الحلقة العشرون والحادية والعشرون
#رواية_اختارتك_انت❤
#بقلم_ايمان_جمال❤
_________________
عماد متفاجئ بقرار رامي ومليكة الكوباية وقعت من ايدها ورامي مستغرب اوووووي وبيبصلها جامد وعماد هنا اتأكد ان مليكة بتحب رامي
عماد: انت بتقول ايه ؟
رامي بيبص لمليكة وبيكلم عماد: اللي سمعتوه انا عاوز اعرف هنرجع القاهرة امتى عشان كتب كتابي انا وبسمة
مليكة غصب عنها دمعة من عنيها نزلت ومسحتها بسرعة بس للأسف رامي شافها وقلبه بيدق اوووي وعماد بيكلمه وهو اصلا مش سامعه ولا معاه
عماد بغضب: انت يا ابني بكلمك
رامي بصله: عاوز ايه ياعماد
عماد: انا بقولك ليه الاستعجال دا مابراحتكم
بسمة: وايه يعني ياعماد فيها ايه
عماد بصلها وسابهم ودخل مكتبه
عز بيسمعهم ومصدوم اوووي من ردة فعل مليكة ، ومليكة سابتهم وطلعت اوضتها وعز طلع وراها ، وبسمة راحة تقرب على رامي بس هو وقفها
رامي: مكانك ماتقربيش عليا مفهوم
بسمة وقفت مكانها وما اتحركتش خالص وهو سابها وخرج
***********
في اوضة مليكة عز طلع وراها وهي مخنوقة وبتعيط اووووي
عز: في ايه يامليكة مالك ايه اللي حصل عشان تعيطي كدا
مليكة بصتله بدموع: بحبه ياعز بحبه
عز بصدمة: مين ؟ قصدك رامي؟!
مليكة: اه
عز: ليه ماقولتيش ليا
مليكة بوجع: هيفيد بإيه ياعز كنت يعني هتوقفه عن قراره
عز لأول مرة يشوفها بالضعف دا: يعني كنتي مخبية حبك جواكي طب ليه يامليكة ليه
مليكة بعصبية: كنت عاوزني اعمل ايه اروح اقوله انا بحبك وتعالى والنبي اتجوزني وسيبها
عز: اهدي بس عشان خاطري انا اول مرة اشوفك كدا
مليكة: انا حاسة اني تايهة بجد مش هستحمل كل دا بجد 💔
عز مش عارف يعملها ايه ولا عارف يقول ايه
مليكة: وحياتي ياعز اوعي تقوله حاجة
عز: حاضر اوعدك مش هقوله والله حاجة ماتقلقيش
مليكة: شكرا
***************
في مكتب عماد بيكلم امجد
امجد: انت بتقول ايه يا عماد يعني ايه رامي هيكتب كتابه على بسمة
عماد: ذي ماسمعت كدا
امجد: اقفل وانا هشوف المجنون دا بيهبب ايه
امجد قفل مع عماد ورن على رامي ، ورامي كأنه مستني مكالمة امجد
امجد: وحياة امك لو اللي قولت عليه دا حصل انت حر يارامي
رامي بوجع: كنت مستني مكالمتك يا امجد
امجد صعب عليه حال امجد: ليه كدا ياصاحبي تعمل كدا وانت اصلا مش بتحبها
رامي: تخيل بقى لو قولتلك اني لأول مرة النهاردة احس ان مليكة بتحبني
امجد: بجد ؟ طب ازاي
رامي حكاله على تصرفها اول ماسمعت قراره
امجد: راجع نفسك تاني ياصاحبي وبلاش والله هتندم
رامي: هندم اكتر من كدا ايه بس يا صاحبي
امجد: دا جواز يارامي مش لعب عيال معقول هتسيب مليكة لحد تاني غيرك فوق لنفسك وشوف انت بتعمل ايه يا رامي
رامي: عاوزني اعمل ايه يا امجد انا خلاص اخدت قراري
امجد بشك: هو انت مش عرفت انها سرقت الملف ليه صابر عليها كدا وكمان هتكتب كتابك عليها
رامي ماردش عليه
امجد: اسمع يا رامي انا قولتلك اول ما قررت تخطبها انك هتندم ودا اللي حصل فعلا وانا بقولك اهو هتندم لو القرار دا حصل يا صاحبي بس المرادي الندم هيكون اصعب يارامي سلام
امجد قفل المكالمة ورامي بيفكر في كلامه
**************
في اوضة بسمة
قاعدة بتكلم نيرة
بسمة بفرحة: خلاص يانيرة هنكتب الكتاب لما نرجع
نيرة: ادعيلي بقى عشان انا السبب
بسمة: دا انتي حبيبتي والله ، انا كنت خايفة اووووي وقتها بس عدت الحمدلله
نيرة: بس احنا الوقتي لازم نلاقي حل عشان الوقتي رامي فاكر انه فعلا حصل حاجة بينكم ولو كتبتوا الكتاب وخلاص عمل الفرح واتجوزتوا هيعرف انك كدبتي عليه
بسمة: انا بجد مش عارفة هعمل ايه وقتها
نيرة: اقولك ياستي عادي قوليله انك عشان بتحبيه عملتي كدا عشان مش يروح لحد غيرك وكنتي خايفة تخسريه وبس
بسمة: تفتكري هيصدق ويسامحني
نيرة: اذا كان صدق ان حصل علاقة يبقى مش هيصدق اللي هتقوليه
بسمة: عندك حق
(ربنا يكفينا شر الناس اللي ذي دي يارب ، احنا الوقتي عرفنا انها خدعته بالكلام وبس)
**************
في القاهرة في مكتب امجد ، اسامة دخل
امجد: تعالى شوف الكارثة
اسامة: في ايه تاني
امجد حكاله عن قرار رامي
اسامة: نعم هو لسة ساكت عليها حتى بعد سرقتها للملف ازاي يعني
امجد: دا اللي هوصله وهيندم انه فكر بس يعمل كدا
اسامة: لازم نكون جمبه يا امجد ، رامي بقى عامل ذي العيل الصغير بقراراته دي
امجد: اكيييد وانا بفكر ارجعهم من الغردقة في خلال يومين وعماد يكمل هو الشغل
اسامة: ياريت يا صاحبي عشان يكون في وسطنا ونتكلم معاها
امجد: حاضر ، دلوقتي بقى رامي حاسس ان مليكة بتحبه
اسامة: بتهزر ؟!
امجد: لا والله بتكلم بجد ، وحكاله عن الموقف
اسامة: بجد معقول دا
امجد: ياريت والله ساعتها هتتحل
اسامة: ياريت والله ويعرف يتصرف بقى قبل فوات الآوان
امجد: ان شاء الله خير
******************
مليكة قاعدة في اوضتها وعز سابها لوحدها شوية وخرجت البلكونة وفي الوقت دا رامي كان وصل ودخل اوضته وطبعا خرج البلكونة ، هي خرجت البلكونة وما اخدتش بالها منه نهائي وفضلت واقفة سرحانة ودموعها على وشها ، وهو هيموت ويفهمها
رامي: ممكن اعرف الجميل زعلان من ايه
مليكة اتفاجأت بيه وكانت لسة داخلة وتسيبه وهو مسك ايدها: استني يامليكة ماتهربيش من الكلام معايا
مليكة بصتله اووي: عارف ايه اللي مزعلني انت عارف ليه عشان المفروض لما تكون واخد حد قدوة ليك وتشوف منه حاجة بتزعل منه ويقل من نظرك
رامي: قصدك ايه
مليكة: ابقى اسأل بسمة وهي تقولك ، وباردوا هتمشي وتسيبه وهو ماسك ايدها
رامي: مليكة قولتلك ماتهربيش ، وبعدين انا مش هقدر اشرحلك حاجة
مليكة: وايه الجديد يا ابن عمي ما انت طول الوقت مش بتشرحلي سبب تصرفاتك فعادي
رامي: يعني دا بس اللي زعلك؟
مليكة: ايوا يا رامي وياريت تبقى واخد بالك ان مش دي الاخلاق اللي انت اتربيت عليها
وخلاص مشيت من ادامه بس وقفت من جملته
رامي: يعني مازعلتيش عشان انتي بتحبيني؟
مليكة ماتحركتش من مكانها وردت عليه من غير ماتبصله: تبقى غلطان لو كنت فاكر اني بحبك يا ابن عمي ، ودخلت وسابته
رامي مصدوم من ردها عليه وبيقول في نفسه معقول ، طب ليه تصرفها اللي حصل اول ماسمعت قراري ، عقله رد عليه: انت بتوهم نفسك بأوهام غلط واتحمل نتيجة اختيارك وشوف انت حطيت نفسك في ايه
اليوم عدا من غير اي تغييرات نهائي وكل واحد فيهم في اوضته
************
تاني يوم الصبح الكل صحي من النوم ، وعز ورامي نزلوا تحت وعماد قاعد
عز ورامي: صباح الخير
عماد ماردش عليهم
بسمة نزلت هي كمان
رامي: مش بترد ليه يا عماد
عماد: مليكة رجعت القاهرة يارامي
رامي: نعم انت بتقول ايه
عماد: مش انا اللي بقول دا الجواب اللي هي سيباه اتفضل اقرأ
رامي مسك الجواب (انا سافرت القاهرة مش قادرة اكمل خلصوا انتوا شغلكم وتعالوا براحتكم)
عز: ليه عملت كدا؟
عماد بص لرامي: رامي اللي يرد على سؤالك
بسمة اضايقت: يعني ايه رامي اللي يرد عليه هو كان يعرف انها هتسافر ؟
عماد: انا مابتكلمش معاكي انا بتكلم مع ولاد عمها
بسمة اضايقت اكتر: بس انا خطيبة ابن عمها وكمان صاحبتها
عماد بسخرية: صاحبتها منين تقدري تقوليلي مليكة بتحبك ولا لا ، اقولك انا مليكة بتكرهك اوووووووي....وبص لرامي: اسف يا رامي عاللي هقوله....وبص لبسمة: انتي لو اتحطيتي جمب مليكة مافيش مقارنة نهائي كأنك بالظبط بتقارني مابين الادب والوقاحة
بسمة بصت لرامي اللي واقف من غير رد فعل: انت سامع كلامه وساكت
رامي بصلها ومشي خرج من الڤيلا
***************
في المساء
رامي قرر انهم يرجعوا القاهرة وكفاية كدا
وفعلا اخدوا العربية واتحركوا
في القاهرة
في نص الليل مليكة كانت وصلت خلاص ودخلت اوضتها عشان تنام والكل عرف انها جات وفرحوا بيها جدا بس ابوها حاسس ان حصل حاجة عشان نزلت من غير عز ورامي
تاني يوم الصبح
الكل متجمع عند محمد وفرحانين بوجود مليكة وهي استأذنت عشان تروح شغلها
وقبل ما تنزل كلمت هنا وطلبت منها انها تيجي تاخدها
في الشركة امجد قاعد على مكتبه والسكرتيرة قالتله ان مليكة موجودة في الشركة وهو اتفاجأ لان عماد مكانش لسة قاله ، امجد راح ليها مكتبها وخبط ودخل
امجد: حمدلله عالسلامة
مليكة: الله يسلمك
امجد: امال هما فين ؟
مليكة: لسة في الغردقة
امجد: وانتي رجعتي لوحدك ليه ايه اللي حصل ؟
مليكة: مافيش اي حاجة حصلت بس هما هناك يقدروا يكملوا الشغل من غيري
امجد: لو كان فعلا الشغل هيمشي من غيرك ما كنتش قولتلك تروحي معاهم
مليكة: امجد لو سمحت انا والله جايا من هناك مخنوقة ومش قادرة اتكلم ولما هما يرجعوا تبقى تتكلم معاهم
امجد: ماشي يامليكة
امجد خرج وراح مكتبه وكلم عماد وطلب منه انه ينزل القاهرة النهاردة ومايتأخرش عليه وطلب منه طلب
**************
في اخر اليوم عز ورامي رجعوا عالبيت بعد ماوصلوا بسمة
الكل فرح بيهم اوي ، محمد طلب رامي يتكلم معاه وخرجوا البلكونة
محمد: ايه اللي حصل يارامي في الغردقة؟
رامي: ماحصلش حاجة ياعمي
محمد: لا حصل والدليل رجوع مليكة لوحدها وهي استحالة هترجع من غيركم كدا غير لما يكون في حاجة حصلت وحاجة كبيرة كمان
رامي: والله ياعمي مافيش اي حاجة حصلت احنا صحينا الصبح لاقينا عماد بيقولنا انها مشيت وسايبة جواب انها رجعت القاهرة احنا نكمل الشغل وانا قررت اننا نرجع وراها
محمد: تمام يا رامي واتمنى ان فعلا مايكونش في حاجة حصلت
رامي: ماتقلقش ياعمي
محمد: ماشي يالا ندخلهم
محمد ورامي دخلوا جوا واسامة وامجد وصلوا وهنا كانت جات مع مليكة
رامي للكل: انا عاوز اكتب كتابي انا وبسمة كمان يومين
اشوف: وليه التسرع دا ؟
رامي: عادي يعني يا بابا انا هبقى مرتاح كدا
اشرف: تمام
امجد: بكرة في اجتماع مهم اوووي ولازم تحضروه انتوا الاربعة
مليكة: اجتماع عشان ايه؟
امجد: لما تيجوا بكرة هتعرفوا وكمان نتيجة المناقصة هنعرفها بكرة واسامة كمان هيكون حاضر معانا
عز: تمام ، بقولك ايه صحيح ماشفتش ياسين
امجد: ياسين سافر الساحل مع اصحابه غيروا رأيهم على آخر لحظة ومعرفش يجي الغردقة
عز: ماشي
اسامة: بعد اذنك ياعمي ناخد البنات ينقوا شبكتهم عشان خلاص كلها اسبوع
اشرف وصالح: ماشي ياحبيبي
*****************
خرجوا كلهم وجابوا الشبكة وكل واحد رجع بيته ، تاني يوم الصبح عز اخد مليكة معاه في عربيته وراحوا الشركة ورامي ركب في عربيته لوحده وراح الشركة
وصلوا كلهم وبسمة كمان وصلت واسامة باردوا ، وامجد اجتمع بيهم والمفاجأة ان عماد كان موجود
عز: انت جيت امتى ياعمدة
عماد: امبارح يا حبيبي بس قولت ارتاح شوية
رامي: حمدلله عالسلامة
مليكة لأمجد: خير يا امجد ليه جمعتنا كلنا
امجد: ثواني ونعرف نتيجة المناقصة وبعد كدا اقولكم انا جمعتكم ليه
بسمة متوقعة انهم هيخسروا بس لا كسبوا فعلا ، تليفون امجد رن وهو رد وخلص المكالمة
امجد بيبصلهم وخصوصا لبسمة: الحمدلله كسبنا المناقصة
كلهم فرحوا اوووووووي وبسمة اتفاجأت اوووووي وباين عليها اوي كمان
امجد: ايه يابسمة انتي ماكنتيش متوقعة نكسب ولا ايه
بسمة بتوتر: لا ابدا
رامي: كدا واطمنا عالمناقصة ايه بقى الموضوع المهم التاني
امجد: دلوقتي يارامي انا من فترة كدا عملت تعديلات في ڤيلا الغردقة وعملت في اوضتي انا وعماد كاميرات سرية عشان لو في حاجة حصلت نقدر نعرفها بسهولة ، وبما انك يارامي كنت في اوضتي فالكاميرا كانت موجودة
رامي: مش فاهم تقصد ايه
امجد بص لبسمة: في فيديو هنشغله دلوقتي وبعدها هتفهم .... وبص لعماد: شغل ياعماد
عماد شغل الفيديو وكان وقت دخول بسمة اوضة رامي ، بسمة شافت الفيديو وبدأت تتوتر وهاين عليها تهرب من ادامهم
رامي: وقف ياعماد لو سمحت
عماد: ليه يا رامي
رامي: كدا
عز مش فاهم حاجة ومليكة تقريبا فاهمة
عز: في ايه انا مش فاهم حاجة
اسامة بص لبسمة: ها يابسمة نتكلم احنا ولا تتكلمي انتي
بسمة مش قادرة تتكلم بسبب توترها وفضلت ساكتة
رامي: ماتفهموني في ايه
امجد: بما ان بسمة سكتت ومش ردت فأنا يارامي هفهمك وهفهمكم كلكم الوقتي ايه اللي حصل
الحلقة ٢١
#رواية_اختارتك_انت❤
#بقلم_ايمان_جمال❤
___________________
رامي: في ايه يا امجد عاوز تقول ايه
امجد: دلوقتي يارامي الكاميرا صورت دخول بسمة عندك الاوضة وانا والله ما كنت هفتح الكاميرا ولا هشوف ايه حصل معاك ولا اتجسس عليك بس لما عماد اخويا يكلمني ويحكيلي عن حاجة حصلت وهو سمعها مقدرتش اسكت
رامي: سمع ايه؟
عماد اتكلم: انا هقولك يارامي ، لما انا كنت بسألك مالك كنت فعلا متأكد انك مضايق وقولت اكيد من بسمة او شديته سوا فقررت اتكلم معاها فبعد ما انت خرجت وسبتني ساعتها دخلت ليها عشان اسألها
*فلاش باك*
عماد دخل عشان يسأل بسمة عن اللي مضايق رامي ، دخل سأل عليها عز قاله انها طلعت اوضتها فقرر يطلع يتكلم معاها فوق ، وصل عند اوضتها وكان لسة هيخبط على الباب بس اللي سمعه خلاه مايخبطش
بسمة كانت بتكلم نيرة صاحبتها فيديو وصوتهم هما الاتنين باين
بسمة: خلاص يانيرة خطتنا مشيت ذي ماخطتنا بالظبط
نيرة: بجد طب كويس والله دلوقتي نشوف رامي ناوي يعمل ايه
بسمة: كنت خايفة مايصدقنيش ويكشف كدبي عليه اني خدعته وكدبت عليه وان ماحصلش حاجة مابنا
نيرة: طلاما عملتي اللي قولتلك عليه خلاص
كل دا وعماد واقف يسمعهم
*عودة من الفلاش باك*
رامي مصدوم وبيبصلها وهي صدمتها اكبر منه
رامي بيقرب عليها وضربها بالقلم: انتي تخدعيني انتي وتكدبي عليا ليه انا عملتلك ايه عشان تعملي كدا
بسمة دموعها نزلت: عشان بحبك عملت كدا خفت اخسرك
رامي بغضب: وباللي انتي عملتيه فاكرة انك كدا هتكسبيني
بسمة سكتت وبصت لمليكة بغضب ، ومليكة فرحت اوووووي ان رامي معملش مع بسمة حاجة ، وبسمة لاحظت فرحتها واتكلمت بغضب
بسمة قربت اوي على مليكة: انتي فرحانة مش كدا؟
مليكة: وانا هفرح ليه ؟
بسمة كانت لسة هتتكلم بس رامي ضربها تاني بالقلم: صوتك مايعلاش هنا ولا عليها فاهمة ، وخلاص كل اللي بيني وبينك انتهى كنت لازم انهي كل حاجة بيني وبينك من يوم ما عرفت بسرقتك للملف
بسمة انصدمت اكتر لما عرفت انهم كانوا عارفين
رامي: ايه كنتي فاكرة انك هتضحكي علينا ولا ايه لا خدي بالك احنا فريق ماحدش يقدر عليه لا انتي ولا عشرة ذيك فهمتي واخرجي بارة الشركة دي حالا وبارة حياتي ، وقرب عليها اوووي واتكلم بصوت عالي: وحياة ابويا لو قابلتك حتى صدفة هموتك فاهمة
بسمة خرجت جري
أمجد لرامي: مش قولتلك كنت هتندم
رامي بصله وسابهم وخرج من الشركة كلها
****************
*في المساء*
الكل متجمع وخلاص هيتفقوا علي خطوبة امل ومريم وعز وهنا وهتبقى بعد اسبوع وبعد شهر هيبقى الفرح والكل فرحان ، ورامي قاعد معاهم بجسمه لكن عقله وتفكيره مش معاهم خالص ، ومليكة قاعدة مع البنات فرحانة بيهم
اشرف بيبص لإبنه: مش ناوي تفرحنا بيك بقى معاهم واحلى حاجة انك نهيت خطوبتك من بسمة
رامي بصله اوي: بابا ابوس ايدك انا مش ناقص ،، وسابهم ونزل الجنينة واسامة وامجد نزلوا وراه
اسامة: مالك يا رامي مش خلاص خلصت من بسمة مليكة ادامك اهي بقي
رامي: لا يا اسامة انا مش هاخد خطوة مع مليكة غير لما اخليها تحبني واعوضها عن اي حاجة وحشة حصلت مني
-ومين قالك ان مليكة مش بتحبك يارامي
وطبعا دا كان صوت عز ، رامي بصله اوووي وقلبه بيدق
رامي: قصدك ايه ياعز
عز: قصدي انك غبي عشان هي بتحبك من زماااان اوووي وانت طول الوقت بتتعامل بقسوة وبس
رامي: انت بتقول ايه مليكة بتحبني؟
عز ضربه في كتفه: اه ياغبي بتحبك وطلبت مني مش اقولك بس لا مش هسكت عشان انت غبي يارامي غبيييييي
رامي: ماتحترم نفسك
عز: ياشيخ اتنيل عاملي فيها بتعرف تحب وانت متهبب
رامي: لاحظ انك بتغلط فيا وانا ساكتلك
امجد واسامة ماسكين نفسهم من الضحك
عز: ايوا هغلط براحتي
رامي ضحك غصب عنه: طب جرب يالا عشان اخليك تحضر خطوبتك بالجبس
عز بخوف مصطنع: ايه مين ، لا دا انتي حبيبي يارامي والله
اسامة وامجد ضحكوا اووووي عليهم
رامي لعز: ماتعرفش مليكة انك حكتلي حاجة
عز: حاضر يا رامي لحد ما تشوف هتهبب ايه
*****************
*بعد يومين -يوم الخطوبة-*
عملوا خطوبة عائلية في جنينة البيت واللي نظمها رامي والشباب على أكمل وجه ، البنات كل بنت بتجهز بفستانها والميك اب الخاص بيها ، ومليكة هي كمان بتجهز
-امل- فستانها لونه كاشمير ضيق من على الصدر ونازل بوسع وفيه لمعة جميييلة واكتافه تل شفافة ذادتها جمال اكتر و اكتر وسايبة شعرها نازل ولابسة تاج وكانت شبه الاميرات
-مريم- فستانها لونه موڤ فاتح وضيق من على الصدر ونازل بوسع (نفس استايل فستان امل بس الاختلاف في اللون) رفعت شعرها وسابت بعض الخصلات نازلة على رقبتها ولابسة تاج جميييل
-هنا- فستانها (نفس الاستايل) بس لونه وردي (روز) وكان جميييل اوووي عليها وسابت شعرها نازل وعليه تاج ورد جميل
-نيجي بقى لمليكة- لبست دريس اسود وفيه نجوم دهبية جمييييييل وسابت شعرها نازل على ضهرها وبعض الميك اب البسيط كانت برنسيس👑
*نيجي لأوضة الشباب*
-امجد- لابس بدلة لونها كحلي بقميص ابيض ولابس ببيونة لونها موڤ متناسقة مع لون فستان مريم
-اسامة- لابس بدلة لونها كحلي بقميص ابيض ولابس ببيونة لونها كاشمير متناسقة مع لون فستان امل
-عز- لابس بدلة لونها كحلي بقميص ابيض ولابس ببيونة لونها وردي متناسقة مع لون فستان هنا
-نيجي للبطل بتاعنا بقى- لبس بليزر كحلي بقميص ابيض وبنطلون كحلي وصفف شعره بحرفية (رامي كان ذي الأمير اللي هياخد اميرته الليلادي)
****************
كل واحد اخد خطيبته ونزلوا تحت ، ورامي اول ماشاف مليكة هيتجنن عليها ويقولها ادام الكل بحبك بس ماسك نفسه ، مليكة بتخطف نظرات من بعيد لبعيد ، الليلادي خطوبة وكتب كتاب
المأذون كتب الكتاب وكل واحد حضن خطيبته اللي خلاص باقت مراته شرعا وقانونا وقاموا يرقصوا رقصة رومانسية على اغنية اليسا (سمعني نبضك)
- امل واسامة-
اسامة: خلاص بقيتي حلالي
امل بكسوف: ايوا
اسامة شالها ولف بيها
-مريم وامجد-
امجد: انا اسعد انسان في الدنيا الليلادي
مريم بخجل: وانا كمان
امجد باس ايديها: ربنا يخليكي ليا يارب
-عز وهنا-
عز: انا بحبك اوي
هنا: وانا بحبك اكتر
عز مسك المايك وقال بأعلى صوت: بحبببببببببببببببك
الكل سقف
رامي واقف عينه على مليكة ، وهي واقفة عادل ابن خالها جه جمبها وطلب يرقص معاها وهي وافقت ورامي اضايق اوووووي
امجد لاحظ الموقف فأتحرك بمريم جمب عز واسامة: رامي عنيه بطلع غضب ربنا يستر و الليلادي تعدي على خير
عز بخوف: ربنا يستر
اسامة: انا مش متفائل (بصوت رامز جلال في فيلم الباشا تلميذ😂😂)
الحمدلله الليلة عدت بسلام بس رامي كان على اخره
**************
تاني يوم الصبح الكل متجمع في بيت صالح وقاعدين عالفطار حتى امجد واسامة كانوا موجودين وهيخلصوا وينزلوا الشركة
سناء (ام مليكة): بقولكم ايه يا جماعة كنت عاوزة اخد رأيكم انا ومحمد
اشرف: خير يا ام مليكة
سناء: عادل ابن اخويا طالب ايد مليكة
رامي: نعم ؟
سناء استغربت: في ايه يارامي ؟
رامي: مين دا ان شاء الله اللي طالب ايدها لا طبعا مش موافقين
اشرف برخامة: وايه يعني يارامي عادل شاب كويس
رامي بيبصله اوي: لا بقولك ايه يا بابا بلاش رخامة عليا
كل دا ومليكة ساكتة
محمد: في ايه يا رامي احنا اصلا موافقين
رامي وقف: لا يعني لا
مليكة بهدوء: لا ليه ؟
رامي قرب عليها اوي والكل مستغرب في منهم اللي ماسك نفسه من الضحك وفي منهم فرحان وفي منهم متفاجأ
رامي: انتي بتاعتي انا انتي سامعة ، وادامهم كلهم اهو انا بطلبك من ابوكي
مليكة بهدوء عكس فرحتها اللي جواها: وانا مش موافقة يارامي
الحلقة الثانية والعشرون من هنا