الحلقة الثانية والعشرون والأخيرة
#رواية_اختارتك_انت❤
#بقلم_ايمان_جمال❤
________________
مليكة: وانا مش موافقة يارامي
رامي: نعم ياختي ، وحياة امك ماهتكوني لحد غيري
سناء(ام مليكة): نعم يارامي؟
رامي: لا بقولك ايه ياسوسو اركني انتي على جمب الوقتي اما نشوف بنتك دي بتقول ايه
محمد: واد يا رامي انت اتجننت
رامي بيبص لمليكة واتكلم بحب: ايوا ياعمي اتجننت ، بس اتجننت بحب بنتك حبيتها من يوم ماتولدت ، حبيتها وهي بتكبر ادامي دقيقة بدقيقة يوم بيوم وسنة ورا سنة ، حبيتها لدرجة اني فكرت اضحي بحبي عشان خاطر افتكرت ان عز بيحبها وهي بتحبه وكنت بتعذب وانا كنت فاكر دا كنت حاسس ان روحي بتطلع
مليكة بتسمع الكلام وفرحانة انه بيحبها ذي ماهي بتحبه ويمكن اكتر كمان وزعلت اكتر انه افتكر انها حبت عز
محمد لرامي: وليه ماجيتش طلبتها مني
رامي بوجع: مكانش ينفع ياعمي اجي اقولك انا عاوز اتجوز بنتك وانا كنت فاكر انها بتحب غيري.......رامي غصب عنه دموعه نزلت وسابهم ونزل تحت
اشرف: امجد خد اسامة وعز وانزلوا وراه
الشباب نزلوا ، ومليكة دخلت اوضتها والبنات دخلت وراها
***********************
الشباب نزلوا عند رامي
امجد: رامي
رامي بصله وسكت
عز: هتفضل غبي يا ابن عمي ازاي تفكر في كدا ازاي
رامي: غصب عني ياعز كنت بتجنن وانا بلاقيها قريبة منك وانا لا
عز: عشان غبي
رامي: عز وربنا ماناقصك
اسامة: ممكن تهدى يا رامي وتحاول تتكلم مع مليكة
رامي: هتكلم معاها بس مش دلوقتي لاني لازم اهدى الاول
امجد: طب يالا يا اخويا انت وهو عندنا شغل
عز: ماشي انا هطلع اجيب مليكة واحصلكم
رامي واسامة وامجد مشوا ، وعز طلع جاب مليكة ونزلوا ركبوا وراحوا الشركة
امجد دخل مكتبه وطلب من السكرتيرة انها تبلغ رامي وعز ومليكة انه عاوزهم ، وشوية ودخلوا مكتب امجد
عز: خير يا امجد
امجد: اقعدوا بس كدا
رامي: اهو قعدنا في ايه
امجد: اصبر يارخم ، دلوقتي فرحي انا وعز واسامة بعد اقل من شهر وطبعا هناخد اجازة لشهر العسل
مليكة: وطبعا حضرتك مجمعنا عشان تخلينا احنا ناخد بالنا من الشركة مش كدا؟
امجد: شطورة 😂 وانتي ورامي اللي هتاخدوا بالكم من الشركة والشغل في غيابنا
عز: الله عليك يا امجد ايوا كدا عشان نعرف نقضي اجازتنا براحة
رامي: ايوا يا اخويا يابختك
عز: الله اكبر في عينك
رامي ضحك وامجد كمان
امجد: بص يا رامي انت دلوقتي انت ومليكة هتكونوا مكاني وانا واثق فيكم وعارف انكم ادها
رامي: تمام يا امجد ماتقلقش ياصاحبي
خلصوا كلام وكل واحد رجع مكتبه
**************
بعد تلات اسابيع كان فرح اسامة وعز وامجد في قاعة كبيرة وجميلة اووووي
البنات كانوا اميرات ، كل بنت فيهم متألقة بفستانها وفرحانة باليوم دا ، والشباب كانوا فعلا هما عنوان الوسامة والشياكة
عز اخد هنا من باباها ونزلوا قعدوا في مكانهم وامجد اخد مريم من باباها ونزلوا قعدوا في مكانهم
واسامة كمان اخد امل من باباها ونزلوا قعدوا في مكانهم
مليكة كالعادة جميييلة ولابسة فستان موڤ ولابسة تاج ورد ابيض علي شعرها وسايبة شعرها نازل ورامي متألق ببدلته (العرسان المنتظرين)
وبعد شوية العرايس رقصوا مع عرسانهم والكل كان فرحان بيهم
رامي بقى هيولع عشان مليكة واقفة مع عادل ابن خالها والمرادي بقى راح عندهم ، عادل واقف جمب مليكة بيكلمها وهي بتضحك بصوت
رامي: مش عيب يالوكا كدا سايبة خطيبك وواقفة هنا
عادل: خطيبها مين؟!
رامي: انا
مليكة: لا محصلش
عادل: في ايه انا مش فاهم حاجة وبعدين خطيبها مين لوكا مش مخطوبة
رامي اضايق ان عادل بيقولها لوكا وقرب عليه اوي: اسم لوكا دا ماتنطقوش تاني على لسانك انت سامع ...... واخد مليكة وخرجوا بارة القاعة
مليكة: سيب ايدي انت ماسكني كدا ليه
رامي: مليكة بلاش تتحديني عشان انتي الخسرانة
مليكة: عاوز ايه هو انا مش قولتلك مش موافقة هو الجواز بالعافية
رامي قرب منها اوي وبص في عيونها: يعني عاوزة تفهميني انك مش بتحبيني ذي ما انا بحبك
مليكة بتهرب من عنيه عشان مايكشفهاش: لا يا رامي مش بحبك
رامي مسك وشها وثبتها قاصده وعنيها في عنيه: بسألك لآخر مرة انتي بتحبيني؟ واوعدك لو لا انا هبعد عنك وعن هنا وعن الكل
مليكة قلبها دق بخوف انها تخسر رامي ومعدتش عارفة تقوله ايه هي كانت عاوزة تعاقبه انه فكر يضحي بحبه ليها عشان كان فاكر انها بتحب عز بس دلوقتي الاختيار صعب اوي ادامها بس ابوها انقذها جه وراهم وشافهم واقفين
محمد: مليكة
مليكة بسرعة جريت عند ابوها وكأنها ماصدقت ان حد انقذها
محمد: في ايه يا رامي انتوا واقفين هنا ليه وسايبين الحفلة بارة
رامي: ولا حاجة ياعمي انا كنت بسأل مليكة عن حاجة بس خلاص عرفت اجابتها بعد اذنك ياعمي ...... رامي سابهم ودخل الفرح
محمد: في ايه يالوكا
مليكة قلبها خايف من كلام رامي لأبوها يعني خلاص هو كدا هيبعد عنها وفهم سكوتها وهروبها من ادامه انها مش بتحبه
محمد: لوكا انا بكلمك انتي سرحانة في ايه
مليكة: ها..لا ابدا يا بابا انا كويسة
محمد: ماشي يا حبيبتي تعالي ندخل عشان بيسألوا عليكي وكل حاجة هتكون كويسة يا بنتي
مليكة بصتله اوي و مستغربة وهو رد عليها: ماتستغربيش كدا مافيش اب بيحس ببنته انا كنت متأكد انك بتحبي رامي وقولت استنى اشوف ايه هيحصل مابينكم وكنت مستني رامي يجي يكلمني
مليكة بدموع: ليه هو يفكر اني كنت بحب عز ليه كان عاوز يضحي بحبه ليا لمجرد تفكير غلط ذي دا
محمد: انا معاكي انه غلطان في كدا وكان لازم يتأكد بس رامي بيحبك يوم ماقال انه بيحبك ادامنا كان بيقولها من كل قلبه وفعلا حاسس بغلطه
مليكة سكتت ، محمد اتكلم تاني: يالا ندخل الوقتي وبعد كدا شوفي هتعملي ايه
مليكة دخلت مع ابوها ، رامي مش بيبصلها وواقف مشغول مع اصحابه ومليكة واقفة مع البنات وبيرقصوا سوا ومضايقة ان رامي مش بيبصلها وافتكرت انه فهم سكوتها غلط
الحفلة خلاص خلصت وكل عريس هياخد عروسته ويسافر شرم الشيخ عشان شهر العسل واسامة طلب من رامي انه يوصلوا المطار وامل طلبت من مليكة انها تكون معاها (طبعا دا تخطيط من البنات والشباب عشان يقربوا مليكة من رامي شوية ويتكلموا)
امجد هو اللي ساق العربية ومريم جمبه وعز كمان اخد هنا بعربيته وفي طريقهم للمطار
رامي وصلهم للمطار ورجع هو ومليكة ، وطول الطريق رامي مابصش ليها خالص ومركز في الطريق وهي عاوزة تتكلم بس مش عارفة هتقوله ايه وبعد شوية وصلوا البيت وهي نزلت من العربية وطلعت وهو طلع بس مادخلش شقتهم دخل الاوضة اللي فيها صور مليكة
رامي واقف ادام الصور: ليه بتخبي عني حبك ليه عاوزة توجعيني انا والله اكتفيت من الوجع و بجد محتاجلك
رامي لما دخل ماقفلش الباب كويس وابوه دخل الاوضة وسمعه بيتكلم مع الصور
اشرف: اللي بيحب بيحاول يكسب حبيبه تاني
رامي بص وراه واتفاجأ وابوه رد: لاقيت الباب مفتوح
رامي: ياريت يا بابا هي ماتعرفش حاجة عن الاوضة دي
اشرف: ولحد امتى يارامي
رامي: لحد ما اعرف هي ليه قالتلي مش موافقة وبتنكر حبها ليا
اشرف: ماشي يا حبيبي يالا تعالى عشان تنام عشان اليوم كان طويل علينا كلنا وتعبانين
**************
تاني يوم رغم ان رامي ومليكة كانوا تعبانين عشان سهروا في الفرح وكمان طريق المطار بس راحوا الشركة وراحوا سوا في العربية ، في الطريق مليكة حبت تتكلم
مليكة: رامي
رامي بصلها وسكت
مليكة: لو سمحت اقنع بابا عشان يخليني اسوق عربيتي تاني
رامي وقف العربية فجأة: ليه عشان تركبي لوحدك مش معايا مش كدا ؟
مليكة: لا يارامي انا بجد عاوزة اركب عربيتي ذي زمان
رامي: وانا مش موافق يامليكة مش عاوزك تركبيها تاني كفاية اللي حصل زمان
مليكة: يارامي دي كانت حادثة ذي اي حادثة
رامي: هي فعلا حادثة ذي اي حادثة مش لأي حد يامليكة
مليكة: طب عشان خاطري اسوقها
رامي: ولو قولتلك لا عشان خايف عليكي
مليكة كلام رامي بيجننها وبيأكدلها انه فعلا بيحبها اوي: طيب خلاص
رامي شغل العربية وكمل سواقة ووصلوا الشركة
السكرتيرة دخلت لرامي عشان يشوف بعض الملفات وكانت واقفة جمبه ومليكة خبطت ودخلت وشافت السكرتيرة واقفة جمب رامي ومش واقفة قصاده
مليكة بغيرة: انتي بتعملي ايه هنا
رامي بص لمليكة وسكت
السكرتيرة: كنت جايبة شوية ملفات عشان مستر رامي يشوفهم
مليكة: طب اتفضلي وهو لما يشوفهم هيبعتهم ليكي بارة
السكرتيرة خرجت ورامي لسة باصص لمليكة
رامي: مش مستاهلة يعني اللي انتي عملتيه دا
مليكة: هو انا يعني عملت ايه
رامي: انك طلعتي السكرتيرة بارة
مليكة بتوتر: عادي يعني فيها ايه
رامي وقف وقرب منها: لا مش عادي عشان دي مش ليها غير معنى واحدة بس
مليكة: اللي هو ايه
رامي: انك غيرانة عليا يامليكة
مليكة بتوتر: لا
رامي قرب اكتر: لا غيرانة وانا عاوز اجابة سؤالي حالا اللي سألتهولك يوم الفرح
مليكة بتهرب من عنيه: رامي انا هخرج
رامي ماسك ايديها: لا مش هسيبك تخرجي غير لما تجاوبيني
مليكة: انت ليه كنت عاوز تضحي بحبك ليا
رامي: قولتلك مش بحب انك تردي على سؤالي بسؤال تاني
مليكة: وانا عاوزة اعرف ليه تضحي وانا اجاوبك على سؤالك
رامي: مكانش ينفع اجي اقولك بحبك وانا حاسس انك بتحبي عز خفت اجي اقولك تصدميني وانا بجد كنت موجوع بما فيه الكفاية ، وسمعت عز بيكلم صاحبه انه بيحبك وسمعته بيقولك بحبك لما كنتي عند اخوالك ساعتها قولت لازم اعود نفسي على الوضع دا عشان لما تتجوزوا هتكونوا قصادي طول الوقت فقررت اخطب بسمة عشان هي كانت بتحبني بعدها اتفاجأت بقرار خطوبة عز من هنا ساعتها كنت هتجنن وعرفت منك انك اتكلمتي معاه وقولتي انك بتحبيه ذي اخوكي مش اكتر 'وهنا' بتحبه
مليكة: تقوم تضحي بحبك؟
رامي: كنتي عاوزاني اعمل ايه؟
مليكة: عارف يارامي 'هنا' كانت فاكرة اني انا بحب عز ولما قولتها لا عارف قولتلها ايه كمان قولتلها لو انا بحب عز ومتأكدة من حبه ليا مش هضحي بيه عشان خاطر اي حد مهما كان عشان ساعتها هو هيختارني انا مش هيختار حد تاني لكن انا مش بحبه غير كأخ وبس وهو ياخد اللي بتحبه
رامي: ما انا كنت فاكر انك بتحبيه و عشان كدا ماعرفتش اجي اقولك ساعتها قررت اضحي
مليكة: عشان غبي ليه ماعملتش ذي عز وجيت قولتلي
رامي: يعني لو كنت جيت قولتلك كنتي هتقوليلي انك بتحبيني
مليكة اتكسفت وبصت في الارض ورامي رفع وشها: جاوبيني يامليكة عشان خاطري انتي بتحبيني ؟
مليكة ماردتش عليه بس حضنته وهو ابتسم عشان هي خلاص جاوبته وهو حضنها هو كمان
رامي: بحبك اوي
*********************
بعد شهرين
امل ومريم وهنا حوامل🤰 والكل فرحان عشانهم ، قبل فرح مليكة ورامي بيوم ، رامي اخد مليكة الاوضة اللي فيها الصور بتاعتها
رامي مغمي عيونها: انا هوريكي حاجة دلوقتي فضلت مخبيها عن الكل حتى عنك
مليكة: ايه هي
رامي شال ايديه من على عنيها وهي اتفاجأت بصوارها اللي مليكة حيطان الاوضة
مليكة: ايه دا
رامي بحب: دي صورك من يوم ماتولدي لحد ماكبرتي
مليكة بفرحة: للدرجادي بتحبني اوي كدا
رامي رد على كلمه ببوسة رقيقة ، وامجد دخل الاوضة دي
امجد برخامة: مش تصبروا شوية كلها بس النهاردة وبكرة تكونوا سوا
مليكة اتكسفت ورامي بصله بغضب: انت ايه اللي جابك هنا
امجد: كنت عارف انك بتحب تدخل هنا بس ماكنتش اعرف ليه و دلوقتي عرفت ولما لاقيتك دخلت هنا انت مليكة حاولت افتح الباب
رامي: هو انا مصاحب حرامي يا ناس
امجد: بس يارخم انت
كل دا ومليكة مستخبية من كسوفها في حضن رامي
امجد: انا هطلع انا بقى عشان مليكة شكلها ما صدقت ومسكت في حضنك
مليكة بصتله بغضب ،، وامجد ضحك: خلاص خلاص انا طالع ، وسابهم وطلع
****************
تاني يوم في فندق جميل وقاعة اجمل مليكة لبست فستانها الابيض وعليه تاج ذي البرنسيسات والميك اب كان جميييل اووي عليها كالعادة ، رامي لبس بدلته وفرحان اوووووووي انه خلاص هياخد حب عمره وباقت حلاله ونزل يستناها تحت ومحمد ابوها طلع يجيبها
مليكة نزلت في ايدين ابوها ورامي مستنيها تحت
مليكة بيسلم على رامي: خلي بالك منها
رامي: دي في عيوني ياعمي
رامي باس دماغ مليكة ومسك ايدها: مبروك يا عمري
مليكة بخجل: الله يبارك فيك
قعدوا في مكانهم وقضوا الحفلة وفي نهاية الحفلة رامي اخد مليكة وطلعوا فوق والكل مستغرب عشان الحفلة لسة مش خلصت بس اصحاب رامي وزوجاتهم فاهمين
اشرف لأمجد: هما راحوا فين يا امجد
امجد: دلوقتي هنعرف
وبعد شوية رامي ومليكة نزلوا بس مش بلبس الفرح كانوا بلبس العمرة😍 رامي لابس لبس الإحرام(لبس العمرة) ومليكة لابسة عبايا بيضا وحجاب ابيض ومسحت الميك اب وكان شكلهم جميييل اوي باللبس دا وكل واحد فيهم ماسك شنطة السفر
رامي مسك المايك: طبعا حضراتكم مستغربين ان احنا سبناكم وطلعنا بس دلوقتي عرفتوا السبب ، انا ومليكة قررنا اننا نقضي اول يوم لينا سوا في اجمل مكان في العالم (مكة)
الكل فرحان بيهم ويسقفوا ليهم اوووي
رامي مسك ايدين مليكة وباسها: بحبك
مليكة: وانا كمان بحبك اوي عشان كدا *اختارتك انت*😍❤
تمت بحمد الله❤