت كدا بتهرب ياصاحبي
رامي سكت وماردش عليه
امجد من جواه زعلان انه قاسي عليه بس بيحاول يفوقه: انت حر يارامي بس خليك فاكر اني قولتلك اني جوايا حاجة بتقولي انك هتندم
رامي بصله وخرج من الكتب واخد بسمة وخرجوا
عدا يومين ورامي لبس بسمة الشبكة كانوا عاملين حفلة عائلية ، تاني يوم اشرف كلم اسامه عزمه هو وامجد عالفطار عشان هو عارف انهم زعلانين من رامي فبيحاول يصالحهم ورامي اتفاجأ بيهم وخصوصا بأمجد وفرح اوي
مليكة وعز دخلوا ورحبوا بأمجد واسامة ولأول مرة مليكة تقعد جمب عز عالسفرة
عز: بما ان الكل متجمع عاوز اقولكم على حاجة ، وبص لمليكة اللي قاعدة جمبه وهي ضحكت
صالح: خير يا حبيبي
عز: انا قررت افرحكم بيا واخطب
رامي: قلبه وجعه اوي💔 (اتقل دا المفاجأة لسة جايا)
صالح بفرحة: بجد طب هي مين احنا نعرفها يعني
عز؛ طبعا تعرفوها واوي كمان
اشرف: ياترى مين ؟
عز: انا قررت اخطب 'هنا' صاحبة مليكة
رامي كان بيشرب واول ماسمع كلام عز شرق جامد وقعد يكح ومش مستوعب اللي اتقال: انت قولت مين ياعز😮
الحلقة ١٢
#رواية_اختارتك_أنت❤
#بقلم_ايمان_جمال❤
رامي ولسة الصدمة مأثرة عليه: انت قولت مين ياعز
عز: قولت 'هنا' في ايه يا ابني
رامي مش مستوعب خالص وقاعد يكلم روحه من غير صوت: طب ازاي دا انا سامعه وهو بيقول بحبك يامليكة
الكل كان فرحان بقرار عز وعلى عكس قرار رامي
رباب: الف مبروك ياحبيبي 'هنا' بنت كويسة وكلنا بنحبها
اشرف: عرفت تختار صح ياعز ربنا يسعدكم
رامي لسة في صدمته وامجد مركز معاه وعنيهم اتقابلوا مع بعض وكأن امجد بيقوله مش قولتلك حاسس انك هتندم واسامة نظراته كلها لوم وعتاب ، رامي قام من مكتنه
اشرف: رايح فين يا رامي
رامي: انا خلصت فطار هنزل استناهم في الجنينة
اشرف: مش هتبارك لإبن عمك
رامي بص لعز: مبروك ياعز ربنا يسعدكم
عز: الله يبارك فيك ياحبيبي
رامي سابهم ونزل تحت وعز ومليكة طلعوا البلكونة
عز: مش عارف اقولك ايه يامليكة بجد لولا ماكنت حكيتلك ماكنتش هاخد القرار دا
*فلاش باك*
عز لما كان قاعد مع مليكة عند خالها
عز: انا بحبك يامليكة
مليكة: وانا كمان ياعز بحبك
طبعا رامي سمع الجملتين دول ومشي وعز فضل يرقص من الفرحة لحد ما مليكة كملت كلامها
مليكة: انا بحبك ياعز بس ذي اخويا
عز بعد ما كان فرحان انصدم: انتي قولتي ايه
مليكة: اقعد واسمعني كويس ياعز
عز قعد وبيسمعها بإهتمام
مليكة: انت ابن عمي واخويا وبجد بحبك اوي بس حب اخت لأخوها انا بحب فيك حنانك وخوفك عليا وبحب هزارك معايا
عز: بس انا بحبك
مليكة: ممكن كلامك نصه صح والنص التاني غلط
عز: ازاي
مليكة: يعني ياعز انت عشان معرفتش بنات في حياتك يمكن اختارتني انا ، يعني البنات اللي في حياتك انا ومريم وامل وبس عمرك مافكرت في اي بنت وعشان انا اتربيت معاك وقريبين من بعض دا اللي خلاك تحس انك بتحبني
عز ساكت وبيسمع كل كلمة بإهتمام
مليكة: انا هخليك تفتح عينك على حاجة ، في بنت بتحبك وانت تعرفها كويس وبجد لو انت فكرت فيها كزوجة صدقني هتبقى اسعد انسان
عز بيبصلها وكأنه بيقولها عاوزة تقولي مين
مليكة: 'هنا' ياعز
عز: تصدقيني لو قولتلك اني كنت حاسس بحبها دا
مليكة: طب كويس اوي صدقني ياعز فكر فيها شوية هتلاقي الحب اللي جواك دا مجرب حب اخ لأخته او حب صديق لصديقه المقرب
عز بيفكر في كلامها وشايفه صح: اوعدك اني افكر في كدا واني ادي لنفسي فرصة و ل'هنا' كمان
مليكة: انا بجد فرحانة انك فهمت كلامي وقدرته
عز: عشان احتمال كبير انتي تبقي صح في كلامك
*عودة من الفلاش باك*
مليكة: انا ماعملتش حاجة ياعز غير اني وضحتلك حاجة انت ماكنتش شايفها صح
عز: تسلميلي ياقلبي
*تحت في الجنينة*
رامي قاعد وحاسس انه بيحلم ومش مستوعب اللي سمعه معقول عز مش بيحب مليكة ولا هي بتحبه بالطريقة اللي هو كان فاهمها دماغه هتقف من كتر التفكير ومش عارف يعمل ايه ورفع ايده اليمين وبص للدبلة اللي كانت نتيجة اختياره
-مش قولتلك جوايا حاجة بتقولي انك هتندم يا رامي
وطبعا دا كان صوت امجد جاي عليه هو واسامة ، رامي بص لأمجد بس المرادي نظرته كلها حزن ووجع وندم ودمعة نزلت من عيونه ومسحها بسرعة
اسامة: انت اتسرعت اوي يارامي
رامي مش عاوز يسمع اي كلام ولا تأنيب لأنه مش مستحمل اي حاجة وسابهم واخد عربيته ومشي
اسامة: احنا هنسيبه لوحده كدا
امجد: ماتقلقش انا عارف رايح فين تعالى معايا نروح وراه
اسامة: حاضر بس بلاش نقوله كلام يضايقه اكتر هو مش مستحمل
امجد: انا كنت هقولك كدا الوقتي عشان انا زعلان عليه ودايما كنت بنصحه انه يقولها بس هنعمل ايه كل حاجة بتحصل خير لينا
اسامة وامجد ركبوا العربية وراحوا ورا رامي
عز ومليكة نزلوا وراحوا الشركة وامجد كلم عز وقاله انه يتصرف في الشغل النهاردة ، وبسمة استغربت من تأخير رامي واستغربت اكتر لما عرفت من عز انه مش جاي (بس هي لسة ماتعرفش ايه السبب) ولسة باقي عالسفر يومين ، والمفروض ان مليكة ورامي وعز هيسافروا ورامي عاوز بسمة معاهم
________________
رامي فضل بارة البيت من الصبح لحد بالليل وامجد كلم اشرف وطمنه ان رامي معاهم
رامي واسامة وامجد قاعدين في جنينة الڤيلا عند امجد ورامي كأنه مش معاهم خالص وسرحان
امجد قطع تفكيره: ممكن تهدى وتفكر بهدوء
رامي بصله وسكت
اسامة: كل حاجة ليها حل يارامي
رامي بوجع: انتوا عارفين انا عملت ايه انا خطبت بنت وانا عارف انها بتحبني يعني انا الوقتي لو سبتها هكسرها يعني هخليها تحس بالوجع اللي حسيته واكتر كمان
اسامة: معتش عارف اقولك ايه
رامي: قول اني غلطان ، قول اني استاهل اللي بيحصل فيا دا ، قول اني اتسرعت ، قول اني ماسمعتش كلامكم ، وبص لأمجد: ايه مش عاوز تقولي انك قولتلي اني هندم
امجد زعلان على صاحبه: كفاية يارامي بلاش الكلام دا وكل حاجة هتتحل
رامي بوجع: انا استحالة اوجع حد ولا أخلي حد يعيش اللي عيشته دا احساس وحش اوي
اسامة: يعني انت ناوي تعمل ايه
رامي: هكمل في اللي اختارته وهتحمل نتيجة اختياري
امجد: انت كدا هتوجع قلبك لتاني مرة
رامي: صدقني معتش يفرق معايا
امجد سكت ومش عارف يعمل ايه لرامي ومش هيعرف ياخد اي قرار غير برأي رامي واسامة بيبصله وكأنه بيقوله هنعمل ايه وامجد اصلا مش عارف ، رامي قضى الليلة معاهم ودخل اوضة من اوض الڤيلا واسامة نام هو كمان وامجد نزل الجنينة ومسك فونه ورن على حد ومن كلامه واضح انها بنت
امجد: ايه صحيتك
المتصل:........................
امجد: كنت قاعد مع رامي واسامة وماكنتش عارف ارد
المتصل:......................
امجد: زعلان عشانه اوي ، ومش عارف اعمل ايه او اساعده ازاي
المتصل:..........................
امجد: ماشي يالا نامي بقى وانا هطلع انام لأن اليوم كان طويل اوي
المتصل:...............
امجد: وانتي من اهلي يارب
_________
*تاني يوم الصبح*
رامي صحي وخرج وامجد واسامة لسة نايمين ، مليكة وعز فضلوا سهرانين عشان دراسة الجدوى اللي المفروض تتسلم النهارده وكل واحد فيهم طلع شقته وجهزوا للشغل ، ورامي رجع البيت ومش بيدي اي فرصة لحد يتكلم معاه ودخل اخد دش وغير هدمه ونزل اخد عربيته ومشي
الفطار كان في شقة محمد والكل متجمع واشرف قاعد زعلان
صالح: مالك يا اشرف
اشرف: مافيش ياحبيبي قلقان بس شوية على رامي
عز: هو تليفونه لسة مقفول باردوا
اشرف: اهو هو قافلة بس هو مشي من شوية
عز: هو جه !؟
اشرف: اه غير هدومه ومشي
عز: طب ماطلعش يفطر معانا ليه ومش استناني انا ومليكة
اشرف: مش عارف دا حتى معرفناش نتكلم معاه
مليكة: معلش ياعمي يمكن فيه حاجة مزعلاه بس
اشرف بصلها وابتسم بحب ومن جواه عاوز يقولها انتي راحة ابني وسعادته بس للأسف مش عارف يعمل كدا من غير رأي رامي وعاوز يشوف ابنه هيتصرف ازاي
عز: احنا هنمشي احنا ياعمي وماتقلقش عليه هو هيبقى كويس
اشرف: يارب
صالح: هنروح امتى ل'هنا' ياعز
عز: بعد مانرجع من السفر ان شاء الله ، وانا هقابلها بعد الشغل وهروم لباباها عشان يبقى عارف بشكل مبدأي
صالح: ماشي ياحبيبي
معتز كان واقف في البلكونة وشاف عربية عز وصلت وبعلو صوته: ياعز عربيتك جات تحت
عز بفرحة: واخيرا
صالح: انا كلمت التوكيل امبارح وعرفت انها خلصت بس انت كنت مشغول معرفتش اقولك وطلبت منهم ان حد من عندهم يجيبها لحد البيت
عز باس ايد ابوه: انت احسن اب في الدنيا
صالح: يابكاش
عز ضحك: عيب عليك ياحاج دا انت حبيبي والله
رباب جات من وراه: وانا ايه بقى ياسي عز
عز ضحك: انت حياتي يا امي ، وحضنها
صالح بغضب مصطنع: ابعد ايدك عنها احسنلك
عز ضحك اوي: انت بتغيير عليها مني ياحاج دا انا ذي ابنك باردوا
مليكة بضحك: اه ياعمي دا ذي ابنك باردوا
عز: لا بقولكم ايه انا فرحان برجوع عربيتي ومش فايق لتحفيلكم دا
مليكة: خلاص يازيزو ويلا ننزل وعقبال ما اركب عربيتي تاني ، وبصت لأبوها
محمد فاهمها: يالا يالوكا مع ابن عمك
مليكة بزعل: طيب
عز ومليكة نزلوا وركبوا العربية وعز فرحان بيها اوي ومليكة فرحانة عشانه بس من جواها زعلان عشان عاوزة تسوق عربيتها تاني وعز ملاحظ دا
عز: هتسوقيها تاني يالوكا ان شاء الله
مليكة: يارب ياعز اهو انت خلاص هتخطب 'هنا' ورامي خطب بسمة وكل واحد فيكم هينشغل مع خطيبته
عز: عيب عليكي يالوكا انا انشغل عنك باردوا
مليكة ابتسمت: ربنا يخليك ليا يارب
عز: ويخليكي ليا يا أحسن أخت
فضلوا يتكلموا لحد ماوصلوا الشركة وكل واحد دخل مكتبه ، مليكة خرجت من مكتبها وراحت لرامي مكتبه وخبطت ودخلت ، رامي كان مشغول في الملف اللي على المكتب ولما مليكة دخلت بصلها ورجع بص للملف
مليكة قعدت: كنت عاوزة اتكلم معاك شوية
رامي بصلها وساب الملف: اتكلمي
مليكة: عمي قلقان عليك ومش عارف مالك
رامي: ماتقلقيش انا هتكلم معاه لما ارجع
مليكة: ماشي المهم في احتماع بعد شوية عشان نقدم الملفات عشان المشروع الجديد قبل مانسافر وانت عارف ان معتش غير يوم
رامي: ايوا امجد قالي على الاجتماع وهحضره ان شاء الله ، انتي ظبطي اللي طلبه منك؟
مليكة: ايوا انا وعز سهرنا على الملف وظبطنا كل حاجة عشان تكاليف المشروع
رامي: تمام
مليكة: كنت عاوزة اخد رأيك فيه
رامي: كفاية رأي عز
مليكة زعلت من رده: صح كفاية رأي عز ، عن اذنك
رامي اضايق من رده عليها بس كالعادة بيتعامل بقسوة (رغم انه عرف ان عز هيخطب 'هنا')
_____________
*في شركة اسامة*
قاعد على مكتبه وتليفونه رن ورد بسرعة
اسامة: ها طمنيني عملتي ايه في الامتحان
امل: الحمدلله كان ساهل والله
اسامة بفرحة: عقبال الباقي وتخلصي ياقلبي
امل: يارب يا حبيبي
اسامة: انتي قولتي ايه
امل اتسكفت: انا ماقولتش حاجة وبعدين انا هقفل عشان مريم جايا عليا اهي وهترخم
اسامة ضحك: بتهربي ماشي بس هسمعها منك قريب بس لما اشوفك
امل قفلت من خجلها ومريم جات عليها
مريم: ايه خدودك حمرا ليه
امل: بس يارخمة
مريم ضحكت اوي عليها
_____________
* في شركة امجد*
امجد قاعد في مكتبه وطلب مليكة وعز وشوية ودخلوا
امجد: ادخلوا عاوزكم
عز ومليكة قعدوا
امجد: كنت عاوز اتكلم عن سفركم
مليكة: هو اتأجل ولا ايه
عز: ياريت عشان اعمل خطوبتي
امجد ضحك: مستعجل علي ايه يا ابني اصبر خلينا في الأهم ، الوقتي انت ورامي ومليكة وبسمة هتسافروا سوا
مليكة بضيق: هي باردوا هتسافر معانا
امجد: للأسف رامي عاوزها تسافر معاكم وانتوا عارفين رامي مش بيرجع في كلامه
عز: مش مهم عادي
مليكة: ممكن يا امجد تخلي تعاملي معاها بسيط انا مش عاوزة مشاكل
امجد: هو حصل حاجة ولا ايه
مليكة: لا ، بس انا بصراحة مش بحبها ولا بحب اتعامل معاها بحس انها رخمة
عز ضحك وامجد مقدرش يمسك نفسه من الضحك و مليكة ضحكت معاهم ورامي دخل
رامي: طب ضحكوني معاكم
امجد: لا الموضوع مش هيعجبك اصلا
رامي سكت وبص لمليكة اللي هي اصلا بتبعد بنظراتها عنه
امجد: اقعد عشان نتكلم عن السفر
رامي قعد: طلاما هتتكلم عن سفرنا بقى اطلب من السكرتيرة تبلغ بسمة وتيجي عشان هي باردوا مسافرة
مليكة: امجد انا هروح اراجع الورق عشان فاضل عالإجتماع نص ساعة وعز اهو قاعد هيبقى يحكيلي اللي هيحصل
امجد: ماشي يامليكة اتفضلي
مليكة خرجت ورامي مستغرب اوي من خروجها وامجد ملاحظ دا
امجد: اصلها مش بتحب بسمة
رامي: ماشي
عز: انت مش زعلان ان بنت عمك مش بتحبها
رامي: ما انا عارف من زمان انها مش بتحبها حتى انت وامجد واسامة كمان بس عادي يعني المهم انا
امجد: انت ايه ياصاحبي
رامي: اني مرتاح
امجد: ياريت ، المهم دا مش موضوعنا دلوقتي ، انتوا هتسافروا بعد بكرة وعماد مرتب كل حاجة
عز: المهم نكون سوا وخلاص وياريت اوضتي تكون جمب لوكا عشان ابقى مرتاح بدل ما اكون جمب رامي او بسمة
رامي: لاحظ انك بتتكلم عليا وعلى خطيبتي يا ابن عمي
عز: انت عارفني بقول على لساني وبصراحة
رامي سكت وامجد هيموت ويفهم دماغ صاحبه
امجد: انتوا ناويين تسافروا بإيه
عز ورامي: بالعربية
امجد: ماشاء الله في صوت واحد
عز ضحك: بص يا ميجو رغم اننا سافرنا مذا مرة بالطيارة بس لوكا بتخاف في كل مرة نركب فيها طيارة فالعربية احسن
رامي: انا ما اختارتش العربية عشانها انا ماليش مزاج اسافر بالطيارة
عز اضايق: نفسي اعرف انت بتعاملها بالقسوة دي ليه هي عملتلك ايه ، عارف يا رامي كنت دايما بشوف في عيونك نظرات انك مضايق ان انا وهي قريبين من بعض كان نفسي اسألك ساعتها واقولك طلاما زعلان انها قريبة مني وانت لا ليه بتعاملها كدا
رامي سكت لانه معندوش رد
عز وقف وبص لأمجد: انا في مكتبي لحد مايجي وقت الاجتماع
امجد سمحله وعز خرج
امجد بص لرامي: ماردتش على عز ليه
رامي: لو في حاجة مهمة عاوزني فيها قولها لو مافيش هروح مكتبي
امجد: روح مكتبك يارامي احسن
رامي رجع مكتبه ومضايق اوي
_______________
*في شركة اخرى وخصوصا في مكتب المدير*
المدير: انت لازم تشوفلي حل مش كل مناقصة ندخل بيها شركة امجد الزيني تاخدها مننا
محامي الشركة: حضرتك عارف انهم بيقدموا شروط احسن واكفئ
المدير بغضب: المناقصة الجايا لازم نكسبها انت فاهم وبعدين العين اللي حاطينها في شركتهم ذي قلتها
المحامي: حضرتك معرفتناش نوصل لإيه هناك احنا الاخبار بتوصلنا بس امجد بيجهز ملفات المناقصة مع مجموعة موثوق هت بيثق فيها اوي
المدير: يبقى لازم ملف دراسة الجدوى يكون عندنا ونقدمه احنا وبكدا نكسب المناقصة ، انت عارف ان شركتنا من ضمن الشركات اللي داخلة في الكمباوند الجديد ولازم دراسة جدوى كويسة اوي
المحامي: يبقى لازم الملف دا يبقى في ايدينا
المدير: بالظبط كدا كلم العين بتاعتنا اللي هناك ولازم يكون الملف هنا قبل سفرهم
المحامي: حاضر