★الحلقة السابعة★والثامنة
#رواية_اختارتك_انت❤
#بقلم_ايمان_جمال❤
رامي متفاجئ بمليكة وهي واقفة مصدومة
مليكة اخيرا اتكلمت: انتي نسيتي مفاتيحك
بسمة بدلع: اوبس تسلميلي يالوكا
بسمة أخدت مفاتيحها ومليكة طلعت بسرعة على شقتهم ورامي بيبص عليها وبسمة حست انها نجحت في انها ضايقت مليكة
بسمة: رامي انا اسفة
رامي اتعصب: اللي انتي عاملتيه دا مايتكررش تاني
بسمة اضايقت بس حاولت تبان عادي: حاضر انا اسفة مرة تانية ، تصبح على خير
بسمة مشت ورامي طلع بسرعة لشقة عمه وخبط ومعاذ اللي فتح ورامي دخل
معاذ: تعالى يارامي
رامي: فين مليكة
معاذ: في اوضتها
رامي: انا عاوزها
سناء خرجت على صوت رامي: رامي اذيك ياحبيبي واقف ليه اقعد
رامي: ممكن ياطنط تقولي لمليكة اني عاوزها
سناء: حاضر يا حبيبي
سناء دخلت وقالت لمليكة ان رامي بارة ورامي استناها في البلكونة وهي جاتله
رامي ساكت ومش عارف يقول ايه
مليكة: نعم ماما قالتلي انك عاوزني
رامي: عاوز افهمك اللي انتي شفتيه
مليكة: وانا مالي دي حاجة ماتخصنيش
رامي: بس انتي فهمتي غلط
مليكة اتعصبت: قولتلك وانا مالي دي حاجة ماتخصنيش عشان افهم غلط او صح
رامي: بس لو سمحتي اسمعيني انا اتفاجأت باللي هي عملته
مليكة: يارامي دي حاجة تخصك انت وبس ، بس اقولك على حاجة انا اول مرة اغيير
رامي قلبه دق: تغييري؟! من مين
مليكة: اغيير منها عليك انت
رامي فرح بس بان طبيعي: عليا انا منها !
مليكة: ايوا عشان انا بنت عمك اللي المفروض تتعامل معايا كويس لكن هي مجرد صديقة لينا مش اكتر ليه انا المعاملة دي وهي لا وانا اقربلك منها
رامي فرح بكلامها دا: والله العظيم غصب عني صدقيني
مليكة: ليه غصب عنك انا ما استحقش منك المعاملة دي
رامي زعلان على زعلها: طب حقك عليا سامحيني انا بجد غصب عني ومش هعرف افهمك حاجة اكتر من كدا
مليكة: ليه انا عاوزة افهم ليه بتعاملني كدا وليه القسوة دي كلها
رامي: مش هقدر اقولك حاجة بس هحاول على اد ما اقدر اتعامل كويس
مليكة بوجع: تحاول؟ لا يارامي انا مش هقدر استحمل المعاملة دي تاني ولو هتفضل معايا كدا يبقى مانتعاملش مع بعض احسن
رامي قرب منها ومسك وشها بإيده: صدقيني كل دا انا مش راضي عنه
مليكة استغربت من قربه واتكسفت: طب طالما مش راضي عن كدا ليه لازمتها المعاملة دي
رامي سكت ومش عارف يقولها ايه وهي مضايقة اوي: خلاص يارامي انا مش عاوزة افهم ولا اعرف حاجة ومانتعاملش مع بعض دا احسن لينا
رامي فجأة قرب منها اوي وباسها اوي كأنه بيقولها ارحميني ، وبعد عنها واتكلم: غصب عني انا اسف ، وسابها ومشي
مليكة واقفة مكانها ومستغربة اللي هو عمله ودخلت اوضتها
الاتنين فضلوا صاحيين لحد الصبح ، رامي صاحي ومستغرب انه عمل كدا وفي نفس الوقت فرحان ، ومليكة بتعيط وبس ومش عارفة دا معناته ايه بس كل مابتفكر في الحب بتبعد الفكرة دي ان تفكيرها خالص وقامت فتحت درج المكتب وطلعت صورة وفضلت تبصلها وتعيط وبس
رامي لقى نفسه بقى الصبح قام اتوضى وصلى ولبس عشان يروح الشغل وبيفكر ازاي هيشوف مليكة بعد اللي حصل امبارح ، عز صحي وجهز وطلع لمليكة بس عمه محمد قاله انها نايمة وتعبانة شوية ومش هتروح الشغل النهارده وبعد كدا نزل واتقابل في رامي عالسلم
رامي: صباح الخير ياعز
عز بزعله: صباح النور
رامي: مالك
عز: مليكة مش جايا الشغل النهاردة عمي بيقول تعبانة شوية
رامي قلق عليها وهو عارف ايه السبب: طب مقالش مالها
عز: لا كل اللي قاله انها تعبانة شوية مش اكتر
رامي: طب يالا نروح الشغل
عز ورامي خرجوا ووصلوا الشركة وكل واحد دخل مكتبه ، امجد قاعد في مكتبه وجاله اتصال وكانت مليكة
امجد: صباح الخير على الناس اللي مجاتش
مليكة: اسفة والله بي تعبانة شوية
امجد: ولا يهمك سلامتك مالك
مليكة: مافيش شوية ارهاق بس والنفسية وحشة
امجد: الف سلامة عليكي ربنا يريح بالك يارب
مليكة: يارب ، ممكن اطلب من حضرتك طلب
امجد بهزار: انتي رنة عشان تطلبي طلب مش عشان تعتذري على غيابك بقى
مليكة ضحكت: لا والله مش قصدي
امجد: اطلبي ياستي
مليكة: عاوزة اجازة مفتوحة
امجد استغرب: اجازة؟! وكمان مفتوحة! طب ليه
مليكة: مافيش بس حاسة اني محتاجة للأجازة دي
امجد بشك: في حاجة حصلت؟
مليكة: لا ابدا
امجد: انا موافق بس الاجازة اسبوع وبس
مليكة: حاضر واسفة اني هغيب عن الشغل الاسبوع دا بس انا مش هبقى مركزة في اي حاجة
امجد: ولا يهمك
مليكة: متشكرة اوي وكل شغلي حوله لعز
امجد: بالرغم من ان عز اصلا مش بيعرف يتصرف من غيرك بس مش مهم
مليكة: معلش بس والله انا فعلا مش كويسة
امجد: ولا يهمك والف سلامة عليكي
مليكة: الله يسلمك
امجد قفل مع مليكة وطلب من السكرتيرة تبلغ رامي انه عاوزه ، بعد شوية رامي خبط ودخل
رامي: خير يا امجد
امجد: اقعد بس كدا عاوزة اقولك على حاجة
رامي قعد قصاد امجد: والنبي لو حاجة تزعل بلاش عشان انا مخنوق
امجد بشك: في ايه مالك
رامي: فول بس في ايه وهحكيلك
امجد: مليكة مالها مجاتش الشغل ليه
رامي: قالت تعبانة شوية ومش هتعرف تيجي النهارده
امجد: اصلها لسة قافلة معايا الوقتي وطلبت مني حاجة كدا
رامي باهتمام: حاجة ايه؟!
امجد: طلبت مني اوافق ليها على اجازة مفتوحة بس انا قولتلها اسبوع بس عشان الشغل مهم الفترة دي
رامي بزعل: اجازة؟
امجد بشك: رامي ايه اللي حصل
رامي بإرتباك: مافيش هيكون ايه يعني
امجد قام من على كرسي المكتب وقعد قصاد وشه: انا بسألك ايه حصل يارمي وخصوصا انك بتقول مخنوق وكمان اضايقت لما عرفت انها طلبت اجازة في ايه حصل يارامي
رامي حكاله كل حاجة
امجد: انت مجنون يارامي انت رايح تفهمها اللي هي شافته ولا رايح تتهبب تبوسها وكمان هي اصلا ماتعرفش حاجة عن مشاعرك ليها
رامي: معرفش يا امجد انا اضايقت من بسمة لما عملت كدا و مليكة شافتنا كان كل همي ساعتها اني افهمها ان اللي حصل دا انا اتفاجأت بيه
امجد: انت لازم تعترف ليها بحبك يارامي
رامي: لا يا امجد مش هعترفلها بحاجة
امجد: انت عاجبك يعني تعبك دا واللي انت فيه
رامي اتعصب: عاوزني اعمل ايه عاوزني اروح اقولها انا بحبك ومعاملتي معاكي عشان عز بيحبك وانا بضحي بحب عمري عشانه اقولها اني فضلت خايف عشان فكرت انك بتحبيه ولا اقولها معلش هفضل قاسي وشديد معاكي انتي بالذات عشان عز ، يا امجد انت عارف يعني ايه تبقى واقف متكتف مش عارف تعمل حاجة ، انا مانع حبيبتي من حنيتي وكل حاجة حلوة عشان خاطر عز يا امجد انا بموت لما بفكر بس مجرد تفكير ان هيجي يوم وتكون مع حد غيري وآه والف آه لو باقت لعز هيبقوا ادامي يا امجد طول الوقت
امجد زعلان على حال صاحبه ولسة هيتكلم بس السكرتيرة خبطت ودخلت
امجد: في ايه
السكرتيرة: بسمة بارة وعاوزة حضرتك
امجد: طب خليها تستني شوية
رامي قام: لا يا امجد خليها تدخل وانا رايح مكتبي
امجد: لو عاوز تمشي بدري براحتك
رامي ابتسم بوجع: ماتقلقش ما انا طول الوقت كدا وبشتغل
رامي خرج وقابل بسمة وهو خارج بس ولا كأنها موجودة وهي اضايقت ودخلت لأمجد
امجد: خير يابسمة عاوزاني في ايه
بسمة: هو في حاجة ولا ايه رامي خارج مضايق ليه
امجد: لا مافيش المهم عاوزاني في ايه
بسمة: كان في كذا حاجة واقفة عليا وكنت راحة لرامي مكتبه بس عرفت انه هنا
امجد: اي حاجة تقف عليكي انا موجود وكل اللي هما بيعملوا كدا
بسمة اضايقت من رده بس حاولت تبان عادي: اسفة ، كان فيه حاجة واقفة عليا في الملف دا
امجد ساعدها وهي رجعت مكتبها وكانت عاوزة تروح لرامي بس قالت هتخلص الشغل اللي ادامها الاول
رامي دخل مكتبه ومقدرش يكمل الشغل ساب مكتبه واخد مفاتيح عربيته ومشي من الشركة ، وبعد وقت طويل رجع البيت وعز وامل ومريم كانوا قاعدين في الجنينة وشافهم ولسة طالع وسايبهم بس عز وقفه
عز: كدا تسبني من غير ماتقولي انك ماشي وبرن عليك تليفونك مقفول
رامي: معلش ياعز ، واستغرب انهم قاعدين من غير مليكة
امل حاسة بأخوها بس هو مايعرفش انها حاسة بحبه لمليكة
امل بزعل: احنا مضايقين اوي يارامي
رامي: ليه في ايه
مريم: مليكة سافرت
رامي انصدم: سافرت؟!
الحلقه الثامنه#اختارتك انت
#بقلم_ايمان_جمال❤
رامي انصدم:سافرت؟!
عز:راحت عند اخوالها
رامي زعل:وهتيجي امتى
مريم:معرفتش حد، عمو محمد راح يوصلها...(اخوال مليكه في بلد تانيه يعني بينهم وبين بيت مليكه ساعتين)
رامي:ماشي انا طالع فوق
رامي طلع شقتهم ودخل اوضته
*************
امل كانت قاعده مع عز ومريم وتلفونها رن وقامت ترد
امل:الو
المتصل:ازيك عامله اي
امل:الحمد لله وانت عامل اي
المتصل:الحمد لله، كنتي بتعملي اي
امل:ابدا كنت قاعده مع مريم وعز
المتصل:يابختهم
امل اتكسفت ومردتش
المتصل:اموت واشوفك وانتي مكسوفه كدا
امل همست:مجنون
المتصل:ها بتقولي اي
امل:لا ابدا بقول نفسي في واحد ليمون
المتصل ضحك:اه بحسب،المهم عايز اشوفك
امل متردده:بس انا مش عاوزه دا يحصل دلوقتي
المتصل:بصي يا امل انا مش عاوز دا زيك بس قبل ما اجي لاخوكي وابوكي اكون متأكد من الموافقه منك واتكلم معاكي
امل:حاضر نتقابل في النادي
المتصل:خلاص تمام نتقابل كمان ساعه
امل:خلاص ماشي
امل خلصت المكالمه ورجعت تقعد مع مريم وكان عز طلع فوق
مريم:ايه يامولا كنتي بتكلمي مين
امل:هقولك بعدين بس عوزاكي تيجي تختاري معايا لبس عشان هخرج كمان ساعه
مريم غمزتلها:رايح فين يا جميل
امل ضربتها في كتفها:يلا يارخمه وهحكيلك لما اجي
مريم:ماشي يلا
امل ومريم طلعو فوق
نيجي بقا لرامي قاعد في اوضته مخنوق ومضايق وعاوز يكلمها ويطمن عليها بس تلفونها مقفول...وجه وقت الغدا والكل كان متجمع في بيت صالح(ابو عز)
عز:كلمت عمي يا بابا شفته هيجي امتي
صالح:اه هو وصل مليكه وهيتغدي معاهم وهيجي...رامي هيموت ويطمن على حب عمره وفضل سرحان وماكلش وقام وسابهم ونزل الجنينه
امل لبست ونزلت وشافت رامي قاعد وسرحان
امل قربت عليه:مالك يارامي
رامي بصلها:مفيش انتي لابسه كدا وراحه على فين
امل:هتغدي مع اصحابي في النادي
رامي بشك:ومريم مش هتروح معاكي ليه مش هما اصحابها بردو
امل اترددت:ها..لا ملهاش مزاج
رامي:تمام
امل:طب انا ماشيه
امل مشيت ورامي باصص عليها وافتكر كلام المتصل اللي كلمه....فلااش بااااااااااك:رامي في اوضته بعد ماجه من الشغل وتليفون رن ورد
رامي:انت فين يا عم
المتصل:موجود يا حبيبي اهوو
رامي:عاوز اتكلم معاك شويه
المتصل:خير في اي
رامي نتقابل في النادي
المتصل:طب بمناسبه النادي بقى انا عاوز احكيلك على حاجه
رامي:احكي
المتصل:في بنت معجب بيها جدا وبحبها هي بنت كويسه ومحترمه وانا بصراحه كلمتها في التلفون مرتين مره اول ما عرفت رقمها وتاني مره لما طلبت منها نتقابل وهيا رفضت عشان مش عاوزه تعمل حاجه زي دي من غير علم أهلها بس انا اقنعتها عشان المقابله دي هي اللي هتأكدلي انها هتوافق ولا لا
رامي:طب كويس واخيرا هنفرح بيك
المتصل:ايوا يا سيدي اخيرا، بس في مشكله
رامي:اي هيا
المتصل:ان اخوها صاحبي
رامي:مين دا؟
المتصل:هقولك مين دا بس هتفتكر هيزعل مني لما يعرف اني كلمتها واني هقابلها
رامي:مش عارف بس انت انسان كويس وانك عاوز تتقدم مش بتلعب بيها وطلاما بتقول صاحبك يبقى اكيد عارفك كويس بس مين دا
المتصل:انت يارامي
رامي:تصدقني لو قولتلك اني حسيت من كلامك
المتصل:متزعلش مني ولا منها يارامي اتأكد بحبها ليا بس المقابله دي زي ما قولتلك عاوز اتأكد من مشاعرها اتجاهي
رامي:بص ياصاحبي انا لولا ماعارفك كويس وبثق فيك كنت اتصرفت معاك تصرف تاني وصدقني لو امل فعلا بتحبك انا موافق جداا
المتصل:بحد مش عارف اقولك ايه يا رامي بجد ريحتني انا محبتش اتقابل معاها من غير علمك انا اه كلمتها من غير ما اعرفك بس لازم تعرف قبل ما اقابلها
رامي:هتقابلوا امتي
المتصل:كمان ساعه في النادي
رامي:تمام يا صاحبي وربنا يسعدكم المهم وهي معاك خلي بالك منها
المتصل:في عنيا والله
رامي:ماشي يلا عشان تجهز سلام....العوده من الفلاش بااااك:
رامي ابتسم ان اخته بتحب وزعلان على نفسه ومخنوووق اووي وفضل قاعد لوحده فتره طويله وعمه محمد وصل وهوا اول ما شافه جري عليه
رامي:حمدلله على السلامه يا عمي
محمد:الله يسلمك يا حبيبي وباين عليه الزعل والحزن
رامي:مالك يا عمي
محمد قعد:مش عارف يارامي زعلان عشان مليكه
رامي اتخض:مالها مليكه
محمد:مش عارف نفسيتها وحشه اووي وقبل ما تمشي كانت بتعيط...رامي زعلان على حبيبته وساكت مش بيتكلم
محمد سأل رامي:متعرفش مالها يارامي يعني حاجه حصلت في الشغل أو أي حد مزعلها
رامي:لا ياعمي حضرتك عارف ان كلامنا مش كتير(رامي من جواه عاوز يقوله انا بحبها ياعمي وانا اللي زعلتها بس غصب عني) محمد:قلقان عليها اووي هي اه عند اخوالها وخالاتها ومطمن عليها هناك بس نفسيتها وحشه
رامي:هتبقى كويسه ياعمي ان شاء الله
محمد ورامي خلصو كلام ومحمد طلع يستريح من الطريق ورامي طلع ودخل الاوضه الخاصه اللي قصاد شقتهم وكالعاده واقف أدام الصور وبيكلمها:المره اللي فاتت وعدت نفسي اني مش هدخل هنا وانا مخنووق ويوم ما ادخل هنا تاني اكون معاها وانا بعترف ليها بس انا بجد مخنوق اووي ومضايق وحزين على بعدها عني ومش عارف اعمل اي وبدأ يدعي ربه:يارب انا بدعي كتيير اووي ومش ساكت عاوز حل انا حاسس اني تايه اووي رامي فضل علي حاله ده وقت طويل
************
في المساء:امل كانت رجعت البيت بس رامي مش فايق يتكلم معاها، بالنسبه لعز قاعد في اوضته وبيرن على مليكه وتلفونها مقفول فقرر انه هيرن على هنا يسألها يمكن تعرف ايه سبب سفرها، عز مسك فونه ورن على هناا بس رن مره وهي مردتش ورن كمان مره وردت
هنا:معلش ياعز كنت بعيده عن التلفون
عز:ولا يهمك عامله اي
هنا:الحمد لله وانت
عز:الحمدلله، كنت عاوز أسألك على مليكه
هنا زعلت انه رن عليها عشان مليكه:مالها
عز:أصلها اخدت اجازه اسبوع من الشغل وراحت عند اخوالها وبرن عليها و تلفونها مقفول فقولت يمكن تكوني عارفه حاجه او هي كلمتك
هنا اضايقت:وهي هتكلمني ازاي وهي قافله تلفونها زي ما انت بتقول
عز استغرب انها مضايقه بس مسألش:خلاص ماشي بكره اجازه وهروحلها
هنا:تمام وابقى خليها تكلمني
عز:حاضر
هنا:عاوز حاجه
عز:لا باي
هنا قفلت مع عز وهي مضايقه وغيرتها بتزيد يوم عن يوم
********
نيجي للنادي بسمه قاعده مع نيره وبسمه على آخرها عشان حست بحب رامي لمليكه
نيره:يابنتي اهدي كدا وفهمني في اي
بسمه:انا احبه السنين دي كلها وفي الاخر الاقيه بيحب حد تاني
نيره:هو كان صريح معاكي من الاول وقالك انه رافض الارتباط وانتي قولتي هتخاولي تاني بس انتي سافرتي
بسمه:انا اه سافرت بس كنت بعرف اخباره والأخبار اللي كانت بتوصلي انه مش بيحب حد ولا عمره قعد مع بنت بس ماكنتش اعرف انها بنت عمه
نيره:اهدي مش انتي بتقولي انها متعرفش انه بيحبها
بسمه:ايوا
نيره:يبقى اتحلت خلاص
بسمه:ازاي اروح اقولها مثلا؟
نيره:اه ومالو عشان بدل ما تكون بعيده عنه تبدأ تفكر فيه
بسمه:يوووه بقاا اخلصي وقولي عاوزه تقولي اي
نيره:بصي رامي علي حسب كلامك ان في حاجه منعاه انه يعترف ليها بحبه ودا اللي مخليه يتعامل معاها بقسوه وهي اصلا اللي واضح منها انها اصلاا مابتفكرش في الحب ولا بتحب حد
بسمه:ايوا دا فعلا بس دا عيفدنا بأيه يا فالحه
نيره:عاوزاكي لما تروحي الشغل بعد بكره تتأسفي لرامي على اللي حصل ولازم كلامك يقنعه انك فعلا زعلانه عشان اللي انتي عملتيه
بسمه:طب وبعد كدا
نيره:ساعتها بقا هيحس انك بتحاول تكوني كويسه وتنسى حبك
بسمه:ومين قالك اني عاوزاه يحس اني بحاول انساه
نيره:يابت اسمعي رامي من النوع التقيل يعني مش من الساهل انه اصلا يعترف بمشاعر جواه ولنا يحس ان مليكه بعيد عنه وانتي كمان بتحاولي تبعدي ساعتها هيفكر بالعقل ويختار اللي بيحبه
بسمه بتفكير:تصدقي عندك حق
نيره:ايوا طبعا عندي حق المطلوب بقا منك انك لما تروحي للشغل تتأسفيله
بسمه:طب وا اروحله بكره البيت بما انه اجازه
نيره:لا مش هينفع عشان انتي المفروض انك مش هضايقيه تاني فلو روحتي البيت مش هيحس بدا...بسمه ونيره فضلوا يتكلمو ويخططوا
******
تاني يوم الصبح وكان يوم الاجازه من الشغل ورامي صاحي بدري(هو اصلا مش عارف ينام من يوم كلامه مع مليكه) اما بالنسبه لعز هو كمان صاحي عشان ناوي يروح لمليكه
*******
نيجي بقا لمليكه هي كمان صاحيه وقاعده في الجنينه الخاصه ببيت خالها وشويه وعادل ابن خالها نزل يقعد معاها مليكه كانت قاعده على مرجيحة وعادل هزها وهو جاي من وراها وهيا كانت سرحانه:القمر سرحان في اي
مليكه ابتسمت:لا ابدا مفيش
عادل قعد جمبها:مالك يا مليكه باين عليكي الزعل كدا ليه فين مليكه اللي احنا متعودين عليها اللي مش بتبطل ضحك وهزار
ملبكه:انا لسه زي ما انا يا عدل بس انا كنت مخنوقه من ضغط الشغل
عادل:هحاول اصدقك
مليكه ضحكت:لا صدق يادولا
عادل ضحك:يااه من زمان مقولتليش دولا دي
مليكه:خلاص يا سيدي هقولها كتير مش هبطلها تاني
عادل ضحك وفضل بصصلها(عادل ابن خال مليكه عمره ٢٩ سنه بيحبها من زمان وهي حاسه بدا من تصرفاته معاها وعلى الرغم من أن عز بيحبها جدا بس هي مش حاسه بحبه هي اه ممكن تكون شكه بس حبه ليها مش واصل قلبها لان مش ده الحب اللي هي عاوزاه وعادل حبه ليها هي حاسه بيه بس بردو قلبها رافض، متخرج من كليه هندسه)
مليكه شايفه نظرات عادل والحب اللي باين في عنيه بس حاولت تتكلم عشان هي مكسوفه من نظراته:اخبار شغلك اي
عادل:الحمد لله كله تمام مش كنتي تيجي تشتغلي معايا
مليكه ضحكت:انت هتعمل زي بابا واعمامي كل ما يشفوني انا وعز ورامي...وساعه ما قالت رامي سكتت وسرحت
عادل لاحظ سرحانها:ايه يا بنتي سكتي ليه كملي كلامك
مليكه: ها...حاضر
عادل: في ايه يا مليكه
مليكه: ابدا مفيش انا كنت عاوزه اقول ان بابا واعمامي دايما بيقولو لينا اننا نشتغل معاهم واهي الشركه شركتنا
عادل:طب ماهما عندهم حق
مليكه:بس احنا مش عاوزين دا احنا عاوزين نعتمد على نفسنا ونثبت نفسنا
عادل:ربنا يوفقكم يارب
فضلو يتكلمو وشويه وطلعوا يفطروا
********
عز لبس وجهز وخرج من اوضته، صالح شايفه لابس وخارج
صالح:اي يا عز رايح فين في يوم اجازتك
عز:هاخد رامي ونروح لمليكه عند اخوالها
صالح:ليه في حاجه ولا ايه
عز:لا ابدا يابابا بس هي قافله تليفونها واحنا عاوزين نطمن عليها
صالح:ماشي يا حبيبي
عز طلع لرامي وخبط على الباب وحنان فتحت
حنان:صباح الخير يا عز تعالا ادخل
عز دخل:صباح النور يا حنون رامي صحي ولا لسه
حنان:ادخل شوفو على ما احضر الفطار
عز دخل لرامي وكان صاحي
عز:كويس انك صاحي قوم البس يلاا
رامي:البس؟! ليه رايحين فين
عز:هنروح لمليكه
رامي اتعدل ووقف:ليه مالها
عز:مفيش ياعم انا عاوز اروح نحاول نفهم هي مالها ولأول مره تاخد اجازه من الشغل في وقت زي دا
رامي:روحلها انت
عز:متبقاش رخم بقاا
رامي:هي مش قافله تليفونها تبقى مش عاوزه حد يكلمها يبقى نروح ليه
عز:دي بنت عمنا يارامي ولازم نعرف اي ضايقها..رامي اصلا عايز يروحلها ويشوفها بس بيكابر بس بعد إلحاح كبير من عز وافق وغير هدومه ونزلو...رامي طول الطريق سرحان وبيفكر ياترى هيعمل اي اول ما يشوفها وعز قاعد سرحان وجواه قرار ناوي عليه وبعد وقت وصلوا
عز:يلا يارامي ندخل
رامي:لا انا هستناك هناا
عز:ازاي يابني هي لو عرفت ان انت معايا ومدخلتش هتزعل
رامي:وايه الجديد ما انا طول الوقت مزعلها
عز:خلاص انت حر على العموم انا مش هتأخر
عز نزل من العربيه ودخل، وفي الوقت دا مليكه كانت فطرت ونزلت تقعد في الجنينه واول ما شافت عز فرحت بس عينها كأنها بدور على حد تاني
ملبكه:عز!
عز:كدا يا مليكه
مليكه:ايه المفاجأه دي
عز:زعلان منك جداا
مليكه:ليه
عز:عشان مشيتي وسبتينا
مليكه:انا كنت زهقانه وحاسه بأرهاق قولت اغير جو وانت عارف ان بحب اجي هنا
عز:طب كنتي عرفيني
مليكه:معلش ياعز انا مكنتش عاوزه حد يغيرلي رأيي
عز:طب طمنيني عليكي
مليكه:انا كويسه والله وبعدين ياعم دا يوم اللي غيبته عنكم امال لما اقعد الاسبوع اللي ناويه عليه بقاا
عز:كتيير اووي يا مليكه اول مره تبعدي كدا عننا كنا الأول بنيجي هنا سوا
مليكه:معلش بقاا
عز:طب انا كنت عاوز اقولك حاجه
مليكه:خير يا عز في اي
عز:انا بحبك يا مليكه
مليكه:وانا كمان بحبك ياعز
في الوقت دا رامي كان زهق من القاعده في العربيه وقرر انه يدخل وسمع جمله مليكه(وانا كمان بحبك يا عز)