الحلقة الثالثة عشر والرابعة عشر
#رواية_اختارتك_انت❤
#بقلم_ايمان_جمال❤
_______________
*في مكتب مليكة*
قاعدة مشغولة على اللاب والباب خبط وهي سمحت بالدخول وعنيها على اللاب
ياسين: تصدقي شكلك حلو وانتي قاعدة على المكتب
مليكة رفعت عينها: ياسين!
ياسين: ايه خضيتك
مليكة: لا ابدا ، بس فجأتني بس اقعد واقف ليه
ياسين قعد: اصل كنت قريب من الشركة يولت اطلع اشوفكم بقالكم فترة مختفيين حتى سمعت بخبر خطوبة رامي بالصدفة
مليكة: الخطوبة جات فجأة لينا كلنا وسريعة والفترة دي كلنا مشغولين عشان هنسافر الغردقة بعد بكرة
ياسين بفرحة: بجد ، أنا كمان رايح انا واصحابي هناك بعد يومين ، انتوا راحين شغل ولا فسحة
مليكة ضحكت: فسحة مين بس يا ياسين احنا شكلنا كدا السنادي مش هنعرف ناخد أجازة
ياسين: بس انتوا ان شاء الله ادها
مليكة: اهو بنعمل كل جهدنا عشان الشركة تبقى أحسن شركة
ياسين: ربنا يوفقكم يارب ، انا كنت طلبت من امجد اني انضم ليكم هنا وهو رحب جدا بالفكرة
مليكة: طب كويس والله
ياسين: انا هروح بقى ابص على رامي وعز واشوف امجد
ياسين لسة خارج وبيفتح الباب رامي دخل
رامي اتفاجأ بوجود ياسين: ياسين!
ياسين: كنت لسة جايلك والله
رامي: ايه يا ابني مختفي فين
ياسين: انا باردوا اللي مختفي ، وبعدين مبروك ياعم كدا اعرف بالصدفة
امجد: والله كل حاجة جات بسرعة
ياسين: ماشي ياعم هسامحك انت وبسمة المرادي المهم انا خلاص هنضم ليكم في الشركة
رامي: بجد
ياسين: اه والله بس بعد ما ارجع من الغردقة
رامي: انت رايح انت كمان ؟!
ياسين: اه رايح فسحة وعرفت من مليكة بالصدفة اهو انكم راحين بعد بكرة ، واهو ممكن اجيلكم هناك
رامي بص لمليكة ووجه كلامه لياسين: انزل في القرية الخاصة بأمجد واحنا كلنا هنكون هناك
ياسين: والله فكرة حلوة هبقى اتفق مع اصحابي
رامي: تمام ، معلش يا ياسين اسبقني انت عند عز وانا هجيلك
ياسين: ماشي
ياسين خرج ورامي قعد قصاد مليكة وهي اصلا بتحاول تشغل نفسها في الورق اللي ادامها
رامي: عاوز اتكلم معاكي شوية ممكن
مليكة بصتله: ممكن يارامي اتكلم
رامي: انتي مش بتحبي بسمة ليه
مليكة: دي حاجة تخصني انا ، وبعدين مش انا لوحدي اللي مش بحبها
رامي سكت شوية وبعد كدا رد: طب ممكن اسألك عن حاجة تانية تخص عز
مليكة: ايه هي؟!
رامي: هو مش كان بيحبك انتي يبقى ليه هيخطب هنا؟!
مليكة: وانت عرفت منين انه كان بيحبني !
رامي: عرفت وخلاص بس انا عاوز افهم
مليكة: عاوز تفهم ايه
رامي: ليه هيخطب 'هنا' ؟
مليكة حكتله كل حاجة حصلت يوم ماعز راح ليها عند خالها ، ورامي قاعد متفاجئ من اللي بيسمعه ومصدوم اوي ومليكة خلصت كلامها
رامي: يعني هي كانت بتحبه؟
مليكة: اه وانا لاحظت دا من فترة قريبة واتكلمت مع عز ونبهته وهو فكر صح وحبه ليا كان مجرد حب اخوات ، اننا من صغرنا مع بعض وقريبين من بعض
رامي: يعني انتي مش بتحبيه؟
مليكة: مين قال اني مش بحبه ، انا بحبه جدا بس بحبه ذي اخويا وبس ، انت عارف اني كان نفسي يبقى ليا اخ اكبر مني وعز كان دا رغم ان سننا واحد بس هو قريب مني جدا
رامي: طب ولو انتي كنتي بتحبي عز كنتي هتعملي ايه في الموقف دا ادام هنا؟
مليكة: بص يا رامي لو كنت فعلا بحبه ساعتها كنت هبقى محتارة اوي عشان صاحبتي بس ساعتها هو اللي يختار مش انا ، بس الوقت وضع مختلف عز من اول حياته وهو مايعرفش اي بنت في حياته غير وغير اختك واخته عشان كدا قولتله على 'هنا' عشان حبه ليا مجرب حب اخوات ، انا كان ممكن اقولك اني لو انا اللي بحبه اضحي بحبي عشان سعادة صاحبتي بس صدقني يارامي انا يوم ما الاقي الحب اللي بتمناه همسك فيه لآخر نفس فيا
رامي: طب وانتي بتحبي
مليكة بصتله اوي وكأنها عاوزة تقوله حاجة بس سكتت شوية وبعد كدا ردت: تفتكر لو كنت بحب كان لسة زماني معاكم
رامي ابتسم نص ابتسامة: بس عز شكله مبسوط
مليكة: لازم كل واحد فينا يبقى جواه حب لحد مايخبيهوش ، لازم يخرج الحب اللي جواه ويسعد نفسه قبل مايفوت الآوان ويلاقي نفسه خسر حبيبه ومع حد غيره (مليكة قالت الجملة دي ودمعة نزلت من عنيها ومسحتها بسرعة بس رامي شافها)
رامي سكت لأنه ندمان على فرص كتير ضيعها
مليكة: المهم يالا عشان الاجتماع
رامي ومليكة خرجوا ودخلوا اوضة الاجتماعات وكان امجد وعز وياسين قاعدين وشوية والمهندس كمال دخل وبسمة بعده بشوية
امجد: جهزت التصميمات ياكمال
كمال: ايوا يافندم بس دول تصميمين بس والباقي بعد يومين
امجد: طب ليه مش انا قولت يخلصوا كلهم في يومين بس
كمال: حضرتك قولت كدا فعلا ، بس لسة فيه وقت يبقى ليه الاستعجال واحنا ادامنا وقت كافي ونخلص شغلنا على أكمل وجه
رامي: كمال بيتكلم صح يا امجد
امجد: طب تمام ، ومليكة وعز خلصوا دراسة الجدوى ؟
مليكة: ايوا جاهز
بسمة: هو انا ممكن اشوف الملف دا؟
امجد: ليه؟
بسمة: عادي هو مش من حقي بما اني في الشؤون القانونية مع رامي يعني عادي ولا في مشكلة؟
رامي: لا ابدا مافيش مشكلة تشوفيه عادي
مليكة اضايقت اوي بس حاولت تبان طبيعي: بس المفروض ان مستر امجد ياخد الملف الوقتي يعني شوفيه واحنا قاعدية عشان عاوز يراجعه
بسمة بتردد: هو ماينفعش اخده معايا على مكتبي عشان اشوف الافكار
عز: امجد بس اللي يقولك اذا كان ينفع ولا لا
امجد: ماشي يابسمة تقدري تاخديه بعد الاجتماع
بسمة بفرحة: شكرا جدا
مليكة استغربت فرحتها اوي وان يعني ملف ذي دا مش مستاهل الفرح دي كلها بس سكتت وخلاص
(اتكلموا في كل حاجة والاجتماع خلص وكل واحد راح مكتبه ماعد مليكة)
امجد: في حاجة يامليكة؟!
مليكة: كنت عاوزة اتكلم معاك في حاجة مهمة
امجد: تعالي نروح مكتبي
مليكة وامجد راحوا على المكتب
_____________
*في مكتب رامي*
قاعد سرحان وبسمة دخلت من غير ماتخبط وحطت ايديها على عينه (رامي كان قاعد على أريكة الانتريه بعيد عن المكتب وضهره كان ليها)
رامي شال ايديها وبصلها: بسمة!
بسمة: انا دخلت وانت ماحستش بيا ياترى كنت سرحان في ايه
رامي: لا ابدا مرهق شوية بس
بسمة بتعمله تدليك لرقبته: هعملك تدليك يريحك اوي
رامي مش بيحب طريقتها دي بس هو فعلا محتاج للتدليك دا ففضل ساكت وسرح اكتر في كلام مليكة ان كل شخص لازم مايخبيش حبه جواه
بسمة شايفة رامي سرحان اوي ومش معاها وهي خايفة اوي لأنها عارفة انه مش بيحبها وبيحب مليكة
بسمة: سرحت تاني في ايه
رامي فاق من سرحانه: ولا حاجة اكيد في الشغل عشام هنسافر وكدا
بسمة: احنا هنسافر احنا الاربعة سوا في عربية واحدة
رامي: اكيد طبعا
بسمة: طب مش عربية عز اتصلحت خلاص
رامي: بس هيروحوا معانا
بسمة بخبث: طب ماتسيبهم على راحتهم سوا
رامي: تقصدي ايه؟!
بسمة: يعني اللي انا حساه ان عز بيحب مليكة
رامي اضايق اوي: مين قالك كدا ، عز اصلا بيحب 'هنا' صاحبة مليكة وهيروح يخطبها بعد مانيجي من الغردقة
الكلام نزل على بسمة بصدمة كبيرة واتفاجأت بيه اوي
بسمة بصدمة: بجد!
رامي: ايوا
بسمة: امال ماقالش ليه؟!
رامي: هو عاوز كدا لحد مانرجع من السفر
بسمة سكتت ومش عارفة تقول ايه ولا تعمل ايه
رامي: شفتي المف
بسمة بتردد: ها.....لا لسة
رامي: طب يالا روحي شوفيه عشان امجد هياخده معاه
بسمة: حاضر ماشي ، طب هنخرج سوا النهاردة ؟
رامي: لا معلش يابسمة النهاردة محتاج ارتاح
بسمة اضايقت بس بانت طبيعي: ماشي
بسمة خرجت ورامي خرج وراح مكتب مليكة بس مكانتش موجودة وهو خارج كانت هي داخلة
مليكة: ايه دا رامي ، كنت عاوز حاجة؟
رامي: لو كنتي خلصتي شغل تعالي نروح سوا
مليكة بإستغراب: لا بسمة لسة هتشوف الملف اللي انتي عملتيه انتي وعز
مليكة: اه طب ماشي انا كدا كدا خلصت اصلا
رامي: خلاص يالا
مليكة دخلت جابت شنطتها ونزلوا سوا وبسمة اول ماعرفت ان رامي مشي رنت عليه بس هو قافل تليفونه وبعدها كلمت نيرة واتفقت معاها انهم يتقابلوا بس بعد مابسمة تروح مشوار الاول
_________________
*في الطريق*
رامي وقف العربية عند محل ايس كريم و مليكة استغربت
مليكة: وقفت هنا ليه؟!
رامي: هجيب ايس كريم لينا
مليكة: دا بجد؟!
رامي: هو ايه اللي بجد؟
مليكة: انك هتنزل تجيب ايس كريم
رامي: وايه يعني؟!
مليكة: انت كويس يارامي
رامي ضحك اوي: مابلاش هرجع في كلامي
مليكة ضحكت: لا خلاص انزل جيب
رامي نزل يجيب الايس كريم ومليكة وهي قاعدة في العربية شافت حاجة غريبة وقررت تنزل تشوف في ايه ودخلت الكافيه اللي جمب محل الايس كريم ، شوية ورامي جه ومش لاقيها في العربية وبيبص وراه شافها جايا
رامي: كنتي فين كدا؟
مليكة: كنت ببص على حاجة في الكافيه دا
رامي: امممم ، ماشي خدي الايس كريم بتاعك
مليكة: تسلملي بجد انك جبت ايس كريم عشان كنت مشتقاله جدا
رامي: طب ليه ماطلبتيش
مليكة: بصراحة ومن غير زعل عشان كنت عارفة انك هترفض
رامي: ليه بتقولي كدا
مليكة سكتت وبصت بعيد عنه وهو عارف انها تقصد بكلامها معاملته القاسية ليها
رامي: مش قولتلك قبل كدا انه غصب عني
مليكة بصتله: وانا حاولت افهم كتير منك وانت مش بتقولي حاجة
رامي: عشان خاطري يامليكة نقفل على الموضوع دا
مليكة: حاضر يارامي
رامي بهزار: هتخلصي الايس كريم بتاعك ولا اخده منك
مليكة ابتسمت نص ابتسامة وبتاكل الايس كريم
رامي: تيجي نقضي اليوم كله بارة النهاردة
مليكة استغربت وحطت ايديها على مقدمة راسه: رامي انتي سخن؟!
رامي ضحك: يعني اتعامل معاكي بقسوة تزعلي اتعامل معاكي حلو تستغربي
مليكة: ممكن تفضل كدا
رامي زعل اوي من نفسه: اوعدك اني هفضل كدا
مليكة بإستغراب: اول مرة توعدني كنت الاول بتقولي هحاول
رامي ضحك: وربنا انا احتارت معاكي لا كدا عاجبك ولا كدا عاجبك
مليكة ضحكت اوي ورامي سرح في ضحكتها وزعلان انه خسرها بتسرعه (معلش يامليكة ياختي اصله غبي😂)
رامي: تعالي نتغدى سوا
مليكة: اول مرة اشوف ناس بتحلي قبل الاكل
رامي ضحك: عادي احنا
مليكة ضحكت وركبت العربية ورامي ساق وراحوا يتغدوا
____________
*في مطعم شيك*
عز قاعد مع 'هنا'
عز: كان نفسي اخطبك قبل السفر وخصوصا اني هقعد اسبوع هناك
هنا: يعني احنا كدا مش مخطوبين ما انت كلمت بابا واتفقنا ان بعد ماترجع بالسلامة ان شاء الله هتيجي انت واهلك ونلبس الدبل
عز: تعرفي ان الوقت بيعدي ببطئ اوي
هنا بكسوف: انا عاوزة اسبوع سفرك دا يعدي بسرعة
عز مسك ايديها وباسها: ربنا يخليكي ليا ، بجد انا فرحان بوجودك في حياتي
هنا: بحبك
عز: انا بحبك اكتر
شوية والغدا جه وقعدوا يتغدوا سوا
_____________
*في كافيه*
نيرة وبسمة قاعدين (عقارب😠)
بسمة: انا بدأت اخاف ، الأول كنا فاكرين عز بيحب مليكة وقولت دا هيمنعها عن رامي لكن عز هيخطب 'هنا' ورامي يقرب من مليكة وانا كدا مش هسكت
نيرة: اهدي وخليني اعرف افكرلك في حاجة (دماغها دا كارثة)
بسمة: لازم اشوف حل انا كدا هخسر رامي
نيرة بتفكير: بس ياستي هقولك تعملي ايه (استر يارب)
بسمة قولي بسرعة
نيرة قالت ليها هتعمل ايه وفهمتها كويس
بسمة: تفتكري اللي هعمله دا اصلا هيصدقه؟!
نيرة: اكيد بس لو انتي عملتي اللي قولتلك عليه بالظبط
بسمة: خلاص هنفذ كلامك واهي فكرة السفر جات في الوقت المناسب
نيرة: تمام وابقي ادعيلي بقى (دا انا اللي هدعي عليكي يابعيدة😠)
بسمة بتشرب العصير وفي عنيها نظرة شر وخبث
الحلقة ١٤
#رواية_اختارتك_انت❤
#بقلم_ايمان_جمال❤
__________________
مليكة ورامي قاعدين يتغدوا ، ورامي فرحان اوي من جواه اوي وفي نفس الوقت زعلان لانه مش عارف يعمل ايه (حطيت نفسك في موقف زفت😠)
مليكة: رامي
رامي: نعم
مليكة: ليه ماعرفتش بفسمة اننا هنخرج هي لما تعرف هتزعل
رامي: هو انا خارج مع حد غريب دا انتي بنت عمي
مليكة: بس باردوا يارامي هي بتحبك و اكيد بتغيير عليك
رامي كان لسة هيرد بس تليفون مليكة رن وكان عمها اشرف وهي ردت
مليكة: ايوا ياعمي
اشرف: ماتعرفيش رامي فين او قافل تليفونه ليه
مليكة: احنا مع بعض ياعمي بنتغدى سوا
اشرف بإستغراب: انتوا مين ، انتي ورامي؟!
مليكة: اه ياعمي
اشرف: طب خليه يكلمني
رامي اخد التليفون من مليكة
رامي: ايوا يابابا
اشرف: دا انتوا مع بعض بجد بقى
رامي: اه يابابا هنخلص غدا ونيجي على البيت
اشرف: لا براحتك ياحبيبي ، واتمنى تلحق نفسك
رامي: مش وقته يا بابا الكلام دا
اشرف: ماشي ياحبيبي ، يالا هقفل انا سلام
رامي قفل مع ابوه وفضل سرحان ومليكة لاحظت دا
مليكة: هو في حاجة يارامي عمي قالك حاجة؟
رامي: لا ابدا انا بس سرحت شوية
مليكة: ماشي ياسيدي ، ها هتعمل ايه بكرة
رامي: ازاي مش فاهم
مليكة: يعني انا بكرة هنزل انا وعز و'هنا' نشتري شوية حاجات يعني لبس عشان السفر
رامي ضحك: انتوا كدا رايحين تصيفوا مش تشتغلوا
مليكة ضحكت: يعني هو الاسبوع كله شغل
رامي: لا اكيد هناخد راحة يعني هناك
مليكة: يبقى خلاص نشتري هدوم بقى
رامي: خلاص ماشي وهروح معاكم كمان
مليكة: خلاص عرف بسمة بقى
رامي سكت شوية وبعد كدا رد: ماشي هكلمها
مليكة: ممكن اسألك سؤال؟
رامي: طبعا اسألي
مليكة: ليه بحس انك بتضايق لما بسألك عن بسمة
رامي سكت وماردش عليها وهي ماحبتش تسأله تاني ، خلصوا اكل ورامي من جواه مش عاوز اصلا يروح ، ومليكة لأول مرة تكون فرحانة اوي كدا مع رامي
رامي سايق العربية وسرحان لحد ماوصلوا البيت ، مليكة قبل ماتنزل من العربية بصتله: شكرا يارامي على الوقت الجميل دا
رامي ابتسم: شكرا ليكي انتي انك قبلتي نخرج سوا
مليكة اكتفت بإبتسامة ونزلت من العربية ورامي ركن العربية
*جوا في الجنينة*
امل ومريم قاعدين بيذاكروا واستغربوا ان رامي داخل مبسوط وامل فهمت ان سبب انبساطه خروجه مع مليكة
مليكة: اخبار المذاكرة ايه ياحلوين
امل: اهي ماشية
رامي بهزار: ياريت بس تنجحوا في الآخر
امل: كل سنة بتقولنا كدا وننجح
مريم: هننجح وبتقدير كمان
رامي ضحك اوي وسابهم وطلع ، مليكة قعدت معاهم شوية وطلعت وهي طالعة لفت نظرها الاوضة اللي ادام شقة عمها اشرف ونور الاوضة شغال فعشان كدا عرفت ان فيه حد جوا بس محاولتش تعرف رغم ان الفضول هيموتها ، وطلعت شقتها
*جوا الاوضة اللي عالسلم*
رامي واقف ادام الصور وبيتكلم: لأول مرة احس اني فرحان اوي ، وفرحان اكتر بفرحة حب عمري اني اتعاملت بحب معاها لأول مرة
فضل يكلم الصور كتيير وشوية وسكت وبيفكر ياترى ايه اللي هيحصل في اللي جاي ، بعدها خرج ودخل شقتهم
_____________
*في المساء*
بعد العشا مليكة وعز نزلوا الجنينة ورامي لأول مرة مايغيرش على مليكة من عز ، ونزل يقعد معاهم وشوية واسامة جه وامل ومريم نزلوا هما كمان
اسامة: خلاص هتسافروا بعد بكرة
عز: ان شاء الله
اسامة: هتقعدوا اسبوع بس ولا اكتر؟
رامي: على حسب الشغل
مليكة: يعني ممكن يبقى اكتر من اسبوع او اقل لسة مش عارفين
رامي: احتمال يبقى اكتر
اسامة: تروحوا وتيجوا بالسلامة يارب
رامي وعز ومليكة: الله يسلمك
عز لرامي: هتنزل معانا بكرة نشتري هدوم ولا ايه
رامي ضحك: يا ابني انت محسسني انك رايح تصيف مش تشتغل
اسامة مستغرب من ضحك رامي وهمس لعز: هو اللي بيضحك دا رامي
عز بنفس الهمس: المفروض
امل سمعتهم: مستغربين ليه هو كدا من ساعة مارجع من بارة مع مليكة
اسامة: هما كانوا سوا؟!
امل: ايون
رامي شاف همساتهم: بتتكلموا في ايه من غيرنا
اسامة: ولا اي حاجة يا صاحبي
فضلوا يتكلموا وفرحانين وشوية وبسمة جات ، واول ما رامي شافها اضايق
بسمة: مساء الخير يا جماعة
الكل رد ماعدا رامي
بسمة لرامي: برن عليك من الضهر وتليفونك مقفول ليه
رامي: عادي كان فاصل شحن وسبته عالشاحن فوق
بسمة: ولما شحنته مكلمتنيش ليه ؟
رامي: هو تحقيق ولا ايه ، وبعدين قولتلك هو فوق عالشاحن يعني ماشفتش مكالماتك
بسمة بعصبية: ماهو لما حضرتك تسبني في الشركة من غير ما حتى تقولي انك نازل واسأل عليك قالولي انك ومليكة نزلتوا سوا
رامي اضايق من عصبيتها عليه: بسمة الزمي حدودك ، صوتك مايعلاش عليا
اسامة والكل سامعين كلامهم وهو حاسس انهم هيمسكوا في بعض فقرر انه يهدي رامي وياخد البنات وعز ويسيب رامي وبسمة يتكلموا براحتهم
اسامة: اهدوا الموضوع مايتحلش بالطريقة دي
رامي: هو في موضوع اصلا
اسامة: معلش ، انا هاخد البنات وعز ونروح الجنينة الخلفية وانتوا اتكلموا بهدوء
كلهم مشيوا وفضل رامي وبسمة
رامي ساكت ومش بيتكلم خالص
بسمة: انت ليه بتعمل فيا كدا
رامي: بعمل ايه انا مش شايف اني عملت حاجة
بسمة: رامي انا الوحيدة اللي عارفة انك بتحبها ويمكن هما حاسين ، بس ارجوك بلاش توجعني كدا
رامي مش عارف يرد عليها لان فعلا كلامها صح بس في النهاية رد: بلاش اوهام يابسمة دي بنت عمي وانا ماغلطش لما خرجت معاها
بسمة: انا معنديش اعتراض انك تخرج مع بنات عمك بس هي لا ، عشان هي مش بنت عمك وبس يارامي
رامي زعل انه وجع بسمة(ياعم سيبك دي عقربة): حقك عليا مرتزعليش
بسمة بدأت تعيط (هذه دموع التماسيح هعهعهعهعهع😂😂 ولا بلاش نظلمها ياحرام😂): انت جرحتني باللي انت عملته دا
رامي: وانا مش قصدي اجرحك انا بتصرف عادي
بسمة: رامي انا عارفة انك حاسس انك ندمان بإرتباطك بيا وتسرعك في القرار دا وخصوصا انك عرفت ان عز بيحب 'هنا' مش مليكة بس ارجوك بلاش تجرحني اكتر من كدا (دا مهانش عليها تقوله روح لحبيبتك😠)
رامي اضايق وصعب عليه بسمة وقرب منها ومسح دموعها: خلاص ماتعيطيش
بسمة حضنت رامي وهو اتفاجئ بالحضن(انت كل شوية تتفاجئ ماتتلم بقى😂) بس سكت
________________
*في الجنينة الخلفية*
الكل قاعد ماعدا مليكة ، وشوية وجات
اسامة: اخد التليفون؟
مليكة بهدوء: لا انا لاقيتهم بيتكلموا سوا قولت لما يخلصوا نبقى نقوله ان امجد رن عليه
اسامة: خلاص ماشي
عز: يالا يالوكا اقعدي ماما بتعملنا فشار فوق
مليكة: لا معلش ياعز انا تعبانة وهطلع انام ، وسابتهم وطلعت
اسامة: بإستغراب: هي مش قالت انها هتسهر معانا ايه اللي حصل؟!
امل: انا باردوا مستغربة اوي
عز: عادي ياجماعة تلاقوها بس مرهقة من الشغل
مريم: ايوا فعلا
شوية ورامي جه وبسمة مشيت
اسامة: امال بسمة فين؟
رامي: مشت ، لاحظ ان مليكة مش موجودة: امال مليكة فين؟
عز: كانت جايا ليك تديك التليفون لان امجد بيرن عليك ومعتز جابه بس لما شافتك بتتكلم انت وبسمة فقالت بلاش تقطع كلامكم وقالت لما انت تخلص كلام نبقى نقولك ان امجد رن عليك ، وطلعت تنام عشان تعبانة
عز تليفونه رن وقام يرد بعيد
رامي لأوسامة: طب هي ليه طلعت مش كنا متفقين نسهر سوا
مريم: انتوا مستغربين طلوعها ليه عادي هي ممكن تكون تعبانة بس من الشغل
اسامة بيهمس لرامي: او يمكن شافت حاجة تاني زعلتها وطلعت تنام
رامي: قصدك ايه ؟
اسامة: انت عملت حاجة المرادي
رامي: معملتش حاجة ولا حتى شفتها اصلا
اسامة بشك: بس هي اكيد شافتك و الدليل انها قالت انكم كنتوا بتتكلموا ومحبتش تقطع كلامكم
رامي قلق وخايف انها تكون شافت بسمة وهي بتحضنه لتاني مرة على الرغم من ان بسمة خطيبته والمرادي مختلفة عن اول مرة بس لسة بيعتبر كدا خيانة لمليكة) رامي سرحان ومش عارف يقول ايه
اسامة: طلاما سرحت يبقى اكيد هببت حاجة تاني المرادي
رامي حكاله عن كل اللي حصل
اسامة؛ مش بقولك هببت ايه
رامي: بقولك ايه مش ناقص وبعدين يعني هي تضايق ليه
اسامة: انت اهبل ولا عبيط يارامي دي بنت ولما تشوفك بتعمل كدا يبقى اكيد تتكسف وتزعل وانت كمان تضايق عشان في بنات حواليك يا استاذ
رامي: معرفش بقى اهو اللي حصل حصل كنت يعني اعمل ايه وانا شايفها بتعيط ومجروحة ولما لاقيتها حضنتني حسيت انها محتاجة لدا محبتش ارفض
اسامة: طب شوف هتعمل ايه مع مليكة
رامي: هعمل ايه يعني ولا حاجة
اسامة: الكلام معاك خسارة والله دا انت رخم
رامي: انت ارخم
اسامة: طب رن على امجد يا اخويا شوف عاوزك في ايه
رامي رن على امجد وطلب منه طلب وفرح جداا ، شوية واسامة مشي والبنات ورامي طلعوا وكل واحد دخل اوضته
____________
رامي فاتح النت وباين عنده ان مليكة فاتحة وكلمها
رامي: طلاما لسة صاحية ، طلعتي ليه وسبتينا؟
مليكة استغربت من رسالته: عادي كنت زهقانة ، بس غريبة انك تكلمني هنا
رامي: اشمعنا
مليكة: يعني من زمان اوي ماتكلمناش على النت
رامي: مش انا وعدتك اني هتغير معاكي
مليكة: تمام ماشي
رامي: هنروح بكرة امتى
مليكة: اكيد على اخر اليوم كدا عشان لو اتأخرنا يعني
رامي: خلاص تمام هاخدك معايا في العربية
مليكة: ليه ما انا هروح مع عز وانت اكيد عرفت بسمة وهتيجي معاك
رامي: اولا انا مش عرفتها اصلا ، ثانيا بقى انتي قولتي ان 'هنا' جايا فأكيد عز هيفوت عليها فإنتي كدا هتيجي معايا
مليكة: ماشي ، ممكن اطلب منك انك تساعدني في حاجة
رامي: ايه هي
مليكة: اقنع بابا اسوق عربيتي تاني
رامي: انا مع عمي في رأيه بلاش تسوقيها
مليكة: عشان خاطري يارامي انا محتاجة لدا ، وبعدين دا فات سنتين والحمدلله انا كويسة مش عارفة لو كان جرالي حاجة كنتوا عملتوا ايه
رامي: كنا هنكسر العربية ومكانتش هتبقى موجودة لحد دلوقتي
مليكة: يعني مش هتساعدني
رامي: سيبي الموضوع دا لحد مانرجع من الغردقة
مليكة: حاضر ماشي
شوية والفجر اذن ومليكة دخلت تتوضى عشان تصلي(على الرغم انها مش محجبة بس ملتزمة بالصلاه)
ورامي اتوضى ونزل يصلي في الجامع ، مليكة خلصت صلاه ودخلت لمعتز في الاوضة
مليكة: كفاية مذاكرة بقى ونام
معتز: شوية وهنام يالوكا
مليكة: ماشي ياحبيبي تحب اعملك حاجة تشربها
معتز: لا ياحبيبتي
مليكة: ماشي ياحبيبي ربنا يوفقك ، واهي هانت فاضل مادتين بس
معتز: ان شاء الله
مليكة خرجت من اوضة اخوها ودخلت اوضتها ونامت
_________________
*تاني يوم الصبح*
الكل صاحي ماعدا مليكة ورامي ، عز قاعد مع اعمامه واسامة وامجد كانوا موجودين كمان وعشان النهاردة الجمعة فأجازة من الشغل
عز لعمه اشرف: دا كله رامي نايم
اشرف: سيبه نايم اهو يرتاح شوية
عز بخبث: لا لازم اصحيه
محمد ضحك: شكلك ناوي على حاجة ياعز
هما كانوا قاعدين في شقة اشرف ، وشوية عز دخل المطبخ وبعدها دخل اوضة رامي
امجد ماسك نفسه من الضحك ، واسامة بيضحك اوي لانهم فهموا عز هيعمل ايه
اشرف: انتوا عارفين هو هيعمل ايه
امجد واسامة في نفس واحد: للاسف عارفين
شوية ورامي بيصرخ في الاوضة جوا والكل بيضحك بارة وعز طالع بيجري ووقف ورا أبوه
رامي بغضب: انت اتهبلت ياعز ايه اللي انت عملته دا
عز: اعملك ايه عاوزك تصحى
رامي بغضب: تقوم تحطلي ورق بين صوابعي وتولع فيا ياحيوان
اسامة وامجد ماسكين بطنهم من كتر الضحك
رامي: انتوا بتضحكوا وسبتوه يعمل فيا كدا
صالح بضحك: عيل وغلط يارامي يا ابني
رامي ضحك غصب عنه على كلام عمه
عز: وبعدين يعني ما انت نايم ذي القتيل
رامي: طب والله ماهسيبك
رامي بيجري ورا عز ومليكة داخلة من باب الشقة ، رامي خبطها غصب عنه ووقعت دماغها اتخبط في الكرسي اغمى عليها