#اختارتك_أنت❤
#بقلم_ايمان_جمال❤
★الحلقة التاسعة★والعاشرة
رامي سمع كلام مليكة وقلبه اتوجع اوي ورجع ركب عربيته
ولأول مرة دمعة تنزل من عيونه وساق عربيته ومشي وساب عز
نرجع لعز ومليكة
عز: انا فرحان اني حكيتلك اوي واتكلمت وبجد حاسس اني مرتاح
مليكة: يارب دايما ، وانا مستنية الخطوة اللي هتعملها
عز: حاضر وهنفرح يالوكا
مليكة بفرحة: اكيد
عز باس ايديها: انا همشي وهكلمك اول ما اوصل ، ممكن بقى تفتحي تليفونك
مليكة: اكيد هفتحه عشان اطمن عليك
عز خرج ونسي اصلا رامي وانه مستنيه بارة بس لما خرج ولقاه مشي مسك تليفونه وهيرن عليه بس شاف رسالة من رامي
(انا مشيت امجد عاوزني ورايحله معلش اركب تاكسي وروح)
عز ركب تاكسي وحاول كتير يرن على رامي بس تليفونه مقفول ورن على امجد
عز: ايوا يا امجد صباح الخير
امجد: صباح النور يارخم عاوز ايه في يوم الاجازة
عز ضحك: انا باردوا اللي رخم ماشي يا سيدي المهم قول لرامي يكلمتي
امجد بإستغراب: واقوله انا ليه!
عز: يا ابني مش هو عندك
امجد: عندي ازاي؟!
عز: هو بعتلي رسالة وقالي اروح انا البيت عشان انت كلمته وبرن عليه بس تليفونه مقفول
امجد بقلق: ليه انتوا كنتوا فين ياعز
عز: رحنا نشوف مليكة بس هو مادخلش معايا وفضل مستني في العربية وانا فضلت جوا حالي ساعة وعلى ماخرجت كان مشي
امجد: خلاص ياعز ماتقلقش انا عرفت هيبقى فين هروحله واطمنك عليه
عز: ماشي يا امجد
___________________________
امجد قفل مع عز وغير هدومه ونزل راح للمكان اللي اخد رامي فيه يوم الاجتماع (عشا عمل)
شوية ووصل وفعلا رامي كان هناك بس لأول مرة امجد يشوف دموع رامي ، ورامي اول ماشافه بيحاول يداري دموعه ودور وشه
امجد: كنت عارف انك هتبقى هنا بس ماكنتش اعرف انك في الحالة دي
رامي بصله والدموع على وشه: طلعت بتحبه يا امجد💔
امجد: وعرفت منين
رامي بصوت موجوع: سمعتها وهي بتقوله بحبك
امجد حط ايده على كتف رامي: طب اهدى واحكيلي
رامي حكاله كل حاحو سمعها ومع كل كلمة دموعه بتزيد ، امجد زعلان على حال صاحبه
امجد: عشان خاطري يا رامي اهدى
رامي اتعصب: عاوزني اهدى وانا حب عمري اللي فضلت احلم بيه طول حياتي بيروح لحد تاني....انهار وقعد على الارض: صعب اوي يا امجد معقول هيكونوا الاتنين قصاد عيني انا كدا هموت
امجد حضنه وقلبه بيتقطع على صاحبه: بعد الشر عنك يا صاحبي
رامي: يارتني كنت اتعاملت معاها كويس من الاول كانت حبتني انا معقول يا امجد هتكون مع عز طب وقلبي هيروح فين ولا يحب مين انا مستحيل اقدر احب تاني
امجد: ممكن تهدى وبلاش نتكلم في الموضوع دا الفترة دي على ماتكون كويس
رامي وقف: انا لازم افوق لنفسي يا امجد
امجد: ناوي على ايه
رامي: ناوي ارمي الحب ورايا وادوس على قلبي وافوق لشغلي واوصل للي انا عاوزه
امجد: كدا هتقلقني عليك
رامي: لا ماتقلقش عليا دا انت المفروض تطمن عشان اللي حصل دا هيقويني مش هيضعفني
امجد: خايف عليك يا صاحبي انا قلقان عليك بجد ومهما تقول انا عارف انك بتعاند
رامي: من النهاردة هتشوف واحد تاني انا هشوف شغلي وبس
امجد: اللي يريحك انا معاك فيه ولو عاوز الاجازة انا موافق
رامي: لا مش هاخد اجازات
امجد: اللي تشوفه يا صاحبي
رامي قعد على الارض تاني ومسح دموعه وحط ايده على قلبه وبيكلم قلبه: انا اسف ليك انا اللي عملت فيك كدا انا السبب بس اوعدك اني هقوى وهحافظ عليك ومش هضعف ولا هوجعك تاني
امجد سامعه وقلبه بيتوجع اكتر واكتر على صاحبه ، وشوية بعد إلحاح من امجد رامي ركب معاه عربيته وكلم حد يجي ياخد عربية رامي
____________________________
عز قاعد في اوضته مستني رامي عشان ققان عليه واول ماسمع صوت عربية بص من الشباك ونزل بسرعة يقابله
عز: ايه يا رامي كنت فين كل دا قلقتني عليك
رامي بسخرية😏: تقلق عليا ليه ياعز هو انا صغير
عز: لا ياحبيبي بس انك تسبني ومشي دا غريب ، انت اه بعت رسالة كنت على الاقل ادخل وتشوف مليكة بالمرة
رامي: معلش مرة تانية انا هطلع انام عشان مانمتش كويس
عز: ماشي
رامي طالع لشقتهم وقبل مايفتح الباب دور وشه وبص على اوضته الخاصة اللي قصاد الشقة وبيكلم نفسه بصوت مش مسموع: بقيتي ماضي وانتهى ومن النهاردة مش هبص ورايا نهائي .... وفتح باب شقتهم ودخل اوضته ونام
- في وقت متأخر من الليل رامي صحي من النوم ودماغه مصدعة خرج من اوضته شاف امل اخته قاعدة في الصالة وبتذاكر
رامي: ايه يا مولا لسة صاحية
امل: اه يا حبيبي قولت اذاكر شوية
رامي: مريم ماطلعتش تذاكر معاكي النهاردة ولا ايه
امل: لا كانت بتذاكر بس عاوزة تنام فنزلت وانا قولت اكمل انا شوية انت عارف ان معتش وقت
رامي: طب ممكن اعطلك شوية وتعمليلي فنجان قهوة عشان مصدع
امل: حاضر يا حبيبي
امل دخلت المطبخ ورامي طلع قعد في البلكونة وشوية وامل جات بالقهوة
رامي اخد القهوة: اقعدي يا امل عاوز اتكلم معاكي شوية
امل قعدت: خير يا رامي
رامي: مش ناوية تحكيلي
امل بتوتر: احكيلك ايه هو في حاجة؟!
رامي بخبث: ايوا فيه ومخبية حاجة كمان
امل بتحاول تهرب من عيونه: انا مش مخبية حاجة
رامي: خلاص عادي هبقى اسأل اوسامة
امل بصتله اول وسكتت
رامي ابتسم: بصي يا امل انا مش زعلان منك انك خبيتي عني واوسامة جه حكالي
امل: حكالك؟
رامي: ايوا هو ماحبش يتقابل معاكي من غير مايعرفني
امل: بس انا مكانش قصدي اخبي عليك والله انا كنت عاوزة اعرف هو ناوي على ايه
رامي: انا مش زعلان منك بس كنتي افرضي ان دا واحد تاني غير اوسامة كان ممكن يكون وحش
امل بتسمعه بإهتمام ومش بترد
رامي: اوسامة انسان كويس وصاحبي من زمان وقريب مني جدا وانا بحبه وانا موافق عليه
امل فرحت اوي: يعني انت موافق بجد
رامي برخامة: يابت اتقلي شوية
امل بخجلر انت رخم على فكرة
رامي: احكيلي بقى لما اتقابلته اتكلمتوا في ايه
امل: حاضر
*فلاش باك*
اوسامة وصل النادي وبعد شوية امل وصلت وشافته قاعد على ترابيزة قريبة من حمام السباحة واول ماهو شافها وقف
امل: انا اتأخرت عليك ولا ايه؟
اوسامة: لا ابدا انا اللي جيت بدري شوية
امل قعدت واوسامة طلب من الجرسون عصير برتقال وقهوة
اوسامة: تحبي نبدأ بإيه
امل: اللي تشوفه وانا سمعاك
اوسامة: بس انا عاوز اسمع رأيك
امل اتكسفت وبصت في الارض
اوسامة ابتسم: يعني افهم من كدا انك موافقة
امل باردوا ساكتة
اوسامة: المهم دلوقتي عاوز نتكلم جد شوية عشان اعرفك شوية حاجات مهمة
امل: قول وانا سمعاك
اوسامة: انا لما بحب حد بحبه من كل قلبي وبشيله في عيني واصونه بس فيا عيب بسيط اني غيرتي ذيادة حبتين
امل: بس الغيرة هي اساس الحب
اسامة: يعني دي حاجة مش هضايقك
امل: لا بالعكس وانا كدا بالظبط احب انك تكون ليا لوحدي يعني مافيش اي بنت تقربلك
اسامة بفرحة: الله اكبر ايه الكلام الحلو دا
امل اتكسفت وسكتت
اسامة: لا بقولك ايه انا ما صدقت انك اتكلمتي
امل: بطل انت بس تكسفني وانا هتكلم
اسامة: حاضر المهم انا الحمدلله حالتي المادية كويسة جدا وقريب اوي هيبقى ليا مكتب لوحدي ان شاء الله
امل: ان شاء الله ربنا يوفقك وبعدين مش محتاج سكرتيرة
اسامة مسك ايدها: لا انتي هتبقي في البيت ليا وبس عشان لو بقيتي معايا في الشركة انا كدا هرتكب جريمة بسبب غيرتي وهيبقى في ناس داخلة وخارجة وانا مش عاوز حد يبصلك كدا ولا كدا
امل: حاضر
اسامة: كدا نبقى متفقين وهكلم رامي واخد معاد عشان اجي لعمي اشرف
امل: ممكن اطلب منك طلب
اسامة: اطلبي طبعا
امل: ممكن تخلي الموضوع دا لبعد الامتحانات عشان معتش غير اسبوع واحد بس
اسامة: موافق بس دا مايمنعش ان باباكي يارب مبدأيا بس وبعد الامتحانات نعمل خطوبة
امل: خلاص ماشي
قعدوا مع بعض شوية واتغدوا مع بعض كمان وكل واحد فيهم رجع بيته
*عودة من الفلاش باك*
رامي: خلاص المهم تخلصي امتحاناتك وبعدها ان شاء الله نعمل خطوبة
امل: ان شاء الله ، طب وانت مش ناوي تحكيلي
رامي بصلها اوي: احكيلك ايه؟!
امل: رامي انا اختك مش حد غريب عنك وحاسة بيك اوي وبتحاول تداري مبك جوا قلبك
رامي اتعصب: امل الكلام دا ماتتكلميش في تاني احسن
امل: انا مش بقولك كدا عشان تتعصب انا عاوزة اطمن عليك وبعدين مش انا لوحدي اللي حاسة بدا بابا كمان شايف كدا وحاسس بدا كمان
رامي بهدوء: امل لو سمحتي مش عاوز كلام في الموضوع دا
امل بيأس: حاضر يا رامي
رامي ساب امل ونزل الجنينة ونام على العشب وبص للسما والنجوم وصورة مليكة بتترسم ادامه في السما وبيغمض عينه اوي وجملتها اللي بوجع قلبه لسة سامعها (وانا كمان بحبك ياعز) قام وقف وحط ايده علي ودانه: كفااااية انا تعبت
فضل سهران لحد الفجر طلع اتوضى ونزل صلى في الجامع وفضل يدعي ربنا انه يريح قلبه من الوجع ، رامي فضل صاحي لحد الصبح وكان عاوز يجري شوية بس جسمه مرهق وفضل قاعد في الجنينة كام ساعة كدا وشوية واسامة صاحبه وصل ادام البيت ورن عليه ورامي قاله يدخل هو قاعد في الجنينة
اوسامة دخل وبيبص لرامي جامد وسلم عليه وقعد على الكرسي قصاده
اوسامة: من غير اسئلة كتير اتفضل احكي عن اللي مضايقك
رامي ابتسم نص ابتسامة: دايما فاهمني
اوسامة: يا رامي انت مش مجرد صديق انت اخ والله وعاوز اطمن عليك وباين عليك الحزن بس المرادي غير كل مرة ياصاحبي
رامي حكاله كل حاجة و اوسامة بيسمعه بكل اهتمام
اوسامة: مش يمكن قالت بتحبه عشان قالها بحبك وهي دايما قريبة منه وكمان بسبب معاملتك معاها
رامي: انا عارف ان معاملتي زفت وخصوصا اخر مرة كنا متخانقين وهي سافرت عند اخوالها بسبب كدا
اوسامة بشك: ليه انت عملت ايه🤔
رامي حكاله على اللي حصل من بسمة واللي حصل منه لمليكة
اوسامة: في حد يعمل اللي انت عملته دا وبعدين بسمة دي انسانة مستفزة وانت عارف اننا مش بنحبها من ايام الجامعة
رامي: والله يا ابني ماكتتش اعرف انها هتعمل كدا انا اتفجأت بيها
اوسامة: طب اتفجأت وعرفناها تروح بقى تشرح لمليكة اللي حصل تقوم تبوسها
رامي: اهو اللي حصل بقى
اوسامة: وانا اللي بقول عليك عاقل وهادي
رامي: بقولك ايه لا عاقل ولا زفت اللي حصل حصل وخلاص
اوسامة: طب وانت ناوي على ايه
رامي: هعيش لنفسي ولشغلي واوصل للي انا عاوزه وهقوي قلبي والحب دا همسحه من قاموسي
اوسامة: شايف ان دا حل ؟
رامي اتعصب: عاوزني اعمل ايه بعد ماسمعتها بتقوله بحبك اقف مكاني وانسى مستقبلي لا يا اوسامة مش انا اللي ابان ضعيف ، انا اصلا بفكر اطلب من امجد ينقلني الفرع التاني
اوسامة: وانت بقرارك دا هتبان قوي دا اسمه هروب يا صاحبي
رامي سكت وما اتكلمش
اسامة: بص يا صاحبي انت مش صغير عشان اقولك تعمل ايه او ماتعملش ايه انت حر.....اوسامة وقف عشان هيمشي: انا ماشي يا رامي ، سلام
رامي زعلان على نفسه وبيفكر يكلم اوسامة اللي هو فعلا صح.....شوية وطلع ولبس وراح الشركة
___________________
نيجي لمليكة
مليكة قاعدة في اوضتها في بيت خالها وشوية والباب خبط ودخلت 'هاجر' بنت خالها
هاجر(بنت خال مليكة وفي تفس عمرها واتخرجت من كلية العلوم وعندها معمل تحاليل خاص بيها)
هاجر: صباح الخير يالوكا
مليكة: صباح الورد ياجوجو
هاجر: بقولك ايه ماتيجي نخرج نفطر بارة
مليكة: فكرة حلوة انا اصلا كنت عاوزة اخرج اغير جو
هاجر: تمام اشطا اجهزي انتي على ما اجهز
هاجر خرجت وسابت مليكة ، مليكة قاعدة زعلانة وبتفتكر يوم ما طلبت من ابوها يجيبها هنا
*فلاش باك*
مليكة في اوضتها واخدت قرار وخرجت لأبوها بارة
مليكة: بابا كنت عاوزة اطلب منك طلب
محمد: خير يا حبيبتي
مليكة قعدت: كنت عاوزة حضرتك توديني عند خالي عمر
محمد: ليه يا حبيبتي مش انتي الفترة دي عندك شغل مهم
مليكة: اه بس انا هطلب من امجد اني اخد اجازة
محمد بقلق: فيكي ايه يابنتيي انتي باين عليكي الزعل
مليكة الدموع اتجمعت في عيونها ودمعة خانتها ونزلت: مافيش يا بابا انا كويسة
محمد بقلق اكتر: ايه اللي يخليكي تعيطي كدا
مليكة: مافيش يا بابا انا مخنوقة من ضغط الشغل
محمد: يبقى بلاش شغل خالص انتي اصلا مش محتاجة دا
مليكة: لا يا بابا انا بحب شغلي وحضرتك عارف ان دا اللي انا عاوزاه
محمد: طب ممكن تبطلي عياط
مليكة: حاضر بس عاوزة اروح عند خالي اغير جو
محمد: حاضر يا حبيبتي اجهزي وانا اوديكي
*عودة من الفلاش باك*
مليكة مسحت دموعها اللي نزلت وقامت تلبسس عشان تخرج من بنت خالها
____________________
*نيجي لشركة الزيني*
عز ورامي وصلوا الشركة وكل واحد منهم دخل مكتبه والسكرتيرة قالت لبسمة ان رامي وصل
بسمة خرجت من مكتبها وراحت لرامي خبطت وهو سمح بالدخول ، رامي اول ماشافها ما انت مش وكمل شغل عادي
بسمة اضايقت من تجاهله ليها بس بتحاول ابان احسن عشان تنفذ خطتها
بسمة: انا كنت جايا اتأسف ليك على اللي حصل رامي وهو مركز في الورق اللي ادامه رد عليها من غير حتى مايبصلها: انا هعتبر ان دا ماحصلش واتفضلي على مكتبك
بسمة اضايقت وخرجت وراحت مكتبها وشوية والسكرتيرة جات لرامي وقالتله ان امجد عاوزه ، رامي راح لمكتب امجد وخبط ودخل
امجد: تعالى يا رامي
رامي قعد: خير يا امجد
امجد: دلوقتي مليكة لازم ترجع الشغل ، هما يومين بس و الشغل محتاجها
رامي: وانا مالي ، اهي عندك كلمها
امجد: هو انا بقولك كدا عشان تقولي انا مالي
رامي: امجد انا ماليش دعوة بيها من النهاردة ولا اقولك روح لعز وقوله
في الوقت دا عز خبط ودخل
رامي: اهو عز جه قوله.....رامي خرج وسابهم
عز استغرب: هو في ايه
امجد: اقعد بي كدا
عز قعد وامجد اتكلم: قولي كنت عاوز ايه
عز: كان في ملف عاوز امضتك
امجد: طب هات امضي
عز اداله الملف: هو رامي ماله
امجد: لا ابدا مافيش ، بقولك ايه مليكة لازم ترجع الشغل
عز: ايوا فعلا عشان انا من غيرها تايه بجد
امجد ضحك: احسن حاجة فيك انك عارف نفسك
عز ضحك: ياعم رحم الله امرئ عرف قدر نفسه
امجد: ماشي ياعم المهم كلمها وشوف هتقولك ايه ولو قالت حاجة هكلمها انا
عز: لا بص الاحسن ان انت اللي تكلمها عشان تقتنع
امجد: ماشي خلاص هكلمها
عز وقف: ماشي انا في مكتبي....عز خرج وامجد كلم مليكة وسمح ليها بيومين كمان بس مش اسبوع ، في اليومين دول رامي بدأ الچيم ويهتم بجسمه ويشوف نفسه وسمتقبله ، وامجد معتش بيتكلم مع رامي عن مليكة ، وكمان رامي مايعرفش انها هترجع الشغل النهاردة
عز ورامي كالعادة راحوا الشركة ، وعادل ابن خال مليكة وصلها الشركة بعدهم بشوية (طلعت من بيت خالها على الشركة وعادل هيوصل شنطة
هدومها البيت) امجد طلب رامي وعز وشوية ودخلوا مكتب امجد وكانت المفجأة ان مليكة جوا
الحلقة العاشرة
#رواية_اختارتك_أنت❤
#بقلم_ايمان_جمال
_______________
رامي وعز دخلوا وكانت المفجأة ان مليكة جوا ، على الرغم من ان عز اتفاجأ بيها بس رامي كانت مفاجأته اكبر منه
امجد: تعالو عشان عاوزكم وخصوصا ان مليكة جات
عز بفرحة: ايه دا اخيرا وافقتي تلغي الاجازة
مليكة: عشان تعرف اني مش هعرف اقعد اسبوع من غير ما اشوفك ولا ارخم عليك
رامي قلبه وجعه من كلامها لعز وهو لسة ذي ماهو واقف مكانه ومليكة بتهرب بعنيها بعيد عن عيونه عشان اللي حصل اخر مرة
امجد حاسس بصاحبه: تعالى يا رامي لسة واقف ليه
رامي قعد بعيد عن مليكة تقريبا يعني قاعد وراها وطبعا عز قاعد على الكرسي قصادها
رامي بيكلم امجد: خير يا امجد
امجد: دلوقتي بالنسبة للمناقصة فالمفروض هنعرف بكرة احنا كسبنا ولا لا
رامي بثقة: أكيد من غير اي شكوك احنا كاسبينها كالعادة بإذن الله
امجد: ان شاء الله ، المهم انتوا عارفين اننا اول مرة ندخل مناقصة بالشكل دا وشراكة كبيرة ذي دي
عز: عاوز تقول ايه
امجد: عاوز اقول ان عشان نصمم كل اللي اشتغلنا عليه لازم نروح الفرع التاني للمؤسسة بتاعتنا عشان اللي شغالين هناك انا معتمدش على حد فيهم وخصوصا عماد اخويا هو اه موجود و الشغل ماشي ذي الفل بس لازم ناس ثقة من فريق العمل نفسه
مليكة: يعني دلوقتي حضرتك عاوز تقول ان حد فينا لازم يروح هناك
امجد: بالظبط كدا يامليكة
رامي اتكلم: يبقى انا ودا اللي سبق وطلبته منك ورفضت
امجد بصله اوي وكأنه بيقوله اصبر لما أكمل كلامي: وأهي جاتلك الفرصة انك تروح هناك بس أنا جمعتكم النهاردة عشان انتوا التلاتة هتروحوا هناك سوا
رامي انصدم وبص لأمجد وكأنه بيقوله انت اكيد بتهزر وأمجد كاتم ضحكته بالعافية ، محدش بيهم اتكلم خالص
امجد: سكتوا ليه ايه رأيكم؟!
مليكة ردت: طب وليه أنا اروح ماهو عز نفس تخصصي وشاطر كمان
عز رد عليها: لا بقولك ايه انا كنت من غيرك تايه في الشغل واسألي امجد اهو امال هو كلمك ليه ولغيتي الاجازة
مليكة ضحكت: محدش يعتمد عليك في حاجة ابدا
امجد وجه كلامه لمليكة: طب مش عاوزة تررمي ليه يامليكة
مليكة: ابدا مافيش بس حضرتك عارف اننا هنا كلنا اصحاب وعارفين بعض لكن هناك مش عارفين مين هيتعامل كويس او لأ وخصوصا ان حضرتك ليك أخ وهو اللي ماسك الشغل هناك وأكيد مش هيبقى ذي حضرتك معانا
امجد ضحك: هو فعلا مش ذيي خالص لأنه تقريبا كدا اتفه مني😂 وبيحب الضحك والهزار كدا ودمه خفيف هو اه اكبر مني بس شخصيته مرحة جداا
(عماد الأخ الوحيد لأمجد اكبر منه بست سنين ، عمره 30 سنة ، طويل ووسيم وشعره بني وبشرته بيضاء)
رامي ساكت تماما وبيسمع كلامهم وامجز وهيموت ويضحك بس ماسك نفسه
عز: طب احنا هنروح امتى؟
امجد: ان شاء الله كمان اسبوع بس مش لما نسمع رأي رامي
رامي بصله وسكت وهاين عليه يقوم يخنقه وامجد مش قادر خلاص هيموت ويضحك
عز: اكيد هيوافق
مليكة: تمام يافندم ان شاء الله نكون جاهزين ، اي اوامر تاني
امجد بإبتسامة بسيطة: لا تقدروا تروحوا على مكاتبكم
كل الحوار دا ورامي مكانه ومش بيعمل حاجة غير انه بيبص لأمجد 😠
عز بيكلم رامي: ايه يا رامي مش هتروح على مكتبك
رامي باردوا ساكت و مافيش اي رد منه : وامجد بيحاول يتمالك نفسه: روح انت ياعز وسيب رامي عشان عاوزه
مليكة وعز خرجوا ، وأول ماخرجوا رامي وقف وقرب على امجد: تقدر تقولي ايه اللي انت عملته دا
امجد خلاص معتش قادر يمسك نفسه من الضحك وضحك اوووووي لدرجة ان بطنه وجعته من كتر الضحك ومش قادر يتكلم واخيرا اتكلم
امجد بضحك: اهدى بس كدا واقعد عشان بصتك دي وراها بوكس انما ايه😂
رامي: اللي انت عملته دا قليل عليه بوكس دا عاوز علقة موت
امجد ضحك اوي: لا بقولك ايه انا من يوم ما انت بدأت تروح الچيم وانا بقيت بخاف منك وبعدين انت محتاج چيم في ايه دا انت لما كنا في الجامعة كنت بتشترك في مباريات البوكس😂
رامي ضحك: انت مافيش مرة تتكلم فيها جدا ابدا
امجد طلعله لسانه😛: لا
رامي قعد: طب بطل شغل العيال دا واقعد فهمني ايه اللي انت هببته دا
امجد: فيها ايه يعني لما انتوا التلاتة تروحوا هناك
رامي: امجد ماتعصبنيش مابقاش لسة قايلك من كام يوم اني عاوز اتنقل عشان ابعد عنها تقوم قايل انا وهي وعز نروح هناك
امجد بجدية: الشغل محتاج ليكم هناك يا رامي وانتوا التلاتة بتكملوا بعض
رامي: انت كدا بتوجعني اوي يا امجد
امجد قام وراح وقف جمبه: رامي اللي عرفته مابيهربش من المواجهة
رامي بخنقة: رامي اللي انت تعرفه انا مش قادر ارجعه تاني ، انا بحاول اكون اقوى بس غصب عني يا امجد انا انسان وبحس مش حجر ، كل مرة بوعد نفسي ان اللي حصل هيقويني بس انا مش قادر لسة كلامها معاه اخر مرة في وداني انا موجوع يا امجد
امجد: صدقني اللي عملته دا كويس ليك عشان تقدر تواجه وتقدر تعيش لأنهم هيبقوا ادامك طول الوقت
رامي وقف فجأة: بص انا خلاص قررت حاجة وهعملها
امجد: ناوي على ايه يا صاحبي
رامي: ناوي افوق بس وافق ان بسمة تروح معانا
امجد بفجأة: نعم يا اخويا انت ناوي تهبب ايه
رامي: لو سمحت يا امجد انا عاوز دا لو فعلا عاوز تشوفي مرتاح
امجد بشك: ناوي على ايه يا رامي انطق
رامي بصله وسابه ومشي
___________
في مكتب مليكة قاعدة وسرحانة على الرغم من ان عنيها كانت بعيدة عن رامي طول ما هما كانوا قاعدين بس كانت شيفاه ولأول مرة تاخد بالها من وسامته ، قطع سرحانها دخول. بسمة المكتب
بسمة: حمدلله عالسلامة يامليكة
مليكة: الله يسلمك
بسمة: تسمحيلي اقعد اتكلم معاكي شوية
مليكة: اتفضلي بس لو عاوزة تتكلمي في حاجة من اللي حصلت يبقى بلاش احسن
بسمة: انا بتأسفلك على اللي حصل
مليكة: بصي يايبمة الأسف مش ليا انا المفروض يكون لرامي عشان انا ماليس دعوة
بسمة: يعني ما اضايقتيش
مليكة وقفت ومشت تجاه الشباك الازاز اللي بيبص على جنينة الشركة: هضايق ليه دي حاجة ماتخصنيش انا بس عاوزة اقولك حاجة ، ودورت وشها وبصتلها: خليكي غالية شوية (اوبس الجبهة طارت😂)
بسمة اضايقت اوي من كلام مليكة بس بانت طبيعية: عندك حق لازم اكون تقيلة
قطع كلامهم دخول رامي اللي خبط ومليكة سمحت بالدخول واول ماشافته دورت وشها وبتبص عالجنينة وبسمة حبت تعمل فيها العاقلة
بسمة: طب انت هستأذن انا
رامي: انا رحتلك المكتب بس لاقيتت فاضي وعرفت انك هنا
بسمة بفرحة: يعني انت جاي عشاني طب يالا نروح مكتبي
رامي بص على مليكة اللي ضهرها له: روحي وانا هحصلك
بسمة الى حد ما اضايقت بس من جواها فرحانة انه بدأ يتعامل معاها كويس ، سابتهم وخرجت
رامي مش عارف يقول ايه وهي من يوم اللي حصل وهي بتتكسف حتى تتكلم معاه او تبصله واخيرا رامي اتكلم
رامي: كنت عاوز اتكلم معاكي شوية يابنت عمي
مليكة فرحت بكلمة 'بنت عمي' لانها بتحبها منه بس واقفة في مكانها من غير ماتبصله: اتكلم انا سمعاك
رامي: ما انتي عارفة ان مابحبش اتكلم مع حد وظهره ليا
مليكة اتشجعت وبصتله ومع ابتسامة هادية: عمرك ماهتتغير
رامي فرح بردها: طبعا بس مستعد اتغير للأحسن عشان خاطر ناس بحبها
مليكة مش فاهمة بس محبتش تسأل: ماقولتليش كنت عاوز تتكلم تقول ايه
رامي اضايق انها هربت من الكلام بس اتكلم عادي: انا بتأسف عن اللي حصل مني
مليكة اتكسفت ووشها احمر اوي لانه يقصد بكلامه انه باسها وسكتت ومش ردت
رامي لاحظ كسوفها بس محبش يكسفها اكتر وقرب: ممكن تفهميني ايه سبب سكوتك دا
مليكة: انت قولت عاوز تتكلم وانا بسمعك
رامي: يعني افهم من كدا انك قابلة اعتذاري
مليكة: بص يا رامي انت ابن عمي ومش هسألك انت ليه عملت كدا بس هتقبل اعتذارك عشان احنا اهل بس اللي بطلبه منك ان دا مايتكررش تاني وهطلب منك حاجة كمان
رامي بإهتمام: ايه هي؟
مليكة: انك ماتخلنيش احس اني بالنسبة ليك ولا حاجة انا لحد دلوقتي معرفش ايه سبب
معاملتك معايا ، احنا ايام الجامعة كنت بتتعامل معايا احسن من كدا بكتير ومش عاوزة اعرف ليه معاملتك اتغيرت معايا بس
اللي بطلبه منك انك تتعامل معايا ذي امل ومرين يارامي انا اكتر حاجة بكرهها هي العصبية والصوت العالي على اي حاجة
وخلاص ولو انت مش عاوز تتعامل معايا عرفني وانا اوعدك اني مش هتكلم معاك حتى الشغل مش هسألك فيه بس بلاش المعاملة القاسية دي
رامي بيسمع كل كلمة منها وقلبه موجوع بس بعد اللي سمعه معتش عارف يعمل ايه او يتصرف ازاي ، قرب منها ومسك وشها بإيده: والله يامليكة كل دا غصب عني بجد صدقيني
مليكة اتكسفت انه مسك وشها وبصت في الارض: باردوا هتقولي غصب عنك
رامي: للأسف معنديش رد غير دا ، بس اوعدك يا بنت عمي ان من النهارده هتعامل معاكي ذي امل ومريم عشان انتي ذيهم وذي اختي
مليكة سمعت كلمة 'ذي اختي' وزعلت منها اووي وسكتت مش ردت عليه
رامي كمل كلامه: ولما نروح الغردقة عشان الفرع اللي هناك صدقيني هتكوني بنت امي واختي وهتعامل معاكي ذي ماتحبي
مليكة ابتسمت وحست براحة بس لسة مضايقة من كلمة 'اختي' بس اتكلمت عادي: خلاص يا رامي اتفقنا
رامي: اتفقنا ، انا رايح عل ىمكتبي وشوية وهنروح كلنت سوا
مليكة: معلش هتروح انت عشان انا وعز هنروح نتغدى سوا بارة وهنرجع البيت بعد الغدا
رامي قلبه وجعه اووي💔 وبيقول في نفسه: حتى ماقولتيش تعالى معانا ، عندك حق ماهو حبيبك
رامي: تمام براحتكم ..... وسابها وخرج
______________
رامي خرج من مكتب مليكة ودخل مكتب بسمة وفضل يتكلم معاها حوالي نص ساعة وبعدها
راح مكتبه وخلص الشغل اللي وراه واخد مفاتيح عربيته ونزل مشي من الشركة وجواه قرار وهينفذه خلاص (هو تقريبا
نفذ نصه اصلا) ، عز ومليكة راحوا يتغدوا في مطعم شيك جدا وكانت عملاله مفاجأة وهو فرح بيها جدا وحاسس ان قلبه مرتاح وفرحان بالخطوة اللي بدأ يمشي فيها
امل واسامة بيتكلموا واتفقوا انه يجي لأبوها النهاردة عشان يتقدملها والخطوبة تكون بعد الامتحان ، مريم بقى اللي هيبقى ليها حكاية تانية خالص وهنتفاجئ بيها كلنا)
___________________
في المساء الكل متجمع في شقة اشرب والتجمع النهاردة غير كل مرة عشان اوسامة جاي يتقدم لأمل ، شوية واسامة ومامته وصلوا
(ناهد: ام اوسامة ، ست طيبة جدا وحنونة وعمرها في اواخر الخمسين بس مش باين عليها السن)
اوسامة دخل هو ووالدته واعمام امل وأبوها قاعدين وعز وراني ومعتز اخو مليكة
اوسامة بيوجه كلامه لأشرف: حضرتك طبعا عارف ايه سر الزيارة دي بس حاببهم اقول لحضرتك بنفسي ، انا جاي اطلب ايد امل من حضرتك
اشرف معجب جدا بعريس بنته وفعلا ابنه عرف يختار صاحبه: وانا موافق لأني مش هلاقي لبنتي عريس احسن منك
اسامة بفرحة: انا متشكر جدا ياعمي واللي حضرتك تطلبه انا موافق عليه
اشرف بزعل: ايه اللي بتقوله دا احنا بنشتري راجل وكفاية انك صاحب ابني وانت ذي رامي بالظبط
اسامة: ربنا يخلي حضرتك ياعمي
ناهد(ام اسامة): وانا هشيلها في عيني وماتقلقش عليها خالص هي هتكون في شقتها وانا في شقتي وبراحتها خالص
صالح(ابو عز): ودا اللي احنا متأكدين منه ومش قلقانين خالص عليها لأنها في ايد امينة
اشرف بيوجه كلامه لرامي: ادخل يا رامي هات اختك
وبعد دقايق بسيطة امل دخلت وهي شايلة العصير وقدمت لكل واحد كوبايته وجات عند اسامة وبدل ماتديله الكوباية سابتله الصنية كلها في ايده😂
الكل ضحك عليها وعلى كسوفها وقرروا يقرأوا الفاتحة واصوات الذغاريد كانت ظاهرة من ام امل وزوجات اعمامها ومريم ومليكة والكل بيسلم عليها وقرروا ان تلبيس الشبكة هيبقى بعد الامتحانات يعني بعد شهر
رامي بيسلم علي اسامة: مبروك يا صاحبي
اسامة: الله يبارك فيك يا حبيبي عقبالك انت كمان.....رامي ابتسم وبس
عز بيسلم على اسامة: مبروك يا حبيبي
اسامة: الله يبارك فيك يازيزو وعقبالك انت كمان بقى
عز بص لمليكة وغمزلها وهي ضحكت وهو بص تاني لأسامة: عن قريب ان شاء الله
اسامة ورامي شافوا نظرات عز لمليكة ، ورامي اضايق ودا اللي خلاه يقرر انه ينفذ بقية قراره
رامي: بما ان الكل متجمع والكل فرحان احب اخلي الفرحة فرحتين
اشرف بيبص لأبنه وكأنه بيقوله معقول اخيرا هتتكلم ، واسامة مستني يسمع قرار صاحبه وحاسس انه هيعمل كارثة وهيصدم الكل
محمد(ابو مليكة): اوعى تقول انك ناوي تفرحنا بيك
رامي: ايوا ياعمي و عشان كدا قررت اني أخطب
صالح(ابو عز): وياترى مين اللي مامتها دعيالها دي
رامي: بسمة زميلتي
الصدمة كانت كبيرة اووي بالنسبة لأشرف ولأما ولأسامة ولحنان ام رامي ، ومحدش اتكلم ولا رد عليه غير اعمامه بيباركوله عادي
رامي مركز على ملامح مليكة اللي مافيش اي رد فعل منها نهائي والصدمة الاكبر لرامي هو ردها
مليكة: اخيرا واحد فيكم انت وعز هنشوفه عريس ، مبروك يا رامي ربنا يسعدكم
رامي مصدوم اوي من ردها رغم انه كان متوقع دا بس كان نفسه يلاقي منها اي اشارة ترجعوا عن قراره